ಮಾಗಳಿ ಬೇರು
| Decalepis hamiltonii | |
|---|---|
| |
| Conservation status | |
Scientific classification 
| |
| ಸಾಮ್ರಾಜ್ಯ: | Plantae |
| ಏಕಮೂಲ ವರ್ಗ: | ಹೂಬಿಡುವ ಸಸ್ಯ |
| ಏಕಮೂಲ ವರ್ಗ: | Eudicots |
| ಏಕಮೂಲ ವರ್ಗ: | ಆಸ್ಟರಿಡ್ಸ್ |
| ಗಣ: | ಜೆಂಟಿಯಾನಾಲೇಸ್ |
| ಕುಟುಂಬ: | ಅಪೊಸೈನೇಸಿಯೇ |
| ಕುಲ: | ಡೆಕಾಲೆಪಿಸ್ |
| ಪ್ರಜಾತಿ: | D. hamiltonii
|
| Binomial name | |
| Decalepis hamiltonii | |
ಮಾಗಳಿ ಬೇರು ಆಸ್‍ಕ್ಲಿಪಿಯಡೇಸೀ ಕುಟುಂಬಕ್ಕೆ ಸೇರಿದ ವನ್ಯಸಸ್ಯ.[೧] ಮಾಕಳಿ ಬೇರು ಪರ್ಯಾಯ ನಾಮ. ಇದರ ಶಾಸ್ತ್ರೀಯ ನಾಮ ಡೆಕಾಲೆಪಿಸ್ ಹ್ಯಾಮಿಲ್‍ಟೋನಿಯೈ.
ವಿವರಗಳು
ಬದಲಾಯಿಸಿದಕ್ಷಿಣ ಭಾರತದಲ್ಲೆಲ್ಲ ವ್ಯಾಪಕವಾಗಿ ಬೆಳೆಯುವ ಇದು ಪಶ್ಚಿಮ ಘಟ್ಟಗಳ ಕಾಡುಗಳಲ್ಲಿ ಬಲು ಸಾಮಾನ್ಯ. ಇದು ಬಳ್ಳಿಯಂತೆ ಹಬ್ಬುವ ಪೊದೆ; ಜಂಟಿಜಂಟಿಯಾಗಿರುವಂತೆ ತೋರುವ ಕಾಂಡವನ್ನೂ ಉದ್ದದ್ದ ಅಂಡಾಕಾರದ ಎಲೆಗಳನ್ನೂ ಪಡೆದಿದೆ. ಈ ಗಿಡದ ಪ್ರಧಾನ ಹಾಗೂ ಉಪಯುಕ್ತ ಅಂಗವೆನಿಸಿರುವ ಬೇರು ಉರುಳಿಯಾಕಾರದ್ದು ಮಾಂಸಲವಾದ್ದು. ಇದಕ್ಕೆ ಸೊಗದೆ ಬೇರಿಗಿರುವಂಥ ಸಿಹಿರುಚಿಯೂ ತೀವ್ರತೆರನ ಸುವಾಸನೆಯೂ ಇವೆ. ಇದಕ್ಕೆ ಕಾರಣ ಬೇರಿನಲ್ಲಿರುವ 4-0-ಮೀಥೈಲ್-ರೆಸಾರ್ಸೈಲ್ ಆಲ್ಡಿಹೈಡ್ ಎಂಬ ರಾಸಾಯನಿಕ.
ಉಪಯೋಗಗಳು
ಬದಲಾಯಿಸಿಬೇರಿಗೆ ಬ್ಯಾಕ್ಟೀರಿಯ ನಾಶಕ ಗುಣವೂ ಮೀನು ಮುಂತಾದವುಗಳನ್ನು ಕೊಲ್ಲುವ ಗುಣವೂ ಇವೆ. ಇದರಿಂದಾಗಿ ಮಾಗಳೀ ಬೇರನ್ನು ದೀರ್ಘಕಾಲ ಸಂಗ್ರಹಿಸಿಡಬಹುದು. ಸೂಕ್ಷ್ಮಜೀವಿಗಳಾಗಲಿ ಕೀಟಗಳಾಗಲಿ ಇದಕ್ಕೆ ತಗಲುವುದಿಲ್ಲ. ಈ ರಾಸಾಯನಿಕವನ್ನು ಆವಿಆಸವೀಕರಣದಿಂದ ಬೇರ್ಪಡಿಸಿ, ಆಹಾರ ಸಂರಕ್ಷಣೆಯಲ್ಲಿ ಬಳಸಬಹುದಾಗಿದೆ.
ಮಾಗಳೀ ಬೇರು ಹಸಿವುಕಾರಕವೆಂದೂ ರಕ್ತಶುದ್ಧಿಕಾರಕವೆಂದೂ ಹೆಸರಾಗಿದೆ. ನಿಂಬೆ, ಮಾವು ಮುಂತಾದವುಗಳೊಂದಿಗೆ ಸೇರಿಸಿ ಇಲ್ಲವೆ ಇದನ್ನು ನೇರವಾಗಿ ಉಪ್ಪಿನಕಾಯಿ ಹಾಕುವುದಿದೆ.[೨] ಇದರ ಬೇರನ್ನು ನನ್ನಾರಿ ಬೇರಿಗೆ (ಸೊಗದೇಬೇರು) ಬದಲಾಗಿ, ಕಲಬೆರಕೆ ಮಾಡಿ ಬಳಸುವುದೂ ಉಂಟು.
ಉಲ್ಲೇಖಗಳು
ಬದಲಾಯಿಸಿ- ↑ "Decalepis". The Plant List. Archived from the original on 5 ಸೆಪ್ಟೆಂಬರ್ 2017. Retrieved 30 September 2014.
- ↑ Traditional Preparation of a health drink Nannari Sharbat from the root extract of Decalepis hamiltonii (Indian Journal of Natural Products and Resources)
