ಯುಜ್ವೇಂದ್ರ ಚಹಾಲ್

ಯುಜ್ವೇಂದ್ರ ಚಹಾಲ್, (ಜನನ: ೨೩, ೧೯೯೦ ಜುಲೈ, ಜಿಂದ್, ಹರಿಯಾಣ) ಓರ್ವ ಭಾರತೀಯ ಕ್ರಿಕೆಟ್ ಆಟಗಾರ. ಇವರು ಬಲಗೈ ಲೆಗ್ ಸ್ಪಿನ್ನರ್ (ಲೆಗ್ ಬ್ರೆಕ್, ಗೂಗ್ಲಿ). ರಣಜಿ ಟ್ರೋಫಿಯಲ್ಲಿ ಹರಿಯಾಣದ ತಂಡಕ್ಕೆ ಆಡುತ್ತಾರೆ.೧೬ರ ವಯ್ಯೊಮಿತಿಯ ಭಾರತೀಯ ಚೆಸ್ ತಂಡವನ್ನು ಪ್ರತಿನಿಧಿಸಿದ್ದಾರೆ.

ಯುಜ್ವೇಂದ್ರ ಚಹಾಲ್

ವೃತ್ತಿ ಜೀವನ

ಐಪಿಎಲ್ ಕ್ರಿಕೆಟ್

೨೦೧೧ರ ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಸ್ಥಾನ ಪಡೆದಿದ್ದರು, ಆದರೆ ೧೧ರ ಬಳಗದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದರು.೨೦೧೩ರ ಇಂಡಿಯನ್ ಪ್ರೀಮಿಯರ್ ಲೀಗ್‍ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಐಪಿಎಲ್‍ನಲ್ಲಿ ಪಾದಾರ್ಪಣೆ ಮಾಡಿದರು. ನಂತರ ೨೦೧೪ರಲ್ಲಿ ರಾಯಲ್ ಚಾಲೇಂಜರ್ಸ್ ಬೆಂಗಳೊರು ತಂಡಕ್ಕೆ ಸೇರಿದರು. ಪ್ರಸ್ತುತ ಐಪಿಎಲ್‌ನಲ್ಲಿ ರಾಯಲ್ ಚಾಲೇಂಜರ್ಸ್ ತಂಡಕ್ಕೆ ಆಡುತ್ತಾರೆ.

ಅಂತರರಾಷ್ತ್ರೀಯ ಕ್ರಿಕೆಟ್

ಜೂನ್ ೧೧, ೨೦೧೬ರಂದು ಹರಾರೆಯಲ್ಲಿ ಜಿಂಬಾಬ್ವೆ ವಿರುದ್ಧ ನಡೆದ ೧ನೇ ಏಕದಿನ ಪಂದ್ಯದ ಮೂಲಕ ಅಂತರರಾಷ್ತ್ರೀಯ ಕ್ರಿಕೆಟ್‍ಗೆ ಪಾದಾರ್ಪನೆ ಮಾಡಿದರು. ತಮ್ಮ ಚೊಚ್ಚಲ ಪಂದ್ಯದ ೧೦ ಓವರ್ ಗಳಲ್ಲಿ ಕೇವಲ ೨೭ ರನ್ ನೀಡಿ ಒಂದು ವಿಕೆಟ್‍ ಪಡೆದರು. ಜೂನ್ ೧೮, ೨೦೧೬ರಲ್ಲಿ ಜಿಂಬಾಬ್ವೆ ವಿರುದ್ಧ ನಡೆದ ಮೊದಲ ಟಿ-೨೦ ಪಂದ್ಯದ ಮೂಲಕ ಇವರು ಟಿ-೨೦ ಕ್ರಿಕೆಟ್‍ಗೆ ಪಾದಾರ್ಪನೆ ಮಾಡಿದರು. ೦೧ ಫೆಬ್ರವರಿ, ೨೦೧೭ ರಲ್ಲಿ ಟಿ-೨೦ ಕ್ರಿಕೆಟ್ ನಲ್ಲಿ ೫ ವಿಕೆಟ್ ಗೊಂಚಲು ಪಡೆದ ಮೊದಲ ಭಾರತೀಯ ಎಂಬ ಹೆಗ್ಗಲಿಕೆಗೆ ಪಾತ್ರರಾದರು. ಆ ಪಂದ್ಯದಲ್ಲಿ ೨೫ ರನ್ ನೀಡಿ ೬ ವಿಕೆಟ್ ಗಳನ್ನ ಪಡೆದರು.

ಸಾಧನೆಗಳು

• ಟಿ-೨೦ ಕ್ರಿಕೆಟ್ ನಲ್ಲಿ ೦೫ ವಿಕೆಟ್ ಗೊಂಚಲು ಪಡೆದ ಮೊದಲ ಭಾರತೀಯ ಕ್ರಿಕೆಟಿಗ. (೨೦೧೭ರ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ)

• ಟಿ-೨೦ ಕ್ರಿಕೆಟ್ ನಲ್ಲಿ ೦೬ ವಿಕೆಟ್ ಪಡೆದ ಮೊದಲ ಭಾರತೀಯ ಕ್ರಿಕೆಟಿಗ ಹಾಗು ವಿಶ್ವದ ಎರಡನೇ ಬಾಲರ್.

• ಭಾರತವನ್ನು ಚೆಸ್ ಹಾಗು ಕ್ರಿಕೆಟ್ ನಲ್ಲಿ ಪ್ರತಿನಿಧಿಸಿದ ಏಕೈಕ ವ್ಯಕ್ತಿ ಯುಜ್ವೇಂದ್ರ ಚಹಾಲ್

ಪಂದ್ಯಗಳು

• ಏಕದಿನ ಕ್ರಿಕೆಟ್ : ೧೪ ಪಂದ್ಯಗಳು
• ಟಿ-೨೦ ಕ್ರಿಕೆಟ್ : ೧೨ ಪಂದ್ಯಗಳು
• ಐಪಿಎಲ್ ಕ್ರಿಕೆಟ್ : ೫೬ ಪಂದ್ಯಗಳು

ವಿಕೆಟ್‍ಗಳು

1. ಏಕದಿನ ಪಂದ್ಯಗಳಲ್ಲಿ : ೨೧ ವಿಕೆಟ್‍ಗಳು
2. ಟಿ-೨೦ ಪಂದ್ಯಗಳಲ್ಲಿ : ೧೮ ವಿಕೆಟ್‍ಗಳು
3. ಐಪಿಎಲ್ ಪಂದ್ಯಗಳಲ್ಲಿ : ೭೦ ವಿಕೆಟ್‍ಗಳು