ಅಂಜು ಜೈನ್

ಅಂಜು ಜೈನ್ (ಜನನ ೧೧ ಆಗಸ್ಟ್ ೧೯೭೪) ಭಾರತದ ಮಾಜಿ ಕ್ರಿಕೆಟಿಗ ಮತ್ತು ಪ್ರಸ್ತುತ ಕ್ರಿಕೆಟ್ ತರಬೇತುದಾರರಾಗಿದ್ದಾರೆ. ಅವರು ವಿಕೆಟ್ ಕೀಪರ್ ಮತ್ತು ಬಲಗೈ ಬ್ಯಾಟ್ಸ್ಮನ್ ಆಗಿ ಆಡಿದರು. ೧೯೯೩ ಮತ್ತು ೨೦೦೫ ರ ನಡುವೆ ಅವರು ಭಾರತಕ್ಕಾಗಿ ಎಂಟು ಟೆಸ್ಟ್ ಪಂದ್ಯಗಳು ಮತ್ತು ೬೫ ಏಕದಿನ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಕಾಣಿಸಿಕೊಂಡರು. ಅವರು ದೆಹಲಿ ಮತ್ತು ಏರ್ ಇಂಡಿಯಾಕ್ಕಾಗಿ ದೇಶೀಯ ಕ್ರಿಕೆಟ್ ಆಡಿದ್ದಾರೆ. ಅವರು ಈ ಹಿಂದೆ ಭಾರತ ಮತ್ತು ಬಾಂಗ್ಲಾದೇಶದ ತರಬೇತುದಾರರಾಗಿದ್ದರು ಮತ್ತು ಪ್ರಸ್ತುತ ಭಾರತೀಯ ದೇಶೀಯ ಸರ್ಕ್ಯೂಟ್‍ನಲ್ಲಿ ತರಬೇತುದಾರರಾಗಿದ್ದಾರೆ.

ಅಂಜು ಜೈನ್

ರಾಷ್ಟ್ರಪತಿ ಎ.ಪಿ.ಜೆ. ಅಬ್ದುಲ್ ಕಲಾಂರವರು ೨೦೦೬ ರಲ್ಲಿ ಅಂಜು ಜೈನ್ ಅವರಿಗೆ ೨೦೦೫ ರ ಅರ್ಜುನ ಪ್ರಶಸ್ತಿಯನ್ನು ಪ್ರದಾನ ಮಾಡಿದರು
ವಯಕ್ತಿಕ ಮಾಹಿತಿ
ಪೂರ್ಣ ಹೆಸರು	ಅಂಜು ಜೈನ್
ಹುಟ್ಟು	(1974-08-11) ೧೧ ಆಗಸ್ಟ್ ೧೯೭೪ ದೆಹಲಿ, ಭಾರತ
ಬ್ಯಾಟಿಂಗ್	ಬಲಗೈ
ಬೌಲಿಂಗ್	ಬಲಗೈ ಆಫ್‍-ಬ್ರೇಕ್
ಪಾತ್ರ	ವಿಕೆಟ್-ಕೀಪರ್
ಅಂತಾರಾಷ್ಟ್ರೀಯ ಮಾಹಿತಿ
ರಾಷ್ಟೀಯ ತಂಡ	ಭಾರತ (೧೯೯೩–೨೦೦೫)
ಟೆಸ್ಟ್ ಚೊಚ್ಚಲ (ಕ್ಯಾಪ್ ೪೧)	೭ ಫೆಬ್ರವರಿ ೧೯೯೫ v ನ್ಯೂಜಿಲ್ಯಾಂಡ್
ಕೊನೆಯ ಟೆಸ್ಟ್	೨೭ ನವೆಂಬರ್‌ ೨೦೦೩ v ನ್ಯೂಜಿಲ್ಯಾಂಡ್
ಅಂ. ಏಕದಿನ​ ಚೊಚ್ಚಲ (ಕ್ಯಾಪ್ ೩೮)	೨೦ ಜುಲೈ ೧೯೯೩ v ವೆಸ್ಟ್ ಇಂಡೀಸ್
ಕೊನೆಯ ಅಂ. ಏಕದಿನ​	೧೦ ಎಪ್ರಿಲ್‍ ೨೦೦೫ v ಆಸ್ಟ್ರೇಲಿಯಾ
ದೇಶೀಯ ತಂಡದ ಮಾಹಿತಿ
ವರ್ಷಗಳು	ತಂಡ
೧೯೯೨/೯೩–೧೯೯೩/೯೪	ದೆಹಲಿ
1993/94–2004/05	ಏರ್ ಇಂಡಿಯಾ
ವೃತ್ತಿ ಅಂಕಿಅಂಶಗಳು
ಸ್ಪರ್ಧೆ ಡಬ್ಲ್ಯೂಟೆಸ್ಟ್ ಡಬ್ಲ್ಯೂಒಡಿಐ ಡಬ್ಲ್ಯೂಎಫ್‍ಸಿ ಡಬ್ಲ್ಯೂಎಲ್‍ಎ ಪಂದ್ಯಗಳು ೮ ೬೫ ೨೫ ೧೨೪ ಗಳಿಸಿದ ರನ್ಗಳು ೪೪೧ ೧,೭೨೯ ೧,೦೨೮ ೩,೭೯೮ ಬ್ಯಾಟಿಂಗ್ ಸರಾಸರಿ ೩೬.೭೫ ೨೯.೮೧ ೩೩.೧೬ ೩೫.೧೬ ೧೦೦/೫೦ ೧/೩ ೦/೧೨ ೨/೫ ೦/೨೯ ಉನ್ನತ ಸ್ಕೋರ್ ೧೧೦ ೯೦ ೧೪೦* ೯೦ ಹಿಡಿತಗಳು/ ಸ್ಟಂಪಿಂಗ್‌ ೧೫/೮ ೩೦/೫೧ ೨೪/೧೭ ೪೯/೬೯
ಮೂಲ: CricketArchive, ೧೬ ಆಗಸ್ಟ್‌ ೨೦೨೨

ವೈಯಕ್ತಿಕ ಮಾಹಿತಿ

ಅಂಜು ಜೈನ್ ೧೧ ಆಗಸ್ಟ್ ೧೯೭೪ ರಂದು ದೆಹಲಿಯಲ್ಲಿ ಜನಿಸಿದರು. ಇವರು ೧೯೮೬ ರಲ್ಲಿ ಕ್ರಿಕೆಟ್ ಆಡಲು ಪ್ರಾರಂಭಿಸಿದರು. ಅವರು ೧೯೯೫ ಮತ್ತು ೨೦೦೩ ರ ನಡುವೆ ೮ ಮಹಿಳಾ ಟೆಸ್ಟ್ ಕ್ರಿಕೆಟ್ ಪಂದ್ಯಗಳನ್ನು ಆಡಿದ್ದರು. ಮತ್ತು ೬೫ ಏಕದಿನ ಕ್ರಿಕೆಟ್ ಪಂದ್ಯಗಳನ್ನು ಆಡಿದ್ದರು. ಅವರು ವಿಕೆಟ್ ಕೀಪರ್ ಆಗಿದ್ದರು. ಅವರು ೮ ಏಕದಿನ ಪಂದ್ಯಗಳಲ್ಲಿ ಭಾರತೀಯ ತಂಡದ ನಾಯಕತ್ವ ವಹಿಸಿದ್ದರು. ೨೦೦೦ ದ ಕ್ರಿಕ್ಇನ್ಫೊ ಮಹಿಳಾ ಕ್ರಿಕೆಟ್ ವಿಶ್ವಕಪ್‍ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೋಲುವ ಮೊದಲು ಸೆಮಿ-ಫೈನಲ್‍ಗೆ ಭಾರತವನ್ನು ಮುನ್ನಡೆಸಿದರು.

ವೃತ್ತಿಜೀವನ

ಅವರು ೨೦೦೦ ದ ವಿಶ್ವಕಪ್‍ನಲ್ಲಿ ಭಾರತವನ್ನು ಮುನ್ನಡೆಸಿದರು, ಅಲ್ಲಿ ತಂಡವು ನ್ಯೂಜಿಲೆಂಡ್ ವಿರುದ್ಧ ಸೋಲುವ ಮೊದಲು ಸೆಮಿಫೈನಲ್ ತಲುಪಿತು.

ಡಬ್ಲ್ಯುಒಡಿಐಗಳಲ್ಲಿ ಅತಿ ಹೆಚ್ಚು ಅಂದರೆ ೫೧ ಸ್ಟಂಪಿಂಗ್ ಮಾಡಿದ ದಾಖಲೆಯನ್ನು ಅವರು ಜಂಟಿಯಾಗಿ ಹೊಂದಿದ್ದಾರೆ. ಜೈನ್ ನಾಯಕರಾಗಿ, ವಿಕೆಟ್ ಕೀಪರ್ ಮತ್ತು ಆರಂಭಿಕ ಬ್ಯಾಟ್ಸ್‌ಮ್ಯಾನ್ ಆಗಿ ೮ ಏಕದಿನ ಪಂದ್ಯಗಳನ್ನು ಆಡಿದ್ದಾರೆ, ಇದು ದಾಖಲೆಯಾಗಿದೆ.

ಅಂಜು ೨೦೦೫ ರಲ್ಲಿ ಅಂದಿನ ರಾಷ್ಟ್ರಪತಿ ಡಾ ಎ.ಪಿ.ಜೆ ಅಬ್ದುಲ್ ಕಲಾಂ ಅವರಿಂದ ಅರ್ಜುನ ಪ್ರಶಸ್ತಿಗೆ ಭಾಜನರಾಗಿದ್ದರು.

ತರಬೇತಿ ಜೀವನ

ಆಂಧ್ರಪ್ರದೇಶದ ಯುವಕರ ಮತ್ತು ಮಹಿಳಾ ಕ್ರಿಕೆಟ್ ಆಟಗಾರರ ಅಭಿವೃದ್ಧಿಗೆ ಅವರು ತರಬೇತುದಾರರಾಗಿದ್ದಾರೆ. ಅವರು ಒಡಿಶಾ, ತ್ರಿಪುರಾ ಮತ್ತು ಅಸ್ಸಾಂ ಮತ್ತು ಭಾರತೀಯ ತಂಡಕ್ಕೆ ತರಬೇತುದಾರರಾಗಿದ್ದಾರೆ. ಪ್ರಸ್ತುತ, ಅವರು ಬಾಂಗ್ಲಾದೇಶ ಮಹಿಳಾ ಕ್ರಿಕೆಟ್ ತಂಡದ ಮುಖ್ಯ ತರಬೇತುದಾರರಾಗಿದ್ದಾರೆ. ಟಿ-೨೦ ಸಮಯದಲ್ಲಿ ದೇವಿಕಾ ಪಾಲ್ಶಿಕರ್ (ಸಹಾಯಕ ತರಬೇತುದಾರ) ಮತ್ತು ಅನುಜಾ ಡಾಲ್ವಿ (ಭೌತಚಿಕಿತ್ಸಕ) ಎಂಬ ಇಬ್ಬರು ಭಾರತೀಯರು ಅಂಜು ಅವರಿಗೆ ಸಹಾಯ ಮಾಡಿದರು. ಕಳೆದ ಋತುವಿನಲ್ಲಿ ವಿದರ್ಭ ಮಹಿಳಾ ತಂಡದ ಮುಖ್ಯ ತರಬೇತುದಾರರಾಗಿದ್ದರು ಮತ್ತು ೨೦೧೨ ರ ಮಹಿಳಾ ವಿಶ್ವ ಟಿ-೨೦ ಮತ್ತು ೨೦೧೩ ರ ವಿಶ್ವಕಪ್‍ನಲ್ಲಿ ಸಹ ಭಾರತ ತಂಡಕ್ಕೆ ತರಬೇತಿ ನೀಡಿದ್ದಾರೆ. ಇವರು ಬಾಂಗ್ಲಾದೇಶದ ಉದ್ಯೋಗವನ್ನು ನೆರವೇರಿಸುವ ಭಾರತದ ಎರಡನೇ ಮಹಿಳಾ ಕ್ರಿಕೆಟಿಗರಾಗಿದ್ದಾರೆ.