ಅಮ್ಮ ರಾಮಚಂದ್ರ

ರಾಮಚಂದ್ರ (ಹುಟ್ಟು:೧೯೮೩), ಅಮ್ಮ ರಾಮಚಂದ್ರ ಎಂದೇ ಗುರುತಿಸಲ್ಪಡುವ ಭಾರತೀಯ ಜನಪದ ಗಾಯಕ. ಜನಪದಗೀತೆಗಳು, ರಂಗಗೀತೆಗಳು ಮತ್ತು ಜಾಗೃತಿಗೀತೆಗಳ ಮೂಲಕ ನಾಡಿನಾದ್ಯಂತ ಪರಿಚಿತರಾಗಿರುವ ಇವರು, ಮೂಲತಃ ಮೈಸೂರಿನವರು.

ಅಮ್ಮ ರಾಮಚಂದ್ರ
ಜನನ	ದೇವಲಾಪುರ, ಹೆಗ್ಗಡದೇವನಕೋಟೆ, ಮೈಸೂರು ಜಿಲ್ಲೆ, ಕರ್ನಾಟಕ
ವಿದ್ಯಾಭ್ಯಾಸ	ಎಂ. ಎ. (ಜಾನಪದ)
ವೃತ್ತಿ	ಗಾಯಕ
ಪೋಷಕ(ರು)	ಗೋಪಾಲಯ್ಯ, ದೇವಮ್ಮ

ವೈಯಕ್ತಿಕ ಜೀವನ

ರಾಮಚಂದ್ರ, ಮೂಲತಃ ಹೆಚ್ ಡಿ ಕೋಟೆಯ ಸರಗೂರಿನ ದೇವಲಾಪುರ ಗ್ರಾಮದವರು. ತಂದೆ ಗೋಪಾಲಯ್ಯ, ತಾಯಿ ದೇವಮ್ಮ. ಮೂವರು ಸಹೋದರಿಯರಿದ್ದಾರೆ.

ಗಾಯಕರಾಗಿ

ಜನಪದ ಗೀತೆಗಳ ಹಾಡುವಿಕೆಗೆ ಹೆಸರಾದ ರಾಮಚಂದ್ರ ಅವರು ತಾಯಿಯ ಮೇಲಿನ ಪ್ರೇಮದಿಂದ ತಮ್ಮ ಹೆಸರಿನಲ್ಲಿ 'ಅಮ್ಮ' ಪದವನ್ನು ಸೇರಿಸಿರುವುದರಿಂದ ಅಮ್ಮ ರಾಮಚಂದ್ರ ಎಂದೇ ಪರಿಚಿತರಾಗಿದ್ದಾರೆ.