ಸದಸ್ಯ:ವೈದೇಹೀ ಪಿ ಎಸ್/ನನ್ನ ಪ್ರಯೋಗಪುಟ

ಎಡಕುಮೇರಿ ಸಹ್ಯಾದ್ರಿಯ ಮಡಿಲಲ್ಲಿನ ಚಾರಣತಾಣಗಳಲ್ಲೊಂದು. ಪಶ್ಚಿಮಬೆಟ್ಟಗಳ ನಡುವೆ ರೈಲ್ವೆ ಹಳಿಗಳು,ಸುರಂಗಗಳು;ಒಂದೆಡೆ ಪ್ರಕೃತಿಯ ಸೊಬಗಾದರೆ ಇನ್ನೊಂದೆಡೆಯಲ್ಲಿ ಕಂದಕಗಳು.ಬೆಟ್ಟವನ್ನು ಹತ್ತಿ ರೈಲ್ವೆ ಹಳಿಗಳನ್ನು ತಲುಪುವುದು ಚಾರಣದ ಒಂದು ಭಾಗವಾದರೆ,ಈ ರೈಲ್ವೆ ಹಳಿಗಳಲ್ಲಿ ಮುಂದುವರೆಯುತ್ತಾ ಸುರಂಗಗಳನ್ನು ದಾಟುವುದು ಚಾರಣದ ಇನ್ನೊಂದು ಭಾಗ.ಸಾಮಾನ್ಯವಾಗಿ ಚಾರಣವೆಂದರೆ ಕೇವಲ ಬೆಟ್ಟ, ಕಲ್ಲುಬಂಡೆಗಳನ್ನು ಹತ್ತುವುದು ಇತ್ಯಾದಿಯಾಗಿದ್ದರೆ,ಈ ಎಡಕುಮೇರಿ ಚಾರಣ ತನ್ನದೇ ಆದ ವಿಶೇಷತೆಯನ್ನು ಹೊಂದಿದೆ.ಇಲ್ಲಿ ಬರೀ ಬೆಟ್ಟ- ಗುಡ್ಡಗಳನ್ನು ಹತ್ತಿ, ನದಿಯನ್ನು ದಾಟುವುದಲ್ಲದೆ,ರೈಲ್ವೇ ಹಳಿಗಳ ಮೇಲೆ,ಸುರಂಗದೊಳಗೆ ನಡೆಯಬೇಕು.

ಮಂಗಳೂರು - ಬೆಂಗಳೂರು ರೈಲ್ವೇ ಮಾರ್ಗದಲ್ಲಿ ಸಕಲೇಶಪುರ,ಶಿರಾಡಿ ಆಸುಪಾಸಿನ ತಾಣವಿದು.ಮಂಗಳೂರಿನಿಂದ ಸುಮಾರು ೧೦೦ಕಿ.ಮೀ,ಸುಬ್ರಹ್ಮಣ್ಯದಿಂದ ಸುಮಾರು ೩೦ಕಿ.ಮೀ,ಹಾಸನದಿಂದ ೬೫ಕಿ.ಮೀ ಹಾಗೂ ಚಿಕ್ಕಮಗಳೂರಿನಿಂದ ಸುಮಾರು ೮೦ಕಿ.ಮೀ ದೂರದಲ್ಲಿದೆ.ಎಡಕುಮೇರಿಗೆ ಚಾರಣವನ್ನು ಎರಡು ತಾಣಗಳಿಂದ ಆರಂಭಿಸಬಹುದು,ಒಂದು ಸಕಲೇಶಪುರದ ಸನಿಹದ ದೋಣಿಗಲ್ ನಿಂದ ಹಾಗೂ ಶಿರಾಡಿಘಾಟ್ ಸನಿಹದ ಗುಂಡ್ಯದಿಂದ.ದೋಣಿಗಲ್ನಿಂದ ಚಾರಣವನ್ನಾರಂಭಿಸಿಸದರೆ ಎಡಕುಮೇರಿಗೆ ಸರಿಸುಮಾರು ೧೭ಕಿ.ಮೀ ಆಗುತ್ತದೆ.ಎಡಕುಮೇರಿ ರೈಲ್ವೇ ಟ್ರೆಕ್ ಅಥವಾ ಗ್ರೀನ್ ರೂಟ್ ಟ್ರೆಕ್ ಎಂದೇ ಈ ಚಾರಣ ಹೆಸರುವಾಸಿಯಾಗಿದೆ. ಬೆಟ್ಟವನ್ನು ಹತ್ತಿದ ಬಳಿಕ ರೈಲ್ವೇ ಹಳಿಗಳು ಸಿಗುವವು.ಅನೇಕ ಸುರಂಗಗಳಿಂದ ಕೂಡಿದ ಹಳಿಯಲ್ಲಿ ಚಾರಣ ಮುಂದೆಸಾಗುತ್ತದೆ.ಒಂದೆಡೆ ಬೆಟ್ಟವಾದರೆ ಇನ್ನೊಂದೆಡೆ ಕಂದಕಗಳು.ಸ್ವಲ್ಪ ಅಜಾಗರೂಕರಾದರೂ ಮರಣ ತಪ್ಪಿದ್ದಲ್ಲ.ಕತ್ತಲೆಯಲ್ಲಿ ಬೆಳಕಿನ ಸಹಾಯವಿಲ್ಲದೇ ಈ ಸುರಂಗಗಳನ್ನು ದಾಟಲಾಗದು.ಗುಂಯ್ ಎನ್ನುವ ಶಬ್ದ,ಒಟ್ಟಿಗೆ ಕತ್ತಲು.ಸುರಂಗಗಳ ದಾಟುವುದರೊಂದಿಗೆ ಪಶ್ಚಿಮಬೆಟ್ಟಗಳ ಸಾಲುಗಳನ್ನು ನೋಡುತ್ತಾ ಕಂದಕಗಳಿಗೆ ಬೀಳದಂತೆ ಜಾಗ್ರತೆ ವಹಿಸುತ್ತಾ ಮುನ್ನಡೆಯಬೇಕು.ಇಲ್ಲಿಗೆ ಚಾರಣಕ್ಕೆ ಬರುವ ಮೊದಲು ಚಾರಣಿಗರು ತಮಗೆ ಬೇಕಾದ ನೀರು-ಆಹಾರ,ಚಾರಣಕ್ಕೆ ಬೇಕಾದ ವಸ್ತುಗಳನ್ನು ತರಬೇಕಾಗುತ್ತದೆ.ಸುಬ್ರಹ್ಮಣ್ಯದಿಂದ ಸಕಲೇಶಪುರವನ್ನು ಈ ಎಡಕುಮೇರಿಯ ಮೂಲಕ ತಲುಪಲು ಸರಿಸುಮಾರು ೨-೩ಗಂಟೆಗಳು ಬೇಕಾಗುತ್ತದೆ.ಈ ಪ್ರಯಾಣವು ಒಟ್ಟಾಗಿ ೫೭ ಸುರಂಗಗಳು, ೧೧೦ ತಿರುವುಗಳು,೨೫ ಸಣ್ಣಸಣ್ಣ ಝರಿಗಳು ಹಾಗೂ ೨೪೧ ಸೇತುವೆಗಳನ್ನು ಕೂಡಿದುದಾಗಿದೆ. ಇದರೊಂದಿಗೆ ರೈಲುಗಳ ಸಂಚಾರ ಎಂದಿನಂತೆ ಇರುತ್ತವೆ.ಗೂಡ್ಸ್ ರೈಲುಗಳು ಅವಾಗವಾಗ ಹೋಗುತ್ತಿರುತ್ತವೆಇದರೊಂದಿಗೆ ರೈಲುಸಂಚಾರದ ಅವಧಿಯನ್ನು ರೈಲ್ವೇಇಲಾಖೆಯಿಂದ ತಿಳಿದುಕೊಳ್ಳುವುದು ಉತ್ತಮ, ಏಕೆಂದರೆ ಕೆಲಪ್ರದೇಶಗಳಲ್ಲಿ ರೈಲು ಬಂದರೆ ಚಾರಣ ಮಾಡಲು ಕಷ್ಟವಾಗುತ್ತದೆ.ಹಳಿಯನ್ನು ಬಿಟ್ಟು ನಿಲ್ಲಲು ಸ್ಥಳ ಬಹು ಕಡಿಮೆಯಿರುತ್ತದೆ.ಪ್ರಾಣಕ್ಕೆ ಅಪಾಯ ಕೂಡ. ಅದರಬದಲಿಗೆ ರೈಲ್ವೇ ಸಂಚಾರದ ಅವಧಿ ತಿಳಿದಿದ್ದರೆ ಜಾಗರೂಕತೆ ದೃಷ್ಟಿಯಿಂದಲೂ ಒಳ್ಳೆಯದು.