ದೃಷ್ಟಿಬೊಟ್ಟು (ಕನ್ನಡ ಧಾರಾವಾಹಿ)

ದೃಷ್ಟಿಬೊಟ್ಟು ಪ್ರಸ್ತುತ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾರತೀಯ ಕನ್ನಡ ಭಾಷೆಯ ದೈನಂದಿನ ಧಾರಾವಾಹಿ ಆಗಿದೆ. 2024ರ ಸೆಪ್ಟೆಂಬರ್‌ 9 ರಿಂದ ಆರಂಭವಾದ ಈ ಧಾರಾವಾಹಿಯು ಸೋಮವಾರದಿಂದ ಶನಿವಾರದವರೆಗೆ ರಾತ್ರಿ 6:30 ಗಂಟೆಗೆ ಪ್ರಸಾರವಾಗುತ್ತಿದೆ. ಪ್ರೀತಿಯ ಗುಟ್ಟು ದೃಷ್ಟಿಬೊಟ್ಟು ಎಂಬವುದು ಈ ಕಾರ್ಯಕ್ರಮದ ಪೂರ್ಣ ಹೆಸರಾಗಿದೆ. ಈ ಧಾರಾವಾಹಿಯಲ್ಲಿ ಅಗ್ನಿಸಾಕ್ಷಿ, ನಮ್ಮ ಲಚ್ಚಿ ಖ್ಯಾತಿಯ ನಟ ವಿಜಯ್ ಸೂರ್ಯ, ಹಿರಿಯ ನಟಿ ಅಂಬಿಕಾ ಹಾಗೂ ಹೊಸ ಮುಖ ಅರ್ಪಿತಾ ಮೋಹಿತೆ ನಟಿಸುತ್ತಿದ್ದಾರೆ .

ದೃಷ್ಟಿಬೊಟ್ಟು (ಕನ್ನಡ ಧಾರಾವಾಹಿ)
ಟೈಟಲ್ ಕಾರ್ಡ್
ಶೈಲಿ	ದೈನಂದಿನ ಧಾರಾವಾಹಿ
ನಿರ್ದೇಶಕರು	ಶ್ರವಂತ್
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ನಿರ್ಮಾಣ
ನಿರ್ಮಾಪಕ(ರು)	ರಕ್ಷಿತ್ ಗೌಡ ಮತ್ತು ಅನುಷಾ ಶಿವಪ್ರಸದ್
ಸಮಯ	20-22 ನಿಮಿಷಗಳು
ಪ್ರಸಾರಣೆ
ಮೂಲ ವಾಹಿನಿ	ಕಲರ್ಸ್ ಕನ್ನಡ (ವಿಯಾಕಾಂ 18)
ಮೂಲ ಪ್ರಸಾರಣಾ ಸಮಯ	9 ಸೆಪ್ಟೆಂಬರ್‌ 2024 – ಪ್ರಸ್ತುತ

ಕಥಾ ಸಾರಾಂಶ

ಎರಡು ವಿಭಿನ್ನ ಕೌಟುಂಬಿಕ ಹಿನ್ನೆಲೆಗಳಿಂದ ಬಂದ ದೃಷ್ಟಿ ಎಂಬ ಹುಡುಗಿ ಹಾಗೂ ದತ್ತ ಶ್ರೀರಾಮ್ ಪಾಟೀಲ್ ಎಂಬ ಹುಡುಗನ ಬದುಕುಗಳು ಸಂಧಿಸಿದಾಗ ನಡೆಯುವ ಘಟನೆಗಳನ್ನು ಧಾರಾವಾಹಿಯು ಎಳೆಎಳೆಯಾಗಿ ಅನಾವರಣಗೊಳಿಸುತ್ತಾ ಹೋಗುತ್ತದೆ. ಕಥಾ ನಾಯಕಿ ದೃಷ್ಟಿಯ ಪಾಲಿಗೆ ರೂಪ ಅನ್ನುವುದೇ ಶಾಪವಾಗಿರುತ್ತದೆ. ತನ್ನ ಮೈಬಣ್ಣ ಬಿಳಿಯಾಗಿದ್ದರು ಅದನ್ನು ಕಪ್ಪಾಗಿ ಬದಲಾಯಿಸಿಕೊಂಡು ಬದುಕುತ್ತಿರುವ ಅವಳಿಗೆ ತನ್ನ ಸೋದರಿಯನ್ನು ಮರಳಿ ಮನೆಗೆ ಕರೆತಂದು ಕುಟುಂಬವನ್ನು ಒಂದು ಮಾಡಬೇಕೆಂಬ ಗುರಿ ಇರುತ್ತದೆ.

ಆದರೆ ಇತ್ತ ಕಥಾನಾಯಕ ದತ್ತ, ಬೆಳ್ಳಗಿರುವ ಹೆಣ್ಣುಗಳನ್ನ ಕಂಡರೆ ಉರಿದು ಬೀಳುತ್ತಾನೆ. ಮೊದಲು ಮೆಕಾನಿಕ್ ಆಗಿದ್ದ ದತ್ತನು ಈಗ ರೌಡಿಯಾಗಿರುತ್ತಾನೆ. ದುರುಳ ಪೊಲೀಸನೊಬ್ಬನ ಕೈಗೆ ಸಿಕ್ಕ ದೃಷ್ಟಿ ಅವನ ಕಿರುಕುಳಕ್ಕೆ ಸಿಕ್ಕು ಒದ್ದಾಡುತ್ತಿರುವಾಗ ದತ್ತನ ಪ್ರವೇಶವಾಗುತ್ತದೆ.

ನಿರ್ಮಾಣ

ಧಾರಾವಾಹಿಯ ನಿರ್ಮಾಣವನ್ನು ‘ಪುಟ್ಟಗೌರಿ ಮದುವೆ’, ‘ಗಟ್ಟಿಮೇಳ’ ಧಾರಾವಾಹಿಯಲ್ಲಿ ನಾಯಕ ನಟನಾಗಿ ನಟಿಸಿದ್ದ ರಕ್ಷಿತ್ ಗೌಡ ಹಾಗೂ ಇವರ ಪತ್ನಿ ತಮ್ಮ ನಿರ್ಮಾಣ ಸಂಸ್ಥೆ ಶ್ರೀ ಸಾಯಿ ಆಂಜನೇಯ ಕಂಪನಿ ಪ್ರೆಸೆಂಟ್ಸ್​ಯಿಂದ ನಿರ್ಮಾಣ ಮಾಡುತ್ತಿದ್ದಾರೆ .

ಪ್ರಸಾರ

9 ಸೆಪ್ಟೆಂಬರ್‌ 2024 ರಿಂದ ಆರಂಭವಾದ ಈ ಧಾರಾವಾಹಿಯು ಸೋಮವಾರದಿಂದ ಶನಿವಾರದ ವರೆಗೆ ರಾತ್ರಿ 6:30 ವರೆಗೆ ಪ್ರಸಾರವಾಗುತ್ತಿದೆ. ಆದರೆ, ಈ ಧಾರಾವಾಹಿಯ ಪ್ರಸಾರದಿಂದ ಕಲರ್ಸ್ ಕನ್ನಡವು ಜುಲೈನಲ್ಲಿ ಆರಂಭವಾದ ನನ್ನ ದೇವ್ರು ಧಾರಾವಾಹಿಯ ಪ್ರಸಾರದಲ್ಲಿ ಸಮಯ ಬದಲಾವಣೆ ಮಾಡಿದೆ. ನನ್ನ ದೇವ್ರು ಮೊದಲಿಗೆ 6:30 ವರೆಗೆ ಪ್ರಸಾರವಾಗುತ್ತಿತು, ಪ್ರಸ್ತುತ 6:00 ಗಂಟೆಗೆ ಪ್ರಸಾರವಾಗುತ್ತಿದೆ.

ರೂಪಾಂತರಗಳು

ಭಾಷೆ(ಗಳು)	ಶೀರ್ಷಿಕೆ	ಮೂಲ ಬಿಡುಗಡೆ	ವಾಹಿನಿ(ಗಳು)	ಕೊನೆಯ ಪ್ರಸಾರ	ಟಿಪ್ಪಣಿ
ಹಿಂದಿ	ಲಾಗಿ ತುಜುಸೇ ಲಗನ್ लागी तुझसे लगन	28 ಡಿಸೆಂಬರ್ 2009	ಕಲರ್ಸ್ ಟಿವಿ	6 ಜನವರಿ 2012	ಮೂಲ
ಮರಾಠಿ	ತುಜ್ಯ ರೂಪಾಚ ಚಂದನ तुझ्या रूपाचं चांदणं	27 ಡಿಸೆಂಬರ್ 2021	ಕಲರ್ಸ್ ಮರಾಠಿ	28 ಮೇ 2022	ರೀಮೆಕ್
ಕನ್ನಡ	ದೃಷ್ಟಿಬೊಟ್ಟು	9 ಸೆಪ್ಟೆಂಬರ್‌ 2024	ಕಲರ್ಸ್ ಕನ್ನಡ	ಪ್ರಸಾರವಾಗುತ್ತಿದೆ	ರೀಮೇಕ್

ಪಾತ್ರವರ್ಗ

ಪ್ರಮುಖ ಪಾತ್ರಗಳು

• ವಿಜಯ್ ಸೂರ್ಯ : ಕಥಾ ನಾಯಕ ದತ್ತ ಶ್ರೀರಾಮ್ ಪಾಟೀಲ್ ಆಗಿ ದತ್ತನಾಗಿ.
• ಅರ್ಪಿತಾ ಮೊಹಿತೆ: ಕಥಾ ನಾಯಕಿ ದೃಷ್ಟಿಯಾಗಿ
• ಅಂಬಿಕಾ

ಪೋಷಕ ಪಾತ್ರಗಳು

• ತನ್ಮಯಾ ಕಶ್ಯಪ್
• ರಾಘು ಶಿವಮೊಗ್ಗ  : ಇನ್ಸ್‌ಪೆಕ್ಟರ್ ಆಗಿ
• ದೀಪಶ್ರೀ ಪ್ರಭಾತ್ : ದೃಷ್ಟಿ ತಾಯಿಯಾಗಿ
• ಅಶೋಕ್ ಹೆಗ್ಡೆ

ಬಾಹ್ಯಕೊಂಡಿಗಳು

• ದೃಷ್ಟಿಬೊಟ್ಟುಯನ್ನು @ ಜಿಯೋ ಸಿನಿಮಾ ದಲ್ಲಿ ವೀಕ್ಷಣೆ ಮಾಡಿ