ವಿದ್ಯುನ್ಮಾನ ನಗರ

ಎಲೆಕ್ಟ್ರಾನಿಕ್ ಸಿಟಿ ಭಾರತ ದೇಶದ ಕರ್ನಾಟಕ ರಾಜ್ಯದಲ್ಲಿರುವ ಮಾಹಿತಿ ತಂತ್ರಜ್ಞಾನ ಹಾಗು ವಿದ್ಯುನ್ಮಾನ ಸಂಸ್ಥೆಗಳ ಬೃಹತ್ ತಾಣವಾಗಿದೆ. ಇದು ಭಾರತದ ಅತಿದೊಡ್ಡ ವಿದ್ಯುನ್ಮಾನ ಕೈಗಾರಿಕಾ ಪಾರ್ಕುಗಳಲ್ಲಿ ಒಂದಾಗಿದೆ. ಇದನ್ನು ೩ ಹಂತಗಳಾಗಿ ನಿರ್ಮಾಣ ಮಾಡಲಾಗಿದೆ. ಹಂತ I, ಹಂತ II ಮತ್ತು ಹಂತ III. ಎಲೆಕ್ಟ್ರಾನಿಕ್ ಸಿಟಿಯನ್ನು ಮಾಹಿತಿ ತಂತ್ರಜ್ಞಾನ ಮೂಲಸೌಕರ್ಯ ಅಭಿವೃದ್ಧಿ ಪ್ರವರ್ತಕ ಕಿಯೋನಿಕ್ಸ್ ಕರ್ನಾಟಕ ಸಂಸ್ಥೆಯಿಂದ ಸ್ಥಾಪಿಸಲ್ಪಟ್ಟಿತು. ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ೨೦೦ಕ್ಕೂ ಹೆಚ್ಚು ಪ್ರಮುಖ ಐಟಿ ಐಟಿಇಎಸ್, ಏವಿಯಾನಿಕ್ಸ್ ಕಂಪನಿಗಳಿವೆ. ಬೆಂಗಳೂರು ನಗರದಿಂದ ಸುಮಾರು ೨೦ ಕಿ.ಮೀ ದೂರದಲ್ಲಿದೆ. ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಮಾಹಿತಿ ತಂತ್ರಜ್ಞಾನ ಸಂಸ್ಥೆಗಳು ಇಲ್ಲಿ ತಮ್ಮ ಕಛೇರಿಗಳನ್ನು ಹೊಂದಿವೆ.

ಎಲೆಟ್ರಾನಿಕ್ ಸಿಟಿ Electronic City
Suburb
ದೇಶ	ಭಾರತ
ರಾಜ್ಯ	ಕರ್ನಾಟಕ
ಜಿಲ್ಲೆ	ಬೆಂಗಳೂರು ನಗರ ಜಿಲ್ಲೆ
ಸ್ಥಾಪಿಸಿದವರು	Rama Krishna Baliga
Area
• Total	೧೩೪ ha (೩೩೨ acres)
Languages
• Official	ಕನ್ನಡ
ಸಮಯ ವಲಯ	ಯುಟಿಸಿ+5:30
ISO 3166 code	IN-KA
ವಾಹನ ನೋಂದಣಿ	KA-51
ಜಾಲತಾಣ	www.electronic-city.in

Electronic City

ಸ್ಥಾಪನೆ	1978
ಸ್ಥಳ	Hosur Road, ಬೆಂಗಳೂರು
ಪ್ರದೇಶ	332 acres (134 ha)
ಕೈಗಾರಿಕೆಗಳು	ವಿದ್ಯುನ್ಮಾನ, ಮಾಹಿತಿ ತಂತ್ರಜ್ಞಾನ,Avionics
ಪ್ರಮುಖ ಕಂಪನಿಗಳು	BHEL, ವಿಪ್ರೊ, ಟೆಕ್‌ ಮಹೀಂದ್ರಾ, ಹೆವ್ಲೆಟ್-ಪ್ಯಾಕರ್ಡ್, ಇನ್ಫೋಸಿಸ್, Patni Computer Systems, C-DOT, CGI, ಸೀಮೆನ್ಸ್ ಎಜಿ,Amphenol,IIITB
ಉದ್ಯೋಗಿಗಳು	100,000
ಬಂಡವಾಳ	US$ 2,000,000

ಇತಿಹಾಸ

೧೯೭೮ರಲ್ಲಿ ಬೆಂಗಳೂರಿನ ಆನೇಕಲ್ ತಾಲ್ಲೂಕಿನ ಕೋನಪ್ಪನ ಅಗ್ರಹಾರ, ದೊಡ್ಡ ತೋಗುರು ಹಳ್ಳಿಗಳ ೩೩೨ ಎಕರೆ (೧.೩ ಚ.ಕಿ.ಮೀ) ವಿಸ್ತೀರ್ಣ ಪ್ರದೇಶದಲ್ಲಿ ಕರ್ನಾಟಕ ರಾಜ್ಯದ ಸರಕಾರಿ ಸಂಸ್ಥೆಯಾದ ಕರ್ನಾಟಕ ರಾಜ್ಯ ವಿದ್ಯುನ್ಮಾನ ಅಭಿವೃದ್ದಿ ನಿಗಮ (ಕಿಯೋನಿಕ್ಸ್)ನಿಂದ ಸ್ಥಾಪಿಸಲಾಯಿತು. ೧೯೯೭ರಲ್ಲಿ ಕಿಯೋನಿಕ್ಸ್ ಎಲೆಕ್ಟ್ರಾನಿಕ್ ಸಿಟಿ ನಿರ್ವಹಣೆಯನ್ನು ಎಲೆಕ್ಟ್ರಾನಿಕ್ ಸಿಟಿ ಇಂಡಸ್ಟ್ರೀಸ್ ಅಸೋಸಿಯೇಷನ್ (ELCIA)ಗೆ ವಹಿಸಿತು. ಇದು ಸ್ಥಳೀಯ ಇಂಡಸ್ಟ್ರಿಗಳ ಪ್ರತಿನಿಧಿಗಳನ್ನು ಹೊಂದಿದೆ. ಭದ್ರತಾ ವವ್ಯಸ್ಥೆಯನ್ನು ELCIA ಒದಗಿಸುತ್ತದೆ ಮತ್ತು ಸೂಕ್ಷ್ಮ ಸ್ಥಳಗಳನ್ನು ಗುರುತಿಸಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ.

ಸಾರಿಗೆ

ಎಲೆಕ್ಟ್ರಾನಿಕ್ ಸಿಟಿ ಸಿಲ್ಕ್ ಬೋರ್ಡ್ ಜಂಕ್ಷನ್‍ನಿಂದ ಹೆದ್ದಾರಿ ಉನ್ನತೀಕರಿಸಲಾಗಿದೆ. ನಾಲ್ಕು ಲೇನ್‍ಗಳ ಮಿಶ್ರ ಕಾರಿಡಾರ್ ಅನ್ನು ೨೨ ಜನವರಿ ೨೦೧೦ ರಂದು ತೆರೆಯಲಾಯಿತು. ೯೯೮೫ ಕಿಮೀ ಉದ್ದದ ಎಕ್ಸ್‍ಪ್ರೆಸ್ ವೇ ದೇಶದ ಅತಿ ಉದ್ದದ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಒಂದಾಗಿದೆ. ಈ ಎತ್ತರದ ಏರಿಕೆಯು, ಎಲೆಕ್ಟ್ರಾನಿಕ್ ಸಿಟಿಯಿಂದ ಸಿಲ್ಕ್ ಬೋರ್ಡ್ ವರೆಗು ಕಡಿಮೆಯೆಂದರೆ ೧೫ ನಿಮಿಷಗಳಲ್ಲಿ ಪ್ರಯಾಣಿಸಬಹುದು.