ಬಿರುಗಾಳಿ (ಚಲನಚಿತ್ರ)

ಬಿರುಗಾಳಿ ೨೦೦೯ರ ಭಾರತೀಯ ಕನ್ನಡ ಭಾಷೆಯ ಸಾಹಸ ಚಿತ್ರವಾಗಿದ್ದು, ಹರ್ಷ ಅವರು ಬರೆದು ನಿರ್ದೇಶಿಸಿದ್ದಾರೆ.ಇದು ಗೆಳೆಯ ನಂತರ ಅವರ ಎರಡನೇ ನಿರ್ದೇಶನ . ಈ ಚಿತ್ರದಲ್ಲಿ ಆ ದಿನಗಳು ಖ್ಯಾತಿಯ ಚೇತನ್ ಕುಮಾರ್ ಜೊತೆಗೆ ಸಿತಾರಾ ವೈದ್ಯ, ಕರಿಷ್ಮಾ ಭಾರದ್ವಾಜ್ ಮತ್ತು ತಾರಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರವು ಅರ್ಜುನ್ ಜನ್ಯ ಅವರ ಸಂಗೀತವನ್ನು ಒಳಗೊಂಡಿತ್ತು, ಇದು ವಿಮರ್ಶಕರು ಮತ್ತು ಜನಸಾಮಾನ್ಯರಿಂದ ಸಕಾರಾತ್ಮಕವಾಗಿ ಸ್ವೀಕರಿಸಲ್ಪಟ್ಟಿತು.

ಬಿರುಗಾಳಿ
ನಿರ್ದೇಶನ	ಎ. ಹರ್ಷ
ನಿರ್ಮಾಪಕ	ಆದರ್ಶ ಎಂಟರ್ಪ್ರೈಸಸ್
ಲೇಖಕ	ಎ. ಹರ್ಷ
ಪಾತ್ರವರ್ಗ	ಚೇತನ್‌ ಕುಮಾರ್ ಸಿತಾರಾ ವೈದ್ಯ
ಸಂಗೀತ	ಅರ್ಜುನ್ ಜನ್ಯ
ಛಾಯಾಗ್ರಹಣ	ಎಚ್. ಸಿ. ವೇಣು
ಸಂಕಲನ	ದೀಪು ಎಸ್. ಕುಮಾರ್
ಸ್ಟುಡಿಯೋ	ಆದರ್ಶ ಎಂಟರ್ಪ್ರೈಸಸ್
ಬಿಡುಗಡೆಯಾಗಿದ್ದು	6 ಫೆಬ್ರವರಿ 2009 (2009-02-06)
ಅವಧಿ	134 ನಿಮಿಷಗಳು
ದೇಶ	ಭಾರತ
ಭಾಷೆ	ಕನ್ನಡ

ಚಿತ್ರವು 6 ಫೆಬ್ರವರಿ 2009 ರಂದು ಕರ್ನಾಟಕದಾದ್ಯಂತ ಯು/ಎ ಪ್ರಮಾಣೀಕರಣದೊಂದಿಗೆ ಬಿಡುಗಡೆಯಾಯಿತು. ಬಿಡುಗಡೆಯಾದ ನಂತರ, ಚಲನಚಿತ್ರವು ಅದರ ಸಾಂಪ್ರದಾಯಿಕ ಸ್ಕ್ರಿಪ್ಟ್ ನಿಂದ ವಿಮರ್ಶಕರಿಂದ ಸರಾಸರಿ ವಿಮರ್ಶೆಗಳನ್ನು ಪಡೆಯಿತು.

ತಾರಾಗಣ

•  ಚೇತನ್ ಕುಮಾರ್ - ಹಚ್ಚಿ
• ಸಿತಾರಾ ವೈದ್ಯ- ಅಂಜು
• ಕರಿಷ್ಮಾ ಭಾರದ್ವಾಜ್
• ತಾರಾ
• ಕಿಶೋರ್‌
• ಮೈಕೋ ನಾಗರಾಜ್‌
• ಕುರಿ ಪ್ರತಾಪ್

ನಿರ್ಮಾಣ

ನಾಯಕ ನಟ ಚೇತನ್ ಕುಮಾರ್ ಅವರು ತಮ್ಮ ಪಾತ್ರಕ್ಕಾಗಿ ಸಿಕ್ಸ್-ಪ್ಯಾಕ್ ಅನ್ನು ಅಭಿವೃದ್ಧಿಪಡಿಸುವ ಮೂಲಕ ಕಠಿಣ ದೇಹ ನಿರ್ಮಾಣಕ್ಕೆ ಒಳಗಾದರು. ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ನಿರ್ದೇಶಕ ಹರ್ಷ, ಅವರ ತರಬೇತಿ ಕೌಶಲ್ಯವನ್ನು ಶ್ಲಾಘಿಸಿದರು ಮತ್ತು ಅವರ ಕೊನೆಯ ಚಿತ್ರ ಆ ದಿನಗಳು ಪ್ರದರ್ಶಿಸದ ಅವರ ನೃತ್ಯ ಕೌಶಲ್ಯವನ್ನು ಈ ಚಿತ್ರವು ಪ್ರದರ್ಶಿಸುತ್ತದೆ ಎಂದು ಹೇಳಿದರು. ಈ ಚಲನಚಿತ್ರವನ್ನು ಎರಡು ಹಾಡುಗಳಿಗಾಗಿ ಗ್ರೀಸ್ ಲೊಕೇಲ್ಸ್‌ನಲ್ಲಿ ಚಿತ್ರೀಕರಿಸಲಾಯಿತು ಮತ್ತು ನೀರಿನೊಳಗಿನ ಸಾಹಸ ದೃಶ್ಯವನ್ನೂ ಚಿತ್ರೀಕರಿಸಲಾಯಿತು.

ಧ್ವನಿಮುದ್ರಿಕೆ

ಆಡಿಯೋ ಒಟ್ಟು ೭ ಹಾಡುಗಳನ್ನು, ೨ ಪುನರಾವರ್ತಿತ ಟ್ರ್ಯಾಕ್‌ಗಳು ಮತ್ತು ಒಂದು ವಾದ್ಯಸಂಗೀತ ಥೀಮ್ ಅನ್ನು ಅರ್ಜುನ್ ಜನ್ಯ ಸಂಯೋಜಿಸಿದ್ದಾರೆ. ೨೦೦೯ರ ಜನವರಿಯಲ್ಲಿ ಬೆಂಗಳೂರಿನ ಹೊಟೇಲ್‌ನಲ್ಲಿ ಆಡಿಯೋ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ಖ್ಯಾತ ಸಂಗೀತ ನಿರ್ದೇಶಕ ಗುರುಕಿರಣ್ ಇಡೀ ಚಿತ್ರತಂಡದ ಸಮ್ಮುಖದಲ್ಲಿ ಆಡಿಯೋ ಬಿಡುಗಡೆ ಮಾಡಿದರು

ಆಡಿಯೋವನ್ನು ಬಹಳ ಸಕಾರಾತ್ಮಕವಾಗಿ ಸ್ವೀಕರಿಸಲಾಯಿತು ಮತ್ತು ಜಯಂತ್ ಕಾಯ್ಕಿಣಿ ಬರೆದ "ಮಧುರ ಪಿಸುಮಾತಿಗೆ" ಮತ್ತು "ಹೂವಿನ ಬಾನದಂತೆ" ಹಾಡುಗಳು ಗರಿಷ್ಠ ಸಕಾರಾತ್ಮಕ ವಿಮರ್ಶೆಗಳನ್ನು ಗಳಿಸಿದವು ಮತ್ತು ಹಲವು ವಾರಗಳವರೆಗೆ ಚಾರ್ಟ್‌ಗಳಲ್ಲಿ ಅಗ್ರಸ್ಥಾನದಲ್ಲಿದ್ದವು. ೨೦೦೯ ರ ವಿವಿಧ ಪ್ರಶಸ್ತಿ ಸಮಾರಂಭಗಳಲ್ಲಿ ಹಾಡುಗಳನ್ನು ನಾಮನಿರ್ದೇಶನ ಮಾಡಲಾಯಿತು.

ಪ್ರತಿಕ್ರಿಯೆ

ವಿಮರ್ಶಾತ್ಮಕ ಪ್ರತಿಕ್ರಿಯೆ

ರೆಡಿಫ್.ಕಾಮ್ ನ ಆರ್ ಜಿ ವಿಜಯಸಾರಥಿ ಅವರು ಚಿತ್ರಕ್ಕೆ 5 ಸ್ಟಾರ್‌ಗಳಲ್ಲಿ 2 ಅಂಕಗಳನ್ನು ಗಳಿಸಿದ್ದಾರೆ ಮತ್ತು "ಎಚ್‌ಸಿ ವೇಣು ಅವರ ಛಾಯಾಗ್ರಹಣ ಮತ್ತು ಅರ್ಜುನ್ ಅವರ ಸಂಗೀತ ಚೆನ್ನಾಗಿ ಮೂಡಿಬಂದಿದೆ. ಜಯಂತ್ ಕಾಯ್ಕಿಣಿ ಮತ್ತು ಕವಿರಾಜ್ ಬರೆದ ಮಧುರ ಪಿಸುಮಾತಿಗೆ ಮತ್ತು ಹೇಳ್ಬಿಡೆ ಹೇಳ್ಬಿಡೆಎಂಬ ಎರಡು ಚಾರ್ಟ್ ಬಸ್ಟರ್ ಹಾಡುಗಳು ತುಂಬಾ ಆಕರ್ಷಕವಾಗಿವೆ. ಹರ್ಷನ ಬಿರುಗಾಳಿ ಹಳೆಯ ಬಾಟಲಿಯಲ್ಲಿ ಹಳೆಯ ವೈನ್ ಆಗಿದೆ ಎಂಬ ಅಂಶವನ್ನು ತೆಗೆದುಹಾಕುವಂತಿಲ್ಲ! ಟೈಮ್ಸ್ ಆಫ್ ಇಂಡಿಯಾ ಚಿತ್ರಕ್ಕೆ 5 ಸ್ಟಾರ್‌ಗಳಲ್ಲಿ 2.5 ಗಳಿಸಿದೆ ಮತ್ತು "ಚೇತನ್ ರೊಮ್ಯಾಂಟಿಕ್, ಆಕ್ಷನ್ ಮತ್ತು ಸೆಂಟಿಮೆಂಟಲ್ ಸೀಕ್ವೆನ್ಸ್‌ಗಳಲ್ಲಿ ಮಿಂಚುತ್ತಿರುವುದನ್ನು ನೋಡುವುದು ಒಂದು ಔತಣವಾಗಿದೆ. ಅರ್ಜುನ್ ಅವರ ಅದ್ಭುತ ಕ್ಯಾಮರಾ ವರ್ಕ್ ಚೆನ್ನಾಗಿದೆ". ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ನ ವಿಮರ್ಶಕರೊಬ್ಬರು ಬರೆದುದ ಪ್ರಕಾರ, "ಕಥೆಯು ಬೆಳವಣಿಗೆಯಾಗುತ್ತಿದ್ದಂತೆ, ಹಚ್ಚು ಭೂಗತ ಲೋಕದ ಡಾನ್‌ನನ್ನು ವಿರೋಧಿಸುತ್ತಾನೆ. ಒಬ್ಬ ಪೋಲೀಸ್ ಅಧಿಕಾರಿ (ಕಿಶೋರ್), ಅಂಜುವನ್ನು ಕೊಲ್ಲುತ್ತಾನೆ ಆದರೆ ನಂತರ ಅವನ ಕ್ರಿಯೆಗಾಗಿ ಪಶ್ಚಾತ್ತಾಪ ಪಡುತ್ತಾನೆ. ಅಂತಿಮವಾಗಿ, ಒಂಟಿ ಜೀವನ ನಡೆಸಲು ನಿರ್ಧರಿಸುತ್ತಾನೆ. ನ್ಯೂನತೆಗಳಿದ್ದರೂ, ಬಿರುಗಾಳಿಯು ಭಾವನಾತ್ಮಕ ಸ್ವರಮೇಳವನ್ನು ಸ್ಪರ್ಶಿಸುತ್ತದೆ".

ಪ್ರಶಸ್ತಿಗಳು

• ಅತ್ಯುತ್ತಮ ಮಹಿಳಾ ಹಿನ್ನೆಲೆ ಗಾಯಕಿ ಫಿಲ್ಮ್‌ಫೇರ್ ಪ್ರಶಸ್ತಿ - ಕನ್ನಡ - ಶಮಿತಾ ಮಲ್ನಾಡ್
• ಅತ್ಯುತ್ತಮ ಮಹಿಳಾ ಗಾಯಕಿಗಾಗಿ ಸುವರ್ಣ ಚಲನಚಿತ್ರ ಪ್ರಶಸ್ತಿ - ಶಮಿತಾ ಮಲ್ನಾಡ್
• ಅತ್ಯುತ್ತಮ ಸಂಗೀತ ನಿರ್ದೇಶಕರಿಗೆ ಸೌತ್ ಸ್ಕೋಪ್ ಫಿಲ್ಮ್ ಪ್ರಶಸ್ತಿ - ಅರ್ಜುನ್ ಜನ್ಯ

ಹೆಚ್ಚಿನ ಓದುವಿಕೆ

• ಜಿಜಿಪಿಡಿಯಾದಲ್ಲಿ ಬಿರುಗಾಳಿ
• ಇಂಡಿಯಾಗ್ಲಿಟ್ಜ್ ವಿಮರ್ಶೆ
• ಟೈಮ್ಸ್ ಆಫ್ ಇಂಡಿಯಾ ವಿಮರ್ಶೆಗಳು
• ಡೆಕ್ಕನ್ ಹೆರಾಲ್ಡ್ ವಿಮರ್ಶೆ