ಮೇ ೨೦೧೫ ನೇಪಾಳ ಭೂಕಂಪ

೧೨ಮೇ ೨೦೧೫ ಸುಮಾರು ೧೨ː೩೫ಕ್ಕೆ ರಿಕ್ಟರ್ ಮಾಪಕದಲ್ಲಿ 7.4ರಷ್ಟು ತೀವ್ರತೆಯ ಭೂಕಂಪ ನೇಪಾಳದ ಕೊಡರಿಯಿಂದ ೧೮ಕಿ.ಮೀ ಆಗ್ನೇಯ ಕಡೆಯಲ್ಲಿ ದಾಖಲಾಗಿದೆ. ಏಪ್ರಿಲ್ ತಿಂಗಳಲ್ಲಿ ನೆಡೆದ ಭೂಕಂಪದ ಉತ್ತರಾಘಾತವೆಂದು ಇದನ್ನು ಪರಿಗಣಿಸಲಾಗುತ್ತಿದೆ. ಭಾರತದ ಉತ್ತರ ಭಾಗದಲ್ಲಿರುವ ಬಿಹಾರ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ ಹಾಗೂ ಇತರೆ ರಾಜ್ಯಗಳಲ್ಲಿಯೂ ಕಂಪನ ಕಾಣಿಸಿಕೊಂಡಿತು.

ಮೇ ೨೦೧೫ ನೇಪಾಳ ಭೂಕಂಪ

ಕಠ್ಮಂಡು
ದಿನಾಂಕ	12 ಮೇ 2015 (2015-05-12)
ಉಂಟಾದ ಸಮಯ	೧೨:೩೫:೧೯ ನೇಪಾಳದ ಸಮಯ
ಪ್ರಮಾಣ	೭.೩ Mw
ಆಳ	೧೮.೫ ಕಿ.ಮೀ (೧೧.೫ ಮೈ)
ಬಗೆ	ಪಳಕು
ಹಾನಿಗೊಳಗಾದ ಪ್ರದೇಶಗಳು	ನೇಪಾಳ ಭಾರತ ಬಾಂಗ್ಲಾದೇಶ ಚೀನಾ
ಸಾವು ನೋವುಗಳು	೬೮ ಮರಣ ೧,೨೫೦+ ಗಾಯಾಳುಗಳು

ಕೆಲ ನಿಮಿಷಗಳ ನಂತರ, ರಿಕ್ಟರ್ ಮಾಪಕದಲ್ಲಿ ೬.೩ರಷ್ಟು ತೀವ್ರತೆಯ ಮತ್ತೊಂದು ಭೂಕಂಪವು ಕಠ್ಮಂಡುವಿನಿಂದ ಪೂರ್ವದಲ್ಲಿರುವ ರಾಮೆಚ್ಚಪ್ ನಲ್ಲಿ ಕಾಣಿಸಿತು. ಇದರ ಕಂಪನವು ಬಾಂಗ್ಲಾದೇಶ, ಚೀನಾ ಮತ್ತು ಭಾರತದ ರಾಜಧಾನಿ ದೆಹಲಿಯೂ ಸೇರಿದಂತೆ ಉತ್ತರ ಭಾಗದ ಹಲವು ರಾಜ್ಯಗಳಲ್ಲಿ ಅನುಭವವಾಯಿತು.

ಸಾವುನೋವು

ನೇಪಾಳದಲ್ಲಿ ಕನಿಷ್ಠ ೫೦ ಮಂದಿಯಾದರೂ ಮೃತಪಟ್ಟರೆ, ಸುಮಾರೂ ೧,೨೫೦ಕ್ಕಿಂತ ಹೆಚ್ಚು ಮಂದಿ ಗಾಯಾಳುಗಳಾಗಿದ್ದಾರೆ.ನೇಪಾಳದ ೭೫ ಜಿಲ್ಲೆಗಳಲ್ಲಿ ೩೨ಜಿಲ್ಲೆಗಳು ಭೂಕಂಪದಿಂದ ಪೀಡಿತವಾಗಿವೆ. ಎವರೆಷ್ಟ್ ಪರ್ವತದ ಸುತ್ತಮುತ್ತದ ಪ್ರದೇಶಗಳೂ ಹಾನಿಯಾಗಿವೆ.

ಭಾರದಲ್ಲಿಯೂ ಸುಮಾರು ೧೭ಜನ ಭೂಕಂಪದಿಂದ ಸಾವಿಗೀಡಾಗಿದ್ದಾರೆ. ಇವರಲ್ಲಿ ೧೬ಜನ ಉತ್ತರ ಪ್ರದೇಶದಲ್ಲಿ ಬಲಿಯಾದರೆ, ಒಬ್ಬರು ಬಿಹಾರದಲ್ಲಿ ಮೃತಪಟ್ಟಿದ್ದಾರೆ. ಹಾಗೂ ಟಿಬೆಟ್ ಪ್ರಾಂತದ ಚೀನದಲ್ಲಿಯೂ ಒಬ್ಬ ಮಹಿಳೆ ಮೃತಳಾಗಿದ್ದಾಳೆ.

ಸಾವುನೋವುಗಳು

ದೇಶ	ಮೃತಪಟ್ಟವರು	ಗಾಯಾಳುಗಳು
ನೇಪಾಳ	೫೦	೧,೨೬೧
ಭಾರತ	೧೭
ಚೀನಾ	೧
ಒಟ್ಟು	೬೮	೧,೨೬೧+

ರಕ್ಷಣಾ ಕಾರ್ಯಚರಣೆ ಮತ್ತು ಪರಿಹಾರ

ನೇಪಾಳ ಸೇನೆ ತನ್ನ ಆಪರೇಶನ್ ಸಂಕಟ ಮೊಚನವನ್ನು ಭಾರತ ಸೈನ್ಯದ ಜೊತೆಗೂಡಿ ಮುಂದುವರೆಸಿ ಸುಮಾರು ಟನ್ ಗಟ್ಟಳೆ ಪರಿಹಾರ ಸಾಮಗ್ರಿಗಳನ್ನು ಜನರಿಗೆ ತಲುಪಿಸುತ್ತಿದೆ.