ಪ್ರಹ್ಲಾದ (ಚಲನಚಿತ್ರ)

"ಪ್ರಹ್ಲಾದ" ೧೯೪೨ರಲ್ಲಿ ಬಿಡುಗಡೆಯಾದ ಕನ್ನಡ ಚಲನಚಿತ್ರವಾಗಿದೆ.

ಪ್ರಹ್ಲಾದ (ಚಲನಚಿತ್ರ)
ಭಕ್ತ ಪ್ರಹ್ಲಾದ
ನಿರ್ದೇಶನ	ಕೆ. ಸುಬ್ರ್ಹಮಣ್ಯಂ ಮತ್ತು ಸಿ.ಎಸ್.ವಿ. ಅಯ್ಯರ್
ನಿರ್ಮಾಪಕ	ಕೆ.ಸುಬ್ರ್ಹಮಣ್ಯಂ
ಚಿತ್ರಕಥೆ	ಬೆಳ್ಳಾವೆ ನರಹರಿ ಶಾಸ್ತ್ರಿ
ಕಥೆ	ಪೌರಾಣಿಕ ಕಥೆ
ಸಂಭಾಷಣೆ	ಬೆಳ್ಳಾವೆ ನರಹರಿ ಶಾಸ್ತ್ರಿ
ಪಾತ್ರವರ್ಗ	ಎ.ಎನ್.ಶೇಷಾಚಾರ್ ಎಂ.ವಿ.ರಾಜಮ್ಮ ಚಂದ್ರಮ್ಮ
ಸಂಗೀತ	ಎಲ್.ಮಹೇಶ್ವರ
ಛಾಯಾಗ್ರಹಣ	ಸ್ಟೂಡಿಯೋ ತಂತ್ರಜ್ಞರು
ಸಂಕಲನ	ಸ್ಟೂಡಿಯೋ ತಂತ್ರಜ್ಞರು
ಬಿಡುಗಡೆಯಾಗಿದ್ದು	೧೯೪೨
ಚಿತ್ರ ನಿರ್ಮಾಣ ಸಂಸ್ಥೆ	ಕಲೈ ವಾಣಿ ಫಿಲಂಸ್ ಲಿಮಿಟೆಡ್
ಸಾಹಿತ್ಯ	ಬೆಳ್ಳಾವೆ ನರಹರಿ ಶಾಸ್ತ್ರಿ
ಹಿನ್ನೆಲೆ ಗಾಯನ	ಆಯಾ ಪಾತ್ರಧಾರಿಗಳು

ಕಥಾ ಸಾರಾಂಶ

ಹರಿ ಭಕ್ತನಾದ ಪ್ರಹ್ಲಾದ, ಹರಿಯ ಕಡು ವೈರಿಯಾದ ತಂದೆ ಹಿರಣ್ಯಕಶಿಪುವಿನ ನಡುವೆ ಸಂಘರ್ಷ. ಅಂತ್ಯದಲ್ಲಿ ಹರಿಯು ಬಾಲಕನ ಭಕ್ತಿಗೆ ಒಲಿದು ನರಸಿಂಹಾವತಾರದಲ್ಲಿ ಕಂಬದಿಂದ ಸೀಳಿ ಬಂದು ಹಿರಣ್ಯಕಶಿಪುವನ್ನು ಸಂಹರಿಸುವುದೇ ಈ ಚಿತ್ರದ ಕಥಾ ಹಂದರ. ಇದೊಂದು ಪೌರಾಣಿಕ ಕಥೆಯ ಆಧಾರಿತವಾಗಿದೆ.‌

ವಿಶೇಷತೆ

ಕನ್ನಡ ಚಿತ್ರರಂಗದ ಅತ್ಯಂತ ಜನಪ್ರಿಯ ನಟ ಡಾ.ರಾಜ್‌ಕುಮಾರ ತೆರಯಲ್ಲಿ ಕಂಡಿರುವ ಮೊದಲ ಚಿತ್ರ ಇದಾಗಿದೆ. ಈ ಚಿತ್ರದಲ್ಲಿ ಇವರು ತಮ್ಮ ಸಹೋದರ ಎಸ್.ಪಿ.ವರದರಾಜ್‌ ಅವರೊಂದಿಗೆ ಗುರುಕುಲದ ವಿಧ್ಯಾರ್ಥಿಯಾಗಿ ಅಭಿನಯಿಸಿದ್ದಾರೆ. ಜೊತೆಗೆ ಇವರ ತಂದೆ ಸಿಂಗಾನಲ್ಲೂರು ಪುಟ್ಟಸ್ವಾಮಯ್ಯನವರು ಅಖಂಡಾಸುರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ನಿರ್ಮಾಣ

ನ್ಯೂಟೋನ್‌ ಹಾಗೂ ನೆಪ್ಚೂನ್‌ ಸ್ಟೂಡಿಯೋ, ಮದರಾಸಿನಲ್ಲಿ ತಯಾರಾದ ಈ ಚಿತ್ರವನ್ನು ಕಲೈವಾಣಿ ಫಿಲಂಸ್‌ ಲಾಂಛನದಲ್ಲಿ ಕೆ.ಸುಬ್ರ್ಹಮಣ್ಯಂ ನಿರ್ಮಿಸಿದರು. ಚಲನಚಿತ್ರ ಸೆನ್ಸಾರ್‌ ಆದ ಬಳಿಕ ೧೧,೦೦೦ ಅಡಿಗಳಷ್ಟು ಉದ್ದವಿತ್ತು.