ಸನ್ ಗ್ರೂಪ್

ಸನ್ ಗ್ರೂಪ್ ಚೆನ್ನೈ ಮೂಲದ ಭಾರತೀಯ ಮಾಧ್ಯಮ ಸಮೂಹವಾಗಿದೆ . ಇದನ್ನು ೧೯೯೨ ರಲ್ಲಿ ಕಲಾನಿತಿ ಮಾರನ್ ಅವರು ಸ್ಥಾಪಿಸಿದರು. ಸನ್ ಗ್ರೂಪ್, ದೂರದರ್ಶನ ಮಾಧ್ಯಮಗಳ ಹೊರತಾಗಿ, ೪೮ ಎಫ್ಎಂ ರೇಡಿಯೋ ಕೇಂದ್ರಗಳು, ಎರಡು ದಿನಪತ್ರಿಕೆಗಳು, ಐದು ನಿಯತಕಾಲಿಕೆಗಳು, ಡಿಟಿಎಚ್ ಉಪಗ್ರಹ ಸೇವೆ ಮತ್ತು ಟಿ20 ಕ್ರಿಕೆಟ್ ಫ್ರಾಂಚೈಸಿಗಳನ್ನು ಹೊಂದಿದೆ.

ಅಂಗಸಂಸ್ಥೆಗಳು

ಕೇಬಲ್ ದೂರದರ್ಶನ

೧೯೯೦ ರಲ್ಲಿ, ಕಲಾನಿತಿ ಮಾರನ್ ತಮಿಳಿನಲ್ಲಿ ಪೂಮಾಲೈ ಎಂಬ ಮಾಸಿಕ ವೀಡಿಯೊ (VHS) ಸುದ್ದಿ ಪತ್ರಿಕೆಯನ್ನು ಪ್ರಾರಂಭಿಸಿದರು. ಸನ್ ಟಿವಿ , ಈ ಗುಂಪಿನ ಮೊದಲ ಚಾನಲ್. ಸನ್ ಟಿವಿಯನ್ನು ೨೪ ಏಪ್ರಿಲ್ ೨೦೦೬ ರಂದು $೧೩೩ ಮಿಲಿಯನ್ ಸಂಗ್ರಹಿಸುವ ಮೂಲಕ ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ ಪಟ್ಟಿಯಲ್ಲಿ ಸೇರಿಸಲಾಯಿತು. ಸನ್ ಗ್ರೂಪ್, ಸನ್ ಟಿವಿ ನೆಟ್‌ವರ್ಕ್‌ನ ೩೭ ಟಿವಿ ಚಾನೆಲ್‌ಗಳನ್ನು ನಾಲ್ಕು ದಕ್ಷಿಣ ಭಾರತೀಯ ಭಾಷೆಗಳಾದ ತಮಿಳು, ತೆಲುಗು, ಕನ್ನಡ, ಮಲಯಾಳಂನಲ್ಲಿ ಮಾಲೀಕತ್ವ ಹೊಂದಿದೆ ಮತ್ತು ಉತ್ತರ ಭಾರತದಲ್ಲಿ ಟಿವಿ ಚಾನೆಲ್ ವಿಭಾಗದ ಮೊದಲ ಹೆಜ್ಜೆಯಾಗಿ ಬಂಗಾಳಿಯಲ್ಲಿ ಮತ್ತು ಎರಡನೇ ಹಂತವಾಗಿ ಮರಾಠಿಯಲ್ಲಿ ಟಿವಿ ವಾಹಿನಿಗಳನ್ನು ಪ್ರಾರಂಭಿಸಿತು.

ಡಿಟಿಎಚ್ ಮತ್ತು ಕೇಬಲ್

ಸನ್ ಡೈರೆಕ್ಟ್ ೨೦೦೭ರಲ್ಲಿ ಸ್ಥಾಪಿಸಲಾದ ಡಿಟಿಎಚ್ ಸೇವೆ. ಇದು ಮಾರ್ಚ್ ೨೦೧೫ ರ ಹೊತ್ತಿಗೆ ಭಾರತದಲ್ಲಿ ನಾಲ್ಕನೇ ಅತಿ ದೊಡ್ಡ DTH ಸೇವೆಯಾಗಿದೆ.

ರೇಡಿಯೋ

ರೆಡ್ ಎಫ್‌ಎಂ, ಸೂರ್ಯನ್ ಎಫ್‌ಎಂ, ಮ್ಯಾಜಿಕ್ ಎಫ್‌ಎಂ ೧೦೬.೪ ಎಂಬ ಹೆಸರಿನಲ್ಲಿ ಭಾರತದಾದ್ಯಂತ ಪ್ರಸಾರವಾಗುವ ೭೦ ಎಫ್‌ಎಂ ರೇಡಿಯೊ ಕೇಂದ್ರಗಳನ್ನು ಹೊಂದಿದೆ.

ದಿನಪತ್ರಿಕೆಗಳು ಮತ್ತು ನಿಯತಕಾಲಿಕೆಗಳು

ಸನ್ ಗ್ರೂಪ್ ತಮಿಳಿನಲ್ಲಿ ಎರಡು ದಿನಪತ್ರಿಕೆಗಳು ಮತ್ತು ಐದು ನಿಯತಕಾಲಿಕೆಗಳನ್ನು ಹೊಂದಿದೆ. ದಿನಕರನ್ ಪತ್ರಿಕೆಯನ್ನು ೧೯೭೭ ರಲ್ಲಿ ಕೆಪಿ ಕಂದಸಾಮಿ ಸ್ಥಾಪಿಸಿದರು. ಇದು ೨೦೧೦ರಲ್ಲಿ ದಿನ ತಂತಿಯ ನಂತರ ಭಾರತದಲ್ಲಿ ಎರಡನೇ ಅತಿ ಹೆಚ್ಚು ಪ್ರಸಾರವಾದ ತಮಿಳು ದಿನಪತ್ರಿಕೆಯಾಗಿದೆ. ತಮಿಳು ಮುರಸು ಒಂದು ಸಂಜೆ ಪತ್ರಿಕೆ. ಕುಂಗುಮಮ್, ಕುಮ್ಗುಮಾ ಚಿಮಿಳ್, ಕುಂಗುಮಮ್ ಥೋಳಿ, ಆಣ್ಮಿಗಮ್, ಮುತಾರಂ ಮತ್ತು ವನ್ನತಿರೈ ಎಂಬ ನಿಯತಕಾಲಿಕೆಗಳನ್ನೂ ಸನ್ ಗ್ರೂಪ್ ಹೊಂದಿದೆ.

ಚಲನಚಿತ್ರ ನಿರ್ಮಾಣ

ಸನ್ ಪಿಕ್ಚರ್ಸ್ ೨೦೦೦ರಲ್ಲಿ ಸ್ಥಾಪನೆಯಾದ ಚಲನಚಿತ್ರ ನಿರ್ಮಾಣ ಮತ್ತು ವಿತರಣಾ ಕಂಪನಿಯಾಗಿದೆ. ಇದು ಟಿವಿ ಚಲನಚಿತ್ರ ಸಿರಗುಗಲ್ ಮತ್ತು ರಜನಿಕಾಂತ್ ಅಭಿನಯದ ಎಂದಿರನ್ ಅನ್ನು ನಿರ್ಮಿಸಿತು. ಕಾದಲಿಲ್ ವಿಝುಂತೇನ್‌ ನಿಂದ ಪ್ರಾರಂಭಿಸಿ 20 ಕ್ಕೂ ಹೆಚ್ಚು ತಮಿಳು ಚಲನಚಿತ್ರಗಳನ್ನು ವಿತರಿಸಿದೆ.

ಓಟಿಟಿ ಪ್ಲಾಟ್‌ಫಾರ್ಮ್

ಸನ್ ನೆಕ್ಸ್ಟ್ ಜಾಗತಿಕ ಆನ್‌ಲೈನ್ ಆಡಿಯೋ/ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಆಗಿದ್ದು, ಜೂನ್ ೨೦೧೭ ರಲ್ಲಿ ಸನ್ ಟಿವಿ ನೆಟ್‌ವರ್ಕ್ ಸ್ಥಾಪಿಸಿದೆ. ಇದು ಸನ್ ಗ್ರೂಪ್ ಒಡೆತನದಲ್ಲಿದೆ. ಇದು ವಿಜಯ್ ಅವರ ಸರ್ಕಾರ್ , ಅಜಿತ್ ಕುಮಾರ್ ಅವರ ಮಂಕಥಾ, ಮತ್ತು ರಜನಿಕಾಂತ್ ಅವರ ಪೆಟ್ಟಾ ಮುಂತಾದ ಚಲನಚಿತ್ರಗಳು ಸೇರಿದಂತೆ ೪೦೦೦ ಕ್ಕೂ ಹೆಚ್ಚು ಚಲನಚಿತ್ರ ಶೀರ್ಷಿಕೆಗಳನ್ನು ಹೊಂದಿದೆ. ಸನ್ ಟಿವಿ ನೆಟ್‌ವರ್ಕ್ ೨೦೨೨ ರ ಮಧ್ಯದಿಂದ ಮೂಲ ವೆಬ್ ಸರಣಿ ಮತ್ತು ಮೂಲ ಓಟಿಟಿ ಚಲನಚಿತ್ರಗಳನ್ನು ಮಾಡುವ ಮೂಲಕ ಅದರ ಓಟಿಟಿ ಪ್ಲಾಟ್‌ಫಾರ್ಮ್, ಸನ್ ನೆಕ್ಸ್ಟ್ ನಲ್ಲಿ ಹೆಚ್ಚು ಹೂಡಿಕೆ ಮಾಡಲು ಯೋಜಿಸುತ್ತಿದೆ.

ದೂರದರ್ಶನ ನಿರ್ಮಾಣ ಕಂಪನಿ

ಸನ್ ಎಂಟರ್‌ಟೈನ್‌ಮೆಂಟ್ ಟೆಲಿವಿಷನ್ ಪ್ರೊಡಕ್ಷನ್ ಕಂಪನಿಯಾಗಿದ್ದು, ಸನ್ ಟಿವಿಯ ಡೈರೆಕ್ಟ್ ಟಿವಿ ಪ್ರೀಮಿಯರ್‌ಗಾಗಿ ಸಣ್ಣ ಬಜೆಟ್ ಚಲನಚಿತ್ರಗಳನ್ನು ನಿರ್ಮಿಸುತ್ತದೆ. ಟಿವಿಯಲ್ಲಿ ಚಲನಚಿತ್ರ ಬಿಡುಗಡೆಯಾದ ನಂತರ ಇದು ಸನ್ ಎನ್‌ಎಕ್ಸ್‌ಟಿ ಒಟಿಟಿ ಅಪ್ಲಿಕೇಶನ್‌ನಲ್ಲಿ ಮಾತ್ರ ಲಭ್ಯವಿರುತ್ತದೆ. ಮುಂಬರುವ ಸನ್ ಎನ್‌ಎಕ್ಸ್‌ಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಮುಂಬರುವ ಎಲ್ಲಾ ವೆಬ್‌ಸರಣಿಗಳನ್ನು ಸಹ-ನಿರ್ಮಾಣ ಮಾಡುತ್ತದೆ ಮತ್ತು ಅವರ ಟಿವಿ ಚಾನೆಲ್‌ಗಳಲ್ಲಿ ತೋರಿಸುತ್ತಿರುವ ಧಾರಾವಾಹಿಗಳ ಸಹ-ನಿರ್ಮಾಣವನ್ನೂ ಮಾಡಿತ್ತದೆ.

ಕ್ರೀಡೆ

ಸನ್‌ರೈಸರ್ಸ್ ಹೈದರಾಬಾದ್ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ಆಡುವ ಹೈದರಾಬಾದ್ ನಗರ ಮೂಲದ ಕ್ರಿಕೆಟ್ ಫ್ರಾಂಚೈಸ್ ಆಗಿದೆ. ಈ ತಂಡವನ್ನು ಕಲಾನಿತಿ ಮಾರನ್ ಅವರು ಅಕ್ಟೋಬರ್ ೨೦೧೨ರಲ್ಲಿ ಖರೀದಿಸಿದರು. ಡೇನಿಯಲ್ ವೆಟ್ಟೋರಿ ಮುಖ್ಯ ಕೋಚ್ ಆಗಿದ್ದು, ಪ್ಯಾಟ್ ಕಮಿನ್ಸ್ ತಂಡದ ನಾಯಕರಾಗಿದ್ದಾರೆ. ಅವರು SA20ಯ ಸನ್‌ರೈಸರ್ಸ್ ಈಸ್ಟರ್ನ್ ಕೇಪ್‌ ಕ್ರಿಕೆಟ್ ಫ್ರಾಂಚೈಸಿಯನ್ನೂ ಹೊಂದಿದ್ದಾರೆ.

ವಿಮಾನಯಾನ

ಜೂನ್ ೨೦೧೦ ರಲ್ಲಿ ಸನ್ ಗ್ರೂಪ್, ಭಾರತೀಯ ಕಡಿಮೆ-ವೆಚ್ಚದ ಕ್ಯಾರಿಯರ್ ಸ್ಪೈಸ್‌ಜೆಟ್‌ನಲ್ಲಿ ೩೭.೭% ಪಾಲನ್ನು ಸ್ವಾಧೀನಪಡಿಸಿಕೊಂಡಿತು. ೨೦೧೨ ರಲ್ಲಿ, ನಷ್ಟದ ಹೊರತಾಗಿಯೂ ಕಲಾನಿತಿ ಮಾರನ್, ಈ ವಿಮಾನಯಾನ ಸಂಸ್ಥೆಯಲ್ಲಿ ಹೂಡಿಕೆ ಮಾಡಿದರು. ಜನವರಿ ೨೦೧೫ ರಲ್ಲಿ, ಸನ್ ಗ್ರೂಪ್ ತನ್ನ ಸಂಪೂರ್ಣ ಷೇರುಗಳನ್ನು ಏರ್‌ಲೈನ್‌ನ ಸಂಸ್ಥಾಪಕ ಅಜಯ್ ಸಿಂಗ್‌ಗೆ ಮಾರಿತು ಮತ್ತು ನಿಯಂತ್ರಣವನ್ನು ವರ್ಗಾಯಿಸಿತು.

ಪಾಲುದಾರಿಕೆ

೨೦೧೮ ರಲ್ಲಿ, ರಿಯಲ್ ಎಸ್ಟೇಟ್ ಪ್ಲಾಟ್‌ಫಾರ್ಮ್ ಅನ್ನು ಸ್ಥಾಪಿಸಲು ಸನ್ ಗ್ರೂಪ್ ಬೆಂಗಳೂರು -ಮೂಲದ ವಿಸ್ಟಾ ಸ್ಪೇಸ್‌ಗಳೊಂದಿಗೆ ಕಾರ್ಯ ನಿರ್ವಹಿಸಿತು.

ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ

೨೦೧೮ ರಲ್ಲಿ, ತಮಿಳುನಾಡಿನ ಚಂಡಮಾರುತ ಪೀಡಿತ ಜಿಲ್ಲೆಗಳಲ್ಲಿ ಪರಿಹಾರ ಪ್ರಯತ್ನಗಳನ್ನು ಬೆಂಬಲಿಸಲು ಸನ್ ಗ್ರೂಪ್ ₹ ೨ ಕೋಟಿ ದೇಣಿಗೆ ನೀಡಿದೆ.

ಬಾಹ್ಯ ಕೊಂಡಿಗಳು

• ಅಧಿಕೃತ ವೆಬ್‌ಸೈಟ್