ತ.ರಾ.ಸುಬ್ಬರಾಯ

(ತರಾಸು ಇಂದ ಪುನರ್ನಿರ್ದೇಶಿತ)

ತ.ರಾ.ಸುಬ್ಬರಾಯರು ಕನ್ನಡ ಓದುಗರಿಗೆಲ್ಲಾ (ತರಾಸು) ಎಂದು ಖ್ಯಾತರಾಗಿದ್ದರು. ಅವರು-ಕನ್ನಡದ ಖ್ಯಾತ ಕಾದಂಬರಿಕಾರ ಮತ್ತು ಸಾಹಿತಿ.ಅಭಿನಂದನ ಗ್ರಂಥ:-ಗಿರಿಮಲ್ಲಿಗೆ.

ತ.ರಾ.ಸುಬ್ಬರಾಯರು
Tarasu.jpg
ಜನ್ಮನಾಮ21st April 1920
ಮರಣಏಪ್ರಿಲ್ 10, 1984(1984-04-10)
ವೃತ್ತಿಕಾದಂಬರಿಕಾರ

ಜನನ ಹಾಗೂ ಬಾಲ್ಯಸಂಪಾದಿಸಿ

  • 'ತಳುಕು ರಾಮಸ್ವಾಮಯ್ಯ ಸುಬ್ಬರಾಯ' ಅವರು ಕನ್ನಡದ ಮೊದಲ ಪ್ರಾಧ್ಯಾಪಕರಾದ ತಳುಕಿನ ವೆಂಕಣ್ಣಯ್ಯನವರ ತಮ್ಮನವರ ಮಗ. ಇವರು ಹುಟ್ಟಿದ್ದು ೧೯೧೯ರಲ್ಲಿ. ಇವರ ಮನೆಮಾತು ತೆಲುಗು. ಇವರ ತಾತ 'ಸುಬ್ಬಣ್ಣ'ನವರು ೮ ವರ್ಷದವರಾಗಿದ್ದಾಗ ಆಂಧ್ರ ಪ್ರದೇಶದ ಕಡೆಯಿಂದ ತಳುಕಿಗೆ ಬಂದು ನೆಲೆಸಿದವರು. ತಂದೆ ರಾಮಸ್ವಾಮಯ್ಯ'ನವರು 'ಪ್ಲೀಡರ್' ಆಗಿ ಚಿತ್ರದುರ್ಗದಲ್ಲಿ ಕೆಲಸ ಮಾಡುತ್ತಿದ್ದರು.
  • ಚಿಕ್ಕಂದಿನಿಂದ ಬಹಳ ತುಂಟರಾಗಿದ್ದ 'ಸುಬ್ಬರಾಯರು' ಇಂಟರ್ ಮುಗಿದ ಕೂಡಲೇ ಓದಿಗೆ ಶರಣು ಎಂದು ಸ್ವಾತಂತ್ರ್ಯ ಸಂಗ್ರಾಮದ ಚಳುವಳಿಯಲ್ಲಿ ಭಾಗಿಯಾಗಿದ್ದರು. ಅವರು ಬರೆದ 'ನಾಗರಹಾವು' ಕಾದಂಬರಿಯಲ್ಲಿನ ರಾಮಾಚಾರಿಯ ಪಾತ್ರದಂತೆಯೇ ಅವರು ಛಲದ ಮನುಷ್ಯರಾಗಿದ್ದವರು. ಬಹಳ ಕಷ್ಟದಲ್ಲಿ ಜೀವಿಸಿದವರು.

ವಿವಾಹಸಂಪಾದಿಸಿ

ಸಂಬಂಧಿಗಳಲ್ಲೇ ಮದುವೆಯಾಗಿದ್ದ ಅವರ ಪತ್ನಿಯ ಹೆಸರು 'ಅಂಬುಜ'. ಬಹಳ ಸಮಯದ ನಂತರ ಹುಟ್ಟಿದ ಮೂವರು ಮಕ್ಕಳು 'ನಾಗಪ್ರಸಾದ್', 'ಪೂರ್ಣಿಮಾ' ಮತ್ತು 'ಪ್ರದೀಪ'. ಪತ್ನಿ ಮತ್ತು ಮಕ್ಕಳು ಮೈಸೂರಿನಲ್ಲಿ ವಾಸವಾಗಿದ್ದಾರೆ. ಮೈಸೂರಿನ ಯಾದವಗಿರಿಯಲ್ಲಿ ಕಟ್ಟಿಸಿದ ಅವರ ಮನೆಯ ಹೆಸರು 'ಗಿರಿಕನ್ಯಕಾ'.

ಅ.ನ.ಕೃ ಗುರುಗಳ ಸಾನಿಧ್ಯದಲ್ಲಿಸಂಪಾದಿಸಿ

  • ಅವರಿಗೆ ಗುರುವಾಗಿದ್ದವರು ಅ.ನ. ಕೃಷ್ಣರಾಯರು. ಆ ಸಮಯಕ್ಕಾಗಲೇ ಸಾಮಾಜಿಕ ವಿಷಯಗಳ ಬಗ್ಗೆ ಕಾದಂಬರಿಗಳನ್ನು ಬರೆದಿದ್ದ ಅನಕೃ ಅವರು ಕನ್ನಡಿಗರ ಮನೆ ಮಾತಾಗಿದ್ದರು. ಬರಹ ಅವರ ರಕ್ತಕ್ಕೆ ಬಂದಂತಿತ್ತು. ಅವರು ಬರೆದಿದ್ದ ಒಂದು ಕಾದಂಬರಿಯ (ಹಂಸ ಗೀತೆ) ವಸ್ತು ಹಿಂದಿ ಭಾಷೆಯ ಚಲನಚಿತ್ರವಾದ 'ಬಸಂತ್ ಬಹಾರ್' ಆಯಿತು.
  • ಅಲ್ಲಿಯವರೆವಿಗೆ ಅವರು ಕನ್ನಡದ ಹೋರಾಟದಲ್ಲಿ ಅನಕೃ ಮತ್ತಿತರ ಸಹೃದಯರರ ಜೊತೆ ಲೀನವಾಗಿದ್ದರು. ಕನ್ನಡದ ಹೋರಾಟದಲ್ಲಿ ಅನಕೃ ಅವರೊಂದಿಗೆ ಸರಿಸಾಟಿಯಾಗಿ ನಿಂತರು. ಅವರೊಂದಿಗೆ ಕೈ ಜೋಡಿಸಿದವರು ಮ.ರಾಮಮೂರ್ತಿಗಳು. ಆ ಸಮಯದಲ್ಲಿ ರಾಜ್ಯಾದ್ಯಂತ ಓಡಾಡಿ ಕನ್ನಡಿಗರಲ್ಲಿ ಜಾಗೃತಿಯನ್ನು ಉಂಟು ಮಾಡಲು ಶ್ರಮಿಸಿದರು.[೧]

ಚಲನಚಿತ್ರವಾದ ಸುಬ್ಬರಾಯರ ಕಾದಂಬರಿಗಳುಸಂಪಾದಿಸಿ

ಕಾದಂಬರಿಗಳನ್ನು ಬರೆದರೂ, ಹಣಗಳಿಕೆಯಲ್ಲಿ ವಿಫಲರಾಗಿದ್ದರು. ೧೯೬೦ರ ಸುಮಾರಿಗೆ ರಷ್ಯಾಗೆ ಸರ್ಕಾರದ ವತಿಯಿಂದ ಹೋದ ಮೇಲೆ ಅವರ ಅದೃಷ್ಟ ಬದಲಾಯಿತು. ಅವರ ಕಾದಂಬರಿಗಳ ಸುವಾಸನೆ ಬಹಳ ನಿಧಾನವಾಗಿ ಕನ್ನಡ ಚಲನಚಿತ್ರಲೋಕ ಮೂಲಕ ಪಸರಿಸಿ ಹಣಗಳಿಸಿಕೊಟ್ಟಿತು.

  1. ಚಂದವಳ್ಳಿಯ ತೋಟ
  2. ಹಂಸಗೀತೆ
  3. ನಾಗರಹಾವು
  4. ಬೆಂಕಿಯ ಬಲೆ
  5. ಗಾಳಿಮಾತು
  6. 'ಬಿಡುಗಡೆಯ ಬೇಡಿ'
  7. ಮಸಣದ ಹೂ
  8. ಇವರ 'ಹಂಸಗೀತೆ' ಕಾದಂಬರಿಯನ್ನು ಆಧರಿಸಿ ೧೯೫೬ರಲ್ಲಿ ಬಸಂತ್ ಬಹಾರ್ ಎಂಬ ಹಿಂದಿ ಚಲನಚಿತ್ರ ಬಿಡುಗಡೆಯಾಯಿತು.

ಮಹತ್ವದ ಕೃತಿಗಳುಸಂಪಾದಿಸಿ

ಇವರ ಕೃತಿಗಳಾದ ಕಂಬನಿಯ ಕುಯಿಲು, ರಕ್ತರಾತ್ರಿ, ಮತ್ತು ತಿರುಗುಬಾಣ, ಚಿತ್ರದುರ್ಗದ ಇತಿಹಾಸವನ್ನು ಬಹಳ ರಸವತ್ತಾಗಿ ಚಿತ್ರಿಸಿವೆ ಎಂದು ವಿಮರ್ಶಕರ ಅಭಿಪ್ರಾಯ. ಅದರಲ್ಲಿ ವಿವರಿಸಿರುವ ಪಾಳೇಗಾರರ ವೈಭವ, ದರ್ಪ ಮತ್ತು ಕ್ರೌರ್ಯ ಮೈ ನವಿರೇಳುವಂತಿದೆ ಎನ್ನಲಾಗಿದೆ. ಇದು ತರಾಸು ಅವರ ಬರಹಾ ಕೌಶಲ್ಯಕ್ಕೆ ಹಿಡಿದ ಕನ್ನಡಿ.೧೯೭೦ರ ಸಮಯದಲ್ಲಿ ಶೃಂಗೇರಿ ಸ್ವಾಮಿಗಳ ಸಾನ್ನಿಧ್ಯದಲ್ಲಿದ್ದರು. ಆಗ ಆರೋಗ್ಯ ಸ್ವಲ್ಪ ಸುಧಾರಿಸಿತು. ಆ ಸಮಯದಲ್ಲಿ ಅವರು ಬರೆದ ಕಾದಂಬರಿ ೪ * ೪ = ೧.

ಕಾವ್ಯ ನಾಮಸಂಪಾದಿಸಿ

  • ತರಾಸು

[೨]

ಕೃತಿಗಳುಸಂಪಾದಿಸಿ

ಸಾಮಾಜಿಕ ಕಾದಂಬರಿಗಳುಸಂಪಾದಿಸಿ

  1. ಮನೆಗೆ ಬಂದ ಮಹಾಲಕ್ಷ್ಮಿ
  2. ನಾಗರ ಹಾವು
  3. ರಕ್ತ ತರ್ಪಣ
  4. ಪುರುಷಾವತಾರ
  5. ಬೇಡದ ಮಗು
  6. ಮಸಣದ ಹೂವು
  7. ಬಿಡುಗಡೆಯ ಬೇಡಿ
  8. ಚಂದನದ ಗೊಂಬೆ
  9. ಚಕ್ರ ತೀರ್ಥ
  10. ಸಾಕು ಮಗಳು
  11. ಮಾರ್ಗ ದರ್ಶಿ
  12. ಬೆಂಕಿಯ ಬಲೆ
  13. ಚಂದವಳ್ಳಿಯ ತೋಟ
  14. ಎರಡು ಹೆಣ್ಣು ಒಂದು ಗಂಡು
  15. ಗಾಳಿ ಮಾತು
  16. ಕಾರ್ಕೋಟಕ
  17. ಪಂಜರದ ಪಕ್ಷಿ
  18. ಖೋಟಾ ನೋಟು
  19. ಮೊದಲ ನೋಟ

ಪೌರಾಣಿಕ ಕಾದಂಬರಿಗಳುಸಂಪಾದಿಸಿ

  1. ಬೆಳಕು ತಂದ ಬಾಲಕ
  2. ನಾಲ್ಕು × ನಾಲ್ಕು

ಐತಿಹಾಸಿಕ ಕಾದಂಬರಿಗಳುಸಂಪಾದಿಸಿ

  1. ನೃಪತುಂಗ
  2. ಸಿಡಿಲ ಮೊಗ್ಗು
  3. ಹಂಸಗೀತೆ
  4. ಶಿಲ್ಪ ಶ್ರೀ
  5. ಕಸ್ತೂರಿ ಕಂಕಣ
  6. ಕಂಬನಿಯ ಕುಯಿಲು
  7. ರಕ್ತ ರಾತ್ರಿ
  8. ತಿರುಗು ಬಾಣ
  9. ದುರ್ಗಾಸ್ತಮಾನ

ಕಥಾ ಸಂಕಲನಗಳುಸಂಪಾದಿಸಿ

  1. ರೂಪಸಿ
  2. ತೊಟ್ಟಿಲು ತೂಗಿತು
  3. ಮಲ್ಲಿಗೆಯ ನಂದನದಲ್ಲಿ
  4. ಇದೇ ನಿಜವಾದ ಸಂಪತ್ತು

ನಾಟಕಗಳುಸಂಪಾದಿಸಿ

  1. ಜ್ವಾಲಾ.
  2. ಮೃತ್ಯು ಸಿಂಹಾಸನ.
  3. ಅನ್ನಾವತಾರ.
  4. ಮಹಾಶ್ವೇತೆ.

[೩]

ನಿಧನಸಂಪಾದಿಸಿ

ಪ್ರಶಸ್ತಿಗಳುಸಂಪಾದಿಸಿ

ಬಾಹ್ಯ ಸಂಪರ್ಕಗಳುಸಂಪಾದಿಸಿ

ಉಲ್ಲೇಖಸಂಪಾದಿಸಿ

  1. ಇಂದು ಜನುಮದಿನ: ತ.ರಾ.ಸು.
  2. ನೂರರ ಏರಿನಲ್ಲಿ ಚಂದವಳ್ಳಿಯ ತೋಟಗಾರ;ರಘುನಾಥ ಚ.ಹ. Updated: 19 ಏಪ್ರಿಲ್ 2020,
  3. ತ.ರಾ.ಸುಬ್ಬರಾಯ (1920-1984)