ಜಾಕಿ (ಚಲನಚಿತ್ರ)
ಜಾಕಿ ದುನಿಯಾ ಸೂರಿ ನಿರ್ದೇಶಿಸಿದ ಮತ್ತು ಪಾರ್ವತಮ್ಮ ರಾಜ್ಕುಮಾರ್ ನಿರ್ಮಿಸಿದ 2010 ರ ಕನ್ನಡ ಭಾಷೆಯ ಸಾಹಸ ಚಿತ್ರವಾಗಿದೆ. ಚಿತ್ರದಲ್ಲಿ ಪುನೀತ್ ರಾಜ್ಕುಮಾರ್ ಮತ್ತು ಭಾವನಾ ಮುಖ್ಯ ಭೂಮಿಕೆಯಲ್ಲಿದ್ದರೆ, ಸುಮಿತ್ರಾ, ಹರ್ಷಿಕಾ ಪೂಣಚ್ಚ, ರಂಗಾಯಣ ರಘು, ಪೆಟ್ರೋಲ್ ಪ್ರಸನ್ನ, ವಿಕಾಸ್ ಮತ್ತು ರವಿ ಕಾಳೆ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
| ಜಾಕಿ (ಚಲನಚಿತ್ರ) | |
|---|---|
| ಜಾಕಿ | |
| ನಿರ್ದೇಶನ | ದುನಿಯಾ ಸೂರಿ |
| ನಿರ್ಮಾಪಕ | ಪಾರ್ವತಮ್ಮ ರಾಜ್ಕುಮಾರ್, |
| ಪಾತ್ರವರ್ಗ | ಪುನೀತ್ ರಾಜ್ಕುಮಾರ್, ಭಾವನಾ ರಂಗಾಯಣ ರಘು, ಹರ್ಷಿಕಾ ಪೂಣಚ್ಚ |
| ಸಂಗೀತ | ವಿ.ಹರಿಕೃಷ್ಣ |
| ಛಾಯಾಗ್ರಹಣ | ಸತ್ಯ ಹೆಗ್ಡೆ |
| ಬಿಡುಗಡೆಯಾಗಿದ್ದು | ಪದವಿನ್ಯಾಸ ದೋಷ: ಗುರುತಿಸಲಾಗದ ವಿರಾಮ ಚಿಹ್ನೆ"೧".
|
| ಸಾಹಸ | ಕೆ.ರವಿವರ್ಮ |
| ಚಿತ್ರ ನಿರ್ಮಾಣ ಸಂಸ್ಥೆ | ಪೂರ್ಣಿಮಾ ಎಂಟರ್ಪ್ರೈಸಸ್ |
| ಸಾಹಿತ್ಯ | ಯೋಗರಾಜ್ ಭಟ್. |
ವಿಮರ್ಶಕರ ಮೆಚ್ಚುಗೆಯೊಂದಿಗೆ ಜಾಕಿ 14 ಅಕ್ಟೋಬರ್ 2010 ರಂದು ಬಿಡುಗಡೆಯಾಯಿತು. ಚಿತ್ರವು ಅದರ ತಾಂತ್ರಿಕ ಸಾಮರ್ಥ್ಯ, ಹಾಸ್ಯಮಯ ಸಂಭಾಷಣೆಗಳು ಮತ್ತು ಸಾಹಿತ್ಯಕ್ಕೆ ಹೆಸರುವಾಸಿಯಾಗಿದೆ.
ಜಾಕಿ ಚಿತ್ರವು ಕನ್ನಡ ಚಿತ್ರರಂಗದ ಟ್ರೆಂಡ್‌ಸೆಟ್ಟಿಂಗ್ ಚಿತ್ರಗಳಲ್ಲಿ ಒಂದಾಗಿದೆ ಮತ್ತು ಪುನೀತ್ ರಾಜ್ಕುಮಾರ್ ಅವರ ವೃತ್ತಿಜೀವನದ ಹೆಗ್ಗುರುತಿನ ಚಲನಚಿತ್ರಗಳಲ್ಲಿ ಒಂದಾಗಿದೆ. ಇದು ವಿಶೇಷವಾಗಿ ವಿ.ಹರಿಕೃಷ್ಣ ಅವರ ಸಂಗೀತಕ್ಕಾಗಿ ಹೆಸರುವಾಸಿಯಾಗಿದೆ. ಯೋಗರಾಜ್ ಭಟ್ ಚಿತ್ರದ ಎಲ್ಲಾ ಹಾಡುಗಳಿಗೆ ಗೀತರಚನೆಕಾರರು. ತನ್ನ ಪ್ಲಾಟಿನಮ್ ಡಿಸ್ಕ್ ಅನ್ನು ಆಚರಿಸಿದ ಆಲ್ಬಮ್, 5.1 ಆಡಿಯೋ ಡಿವಿಡಿ ಡಿಸ್ಕ್ ಆಗಿಯೂ ಲಭ್ಯವಿದೆ. ಆಸ್ಟ್ರೇಲಿಯಾ, ಯುನೈಟೆಡ್ ಕಿಂಗ್‌ಡಮ್ ಮತ್ತು ಜರ್ಮನಿ ನಲ್ಲಿ ಯಶಸ್ವಿ ಪ್ರದರ್ಶನದ ನಂತರ, ಚಲನಚಿತ್ರವು ಫೆಬ್ರವರಿ 2011 ರಲ್ಲಿ ಯುಎಸ್ ಮತ್ತು ಸಿಂಗಪುರ ನಲ್ಲಿ ಬಿಡುಗಡೆಯಾಯಿತು. ರಾಜ್ಕುಮಾರ್ ಅವರ 1980 ರ ವಸಂತ ಗೀತ ಚಿತ್ರದ “ಕಣ್ಣಲ್ಲೆ ಏನೋ” ಹಾಡಿನ ಚಿಕ್ಕ ಭಾಗವನ್ನು ʼʼಜಾಕಿ-ಶೀರ್ಷಿಕೆ ಗೀತೆʼʼಯಲ್ಲಿ ಮರುಬಳಕೆ ಮಾಡಲಾಗಿದೆ. ಈ ಚಿತ್ರವನ್ನು ತೆಲುಗು ಭಾಷೆಗೆ ಡಬ್ ಮಾಡಿ ೨೦೧೧ರ ಮೇ ೬ರಂದು ಬಿಡುಗಡೆ ಮಾಡಲಾಯಿತು. ದಕ್ಷಿಣ ಫಿಲ್ಮ್‌ಫೇರ್ ಅವಾರ್ಡ್ಸ್ ನಲ್ಲಿ ಚಲನಚಿತ್ರವು "2010 ರ ಅತ್ಯುತ್ತಮ ಚಲನಚಿತ್ರ" ಎಂದು ಗುರುತಿಸಲ್ಪಟ್ಟಿತು. ಪುನೀತ್ ಅವರ ಜನ್ಮ ವಾರ್ಷಿಕೋತ್ಸವದ ನೆನಪಿಗಾಗಿ 15 ಮಾರ್ಚ್ 2024 ರಂದು ನವೀಕರಿಸಿದ ತಾಂತ್ರಿಕ ವೈಶಿಷ್ಟ್ಯಗಳೊಂದಿಗೆ ಚಲನಚಿತ್ರವನ್ನು ಭವ್ಯವಾಗಿ ಮರು ಬಿಡುಗಡೆ ಮಾಡಲಾಯಿತು.
ಕಥಾವಸ್ತು
ಬದಲಾಯಿಸಿಜಾನಕಿರಾಮ ಅಕಾ ಜಾಕಿ ತನ್ನ ತಾಯಿ ಜಯಮ್ಮನೊಂದಿಗೆ ವಾಸಿಸುತ್ತಿರುವ ವಾಚಾಳಿಯಾಗಿದ್ದು, ತನ್ನ ತಾಯಿಯೊಂದಿಗೆ ಹಳ್ಳಿಯೊಂದರಲ್ಲಿ ಹಿಟ್ಟಿನ ಗಿರಣಿ ನಡೆಸುತ್ತಿದ್ದಾನೆ. ಜಾಕಿ ಕಠಿಣ ಪರಿಶ್ರಮವಿಲ್ಲದೆ ಅದನ್ನು ದೊಡ್ಡದಾಗಿ ಮಾಡುವ ಕನಸು ಕಾಣುತ್ತಾನೆ ಮತ್ತು ಪರಿಣಿತ ಜೂಜುಗಾರ ಕೂಡ ಆಗಿದ್ದಾನೆ ಮತ್ತು ಅದರಿಂದ ಗಳಿಕೆಯ ಮೂಲಕ ತನ್ನ ಎಲ್ಲಾ ಸಾಲಗಳನ್ನು ಮರುಪಾವತಿ ಮಾಡಬಹುದು ಎಂದು ಭಾವಿಸುತ್ತಾನೆ. ಜಾಕಿ ಪ್ರತಿಯೊಂದು ಕೆಲಸವನ್ನು ಮಾಡುತ್ತಾನೆ ಮತ್ತು ಅವನು ರಿಯಲ್ ಎಸ್ಟೇಟ್ ನಂತಹ ದೊಡ್ಡ ವ್ಯಾಪಾರ ಮಾಡಬೇಕೆಂದು ಆಶಿಸುತ್ತಾನೆ. ಆದರೆ ಪೂಜಾರಿಯ ಮಗಳು ತನ್ನ ಪ್ರೇಮಿಯೊಂದಿಗೆ ಓಡಿಹೋಗಲು ಇವನು ಸಹಾಯ ಮಾಡುತ್ತಿದ್ದಾನೆ ಎಂದು ಎಲ್ಲರೂ ಶಂಕಿಸಿದಾಗ ಅವನು ತೊಂದರೆಗೆ ಸಿಲುಕುತ್ತಾನೆ.
ತಾರಾಗಣ
ಬದಲಾಯಿಸಿ• ಭಾವನಾ
• ಸುಮಿತ್ರಾ
• ಪೆಟ್ರೋಲ್ ಪ್ರಸನ್ನ
• ವಿಕಾಸ್
• ರವಿ ಕಾಳೆ
• ಸಂಪತ್‌ ರಾಜ್‌
• ಮಿತ್ರ
• ಶೋಬರಾಜ್
• ಸತ್ಯಜಿತ್‌
• ಸಿದ್ಧರಾಮು
ನಿರ್ಮಾಣ
ಬದಲಾಯಿಸಿಚಿತ್ರದ ನಿರ್ಮಾಣವು ಮಾರ್ಚ್ 3 ರಂದು ಕಂಠೀರವ ಸ್ಟುಡಿಯೊದಲ್ಲಿ ಪ್ರಾರಂಭವಾಯಿತು ಮತ್ತು ಬೆಂಗಳೂರು, ಮೈಸೂರು, ಇಟಲಿ ಮತ್ತು ನಮೀಬಿಯದಲ್ಲಿ 95 ದಿನಗಳ ಕಾಲ ನಡೆಯಿತು. ಈ ಚಲನಚಿತ್ರವನ್ನು ರಾಜ್ಕುಮಾರ್ ಅವರ ಕುಟುಂಬದ ಪೂರ್ಣಿಮಾ ಎಂಟರ್ಪ್ರೈಸಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಲಾಯಿತು. ಜಾಕಿ ಪುನೀತ್ ಅವರ 15 ನೇ ಚಿತ್ರ ಮತ್ತು ದುನಿಯಾ ಸೂರಿ ಅವರ ಜೊತೆಗಿನ ಮೊದಲ ಚಿತ್ರ. ಈ ಚಿತ್ರವು ಮಲಯಾಳಂ ನಟಿ ಭಾವನಾ ಅವರ ಚೊಚ್ಚಲ ಕನ್ನಡ ಭಾಷೆಯ ಚಲನಚಿತ್ರವಾಗಿದೆ. ತಮ್ಮ ಚಿತ್ರಕಥೆ ಮತ್ತು ಪಾತ್ರಗಳನ್ನು ರಹಸ್ಯವಾಗಿ ನಿರ್ವಹಿಸುವುದರಲ್ಲಿ ಹೆಸರುವಾಸಿಯಾಗಿರುವ ದುನಿಯಾ ಸೂರಿ ಅವರು, ಚಿತ್ರದಲ್ಲಿ ಜಾಕಿಯ ಜೀವನವು ಹೇಗೆ ತಿರುವು ಪಡೆಯುತ್ತದೆ ಮತ್ತು ಅವನು ಸವಾಲುಗಳನ್ನು ಎದುರಿಸುವ ರೀತಿಯನ್ನು ಮೊದಲೇ ಬಹಿರಂಗಪಡಿಸಿದರು ಮತ್ತು ಈ ಚಿತ್ರವು ಪುನೀತ್ ಅವರ ಹಿಂದಿನ ಚಿತ್ರಗಳಿಗಿಂತ ಭಿನ್ನವಾಗಿರುತ್ತದೆ ಎಂದು ಹೇಳಿದರು. ಪ್ರೇಕ್ಷಕರಿಂದ ಅಪಾರ ನಿರೀಕ್ಷೆಗಳಿದ್ದ ಕಾರಣ ಸೂರಿ ಆರಂಭದಲ್ಲಿ ಪುನೀತ್ ರಾಜ್ಕುಮಾರ್ ಅವರಿಗೆ ಚಿತ್ರವನ್ನು ನಿರ್ದೇಶಿಸಲು "ಹೆದರಿದ್ದರು" ಎನ್ನಲಾಗಿದೆ. ಸ್ನೋರಿಕ್ಯಾಮ್ ಅನ್ನು ಚಿತ್ರದ ಹಾಡುಗಳು ಮತ್ತು ಸಾಹಸ ದೃಶ್ಯಗಳಲ್ಲಿ ವ್ಯಾಪಕವಾಗಿ ಬಳಸಲಾಗಿದೆ, ಇದು ಹಾಡು ಮತ್ತು ಸಾಹಸ ದೃಶ್ಯಗಳಲ್ಲಿ ದೃಷ್ಟಿಕೋನದ ಭಾವನೆಯನ್ನು ನೀಡುತ್ತದೆ. ಈ ನಿರ್ದೇಶಕ-ನಟ ಜೋಡಿಯು, ಅಣ್ಣ ಬಾಂಡ್ ಮತ್ತು ದೊಡ್ಮನೆ ಹುಡ್ಗ ಚಲನಚಿತ್ರಗಳಲ್ಲಿ ಮತ್ತೆ ಜೊತೆಯಾಗಿ ಕೆಲಸ ಮಾಡಿತು. 2011 ರ ಬಿಡುಗಡೆಗಾಗಿ ಚಲನಚಿತ್ರವನ್ನು ತೆಲುಗು ಮತ್ತು ಮಲಯಾಳಂ ಭಾಷೆಗಳಿಗೆ ಡಬ್ ಮಾಡಿದ ಎನ್‌. ಎಸ್. ರಾಜ್ಕುಮಾರ್ ಅವರು ರಿಮೇಕ್ ಹಕ್ಕುಗಳನ್ನೂ ಖರೀದಿಸಿದ್ದರು.
ಬಿಡುಗಡೆ
ಬದಲಾಯಿಸಿಕನ್ನಡ
ಬದಲಾಯಿಸಿಚಿತ್ರದ ಬಿಡುಗಡೆಗೆ ಹಲವು ದಿನಗಳ ಮೊದಲು ದೊಡ್ಡ ಬೆಲೆಯಲ್ಲಿ ವಿತರಕರು ಖರೀದಿಸಿದ ನಂತರ ಜಾಕಿ ಕನ್ನಡ ಚಿತ್ರರಂಗದಲ್ಲಿ ಅಭೂತಪೂರ್ವ ಓಪನಿಂಗ್ ಪಡೆಯಿತು. ಜಾಕಿ ತಮಿಳುನಾಡಿನಲ್ಲಿ 4 ಮತ್ತು ಹೈದರಾಬಾದ್ ನಲ್ಲಿ 3 ಮಲ್ಟಿಪ್ಲೆಕ್ಸ್ ಜೊತೆಗೆ ಕರ್ನಾಟಕದಾದ್ಯಂತ ಬಿಡುಗಡೆಯಾಯಿತು. ಆರಂಭದಲ್ಲಿ 23 ಸೆಪ್ಟೆಂಬರ್ 2010 ಕ್ಕೆ ನಿಗದಿಯಾಗಿದ್ದ ಚಲನಚಿತ್ರವು ಡಿಜಿಟಲ್ ಗ್ರೇಡಿಂಗ್ ಬಾಕಿ ಉಳಿದಿರುವ ಕಾರಣದಿಂದ 14 ಅಕ್ಟೋಬರ್ 2010 ಕ್ಕೆ ಮುಂದೂಡಲ್ಪಟ್ಟಿತು. [೨][೩][೪][೫]
ಅಂತರರಾಷ್ಟ್ರೀಯ ಬಿಡುಗಡೆ
ಬದಲಾಯಿಸಿಆಸ್ಟ್ರೇಲಿಯಾ, ಯುಕೆ, ಸಿಂಗಪುರ, ಜರ್ಮನಿ, ಯುಎಸ್, ಆಸ್ಟ್ರೇಲಿಯಾ,ದುಬೈ ಮತ್ತು ನ್ಯೂಜಿಲ್ಯಾಂಡ್ ನಂತಹ ದೇಶಗಳಲ್ಲಿ ಬೆವಿನ್ ಎಕ್ಸ್‌ಪೋರ್ಟ್ಸ್‌ನಿಂದ ಜಾಕಿಯನ್ನು ಸಾಗರೋತ್ತರ ಬಿಡುಗಡೆ ಮಾಡಲಾಯಿತು.[೬] ಇದೇ ಸಂಸ್ಥೆಯು ಈ ಹಿಂದೆ ಕನ್ನಡದ ಬ್ಲಾಕ್‌ಬಸ್ಟರ್‌ಗಳಾದ ಮುಂಗಾರು ಮಳೆ ಮತ್ತು ಅರಮನೆ ಮೊದಲಾದ ಚಿತ್ರಗಳನ್ನು ವಿಶ್ವಾದ್ಯಂತ ಬಿಡುಗಡೆ ಮಾಡಿತ್ತು. ಜಾಗತಿಕ ವಿತರಣೆಯು ಪೂರ್ಣಿಮಾ ಎಂಟರ್ಪ್ರೈಸಸ್ ಮತ್ತು ಬೆವಿನ್ ಎಕ್ಸ್‌ಪೋರ್ಟ್ಸ್ ನಡುವಿನ 50:50 ಹಂಚಿಕೆಯ ಮೇಲೆ ಇರುತ್ತದೆ. ಈ ಚಲನಚಿತ್ರವು ಡಿಸೆಂಬರ್ 29 ರಂದು ಭಾರತೀಯ ಮೆಲ್ಬೋರ್ನ್ ಚಲನಚಿತ್ರೋತ್ಸವದ ಭಾಗವಾಗಿತ್ತು. ಯುನೈಟೆಡ್ ಸ್ಟೇಟ್ಸ್‌ನಲ್ಲಿ, ಜನವರಿ 2011 ರ 2 ನೇ ವಾರದಿಂದ "ಜಾಕಿ" ಹಂತ-ಹಂತವಾಗಿ ಬಿಡುಗಡೆಯಾಯಿತು. ಅದರ ಮೊದಲ ಹಂತದಲ್ಲಿ, ಪ್ರದರ್ಶನವನ್ನು ಸ್ಯಾನ್ ಫ್ರಾನ್ಸಿಸ್ಕೋ ಮತ್ತು ಬೇ ಏರಿಯಾ. ಮುಂದಿನ ಹಂತದಲ್ಲಿ, ಚಲನಚಿತ್ರವನ್ನು ಲಾಸ್ ಎಂಜಲೀಸ್, ನ್ಯೂಜೆರ್ಸಿ, ಡಲ್ಲಾಸ್ ಮತ್ತು ಹೂಸ್ಟನ್. ಸಿಂಗಪುರ ನಲ್ಲಿ, ಚಲನಚಿತ್ರವನ್ನು 6 ಮಾರ್ಚ್ 2011 ರಂದು ಪ್ರದರ್ಶಿಸಲಾಯಿತು.
ತೆಲುಗು
ಬದಲಾಯಿಸಿತೆಲುಗು ಡಬ್ಬಿಂಗ್ ಆವೃತ್ತಿಯನ್ನು ಸೂರಜ್ ಫಿಲ್ಮ್ಸ್ ಸ್ಟುಡಿಯೋ ಮೂಲಕ ನಾಡೆಲ್ಲಾ ಸುಜಾತಾ ನಿರ್ಮಿಸಿದ್ದಾರೆ ಮತ್ತು ಇದನ್ನು 6 ಮೇ 2011 ರಂದು ಆಂಧ್ರ ಪ್ರದೇಶದಲ್ಲಿ ಬಿಡುಗಡೆ ಮಾಡಲಾಯಿತು.
ವಿಮರ್ಶಾತ್ಮಕ ಪ್ರತಿಕ್ರಿಯೆ
ಬದಲಾಯಿಸಿಟೈಮ್ಸ್ ಆಫ್ ಇಂಡಿಯ ಪತ್ರಿಕೆ "ಪುನೀತ್ ರಾಜ್ಕುಮಾರ್ ಅವರ ಅತ್ಯುತ್ತಮವಾದ ಆಕ್ಷನ್-ಪ್ಯಾಕ್ಡ್ ಥ್ರಿಲ್ಲರ್" ಎಂದು ಬರೆದಿದೆ.ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ನ ವಿಮರ್ಶಕರು ಹೀಗೆ ಬರೆದಿದ್ದಾರೆ: "'ಜಾಕಿ' ಒಂದು ಆಹ್ಲಾದಕರ, ವೇಗ-ಗತಿಯ ಮನರಂಜನಾತ್ಮಕ ಚಿತ್ರ. ಹೆಚ್ಚಿನ ಮನರಂಜನೆಯ ಅಂಶವಿರುವ,ಉತ್ತಮ ಛಾಯಾಗ್ರಹಣ ಮತ್ತು ಸಾಹಸ ದೃಶ್ಯಗಳಿಂದ ತುಂಬಿರುವ ಈ ಚಿತ್ರವನ್ನು ವೀಕ್ಷಿಸಲು ಪ್ರೇಕ್ಷಕರು ಸಂತೋಷ ಪಡುತ್ತಾರೆ. " ʼʼರೆಡಿಫ್.ಕಾಮ್‌ʼʼ ಪ್ರಕಾರ "ಜಾಕಿ ಕ್ಲಾಸ್ ಮತ್ತು ಮಾಸ್‌ ಎರಡನ್ನೂ ಪೂರೈಸುತ್ತದೆ.ಇದು ಮಾನವ ಕಳ್ಳಸಾಗಣೆ ಕುರಿತಾದ ಸಂದೇಶವನ್ನೂ ಹೊಂದಿದೆ."
ಪ್ರಶಸ್ತಿಗಳು
ಬದಲಾಯಿಸಿ- 2010 ರ ಅತ್ಯುತ್ತಮ ಚಲನಚಿತ್ರ - ಸುವರ್ಣ ಅವಾರ್ಡ್ಸ್ 2011
- ಅತ್ಯುತ್ತಮ ನಟ - ಪುನೀತ್ ರಾಜ್ಕುಮಾರ್ – ಸುವರ್ಣ ಅವಾರ್ಡ್ಸ್ 2011
ಧ್ವನಿಮುದ್ರಿಕೆ
ಬದಲಾಯಿಸಿಜಾಕಿ ಕನ್ನಡ ಧ್ವನಿಮುದ್ರಿಕೆಯನ್ನು ಆಗಸ್ಟ್ 2010 ರಲ್ಲಿ ಬಿಡುಗಡೆ ಮಾಡಲಾಯಿತು. ಇದೇ ಮೊದಲನೆಯ ಬಾರಿಗೆ, ಬೆಂಗಳೂರು ಮೂಲದ “ಟೆಲಿಬ್ರಹ್ಮ” ಎಂಬ ಕಂಪನಿಯಿಂದ ಬ್ಲೂಟೂತ್ ಆಡಿಯೋವನ್ನೂ ಇದರೊಂದಿಗೆ ಏಕಕಾಲದಲ್ಲಿ ಬಿಡುಗಡೆ ಮಾಡಲಾಯಿತು.
ಈ ಚಿತ್ರಕ್ಕೆ ವಿ.ಹರಿಕೃಷ್ಣ ಅವರು ಸಂಗೀತ ಸಂಯೋಜಿಸಿದ್ದಾರೆ, ಯೋಗರಾಜ್ ಭಟ್ ಅವರು ಚಿತ್ರದ ಎಲ್ಲಾ ಹಾಡುಗಳನ್ನು ಬರೆದಿದ್ದಾರೆ.
ಉಲ್ಲೇಖಗಳು
ಬದಲಾಯಿಸಿ- ↑ "Puneet's 'Jackie' release on May 6". IndiaGlitz. 2 May 2011. Archived from the original on 3 May 2011. Retrieved 1 November 2013.
- ↑ "'Jackie' on October 14". The New Indian Express. 12 October 2010.
- ↑ [೧] Archived 27 October 2010 ವೇಬ್ಯಾಕ್ ಮೆಷಿನ್ ನಲ್ಲಿ.
- ↑ Jackie Release In October. Chitraloka.com. Retrieved on 8 March 2014.
- ↑ "Jackie To Be Released On 23rd September". Film My Friday. 3 ಆಗಸ್ಟ್ 2010. Archived from the original on 12 ಅಕ್ಟೋಬರ್ 2013. Retrieved 1 ನವೆಂಬರ್ 2013.
- ↑ Jackie to release overseas on Karnataka Rajyotsava. Entertainment.oneindia.in (20 October 2010). Retrieved on 2014-03-08.