ಪಡುಬಿದ್ರಿ ಬ್ಲೂ ಫ಼್ಲಾಗ್ ಬೀಚ್

ಪಡುಬಿದ್ರಿ ಕಡಲತೀರವು(ಬ್ಲೂ ಫ಼್ಲಾಗ್ ಬೀಚ್) ಉಡುಪಿ ಜಿಲ್ಲೆಯ ಪಡುಬಿದ್ರಿ ಊರಿನಲ್ಲಿದೆ. ಈ ಕಡಲ ತೀರವು ಪಡುಬಿದ್ರಿ ಊರಿನಿಂದ ೧ ಕಿಲೋಮೀಟರ್ ದೂರದಲ್ಲಿದೆ. ಪ್ರತಿ ಎರಡು ವರ್ಷಗಳಿಗೊಮ್ಮೆ ನಡೆಯುವ ಡಕ್ಕೆ ಬಲಿ ಆಚರಣೆಗೆ ಇದು ಹೆಸರುವಾಸಿಯಾಗಿದೆ. ಸ್ಥಳೀಯ ಜನರು ತುಳುವ ಜನಾಂಗಕ್ಕೆ ಸೇರಿದ್ದು, ಇಲ್ಲಿನವರ ಆಡು ಭಾಷೆ ತುಳುವಾಗಿದೆ.

ಬ್ಲೂ ಫ಼್ಲಾಗ್ ಬೀಚ್,ಪಡುಬಿದ್ರಿ

ಪಡುಬಿದ್ರಿ ಕಡಲತೀರವು ಉಡುಪಿಯ ಪ್ರಸಿದ್ಧ ಕಡಲತೀರಗಳಲ್ಲಿ ಒಂದಾಗಿದ್ದು, ಈ ಕಡಲತೀರದ ಅತ್ಯಂತ ದೂರದ ಮೂಲೆಯನ್ನು ಪಡುಬಿದ್ರಿ ಅಂತ್ಯಬಿಂದು ಎಂದು ಕರೆಯಲಾಗುತ್ತದೆ. ಏಕೆಂದರೆ ಇಲ್ಲಿ ನದಿಯು ಸಮುದ್ರವನ್ನು ಸಂಧಿಸುತ್ತದೆ. ಈ ಕಡಲತೀರದುದ್ದಕ್ಕೂ ಅನೇಕ ತಾಳೆಮರಗಳನ್ನು ಕಾಣಬಹುದು. ಈ ಕಡಲತೀರದಲ್ಲಿ ಅನೇಕ ಉದ್ಯಾನವನದ ಬೆಂಚುಗಳನ್ನು ಸ್ಥಾಪಿಸಲಾಗಿದೆ ಮತ್ತು ಬೀಚ್‌ನ ಮುಖ್ಯ ಭಾಗವನ್ನು ಇಂಟರ್‌ಲಾಕ್ ಟೈಲ್ಸ್‌ಗಳಿಂದ ತುಂಬಿಸಲಾಗಿದೆ. ಇಲ್ಲಿನ ಬೆಂಚುಗಳ ಮೇಲೆ ಕುಳಿತು ಉತ್ತಮ ಸೂರ್ಯೋದಯ ಮತ್ತು ಸೂರ್ಯಾಸ್ತವನ್ನು ವೀಕ್ಷಿಸಬಹುದು. ಸೂರ್ಯಾಸ್ತದ ಸಮಯದಲ್ಲಿ, ಸುರತ್ಕಲ್ ಮತ್ತು ಕಾಪ್‌ನಲ್ಲಿರುವ ಲೈಟ್‌ಹೌಸ್‌ಗಳಿಂದ ದೀಪಗಳು ಮಿನುಗುವುದನ್ನು ಸಹ ನೋಡಬಹುದು. ಇಲ್ಲಿ ಸ್ಪೀಡ್ ಬೋಟ್ ರೈಡ್, ಬನಾನಾ ಬೋಟ್ ರೈಡ್, ವಾಟರ್ ಸ್ಕೂಟರ್ ರೈಡ್ ಮುಂತಾದ ವಿವಿಧ ಜಲ ಕ್ರೀಡೆಗಳು ಮತ್ತು ಸಾಹಸಮಯ ಸವಾರಿಗಳಲ್ಲೂ ಪಾಲ್ಗೊಳ್ಳಬಹುದು. ಜನರು ಈ ಬೀಚ್‌ನಲ್ಲಿ ವಾಲಿಬಾಲ್ ಕ್ರೀಡೆಯನ್ನೂ ಆಡುತ್ತಾರೆ. ಮೇಳಗಳು, ಪಂದ್ಯಾವಳಿಗಳು, ಸ್ಪರ್ಧೆಗಳು ಮತ್ತು ಸಂಗೀತ ಕಾರ್ಯಕ್ರಮಗಳಂತಹ ಅನೇಕ ಕಾರ್ಯಕ್ರಮಗಳು ಈ ಬೀಚ್‌ನಲ್ಲಿ ನಡೆಯುತ್ತವೆ. ಈ ಕಡಲತೀರವು ನೀಲಿ ಧ್ವಜದ ಪ್ರಮಾಣೀಕರಣವನ್ನು ಸಹ ಪಡೆದಿದೆ. ಈ ಕಡಲತೀರಕ್ಕೆ ಭೇಟಿ ನೀಡಲು ಅಕ್ಟೋಬರ್‌ನಿಂದ ಮಾರ್ಚ್‌ವರೆಗಿನ ತಿಂಗಳುಗಳು ಪ್ರಸಕ್ತ ಸಮಯವಾಗಿದೆ.

ಕರ್ನಾಟಕವು ಭಾರತದ ಪಶ್ಚಿಮ ಕರಾವಳಿ ರಾಜ್ಯಗಳಲ್ಲಿ ಒಂದಾಗಿದೆ. ಕರಾವಳಿಯು ಪಶ್ಚಿಮ ಘಟ್ಟಗಳು ಮತ್ತು ಅರಬ್ಬಿ ಸಮುದ್ರದ ನಡುವೆ ಉತ್ತರದಿಂದ ದಕ್ಷಿಣಕ್ಕೆ ಸುಮಾರು ೨೨೫ ಕಿಮೀವರೆಗೆ ವ್ಯಾಪಿಸಿದೆ. ರಾಜ್ಯದ ಮೂರು ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕನ್ನಡವು ಒಟ್ಟಾರೆಯಾಗಿ ೨೦ ಕ್ಕೂ ಹೆಚ್ಚು ಕಡಲತೀರಗಳನ್ನು ಒಳಗೊಂಡಿದೆ. ಇವುಗಳಲ್ಲಿ ಮಲ್ಪೆ ಬೀಚ್, ಪಡುಬಿದ್ರಿ ಬೀಚ್, ಓಂ ಬೀಚ್, ನಿರ್ವಾಣ ಬೀಚ್, ಹಾಫ್-ಮೂನ್ ಬೀಚ್, ಮರವಂತೆ ಬೀಚ್, ಕೋಡಿ ಬೀಚ್, ಕಾಸರಗೋಡ್ ಬೀಚ್ ಮತ್ತು ಇನ್ನೂ ಅನೇಕ ಕಡಲತೀರಗಳಿವೆ.

ಪರಿಸರ

ಉತ್ತರ ಕನ್ನಡದ ಕಾಸರಕೋಡು ಬೀಚ್‌ನ ನಂತರ ಪಡುಬಿದ್ರಿ ಬೀಚ್ ನೀಲಿ ಧ್ವಜ ಪ್ರಮಾಣೀಕರಣವನ್ನು ಪಡೆದ ಕರ್ನಾಟಕದ ಎರಡನೇ ಬೀಚ್ ಆಗಿದೆ. ಈ ಬೀಚ್ ಭಾರತದ ಅತ್ಯಂತ ಸ್ವಚ್ಛ ಬೀಚ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇಲ್ಲಿನ ವಾತಾವರಣವು ಶಾಂತವಾಗಿದ್ದು ವಿವಿಧ ಸಾಹಸದ ಹಾಗೂ ಮನರಂಜನಾ ತಾಣವೂ ಆಗಿದೆ. ಸಾಧಾರಣವಾಗಿ ಜನಸಂದಣಿಯಿಂದ ಕೂಡಿದ್ದರೂ, ಜಲ ಕ್ರೀಡೆಗಳು ಮತ್ತು ಸಾಹಸಮಯ ಸವಾರಿಗಳಿಗೆ ಇದು ಅನುಕೂಲಕರ ಬೀಚ್ ಆಗಿದೆ. ಪ್ರವಾಸಿಗರು ಮತ್ತು ಪ್ರಯಾಣಿಕರಿಗೆ ಮನರಂಜನೆಗಾಗಿ ಕಾಲಕಾಲಕ್ಕೆ ಮೇಳಗಳು, ಪಂದ್ಯಾವಳಿಗಳು ಮತ್ತು ಸಂಗೀತ ಸಂಜೆಗಳಂತಹ ಹಲವಾರು ಮನರಂಜನಾ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ. ಮಾನ್ಸೂನ್ ಸಮಯದಲ್ಲಿ ಸಮುದ್ರವು ಸಾಕಷ್ಟು ಹಿಂಸಾತ್ಮಕವಾಗಿದ್ದರೂ, ಮಳೆಗಾಲದ ಅವಧಿಯಲ್ಲಿ ಇದು ಶಾಂತವಾಗಿರುತ್ತದೆ ಮತ್ತು ಪ್ರವಾಸಿಗರು ಇಲ್ಲಿ ಮಳೆಗಾಲದ ನಂತರ ಮಾತ್ರ ಸುರಕ್ಷಿತ ನೀರಿನಲ್ಲಿ ಈಜಲು ಅನುಮತಿ ನೀಡಲಾಗುತ್ತದೆ.ಈ ಬೀಚ್ ಎಲ್ಲಾ ವಯಸ್ಸಿನ ಜನರಿಗೆ ಸೂಕ್ತವಾಗಿದ್ದು, ದಡದಲ್ಲಿರುವ ಬೆಂಚುಗಳನ್ನು ವಿಶ್ರಾಂತಿ ಪಡೆಯಲು ಮತ್ತು ಸ್ಥಳದ ಶಾಂತತೆಯನ್ನು ಸವಿಯಲು ಬಯಸುವವರು ಬಳಸಿಕೊಳ್ಳಬಹುದು. ಮತ್ತೊಂದೆಡೆ, ಸಾಹಸ ಗುಂಪು ಕ್ರೀಡಾಕೂಟಗಳ ವ್ಯವಸ್ಥೆಯೂ ಇದೆ.

ಕಡಲತೀರದ ನೋಟದ ಜೊತೆಗೆ, ಭೇಟಿ ನೀಡಲು ಕಡಲತೀರದ ಹತ್ತಿರದಲ್ಲಿ ಅನೇಕ ಸ್ಥಳಗಳಿವೆ. ನದಿಯು ಸಮುದ್ರವನ್ನು ಸಂಧಿಸುವ ಪಡುಬಿದ್ರಿ ಎಂಡ್ ಪಾಯಿಂಟ್ ಮತ್ತೊಂದು ನೋಟವನ್ನು ನೀಡುತ್ತದೆ. ಕಡಲತೀರದ ಸಮೀಪದಲ್ಲಿ ಎರಡು ಪವಿತ್ರ ಸ್ಥಳಗಳಿವೆ. ಹಿಂದೂ ದೇವತೆಗಳಾದ ಮಹಾಲಿಂಗೇಶ್ವರ ಮತ್ತು ಮಹಾ ಗಣಪತಿಗೆ ಸಮರ್ಪಿತವಾಗಿರುವ ಪುರಾತನ ಹಿಂದೂ ದೇವಾಲಯವು ಸಾವಿರ ವರ್ಷಗಳಷ್ಟು ಹಳೆಯದಾದ ಸುಂದರವಾದ ಕೆತ್ತನೆಗಳು ಮತ್ತು ಚಿತ್ರಗಳನ್ನು ಹೊಂದಿದೆ. ಇನ್ನೊಂದು ಬ್ರಹ್ಮಸ್ಥಾನ. ಇದು ಪಟ್ಟಣದ ಎಲ್ಲಾ ಸ್ಥಳಗಳಲ್ಲಿ ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ. ಈ ಸ್ಥಳವನ್ನು ಖಡ್ಗೇಶ್ವರಿ ಎಂದೂ ಕರೆಯಲ್ಪಡುವ ವನದುರ್ಗಾ ದೇವಿಗೆ ಸಮರ್ಪಿಸಲಾಗಿದೆ. ಎರಡು ವರ್ಷಕ್ಕೊಮ್ಮೆ ನಡೆಯುವ ಡಕ್ಕೆ ಬಲಿ ಬ್ರಹ್ಮಸ್ಥಾನದ ಪವಿತ್ರ ಕಾರ್ಯಕ್ರಮವಾಗಿದೆ.

ನೀಲಿ ಧ್ವಜ ಪ್ರಮಾಣೀಕರಣ

ಐಕಾನಿಕ್ ಬ್ಲೂ ಫ್ಲಾಗ್(ನೀಲಿ ಧ್ವಜ) ಪ್ರಮಾಣೀಕರಣವು ಬೀಚ್‌ಗಳು ಮತ್ತು ಮರಿನಾಗಳಿಗಾಗಿ ವಿಶ್ವದ ಅತ್ಯಂತ ಗೌರವಾನ್ವಿತ ಪ್ರಶಸ್ತಿಗಳಲ್ಲಿ ಒಂದಾಗಿದೆ. ಇದನ್ನು ಫೌಂಡೇಶನ್ ಫಾರ್ ಎನ್ವಿರಾನ್‌ಮೆಂಟ್ ಎಜುಕೇಶನ್ (FEE), ಡೆನ್ಮಾರ್ಕ್‌ನಿಂದ ನೀಡಲಾಗುತ್ತದೆ. ೩೩ ಕಟ್ಟುನಿಟ್ಟಾದ ಮಾನದಂಡಗಳು ಮತ್ತು ಬೀಚ್‌ಗಳ ಒಟ್ಟಾರೆ ಆರೋಗ್ಯವನ್ನು ಪರಿಗಣಿಸಿ ಈ ಪ್ರಮಾಣೀಕರಣವನ್ನು ನೀಡಲಾಗುತ್ತದೆ. ೩೩ ಮಾನದಂಡಗಳಲ್ಲಿ, ಈ ನಾಲ್ಕು ಮುಖ್ಯ ಮಾನದಂಡಗಳು ಸೇರಿವೆ-
೧. ಪರಿಸರ ಶಿಕ್ಷಣ ಮತ್ತು ಮಾಹಿತಿ
೨. ಸ್ನಾನದ ನೀರಿನ ಗುಣಮಟ್ಟ
೩. ಪರಿಸರ ನಿರ್ವಹಣೆ
೪.ಸಂರಕ್ಷಣೆ ಮತ್ತು ಕಡಲತೀರಗಳಲ್ಲಿ ಸುರಕ್ಷತಾ ಸೇವೆಗಳು.

ಪಡುಬಿದ್ರಿಯು ಕಾಸರಕೋಡು ಬೀಚ್ ಜೊತೆಗೆ ನೀಲಿ ಧ್ವಜದ ಪ್ರಮಾಣೀಕರಣವನ್ನು ಪಡೆದ ಕರ್ನಾಟಕದ ಎರಡನೇ ಬೀಚ್ ಆಗಿದೆ. ಪರಿಸರ ಶಿಕ್ಷಣಕ್ಕಾಗಿ ಡೆನ್ಮಾರ್ಕ್‌ನ ಫೌಂಡೇಶನ್ ಪ್ರಮಾಣೀಕರಣವನ್ನು ನೀಡಿದೆ. ಇದರಿಂದಾಗಿ ಪಡುಬಿದ್ರಿ ಬೀಚ್ ಜಾಗತಿಕ ಭೂಪಟದಲ್ಲಿ ಪ್ರವಾಸಿ ತಾಣಗಳಲ್ಲಿ ಸ್ಥಾನ ಪಡೆದುಕೊಂಡಿದೆ. ಅಂತರಾಷ್ಟ್ರೀಯ ಪ್ರತಿಷ್ಠಾನದ ತಪಾಸಣೆಯ ನಂತರ ಪಡುಬಿದ್ರಿ ಬೀಚ್ ಈ ಪರಿಸರ ಲೇಬಲ್ ಅನ್ನು ಪಡೆದುಕೊಂಡಿದೆ. ನೀಲಿ ಧ್ವಜ ಪ್ರಮಾಣೀಕರಣಕ್ಕೆ ಅಗತ್ಯವಿರುವ ಎಲ್ಲಾ ಮಾನದಂಡಗಳನ್ನು ಪೂರೈಸುವಲ್ಲಿ ಬೀಚ್ ಯಶಸ್ವಿಯಾಗಿದೆ.

ನೀಲಿ ಧ್ವಜದ ಪ್ರಮಾಣೀಕರಣದೊಂದಿಗೆ, ಪಡುಬಿದ್ರಿ ಬೀಚ್ ಜಾಗತಿಕವಾಗಿ ಪ್ರವಾಸಿಗರ ಗಮನವನ್ನು ಗಳಿಸಿದೆ. ಈ ಕಡಲತೀರದಲ್ಲಿ ಒದಗಿಸಲಾದ ಸೌಕರ್ಯಗಳು ಹೀಗಿವೆ- ವಾಶ್ ರೂಂ, ಬಟ್ಟೆ ಬದಲಾಯಿಸುವ ಕೊಠಡಿಗಳು, ಮಕ್ಕಳಿಗಾಗಿ ಆಟದ ಸಲಕರಣೆಗಳು, ಘನತ್ಯಾಜ್ಯ ಸಂಸ್ಕರಣಾ ಘಟಕ, ಪ್ರಥಮ ಚಿಕಿತ್ಸಾ ಕೊಠಡಿ, ನಿಯಂತ್ರಣ ಕೊಠಡಿ, ಸಿಸಿಟಿವಿ ಕ್ಯಾಮೆರಾಗಳು, ಮಾಹಿತಿ ಫಲಕಗಳು, ಉತ್ತಮ ವಾಹನ ನಿಲುಗಡೆ ಸೌಲಭ್ಯ, ಫುಟ್‌ಪಾತ್‌ಗಳು, ನೀರು ಶುದ್ಧೀಕರಣ ಘಟಕ ಮತ್ತು ಇಡೀ ಬೀಚ್ಅನ್ನು ಚಲಾಯಿಸಲು ಬೇಕಾಗುವ ಸಾಕಷ್ಟು ಶಕ್ತಿಗಾಗಿ ಸೌರ ಫಲಕಗಳನ್ನು ಸ್ಥಾಪಿಸಲಾಗಿದೆ.

ಭೇಟಿ ನೀಡುವ ಸಮಯ

ಪಡುಬಿದ್ರಿ ಕಡಲತೀರವು ಸಾರ್ವಜನಿಕರಿಗೆ ಬೆಳಿಗ್ಗೆ ೯ ರಿಂದ ಸಂಜೆ ೬ ರವರೆಗೆ ತೆರೆದಿರುತ್ತದೆ.

ಪ್ರವೇಶ ಶುಲ್ಕಗಳು

ಪಡುಬಿದ್ರಿ ನೀಲಿ ಧ್ವಜ ಬೀಚ್ ಪ್ರವೇಶಿಸಲು ಟಿಕೆಟ್ ಪದ್ದತಿಯಿದೆ. ಇದರ ಮೊತ್ತ ೨೦೨೧ ರಲ್ಲಿ ಪ್ರತಿ ವ್ಯಕ್ತಿಗೆ ೩೦ ರೂಪಾಯಿಗಳಷ್ಟಿತ್ತು.

ಮನರಂಜನೆ

ಈ ಕಡಲತೀರವು ಹಲವಾರು ಸಾಹಸಮಯ ಮತ್ತು ವಿನೋದ-ತುಂಬಿದ ಚಟುವಟಿಕೆಗಳನ್ನು ಹೊಂದಿದೆ. ಕಡಲತೀರವು ಸ್ವಚ್ಛವಾಗಿದೆ ಮತ್ತು ಉತ್ತಮವಾಗಿ ಇರಿಸಲ್ಪಟ್ಟಿದೆ. ಪ್ರವಾಸಿಗರ ಮನರಂಜನೆಗಾಗಿ ವಿವಿಧ ಗುಂಪುಗಳು ಬೀಚ್‌ನಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ಆಯೋಜಿಸುತ್ತವೆ. ಅಲ್ಲಿ ನಡೆಯುವ ಮನರಂಜನಾ ಚಟುವಟಿಕೆಗಳಲ್ಲಿ ಕೆಲವು ಈ ಕೆಳಗಿನಂತಿವೆ:

• ಜಾತ್ರೆಗಳು
• ಪಂದ್ಯಾವಳಿಗಳು
• ಸ್ಪರ್ಧೆಗಳು
• ಸಂಗೀತ ಕಾರ್ಯಕ್ರಮಗಳು

ಇದಲ್ಲದೆ, ಈ ಕಡಲತೀರದಲ್ಲಿ ವಯಸ್ಕರು ಮತ್ತು ಮಕ್ಕಳು ಹಲವಾರು ಆಟಗಳು ಮತ್ತು ಜಲ ಕ್ರೀಡೆಗಳನ್ನು ಆನಂದಿಸಬಹುದು. ಅವುಗಳಲ್ಲಿ ಕೆಲವು:

• ಸಮುದ್ರ ತೀರದ ಚೆಂಡಾಟ
• ವೇಗದ ದೋಣಿ ಸವಾರಿ
• ಬಾಳೆ ದೋಣಿ ವಿಹಾರ
• ವಾಟರ್ ಸ್ಕೂಟರ್ ಸವಾರಿ

ಇಲ್ಲಿ ಮಕ್ಕಳು ಕೋಟೆಗಳನ್ನು ನಿರ್ಮಿಸಲು ಮತ್ತು ಮರಳಿನಲ್ಲಿ ಆಟವಾಡಲು ಉತ್ತಮ ಸಮಯವನ್ನು ಹೊಂದಬಹುದಾಗಿದೆ ಜೊತೆಗೆ ಏಡಿಗಳು ಅಥವಾ ದಡಕ್ಕೆ ಕೊಚ್ಚಿಹೋದ ನಕ್ಷತ್ರ ಮೀನುಗಳನ್ನು ಒಳಗೊಂಡಂತೆ ಸಮುದ್ರ ಜೀವಿಗಳನ್ನು ಸಹ ವೀಕ್ಷಿಸಬಹುದು. ಮಾನ್ಸೂನ್ ಸಮಯದಲ್ಲಿ, ಸಮುದ್ರವು ಸಾಕಷ್ಟು ಹಿಂಸಾತ್ಮಕವಾಗಿ ತಿರುಗಬಹುದು.

ವಸತಿ ಮತ್ತು ಆಹಾರ

ಈ ಕಡಲತೀರದ ಬಳಿ ತಂಗಲು ಅನೇಕ ಸ್ಥಳಗಳಿವೆ. ಅವುಗಳಲ್ಲಿ ಕೆಲವು ಸ್ಥಳಗಳ ಹೆಸರುಗಳು:

• ವಾಸುದೇವಲಕ್ಷ್ಮಿಕೃಪಾ ಹೌಸ್/ ರಿವರ್ ವ್ಯೂ ಫಾರ್ಮ್
• ಆರ್‌ಕೆಎಸ್ ಬೀಚ್‌ಫ್ರಂಟ್, ರಾಜ್ ಸೀ ಫ್ರಂಟ್ ಬೀಚ್ ರೆಸಾರ್ಟ್
• ಹೋಟೆಲ್ ಗಂಗಾ ಸಾಗರ್, ರತ್ನಾ ಫಾರೆವರ್ ಹೋಟೆಲ್ ಇತ್ಯಾದಿ.

ಆಹಾರ ಸೇವಿಸಲು ಇರುವ ರೆಸ್ಟೋರೆಂಟ್‌ಗಳ ಕೆಲವು ಹೆಸರುಗಳು:

• ಹೋಟೆಲ್ ಪಲ್ಲವಿ
• ಸನ್ನಿಧಿ ಫಿಶ್ ಪಾರ್ಕ್
• V39 ಕೆಫೆ
• ಹೋಟೆಲ್ ವಿಜಯ ಭವನ
• ಶ್ರೀ ದೇವಿ ಹೋಟೆಲ್ ಇತ್ಯಾದಿ.

ಬೀಚ್‌ನಲ್ಲಿರುವ ಸೌಲಭ್ಯಗಳು

ಕರ್ನಾಟಕ ಸರ್ಕಾರವು ಈ ಬೀಚ್‌ಗೆ ಸುಮಾರು ೨.೫ ಕೋಟಿ ರೂಪಾಯಿಗಳ ಮೂಲಸೌಕರ್ಯ ಯೋಜನೆಗಳನ್ನು ಒದಗಿಸಿದೆ. ಈ ಕಡಲತೀರದಲ್ಲಿ ಒದಗಿಸಲಾದ ಸೌಕರ್ಯಗಳು ಈ ಕೆಳಗಿನಂತಿವೆ:

• ವಾಶ್ ರೂಂ೯(ಶೌಚಾಲಯದ ವ್ಯವಸ್ಥೆ ಇರುವ ಕೋಣೆ)
• ವಿಶ್ರಾಂತಿ ಕೊಠಡಿಗಳು
• ಬಟ್ಟೆ ಬದಲಾಯಿಸುವ ಕೊಠಡಿಗಳು
• ಮಕ್ಕಳಿಗೆ ಆಟದ ಸಲಕರಣೆ
• ಘನ ತ್ಯಾಜ್ಯ ಸಂಸ್ಕರಣಾ ಘಟಕ
• ಪ್ರಥಮ ಚಿಕಿತ್ಸೆಗಾಗಿ ಕೊಠಡಿ
• ನಿಯಂತ್ರಣ ಕೊಠಡಿ
• ಸಿಸಿಟಿವಿ ಕ್ಯಾಮೆರಾಗಳು
• ಮಾಹಿತಿ ಫಲಕಗಳು
• ಪಾರ್ಕಿಂಗ್ ಸೌಲಭ್ಯ
• ಕಾಲುದಾರಿಗಳು
• ನೀರಿನ ಶುದ್ಧೀಕರಣಕ್ಕಾಗಿ ಘಟಕ
• ಬೀದಿದೀಪಗಳು
• ಕಡಲತೀರದ ಹಲವಾರು ಕುರ್ಚಿಗಳು (ಗಂಟೆಗೆ ರೂ ೫೦)
• ವಾಕಿಂಗ್ ಟ್ರ್ಯಾಕ್ ಹೊಂದಿರುವ ಉದ್ಯಾನ
• ಕಯಾಕಿಂಗ್ ಮತ್ತು ಕೆಲವು ಇತರ ಜಲಕ್ರೀಡೆಗಳು
• ಉಚಿತ ಕುಡಿಯುವ ನೀರಿನ ಸೌಲಭ್ಯಗಳು
• ಹೆಜಮಾಡಿ ಡೆಲ್ಟಾವನ್ನು ವೀಕ್ಷಿಸುವ ಸೌಲಭ್ಯ (ಸಮುದ್ರಕ್ಕೆ ಪ್ರವೇಶಿಸುವ ನದಿ)
• ಫುಡ್ ಕೋರ್ಟ್ ಸೌಲಭ್ಯ
• ಛಾಯಾಚಿತ್ರ ತಾಣಗಳು(ಫೋಟೋ ಸ್ಪಾಟ್‌ಗಳು)

ಪಡುಬಿದ್ರಿ ಬೀಚ್ ಸಮೀಪದ ಆಕರ್ಷಣೆಗಳು

ಉಡುಪಿಯ ಪಟ್ಟಣವಾದ ಪಡುಬಿದ್ರಿ ತನ್ನ ಕಡಲತೀರ ಮತ್ತು ದೇವಾಲಯಗಳಿಗೆ ಹೆಸರುವಾಸಿಯಾಗಿದೆ. ರಜಾದಿನಗಳು, ವಾರಾಂತ್ಯದ ವಿರಾಮಕ್ಕಾಗಿ ಅಥವಾ ಪ್ರಸಿದ್ಧ ದೇವಾಲಯದ ಉತ್ಸವಗಳಲ್ಲಿ ಪಾಲ್ಗೊಳ್ಳಲು ಸಾವಿರಾರು ಜನರು ವರ್ಷವಿಡೀ ಈ ಪಟ್ಟಣದಲ್ಲಿ ಸೇರುತ್ತಾರೆ. ಪಡುಬಿದ್ರಿ ಬೀಚ್ ಸುತ್ತಮುತ್ತಲಿನ ಕೆಲವು ಪ್ರಮುಖ ಆಕರ್ಷಣೆಗಳು ಈ ಕೆಳಗಿನಂತಿವೆ.

ಮಹಾಲಿಂಗೇಶ್ವರ ಮಹಾ ಗಣಪತಿ ದೇವಸ್ಥಾನ, ಪಡುಬಿದ್ರಿ

ಈ ಪುರಾತನ ದೇವಾಲಯವು ಇತಿಹಾಸದಲ್ಲಿ ಒಂದು ಸ್ಥಾನವನ್ನು ಹೊಂದಿದೆ ಮತ್ತು ಹಿಂದೂ ದೇವತೆಗಳಾದ ಮಹಾ ಗಣಪತಿ ಮತ್ತು ಮಹಾಲಿಂಗೇಶ್ವರನಿಗೆ ಸಮರ್ಪಿತವಾಗಿದೆ. ದೇವಾಲಯದಲ್ಲಿರುವ ಸುಂದರವಾದ ಕೆತ್ತನೆಗಳು ಮತ್ತು ಚಿತ್ರಗಳು ಸಾವಿರ ವರ್ಷಗಳಷ್ಟು ಹಳೆಯದು ಎಂದು ಹೇಳಲಾಗುತ್ತದೆ. ಈ ದೇವಾಲಯವು ವರ್ಷಕ್ಕೊಮ್ಮೆ ನಡೆಯುವ ರಥೋತ್ಸವಕ್ಕೆ ಹೆಸರುವಾಸಿಯಾಗಿದೆ. ಈ ಉತ್ಸವಕ್ಕಾಗಿ ಇಡೀ ದೇವಾಲಯ ಮತ್ತು ರಥವನ್ನು ಬೆಳಗಿಸಲಾಗುತ್ತದೆ ಮತ್ತು ಮಧ್ಯರಾತ್ರಿ ದೇವಾಲಯದ ಸುತ್ತಲೂ ರಥವನ್ನು ಎಳೆಯಲಾಗುತ್ತದೆ. ಇದರ ನಂತರ ಪಟಾಕಿಗಳ ಪ್ರದರ್ಶನ ನಡೆಯುತ್ತದೆ. ಪ್ರತಿ ವರ್ಷ ಸಾವಿರಾರು ಯಾತ್ರಿಕರು ಮತ್ತು ಪ್ರವಾಸಿಗರು ಈ ಕಾರ್ಯಕ್ರಮದ ಭಾಗವಾಗಲು ಇಲ್ಲಿ ಸೇರುತ್ತಾರೆ.

ಬ್ರಹ್ಮಸ್ಥಾನ

ಈ ಪಟ್ಟಣದ ಎಲ್ಲಾ ಸ್ಥಳಗಳಲ್ಲಿ ಪಡುಬಿದ್ರಿ ಬ್ರಹ್ಮಸ್ಥಾನವು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ. ಪಡುಬಿದ್ರಿ ಬ್ರಹ್ಮಸ್ಥಾನವು ಸಣ್ಣ ಕಾಡಿನ ನಡುವೆ ಇದೆ. ಈ ಸ್ಥಳವನ್ನು ಖಡ್ಗೇಶ್ವರಿ ಎಂದೂ ಕರೆಯಲ್ಪಡುವ ವನದುರ್ಗಾ ದೇವಿಗೆ ಸಮರ್ಪಿಸಲಾಗಿದೆ. ಈ ಸ್ಥಳವು ಪಡುಬಿದ್ರಿ ಬೀಚ್‌ನಿಂದ ಕೇವಲ ೩ ಕಿಲೋಮೀಟರ್ ದೂರದಲ್ಲಿದೆ. ಎರಡು ವರ್ಷಕ್ಕೊಮ್ಮೆ ನಡೆಯುವ ಡಕ್ಕೆ ಬಲಿ ಬ್ರಹ್ಮಸ್ಥಾನದ ಪವಿತ್ರ ಕಾರ್ಯಕ್ರಮವಾಗಿದೆ. ಇದನ್ನು ಜನವರಿ ಮತ್ತು ಮಾರ್ಚ್ ಮಧ್ಯದ ನಡುವೆ ಕೆಲವು ರಾತ್ರಿಗಳಲ್ಲಿ ನಡೆಸಲಾಗುತ್ತದೆ.

ಪಡುಬಿದ್ರಿ ಎಂಡ್ ಪಾಯಿಂಟ್(ಪಡುಬಿದ್ರಿ ಅಂತ್ಯಬಿಂದು)

ಪಡುಬಿದ್ರಿ ಎಂಡ್ ಪಾಯಿಂಟ್(ಪಡುಬಿದ್ರಿ ಅಂತ್ಯಬಿಂದು) ನದಿಯು ಸಮುದ್ರವನ್ನು ಸಂಧಿಸುವ ಸ್ಥಳವಾಗಿದೆ. ಪ್ರವಾಸಿಗರು ಇಲ್ಲಿಗೆ ಬರಲು ಉತ್ತಮ ಸಮಯ ಮಳೆಗಾಲವಾಗಿದೆ.

ಪಡುಬಿದ್ರಿ ಬೀಚ್ ತಲುಪುವ ಬಗೆ

ಕೊಂಕಣ ರೈಲುಮಾರ್ಗದ ಮೂಲಕ ಪಡುಬಿದ್ರಿಯು ಭಾರತದ ಬಹುತೇಕ ಎಲ್ಲಾ ಪ್ರಮುಖ ಸ್ಥಳಗಳಿಗೆ ಸಂಪರ್ಕ ಹೊಂದಿದೆ. ಉಡುಪಿಯ ಪಟ್ಟಣವಾದ ಪಡುಬಿದ್ರಿಯು ರೈಲು, ವಿಮಾನ ಮತ್ತು ರಸ್ತೆಯ ಮೂಲಕ ಸುಗಮವಾದ ಸಂಪರ್ಕ ಹೊಂದಿದೆ.

ರೈಲು ಮಾರ್ಗ

• ಪಡುಬಿದ್ರಿ ಬೀಚ್‌ಗೆ ಹತ್ತಿರದ ರೈಲು ನಿಲ್ದಾಣಗಳು:
• ಪಡುಬಿದ್ರಿ ರೈಲು ನಿಲ್ದಾಣ
• ಮುಲ್ಕಿ ರೈಲು ನಿಲ್ದಾಣ

ವಿಮಾನ ಮಾರ್ಗ

ಈ ಪಟ್ಟಣಕ್ಕೆ ಹತ್ತಿರದ ವಿಮಾನ ನಿಲ್ದಾಣವೆಂದರೆ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ. ಬೀಚ್ ಈ ವಿಮಾನ ನಿಲ್ದಾಣದಿಂದ ಸುಮಾರು ೩೫ ಕಿಲೋಮೀಟರ್ ದೂರದಲ್ಲಿದೆ. ಈ ವಿಮಾನ ನಿಲ್ದಾಣದಿಂದ ಪಡುಬಿದ್ರಿಯನ್ನು ತಲುಪಲು ಮುಂಚಿತವಾಗಿ ಕ್ಯಾಬ್ ಅನ್ನು ಅಥವಾ ಟ್ಯಾಕ್ಸಿಯನ್ನು ಬಾಡಿಗೆಗೆ ಪಡೆಯಬೇಕಾಗುತ್ತದೆ. .

ರಸ್ತೆ ಮಾರ್ಗ

ಸಾರ್ವಜನಿಕ, ಖಾಸಗಿ ಮತ್ತು ಐಷಾರಾಮಿ ಬಸ್ಸುಗಳು ಭಾರತದ ಬಹುತೇಕ ಎಲ್ಲಾ ನಗರಗಳಿಂದ ಈ ಪಟ್ಟಣಕ್ಕೆ ಕಾರ್ಯನಿರ್ವಹಿಸುವುದರಿಂದ ಪಡುಬಿದ್ರಿಯು ರಸ್ತೆಯ ಮೂಲಕ ಉತ್ತಮ ಸಂಪರ್ಕವನ್ನು ಹೊಂದಿದೆ.