ಹರೇಕೃಷ್ಣ ದೇವಸ್ಥಾನ (ಟೊರಾಂಟೋ ನಗರ)

'ಹರೇ ಕೃಷ್ಣ ದೇವಾಲಯ' ಕೆನಡ ದೇಶದ, ಆಂಟೇರಿಯೋ ಪ್ರಾಂತ್ಯದ ಟೊರಾಂಟೋನಗರದ ೨೪೩, ಅವೆನ್ಯೂ ರೋಡ್ ನಲ್ಲಿ ಸ್ಥಾಪಿಸಲ್ಪಟ್ಟಿದೆ. ೧೮೯೯ ರಲ್ಲಿ ನಿರ್ಮಿಸಲ್ಪಟ್ಟ ಈ ಪುರಾತನ ಇಗರ್ಜಿ, ಕ್ರೈಸ್ತ ಧರ್ಮದ ಒಂದು ಮಹತ್ವದ ಕಟ್ಟಡವಾಗಿದ್ದು, 'ಪ್ರೆಸ್ಬಿಟೇರಿಯನ್ ಚರ್ಚ್ ಆಫ್ ದ ಕಾನ್ವೆಂಟ್,' ಎಂಬ ಹೆಸರಿನಲ್ಲಿ ಗುರುತಿಸಲ್ಪಡುತ್ತಿತ್ತು. ಈ ಸುಂದರ ಕಟ್ಟಡದ ಶಿಲ್ಪಿಗಳು 'ಗಾರ್ಡನ್' ಮತ್ತು 'ಹೆಲಿವೆಲ್' ಎಂಬ ಟೊರಾಂಟೋನಗರದ ಕಟ್ಟಡ ನಿರ್ಮಾಪಕರು.

'ಹಿಂದಿನ ಅವೆನ್ಯೂ ರೋಡ್ ಚರ್ಚ್, ಇಂದು ಹರೇಕೃಷ್ಣ ದೇವಸ್ಥಾನವೆಂಬ ಹೆಸರಿನಿಂದ ಗುರುತಿಸಲ್ಪಡುತ್ತಿದೆ.

'ಅಭಯ್ ಚರಣ್ ಶ್ರೀ.ಭಕ್ತಿ ವೇದಾಂತ ಶ್ರೀಲಾ ಪ್ರಭುಪಾದ ಸ್ವಾಮಿಜಿ'

ISKCON

'ಇಂಟರ್ನ್ಯಾಷನಲ್ ಸೊಸೈಟಿ ಫಾರ್ ಕೃಷ್ಣ ಕಾನ್ಶಸ್ ನೆಸ್' (ISKCON) ಎಂಬುದು ಹರೇ ಕೃಷ್ಣ ಮೂವ್ಮೆಂಟ್ ಗೆ ಮತ್ತೊಂದು ಹೆಸರು. ಇದು ಗೌಡೀಯ ವೈಷ್ಣವ ಮತದ ಸಂಘಟನೆಯಾಗಿದೆ. ೧೯೬೬ ರಲ್ಲಿ ಅಮೆರಿಕದ ನ್ಯೂಯಾರ್ಕ್ ನಗರದಲ್ಲಿ 'ಶ್ರೀ.ಎ.ಸಿ.ಭಕ್ತಿ ವೇದಾಂತ ಸ್ವಾಮಿ ಶ್ರೀಲಾ ಪ್ರಭುಪಾದ'ರಿಂದ ಸ್ಥಾಪನೆಗೊಂಡ ಈ ಸಂಸ್ಥೆ, ೪೦ ವರ್ಷಗಳಲ್ಲಿ ವಿಶ್ವದಲ್ಲೆಲ್ಲಾ ವ್ಯಾಪಿಸಿ ಹೆಸರುವಾಸಿಯಾಗಿದೆ. ಯಾವ ಲಾಭವನ್ನೂ ಅಪೇಕ್ಷಿಸದ ವಿದ್ಯಾಪ್ರಸಾರಕ ಸಂಸ್ಥೆ, ಚೈತನ್ಯ ಮಹಾಪ್ರಭುಗಳ ಸಂಕೀರ್ತನಗಳನ್ನು ವಿಶ್ವದ ಭಕ್ತರಿಗೆ ಸುಲಭವಾಗಿ ತಲುಪಿಸುವ ಮಹತ್ಕಾರ್ಯದಲ್ಲಿ ತೊಡಗಿದೆ. ಈಗಾಗಲೇ ವಿಶ್ವದ ಹಲವೆಡೆ ಸಂಚಾಲನೆಯಲ್ಲಿರುವ 'ಇಸ್ಕಾನ್ ಸಂಸ್ಥೆ'ಗಳ ವಿಳಾಸ ಹೀಗಿದೆ. ಸುತ್ತುತ್ತಿರುವ ಗೋಳಾಕೃತಿಯಮೇಲೆ ಕಂಪ್ಯೂಟರಿನ ಮೌಸನ್ನು ಕ್ಲಿಕ್ಕಿಸುವ ಮೂಲಕ,ವಿಶ್ವದ ನಗರಗಳಲ್ಲಿ 'ಇಸ್ಕಾನ್ ದೇವಾಲಯಗಳ ಬಗ್ಗೆ ಮಾಹಿತಿ'ಯನ್ನು ಹತ್ತಿರದಲ್ಲಿ ವೀಕ್ಷಿಸಿ ಗ್ರಹಿಸಬಹುದು.