Kannasda234

   ಶಿರ್ವೆಯ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮುಂಭಾಗದ ರಸ್ತೆಯಿಂದ ಮೂರು-ನಾಲ್ಕು ಕಿ.ಮೀ. ಮುನ್ನಡೆದು ಎಡಭಾಗದ ಅರಣ್ಯ ತಿರುವನಲ್ಲಿ ಹೊರಳಿದರೆ ಶಿರ್ವೆ ಬೆಟ್ಟದ ಚಾರಣದ ಆರಂಭ. ತಿರುವಿನ ಎದುರಿನಲ್ಲಿ ಹೊಲಗದ್ದೆಗಳ ಸಾಲು ಸಾಲು. ಹೂಬಳ್ಳಿಗಳ ರಾಶಿ ಕಣ್ಣಿಗೆ ಹಬ್ಬ. ಮುಂದೆ ಎರಡು ಕ್.ಮೀ. ವರೆಗೆ ಸಮತಟ್ಟಾದ ಕಚ್ಚಾರಸ್ತೆ ಕಚ್ಚಮಾರ್ಗ ದಾಟಿದ ಬಳಿಕ ಮಾತ್ರ ಎತ್ತರೆತ್ತದ ದಾರಿ. ಒಂದೂವರೆ ತಾಸಿನ ಕಾಲ್ನಡಿಗೆಯ ನಂತರ ಶಿರ್ವೆ ಬೆಟ್ಟ ಒಂದು ಬಯಲಿನ ಭಾಗದಿಂದ ಸ್ಪಷ್ಟವಾಗಿ ಗೋಚರಿಸೌತ್ತದೆ. ಆದರೆ ಸಾಗಬೇಕಾಗಿರುವ ಅಂತರವಿನ್ನೂ ದೂರ. ಬಯಲು ದಾರಿಯ ದಂಡೆಗುಂಟ ಮುಂದಕ್ಕೆ ಅರ್ಧ ತಾಸು ಕ್ರಮಿಸಿದರೆ ಹುಲ್ಲುಗಾವಲು ಸಿಗುತ್ತದೆ. ಎಡಭಾಗದಲ್ಲಿ ಹೆಚ್ಚು ದಟ್ಟ.ಇಲ್ಲಿ ಕುಳಿತು ಆಯಾಸ ಪರಿಹರಿಸಕೊಳ್ಳಬಹುದು. ಹುಲ್ಲುಗಾವಲಿನಲ್ಲಿ ನಿಂತು ನೋಡಿದರೆ ಹಿಂದೆ ಮುಂದೆ ಎರಡೂ ಬದಿಗೂ ವನರಾಶಿ ಆಕಾಶದೊಡನೆ ಚಕ್ಕಂದವಾಡುತ್ತಿದೆಯೋ ಎನ್ನುವಂತಹ ವಿಹಂಗಮ ನೋಟ. ಬೆಟ್ಟ ಏರುತ್ತಲೇ ಹೋದಂತೆ ಎಡಭಾಗದಲ್ಲಿ ಹಳೆಯ ಕಲ್ಲಿನ ಗೋಡೆಗಳು, ದೊಡ್ಡ ಬಂಡೆಗಳು ಒಂದರ ಮೇಲೆ ಇನ್ನೊಂದರಂತೆ ಪೇರಿಸಿ ಇಟ್ಟಂತಿವೆ. ಕಾಡಿನಲ್ಲಿ ಬೃಹದಾಕಾರದ ವಿಭಿನ್ನ  ಪ್ರಭೇದದ ಜಾತಿಯ ಮರಗಳಿವೆ.
    ನಮ್ಮ ತಂಡಕ್ಕೆ ಮರ್ಗದಲ್ಲಿ ಮುಳ್ಳುಹಂದಿಯ ಮುಳ್ಲು ಮತ್ತು ಹುಲಿಯ ಮಲದ ಉಂಡೆಗಳು ಸಿಕ್ಕವು. ಆಈ ಭಾಗದ ಅರಣ್ಯದಲ್ಲಿ ನರಿ, ಕಾಡುಹಂದಿ,ಕೋತಿ,ಜಿಂಕೆ ಮುತ್ತು ಪ್ರಾಣಿಗಳಿವೆ ಎಂಬ ಮಾಹಿತಿ ಸ್ಥಳೀಯರಿಂದ ದೊರೆಯಿತು