ಸಾಂಪ್ರದಾಯಿಕ ಸಂಗೀತ

ಇದನ್ನೂ ನೋಡಿ: Indigenous music

ಸಾಂಪ್ರದಾಯಿಕ ಸಂಗೀತ ಎನ್ನುವ ಪದವನ್ನು ಹೆಚ್ಚಿನ ಪ್ರಮಾಣದಲ್ಲಿ (ಉದಾ.ಗ್ರಾಮಿ ಪ್ರಶಸ್ತಿಗಳಿಂದ) ಸಮಕಾಲೀನ ಜಾನಪದ ಸಂಗೀತಕ್ಕೆ ಸಂಬಂಧಿಸಿರದ ಜಾನಪದ ಸಂಗೀತಕ್ಕೆ ಬಳಸಲಾಗುತ್ತದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ವಿಶ್ವ ಸಂಗೀತ ಲೇಖನದ ಪಾರಿಭಾಷಿಕ ಪದಗಳ ವಿಭಾಗದಲ್ಲಿ ನೋಡಬಹುದು. ಸಾಂಪ್ರದಾಯಿಕ ಸಂಗೀತವನ್ನು "ಜಾನಪದ ಸಂಗೀತ"ವೆಂದು ಉಲ್ಲೇಖಿಸುವುದು ಹೆಚ್ಚು ಸಾಮಾನ್ಯವಾಗಿದ್ದರೂ ಇತರ ಇಂತರ ಸಂಘಟನೆಗಳು ಅಂತಹುದೇ ಬದಲಾವಣೆಗಳನ್ನು ಮಾಡಿದವು.

Traditional music
Stylistic origins	Traditional music
Cultural origins	Individual nations or regions
Typical instruments	See Folk instruments
Derivative forms	Popular music • Contemporary music
Fusion genres
Electric folk • Folk metal • Folk rock • New Age music • Neofolk • Space music
Other topics
Roots revival

ಅರ್ಥನಿರೂಪಿಸುವ ಗುಣಲಕ್ಷಣಗಳು

ಐತಿಹಾಸಿಕ ದೃಷ್ಟಿಕೋನದಿಂದ, ಸಾಂಪ್ರದಾಯಿಕ ಸಂಗೀತವು ಈ ಗುಣಲಕ್ಷಣಗಳನ್ನು ಹೊಂದಿತ್ತು:

• ಅದು ಮೌಖಿಕ ಸಂಪ್ರದಾಯದ ಮೂಲಕ ಪ್ರಸಾರವಾಯಿತು.

ಇಪ್ಪತ್ತನೆಯ ಶತಮಾನದ ಮೊದಲು,ಸಾಮಾನ್ಯ ಕೃಷಿ ಕಾರ್ಮಿಕರು ಮತ್ತು ಕಾರ್ಖಾನೆ ಕೆಲಸಗಾರರು ಅನಕ್ಷರಸ್ಥರಾಗಿದ್ದರು. ಅವರುಗಳು ಹಾಡುಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದರ ಮೂಲಕ ಕಲಿತರು. ಮೂಲಭೂತವಾಗಿ, ಇದು ಪುಸ್ತಕಗಳ ಮೂಲಕ, ಧ್ವನಿಸಂಗ್ರಹ ಮಾಡಿದ ಅಥವಾ ಪ್ರಸರಿತ ಮಾಧ್ಯಮದ ಮೂಲಕ ಹರಡುವ ಮಾಧ್ಯಮವಾಗಿರಲಿಲ್ಲ. ಮುದ್ರಿತ ಹಾಳೆಗಳು, ಗೀತೆಗಳ ಪುಸ್ತಕಗಳು ಅಥವಾ ಸಿಡಿಗಳನ್ನು ಬಳಸಿ ಗಾಯಕರು ತಮ್ಮ ಸಂಗೀತ ಕೃತಿಗಳನ್ನು ಮುಟ್ಟಿಸಬಹುದು, ಆದರೆ ಈ ಸ್ವಂತಿಕೆಯಿಲ್ಲದ ವರ್ಧನೆಗಳು ಪ್ರಥಮ ಬಾರಿಗೆ ಅನುಭವಿಸಿದ ಮೂಲ ಗೀತೆಗಳ ಸ್ವರೂಪವನ್ನೇ ಹೊಂದಿವೆ.

• ಸಂಗೀತವನ್ನು ಆಗಾಗ್ಗೆ ರಾಷ್ಟ್ರೀಯ ಸಂಸ್ಕೃತಿಗೆ ಹೋಲಿಸಲಾಗುತ್ತದೆ.

ಸಾಂಸ್ಕೃತಿಕವಾಗಿ ಇದು ನಿರ್ದಿಷ್ಟ ಪ್ರಾಂತ್ಯ ಅಥವಾ ಸಂಸ್ಕೃತಿಗೆ ನಿರ್ದಿಷ್ಟವಾಗಿರುತ್ತದೆ. ವಲಸೆ ಸಮೂಹದ ದೃಷ್ಟಿಯಲ್ಲಿ ನೋಡುವುದಾದರೆ, ಜಾನಪದ ಸಂಗೀತವು ಸಾಮಾಜಿಕ ಒಗ್ಗಟ್ಟಿಗೆ ಹೆಚ್ಚುವರಿಯಾದ ಆಯಾಮವನ್ನು ಪಡೆದುಕೊಳ್ಳುತ್ತದೆ. ಇದು ನಿರ್ದಿಷ್ಟವಾಗಿ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಗಮನ ಸೆಳೆಯುತ್ತದೆ, ಇಲ್ಲಿ ಪಾಲಿಷ್-ಅಮೇರಿಕನ್ನರು, ಐರಿಷ್-ಅಮೇರಿಕನ್ನರು ಮತ್ತು ಏಷ್ಯನ್-ಅಮೇರಿಕನ್ನರು ಮುಖ್ಯವಾಹಿನಿಯಿಂದ ವ್ಯತ್ಯಾಸವನ್ನು ಒತ್ತಿ ಹೇಳಲು ಶ್ರಮಿಸಿದರು. ಅವರುಗಳು ತಮ್ಮ ಅಜ್ಜಿ-ತಾತಂದಿರ ಹುಟ್ಟು ಪಡೆದ ಗೀತೆಗಳು ಮತ್ತು ನೃತ್ಯಗಳನ್ನು ಕಲಿಯುತ್ತಾರೆ.

• ಅವರುಗಳು ಐತಿಹಾಸಿಕ ಮತ್ತು ವೈಯಕ್ತಿಕ ಘಟನೆಗಳನ್ನು ನೆನಪಿಸಿಕೊಳ್ಳುತ್ತಾರೆ.

ವರ್ಷದ ಕೆಲವೊಂದು ದಿನಗಳಾದ ಈಸ್ಟರ್, ಮೇ ದಿನ ಮತ್ತು ಕ್ರಿಸ್‌ಮಸ್ ದಿನಗಳಂದು ವಾರ್ಷಿಕ ಅವಧಿಯ ಆಚರಣೆಯನ್ನು ಮಾಡಲು ನಿರ್ದಿಷ್ಟ ಗೀತೆಗಳನ್ನು ಬಳಸಲಾಗುತ್ತದೆ. ಮದುವೆ ಸಮಾರಂಭಗಳು, ಜನ್ಮದಿನಗಳು ಮತ್ತು ಅಂತ್ಯಕ್ರಿಯೆಗಳಂತಹ ಸಮಾರಂಭಗಳನ್ನೂ ಸಹ ಗೀತೆಗಳು, ನೃತ್ಯಗಳು ಮತ್ತು ವಿಶೇಷ ತೊಡುಗೆಗಳೊಂದಿಗೆ ಸೂಚಿಸಲಾಗುತ್ತದೆ. ಧಾರ್ಮಿಕ ಹಬ್ಬಗಳು ಆಗಾಗ್ಗೆ ಜಾನಪದ ಸಂಗೀತದ ಅಂಶವನ್ನೂ ಒಳಗೊಂಡಿರುತ್ತದೆ. ಈ ಸಮಾರಂಭಗಳಲ್ಲಿ ಚರ್ಚಿನ ಗಾನ ಮೇಳದ ಸಂಗೀತವು ಮಕ್ಕಳು ಮತ್ತು ವೃತ್ತಿಪರರಲ್ಲದ ಹಾಡುಗಾರರು ಸಾರ್ವಜನಿಕ ಸ್ಥಳದಲ್ಲಿ ಭಾಗವಹಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಈ ಮೂಲಕ ಸಂಗೀತದ ಕಲಾತ್ಮಕ ವಿಶಿಷ್ಟ ಗುಣಗಳಿಗೆ ಸಂಬಂಧಪಡದ ಒಂದು ಭಾವನಾತ್ಮಕ ಸಂಬಂಧವನ್ನು ನೀಡುತ್ತದೆ.

ಅಡ್ಡ-ಪರಿಣಾಮಗಳಾಗಿ, ಮುಂದಿನ ಗುಣಲಕ್ಷಣಗಳು ಕೆಲವೊಮ್ಮೆ ಇರುತ್ತವೆ

• ಗೀತೆಗಳ ಮೇಲೆ ಹಕ್ಕುಸ್ವಾಮ್ಯದ ಕೊರತೆ

ಹತ್ತೊಂಬತ್ತನೇ ಶತಮಾನದ ನೂರಾರು ಗೀತೆಗಳು ತಿಳಿಯಲ್ಪಟ್ಟ ಲೇಖಕರನ್ನು ಹೊಂದಿವೆ. ಆದರೆ, ಅವುಗಳನ್ನು ಸಂಗೀತದ ಪ್ರಕಟಣೆಗೋಸ್ಕರ "ಸಾಂಪ್ರದಾಯಿಕ" ಎಂದು ವರ್ಗೀಕರಿಸುವ ತನಕ ಅವುಗಳು ಮೌಖಿಕ ಸಂಪ್ರದಾಯದಲ್ಲೇ ಮುಂದುವರಿದವು. ಇದು ೧೯೭೦ ರ ದಶಕದಿಂದ ಸ್ವಲ್ಪ ಕಡಿಮೆಯಾಯಿತು. ಇಂದು, ಧ್ವನಿಮುದ್ರಿಸಿದ ಬಹುತೇಕ ಪ್ರತಿ ಜಾನಪದ ಗೀತೆಯನ್ನು ವ್ಯವಸ್ಥೆಯನ್ನು ಹೊಂದಿರುವುದಾಗಿ ಪ್ರಶಂಶಿಸಲಾಗುತ್ತದೆ ಉದಾ."ಟ್ರಾಡ್ ಆರ್ ಡೈಲಾನ್".

• ಸಂಸ್ಕೃತಿಗಳ ಬೆಸುಗೆ

ಅದೇ ರೀತಿಯಲ್ಲಿ ವಿಭಿನ್ನ ದೇಶದಿಂದ ಬಂದಂತಹ ಪೋಷಕರ ಮೂಲಕ ಜನರು ಮಿಶ್ರ ಹಿನ್ನೆಲೆಯನ್ನು ಒಳಗೊಂಡಿರಬಹುದು, ಆದ್ದರಿಂದ ಸಂಗೀತವು ಸಹ ಪ್ರಭಾವಗಳ ಮಿಶ್ರಣವನ್ನು ಒಳಗೊಂಡಿರಬಹುದು. ಸಂಗೀತವನ್ನು ಇತ್ತೀಚೆಗೆ ರಚಿಸಲಾಗಿದ್ದರೂ ನಿರ್ದಿಷ್ಟವಾದ ತಾಳದ ವಿನ್ಯಾಸ ಅಥವಾ ವೈಶಿಷ್ಟ್ಯಪೂರ್ಣ ಸಾಧನವು ಸಂಗೀತಕ್ಕೆ ಸಾಂಪ್ರದಾಯಿಕ ಸಂವೇದನೆಯನ್ನು ನೀಡಲು ಸಾಕಾಗುತ್ತದೆ. ಸಂಗೀತದ ಭಾಗದಲ್ಲಿ ಬ್ಯಾಗ್‌ಪೈಪ್ ಅಥವಾ ತಬಲಾದ ಇರುವಿಕೆಯನ್ನು ಗುರುತಿಸುವದು ಅತೀ ಸುಲಭವಾಗಿದೆ. ಈ ರೀತಿಯಲ್ಲಿ ಗೀತೆಗಳ ಸತ್ವಗುಂದಿಸುವಿಕೆ ಅಥವಾ ಮಾರ್ಪಾಡು ಮಾಡಿಕೊಳ್ಳುವಿಕೆಯಿಂದ ಯುವ ಜನರು ಸಾಮಾನ್ಯವಾಗಿ ಕಡಿಮೆ ಪ್ರಮಾಣದಲ್ಲಿ ಕೋಪಗೊಳ್ಳುತ್ತಾರೆ. ಅದೇ ರೀತಿಯಲ್ಲಿ ವಿದ್ಯುತ್ ಗಿಟಾರ್ ಅನ್ನು ಹಳೆಯ ಗೀತೆಗಳಿಗೆ ಸೇರ್ಪಡೆ ಮಾಡಿಕೊಳ್ಳಬಹುದು. ಇದು ಸಂಗೀತಕ್ಕೆ ಹೆಚ್ಚುಗಾರಿಕೆಯೋ ಅಥವಾ ಕಳಪೆ ಗಿಮಿಕ್ ಎನ್ನುವುದು ವೈಯಕ್ತಿಕ ಅಭಿರುಚಿಯ ವಿಷಯವಾಗಿರುತ್ತದೆ. ಸಂಬಂಧಿತ ಅಂಶಗಳಲ್ಲಿ ವಾದ್ಯಗಳ ಬಳಕೆ, ಶ್ರುತಿ ಮಾಡುವಿಕೆಗಳು, ಗಾಯನಗಳು, ಗೀತ ಭಾಗಗಳ ವಿಂಗಡಣೆ, ವಿಷಯ ವಸ್ತು ಮತ್ತು ನಿರ್ಮಾಣದ ಪ್ರಕಾರಗಳೂ ಸಹ ಸೇರಿರಬಹುದು.

• ವಾಣಿಜ್ಯಿಕವಲ್ಲದ

ಯಾವುದೇ ಅನುಕೂಲಕರ ಉದ್ದೇಶವಿಲ್ಲದೆಯೇ ಸಾಂಸ್ಕೃತಿಕ ಅನನ್ಯತೆಯ ಆಚರಣೆಗಳನ್ನು ಅಪರೂಪಕ್ಕೆ ನಡೆಸಲಾಗುತ್ತದೆ. ಆರ್ಥಿಕ ಪ್ರತಿಫಲವು ಇಲ್ಲದಿರುವುದು ಈ ಹಿಂದೆ ಆಯೋಜಕರಿಗೆ ಬಹು ಸಾಮಾನ್ಯವಾಗಿತ್ತು.

ಸಾಂಪ್ರದಾಯಿಕ ಸಂಗೀತಗಳ ವಿಷಯಗಳು

ಅಮೇರಿಕದ ಸಾಂಪ್ರದಾಯಿಕ ಸಂಗೀತಗಾರರು

ಸಾಂಪ್ರದಾಯಿಕ ಸಂಗೀತದ ಭಾಗವಾಗಿಯೇ ಇರುವ ವಾದ್ಯ ಸಂಗೀತದ ಹೊರತಾಗಿ, ಪ್ರಮುಖವಾಗಿ ನೃತ್ಯ ಸಂಗೀತ ಸಂಪ್ರದಾಯಗಳು ಮತ್ತು ಹೆಚ್ಚು ಸಾಂಪ್ರದಾಯಿಕ ಸಂಗೀತವು ಹಾಡುಗಾರಿಕೆಯಾಗಿತ್ತು, ಏಕೆಂದರೆ ಅಂತಹ ಸಂಗೀತವನ್ನು ಮೂಡಿಸುವ ಸಾಧನವು ಸಾಮಾನ್ಯವಾಗಿ ಸುಲಭವಾಗ ದೊರಕುತ್ತಿತ್ತು. ಇಲ್ಲಿಯವರೆಗೆ, ಹೆಚ್ಚಿನ ಸಾಂಪ್ರದಾಯಿಕ ಸಂಗೀತವು ಅರ್ಥಪೂರ್ಣ ಸಾಹಿತ್ಯಗಳನ್ನು ಹೊಂದಿದೆ.

ಹಲವು ಸಂಪ್ರದಾಯಗಳ ಸಾಂಪ್ರದಾಯಿಕ ಸಂಗೀತದಲ್ಲಿ ಕಥಾ ನಿರೂಪಣೆಯ ಪದ್ಯವು ಬಹುಪ್ರಮಾಣದಲ್ಲಿ ಕಾಣಿಸಿಕೊಳ್ಳುತ್ತದೆ. ಇದು ಅಂತಹ ರೂಪಗಳನ್ನು ಸಾಂಪ್ರದಾಯಿಕ ಮಹಾಕಾವ್ಯದಂತೆ ಒಳಗೊಂಡಿರುತ್ತದೆ ಮತ್ತು ಇವುಗಳಲ್ಲಿ ಬಹುಪಾಲು ಕೆಲವೊಮ್ಮೆ ವಾದ್ಯಗಳೊಡನೆ ಒಳಗೊಂಡು ಮೌಖಿಕ ಪ್ರದರ್ಶನಕ್ಕೆ ಸೀಮಿತವಾಗಿರುತ್ತದೆ. ವಿವಿಧ ಸಂಸ್ಕೃತಿಗಳ ಹಲವು ಮಹಾಕಾವ್ಯಗಳನ್ನು ಸಾಂಪ್ರದಾಯಿಕ ಕಥಾ ನಿರೂಪಣೆಯ ಪದ್ಯಗಳ ಚಿಕ್ಕ ಭಾಗಗಳಿಂದ ಸೇರಿಸಲಾಗಿದೆ ಮತ್ತು ಅದು ಅವುಗಳ ಪ್ರಾಸಂಗಿಕ ರಚನೆಯನ್ನು ಮತ್ತು ಆಗಾಗ್ಗೆ ಅವುಗಳ ಪೀಠಿಕೆಯಿಲ್ಲದೇ ನೇರವಾಗಿ ಕಥೆಯ ಮಧ್ಯಕ್ಕೆ ಹೋಗುವ ವಿಷಯದ ಬೆಳವಣಿಗೆಗಳನ್ನು ವಿವರಿಸುತ್ತವೆ. ಸಾಂಪ್ರದಾಯಿಕ ಕಥಾ ನಿರೂಪಣೆಯ ಪದ್ಯಗಳ ಇತರ ರೂಪಗಳು ಯುದ್ಧಗಳು ಮತ್ತು ಇತರ ದುರಂತಗಳು ಅಥವಾ ನೈಸರ್ಗಿಕ ವಿಕೋಪಗಳ ಪರಿಣಾಮಗಳನ್ನು ನಿರೂಪಿಸುತ್ತವೆ. ಕೆಲವೊಮ್ಮೆ, ಬೈಬ್ಲಿಕಲ್ ನ್ಯಾಯಾಧೀಶರುಗಳ ಪುಸ್ತಕ ದಲ್ಲಿ ಕಂಡುಬರುವ ವಿಜಯಶಾಲಿ ಸಾಂಗ್ ಆಫ್ ಡೆಬೋರಾಹ್ ದಲ್ಲಿರುವಂತೆ, ಈ ಗೀತೆಗಳು ಗೆಲುವನ್ನು ಆಚರಿಸುತ್ತವೆ. ಸೋತ ಕಾಳಗಗಳು ಮತ್ತು ಯುದ್ಧಗಳು ಹಾಗೂ ಇವುಗಳಲ್ಲಿ ಕಳೆದುಕೊಂಡ ಪ್ರಾಣಗಳಿಗಾಗಿ ಮರುಗುವಿಕೆಗಳು ಸಹ ಸಮಾನವಾಗಿ ಹಲವು ಸಂಪ್ರದಾಯಗಳಲ್ಲಿ ಪ್ರಮುಖವಾಗಿದೆ: ಈ ಮರುಗುವಿಕೆಗಳು ಯುದ್ಧಕ್ಕಾಗಿ ಹೋರಾಡಿದ ಕಾರಣವನ್ನು ಜೀವಂತವಾಗಿಡುತ್ತದೆ. ಸಾಂಪ್ರದಾಯಿಕ ಸಂಗೀತಗಳ ನಿರೂಪಣೆಗಳು ಆಗಾಗ್ಗೆ ಜಾನ್ ಹೆನ್ರಿ ಯಿಂದ ಹಿಡಿದು ರಾಬಿನ್ ಹುಡ್ನಂತಹ ಜಾನಪದ ನಾಯಕರನ್ನು ಸಹ ನೆನಪಿಸುತ್ತದೆ. ಕೆಲವು ಸಾಂಪ್ರದಾಯಿಕ ಗೀತೆಗಳ ನಿರೂಪಣೆಗಳು ನಿಗೂಢ ಸಾವುಗಳ ಅತೀಂದ್ರಿಯ ಘಟನೆಗಳನ್ನು ನೆನಪಿಗೆ ತರುತ್ತವೆ.

ಸ್ತೋತ್ರಗೀತೆಗಳು ಮತ್ತು ಇತರ ಪ್ರಕಾರದ ಧಾರ್ಮಿಕ ಸಂಗೀತಗಳು ಆಗಾಗ್ಗೆ ಸಂಪ್ರದಾಯ ಮತ್ತು ಅಜ್ಞಾತ ಮೂಲದ್ದಾಗಿರುತ್ತದೆ. ಪಾಶ್ಚಿಮಾತ್ಯ ಸಂಗೀತಮಯ ಸ್ವರಸಂಕೇತವನ್ನು ಮೂಲತಃ ಗ್ರಿಗರಿ ಗಾಯನದ ಸಾಲುಗಳನ್ನು ಕಾಪಾಡಲು ರಚಿಸಲಾಗಿತ್ತು ಮತ್ತು ಇದರ ಅನ್ವೇಷಣೆಗೂ ಮೊದಲು ಇದನ್ನು ಕ್ರೈಸ್ತ ಸನ್ಯಾಸಿಗಳ ಸಂಪ್ರದಾಯದಲ್ಲಿ ಮೌಖಿಕ ಸಂಪ್ರದಾಯವಾಗಿ ಕಲಿಸಲಾಗುತ್ತಿತ್ತು. ಗ್ರೀನ್ ಗ್ರೋ ದಿ ರಷನ್, ಓ ನಂತಹ ಸಾಂಪ್ರದಾಯಿಕ ಗೀತೆಗಳು ಅವುಗಳ ಜ್ಞಾಪಕ ಸಾಧನದ ರೂಪದಲ್ಲಿ ಧಾರ್ಮಿಕ ವಿದ್ಯೆಯಾಗಿ ಅಸ್ತಿತ್ವದಲ್ಲಿವೆ. ಪಾಶ್ಚಿಮಾತ್ಯ ಜಗತ್ತಿನಲ್ಲಿ, ಕ್ರಿಸ್ಮಸ್ ಕ್ಯಾರೋಲ್ಗಳು ಮತ್ತು ಇತರ ಸಾಂಪ್ರದಾಯಿಕ ಗೀತೆಗಳು ಗೀತೆಗಳ ರೂಪದಲ್ಲಿ ಧಾರ್ಮಿಕ ನಂಬಿಕೆಯನ್ನು ಉಳಿಸಿದೆ.

ಕಾರ್ಯ ಗೀತೆಗಳು ಆಗಾಗ್ಗೆ ಕರೆ ಮತ್ತು ಪ್ರತಿಕ್ರಿಯೆ ಸಂರಚನೆಗಳನ್ನು ಒಳಗೊಂಡಿರುತ್ತವೆ ಮತ್ತು ಇವುಗಳನ್ನು ಹಾಡುವ ಕಾರ್ಮಿಕರು ಗೀತೆಗಳ ರಾಗದ ಜೊತೆಗೆ ತಮ್ಮ ಕಾರ್ಯಗಳಲ್ಲಿ ಸುಸಂಘಟಿತವಾಗುವಂತೆ ವಿನ್ಯಾಸಗೊಳಿಸಲಾಗಿದೆ. ಅವುಗಳನ್ನು ಆಗಾಗ್ಗೆ ಆದರೆ ಬದಲಾಯಿಸಲಾಗದಂತೆ ರಚಿಸಲಾಗಿದೆ. ಅಮೇರಿಕದ ಸಶಸ್ತ್ರ ಸೈನ್ಯದಲ್ಲಿ ಸೈನಿಕರು ನಡಿಗೆ ಮಾಡುತ್ತಿರುವಾಗ ಜೋಡಿ ಕಾಲ್ಸ್("ಡಕ್ವರ್ಥ್ ಹಾಡುಗಳು") ಎಂಬ ಉಲ್ಲಾಸಕರ ಸಂಪ್ರದಾಯವನ್ನು ಹಾಡಲಾಗುತ್ತದೆ. ವೃತ್ತಿಪರ ಈಜುಗಾರರು ಸಮುದ್ರ ಷ್ಯಾಂಟಿ ಗೀತೆಗಳ ಬಹುಪಾಲು ವಿಷಯವನ್ನು ಬಳಕೆ ಮಾಡುತ್ತಾರೆ. ಹಲವು ಜಾನಪದ ಸಂಪ್ರದಾಯಗಳಲ್ಲಿ ಆಗಾಗ್ಗೆ ದುರಂತ ಅಥವಾ ವಿಷಾದದ ಸ್ವಭಾವದ ಪ್ರೇಮ ಕಾವ್ಯವು ಪ್ರಮುಖವಾಗಿ ಕಂಡು ಬರುತ್ತದೆ. ನರ್ಸರಿ ಕವಿತೆಗಳು ಮತ್ತು ಅಸಂಬದ್ಧ ಕವನಗಳು ಸಹ ಸಾಂಪ್ರದಾಯಿಕ ಗೀತೆಗಳ ರೂಢಿಯಲ್ಲಿರುವ ವಿಷಯವಸ್ತುಗಳಾಗಿವೆ.

ಸಾಂಪ್ರದಾಯಿಕ ಸಂಗೀತದಲ್ಲಿ ಬದಲಾವಣೆ

ಇದನ್ನೂ ನೋಡಿ: List of folk music traditions

ಕೊರಿಯಾದ ಸಾಂಪ್ರದಾಯಿಕ ಸಂಗೀತಗಾರರು

ಚೀನಾದ ಸಾಂಪ್ರದಾಯಿಕ ಸಂಗೀತಗಾರರು

ಸಮುದಾಯದ ಮುಖಾಂತರ ಬಾಯಿಮಾತಿನ ಮುಖಾಂತರ ಪ್ರಸಾರಗೊಂಡ ಸಂಗೀತವು ಸಮಯಾಂತರದಲ್ಲಿ ಹಲವು ಬದಲಾವಣೆಯನ್ನು ಬೆಳೆಸಿಕೊಳ್ಳುತ್ತದೆ, ಏಕೆಂದರೆ, ಈ ಪ್ರಕಾರದ ಪ್ರಸಾರವು ಅಕ್ಷರಶಃ ನಿಖರತೆಯನ್ನು ನೀಡಲಾರದು. ನಿಜವಾಗಿಯೂ, ಹಲವು ಸಾಂಪ್ರದಾಯಿಕ ಹಾಡುಗಾರರು ಸೃಜನಶೀಲರಾಗಿದ್ದಾರೆ ಮತ್ತು ಉದ್ದೇಶಪೂರ್ವಕವಾಗಿ ಅವರು ಕಲಿತುಕೊಳ್ಳುವ ವಿಷಯವಸ್ತುವನ್ನು ಮಾರ್ಪಡಿಸುತ್ತಾರೆ.

ಉದಾಹರಣೆಗಾಗಿ, "ಐ ಆಮ್ ಮ್ಯಾನ್ ಯು ಡೋಂಟ್ ಮೀಟ್ ಎವರಿ ಡೇ" (ರೌಡ್ ೯೭೫) ನ ಪದಗಳು ಬೋಡ್ಲಿಯನ್ ಗ್ರಂಥಾಲಯದಲ್ಲಿನ ಮುದ್ರಿತ ಹಾಳೆಯಿಂದ ಎಂದು ತಿಳಿಯಲಾಗಿದೆ. ಇದರ ದಿನಾಂಕವು ನಿಜವಾಗಿಯೂ ೧೯೦೦ ಕ್ಕಿಂತ ಹಿಂದಿನದು ಮತ್ತು ಅದು ಐರಿಷ್ ಎಂದು ಕಂಡುಬರುತ್ತದೆ. ೧೯೫೮ ರಲ್ಲಿ ಗೀತೆಯನ್ನು ಕೆನಡಾದಲ್ಲಿ ಧ್ವನಿಮುದ್ರಿಸಿಕೊಳ್ಳಲಾಯಿತು (ಮೈ ನೇಮ್ ಈಸ್ ಪ್ಯಾಟ್ ಎಂಡ್ ಐ ಆಮ್ ಪ್ರೌಡ್ ಆಫ್ ದಾಟ್). ೧೯೬೧ ರಲ್ಲಿ ಜೀನ್ನಿ ರಾಬರ್ಟ್‌ಸನ್ ಅವರು ಮುಂದಿನ ಧ್ವನಿಮುದ್ರಿತ ಆವೃತ್ತಿಯನ್ನು ಮಾಡಿದರು. ಅವರು ಅದನ್ನು ತಮ್ಮ ಓರ್ವ ಸಂಬಂಧಿಯಾದ "ಜಾಕ್ ಸ್ಟೀವರ್ಟ್" ಅವರಿಗೆ ಉಲ್ಲೇಖಿಸಲಾಗುವಂತೆ ಬದಲಾಯಿಸಿದರು ಮತ್ತು ಅಲ್ಲಿ ಯಾವುದೇ ಐರಿಷ್ ಉಲ್ಲೇಖಗಳಿರಲಿಲ್ಲ. ೧೯೭೬ ರಲ್ಲಿ ಆರ್ಕೀ ಫಿಷರ್ ಅವರು ನಾಯಿಯೊಂದಕ್ಕೆ ಗುಂಡುಹೊಡೆಯುವ ಉಲ್ಲೇಖವನ್ನು ತೆಗೆದುಹಾಕಲು ಉದ್ದೇಶಪೂರ್ವಕವಾಗಿ ಗೀತೆಯನ್ನು ಮಾರ್ಪಡಿಸಿದರು. ೧೯೮೫ ರಲ್ಲಿ ಎಲ್ಲಾ ಐರಿಷ್ ಉಲ್ಲೇಖಗಳನ್ನು ಪೂರ್ವಸ್ಥಿತಿಗೆ ತರುವ ಮೂಲಕ ದಿ ಪೋಗಸ್ ಅದರ ಪೂರ್ಣ ವ್ಯಾಪ್ತಿಯನ್ನು ಪಡೆದರು.

ಬದಲಾವಣೆಗಳು ಸ್ವಾಭಾವಿಕವಾಗಿ ಬೇಗನೆ ಹರಡುವ ಕಾರಣದಿಂದ, "ಬಾರ್ಬರಾ ಅಲ್ಲೆನ್"ನಂತಹ ಹಾಡುಕಥೆಯ ಏಕೈಕ "ಅಸಲಿ" ಆವೃತ್ತಿಯಂತಹ ಅಂತಹ ವಿಷಯವಿದೆ ಎಂದು ನಂಬುವುದು ಸ್ವಾಭಾವಿಕವಾಗಿದೆ. ಸಾಂಪ್ರದಾಯಿಕ ಗೀತೆಯ ಕ್ಷೇತ್ರ ಸಂಶೋಧಕರು (ಕೆಳಗೆ ನೋಡಿ) ಇಂಗ್ಲೀಷ್-ಮಾತನಾಡುವ ಪ್ರದೇಶದಾದ್ಯಂತ ಲೆಕ್ಕವಿಲ್ಲದಷ್ಟು ಇಂತಹ ಹಾಡುಕಥೆಯ ಆವೃತ್ತಿಗಳನ್ನು ಪಡೆದಿದ್ದಾರೆ ಮತ್ತು ಈ ಆವೃತ್ತಿಗಳು ಆಗಾಗ್ಗೆ ಪರಸ್ಪರ ಬಹಳವಾಗಿ ವಿಭಿನ್ನವಾಗಿ ತೋರುತ್ತವೆ. ಇವುಗಳಲ್ಲಿ ಯಾವವೂ ಸಹ ಖಾತ್ರಿಯಾಗಿ ಮೂಲವಾಗಿರಲಿಲ್ಲ ಮತ್ತು ಯಾವುದೇ "ಮೂಲ"ವಿದ್ದರೂ ಸಹ ಅದನ್ನು ಶತಮಾನಗಳ ಹಿಂದೆಯೇ ಹಾಡಿರುವ ಸಾಧ್ಯತೆಯಿದೆ. ಯಾವುದೇ ಆವೃತ್ತಿಯು ಯಾವುದೇ ಹೊರಭಾಗದವರ ಪರಿಷ್ಕರಣೆಯ ಕಾರ್ಯವಾಗದ ಹೊರತು ಅದು ನಿಜವಾಗಿಯೂ ಸಾಂಪ್ರದಾಯಿಕ ಹಾಡುಗಾರಿಕೆಯ ಸಮುದಾಯದಿಂದ ಆಗಿರುವವರೆಗೆ ಅದು ಪ್ರಮಾಣಿತವಾಗುವ ಹಕ್ಕು ಸಾಧಿಸುವ ಅವಕಾಶ ಹೊಂದಿರುತ್ತದೆ.

ಸೆಸಿಲ್ ಶಾರ್ಪ್ ಅವರು ಜಾನಪದ ಪರಿವರ್ತನೆಯ ಪ್ರಕ್ರಿಯೆಯ ಕುರಿತು ಪ್ರಭಾವಶಾಲಿ ಯೋಚನೆಯೊಂದನ್ನು ಹೊಂದಿದ್ದರು: ಸಾಂಪ್ರದಾಯಿಕ ಗೀತೆಯ ಪೈಪೋಟಿಯ ಪರಿವರ್ತನೆಗಳು ಜೈವಿಕ ಸ್ವಾಭಾವಿಕ ಆಯ್ಕೆಗೆ ಸಮಾನವಾದ ಪ್ರಕ್ರಿಯೆಗೆ ಒಳಪಡುತ್ತವೆ ಎಂದು ಅವರು ಭಾವಿಸಿದರು: ಸಾಮಾನ್ಯ ಗಾಯಕರಿಗೆ ಹೆಚ್ಚು ಆಕರ್ಷಕವಾದ ಹೊಸ ರಾಗಭೇದಗಳನ್ನು ಮಾತ್ರ ಇತರರು ಆಯ್ಕೆ ಮಾಡಿಕೊಳ್ಳುತ್ತಾರೆ ಮತ್ತು ಸಮಯಾಂತರದಲ್ಲಿ ಪ್ರಸಾರ ಮಾಡುತ್ತಾರೆ. ಈ ಮೂಲಕ, ಸಮಯ ಕಳೆದಂತೆ ಪ್ರತಿ ಸಾಂಪ್ರದಾಯಿಕ ಗೀತೆಯು ಕಲಾತ್ಮಕವಾಗಿ ಹೆಚ್ಚು ಆಕರ್ಷಣೀಯವಾಗುವುದನ್ನು ನಾವು ನಿರೀಕ್ಷಿಸಬಹುದು - ಅದನ್ನು ಅದು ಹಿಂದೆ ಇದ್ದಂತೆ ಸಮುದಾಯದಿಂದ ಒಟ್ಟಾರೆಯಾಗಿ ಪರಿಪೂರ್ಣತೆಯಾಗಿ ರಚಿಸಬಹುದು.

ಮತ್ತೊಂದು ವಿಧದಲ್ಲಿ, ಸಾಂಪ್ರದಾಯಿಕ ಗೀತೆಗಳ ಪ್ರಸಾರವು ಅವ್ಯವಸ್ಥಿತವಾಗಿರಬಹುದು ಎಂಬುದನ್ನು ಬೆಂಬಲಿಸುವ ರುಜುವಾತುಗಳೂ ಸಹ ಇವೆ. ಸಾಂದರ್ಭಿಕವಾಗಿ, ಸಂಗ್ರಹಿತ ಸಾಂಪ್ರದಾಯಿಕ ಗೀತೆಯ ಆವೃತ್ತಿಗಳು ಅದರ ಸಂದರ್ಭೋಜಿತವಾಗಿ ಸ್ವಲ್ಪ ಮಟ್ಟಿನ ಅರ್ಥವನ್ನು ನೀಡುವ ವಿವಿಧ ಗೀತೆಗಳಿಂದ ಅಳವಡಿಸಿಕೊಂಡ ವಿಷಯ ವಸ್ತುಗಳು ಅಥವಾ ಪದ್ಯಗಳನ್ನು ಒಳಗೊಂಡಿರುತ್ತವೆ. ಸಾರಾಹ್ ಕ್ಲೀವ್‌ಲ್ಯಾಂಡ್ (ಬಿ ೧೯೦೫) ಅವರು ಗೌರವಶಾಲಿ ಸಾಂಪ್ರದಾಯಿಕ ಐರಿಷ್-ಯುಎಸ್ಎ ಹಾಡುಗಾರರಾಗಿದ್ದರು. "ಲೆಟ್ ನೋ ಮ್ಯಾನ್ ಸ್ಟೀಲ್ ಯುವರ್ ಥೈಮ್" ನ ಅವರ ಆವೃತ್ತಿಯು "ಸೀಡ್ಸ್ ಆಫ್ ಲವ್" ಎನ್ನುವ ಮತ್ತೊಂದು ಗೀತೆಯ ಮಿಶ್ರಣವನ್ನು ಒಳಗೊಂಡಿದೆ. (ಸಾರಾಹ್ ಅವರ ಆವೃತ್ತಿ). ಎರಡೂ ಹಾಡುಗಳಲ್ಲಿ ಅಲಂಕಾರಿಕ ಪದಪ್ರಯೋಗಗಳು ಸಂಭವಿಸುತ್ತವೆ, ಆದರೆ ವಿಷಯವು ವಿಭಿನ್ನವಾಗಿದೆ. ಸಮಾನವಾಗಿ, ಹಲವು ಸಾಂಪ್ರದಾಯಿಕ ಗೀತೆಗಳು ಅವಶೇಷ ಭಾಗವೆಂದು ಮಾತ್ರ ತಿಳಿಯಲ್ಪಟ್ಟಿದೆ. ಅತೀ ವಿಪರೀತ ಸಂದರ್ಭದಲ್ಲಿ ಕೇವಲ ಒಂದು ಅಥವಾ ಎರಡು ಸಾಲುಗಳನ್ನು ಧ್ವನಿಮುದ್ರಿಸಿಕೊಳ್ಳಲಾಗಿರಬಹುದು.

ಪ್ರಾದೇಶಿಕ ಬದಲಾವಣೆ

ಜನಪ್ರಿಯ ಸಂಗೀತವು ಪ್ರವರ್ಧಮಾನಕ್ಕೆ ಬರುತ್ತಿರುವ ಹಿನ್ನೆಲೆಯಲ್ಲಿ ಸಾಂಪ್ರದಾಯಿಕ ಸಂಗೀತಗಳು ಕಳೆದುಹೋಗುತ್ತಿರುವುದು ವಿಶ್ವದಾದ್ಯಂತದ ವಿದ್ಯಮಾನವಾದರೂ, ಇದು ವಿಶ್ವದಾದ್ಯಂತ ಏಕಪ್ರಕಾರವಾಗಿ ಸಂಭವಿಸುತ್ತಿಲ್ಲ. ಹಲವು ಬುಡಕಟ್ಟು ಸಂಸ್ಕೃತಿಗಳು ಸಾಂಪ್ರದಾಯಿಕ ಸಂಗೀತ ಮತ್ತು ಜಾನಪದ ಸಂಸ್ಕೃತಿಗಳನ್ನು ಕಳೆದುಕೊಳ್ಳುತ್ತಿದ್ದರೂ, "ಸಂಸ್ಕೃತಿಯ ಕೈಗಾರಕೀಕರಣ ಮತ್ತು ವಾಣಿಜ್ಯೀಕರಣವು ಹೆಚ್ಚು ಮುಂದುವರಿದಿರುವಲ್ಲಿ" ಈ ಪ್ರಕ್ರಿಯೆಯು ಹೆಚ್ಚು ಮುಂದುವರಿದಿದೆ. ಆದರೂ, ಸಾಂಪ್ರದಾಯಿಕ ಸಂಗೀತವು ಸಾಂಸ್ಕೃತಿಕ ಮತ್ತು ರಾಷ್ಟ್ರೀಯ ಅನನ್ಯತೆಯ ಸಂಕೇತವಾಗಿರುವ ರಾಷ್ಟ್ರಗಳು ಮತ್ತು ಪ್ರದೇಶಗಳಲ್ಲಿ ಸಾಂಪ್ರದಾಯಿಕ ಸಂಗೀತದ ನಷ್ಟವು ನಿಧಾನವಾಗಬಹುದು; ಕೆಲವು ಹಂತಗಳವರೆಗೆ ಸಾಂಪ್ರದಾಯಿಕ ಸಂಗೀತವನ್ನು ಉಳಿಸಿಕೊಂಡಿರುವ ಬಾಂಗ್ಲಾದೇಶ, ಹಂಗರಿ, ಭಾರತ, ಐರ್ಲೆಂಡ್, ಲಾಟ್ವಿಯಾ, ಟರ್ಕಿ, ಪೋರ್ಚುಗಲ್, ಬ್ರಿಟ್ಟನಿ, ಮತ್ತು ಗ್ಯಾಲಿಶಿಯಾ, ಗ್ರೀಸ್ ಮತ್ತು ಕ್ರೀಟ್ನಂತಹ ಪ್ರದೇಶಗಳಲ್ಲಿ ಈ ಮೇಲಿನ ಮಾತು ನಿಜವಾಗಿದೆ ಮತ್ತು ಕೆಲವು ಇಂತಹ ಪ್ರದೇಶಗಳಲ್ಲಿ ಸಾಂಪ್ರದಾಯಿಕ ಸಂಗೀತದ ಅವನತಿ ಮತ್ತು ಸಂಪ್ರದಾಯಗಳ ಹಾನಿಯು ತಿರುಗುಮುರುಗಾಗಿದೆ. ಇದು ಪ್ರವಾಸಿ ಏಜೆನ್ಸಿಗಳು ಕೆಲವು ಪ್ರದೇಶಗಳನ್ನು "ಸೆಲ್ಟಿಕ್" ಎಂಬ ಪದದಿಂದ ಕರೆಯುವಲ್ಲಿ ಹೆಚ್ಚು ಸ್ಪಷ್ಟವಾಗಿ ಗೋಚರಿಸುತ್ತದೆ. ಐರ್ಲೆಂಡ್, ಸ್ಕಾಟ್ಲೆಂಡ್, ಕಾರ್ನ್ವಾಲ್, ಬ್ರಿಟ್ಟನಿ ಮತ್ತು ನೋವಾ ಸ್ಕೋಟಿಯಾದ ಮಾರ್ಗದರ್ಶಿ ಪುಸ್ತಕಗಳು ಮತ್ತು ಪೋಸ್ಟರ್‌ಗಳು ಲೈವ್ ಸಂಗೀತ ಪ್ರದರ್ಶನಗಳನ್ನು ಉಲ್ಲೇಖಿಸುತ್ತವೆ. ಪ್ರವಾಸೀ ಋತುಗಳ ಸಂದರ್ಭದಲ್ಲಿ ಸ್ಥಳೀಯ ಸರ್ಕಾರವು ಪ್ರದರ್ಶನಗಳನ್ನು ಆಗಾಗ್ಗೆ ಪ್ರಾಯೋಜಿಸುವ ಮತ್ತು ಉತ್ತೇಜಿಸುವ ಮೂಲಕ ಕಳೆದುಹೋದ ಸಂಪ್ರದಾಯಗಳಿಗೆ ಮರುಜೀವ ನೀಡುತ್ತದೆ.

ಸಾಂಪ್ರದಾಯಿಕ ಸಂಗೀತದಲ್ಲಿ ಕ್ಷೇತ್ರಕಾರ್ಯ ಮತ್ತು ವಿದ್ಯಾರ್ಥಿವೇತನ

೧೯ ನೇ ಶತಮಾನ ಯುರೋಪ್

೧೯ ನೇ ಶತಮಾನದಿಂದ ಪ್ರಾರಂಭಗೊಂಡು, ಆಸಕ್ತಿಯುತ ಜನರು- ಅಧ್ಯಾಪಕರು ಮತ್ತು ಹವ್ಯಾಸಿ ವಿದ್ವಾಂಸರು ಏನು ಕಳೆದುಹೋಗಿದೆ ಎಂಬ ಬಗ್ಗೆ ಗಮನಹರಿಸಲು ಪ್ರಾರಂಭಿಸಿದರು ಮತ್ತು ಜನರ ಸಂಗೀತವನ್ನು ರಕ್ಷಿಸುವ ಗುರಿಯೊಂದಿಗೆ ಹಲವಾರು ಪ್ರಯತ್ನಗಳನ್ನು ಕೈಗೊಂಡರು. ಅಂತಹ ಒಂದು ಪ್ರಯತ್ನದಲ್ಲಿ ೧೯ ನೇ ಶತಮಾನದ ಕೊನೆಯಲ್ಲಿ ಫ್ರಾನ್ಸಿಸ್ ಜೇಮ್ಸ್ ಚೈಲ್ಡ್ ಅವರು ಇಂಗ್ಲೀಷ್ ಮತ್ತು ಸ್ಕಾಟ್ಸ್ ಸಂಪ್ರದಾಯಗಳಲ್ಲಿ ಸಂಗ್ರಹಿಸಿದ ಮೂನ್ನೂರಕ್ಕೂ ಹೆಚ್ಚು ಹಾಡುಕಥೆಗಳ ಸಂಗ್ರಹವಾಗಿದೆ (ಮಕ್ಕಳ ಹಾಡುಕಥೆಗಳು ಎಂದು ಕರೆಯಲಾಗುತ್ತದೆ). ೧೯೬೦ ನೇ ದಶಕದಾದ್ಯಂತ ಮತ್ತು ೧೯೭೦ ರ ದಶಕದ ಮಧ್ಯಭಾಗದಲ್ಲಿ, ಅಮೇರಿಕದ ವಿದ್ವಾಂಸರಾದ ಬೆರ್ಟ್ರಾಂಡ್ ಹ್ಯಾರಿಸ್ ಬ್ರಾನ್ಸನ್ ಅವರು ಚೈಲ್ಡ್ ಕ್ಯಾನನ್ ಎಂದು ತಿಳಿದುಬಂದಿದಕ್ಕೆ ಸಂಬಂಧಿಸಿದ ವಿಷಯಗಳು ಮತ್ತು ರಾಗಗಳೆರಡರ ಆಗಿನ ಹೆಸರಾಂತ ರಾಗಭೇದಗಳ ನಾಲ್ಕು-ಸಂಪುಟದ ಸಮಗ್ರ ಸಂಗ್ರಹಣವನ್ನು ಪ್ರಕಟಿಸಿದರು. ಅವರು ಮೌಖಿಕ-ಶ್ರುತ ಸಂಪ್ರದಾಯದ ಕಾರ್ಯಗಳಿಗೆ ಸಂಬಂಧಿಸಿದ ಕೆಲವು ಪ್ರಮುಖ ತತ್ವಗಳನ್ನು ಸಹ ಮಂಡಿಸಿದರು.

ಸಮಕಾಲೀನವಾಗಿ ಬಂದಿದ್ದು ರೆವೆರೆಂಡ್ ಸಬೈನ್ ಬೇರಿಂಗ್-ಗೌಲ್ಡ್, ಮತ್ತು ನಂತರ ಹೆಚ್ಚು ಪ್ರಮುಖವಾಗಿ ಸೆಸಿಲ್ ಶಾರ್ಪ್ ಅವರುಗಳು, ಇವರು ಇಂಗ್ಲೀಷ್ ಫೋಕ್ ಡ್ಯಾನ್ಸ್ ಎಂಡ್ ಸಾಂಗ್ ಸೊಸೈಟಿ (EFDSS) ಎಂಬ ಆಶ್ರಯದಲ್ಲಿ ಇಂಗ್ಲೀಷ್ ಗ್ರಾಮೀಣ ಸಾಂಪ್ರದಾಯಿಕ ಗೀತೆ, ಸಂಗೀತ ಮತ್ತು ನೃತ್ಯವನ್ನು ರಕ್ಷಿಸಲು ೨೦ನೇ ಶತಮಾನದ ಪ್ರಾರಂಭದಲ್ಲಿ ಕಾರ್ಯನಿರ್ವಹಿಸಿದರು. ಶಾರ್ಪ್ ಅವರು ಮೌಡ್ ಕಾರ್ಪೆಲೆಸ್ ಮತ್ತು ಓಲಿವ್ ಡೇಮ್ ಕ್ಯಾಂಪಬೆಲ್ ಅವರ ಸಹಯೋಗದೊಂದಿಗೆ ೧೯೧೬-೧೯೧೮ ರ ಅವಧಿಯಲ್ಲಿ ಅಪ್ಪಲಚಿಯಾನ್ ಪರ್ವತಗಳ ಸಾಂಪ್ರದಾಯಿಕ ಗೀತೆಗಳನ್ನು ಧ್ವನಿಮುದ್ರಣ ಮಾಡಿಕೊಳ್ಳುತ್ತ ಅಮೇರಿಕದಲ್ಲೂ ಸಹ ಕಾರ್ಯನಿರ್ವಹಿಸಿದರು. ಕ್ಯಾಂಪ್‌ಬೆಲ್ ಮತ್ತು ಶಾರ್ಪ್ ಅವರುಗಳು ಆಧುನಿಕ ಚಲನಚಿತ್ರವಾದ "ಸಾಂಗ್‌ಕ್ಯಾಚರ್"ದಲ್ಲಿ ಇತರ ನಟರುಗಳ ಹೆಸರಿನಡಿಯಲ್ಲಿ ಪ್ರತಿನಿಧಿಸಲ್ಪಟ್ಟರು.

ಅಂತಹುದೇ ಚಟುವಟಿಕೆಯು ಇತರ ರಾಷ್ಟ್ರಗಳಲ್ಲೂ ಸಹ ಪ್ರಗತಿಯಲ್ಲಿದೆ. ಹೆಚ್ಚು ವಿಸ್ತ್ರತವಾದ ಚಟುವಟಿಕೆಯೊಂದರಲ್ಲಿ ಕ್ರಿಸ್‌ಜಾನಿಸ್ ಬಾರೋನ್ಸ್ ಅವರು ರಿಗಾದಲ್ಲಿ ಮಾಡಿದ ಕಾರ್ಯವಾಗಿದ್ದು, ಇವರು ೧೮೯೪ ರಿಂದ ೧೯೧೫ ರೊಳಗೆ ೨೧೭ ೯೯೬ ಲ್ಯಾಟ್ವಿಯನ್ ಜಾನಪದ ಗೀತೆಗಳಾದ ಲ್ಯಾಟ್ವಜು ಡೈನಾಸ್ ನ ವಿಷಯಗಳನ್ನು ಒಳಗೊಂಡು ಆರು ಸಂಪುಟಗಳನ್ನು ಪ್ರಕಟಿಸಿದರು.

ಇದೇ ಸಮಯದಲ್ಲಿ, ಶಾಸ್ತ್ರೀಯ ಸಂಗೀತದ ರಚನೆಕಾರರು ಸಾಂಪ್ರದಾಯಿಕ ಗೀತೆಗಳ ಸಂಗ್ರಹದಲ್ಲಿ ಭಾರಿ ಆಸಕ್ತಿಯನ್ನು ತೋರಿದರು ಮತ್ತು ಹತ್ತು ಹಲವಾರು ಪ್ರಮುಖ ರಚನೆಕಾರರು ಸಾಂಪ್ರದಾಯಿಕ ಗೀತೆಗಳ ಬಗ್ಗೆ ಕ್ಷೇತ್ರ ಕಾರ್ಯವನ್ನು ಕೈಗೊಂಡರು. ಇವರಲ್ಲಿ ಇಂಗ್ಲೆಂಡಿನಲ್ಲಿ ಪರ್ಸಿ ಗ್ರೇನ್‌ಗರ್ ಮತ್ತು ರಾಲ್ಫ್ ವಾಗನ್ ವಿಲಿಯಮ್ಸ್ ಮತ್ತು ಹಂಗರಿಯ ಬೇಲಾ ಬಾರ್ಟೋಕ್ ಸೇರಿದ್ದರು. ಈ ರಚನೆಕಾರರು, ತಮ್ಮ ಇತರ ಹಲವು ಪೂರ್ವಿಕರಂತೆ ತಮ್ಮ ಶಾಸ್ತ್ರೀಯ ರಚನೆಗಳಲ್ಲಿ ಸಾಂಪ್ರದಾಯಿಕ ವಿಷಯವಸ್ತುವನ್ನು ಅಳವಡಿಸಿಕೊಂಡರು. ಆಂಡ್ರೆಜ್ಸ್ ಜುರಾನ್ಸ್, ಜೇನಿಸ್ ಸಿಮ್ಜೆ, ಮತ್ತು ಎಮಿಲಿಸ್ ಮೆಲ್ನ್‌ಗೈಲಿಸ್ ಅವರ ಶಾಸ್ತ್ರೀಯ ಗಾಯನ ಮೇಳದಲ್ಲಿ ಲಾಟ್ವಿಜು ಡೇನಾಸ್ ಅನ್ನು ವ್ಯಾಪಕವಾಗಿ ಬಳಸಲಾಯಿತು.

ಉತ್ತರ ಅಮೇರಿಕಾ

ಉತ್ತರ ಅಮೇರಿಕದಲ್ಲಿ, ೧೯೩೦ ಮತ್ತು ೧೯೪೦ ರ ದಶಕದಲ್ಲಿ, ಉತ್ತರ ಅಮೇರಿಕದ ಸಾಧ್ಯವಾದಷ್ಟೂ ಕ್ಷೇತ್ರ ವಿಷಯವನ್ನು ಸಂಗ್ರಹಿಸಲು ಸಾಂಪ್ರದಾಯಿಕ ಸಂಗೀತ ಸಂಗ್ರಹಕಾರರಾದ ರಾಬರ್ಟ್ ವಿನ್‌ಸ್ಲೋ, ಅಲಾನ್ ಲೋಮಾಕ್ಸ್ ಮತ್ತು ಇತರರ ಮೂಲಕ ಲಿಬರ್ಟಿ ಆಫ್ ಕಾಂಗ್ರೆಸ್ ಕಾರ್ಯ ನಿರ್ವಹಿಸಿತು.

ಸಾಂಪ್ರದಾಯಿಕ ಗೀತೆಯನ್ನು ಅಧ್ಯಯನ ಮಾಡಿದ ಜನರು ಕೆಲವೊಮ್ಮೆ ತಮ್ಮ ಕಾರ್ಯಗಳು ಜನರಲ್ಲಿ ಸಾಂಪ್ರದಾಯಿಕ ಸಂಗೀತವನ್ನು ಪುನಃ ಸ್ಥಾಪಿಸುತ್ತವೆ ಎಂದು ಆಶಿಸಿದರು. ಉದಾಹರಣೆಗಾಗಿ, ಶಾಲಾ ಮಕ್ಕಳಿಗೆ ಇಂಗ್ಲೀಷ್ ಸಾಂಪ್ರದಾಯಿಕ ಗೀತೆಗಳನ್ನು (ತಮ್ಮದೇ ಆದ ಭಾರಿ ಪ್ರಮಾಣದಲ್ಲಿ ಸಂಪಾದಿಸಿದ ಮತ್ತು ಆಕ್ಷೇಪಣೀಯ ವಿಷಯವನ್ನು ತೆಗೆದುಹಾಕಿ ಶುದ್ಧೀಕರಿಸಿದ) ಸ್ವಲ್ಪ ಪ್ರಮಾಣದ ಯಶಸ್ಸಿನೊಂದಿಗೆ ಸೆಸಿಲ್ ಶಾರ್ಪ್ ಅವರು ಪ್ರಚಾರ ಮಾಡಿದರು.

ಪಾಂಡಿತ್ಯಪೂರ್ಣ ಸಾಂಪ್ರದಾಯಿಕ ಗೀತೆಯ ಸಂಗ್ರಹದ ಅತ್ಯುತ್ತಮ ಕಾಲಾವಧಿಯ ಮೂಲಕ ಸುಳಿಯುವ ಒಂದು ವಿಷಯವಸ್ತುವೆಂದರೆ, ತಮ್ಮಷ್ಟಕ್ಕೇ ವಿದ್ವಾಂಸರು ಮತ್ತು ಸಮರ್ಥಕರಾಗಲು ಅಧ್ಯಯನದ ಪ್ರಮುಖ ವಸ್ತುವಾಗಬೇಕಾದ "ಜನಸಾಮಾನ್ಯರ" ಕೆಲವರ ಪ್ರವೃತ್ತಿ ಆಗಿದೆ. ಉದಾಹರಣೆಗಾಗಿ, ಜೀನ್ ರಿಟ್ಚೀ ಅವರು ಹಲವು ಹಳೆಯ ಅಪ್ಪಾಲಾಚಿಯಾನ್ ಸಾಂಪ್ರದಾಯಿಕ ಗೀತೆಗಳನ್ನು ರಕ್ಷಿಸಿದ ವೈಪರ್, ಕೆಂಟುಕಿಯ ದೊಡ್ಡ ಕುಟುಂಬದ ಅತೀ ಕಿರಿಯ ಮಗುವಾಗಿದ್ದರು. ಹೊರ ಜಗತ್ತಿನ ಪ್ರಭಾವಕ್ಕೆ ಅಪ್ಪಾಲಾಚಿಯಾನ್‌ಗಳು ತೆರೆಯಲ್ಪಟ್ಟ ಸಮಯದಲ್ಲಿ ಜೀವಿಸಿದ್ದ ರಿಟ್ಚೀ ಅವರು ವಿಶ್ವವಿದ್ಯಾನಿಲಯ ಶಿಕ್ಷಣವನ್ನು ಪಡೆದವರಾಗಿದ್ದರು ಮತ್ತು ಅಂತಿಮವಾಗಿ ನ್ಯೂಯಾರ್ಕ್ ನಗರಕ್ಕೆ ತೆರಳಿದರು ಮತ್ತು ಅಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ಕುಟುಂಬ ಕೃತಿಗಳ ಶಾಸ್ತ್ರೀಯ ಧ್ವನಿಮುದ್ರಣಗಳನ್ನು ಮಾಡಿದರು ಮತ್ತು ಈ ಗೀತೆಗಳ ಪ್ರಮುಖ ಸಂಕಲನವನ್ನು ಪ್ರಕಟಿಸಿದರು. (ಹೆಡಿ ವೆಸ್ಟ್ ಅನ್ನೂ ನೋಡಿ)

ಇಪ್ಪತ್ತನೆಯ ಶತಮಾನದ ಬಹುಕಾಲದಾದ್ಯಂತ ಉತ್ತರ ಅಮೇರಿಕದ ಜನಪದ ಮತ್ತು ಸಾಂಪ್ರದಾಯಿಕ ಗೀತೆಯ ಪಾಂಡಿತ್ಯದಲ್ಲಿನ ಸಮಸ್ಯೆಯೆಂದರೆ, ಮೌಖಿಕವಾಗಿ ಪ್ರಸಾರ ಮಾಡಲಾದ ವಿಷಯವು ಮೂಲಭಾವಗಳ ಸರಣಿಯಲ್ಲಿ ಮುಂದುವರಿಯಿತೋ (ಸರಳೀಕರಣಕಾರ ಅಭಿಪ್ರಾಯ) ಅಥವಾ ಗೀತೆ, ಕವನ, ಉಕ್ತಿ ಅಥವಾ ಕಥೆಯಂತಹ ಸಂಪೂರ್ಣ ಘಟಕಗಳ ರೂಪದಲ್ಲಿ ಮುಂದುವರಿಯಿತೋ (ಸಮಗ್ರತಾ ಸಿದ್ಧಾಂತದ ಅಭಿಪ್ರಾಯ) ಎನ್ನುವುದಾಗಿತ್ತು, ಇದರಲ್ಲಿ ಮೊದಲೆಯ ಅಭಿಪ್ರಾಯವು ನಂತರದನ್ನು ಹಿಂದಕ್ಕೆ ಹಾಕುತ್ತಿತ್ತು ಮತ್ತು ಎರಡೂ ಸಹ ಅವುಗಳ ವ್ಯುತ್ಪತ್ತಿಯ ಸಮಯದಲ್ಲಿ ಹೆಚ್ಚು ಬಳಕೆಯಲ್ಲಿರುವ ಕಲಿಕೆಯ ಮನೋವೈಜ್ಞಾನಿಕ ಸಿದ್ಧಾಂತಗಳನ್ನು ಪ್ರತಿಬಿಂಬಿಸುತ್ತಿತ್ತು. ಸಂಗೀತ ವಿದ್ವಾಂಸರಲ್ಲಿನ ಸರಳೀಕರಣಕಾರ ಅಭಿಪ್ರಾಯದ ಓರ್ವ ಪ್ರಮುಖ ವಕ್ತಾರರು ಜಾರ್ಜ್ ಪುಲ್ಲೆನ್ ಜಾಕ್ಸ್ ಅವರಾಗಿದ್ದರು ಮತ್ತು ಇವರು ೧೯೩೦ ಮತ್ತು ೧೯೪೦ ರ ದಶಕದಲ್ಲಿ "ಸ್ವರದ ಪೋಷಾಕುಗಳ" ಕಲ್ಪನೆ ಅಥವಾ ವಿಶಿಷ್ಟ ಸ್ವರವಿನ್ಯಾಸದ ಲಕ್ಷಣವನ್ನು ಪ್ರತಿಪಾದಿಸಿದರು ಮತ್ತು ಸಮರ್ಥಿಸಿದರು ಮತ್ತು ಇವುಗಳು ಪದೇ ಪದೇ ಬಳಕೆಯ ಕಾರಣದಿಂದ ಜನಪ್ರಿಯ ಸ್ವರಶ್ರೇಣಿಗಳಾದವು ಮತ್ತು ಹೊಸ ರಾಗಗಳನ್ನು ರೂಪಿಸಲು ಮತ್ತು ಇರುವುದನ್ನು ಮಾರ್ಪಡಿಸಲು ಸಂಕೋಲೆಯಾಯಿತು. ೧೯೫೦ ರಲ್ಲಿ, ಸಾಮ್ಯುಯೆಲ್ ಪ್ರೆಸ್ಟನ್ ಬೇಯಾರ್ಡ್ ಅವರು ನಿರೂಪಿಸುವ ಮೂಲಕ ಮತ್ತು ಇತರ ಕಲಿಕೆಯ ಮತ್ತು ಪುನರ್ಸ್ಮರಣೆಯ ಪ್ರಕ್ರಿಯೆಗಳಂತೆ ಸಂಗೀತದ ಕಲಿಕೆ ಮತ್ತು ಪುನರ್ಸ್ಮರಣೆಯ ಪ್ರಕ್ರಿಯೆಗಳು ಜಾಕ್ಸ್ ಮತ್ತು ಇತರರು ಆಲೋಚಿಸಿದಂತೆ ಕಾರ್ಯನಿರ್ವಹಿಸಲಿಲ್ಲ ಎನ್ನುವ ಸಮಗ್ರತಾ ಸಿದ್ಧಾಂತ ಅಭಿಪ್ರಾಯವನ್ನು ಉತ್ಕಟಭಾವದಿಂದ, ಸ್ಪಷ್ಟವಾಗಿ ಸಮರ್ಥಿಸಿಕೊಂಡರು. ಬೇಯಾರ್ಡ್ ಅವರು ಮಧ್ಯ-ಶತಮಾನದಲ್ಲಿ ಜನಪ್ರಿಯವಾದ ಗೆಸ್ಟಾಲ್ಟ್ ಮನೋವಿಜ್ಞಾನ ದಿಂದ ಪ್ರೇರಣೆಗೊಂಡು, ನುಡಿಗಟ್ಟುಗಳು ಮತ್ತು ರಾಗಗಳಂತಹ ದೊಡ್ಡ ಪ್ರಮಾಣದ ಸಂರಚಿತ ಘಟಕಗಳು ಬಾಹ್ಯರೇಖೆಯ ವಿಸ್ತಾರವಾದ ಶಬ್ದ ರೂಪ ರಚನಾಶಾಸ್ತ್ರದ ರೂಢಿಯನ್ನು ಅನುಸರಿಸುವ ಪ್ರವೃತ್ತಿಯನ್ನು ಹೊಂದಿರುತ್ತದೆ ಮತ್ತು ಕಿರು ನಾದದ ವಿನ್ಯಾಸವಲ್ಲದ ಆ ಸಂಪೂರ್ಣ ರಾಗವಿನ್ಯಾಸದ ವಕ್ರರೇಖೆಗಳು ಸಾಂಪ್ರದಾಯಿಕ ಸಂಗೀತಕಾರರನ ಮನಸ್ಸಿನೊಳಗಿನ ಸ್ಮರಣೆಯ ಜಾಡನ್ನು ಒಳಗೊಂಡಿರುತ್ತದೆ ಎಂದು ವಾದಿಸಿದರು. ಈ ಅಭಿಪ್ರಾಯಗಳನ್ನು ಸಿರ್ವರ್ಟ್ ಪೋಲಾಡಿಯನ್ ಮತ್ತು ಇತರರು ಹಲವು ವಿಧಗಳಲ್ಲಿ ಅಂಗೀಕರಿಸಿದರು, ಮಾರ್ಪಡಿಸಿದರು ಮತ್ತು ಮರು-ಪ್ರಸ್ತುತಪಡಿಸಿದರು.

ಸರಳೀಕರಣಕಾರ ಮತ್ತು ಸಮಗ್ರತಾ ಸಿದ್ಧಾಂತದ ಅಭಿಪ್ರಾಯಗಳ ಒಟ್ಟುಗೂಡಿಸುವಿಕೆ

೧೯೬೦ ಮತ್ತು ೭೦ ರ ದಶಕದಲ್ಲಿ, ಬರ್ಟ್ರಾಂಡ್ ಬ್ರಾನ್ಸನ್ ಮತ್ತು ಇತರರು ಪ್ರಕ್ರಿಯೆಯು ಸಂಪೂರ್ಣವಾಗಿ ಸರಳೀಕರಣಕಾರವೂ ಅಲ್ಲ ಅಥವಾ ಸಮಗ್ರತಾ ಸಿದ್ಧಾಂತವೂ ಅಲ್ಲ ಆದರೆ ಇವೆರಡರ ಹೆಚ್ಚು ಸಂಕೀರ್ಣ ಮಿಶ್ರಣವಾಗಿದೆ ಹಾಗೂ ಸಂಗೀತದ ಮಟ್ಟಗಳು ಆಕಾರದ ಶಕ್ತಿಗಳಾಗಿ ಪಾತ್ರ ವಹಿಸುತ್ತದೆ ಎಂಬ ಕಲ್ಪನೆಯೊಂದಿಗೆ ಹಗುರವಾಗಿ ಪರಿಗಣಿಸಲು ಪ್ರಾರಂಭಿಸಿದರು. ಈ ಮತ್ತು ಅಂತಹುದೇ ಯೋಚನೆಗಳನ್ನು ನಿರ್ಗಮನದ ಅಂಶವಾಗಿ ಬಳಸಿ ಜೊತೆಗೆ ಮೊದಲಿನ ಅಭಿಪ್ರಾಯಗಳನ್ನು ಪರಿಗಣಿಸಿ ಮತ್ತು ತಮ್ಮದೇ ವಿಸ್ತ್ರತ ಅವಲೋಕನಗಳನ್ನು ಸೇರ್ಪಡಿಸಿ, ೧೯೮೦ ರ ದಶಕದಲ್ಲಿ ಸಂಗೀತ ಶಾಸ್ತ್ರಜ್ಞರಾದ ಜೆ. ಮಾರ್ಷಲ್ ಅವರು ರಾಗವಿನ್ಯಾಸದ ಉತ್ಪತ್ತಿ, ಪ್ರಸಾರ ಮತ್ತು ಸಮೀಕರಣದ ಸಿದ್ಧಾಂತವೊಂದನ್ನು ಅಭಿವೃದ್ಧಿಪಡಿಸಿದರು ಮತ್ತು ಪ್ರಕಟಿಸಿದರು ಹಾಗೂ ಸಮಗ್ರತಾ ಸಿದ್ಧಾಂತದ ಸಂಗತಿಯ ಪ್ರಾಮುಖ್ಯತೆಯನ್ನು ಗುರುತಿಸಿದ್ದಲ್ಲದೇ ಸ್ಪಷ್ಟವಾದ ಸೂತ್ರೀಯ ವಿಭಾಗದ ಪ್ರಾರಂಭ ಮತ್ತು ಅಂತ್ಯ ಮಾಡುವಿಕೆಯ (ಇದನ್ನು ಅವರು ಮೂಲಭೂತ ಕೋಶಗಳನ್ನು ) ಜ್ಞಾಪಕ ಶಕ್ತಿಯ ಆಧಾರ ಮತ್ತು ಉಲ್ಲೇಖ ಅಂಶಗಳೆಂದು ಹಾಗೂ ಬೃಹತ್ ವಿಭಾಗಗಳೊಳಗೆ ಹೆಚ್ಚು ಪರಿವರ್ತನೆಯ ನುಡಿಗಟ್ಟಿನ ಪ್ರಾರಂಭ ಮತ್ತು ಅಂತ್ಯ ಮಾಡುವಿಕೆಯನ್ನು (ದ್ವಿತೀಯ ಕೋಶಗಳು ಎಂದು ಹೇಳಿದರು) ಕಾರ್ಯಚಟುವಟಿಕೆಯನ್ನು ಕಡಿಮೆ ಪ್ರಾಮುಖ್ಯತೆಯೆಂದು ಆದರೆ ಸಂಪೂರ್ಣವಾಗಿ ನಿರ್ಲಕ್ಷಿಸಲಾಗದ ಸಣ್ಣ ಘಟಕಗಳು ಅಲ್ಲ ಎಂದು ಒತ್ತಿ ಹೇಳಿದರು. ಅವರು ಹೆಚ್ಚಿನದಾಗಿ ಮೌಖಿಕ-ಶ್ರುತ ಪ್ರಕ್ರಿಯೆಯನ್ನು ಸಾಂಪ್ರದಾಯಿಕ ಗೀತೆ ಮತ್ತು ಸಾಂಪ್ರದಾಯಿಕ ವರ್ಗಗಳ ವಿಶಿಷ್ಟ ಗುಣಲಕ್ಷಣದ ರಾಗವಿನ್ಯಾಸ, ವರ್ಗೀಯ ಮತ್ತು ನುಡಿಗಟ್ಟು ಬಾಹ್ಯರೇಖೆಗಳ ಪ್ರಧಾನ ಭಾಗದೊಂದಿಗೆ ಸಂಯೋಜಿತವಾದ ವಿಶಾಲವಾಗಿ ಸ್ವರದ ಸರಣಿಯ ನಡುವೆ (ಅಂದರೆ ., ಸ್ವರ ಶ್ರೇಣಿಗಳು) ಸಂವಹನದಿಂದ ನಿರ್ವಹಿಸಲ್ಪಟ್ಟಿರುವಂತೆ ಆಲೋಚಿಸಿದರು. ಆ ಅಭಿಪ್ರಾಯಗಳು ಮತ್ತು ಅವರು ಪರೀಕ್ಷಿಸುತ್ತಿರುವ ಮುಖ್ಯವಾಗಿ ಹಾಡುಕಥೆ ಮತ್ತು ಅಮೇರಿಕದ ದಕ್ಷಿಣ ಒಳನಾಡಿನ ಸಾಂಪ್ರದಾಯಿಕ ಸ್ತೋತ್ರಗಾನ ರಾಗಗಳು (ದಕ್ಷಿಣ ಅಪ್ಪಲಾಚಿಯ, ಸ್ಮೋಕಿ ಮೌಂಟೇನ್ಸ್, ಇತರವುಗಳು. .) ಸಂಗೀತದ ಗುಣಲಕ್ಷಣಗಳಿಂದ, ಬೆವಿಲ್ ಅವರು ನಿರ್ದಿಷ್ಟವಾಗಿ ನೋಮ್ ಚೋಮ್‌ಸ್ಕೀ ಮತ್ತು ಇತರರು ನಿರೂಪಿಸಿದ ಉತ್ಪಾದಕ ವ್ಯಾಕರಣದ ಸಿದ್ಧಾಂತಗಳ ಭಾಷಾಶಾಸ್ತ್ರಜ್ಞರನ್ನು ಆಕರ್ಷಿಸುವ ತುಲನಾತ್ಮಕವಾದ ರಾಗವಿನ್ಯಾಸದ ವಿಶ್ಲೇಷಣೆಯ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದರು. ಅವರು ವಿವರಪೂರ್ಣ ವಿಶ್ಲೇಷಣಾತ್ಮಕ ಪ್ರಕ್ರಿಯೆಯಲ್ಲಿ ಒಳಗೊಂಡಿರುವ ಅಗಾಧವಾದ ದತ್ತಾಂಶವನ್ನು ವೇಗವಾಗಿ ಮತ್ತು ನಿಖರವಾಗಿ ನಿರ್ವಹಿಸಲು ಡೆಸ್ಕ್‌ಟಾಪ್ ಕಂಪ್ಯೂಟರ್ ಸಾಫ್ಟ್‌ವೇರ್‌ನ ಮುಖ್ಯಭಾಗವನ್ನು ಸಹ ರಚಿಸಿದರು ಮತ್ತು ಸ್ವರ ವಿನ್ಯಾಸಗಳ ನಡುವಿನ ಗುಣಸಾಮ್ಯದ ಸ್ವಭಾವ ಮತ್ತು ವ್ಯಾಪ್ತಿಯ ಪ್ರಾಯೋಗಿಕ ನಿರ್ಧಾರಣೆಯನ್ನು ಪಡೆಯಲು ಪ್ರೋಗ್ರಾಂ ಮಾಡಿದ ಮಾನದಂಡಗಳ ಗುಂಪನ್ನು ಅನ್ವಯಿಸಿದರು. ತಮ್ಮ ಕಂಡುಹಿಡಿಯುವಿಕೆಗಳನ್ನು ಅವರು ಪಿಹೆಚ್‌ಡಿ ಪ್ರೌಢಪ್ರಬಂಧದಲ್ಲಿ (ನಾರ್ತ್ ಟೆಕ್ಸಾಸ್ ಯೂನಿವರ್ಸಿಟಿ, ೧೯೮೪), ಸಾಂಪ್ರದಾಯಿಕ ಗೀತೆಯ ಸ್ವರಶ್ರೇಣಿಗಳ ಸಮಸ್ಯೆಗೆ ನಿರ್ದಿಷ್ಟವಾಗಿ ಮೀಸಲಾಗಿಟ್ಟ ೧೯೮೬ ರ ಲೇಖನವೊಂದರಲ್ಲಿ ಮತ್ತು ಎಪ್ಪತ್ತು ವರ್ಷಗಳ ಮೊದಲು ಸೆಸಿಲ್ ಶಾರ್ಪ್ ಅವರು ಭೇಟಿ ನೀಡಿದ ಅಮೇರಿಕದ ಅದೇ ಪ್ರದೇಶದ ನಾಗರೀಕರಿಂದ ರಾಗವಿನ್ಯಾಸದ ಪರಿವರ್ತನೆಗಳ ಸಂಗ್ರಹವನ್ನು ಒಳಗೊಂಡ ೧೯೮೭ ರ ಅಧ್ಯಯನದಲ್ಲಿ ಪ್ರಕಟಿಸಿದರು. ಅಂದಿನಿಂದ ಬೆವಿನ್ ಅವರು ಜನಪ್ರಿಯ ಕ್ಷೇತ್ರದಿಂದ ಹೆಚ್ಚು ಅಸ್ತಿತ್ವದಲ್ಲಿರುವ ಮತ್ತು ಹಿಂದಿ ಸಂಗೀತವನ್ನು ಬಳಸಿಕೊಳ್ಳಲು ಮತ್ತು ಅದನ್ನು ಹೇಗೆ ಗ್ರಹಿಸಲಾಗಿದೆ, ಗುರುತಿಸಲಾಗಿದೆ ಮತ್ತು ಸ್ಮರಿಸಿಕೊಳ್ಳಲಾಗಿದೆ ಎಂಬುದನ್ನು ಪರೀಕ್ಷಿಸಲು ತಮ್ಮ ಸಿದ್ಧಾಂತಗಳನ್ನು ವಿಸ್ತರಿಸಿದರು.

ಇವನ್ನೂ ಗಮನಿಸಿ‌

• ಜನಪದ ಸಂಗೀತ
• ಜನಪದ ಕಥೆಗಳು
• ಕಲಾ ಸಂಗೀತ ಸಂಪ್ರದಾಯದ ಪಟ್ಟಿ
• ರೌಡ್ ಜಾನಪದ ಗೀತೆ ಸೂಚಿಕೆ

ಧ್ವನಿಮುದ್ರಿಕೆ ಪಟ್ಟಿ

• ಅಂಥೋಲಜಿ ಆಫ್ ಅಮೇರಿಕನ್ ಫೋಕ್ ಮ್ಯೂಸಿಕ್ ಹ್ಯಾರಿ ಸ್ಮಿತ್ ಅವರಿಂದ
• ದಿ ವಾಯ್ಸ್ ಆಫ್ ದಿ ಪ್ಯೂಪಲ್ (ಯುಕೆ ಸಾಂಪ್ರದಾಯಿಕ ಜಾನಪದ ಸಂಗೀತ)
• Fieldrecorder.com ಅಮೇರಿಕದ ಸಾಂಪ್ರದಾಯಿಕ ಶೈಲಿಗಳು

ಉಲ್ಲೇಖಗಳು‌

ಹೆಚ್ಚಿನ ಓದಿಗಾಗಿ

• ಇಂಗ್ಲೀಷ್ ಫೋಕ್ ಸಾಂಗ್ಸ್ ಫ್ರೊಮ್ ದಿ ಸದರ್ನ್ ಅಪ್ಲಾಚಿಯನ್ಸ್ . ಸೆಸಿಲ್ ಜೆ. ಶಾರ್ಪ್ ಅವರಿಂಗ ಸಂಗ್ರಹಿಸಲ್ಪಟ್ಟಿದೆ. ಎಡ್. ಮೌಡ್ ಕಾರ್ಪೆಲೆಸ್. ೧೯೩೨. ಲಂಡನ್. ಆಕ್ಸ್‌ಫರ್ಡ್‌‌ ಯುನಿವರ್ಸಿಟಿ ಪ್ರೆಸ್
• ಕಾರ್ಪೆಲೆಸ್, ಮೌಡ್. ಆನ್ ಇಂಟ್ರೊಡಕ್ಷನ್ ಟು ಇಂಗ್ಲೀಷ್ ಫೋಕ್ ಸಾಂಗ್ . ೧೯೭೩. ಆಕ್ಸ್‌ಫರ್ಡ್ ಆಕ್ಸ್‌ಫರ್ಡ್‌‌ ಯುನಿವರ್ಸಿಟಿ ಪ್ರೆಸ್
• ಶಾರ್ಪ್, ಸೆಸಿಲ್. ಫೋಕ್ ಸಾಂಗ್: ಸಮ್ ಕನ್‌ಕ್ಲೂಶನ್ಸ್ . ೧೯೦೭. ಚಾರ್ಲ್ಸ್ ರಿವರ್ ಬುಕ್ಸ್
• ಬ್ರಾನ್ಸನ್, ಬರ್ಟ್ರಾಂಡ್ ಹ್ಯಾರಿಸ್. ದಿ ಬಲ್ಲಾಡ್ ಆಸ್ ಸಾಂಗ್ (ಬರ್ಕೆಲಿ: ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾ ಪ್ರೆಸ್, ೧೯೬೯).
• ಬ್ರಾನ್ಸನ್, ಬರ್ಟ್ರಾಂಡ್ ಹ್ಯಾರಿಸ್. ದಿ ಟ್ರಡಿಶನಲ್ ಟ್ಯೂನ್ಸ್ ಆಫ್ ದಿ ಚೈಲ್ಡ್ ಬಲ್ಲಾಡ್ಸ್, ವಿಥ್ ದೆರ್ ಟೆಕ್ಸ್ಟ್ಸ್, ಅಕೋರ್ಡಿಂಗ್ ಟು ದಿ ಎಕ್ಸ್ಟೆಂಟ್ ಟು ದಿ ಎಕ್ಸ್‌ಟಾಂಟ್ ರೆಕಾರ್ಡ್ಸ್ ಆಫ್ ಗ್ರೇಟ್ ಬ್ರಿಟನ್ ಎಂಡ್ ನಾರ್ಥ್ ಅಮೇರಿಕ , ೪ ಸಂಪುಟಗಳು (ಪ್ರಿನ್ಸ್‌ಟನ್ ಮತ್ತು ಬರ್ಕೆಲೀ: ಪ್ರಿನ್ಸ್‌ಟನ್ ಯೂನಿವರ್ಸಿಟಿ ಮತ್ತು ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾ ಪ್ರೆಸ್‌ಗಳು, ೧೯೫೯, ff.).
• ಬ್ರಾನ್ಸನ್, ಬರ್ಟ್ರಾಂಡ್ ಹ್ಯಾರಿಸ್. ದಿ ಸಿಂಗಿಂಗ್ ಟ್ರಡಿಷನ್ ಆಫ್ ಚೈಲ್ಡ್ಸ್ ಪಾಪ್ಯುಲರ್ ಬಲ್ಲಾಡ್ಸ್ (ಪ್ರಿನ್ಸ್‌ಟನ್: ಪ್ರಿನ್ಸ್‌ಟನ್ ಯೂನಿವರ್ಸಿಟಿ ಪ್ರೆಸ್, ೧೯೭೬).
• ಪೋಲಾಡಿಯನ್, ಸಿರ್ವರ್ಟ್. "ಸಾಂಪ್ರದಾಯಿಕ ಸಾಹಿತ್ಯದಲ್ಲಿ ರಾಗ ವಿನ್ಯಾಸದ ಬಾಹ್ಯರೇಖೆ," ಜರ್ನಲ್ ಆಫ್ ದಿ ಇಂಟರ್‌ನ್ಯಾಷನಲ್ ಫೋಕ್ ಮ್ಯೂಸಿಕ್ ಕೌನ್ಸಿಲ್ III (೧೯೫೧), ೩೦-೩೪.
• ಪೋಲಾಡಿಯನ್, ಸಿಲ್ವರ್ಟ್. "ಜಾನಪದ ಸಂಗೀತದಲ್ಲಿ ರಾಗ ವಿನ್ಯಾಸದ ಬದಲಾವಣೆಯ ತೊಂದರೆ," ಜರ್ನಲ್ ಆಫ್ ಅಮೇರಿಕನ್ ಫೋಕ್‌ಲೋರ್ (೧೯೪೨), ೨೦೪-೨೧೧.
• ರೂಕ್ಸ್‌ಬೈ, ರಿಕ್ಕಿ, ಡಾ ವಿಕ್ ಗ್ಯಾಮನ್ et al. ದಿ ಫೋಕ್ ಹ್ಯಾಂಡ್‌ಬುಕ್ . (೨೦೦೭). ಬ್ಯಾಕ್‌ಬೀಟ್

ಬಾಹ್ಯ ಕೊಂಡಿಗಳು‌

• ಸಾಂಪ್ರದಾಯಿಕ ಸಂಗೀತ ಆನ್‌ಲೈನ್ ವೀಡಿಯೋ ಚಾನೆಲ್ Archived 2011-02-11 ವೇಬ್ಯಾಕ್ ಮೆಷಿನ್ ನಲ್ಲಿ.
• ವೆಲ್ಶ್ ಬಲ್ಲಾಡ್ಸ್ ವೆಬ್‌ಸೈಟ್
• Free scores of ಸಾಂಪ್ರದಾಯಿಕ ಸಂಗೀತ in the Choral Public Domain Library (ChoralWiki)
• ಸಾಂಪ್ರದಾಯಿಕ ಸಂಗೀತ
• www.balladtree.com/folk101/001a_def.htm ಹ್ಯೂಗ್ ಬ್ಲೂಮೆನ್‌ಫೆಲ್ಡ್ ಅವರಿಂದ ಜಾನಪದ ಸಂಗೀತದ ನಿರೂಪಣೆಗಳು, www.balladtree.com