ಉಷಾ ಶ್ರೀನಿವಾಸನ್
ಉಷಾ ಶ್ರೀನಿವಾಸನ್ (ಜನನ ೧೬ ಜುಲೈ ೧೯೬೨), ಸಾಮಾನ್ಯವಾಗಿ ಇವರನ್ನು ಉಷಾ ಎಂದು ಕರೆಯಲಾಗುತ್ತದೆ. ಇವರು ಕೂಚಿಪುಡಿಯಲ್ಲಿ ಪರಿಣತಿ ಹೊಂದಿರುವ ಭಾರತೀಯ ಚಲನಚಿತ್ರ ಶಾಸ್ತ್ರೀಯ ನೃತ್ಯಗಾರ್ತಿ. ಅವರು ತಮಿಳು ಕುಟುಂಬದಲ್ಲಿ ಜನಿಸಿದರು. ಅವರ ತಂದೆ, ವೇದ ಪಂಡಿತರಾದ ಪಿ. ಶ್ರೀನಿವಾಸನ್.
ಉಷಾ ಶ್ರೀನಿವಾಸನ್ | |
|---|---|
| Born | ಉಷಾರಾಣಿ ಎಸ್ ೧೬ ಜುಲೈ ೧೯೬೬ |
| Nationality | ಭಾರತೀಯರು |
| Occupation(s) | ಶಾಸ್ತ್ರೀಯ ನೃತ್ಯಗಾರ್ತಿ, ಛಾಯಗ್ರಾಹಕಿ, ಶಿಕ್ಷಕಿ |
| Years active | ೨೦೦೦ – ಪ್ರಸಕ್ತ |
| Known for | ಕೂಚಿಪೂಡಿ |
| Parent(s) | ಪಿ. ಶ್ರೀನಿವಾಸನ್, ಎಸ್.ರಾಜ್ಯಲಕ್ಶ್ಮಿ |
ಆರಂಭಿಕ ಜೀವನ
ಬದಲಾಯಿಸಿಶ್ರೀನಿವಾಸನ್ ತೆಲಂಗಾಣದ ಹೈದರಾಬಾದ್ ಮೂಲದವರು. ಇವರು ಕೂಚಿಪುಡಿ ನೃತ್ಯ ಪಟುಗಳಾದ ಪಸುಮಾರ್ಥಿ ಶೇಷುಬಾಬು, ಭಾಗವತುಲ ಸೇತುರಾಮ್, ಉಮಾ ರಾಮರಾವ್, ಚಿಂತಾ ಆದಿನಾರಾಯಣ ಶರ್ಮಾ ಮತ್ತು ವೇದಾಂತಂ ರಾಧೆ ಶರ್ಮಾ ಅವರ ಬಳಿ ತರಬೇತಿ ಪಡೆದಿದ್ದಾರೆ. ಅವರು ಪೌರಾಣಿಕ ಕೂಚಿಪುಡಿ ನೃತ್ಯಗಾರರಾದ ಶೋಭಾ ನಾಯ್ಡು ಮತ್ತು ರಾಜಾ ಮತ್ತು ರಾಧಾ ರೆಡ್ಡಿ ಅವರಿಂದ ಕೂಚಿಪುಡಿ ನೃತ್ಯದಲ್ಲಿ ಸ್ಫೂರ್ತಿ ಪಡೆದರು. ಅವರ ತಾಯಿ ಕೂಡ ಭರತನಾಟ್ಯದಲ್ಲಿ ಪರಿಣತಿ ಹೊಂದಿರುವ ಶಾಸ್ತ್ರೀಯ ನೃತ್ಯಗಾರ್ತಿ.
ಇವರು ಹೈದರಾಬಾದಿನ ಪೊಟ್ಟಿ ಶ್ರೀರಾಮುಲು ತೆಲುಗು ವಿಶ್ವವಿದ್ಯಾಲಯದ ಮೂಲಕ ಕೂಚಿಪುಡಿ ನೃತ್ಯದಲ್ಲಿ ಎಂಎ ಮಾಡಿದರು. ಅವರು ತಮ್ಮ ಇಪ್ಪತ್ತರ ಹರೆಯದಲ್ಲಿ ಸ್ವತಂತ್ರ ಪ್ರದರ್ಶಕಿ ಮತ್ತು ನೃತ್ಯ ಸಂಯೋಜಕಿಯಾಗಿ ಹೊರಹೊಮ್ಮಿದರು ಮತ್ತು ತಿರುಪತಿಯಲ್ಲಿ ಶ್ರೀ ರಾಜ ರಾಜೇಶ್ವರಿ ಆರ್ಟ್ಸ್ ಅಕಾಡೆಮಿ ಎಂಬ ನೃತ್ಯ ಶಾಲೆಯನ್ನು ನಡೆಸುತ್ತಿದ್ದಾರೆ. [೧] ತಿರುಮಲ್ ತಿರುಪತಿ ದೇವಸ್ಥಾನದಲ್ಲಿ ಕೂಚಿಪುಡಿ ಉಪನ್ಯಾಸಕಿಯಾಗಿಯೂ ಕೆಲಸ ಮಾಡುತ್ತಿದ್ದಾರೆ. ೨೦೦೫ ರಲ್ಲಿ, ಅವರು ಕಂಗುಂಡಿ ಕುಪ್ಪಂ ಬೀದಿ ನಾಟಕಂ - ಕೂಚಿಪುಡಿ ಭಾಗವತಂ-ತುನಾನಾತ್ಮಕ ಪರಿಶೀಲನದಲ್ಲಿ ಡಾಕ್ಟರೇಟ್ ಪಡೆದರು.
ವೃತ್ತಿ ಜೀವನ
ಬದಲಾಯಿಸಿಶ್ರೀನಿವಾಸನ್ ಒಬ್ಬ ನಿಪುಣ ಕೂಚಿಪುಡಿ ನೃತ್ಯಗಾರರು. ಅವರು ಚಿಕ್ಕ ವಯಸ್ಸಿನಲ್ಲೇ ಪ್ರದರ್ಶನ ನೀಡಲು ಪ್ರಾರಂಭಿಸಿದರು. ಕಷ್ಟಕರವಾದ ಸಮತೋಲನದ ಭಂಗಿಗಳನ್ನು ಹಿಡಿದಿಟ್ಟುಕೊಳ್ಳುವ ಅವರ ಸಮಂಜಸವಾದ ಸಾಮರ್ಥ್ಯವು ಅವರ ಸೂಕ್ಷ್ಮವಾದ ಲಯ ಪ್ರಜ್ಞೆಯೊಂದಿಗೆ ಪ್ರೇಕ್ಷಕರನ್ನು ಸುಲಭವಾಗಿ ಬೆರಗುಗೊಳಿಸುತ್ತದೆ. ೨೦೦೬ ರಲ್ಲಿ ಅವರು ಯು‌ಎಸ್‌ಎ ನಲ್ಲಿ ಹೈದರಾಬಾದ್‌ನ ರಾಜ ರಾಜೇಶ್ವರಿ ಆರ್ಟ್ಸ್ ಅಕಾಡೆಮಿಯಿಂದ ಆಯೋಜಿಸಲ್ಪಟ್ಟ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು. [೨]
ಪ್ರಶಸ್ತಿಗಳು
ಬದಲಾಯಿಸಿ- ನಾಟ್ಯಮಯೂರಿ ಪ್ರಶಸ್ತಿ
- ರಾಜ್ಯ ಮತ್ತು ರಾಷ್ಟ್ರ ಮಟ್ಟದ ಪ್ರಶಸ್ತಿ
- ಯುವ ಕಲಾವಿದರಿಗೆ ರಾಷ್ಟ್ರೀಯ ವಿದ್ಯಾರ್ಥಿವೇತನ
- ಕೂಚಿಪುಡಿ ನೃತ್ಯಕ್ಕೆ ಸಮರ್ಪಣೆಗಾಗಿ ಸಂಗೀತ ನಾಟಕ ಅಕಾಡೆಮಿ ಬಿಸ್ಮಿಲ್ಲಾ ಖಾನ್ ಯುವ ಪುರಸ್ಕಾರ
ನೃತ್ಯ ಪ್ರದರ್ಶನದ ವಿವರಗಳು
ಬದಲಾಯಿಸಿ| ಸ್ಥಳ | ವರ್ಷ | ಸಂಘಟಕರು | ವಿಧ | ವಿಭಾಗ |
|---|---|---|---|---|
| ಸಹರ್ಸಾ | ೧೯೮೭ | ಅಂತರ ರಾಜ್ಯ ಎನ್‌ಐ‌ಸಿ | ಪ್ರಶಸ್ತಿ ವರ್ಗ | |
| ಕಡಪಾ | ೧೯೮೭ | ಪ್ರಚಾರ ಕಾರ್ಯಕ್ರಮ | ಕೂಚಿಪುಡಿ | ಅತ್ಯುತ್ತಮ ನರ್ತಕಿ ಪ್ರಶಸ್ತಿ |
| ಎತಾಹ್ (ಯು.ಪಿ.) | ೧೯೯೧ | ಎನ್‌ಐ‌ಸಿ | ಕೂಚಿಪುಡಿ | ಅತ್ಯುತ್ತಮ ನರ್ತಕಿ ಪ್ರಶಸ್ತಿ |
| ಅರುಣಾಚಲ ಪ್ರದೇಶ | ೧೯೯೩ | ಎನ್‌ಐ‌ಸಿ ಎಪಿ | ಕೂಚಿಪುಡಿ | ಪ್ರಮಾಣಪತ್ರ ಪ್ರಶಸ್ತಿ |
| ಬದ್ರಾಚಲಂ | ೧೯೯೮ | ಶ್ರೀ ಆರ್‌ಎಸ್‌ಡಿ | ಕೂಚಿಪುಡಿ | ಸರ್ಕಾರಿ ಕಾರ್ಯಕ್ರಮ |
| ಶ್ರೀಕಾಳಹಸ್ತಿ | ೧೯೯೯ | ಮಹಾಶಿವರಾತ್ರಿ | ಅತ್ಯುತ್ತಮ ನರ್ತಕಿ ಪ್ರಶಸ್ತಿ | |
| ಯುನೈಟೆಡ್ ಸ್ಟೇಟ್ಸ್ | ೨೦೦೬ | ರಾಜ ರಾಜೇಶ್ವರಿ ಆರ್ಟ್ಸ್ ಅಕಾಡೆಮಿ | ವಿವಿಧ | ಅತ್ಯುತ್ತಮ ಪ್ರದರ್ಶನಕಾರ |
| ಎಪಿ ಭವನ, ನವದೆಹಲಿ | ೨೦೧೦ | ಸರಕಾರ ಎಪಿ | ಕೂಚಿಪುಡಿ | ಪ್ರಮಾಣಪತ್ರ ಪ್ರಶಸ್ತಿ |
ಉಲ್ಲೇಖಗಳು
ಬದಲಾಯಿಸಿ- ↑ "Tirumala Tirupati Devasthanams (Official Website)". Archived from the original on 19 November 2020. Retrieved 2 November 2015.
- ↑ "Sri Siddhi Vinayaka Vijayam - A Kuchipudi Ballet By Dr Usharani And Troupe". Archived from the original on 27 ಮಾರ್ಚ್ 2023. Retrieved 13 February 2016.
ಬಾಹ್ಯ ಕೊಂಡಿಗಳು
ಬದಲಾಯಿಸಿ- https://www.youtube.com/watch?v=5iBbB3qpMR4
- http://www.tirumala.org/EducationalTrust.aspx Archived 2020-11-19 ವೇಬ್ಯಾಕ್ ಮೆಷಿನ್ ನಲ್ಲಿ.
- http://events.fullhyderabad.com/sri-siddhi-vinayaka-vijayam-a-kuchipudi-ballet-by-dr-usharani-and-troupe/2006-august/tickets-dates-videos-reviews-16958-1. html Archived 2023-03-27 ವೇಬ್ಯಾಕ್ ಮೆಷಿನ್ ನಲ್ಲಿ.