ವಿಕಿಪೀಡಿಯ

ತಾರಕೇಶ್ವರ

 

ತಾರಕೇಶ್ವರ
[ಬಾಬರ್ ಧಾಮ್][೧]
ನಗರ
[೨]
ತಾರಕೇಶ್ವರ ಬಾಬಾ ತಾರಕನಾಥ ದೇವಾಲಯ
Nickname(s): 
ಶಿವನ ನಗರ[೩]
Country India
Stateಪಶ್ಚಿಮ ಬಂಗಾಳ
Districtಹೂಗ್ಲಿ
ಹೆಸರಿಡಲು ಕಾರಣಭಗವಂತ ತಾರಕೇಶ್ವರ
ಸರ್ಕಾರ
 • ಮಾದರಿಪುರಸಭೆ
 • ಪಾಲಿಕೆತಾರಕೇಶ್ವರ ಪುರಸಭೆ
Area
[೪]
 • Total೩.೮೮ km೨ (೧.೫೦ sq mi)
Elevation
೧೮ m (೫೯ ft)
Population
 (2011)[೫]
 • Total೩೦,೯೪೭
 • ಸಾಂದ್ರತೆ೮,೦೦೦/km೨ (೨೧,೦೦೦/sq mi)
Languages
ಸಮಯದ ವಲಯ
ಸಮಯ ವಲಯಯುಟಿಸಿ+5:30 (IST)
Landline code೦೩೨೧೨
Lok Sabha constituencyಆರಂಬಾಗ್
ಜಾಲತಾಣwww.tarakeswarmunicipality.in

ತಾರಕೇಶ್ವರ ( ತಾರೋಕೇಶ್ವರ ಎಂದು ಉಚ್ಚರಿಸಲಾಗುತ್ತದೆ) ಭಾರತದ ಪಶ್ಚಿಮ ಬಂಗಾಳದ ಹೂಗ್ಲಿ ಜಿಲ್ಲೆಯ ಪ್ರಸಿದ್ಧ ಪವಿತ್ರ ನಗರ ಮತ್ತು ಪುರಸಭೆಯಾಗಿದೆ. ತಾರಕೇಶ್ವರವನ್ನು "ಬಾಬರ್ ಧಾಮ್" ಅಥವಾ " ಶಿವನ ನಗರ" ಎಂದು ಕರೆಯಲಾಗುತ್ತದೆ. [೬] ಇದು ಪಶ್ಚಿಮ ಬಂಗಾಳ ಮತ್ತು ಭಾರತದ ಪ್ರಮುಖ ಪ್ರವಾಸಿ ಮತ್ತು ಪವಿತ್ರ ಸ್ಥಳವಾಗಿದೆ. [೭] ತಾರಕೇಶ್ವರವು ರಾಜ್ಯ ರಾಜಧಾನಿ ಕೋಲ್ಕತ್ತಾದಿಂದ ೫೮ ಕಿಲೋಮೀಟರ್ (೩೬ ಮೈ) ದೂರದಲ್ಲಿ ಮತ್ತು ರಾಷ್ಟ್ರೀಯ ರಾಜಧಾನಿ ನವದೆಹಲಿಯಿಂದ ಸುಮಾರು ೧೫೨೦ ಕಿಲೋಮೀಟರ್ ದೂರದಲ್ಲಿರುವ ಪಶ್ಚಿಮ ಬಂಗಾಳದಲ್ಲಿರುವ ಭಗವಾನ್ ಶಿವ ಪಂಥದ ಯಾತ್ರಾ ಸ್ಥಳವಾಗಿದೆ. ಪಶ್ಚಿಮ ಬಂಗಾಳದ ವಿವಿಧ ಸ್ಥಳಗಳಿಂದ ತಾರಕೇಶ್ವರವನ್ನು ರೈಲು ಮತ್ತು ಬಸ್ ಮೂಲಕ ಅನುಕೂಲಕರವಾಗಿ ತಲುಪಬಹುದು. ತಾರಕೇಶ್ವರ ನಿಲ್ದಾಣವು ಹೌರಾ ನಿಲ್ದಾಣದಿಂದ ಉತ್ತಮ ಸಂಪರ್ಕ ಹೊಂದಿದೆ. ಈ ನಗರವು ಕೃಷಿಗೆ ಹೆಸರುವಾಸಿಯಾಗಿದೆ. ತಾರಕೇಶ್ವರದ ( ವಿಶೇಷವಾಗಿ ಚಂಪಂಡಂಗ ) ಆಲೂಗಡ್ಡೆ ಭಾರತದಾದ್ಯಂತ ಪ್ರಸಿದ್ಧವಾಗಿದೆ.

ಭೂಗೋಳಶಾಸ್ತ್ರ

ಬದಲಾಯಿಸಿ

ಸ್ಥಳ

ಬದಲಾಯಿಸಿ

ತಾರಕೇಶ್ವರವು ೨೨.೮೯ ಡಿಗ್ರಿ ಉತ್ತರ ಮತ್ತು ೮೮.೦೨ ಡಿಗ್ರಿ ಪೂರ್ವ ಅಕ್ಷಾಂಶ ರೇಖಾಂಶಗಳಲ್ಲಿ ಇದೆ. ಇದು ಸರಾಸರಿ ೧೮ ಮೀಟರ್‌ಗಳಷ್ಟು (೫೯ ಅಡಿ) ಎತ್ತರವನ್ನು ಹೊಂದಿದೆ. ಇದು ಪಶ್ಚಿಮ ಬಂಗಾಳ ರಾಜ್ಯದ ಬುರ್ದ್ವಾನ್ ವಿಭಾಗದ ಹೂಗ್ಲಿ ಜಿಲ್ಲೆಯ ಮಧ್ಯದಲ್ಲಿರುವ ಚಂದನ್ನಗೋರ್ ಉಪವಿಭಾಗದಲ್ಲಿದೆ. ಪಟ್ಟಣವು ರೈಲ್ವೆ ಮತ್ತು ರಾಜ್ಯ ಹೆದ್ದಾರಿಯ ಮೂಲಕ ಸಂಪರ್ಕ ಹೊಂದಿದೆ. ಪಟ್ಟಣವು ಜಿಲ್ಲಾ ಕೇಂದ್ರವಾದ ಚಿನ್ಸುರಾದಿಂದ ೪೮ ಕಿಮೀ ಮತ್ತು ಉಪ-ವಿಭಾಗೀಯ ಕೇಂದ್ರವಾದ ಚಂದನ್ನಗೋರ್‌ನಿಂದ ೪೫ ಕಿಮೀ ಮತ್ತು ರೈಲ್ವೆ ಮೂಲಕ ರಾಜ್ಯದ ರಾಜಧಾನಿ ಕೋಲ್ಕತ್ತಾದಿಂದ ೫೮ ಕಿಮೀ ದೂರದಲ್ಲಿದೆ. ಇದು ಮೋಟಾರು ರಸ್ತೆಗಳೊಂದಿಗೆ ಜಿಲ್ಲೆಯ ಇತರ ನಗರ ಕೇಂದ್ರಗಳೊಂದಿಗೆ ಸಂಪರ್ಕ ಹೊಂದಿದೆ.

ಹವಾಮಾನ

ಬದಲಾಯಿಸಿ

ತಾರಕೇಶ್ವರವು ಕೊಪ್ಪೆನ್ ಹವಾಮಾನ ವರ್ಗೀಕರಣದ ಅಡಿಯಲ್ಲಿ ಉಷ್ಣವಲಯದ ಆರ್ದ್ರ ಮತ್ತು ಶುಷ್ಕ ಹವಾಮಾನವನ್ನು ಹೊಂದಿದೆ.

ಮಾಲಿನ್ಯ ಮಟ್ಟ

ಬದಲಾಯಿಸಿ

ವಿಶ್ವ ಆರೋಗ್ಯ ಸಂಘಟನೆಯ ಮಾರ್ಗಸೂಚಿಗಳನ್ನು ಪೂರೈಸಿದ ತಾರಕೇಶ್ವರವು ೨೦೨೨ ರಲ್ಲಿ ವಾರ್ಷಿಕ ಪಿ.ಎಮ್ ೨.೫ ಸಾಂದ್ರತೆಯನ್ನು ಸಾಧಿಸಿದ ಮಧ್ಯ ಮತ್ತು ದಕ್ಷಿಣ ಏಷ್ಯಾದಲ್ಲಿ ಕಡಿಮೆ ಮಾಲಿನ್ಯದ ನಗರವಾಗಿ ಪ್ರಥಮ ಸ್ಥಾನ ಪಡೆದಿದೆ. ೨೦೨೨ ರ ವರದಿಯಂತೆ ತಾರಕೇಶ್ವರದ ಪಿ.ಎಮ್ ೨.೫ ಮಟ್ಟವು ೦.೯ ಆಗಿತ್ತು. [೮]

ಪ್ರದೇಶ ಮತ್ತು ಆಡಳಿತದ ಗಡಿ

ಬದಲಾಯಿಸಿ
 
ತಾರಕೇಶ್ವರ ಪುರಸಭೆಯ ನಕ್ಷೆ

ಪ್ರಸ್ತುತ ಪಟ್ಟಣದ ವಿಸ್ತೀರ್ಣ ೩.೮೮ ಚದರ ಕಿಲೋಮೀಟರ್ (೧.೫೦ ಚದರ ಮೈಲಿ) ಆಗಿದೆ. ತಾರಕೇಶ್ವರ ಪುರಸಭೆ ವ್ಯಾಪ್ತಿಯನ್ನು ಆಡಳಿತಾತ್ಮಕ ಉದ್ದೇಶಕ್ಕಾಗಿ ೧೫ ವಾರ್ಡ್‌ಗಳಾಗಿ ವಿಂಗಡಿಸಲಾಗಿದೆ. ತಾರಕೇಶ್ವರ ಪಟ್ಟಣವು ತಾರಕೇಶ್ವರ ಬ್ಲಾಕ್‌ನ ಮಧ್ಯಭಾಗದಲ್ಲಿದೆ. ನಾಲ್ಕು ಗ್ರಾಮ ಪಂಚಾಯಿತಿಗಳು ಈ ಪುರಸಭೆಯನ್ನು ಸುತ್ತುವರೆದಿವೆ. ಈ ಪಟ್ಟಣದ ಉತ್ತರ ಭಾಗವು ಭಂಜಿಪುರ ಗ್ರಾಮ ಪಂಚಾಯತ್, ದಕ್ಷಿಣ ಭಾಗವು ರಾಮನಗರ ಗ್ರಾಮ ಪಂಚಾಯತ್, ಪೂರ್ವ ಭಾಗವು ಬಾಳಿಗೋರಿ (೧) ಗ್ರಾಮ ಪಂಚಾಯತ್ ಮತ್ತು ಪಶ್ಚಿಮ ಭಾಗವು ಸಂತೋಷಪುರ ಗ್ರಾಮ ಪಂಚಾಯತ್ ಆಗಿದೆ. [೯]

ಆಡಳಿತಾತ್ಮಕ ಸ್ಥಾಪನೆ

ಬದಲಾಯಿಸಿ

ತಾರಕೇಶ್ವರ ಹೂಗ್ಲಿ ಜಿಲ್ಲೆಯ ಬುರ್ದ್ವಾನ್ ವಿಭಾಗದ ಅಡಿಯಲ್ಲಿ ಚಂದನ್ನಗೋರ್ ಉಪವಿಭಾಗದಲ್ಲಿದೆ. ಇದು ಕೂಡ ತಾರಕೇಶ್ವರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿದೆ. ಇದು ೬ ಆಗಸ್ಟ್ ೧೯೭೫ ರಂದು ಪುರಸಭೆಯ ಸ್ಥಾನಮಾನವನ್ನು ಪಡೆಯಿತು.

ಆರಕ್ಷಕ ಠಾಣೆ

ಬದಲಾಯಿಸಿ

ತಾರಕೇಶ್ವರ ಪೊಲೀಸ್ ಠಾಣೆಯು ತಾರಕೇಶ್ವರ ಪುರಸಭೆ ಪ್ರದೇಶಗಳು ಮತ್ತು ತಾರಕೇಶ್ವರ ಸಿಡಿ ಬ್ಲಾಕ್‌ನ ಅಧಿಕಾರ ವ್ಯಾಪ್ತಿ ಹೊಂದಿದೆ. [೧೦] [೧೧]

ಸಿಡಿ ಬ್ಲಾಕ್ ಪ್ರಧಾನ ಕಛೇರಿ

ಬದಲಾಯಿಸಿ

ತಾರಕೇಶ್ವರ ಸಿಡಿ ಬ್ಲಾಕ್‌ನ ಪ್ರಧಾನ ಕಛೇರಿಯು ತಾರಕೇಶ್ವರದಲ್ಲಿದೆ. [೧೨]

ಜನಸಂಖ್ಯಾಶಾಸ್ತ್ರ

ಬದಲಾಯಿಸಿ

೨೦೧೧ ರ ಭಾರತದ ಜನಗಣತಿಯ ಪ್ರಕಾರ ತಾರಕೇಶ್ವರ ಒಟ್ಟು ೩೦,೯೪೭ ರಷ್ಟು ಜನಸಂಖ್ಯೆಯನ್ನು ಹೊಂದಿದ್ದು ಅದರಲ್ಲಿ ೧೬,೦೪೯ ರಷ್ಟು (ಶೇಕಡಾ ೫೨) ಪುರುಷರು ಮತ್ತು ೧೪,೮೯೮ ರಷ್ಟು (ಶೇಕಡಾ ೪೮) ಮಹಿಳೆಯರು ವಾಸಿಸುತ್ತಿದ್ದಾರೆ. ೬ ವರ್ಷಕ್ಕಿಂತ ಕೆಳಗಿನ ಜನಸಂಖ್ಯೆ ೨,೬೮೫ ಆಗಿತ್ತು. ತಾರಕೇಶ್ವರದಲ್ಲಿ ಒಟ್ಟು ಸಾಕ್ಷರರ ಸಂಖ್ಯೆ ೨೩,೭೧೧ (೬ ವರ್ಷಗಳಲ್ಲಿ ಜನಸಂಖ್ಯೆಯ ಶೇಕಡಾ ೮೩.೯೦) ಆಗಿದೆ. [೧೩]

೨೦೦೧ ರ ಭಾರತದ ಜನಗಣತಿಯ ಪ್ರಕಾರ ತಾರಕೇಶ್ವರ ೨೮,೧೭೮ ರಷ್ಟು ಜನಸಂಖ್ಯೆಯನ್ನು ಹೊಂದಿತ್ತು. ಜನಸಂಖ್ಯೆಯಲ್ಲಿ ಪುರುಷರು ಶೇಕಡಾ ೫೩ ರಷ್ಟು (ಅಂದರೆ ೧೪,೯೮೬) ಮತ್ತು ಮಹಿಳೆಯರು ಶೇಕಡಾ ೪೭ (ಅಂದರೆ ೧೩,೧೯೨) ರಷ್ಟು ಇದ್ದಾರೆ. ಜನಸಂಖ್ಯೆಯ ಲಿಂಗ ಅನುಪಾತ ಅಂದರೆ ೧೦೦೦ ಪುರುಷರಿಗೆ ಮಹಿಳೆಯರ ಸಂಖ್ಯೆ ೮೮೦ ಆಗಿದೆ. ತಾರಕೇಶ್ವರದಲ್ಲಿ ಜನಸಂಖ್ಯೆಯ ಶೇಕಡಾ ೧೦ ರಷ್ಟು ಜನರು ೬ ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು. ಒಟ್ಟು ಜನಸಂಖ್ಯೆಯ ಸಾಂದ್ರತೆಯು ಪ್ರತಿ ಚದರ ಕಿಲೋಮೇಟರ್‌ಗೆ ೭೨೬೨ ವ್ಯಕ್ತಿಗಳು ಕಂಡುಬರುತ್ತಾರೆ. ತಾರಕೇಶ್ವರ ಸರಾಸರಿ ಶೇಕಡಾ ೭೨ ರಷ್ಟು ಸಾಕ್ಷರತೆಯನ್ನು ಹೊಂದಿದ್ದು ರಾಷ್ಟ್ರೀಯ ಸರಾಸರಿ ಶೇಕಡಾ ೫೯.೫ ಕ್ಕಿಂತ ಹೆಚ್ಚು: ಪುರುಷರ ಸಾಕ್ಷರತೆ ಶೇಕಡಾ ೭೮ ಮತ್ತು ಮಹಿಳಾ ಸಾಕ್ಷರತೆ ಶೇಕಡಾ ೬೬ ಆಗಿದೆ.

ಒಟ್ಟು ೩೦,೯೪೭ ರಷ್ಟು ಜನಸಂಖ್ಯೆಯಲ್ಲಿ ಶೇಕಡಾ ೯೩.೨೨ ರಷ್ಟು ಹಿಂದೂಗಳು, ಶೇಕಡಾ ೪.೯೭ ರಷ್ಟು ಮುಸ್ಲಿಮರು ಮತ್ತು ಇತರ ಧರ್ಮಗಳು ಮತ್ತು ನಾಸ್ತಿಕತೆಯು ಉಳಿದವರನ್ನು ಒಳಗೊಂಡಿದೆ. [೧೪]

ಆರ್ಥಿಕತೆ

ಬದಲಾಯಿಸಿ

ಊರಿನ ಮುಖ್ಯ ಕಸುಬು ಕೃಷಿ. ವ್ಯಾಪಾರ ಮತ್ತು ವಾಣಿಜ್ಯವೂ ಪ್ರಮುಖ ಪಾತ್ರ ವಹಿಸುತ್ತದೆ.

ನಗರದಿಂದ ಸುಮಾರು ೩೨ ಲಕ್ಷ ಜನರು ಪ್ರತಿದಿನ ಕೋಲ್ಕತ್ತಾಗೆ ಕೆಲಸಕ್ಕಾಗಿ ಪ್ರಯಾಣಿಸುತ್ತಾರೆ. ಹೌರಾ - ತಾರಕೇಶ್ವರ ವಿಭಾಗದಲ್ಲಿ ೨೧ ರೈಲು ನಿಲ್ದಾಣಗಳಿಂದ ಪ್ರಯಾಣಿಕರನ್ನು ಸಾಗಿಸುವ ೩೮ ರೈಲುಗಳಿವೆ. [೧೫]

ತಾರಕನಾಥ ದೇವಾಲಯ

ಬದಲಾಯಿಸಿ

ತಾರಕನಾಥ ದೇವಾಲಯವು ಭಾರತದ ಪಶ್ಚಿಮ ಬಂಗಾಳದ ಹೂಗ್ಲಿ ಜಿಲ್ಲೆಯ ತಾರಕೇಶ್ವರ ಪಟ್ಟಣದಲ್ಲಿರುವ ಹಿಂದೂ ದೇವಾಲಯವಾಗಿದೆ. ದೇವಾಲಯವು ಶಿವನ ಶಯಂಭು ಲಿಂಗವನ್ನು ಪ್ರತಿಷ್ಠಾಪಿಸುತ್ತದೆ. ಈ ದೇವಾಲಯವನ್ನು ಕ್ರಿ.ಶ ೧೭೨೯ ರಲ್ಲಿ ರಾಜಾ ಭರಮಲ್ಲ ರಾವ್ ನಿರ್ಮಿಸಿದ ಎಂದು ನಂಬಲಾಗಿದೆ.

ಮೊದಲಿಗೆ ತಾರಕೇಶ್ವರ ದೇವಸ್ಥಾನದ ಸ್ಥಳೀಯ ಉತ್ತರ ಪ್ರದೇಶದ ನಿವಾಸಿ ವಿಷ್ಣುದಾಸ್ ಶಿವಭಕ್ತ. ಅವರು ಉತ್ತರ ಪ್ರದೇಶದಿಂದ ಬಂದು ಹೂಗ್ಲಿಯಲ್ಲಿ ವಾಸಿಸಲು ಪ್ರಾರಂಭಿಸಿದರು.

ಈ ದೇವಾಲಯಕ್ಕೆ ಮಹಾದೇವನ ತಾರಕೇಶ್ವರ ರೂಪದ ಹೆಸರನ್ನು ಇಡಲಾಗಿದೆ. ಪ್ರಸ್ತುತ ದೇವಾಲಯವನ್ನು ಬಿಷ್ಣುಪುರದ ಮಲ್ಲರಾಜನು ನಿರ್ಮಿಸುತ್ತಿದ್ದಾನೆ ಎಂದು ಹೇಳಲಾಗಿದೆ. [೧೬] ತಾರಕನಾಥ ಮಂದಿರವನ್ನು ಬಂಗಾಳದ ದೇವಾಲಯದ ವಾಸ್ತುಶಿಲ್ಪದ 'ಅಚ್ಚಲ' ರಚನೆಯಲ್ಲಿ ನಿರ್ಮಿಸಲಾಗಿದ್ದು ಮುಂಭಾಗದಲ್ಲಿ 'ನಟಮಂದಿರ'ವಿದೆ. ದೇವಾಲಯವು ಗರ್ಭಗುಡಿಯ ಮೇಲೆ ನಾಲ್ಕು ಛಾವಣಿಗಳನ್ನು ಹೊಂದಿದೆ ಮತ್ತು ಭಕ್ತರ ಸಭೆಗಾಗಿ ವಿಸ್ತೃತ ಗ್ಯಾಲರಿಗಳನ್ನು ಹೊಂದಿದೆ. ದೇವಸ್ಥಾನದ ಉತ್ತರದಲ್ಲಿರುವ ದುದ್ಪುಕುರ್ ಕೊಳವು ಅದರಲ್ಲಿ ಸ್ನಾನ ಮಾಡುವವರ ಪ್ರಾರ್ಥನೆಗಳನ್ನು ಪೂರೈಸುತ್ತದೆ ಎಂದು ನಂಬಲಾಗಿದೆ. ಈ ದೇವಾಲಯವು ಮಹಾದೇವನ ಜ್ಯೋತಿರ್ಲಿಂಗ ದೇವಾಲಯಗಳಲ್ಲಿ ಒಂದಾಗಿದೆ ಎಂದು ಹೇಳಲಾಗುತ್ತದೆ.

ಯಾತ್ರಾರ್ಥಿಗಳು ತಾರಕನಾಥ ದೇವಾಲಯಕ್ಕೆ ವರ್ಷವಿಡೀ ವಿಶೇಷವಾಗಿ ಸೋಮವಾರದಂದು ಭೇಟಿ ನೀಡುತ್ತಾರೆ. ಪ್ರತಿ ವರ್ಷ ಜುಲೈ ಮತ್ತು ಆಗಸ್ಟ್ ನಡುವೆ (ಶ್ರಾವಣ ಮಾಸದ ಮುನ್ನಾದಿನದಂದು) ನಡೆಯುವ ತಾರಕೇಶ್ವರ ಯಾತ್ರೆಯಲ್ಲಿ ಸುಮಾರು ೧೦ ಮಿಲಿಯನ್ ಭಕ್ತರು ಭಾರತದ ವಿವಿಧ ಭಾಗಗಳಿಂದ ಅಂದರೆ ತಾರಕೇಶ್ವರದಿಂದ ಸುಮಾರು ೩೯ ಕಿ.ಮೀ. ( ೨೫ ಮೈಲಿ ) ದೂರದಲ್ಲಿರುವ ಬೈದ್ಯಬತಿಯ ನಿಮಾಯಿ ತೀರ್ಥ ಘಾಟ್‌ನಿಂದ ಗಂಗೆಯ ಪವಿತ್ರ ನೀರನ್ನು ಶಿವನಿಗೆ ಅರ್ಪಿಸುವ ಸಲುವಾಗಿ ತರುತ್ತಾರೆ. ಆ ತಿಂಗಳಲ್ಲಿ, ಕೇಸರಿ ಬಣ್ಣದ ಬಟ್ಟೆಗಳನ್ನು ಧರಿಸಿದ ಜನರ ಸಾಲು ಪೂರ್ಣ ೩೯ ಕಿ.ಮೀ. (೨೫ ಮೈಲಿ) ವರೆಗೂ ವಿಸ್ತರಿಸುತ್ತದೆ. ಇದು ಪಶ್ಚಿಮ ಬಂಗಾಳದ ಅತಿ ಉದ್ದದ ಮತ್ತು ದೊಡ್ಡ ಮೇಳವಾಗಿದೆ.

ಶಿಕ್ಷಣ

ಬದಲಾಯಿಸಿ

ಪಟ್ಟಣವು ೩ ಹೈಯರ್ ಸೆಕೆಂಡರಿ ಶಾಲೆಗಳು, ೧ ಮಾಧ್ಯಮಿಕ ಶಾಲೆ, ೧೪ ಪ್ರಾಥಮಿಕ ಶಾಲೆಗಳಲ್ಲಿ ಆರು ಸರಕಾರಿ ಮಂಜೂರಾತಿ ಮತ್ತು ೮ ಖಾಸಗಿ ಶಾಲೆಗಳಿವೆ. ಒಂದು ಕಾಲೇಜು, ೩ ಶಿಶು ಶಿಖಾ ಕೇಂದ್ರ, ಮುಕ್ತ ವಿಶ್ವವಿದ್ಯಾನಿಲಯ ಮತ್ತು ಮುಕ್ತ ಶಾಲೆಯ ೨ ಶಾಖೆ ಕೇಂದ್ರಗಳು ಮತ್ತು ಒಂದು ವೃತ್ತಿಪರ ಶಿಕ್ಷಣ ಮತ್ತು ತರಬೇತಿ ಕೇಂದ್ರವೂ ಇವೆ. ಪಟ್ಟಣದಲ್ಲಿರುವ ಪ್ರಾಥಮಿಕ ಶಾಲೆಗಳೆಂದರೆ ವಿದ್ಯಾಮಂದಿರ, ಗಿರಿಂದ್ರ ಪ್ರಾಥಮಿಕ ವಿದ್ಯಾಲಯ, ಹಿಂದಿ ಶಾಲೆ, ಆನಂದಮಾರ್ಗ ಪ್ರಾಥಮಿಕ ಶಾಲೆ, ರಾಮಕೃಷ್ಣ ವಿದ್ಯಾಮಂದಿರ, ಶಿಶು ನಿಕೇತನ, ಅಂಕುರ್, ಭಂಜಿಪುರ ಎಸ್.ಎಸ್.ಕೆ., ಮಕ್ಕಳ ಗುರಿ, ಸ್ಕಾರ್ಲೆಟ್ ಅಕಾಡೆಮಿ, ಸಹಾಪುರ ಪ್ರಾಥಮಿಕ ಶಾಲೆ. ಪ್ರೌಢಶಾಲೆಗಳೆಂದರೆ ತಾರಕೇಶ್ವರ ಪ್ರೌಢಶಾಲೆ (ಬಾಲಕರ), ತಾರಕೇಶ್ವರ ಬಾಲಕಿಯರ ಶಾಲೆ, ಬಿಕಾಶ್ ಭಾರತಿ ಬ್ಲೂಮ್ಸ್ ಡೇ ಸ್ಕೂಲ್, ಕೇಂದ್ರೀಯ ವಿದ್ಯಾಲಯ, ಮತ್ತು ತಾರಕೇಶ್ವರ ಮಹಾವಿದ್ಯಾಲಯ (ಎಚ್‌ಎಸ್ ಘಟಕ).

ತಾರಕೇಶ್ವರ ಪದವಿ ಕಾಲೇಜನ್ನು ೧೯೮೬ ರಲ್ಲಿ ತಾರಕೇಶ್ವರದಲ್ಲಿ ಸ್ಥಾಪಿಸಲಾಯಿತು. ಇದು ಬುರ್ದ್ವಾನ್ ವಿಶ್ವವಿದ್ಯಾನಿಲಯದೊಂದಿಗೆ ಸಂಯೋಜಿತವಾಗಿದೆ ಮತ್ತು ಬಂಗಾಳಿ, ಇಂಗ್ಲಿಷ್, ಸಂಸ್ಕೃತ, ಸಮಾಜಶಾಸ್ತ್ರ, ಇತಿಹಾಸ, ತತ್ವಶಾಸ್ತ್ರ, ಭೌಗೋಳಿಕತೆ, ಸಂಗೀತ, ಅಕೌಂಟೆನ್ಸಿ, ರಸಾಯನಶಾಸ್ತ್ರ ಮತ್ತು ಕಂಪ್ಯೂಟರ್ ವಿಜ್ಞಾನದಲ್ಲಿ ಕೋರ್ಸ್‌ಗಳನ್ನು ನೀಡುತ್ತದೆ. ಇದು ವ್ಯವಹಾರ ಆಡಳಿತದಲ್ಲಿ ಪದವಿಪೂರ್ವ ಕೋರ್ಸ್ ಅನ್ನು ಹೊಂದಿದೆ. [೧೭] [೧೮] ತಾರಕೇಶ್ವರದಲ್ಲಿರುವ ರಾಣಿ ರಶ್ಮೋನಿ ಹಸಿರು ವಿಶ್ವವಿದ್ಯಾಲಯ ನಿರ್ಮಾಣ ಹಂತದಲ್ಲಿದೆ.

ಸಾರಿಗೆ

ಬದಲಾಯಿಸಿ

ರಸ್ತೆ ಸಾರಿಗೆ:

ರಾಜ್ಯ ಹೆದ್ದಾರಿ ೧೫ ಮತ್ತು ರಾಜ್ಯ ಹೆದ್ದಾರಿ ೨ ತಾರಕೇಶ್ವರದ ಮೂಲಕ ಹಾದುಹೋಗುತ್ತದೆ. ತಾರಕೇಶ್ವರವು ೪೫.೪೯೩ ಕಿ.ಮೀ. ರಸ್ತೆಯನ್ನು ಹೊಂದಿದೆ. ಅದರಲ್ಲಿ ೧೩.೪೩೬ ಕಿ.ಮೀ. ಬಿಟುಮಿನಸ್ ರಸ್ತೆ, ೧೦.೪೮೩ ಕಿ.ಮೀ. ಕಾಂಕ್ರೀಟ್, ೧೧.೮೦೧ ಕಿ.ಮೀ. ಇಟ್ಟಿಗೆ ಪಾದಚಾರಿ ಮಾರ್ಗವಾಗಿದೆ. ೧.೮೫೭ ಕಿ.ಮೀ. ಬ್ಯಾಟ್ಸ್-ಮೂರಮ್ ರಸ್ತೆಗಳು ಮತ್ತು ೭.೯೧೪ ಕಿ.ಮೀ. ಕಾಂಚಾ ರಸ್ತೆ ಇದೆ.

ಬಸ್: ಹೂಗ್ಲಿ ಜಿಲ್ಲೆಯ ಅತಿದೊಡ್ಡ ಬಸ್ ನಿಲ್ದಾಣವು ತಾರಕೇಶ್ವರದಲ್ಲಿದೆ. ಎಕ್ಸ್‌ಪ್ರೆಸ್ ಮತ್ತು ಸ್ಥಳೀಯ ಬಸ್ ಸೇವೆ ಸೇರಿದಂತೆ ತಾರಕೇಶ್ವರದಿಂದ ೫೦ ಕ್ಕೂ ಹೆಚ್ಚು ಬಸ್ ಮಾರ್ಗಗಳಿವೆ. ತಾರಕೇಶ್ವರ್ ಪಶ್ಚಿಮ ಬಂಗಾಳದ ಹಲವಾರು ಜಿಲ್ಲೆಗಳೊಂದಿಗೆ ಬಸ್ ಸಂಪರ್ಕವನ್ನು ಹೊಂದಿದೆ. ಬಂಕುರಾ, ಬಿಷ್ಣುಪುರ್, ಬರ್ದ್ಧಮಾನ್, ದುರ್ಗಾಪುರ, ಬೋಲ್ಪುರ್, ಖತ್ರಾ, ಖರಗ್‌ಪುರ್, ದಿಘಾ, ಹೌರಾ, ಮೆದಿನಿಪುರ್, ಮೆಚೆಡಾ, ಮೆಮರಿ, ಹಲ್ದಿಯಾ, ಪಂಸ್ಕುರಾ, ಜಾರ್‌ಗ್ರಾಮ್, ಕಟ್ವಾ, ಕೃಷ್ಣನಗರ, ನಬದ್ವೀಪ್, ತತ್ರಾ ಕಲ್ಟಿನ್ ಸ್ಟ್ಯಾಂಡ್‌ಗಳಿಂದ ಎಕ್ಸ್‌ಪ್ರೆಸ್ ಬಸ್‌ಗಳು ಲಭ್ಯವಿವೆ. ತಾರಕೇಶ್ವರ ಮತ್ತು ಬಂಕುರಾ, ಬರ್ಧಮಾನ್, ಮೇದಿನಿಪುರ್, ನಬದ್ವೀಪ್, ಘಟಾಲ್ ನಡುವೆ ಆಗಾಗ್ಗೆ ದೂರದ ಬಸ್ ಸೇವೆ ಲಭ್ಯವಿದೆ. ತಾರಕೇಶ್ವರದಿಂದ ೧೨, ೧೩, ೧೬, ೧೭, ೨೦, ೨೨, ೨೩ ನಂತಹ ಅನೇಕ ಸ್ಥಳೀಯ ಬಸ್ ಮಾರ್ಗಗಳಿವೆ. ಅದು ಹೂಗ್ಲಿ ಮತ್ತು ಇತರ ಕೆಲವು ಜಿಲ್ಲೆಗಳನ್ನು ಒಳಗೊಂಡಿದೆ. ತಾರಕೇಶ್ವರ - ಬರ್ಗಚಿಯಾ, ತಾರಕೇಶ್ವರ - ಖುಸಿಗಂಜ್, ತಾರಕೇಶ್ವರ - ಉದಯನಾರಾಯಣಪುರ ಮುಂತಾದ ಅನೇಕ ಮಿನಿ ಬಸ್ ಮಾರ್ಗಗಳು ಸಹ ಇವೆ.

ರೈಲು ಸಾರಿಗೆ:

ಪಟ್ಟಣವು ಪೂರ್ವ ರೈಲ್ವೆಯ ಮಾದರಿ ನಿಲ್ದಾಣದ ಸ್ಥಾನಮಾನವನ್ನು ಹೊಂದಿದೆ. ಹೌರಾ ಮತ್ತು ತಾರಕೇಶ್ವರ ನಡುವಿನ ಅಂತರವು ೫೮ ಕಿ.ಮೀ. ಆಗಿದೆ. ಇದು ದಕ್ಷಿಣ ಬಂಗಾಳದಲ್ಲಿ ಆಲೂಗಡ್ಡೆ ಮತ್ತು ಇತರ ಹಸಿರು ತರಕಾರಿಗಳಿಗೆ ಸಾರಿಗೆ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ.

ಹೌರಾ-ತಾರಕೇಶ್ವರ ಮಾರ್ಗವನ್ನು ೧೮೮೫ ರಲ್ಲಿ ತೆರೆಯಲಾಯಿತು. [೧೯] ತಾರಕೇಶ್ವರ ರೈಲು ನಿಲ್ದಾಣವು ಬಂಗಾಳ ಪ್ರಾಂತೀಯ ರೈಲ್ವೆಯ ಟರ್ಮಿನಲ್ ಆಗಿತ್ತು. ಇದು ಕೋಲ್ಕತ್ತಾ ಉಪನಗರ ರೈಲ್ವೆ ವ್ಯವಸ್ಥೆಯ ಭಾಗವಾಗಿದೆ. [೨೦] ತಾರಕೇಶ್ವರ ರೈಲು ನಿಲ್ದಾಣವನ್ನು ಬಹುಕ್ರಿಯಾತ್ಮಕ ನಿಲ್ದಾಣವೆಂದು ಘೋಷಿಸಲಾಗಿದೆ. ತಾರಕೇಶ್ವರ ರೈಲು ನಿಲ್ದಾಣವು ಪೂರ್ವ ರೈಲ್ವೆಯ ಪ್ರಮುಖ ನಿಲ್ದಾಣಗಳಲ್ಲಿ ಒಂದಾಗಿದೆ. ಶಿಯೋರಾಫುಲಿ ರೈಲು ನಿಲ್ದಾಣ ಮತ್ತು ತಾರಕೇಶ್ವರ ನಡುವಿನ ಪ್ರಸ್ತುತ ರೈಲ್ವೆ ಮಾರ್ಗವನ್ನು ಬಂಕುರಾದ ಬಿಷ್ಣುಪುರಕ್ಕೆ ವಿಸ್ತರಿಸಲಾಗಿದೆ. ತಾರಕೇಶ್ವರ ರೈಲ್ವೆ ನಿಲ್ದಾಣದ ವಿಚಾರಣೆ ಸಂಖ್ಯೆ: ೦೩೨೧೨೨೭೬೧೯೦. ತಾರಕೇಶ್ವರದಿಂದ ಅನೇಕ ಹೊಸ ರೈಲು ಯೋಜನೆಗಳೂ ಇವೆ. ಆ ಯೋಜನೆಗಳೆಂದರೆ ತಾರಕೇಶ್ವರ - ಧನಿಯಾಖಲಿ - ಮಗ್ರಾ ಲೈನ್, ತಾರಕೇಶ್ವರ - ಚಂಪದಂಗ - ಅಮ್ಟಾ - ಬಗ್ನನ್ ಲೈನ್, ತಾರಕೇಶ್ವರ - ಬರುಯಿಪರ ಲೈನ್ ಇತ್ಯಾದಿ.

ಸಂವಹನ

ಬದಲಾಯಿಸಿ

೦೩೨೧೨ ಡಯಲಿಂಗ್ ಕೋಡ್‌ನೊಂದಿಗೆ ಚಂಪದಂಗ ಪ್ರದೇಶದ ದೂರವಾಣಿ ವಿನಿಮಯ ಸೇವೆಗಳು: ಬೇಗಂಪುರ್, ಭಗಬತಿಪುರ, ಚಂಪದಂಗ, ಚಂಡಿತಾಲ, ದಿಹಿ - ಬಟ್‌ಪುರ್, ದ್ವಾರಹಟ್ಟಾ, ಪಿಯಾಸರ, ಗೋಪಿನಗರ, ಹರಿಪಾಲ್, ಹರಿಂಖೋಲಾ, ಜಂಗಿಪಾರ, ಜಿನ್‌ಪುರ್, ದುಲಾಲ್‌ಬತಿ, ಮಶಾತ್, ನಲಿಕುಲ್, ರಾಜ್‌ಪುರ ಲೋಕನಾಥ, ಪ್ರನಾಥ್ ತಾರಕೇಶ್ವರ, ತಾಲ್ಪುರ್, ತೌಕಿಪುರ ಮತ್ತು ಮಾಯಾಪುರ. ಡಬ್ಲ್ಯೂ.ಸಿ.ಡಿ.ಎಮ್.ಎ ಮತ್ತು ಎಲ್.ಟಿ.ಇ. ನೆಟ್‌ವರ್ಕ್ ಸಹ ಇಲ್ಲಿ ಲಭ್ಯವಿದೆ.[೨೧]

ಇವನ್ನೂ ನೋಡಿ

ಬದಲಾಯಿಸಿ

ಉಲ್ಲೇಖಗಳು

ಬದಲಾಯಿಸಿ
  1. ↑ "The city of Shiva : Tarakeswar".
  2. ↑ "Tarakeswar.in".
  3. ↑ "The city of Shiva : Tarakeswar".
  4. ↑ "Tarakeswar Municipality".
  5. ↑ "ಆರ್ಕೈವ್ ನಕಲು". Archived from the original on 2015-09-24. Retrieved 2023-07-06.
  6. ↑ "The city of Shiva : Tarakeswar".
  7. ↑ "District-wise list of statutory towns". Archived from the original on 2007-09-30. Retrieved 2023-07-06.{{cite web}}: CS1 maint: bot: original URL status unknown (link)
  8. ↑ Gaurav, Kunal (15 March 2023). "India 8th in worst air quality, Lahore most polluted city in subcontinent". Hindustan Times. Archived from the original on 18 March 2023. Retrieved 17 March 2023. {{cite web}}: |archive-date= / |archive-url= timestamp mismatch; 17 ಮಾರ್ಚ್ 2023 suggested (help)
  9. ↑ "Tarakeswar Municipality". TM. Archived from the original on 6 ಜುಲೈ 2017. Retrieved 14 July 2017.
  10. ↑ "District Statistical Handbook 2014 Hooghly". Tables 2.1, 2.2. Department of Statistics and Programme Implementation, Government of West Bengal. Archived from the original on 21 ಜನವರಿ 2019. Retrieved 3 October 2018.
  11. ↑ "Hooghly District Police". West Bengal Police. Archived from the original on 5 ಜುಲೈ 2017. Retrieved 20 June 2017.
  12. ↑ "District Census Handbook: Hugli, Series-20, Part XIIA" (PDF). Map of Hooghly district with CD Block HQs and Police Stations (on the fifth page). Directorate of Census Operations, West Bengal, 2011. Retrieved 20 June 2017.
  13. ↑ "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 15 June 2016.
  14. ↑ "Tarakeswar City Population Census 2011 - West Bengal". www.census2011.co.in. Retrieved 2016-11-21.
  15. ↑ Dey, Teesta. "The Suburban Railway Network of Kolkata: A Geographical Apprisal" (PDF). eTraverse, the Indian journal of spatial science, 2012. Archived from the original (PDF) on 18 ನವೆಂಬರ್ 2017. Retrieved 8 October 2018.
  16. ↑ "The city of Shiva : Tarakeswar".
  17. ↑ "Tarakeswar Degree College". TDC. Retrieved 30 June 2017.
  18. ↑ "Tarakeswar Degree College". College Admission. Retrieved 30 June 2017.
  19. ↑ Chaudhuri, Sukanta, The Railway Comes to Calcutta, in Calcutta, the Living City, Vol.
  20. ↑ "Home". erail.in?T=TAK::HWH.
  21. ↑ "Adjacent Area Dialling Schemes". BSNL. Archived from the original on 2011-07-21. Retrieved 2009-01-29.
"https://kn.wikipedia.org/w/index.php?title=ತಾರಕೇಶ್ವರ&oldid=1250840" ಇಂದ ಪಡೆಯಲ್ಪಟ್ಟಿದೆ