ಸೂತ

ಸೂತ ಪದವು ಪೌರಾಣಿಕ ಕಥೆಗಳ ಹಾಡುಗಾರರು ಹಾಗೂ ಒಂದು ಮಿಶ್ರ ಜಾತಿ ಎರಡನ್ನೂ ಸೂಚಿಸುತ್ತದೆ. ಮನುಸ್ಮೃತಿಯ ಪ್ರಕಾರ (೧೦.೧೧.೧೭) ಸೂತ ಜಾತಿಯವರು ಕ್ಷತ್ರಿಯ ತಂದೆ ಹಾಗೂ ಬ್ರಾಹ್ಮಣ ತಾಯಿಯ ಮಕ್ಕಳಾಗಿರುತ್ತಾರೆ. ಹಲವಾರು ಪುರಾಣಗಳ ನಿರೂಪಕನಾಗಿದ್ದ ಲೋಮಹರ್ಷಣನ ಮಗ ಉಗ್ರಶ್ರವಸ್‍ನನ್ನು ಸೂತ ಎಂದೂ ಕರೆಯಲಾಗುತ್ತಿತ್ತು. ಹಾಡುಗಾರರು ಸೂತ ಜಾತಿಯ ಸದಸ್ಯರಾಗಿದ್ದರೇ ಎಂಬ ಬಗ್ಗೆ ವಿದ್ವಾಂಸರು ಭಿನ್ನಾಭಿಪ್ರಾಯ ಹೊಂದಿದ್ದಾರೆ. ಜಾತಿಯಾಗಿ ಸೂತ ಪದದ ಬಳಕೆಯು ಲೋಮಹರ್ಷಣ ಹಾಗೂ ಅವನ ಪುತ್ರ ಉಗ್ರಶ್ರವಸ್ ಸೌತಿಯನ್ನು ವರ್ಣಿಸಲು ಸೂತ ಪದದ ಮುಂಚಿನ ಬಳಕೆಯಿಂದ ಭಿನ್ನವಾಗಿರಬಹುದು ಎಂದು ಲೂಡೊ ರೋಷೇ ಹೇಳುತ್ತಾರೆ. ಸೂತ ಜಾತಿಯು ಪುರಾಣಗಳ ನಿರೂಪಕನಿಂದ ಭಿನ್ನವಾಗಿದೆ ಎಂದು ಆರ್. ಎನ್. ದಂಡೇಕರ್ ಹೇಳುತ್ತಾರೆ.

ಮಹಾಭಾರತ ಮಹಾಕಾವ್ಯದಲ್ಲಿ ಸೂತ ಪದವನ್ನು ಜನರ ಒಂದು ವರ್ಗ ಎಂದೂ ಹೇಳಲಾಗಿದೆ, ಹಲವುವೇಳೆ ಸಾರಥಿಗಳು. ಕರ್ಣನ ಸಾಕು ತಂದೆತಾಯಿಯರು ಸೂತರಾಗಿದ್ದರು. ಹಾಗಾಗಿ, ಕರ್ಣನನ್ನೂ ಸೂತನೆಂದು ಪರಿಗಣಿಸಲಾಗಿತ್ತು. ಮತ್ಸ್ಯ ಸೇನೆಯ ಸೇನಾಪತಿಯಾಗಿದ್ದ ಕೀಚಕನು ಸೂತನಾಗಿದ್ದನು.