ನಿಲ್ಲಿ ಲಾವಿ

ನಿಲ್ಲಿ ಲಾವಿ (ಎಫ್‌ಬಿಎ) ಬ್ರಿಟಿಷ್-ಇಸ್ರೇಲಿ ದ್ವಿ ರಾಷ್ಟ್ರೀಯತೆಯನ್ನು ಹೊಂದಿರುವ, ಮನಶ್ಶಾಸ್ತ್ರಜ್ಞೆ ಮತ್ತು ನರವಿಜ್ಞಾನಿ. ಇವರು ಮನೋವಿಜ್ಞಾನ ಮತ್ತು ಮೆದುಳಿನ ವಿಜ್ಞಾನಗಳ ಪ್ರಾಧ್ಯಾಪಕಿಯಾಗಿದ್ದಾರೆ ಮತ್ತು ಯೂನಿವರ್ಸಿಟಿ ಕಾಲೇಜ್ ಲಂಡನ್ ಇನ್ಸ್ಟಿಟ್ಯೂಟ್ ಆಫ್ ಕಾಗ್ನಿಟಿವ್ ನ್ಯೂರೋಸೈನ್ಸ್‌ನಲ್ಲಿ ಗಮನ ಮತ್ತು ಅರಿವಿನ ನಿಯಂತ್ರಣ ಪ್ರಯೋಗಾಲಯದ ನಿರ್ದೇಶಕರಾಗಿರುವ ಇವರು ಬ್ರಿಟಿಷ್ ಅಕಾಡೆಮಿ, ಅಮೇರಿಕನ್ ಸೈಕಾಲಜಿಕಲ್ ಸೊಸೈಟಿ, ರಾಯಲ್ ಸೊಸೈಟಿ ಆಫ್ ಬಯಾಲಜಿ ಮತ್ತು ಬ್ರಿಟಿಷ್ ಸೈಕಾಲಜಿಕಲ್ ಸೊಸೈಟಿಯ ಚುನಾಯಿತ ಫೆಲೋ ಆಗಿದ್ದಾರೆ. ಯುಕೆ ಎಕ್ಸ್ಪೆರಿಮೆಂಟಲ್ ಸೈಕಾಲಜಿ ಸೊಸೈಟಿಯ ಗೌರವ ಆಜೀವ ಸದಸ್ಯರಾಗಿರುವ ಇವರು ಮಾಹಿತಿ ಸಂಸ್ಕರಣೆಯಲ್ಲಿ ಗಮನದ ಪಾತ್ರದ ಬಗ್ಗೆ ೪೦ ವರ್ಷಗಳ ಚರ್ಚೆಗೆ ಪರಿಹಾರವನ್ನು ಒದಗಿಸಿದ್ದಕ್ಕಾಗಿ ಮತ್ತು ಗಮನ, ಗ್ರಹಿಕೆ ಮತ್ತು ಅರಿವಿನ ನಿಯಂತ್ರಣದ ಗ್ರಹಣಾತ್ಮಕ ಹೊರೆ ಸಿದ್ಧಾಂತದ ಸೃಷ್ಟಿಕರ್ತರಾಗಿ ಹೆಸರುವಾಸಿಯಾಗಿದ್ದಾರೆ.

ನಿಲ್ಲಿ ಲಾವಿ
ರಾಷ್ಟ್ರೀಯತೆ	ಇಸ್ರೇಲಿ ಬ್ರಿಟಿಷ್
ಕಾರ್ಯಕ್ಷೇತ್ರಗಳು	ಕಾಗ್ನಿಟಿವ್ ನ್ಯೂರೋಸೈನ್ಸ್
ಸಂಸ್ಥೆಗಳು	ಯೂನಿವರ್ಸಿಟಿ ಕಾಲೇಜ್ ಲಂಡನ್ (ಇನ್ಸ್ಟಿಟ್ಯೂಟ್ ಆಫ್ ಕಾಗ್ನಿಟಿವ್ ನ್ಯೂರೋಸೈನ್ಸ್)
ಅಭ್ಯಸಿಸಿದ ಸಂಸ್ಥೆ	ಟೆಲ್ ಅವೀವ್ ವಿಶ್ವವಿದ್ಯಾಲಯ
ಪ್ರಸಿದ್ಧಿಗೆ ಕಾರಣ	ಗ್ರಹಣಾತ್ಮಕ ಹೊರೆ ಸಿದ್ಧಾಂತ
ಗಮನಾರ್ಹ ಪ್ರಶಸ್ತಿಗಳು	ಬಿಪಿಎಸ್ ಕಾಗ್ನಿಟಿವ್ ಸೆಕ್ಷನ್ ಪ್ರಶಸ್ತಿ, ಇಪಿಎಸ್ ಮಿಡ್-ಕೆರಿಯರ್ ಪ್ರಶಸ್ತಿ.

ಜೀವನಚರಿತ್ರೆ ಮತ್ತು ಶಿಕ್ಷಣ

ಲಾವಿಯವರು ೧೯೮೭ರಲ್ಲಿ ಟೆಲ್ ಅವೀವ್ ವಿಶ್ವವಿದ್ಯಾಲಯದಿಂದ ಮನಃಶಾಸ್ತ್ರ ಮತ್ತು ತತ್ವಶಾಸ್ತ್ರದಲ್ಲಿ ಬಿಎ ಪದವಿಗಳನ್ನು ಪಡೆದರು ಮತ್ತು ೧೯೯೩ ರಲ್ಲಿ ಟೆಲ್ ಅವೀವ್ ವಿಶ್ವವಿದ್ಯಾಲಯದಲ್ಲಿ ಕಾಗ್ನಿಟಿವ್ ಸೈಕಾಲಜಿಯಲ್ಲಿ ಪಿಎಚ್‌ಡಿ ಪೂರ್ಣಗೊಳಿಸಿದರು.

ತೊಂಬತ್ತರ ದಶಕದ ಮಧ್ಯಭಾಗದಲ್ಲಿ ಅವರು ಯುಸಿ ಬರ್ಕ್ಲಿಯಲ್ಲಿ ಪೋಸ್ಟ್ ಡಾಕ್ಟರಲ್ ತರಬೇತಿಗಾಗಿ ಮಿಲ್ಲರ್ ಫೆಲೋಶಿಪ್ ಅನ್ನು ಪಡೆದರು. ಇದನ್ನು ಅವರು ಅನ್ನೆ ಟ್ರೆಸ್ಮನ್ ಅವರ ಪ್ರಯೋಗಾಲಯದಲ್ಲಿ ಹೊಂದಿದ್ದರು. ಪೋಸ್ಟ್ ಡಾಕ್ಟರಲ್ ತರಬೇತಿಯ ನಂತರ, ಅವರು ಯುಕೆಗೆ ತೆರಳಿದರು. ಅಲ್ಲಿ ಅವರು ದಿವಂಗತ ಜಾನ್ ಡ್ರೈವರ್ ಅವರನ್ನು ವಿವಾಹವಾದರು. ಹಾಗೂ ಯುಕೆಯ ಕೇಂಬ್ರಿಡ್ಜ್ ನ ಎಂಆರ್ ಸಿ-ಅಪ್ಲೈಡ್ ಸೈಕಾಲಜಿ ಯುನಿಟ್ (ಈಗ ಕಾಗ್ನಿಷನ್ ಅಂಡ್ ಬ್ರೈನ್ ಸೈನ್ಸಸ್ ಯುನಿಟ್) ನಲ್ಲಿ ತಮ್ಮ ಮೊದಲ ಬೋಧಕ ಕೆಲಸವನ್ನು ನಿರ್ವಹಿಸಿದರು. ೧೯೯೫ ರ ಕೊನೆಯಲ್ಲಿ ಅವರು ಯುಸಿಎಲ್‌ಗೆ ಸೇರಿದರು. ಅಲ್ಲಿ ಅವರು ಪ್ರಸ್ತುತ ಕೆಲಸ ಮಾಡುತ್ತಿದ್ದಾರೆ ಮತ್ತು ೧೦೦ ಕ್ಕೂ ಹೆಚ್ಚು ವೈಜ್ಞಾನಿಕ ಪ್ರಬಂಧಗಳನ್ನು ಬರೆದಿದ್ದಾರೆ.

ಪ್ರಶಸ್ತಿಗಳು ಮತ್ತು ಗೌರವಗಳು

ಅವರು ೨೦೦೬ ರಲ್ಲಿ ಸಂಶೋಧನೆಗೆ ನೀಡಿದ ಅತ್ಯುತ್ತಮ ಕೊಡುಗೆಗಾಗಿ ಬ್ರಿಟಿಷ್ ಸೈಕಾಲಜಿಕಲ್ ಸೊಸೈಟಿ ಕಾಗ್ನಿಟಿವ್ ಸೆಕ್ಷನ್ ಪ್ರಶಸ್ತಿಯನ್ನು ಪಡೆದಿದ್ದಾರೆ. ೨೦೧೧ ರಲ್ಲಿ, ಅವರು ವೈಸ್ ಅಭಿಯಾನದಲ್ಲಿ (ವಿಜ್ಞಾನ, ಎಂಜಿನಿಯರಿಂಗ್ ಮತ್ತು ನಿರ್ಮಾಣದಲ್ಲಿ ಮಹಿಳೆಯರು) "ಸ್ಪೂರ್ತಿದಾಯಕ ಮಹಿಳೆ" ಎಂದು ಆಯ್ಕೆಯಾದರು. ೨೦೧೨ ರಲ್ಲಿ, ಅವರು ಪ್ರಾಯೋಗಿಕ ಮನೋವಿಜ್ಞಾನ ಸೊಸೈಟಿಯಿಂದ ಮಿಡ್-ಕೆರಿಯರ್ ಪ್ರಶಸ್ತಿಯನ್ನು ಪಡೆದರು.

ಅವರು ಯುಸಿಎಲ್ (ಪಾಲ್ಸ್ ವಿಭಾಗ) (೨೦೧೨) ನಲ್ಲಿ 'ಅಕಾಡೆಮಿಕ್ ಚಾಂಪಿಯನ್' ಎಂದು ಹೆಸರಿಸಲ್ಪಟ್ಟರು. ಅವರು ಯುಸಿಎಲ್ ಫ್ಯಾಕಲ್ಟಿ ಆಫ್ ಲೈಫ್ ಸೈನ್ಸಸ್ (೨೦೧೨) ನಲ್ಲಿ ಶೈಕ್ಷಣಿಕ ರೋಲ್ ಮಾಡೆಲ್ ಆಗಿ ಆಯ್ಕೆಯಾದರು.

ಸಂಶೋಧನೆ

ಲಾವಿಯವರ ಸಂಶೋಧನೆಯು ಮೆದುಳಿನ ಕಾರ್ಯವಿಧಾನಗಳು, ಮಾನಸಿಕ ಕಾರ್ಯಗಳು (ಗ್ರಹಿಕೆ, ಪ್ರಜ್ಞಾಪೂರ್ವಕ ಅರಿವು, ಸ್ಮರಣೆ ಮತ್ತು ಭಾವನೆ) ಮತ್ತು ನಡವಳಿಕೆಯ ಮೇಲೆ ಮಾಹಿತಿಯ ಹೊರೆಯ ಪರಿಣಾಮಗಳಿಗೆ ಸಂಬಂಧಿಸಿದೆ. ಈ ಸಂಶೋಧನೆಯು ಗಮನ ಮತ್ತು ಅರಿವಿನ ನಿಯಂತ್ರಣದ ಹೊರೆ ಸಿದ್ಧಾಂತದ ಚೌಕಟ್ಟಿನಿಂದ ನಿರ್ದೇಶಿಸಲ್ಪಟ್ಟಿದೆ. ಲಾವಿಯವರು ಮೂಲತಃ ತೊಂಬತ್ತರ ದಶಕದ ಮಧ್ಯಭಾಗದಲ್ಲಿ "ಗಮನದ ಆಯ್ಕೆ" ಚರ್ಚೆಯನ್ನು ಪರಿಹರಿಸಲು ಲೋಡ್ ಸಿದ್ಧಾಂತವನ್ನು ಪ್ರಸ್ತಾಪಿಸಿದರು.

ಲೋಡ್ ಸಿದ್ಧಾಂತವು ಮಾಹಿತಿ ಸಂಸ್ಕರಣೆಯ ಸ್ವರೂಪದ ಬಗ್ಗೆ ಹೊಸ ವಿಧಾನವನ್ನು ನೀಡಿದೆ. ಇದು ಸಾಮರ್ಥ್ಯದ ಮಿತಿಗಳು ಮತ್ತು ಸಂಸ್ಕರಣೆಯ ಸ್ವಯಂಚಾಲಿತತೆಯ ವಿಷಯಕ್ಕೆ ಸಂಬಂಧಿಸಿದಂತೆ ಈ ಚರ್ಚೆಯಲ್ಲಿ ಸ್ಪಷ್ಟವಾಗಿ ವಿರೋಧಾಭಾಸವಾದ ಅಭಿಪ್ರಾಯಗಳನ್ನು ಸಮನ್ವಯಗೊಳಿಸುತ್ತದೆ. ಲೋಡ್ ಸಿದ್ಧಾಂತದಲ್ಲಿ - ಗ್ರಹಣಾತ್ಮಕ ಮಾಹಿತಿ ಸಂಸ್ಕರಣೆ ಸೀಮಿತ ಸಾಮರ್ಥ್ಯವನ್ನು ಹೊಂದಿದೆ. ಆದರೆ ಸಂಸ್ಕರಣೆ ಅದರ ಸಾಮರ್ಥ್ಯದೊಳಗಿನ ಎಲ್ಲಾ ಮಾಹಿತಿಯ ಮೇಲೆ ಸ್ವಯಂಚಾಲಿತವಾಗಿ ಮುಂದುವರಿಯುತ್ತದೆ. ಈ ಸಿದ್ಧಾಂತವು ಮಾಹಿತಿ ಸಂಸ್ಕರಣೆ, ದೃಶ್ಯ ಗ್ರಹಿಕೆ ಮತ್ತು ಅರಿವಿನ ಮೇಲೆ ಗಮನದ ಪ್ರಭಾವವನ್ನು ಅರ್ಥಮಾಡಿಕೊಳ್ಳಲು ಸಿದ್ಧಾಂತವು ಪ್ರಮುಖ ಕೊಡುಗೆ ನೀಡಿದೆ.. ಕೆಲಸದ ಕಾರ್ಯಕ್ಷಮತೆಯ ಸಮಯದಲ್ಲಿ ಜನರು ತಮ್ಮ ಕೆಲಸದ ಸ್ಮರಣೆಯನ್ನು ಹೇಗೆ ಬಳಸುತ್ತಾರೆ ಮತ್ತು ಜನರು ತಮ್ಮ ಗ್ರಹಿಕೆ, ಗಮನ ಮತ್ತು ನಡವಳಿಕೆಯ ಮೇಲೆ ಅರಿವಿನ ನಿಯಂತ್ರಣವನ್ನು ಬೀರುವ ವಿಧಾನಗಳನ್ನು ಇದು ವಿವರಿಸುತ್ತದೆ.

ಮಾಧ್ಯಮಗಳಲ್ಲಿ

ಬಿಬಿಸಿ ಒನ್, ಬಿಬಿಸಿ ಟು, ಬಿಬಿಸಿ ನ್ಯೂಸ್, ಚಾನೆಲ್ ೪, ದಿ ಗಾರ್ಡಿಯನ್, ದಿ ಟೈಮ್ಸ್, ದಿ ಇಂಡಿಪೆಂಡೆಂಟ್, ನ್ಯೂ ಸೈಂಟಿಸ್ಟ್, ದಿ ಡೈಲಿ ಟೆಲಿಗ್ರಾಫ್ ಮತ್ತು ಅಂತರರಾಷ್ಟ್ರೀಯ ಮಾಧ್ಯಮ ಸಂಸ್ಥೆಗಳು ಸೇರಿದಂತೆ ಬ್ರಿಟಿಷ್ ಮುದ್ರಣ ಮತ್ತು ವಿದ್ಯುನ್ಮಾನ ಮಾಧ್ಯಮಗಳಲ್ಲಿ ಅನೇಕ ಟಿವಿ, ವಿಜ್ಞಾನ, ಸಾಕ್ಷ್ಯಚಿತ್ರ ಕಾರ್ಯಕ್ರಮಗಳು, ಸಂದರ್ಶನಗಳು ಮತ್ತು ಲೇಖನಗಳಲ್ಲಿ ಲಾವಿ ಹಲವಾರು ಮಾಧ್ಯಮಗಳಲ್ಲಿ ಕಾಣಿಸಿಕೊಂಡಿದ್ದಾರೆ.