ಆಗಸ್ಟೆ ಮತ್ತು ಲೂಯಿಸ್ ಲುಮಿಯೆರ್

ಲುಮಿಯೆರ್ ಸಹೋದರರು (UK: /ˈluːmiɛər/, US: /ˌluːmiˈɛər/; ಫ್ರೆಂಚ್: [lymjɛːʁ]), ಆಗಸ್ಟೆ ಮತ್ತು ಲೂಯಿಸ್ ಲುಮಿಯೆರ್ ಇವರು ಫ್ರೆಂಚಿನಾ ಛಾಯಾಗ್ರಹಣ ಉಪಕರಣದ ತಯಾರಕರು. ಇವರು ೧೮೯೫ ಮತ್ತು ೧೯೦೫ರ ನಡುವೆ ನಿರ್ಮಿಸಿದ ಕಿರುಚಿತ್ರಗಳಿಗೆ ಹೆಸರುವಾಸಿಯಾಗಿದ್ದಾರೆ.

ಆಗಸ್ಟೆ ಮತ್ತು ಲೂಯಿಸ್ ಲುಮಿಯೆರ್
ಆಗಸ್ಟೆ (ಎಡ) ಮತ್ತು ಲೂಯಿಸ್
Resting place	ನ್ಯೂ ಗಿಲ್ಲೋಟಿಯರ್ ಸ್ಮಶಾನ
Alma mater	ಲಾ ಮಾರ್ಟಿನಿಯರ್ ಲಿಯಾನ್
Occupation(s)	ಚಲನಚಿತ್ರ ನಿರ್ಮಾಪಕರು, ಸಂಶೋಧಕರು
Awards	ಎಲಿಯಟ್ ಕ್ರೆಸನ್ ಪದಕ (೧೯೦೯)
ಆಗಸ್ಟೆ ಲುಮಿಯೆರ್
Born	ಆಗಸ್ಟೆ ಮೇರಿ ಲೂಯಿಸ್ ನಿಕೋಲಸ್ ಲುಮಿಯೆರ್ ೧೯ ಅಕ್ಟೋಬರ್ ೧೮೬೨ ಬೆಸನ್ಕಾನ್, ಫ್ರಾನ್ಸ್
Died	೧೦ ಏಪ್ರಿಲ್ ೧೯೫೪ (ವಯಸ್ಸು ೯೧) ಲಿಯಾನ್, ಫ್ರಾನ್ಸ್
ಲೂಯಿಸ್ ಲುಮಿಯೆರ್
Born	ಲೂಯಿಸ್ ಫ್ರಾನ್ಸಿಸ್ ಪ್ಯಾಟ್ರಿಕ್ ಜೀನ್ ಲುಮಿಯೆರ್ ೫ ಅಕ್ಟೋಬರ್ ೧೮೬೪ ಬೆಸನ್ಕಾನ್, ಫ್ರಾನ್ಸ್
Died	೬ ಜೂನ್ ೧೯೪೮ (ವಯಸ್ಸು ೮೩) ಬಂದೋಲ್ , ಫ್ರಾನ್ಸ್

ಇತಿಹಾಸ

ಲುಮಿಯರ್ ಸಹೋದರರು ಫ್ರಾನ್ಸ್‌ನಲ್ಲಿ ಜನಿಸಿದರು. ಚಾರ್ಲ್ಸ್ ಲುಮಿಯೆರ್ ಮತ್ತು ಜೀನ್ ಲುಮಿಯೆರ್ ಅವರು ೧೮೬೧ ರಲ್ಲಿ ವಿವಾಹವಾದರು. ಅವರಿಗೆ, ಆಗಸ್ಟೆ ಮತ್ತು ಲೂಯಿಸ್ ಜನಿಸಿದ ನಂತರ, ಅವರು ಸಣ್ಣ ಭಾವಚಿತ್ರ ಸ್ಟುಡಿಯೋವನ್ನು ಸ್ಥಾಪಿಸಿದರು. ೧೮೭೦ರ ಸಮಯದಲ್ಲಿ ಅವರಿಗೆ ಮಗ ಎಡ್ವರ್ಡ್ ಮತ್ತು ಮೂವರು ಪುತ್ರಿಯರು ಜನಿಸಿದರು. ಆಗಸ್ಟೆ ಮತ್ತು ಲೂಯಿಸ್ ಇಬ್ಬರೂ ಲಾಮಾರ್ಟಿನಿಯರ್ ಶಾಲೆಯಲ್ಲಿ ಓದಿದರು.

ಅವರ ತಂದೆ ಚಾರ್ಲ್ಸ್ ಛಾಯಾಗ್ರಹಣದ ಫಲಕಗಳನ್ನು ತಯಾರಿಸುವ ಸಣ್ಣ ಕಾರ್ಖಾನೆಯನ್ನು ಸ್ಥಾಪಿಸಿದರು. ಲೂಯಿಸ್ ಮತ್ತು ಒಬ್ಬ ತಂಗಿ ಸಹ ಬೆಳಿಗ್ಗೆ ೫ ರಿಂದ ರಾತ್ರಿ ೧೧ರವರೆಗೆ ಅಲ್ಲಿ ಕೆಲಸ ಮಾಡುತ್ತಿದ್ದರು. ದಿವಾಳಿಯ ಅಂಚಿನಲ್ಲಿದಾ ಈ ಕಾರ್ಖಾನೆಯು ೧೮೮೨ರ ಹೊತ್ತಿಗೆ ವಿಫಲಗೊಳ್ಳುತ್ತದೆ. ಆಗಸ್ಟೆ ಮಿಲಿಟರಿ ಸೇವೆಯಿಂದ ಹಿಂದಿರುಗಿದಾಗ ತಮ್ಮ ತಂದೆಯ ಪ್ಲೇಟ್ ಉತ್ಪಾದನೆಯನ್ನು ಸ್ವಯಂಚಾಲಿತಗೊಳಿಸಲು ಅಗತ್ಯವಾದ ಯಂತ್ರಗಳನ್ನು ವಿನ್ಯಾಸಗೊಳಿಸಿದರು ಮತ್ತು ಅತ್ಯಂತ ಯಶಸ್ವಿ ಹೊಸ ಫೋಟೋ ಪ್ಲೇಟ್ ಅನ್ನು ರೂಪಿಸಿದರು. ೧೮೮೪ರ ಹೊತ್ತಿಗೆ ಕಾರ್ಖಾನೆಯು ಒಂದು ಡಜನ್ ಕಾರ್ಮಿಕರನ್ನು ನೇಮಿಸಿತು.

೧೮೯೨ರಲ್ಲಿ ಅವರ ತಂದೆ ನಿವೃತ್ತರಾದಾಗ ಸಹೋದರರು ಚಲಿಸುವ ಚಿತ್ರಗಳನ್ನು ರಚಿಸಿದರು. ಕ್ಯಾಮೆರಾ ಮತ್ತು ಪ್ರೊಜೆಕ್ಟರ್ ಮೂಲಕ ಚಲನಚಿತ್ರವನ್ನು ಮುನ್ನಡೆಸುಲು ಪ್ರಾರಂಭಿಸಿದರು. ಅವರ ಮೂಲ ಸಿನೆಮಾಟೋಗ್ರಾಫ್‍ಯ ಪೇಟೆಂಟ್ ಅನ್ನು ಫೆಬ್ರವರಿ ೧೨, ೧೮೯೨ರಂದು ಪಡೆದರು. ಇದನ್ನು ಬಳಸಿಕೊಂಡು ರೆಕಾರ್ಡ್ ಮಾಡಿದ ಮೊದಲ ತುಣುಕನ್ನು ಮಾರ್ಚ್ ೧೯, ೧೮೯೫ರಂದು ದಾಖಲಿಸಲಾಗಿದೆ. ಲುಮಿಯೆರ್ ಸಹೋದರರು ಚಲನಚಿತ್ರವನ್ನು ಹೊಸತನವೆಂದು ನೋಡಿದರು ಮತ್ತು ೧೯೦೫ರಲ್ಲಿ ಚಲನಚಿತ್ರ ವ್ಯವಹಾರದಿಂದ ಹಿಂದೆ ಸರಿದರು.

ಲೂಯಿಸ್ ೬ ಜೂನ್ ೧೯೪೮ರಂದು ಮತ್ತು ಅಗಸ್ಟೆ ೧೦ ಏಪ್ರಿಲ್ ೧೯೫೪ರಂದು ನಿಧನರಾದರು. ಅವರ ಸಮಾಧಿಯನ್ನು ಲಿಯಾನ್‌ನ ನ್ಯೂ ಗಿಲ್ಲೊಟಿಯರ್ ಸ್ಮಶಾನದಲ್ಲಿ ಮಾಡಲಾಗಿದೆ.

ಮೊದಲ ಚಲನಚಿತ್ರ ಪ್ರದರ್ಶನಗಳು

೨೨ ಮಾರ್ಚ್ ೧೮೯೫ ರಂದು ಪ್ಯಾರಿಸ್‌ನ ಸೊಸೈಟಿ ಫಾರ್ ದಿ ಡೆವಲಪ್‌ಮೆಂಟ್ ಆಫ್ ನ್ಯಾಶನಲ್ ಇಂಡಸ್ಟ್ರಿಯಲ್ಲಿ ಪ್ರೇಕ್ಷಕರ ಮುಂದೆ, ಅವರಲ್ಲಿ ಒಬ್ಬರು ಲಿಯಾನ್ ಗೌಮಾಂಟ್ ಎಂದು ಹೇಳಲಾಯಿತು. ಆಗ ಕಂಪನಿಯ ಕಂಪ್ಟೊಯಿರ್ ಜನರಲ್ ಡೆ ಲಾ ಫೋಟೋಗ್ರಾಫಿಯ ನಿರ್ದೇಶಕರು ಲುಮಿಯರ್ಸ್ ಖಾಸಗಿಯಾಗಿ ಪ್ರದರ್ಶಿಸಿದ ಚಿತ್ರ ವರ್ಕರ್ಸ್ ಲೀವಿಂಗ್ ದಿ ಲುಮಿಯರ್ ಫ್ಯಾಕ್ಟರಿ. ಲೂಯಿಸ್ ಅವರ ಸಮ್ಮೇಳನದ ಮುಖ್ಯ ಗಮನವು ಛಾಯಾಗ್ರಹಣ ಉದ್ಯಮದಲ್ಲಿನ ಇತ್ತೀಚಿನ ಬೆಳವಣಿಗೆಗಳಿಗೆ ಸಂಬಂಧಿಸಿದೆ. ಮುಖ್ಯವಾಗಿ ಬಹುವರ್ಣದ (ಬಣ್ಣದ ಛಾಯಾಗ್ರಹಣ) ಸಂಶೋಧನೆ. ಬಣ್ಣದ ಸ್ಟಿಲ್‌ಗಳಿಗಿಂತ ಚಲಿಸುವ ಕಪ್ಪು-ಬಿಳುಪು ಚಿತ್ರಗಳು ಹೆಚ್ಚಿನ ಗಮನವನ್ನು ಉಳಿಸಿಕೊಂಡಿರುವುದು ಲುಮಿಯೆರ್‌ಗೆ ಆಶ್ಚರ್ಯವನ್ನುಂಟು ಮಾಡಿತು.

ಲುಮಿಯರ್ಸ್ ತಮ್ಮ ಮೊದಲ ಪಾವತಿಸಿದ ಸಾರ್ವಜನಿಕ ಪ್ರದರ್ಶನವನ್ನು ೨೮ ಡಿಸೆಂಬರ್ ೧೮೯೫ರಂದು ಪ್ಯಾರಿಸ್‌ನ ಸಲೂನ್ ಇಂಡಿಯನ್ ಡು ಗ್ರ್ಯಾಂಡ್ ಕೆಫೆಯಲ್ಲಿ ನೀಡಿದರು. ಈ ಪ್ರಸ್ತುತಿಯು ಕೆಳಗಿನ ೧೦ ಕಿರುಚಿತ್ರಗಳನ್ನು ಒಳಗೊಂಡಿತ್ತು:

• ಲಾ ಸೋರ್ಟಿ ಡೆ ಎಲ್ ಯುಸಿನ್ ಲುಮಿಯೆರ್ ಎ ಲಿಯಾನ್(೪೬ ಸೆಕೆಂಡುಗಳು)
• ಲೆ ಜಾರ್ಡಿನಿಯರ್(೪೯ ಸೆಕೆಂಡುಗಳು)
• ಲೆ ಡೆಬಾರ್ಕ್ವೆಮೆಂಟ್ ಡು ಕಾಂಗ್ರೆಸ್ ಡಿ ಫೋಟೋಗ್ರಫಿ ಎ ಲಿಯಾನ್(೪೮ ಸೆಕೆಂಡುಗಳು)
• ಲಾ ವೋಲ್ಟಿಜ್(೪೬ ಸೆಕೆಂಡುಗಳು)
• ಲಾ ಪೆಚೆ ಆಕ್ಸ್ ಪಾಯಿಸನ್ ರೂಜ್ಸ್(೪೯ ಸೆಕೆಂಡುಗಳು)
• ಲೆಸ್ ಫೋರ್ಜೆರಾನ್ಸ್(೪೨ ಸೆಕೆಂಡುಗಳು)
• ರೆಪಾಸ್ ಡಿ ಬೇಬೆ(೪೧ ಸೆಕೆಂಡುಗಳು)
• ಲೆ ಸೌತ್ ಎ ಲಾ ಕೌವರ್ಚರ್(೪೧ ಸೆಕೆಂಡುಗಳು)
• ಪ್ಲೇಸ್ ಡೆಸ್ ಕಾರ್ಡೆಲಿಯರ್ಸ್ ಎ ಲಿಯಾನ್(೪೪ ಸೆಕೆಂಡುಗಳು)
• ಲಾ ಮೆರ್(೩೮ ಸೆಕೆಂಡುಗಳು)

ಬ್ರಸೆಲ್ಸ್ , ಬಾಂಬೆ , ಲಂಡನ್ , ಮಾಂಟ್ರಿಯಲ್ , ನ್ಯೂಯಾರ್ಕ್ ಸಿಟಿ , ಪ್ಯಾಲೆಸ್ಟೈನ್ ಮತ್ತು ಬ್ಯೂನಸ್ ಐರಿಸ್‌ನಂತಹ ಸ್ಥಳಗಳಿಗೆ ಭೇಟಿ ನೀಡಿದ ಲುಮಿಯರ್ಸ್ ೧೮೯೬ರಲ್ಲಿ ಸಿನೆಮ್ಯಾಟೋಗ್ರಾಫ್‌ನೊಂದಿಗೆ ಪ್ರವಾಸಕ್ಕೆ ಹೋದರು.

೧೮೯೬ರಲ್ಲಿ, ಯುರೋಪ್‍ನಲ್ಲಿ ಆರಂಭಿಕ ಪ್ರದರ್ಶನದ ಕೆಲವೇ ತಿಂಗಳುಗಳ ನಂತರ ಈಜಿಪ್ಟ್‍ನಲ್ಲಿ ಲುಮಿಯರ್ ಬ್ರದರ್ಸ್ ಚಲನಚಿತ್ರಗಳನ್ನು ಪ್ರದರ್ಶಿಸಿದರು.

ಆರಂಭಿಕ ಬಣ್ಣದ ಛಾಯಾಗ್ರಹಣ

ಸಹೋದರರು " ಸಿನಿಮಾಗಳು ಯಾವುದೇ ಭವಿಷ್ಯವಿಲ್ಲದ ಆವಿಷ್ಕಾರವಾಗಿದೆ " ಎಂದು ಹೇಳಿದರು ಮತ್ತು ಜಾರ್ಜಸ್ ಮೆಲಿಸ್ ಅವರಂತಹ ಇತರ ಚಲನಚಿತ್ರ ನಿರ್ಮಾಪಕರಿಗೆ ತಮ್ಮ ಕ್ಯಾಮೆರಾವನ್ನು ಮಾರಾಟ ಮಾಡಲು ನಿರಾಕರಿಸಿದರು. ಇದು ಹಲವು ಚಿತ್ರ ನಿರ್ಮಾಪಕರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಪರಿಣಾಮವಾಗಿ, ಚಲನಚಿತ್ರದ ಇತಿಹಾಸದಲ್ಲಿ ಅವರ ಪಾತ್ರವು ಅತ್ಯಂತ ಸಂಕ್ಷಿಪ್ತವಾಗಿತ್ತು. ತಮ್ಮ ಸಿನಿಮಾ ಕೆಲಸಗಳಿಗೆ ಸಮಾನಾಂತರವಾಗಿ ಕಲರ್ ಫೋಟೋಗ್ರಫಿ ಪ್ರಯೋಗ ಮಾಡಿದರು. ಅವರು ೧೮೯೦ರ ದಶಕದಲ್ಲಿ ಲಿಪ್‌ಮನ್ ಪ್ರಕ್ರಿಯೆ (ಹೊಂದಾಣಿಕೆ ಹೀಲಿಯೊಕ್ರೊಮಿ) ಮತ್ತು ತಮ್ಮದೇ ಆದ 'ಬೈಕ್ರೊಮೇಟೆಡ್ ಅಂಟು' ಪ್ರಕ್ರಿಯೆ, ವ್ಯವಕಲನಗೊಳಿಸುವ ಬಣ್ಣದ ಪ್ರಕ್ರಿಯೆ ಸೇರಿದಂತೆ ಬಣ್ಣದ ಛಾಯಾಚಿತ್ರ ಪ್ರಕ್ರಿಯೆಗಳಲ್ಲಿ ಕೆಲಸ ಮಾಡಿದರು.

ಸಿನೆಮ್ಯಾಟೋಗ್ರಾಫ್ ಲುಮಿಯೆರ್‌ನ ಮುಂಚಿನ ಚಲನಚಿತ್ರ ವ್ಯವಸ್ಥೆಗಳು

ಮುಂಚಿನ ಚಲಿಸುವ ಚಿತ್ರಗಳು, ಉದಾಹರಣೆಗೆ ಫ್ಯಾಂಟಸ್ಮಾಗೋರಿಯಾ ಪ್ರದರ್ಶನಗಳು, ಫೆನಾಕಿಸ್ಟೋಪ್, ಝೋಟ್ರೋಪ್ ಮತ್ತು ಎಮಿಲ್ ರೇನಾಡ್ ಅವರ ಥಿಯೇಟ್ರೆ ಆಪ್ಟಿಕ್ ಕೈಯಿಂದ ಚಿತ್ರಿಸಿದ ಚಿತ್ರಗಳನ್ನು ಒಳಗೊಂಡಿತ್ತು. ಈ ಚಲಿಸುವ ಚಿತ್ರವು ಛಾಯಾಗ್ರಹಣದ ವಾಸ್ತವತೆಯನ್ನು ರೆಕಾರ್ಡ್ ಮಾಡುವ ವ್ಯವಸ್ಥೆಯು ಜನರ ಮೇಲೆ ಹೆಚ್ಚಿನ ಪ್ರಭಾವ ಬೀರಿತ್ತದೆ. ಅವರ ಕ್ರೋನೋಫೋಟೋಗ್ರಾಫಿಕ್ ಕೆಲಸದ ಆಧಾರದ ಮೇಲೆ ಚಲಿಸುವ ಚಿತ್ರಿಸಿದ ಸಿಲೂಯೆಟ್‌ಗಳನ್ನು ಯೋಜಿಸಲಾಗಿದೆ.

ಬಾಹ್ಯ ಕೊಂಡಿಗಳು

• Louis Lumière ಐ ಎಮ್ ಡಿ ಬಿನಲ್ಲಿ
• Auguste Lumière ಐ ಎಮ್ ಡಿ ಬಿನಲ್ಲಿ
• Le musée Lumière – Lumière Museum