ಮಾರ್ಗರೆಟ್ ಭಟ್ಟಿ
ಮಾರ್ಗರೆಟ್ ರುತ್ ಭಟ್ಟಿ (೫ ಅಕ್ಟೋಬರ್ ೧೯೩೦ - ೨೦ ಜುಲೈ ೨೦೧೨) ಒಬ್ಬ ಭಾರತೀಯ ಶಾಲಾ ಶಿಕ್ಷಕಿ, ಸ್ವತಂತ್ರ ಪತ್ರಕರ್ತೆ ಮತ್ತು ಮಕ್ಕಳ ಪುಸ್ತಕಗಳ ಮತ್ತು ವಯಸ್ಕರ ಸಣ್ಣ ಕಥೆಗಳ ಬರಹಗಾರ್ತಿ.
| ಮಾರ್ಗರೆಟ್ ರುತ್ ಭಟ್ಟಿ | |
|---|---|
 | |
| ಜನನ | ಮಾರ್ಗರೆಟ್ ರುತ್ ಗ್ರಾಂಡಿ ೫ ಅಕ್ಟೋಬರ್ ೧೯೩೦ ಬೆರಿನಾಗ್, ಯುನೈಟೆಡ್ ಪ್ರಾವಿನ್ಸ್, ಬ್ರಿಟಿಷ್ ಇಂಡಿಯಾ (ಈಗ ಭಾರತದಲ್ಲಿ ಉತ್ತರಾಖಂಡ |
| ಮರಣ | July 20, 2012 (aged 81) ಪುಣೆ, ಮಹಾರಾಷ್ಟ್ರ, ಭಾರತ |
| ರಾಷ್ಟ್ರೀಯತೆ | ಭಾರತೀಯರು |
| ಪೌರತ್ವ | ಭಾರತ |
| ಅಭ್ಯಾಸ ಮಾಡಿದ ವಿದ್ಯಾ ಸಂಸ್ಥೆ |
|
| ಪ್ರಕಾರ/ಶೈಲಿ | ಕಥನಾತ್ಮಕವಲ್ಲದ]], ಫ್ಯಾಂಟಸಿ |
| ಪ್ರಮುಖ ಪ್ರಶಸ್ತಿ(ಗಳು) | ಬಿಬಿಸಿ ವರ್ಲ್ಡ್ ಸರ್ವೀಸ್ ಅಂತರಾಷ್ಟ್ರೀಯ ಕಥಾ ಸ್ಪರ್ಧೆ (೧೯೮೨) ಬಿಬಿಸಿ ವರ್ಲ್ಡ್ ಸರ್ವಿಸ್ ಅಂತರಾಷ್ಟ್ರೀಯ ನಾಟಕ ಸ್ಪರ್ಧೆ (೧೯೯೫) |
| ಮಕ್ಕಳು | ೨ |
ಜೀವನಚರಿತ್ರೆ
ಬದಲಾಯಿಸಿಆರಂಭಿಕ ಜೀವನ
ಬದಲಾಯಿಸಿಮಾರ್ಗರೆಟ್ ರುತ್ ಭಟ್ಟಿ ೫ ಅಕ್ಟೋಬರ ೧೯೩೦ ರಂದು ಮಾರ್ಕ್ ವೆರ್ನಾನ್ ಗ್ರಂಡಿ ಮತ್ತು ಪ್ಯಾನ್ಸಿ ಗುಣಸೆಕ್ರಾ ದಂಪತಿಗೆ ಬೆರಿನಾಗ್‌ನಲ್ಲಿ ಜನಿಸಿದರು, ಇದು ಪ್ರಸ್ತುತ ಭಾರತದ ಉತ್ತರಾಖಂಡ ರಾಜ್ಯದ ಭಾಗವಾಗಿದೆ. ಅವರು ತಮ್ಮ ಬಾಲ್ಯವನ್ನು ಬೆರಿನಾಗ್‌ನ ಕುಮಾವೂನ್ ಪ್ರದೇಶದಲ್ಲಿ ಮೀನುಗಾರಿಕೆ, ಬೇಟೆ ಮತ್ತು ಚಾರಣ ಮಾಡುತ್ತಾ ಕಳೆದರು. ಬೆರಿನಾಗ್‌ನಲ್ಲಿ ಬೆಳೆಯುತ್ತಿರುವ ವರ್ಷಗಳಲ್ಲಿ ಪ್ರಕೃತಿಯ ಬಗ್ಗೆ ಅವರಲ್ಲಿ ಆಳವಾದ ಪ್ರೀತಿ ತುಂಬಿತ್ತು. ಅವರು ನೈನಿತಾಲ್‌ನ ವೆಲ್ಲೆಸ್ಲಿ ಬಾಲಕಿಯರ ಶಾಲೆಯಲ್ಲಿ ವ್ಯಾಸಂಗ ಮಾಡಿದರು. ನಂತರ ಅವರು ಲಕ್ನೋದ ಇಸಾಬೆಲ್ಲಾ ಥೋಬರ್ನ್ ಕಾಲೇಜಿನಲ್ಲಿ ಬ್ಯಾಚುಲರ್ ಆಫ್ ಆರ್ಟ್ಸ್ ಪದವಿಯನ್ನು ಪಡೆದರು ಮತ್ತು ನಂತರ ನಾಗ್ಪುರದಿಂದ ಪತ್ರಿಕೋದ್ಯಮದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.[೧]
ಕುಟುಂಬ ಮತ್ತು ಮದುವೆ
ಬದಲಾಯಿಸಿ೧೭ ಡಿಸೆಂಬರ್ ೧೯೫೪ ರಂದು, ಅವರು ಫಿರೋಜ್ ಭಟ್ಟಿ ಅವರನ್ನು ವಿವಾಹವಾದರು. ಅವರಿಗೆ ಇಬ್ಬರು ಮಕ್ಕಳಿದ್ದಾರೆ: ಒಬ್ಬ ಮಗ, ಅರವಿಂದ (ಜನನ ೨೫ ಡಿಸೆಂಬರ್ ೧೯೫೫) ಮತ್ತು ಮಗಳು ಪ್ರೀತಮಾ(ಜನನ ೧೩ ಸೆಪ್ಟೆಂಬರ್ ೧೯೬೦).
ಭಟ್ಟಿ ೨೦ ಜುಲೈ ೨೦೧೨ ರಂದು ಪುಣೆಯ ಜಹಾಂಗೀರ್ ಆಸ್ಪತ್ರೆಯಲ್ಲಿ ನಿಧನರಾದರು.
ವೃತ್ತಿ
ಬದಲಾಯಿಸಿಮಾರ್ಗರೆಟ್ ಭಟ್ಟಿ ಅವರು ತಮ್ಮ ಕಾಲೇಜು ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಲಕ್ನೋದ ಇಸಾಬೆಲ್ಲಾ ಥೋಬರ್ನ್ ಕಾಲೇಜಿನಲ್ಲಿ ಶಿಕ್ಷಕಿಯಾಗಿ ಕೆಲಸ ಮಾಡಿದರು. ಅವರು ನಾಗ್ಪುರದಲ್ಲಿ ಪತ್ರಕರ್ತೆಯಾಗಿ ಕೆಲಸ ಮಾಡಿದರು ಮತ್ತು ಹಿತವಾದ ಪತ್ರಿಕೆಗೆ ಲೇಖನಗಳನ್ನು ಕೊಡುಗೆ ನೀಡಿದರು. ಭಟ್ಟಿ ೧೯೬೩ ರಲ್ಲಿ ಪಂಚಗಣಿಯ ಕಿಮ್ಮಿನ್ಸ್ ಹೈಸ್ಕೂಲ್ ಮತ್ತು ನೈನಿತಾಲ್‌ನ ಆಲ್ ಸೇಂಟ್ಸ್ ಗರ್ಲ್ಸ್ ಸ್ಕೂಲ್‌ನಲ್ಲಿ ಶಾಲಾ ಶಿಕ್ಷಕರಾಗಿ ಕೆಲಸ ಮಾಡಿದರು.
ಅವರು ಜನಪ್ರಿಯ ಮಕ್ಕಳ ನಿಯತಕಾಲಿಕೆ ಗುರಿ ಮತ್ತು ಭಾರತದಲ್ಲಿ ಇಂಗ್ಲಿಷ್ ಭಾಷೆಯ ಪತ್ರಿಕೆಗಳಿಗೆ ನಿಯಮಿತವಾಗಿ ಕೊಡುಗೆ ನೀಡುತ್ತಿದ್ದರು. ಇವರು ಇವರ ಬರಹಗಳೊಂದಿಗೆ ಭಾರತ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಯುಎಸ್‌ಎ ಮತ್ತು ಅಂತರ್ಜಾಲದಲ್ಲಿ ಮಾನವತಾವಾದಿ ಮತ್ತು ಜಾತ್ಯತೀತ ಸಂಸ್ಥೆಗಳ ನಿಯತಕಾಲಿಕೆಗಳಲ್ಲಿ ಸಹ ಪ್ರಕಟಿಸಲ್ಪಟ್ಟರು.
ಪ್ರಶಸ್ತಿಗಳು
ಬದಲಾಯಿಸಿಮಾರ್ಗರೆಟ್ ಭಟ್ಟಿ ಅವರು ೧೯೮೨ ರ ಬಿಬಿಸಿ ವರ್ಲ್ಡ್ ಸರ್ವಿಸ್ ಇಂಟರ್ನ್ಯಾಷನಲ್ ಕಥಾ ಸ್ಪರ್ಧೆಯಲ್ಲಿ ವಿಶ್ವದಾದ್ಯಂತ 800 ನಮೂನೆಗಳಲ್ಲಿ ತಮ್ಮ "ಆಲ್ ಈಸ್ ಮಾಯ, ಆಲ್ ಈಸ್ ಇಲ್ಯೂಷನ್" ಕಥೆಗಾಗಿ ಮೊದಲ ಬಹುಮಾನವನ್ನು ಗೆದ್ದರು. ಈ ಕಥೆಯನ್ನು ಬಿಬಿಸಿಯ ಕಥೆಗಳ ಸಂಗ್ರಹವಾದ, ಶೋರ್ಟ್ ಸ್ಟೋರೀಸ್ ಫ್ರಮ್ ಅರೌಂಡ್ ದ ವಲ್ಡ್ ನಲ್ಲಿ ಪ್ರಕಟಿಸಲಾಗಿದೆ.
೧೯೯೫ ರಲ್ಲಿ, ಅವರು ಕೋಮು ಹಿಂಸಾಚಾರ, ಮೈ ಎನಿಮಿ, ಮೈ ಫ್ರೆಂಡ್ ಎಂಬ ರೇಡಿಯೋ ನಾಟಕಕ್ಕಾಗಿ ಬಿಬಿಸಿ ವರ್ಲ್ಡ್ ಸರ್ವೀಸ್ ಇಂಟರ್ನ್ಯಾಷನಲ್ ಡ್ರಾಮಾ ಸ್ಪರ್ಧೆಯನ್ನು ಗೆದ್ದರು.
ಕೃತಿಗಳ ಪಟ್ಟಿ
ಬದಲಾಯಿಸಿನಾಟಕಗಳು
ಬದಲಾಯಿಸಿ- ಮೈ ಎನಿಮೀ, ಮೈ ಫ್ರೆಂಡ್
ಮಕ್ಕಳ ಪುಸ್ತಕಗಳು
ಬದಲಾಯಿಸಿ- ದಿ ಅಡ್ವೆಂಚರ್ಸ್ ಆಫ್ ಭೀಮ್ ದಿ ಬೋಲ್ಡ್ (೧೯೭೬)
- ದಿ ನೆವರ್-ನೆವರ್ ಬರ್ಡ್ (೧೯೭೯)
- ದಿ ಸೀಕ್ರೆಟ್ ಆಫ್ ಸಿಕಲ್ ಮೂನ್ ಮೌಂಟೇನ್ (೧೯೮೧)
- ಟ್ರಾವೆಲಿಂಗ್ ಕಂಪ್ಯಾನಿಯನ್ಸ್ (೧೯೮೨)
- ದಿ ರೆಡ್ ಅಂಡ್ ಗೋಲ್ಡ್ ಶೂ (೧೯೮೪)
- ಲಿಟಲ್ ಓಲ್ಡ್ ವುಮನ್ (ಚಿತ್ರ ಪುಸ್ತಕ) (೧೯೯೦)
- ದ ಇವಿಲ್ ಎಂಪೈರ್ (೧೯೯೨)
- ಕಿಂಗ್ಡಮ್ ಆಫ್ ನೋ ರಿಟರ್ನ್ (೧೯೯೩)
- ಸರ್ಕಸ್ ಬಾಯ್
- ದ ಫ್ಯಾಮಿಲಿ ಎಟ್ ಪಂಗರ್ ಪಾನಿ (೧೯೯೫)
- ದಿ ಮಿಸ್ಟರಿ ಆಫ್ ದಿ ಝಮೊರಿನ್ಸ್ ಟ್ರೆಷರ್ (೧೯೯೫)
- ಹಿಮಾಲಯನ್ ಹೋಲಿಡೇ
- ಕಿಡ್ನ್ಯಾಪಿಂಗ್ಬೀ ಎಟ್ ಬೀರ್ಪುರ್
- ಚಿಕನ್ ಮಾಮಾ (೨೦೦೭)
ಕಾದಂಬರಿಗಳು
ಬದಲಾಯಿಸಿ- ದಿ ಆರ್ಸೋನಿಸ್ಟ್ (೨೦೧೧)
ವಯಸ್ಕರ ಸಣ್ಣ ಕಥೆಗಳು
ಬದಲಾಯಿಸಿ- "ಮಿಸ್ ದಾಸ್ ಮತ್ತು ಪೋಪುಲೇಷನ್ ಎಕ್ಸ್‌ಪ್ಲೋಷನ್" (೧೯೬೦)
- "ದಿ ಮರ್ಡರರ್ ಇನ್ ದಿ ಕೌ-ಶೆಡ್", ವಿಂಟರ್ ಟೇಲ್ಸ್ ೧೭ (೧೯೭೧) ನಲ್ಲಿ ಪ್ರಕಟವಾಗಿದೆ.
- ವಿಂಟರ್ ಟೇಲ್ಸ್ ೨೨ (೧೯೭೬) ನಲ್ಲಿ ಪ್ರಕಟವಾದ "ದಿ ರೆಸಿನ್ ಮ್ಯಾನ್"
- "ರಿಪ್ರೈವ್" (೧೯೭೭)
- "ಬೆಲ್ಲಾಸ್ ವರ್ಲ್ಡ್" ( ದಿ ರಿಟರ್ನ್ ಆಫ್ ದಿ ಸೋರ್ಸೆರೆಸ್ ಕಾದಂಬರಿಯಿಂದ ಆಯ್ದ ಭಾಗ) (೧೯೯೮)
- "ದಿ ಬರ್ಡ್‌ಮ್ಯಾನ್" (೨೦೦೧)
ಕಾಲ್ಪನಿಕವಲ್ಲದ
ಬದಲಾಯಿಸಿ- ಆಸ್ಟ್ರೋಲಜೀ: ಸೈನ್ಸ್ ಆರ್ ಈಗೊ-ಟ್ರಿಪ್ ಬೈ ಬಿ. ಪ್ರೇಮಾನಂದ್ ಮತ್ತು ಮಾರ್ಗರೆಟ್ ಭಟ್ಟಿ (೨೦೦೨)
- ಫ್ರಾಡ್, ಫೇಕರಿ ಆಂಡ್ ಫ್ಲಿಮ್-ಫ್ಲಾಮ್ (೨೦೦೮)[೨]
- ಫ್ರೀಡಮ್
ಉಲ್ಲೇಖಗಳು
ಬದಲಾಯಿಸಿಬಾಹ್ಯ ಕೊಂಡಿಗಳು
ಬದಲಾಯಿಸಿ- ಪೆಂಗ್ವಿನ್ ಇಂಡಿಯಾ ಮಾರ್ಗರೇಟ್ ಭಟ್ಟಿ