ವಿಷ್ಣುಪಾದ ಮಂದಿರ

ವಿಷ್ಣುಪಾದ ಮಂದಿರವು ಭಾರತದ ಬಿಹಾರ ರಾಜ್ಯದ ಗಯಾದಲ್ಲಿರುವ ಒಂದು ಪ್ರಾಚೀನ ದೇವಾಲಯವಾಗಿದೆ. ಇದು ವಿಷ್ಣುವಿಗೆ ಸಮರ್ಪಿತವಾದ ಹಿಂದೂ ದೇವಾಲಯವಾಗಿದೆ.

ಈ ದೇವಾಲಯವು ಫ಼ಲ್ಗು ನದಿಯ ಬದಿಯಲ್ಲಿ ಸ್ಥಿತವಾಗಿದೆ. ಇದು ಧರ್ಮಶಿಲೆ ಎಂದು ಕರೆಯಲ್ಪಡುವ ವಿಷ್ಣುವಿನ ಒಂದು ಹೆಜ್ಜೆಗುರುತಿನಿಂದ ಗುರುತಿಸಲ್ಪಟ್ಟಿದೆ. ಇದು ಬ್ಯಾಸಾಲ್ಟ್‌ನ ಒಂದು ಖಂಡದಲ್ಲಿ ಕೆತ್ತಲ್ಪಟ್ಟಿದೆ. ಈ ರಚನೆಯ ತುದಿಯಲ್ಲಿ ಗಯಾಪಾಲ್ ಪಾಂಡಾ ಬಾಲ್ ಗೋವಿಂದ್ ಸೇನ್ ಎಂಬ ಒಬ್ಬ ಭಕ್ತನು ದಾನಮಾಡಿದ ೫೦ ಕಿಲೊ ತೂಕದ ಚಿನ್ನದ ಬಾವುಟವಿದೆ.

ವಿಷ್ಣುಪಾದ ಮಂದಿರದ ಒಳಗೆ ವಿಷ್ಣು ಪಾದ ಗುರುತು. ೪೦ ಸೆ.ಮಿ. ಉದ್ದದ ಹೆಜ್ಜೆಗುರುತು ಘನ ಶಿಲೆಯಲ್ಲಿ ಅಚ್ಚೊತ್ತಲ್ಪಟ್ಟಿದೆ ಮತ್ತು ಬೆಳ್ಳಿ ಲೇಪಿತ ಬಾನೆಯಿಂದ ಸುತ್ತುವರಿಯಲ್ಪಟ್ಟಿದೆ.

೧೮೮೫ರಲ್ಲಿ ವಿಷ್ಣುಪಾದ ಮಂದಿರ

ದೇವಾಲಯದ ನಿರ್ಮಾಣದ ದಿನಾಂಕವು ಅಪರಿಚಿತವಾಗಿದೆ ಮತ್ತು ರಾಮನು ಸೀತೆಯ ಜೊತೆಗೆ ಈ ಸ್ಥಳಕ್ಕೆ ಭೇಟಿನೀಡಿದ್ದನೆಂದು ನಂಬಲಾಗಿದೆ. ಇಂದಿನ ದಿನದ ರಚನೆಯನ್ನು ಇಂದೋರ್‌ನ ರಾಣಿ ದೇವಿ ಅಹಲ್ಯಾ ಬಾಯಿ ಹೋಳ್ಕರ ೧೭೮೭ರಲ್ಲಿ ಫಲ್ಗು ನದಿಯ ತಟದ ಮೇಲೆ ಮರು ನಿರ್ಮಿಸಿದಳು. ಭೇಟಿಕಾರರು ಮೇಲಿನಿಂದ ದೇವಾಲಯದ ನೋಟ ನೋಡಲು ಬ್ರಹ್ಮಜುನಿ ಗುಡ್ಡದ ಶಿಖರದ ಮೇಳೆ ಹೋಗಲು ಇಷ್ಟಪಡುತ್ತಾರೆ.