ಗುರು (೨೦೧೨ರ ಚಲನಚಿತ್ರ)

ಗುರು ಜಗ್ಗೇಶ್ ನಿರ್ದೇಶನದ 2012 ರ ಕನ್ನಡ ಭಾಷೆಯ ಸಾಹಸ ಚಿತ್ರವಾಗಿದೆ . ಚಿತ್ರದಲ್ಲಿ ಅವರ ಮಕ್ಕಳಾದ ಗುರುರಾಜ್ ಮತ್ತು ಯತಿರಾಜ್ ಪುರುಷ ನಾಯಕರಾಗಿ ಮತ್ತು ರಶ್ಮಿ ಗೌತಮ್ ಮಹಿಳಾ ನಾಯಕಿಯಾಗಿ ನಟಿಸಿದ್ದಾರೆ. ನಿರ್ದೇಶಕರಾಗಿ ಜಗ್ಗೇಶ್ ಅವರ ಮೊದಲ ಚಿತ್ರ ಇದು. ಇದು ತಮಿಳು ಭಾಷೆಯ ಮೌನ ಗುರು ಚಿತ್ರದ ರಿಮೇಕ್ ಆಗಿದೆ.

ಗುರು
ಚಲನಚಿತ್ರದ ಭಿತ್ತಿ ಚಿತ್ರ
Directed by	ಜಗ್ಗೇಶ್
Story by	ಶಾಂತ ಕುಮಾರ್
Produced by	ಪರಿಮಳಾ ಜಗ್ಗೇಶ್
Starring	ಗುರುರಾಜ್, ರಶ್ಮಿ ಗೌತಮ್, ಯತಿರಾಜ್, ಸುಧಾರಾಣಿ, ಶೋಭರಾಜ್, ಶ್ರೀನಿವಾಸ ಮೂರ್ತಿ
Cinematography	ರಮೇಶ್ ಬಾಬು
Edited by	ಕೆ. ಎಂ. ಪ್ರಕಾಶ್
Music by	ವಿನಯ್ ಚಂದ್ರ
Production company	ಗುರುರಾಜ್ ಫಿಲಮ್ಸ್
Release date	2012 ರ ನವಂಬರ್ 16
Running time	130 ನಿಮಿಷಗಳು
Country	ಭಾರತ
Language	ಕನ್ನಡ

ಪಾತ್ರವರ್ಗ

• ಗುರುರಾಜ್ ಗುರು ಪಾತ್ರದಲ್ಲಿ
• ಅಂಕಿತಾ ಪಾತ್ರದಲ್ಲಿ ರಶ್ಮಿ ಗೌತಮ್
• ಯತಿಯಾಗಿ ಯತಿರಾಜ್
• ತೇಜಸ್ವಿನಿಯಾಗಿ ಸುಧಾರಾಣಿ
• ಎಸಿಪಿ ಬೋಪಯ್ಯ ಪಾತ್ರದಲ್ಲಿ ಶೋಭರಾಜ್
• ಶ್ರೀನಿವಾಸ ಮೂರ್ತಿ
• ಅಭಿಜಿತ್
• ಜಗ್ಗೇಶ್

ಉತ್ಪಾದನೆ

ಈ ಚಿತ್ರವು ನಟ ಜಗ್ಗೇಶ್ ಅವರ ನಿರ್ದೇಶಕರಾಗಿ ಚೊಚ್ಚಲ ಚಿತ್ರವಾಗಿದ್ದು ತನಗೆ ಚಿಮ್ಮುಹಲಗೆಯಾಗುವಂತೆ ತಮ್ಮ ಮಗನ ಒತ್ತಾಯದ ಮೇರೆಗೆ ಈ ಯೋಜನೆಯನ್ನು ಕೈಗೆತ್ತಿಕೊಂಡಿದ್ದೇನೆ ಎಂದು ಜಗ್ಗೇಶ್ ಹೇಳಿದರು. ಈ ಚಿತ್ರವನ್ನು ಜಗ್ಗೇಶ್, ಗುರುರಾಜ್ ಫಿಲಂಸ್ ಅವರು ಅಂದು ಆರಂಭಿಸಿದ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಿದ್ದಾರೆ.

ಚಿತ್ರದಲ್ಲಿನ ತಮ್ಮ ಪಾತ್ರಕ್ಕಾಗಿ ತಯಾರಿ ಮಾಡಲು, ಗುರುರಾಜ್ ಅವರು ಕಾಂಬೋಡಿಯಾದಲ್ಲಿ ಐದೂವರೆ ತಿಂಗಳ ಕಾಲ ಕಿಕ್ ಬಾಕ್ಸಿಂಗ್ ಮತ್ತು ಇತರ ಸಮರ ಕಲೆಗಳಲ್ಲಿ ತರಬೇತಿ ಪಡೆದರು. ಜೂನ್ 2012 ಚಿತ್ರೀಕರಣ ಪ್ರಾರಂಭವಾಗುವ ಮೊದಲು ಮೇ 2012 ರಲ್ಲಿ ಚಲನಚಿತ್ರವನ್ನು ಮಂತ್ರಾಲಯದಲ್ಲಿ ಪ್ರಾರಂಭಿಸಲಾಯಿತು.

ಧ್ವನಿಮುದ್ರಿಕೆ

ವಿನಯ್ ಚಂದ್ರ ಅವರು ಧ್ವನಿಮುದ್ರಿಕೆಗೆ ಸಂಗೀತ ಸಂಯೋಜಿಸಿದ್ದಾರೆ ಮತ್ತು ರಾಮನಾರಾಯಣ್ ಮತ್ತು ಕವಿರಾಜ್ ಸಾಹಿತ್ಯವನ್ನು ಬರೆದಿದ್ದಾರೆ. ಧ್ವನಿಮುದ್ರಿಕೆಯು ನಾಲ್ಕು ಹಾಡುಗಳನ್ನು ಒಳಗೊಂಡಿದೆ.

ಹಾಡುಗಳ ಪಟ್ಟಿ
ಸಂ.	ಹಾಡು	ಸಾಹಿತ್ಯ	ಹಾಡುಗಾರರು	ಸಮಯ
1.	"ಅಂಕಿತ"	ರಾಮನಾರಾಯಣ್	ಕಾರ್ತಿಕ್ , ಅನುರಾಧಾ ಭಟ್	4:16
2.	"ಏನು ಪಾಪ ಮಾಡಿದೆ"	ಕವಿರಾಜ್	ರಾಜೇಶ್ ಕೃಷ್ಣನ್	3:31
3.	"ಗುರು"	ರಾಮನಾರಾಯಣ್	ಜಗ್ಗೇಶ್	3:44
4.	"ಮನಸೇ"	ಕವಿರಾಜ್	ವಿನಯ ಚಂದ್ರ	4:43
ಒಟ್ಟು ಸಮಯ:				16:14

ವಿಮರ್ಶೆಗಳು

ಗುರು ಚಿತ್ರದ ಬಿಡುಗಡೆಯ ನಂತರ ವಿಮರ್ಶಕರಿಂದ ಸಾಧಾರಣದಿಂದ ಧನಾತ್ಮಕವರೆಗೆ ಪ್ರತಿಕ್ರಿಯೆಗಳು ಸಿಕ್ಕವು. ದಿ ಟೈಮ್ಸ್ ಆಫ್ ಇಂಡಿಯಾದ ಜಿಎಸ್ ಕುಮಾರ್ ಚಿತ್ರಕ್ಕೆ 3.5/5 ರೇಟಿಂಗ್ ನೀಡಿ ನಿರ್ದೇಶನದ ಬಗ್ಗೆ ಹೀಗೆ ಬರೆದಿದ್ದಾರೆ, "ಜಗ್ಗೇಶ್ ಅವರ ಚೊಚ್ಚಲ ನಿರ್ದೇಶನವು ಸ್ಯಾಂಡಲ್ವುಡ್ಗೆ ಕೆಲವು ಅತ್ಯುತ್ತಮ ಚಲನಚಿತ್ರಗಳನ್ನು ನೀಡಿದ ಪ್ರತಿಭಾವಂತ ನಿರ್ದೇಶಕರ ಪಟ್ಟಿಗೆ ಅವರೂ ಸೇರಬಹುದು ಎಂಬುದನ್ನು ಸಾಬೀತುಪಡಿಸಿದೆ." ಅವರು "ಉತ್ತಮ ಸ್ಕ್ರಿಪ್ಟ್ , [ಗುರುರಾಜ್] ಅವರ ಅಭಿವ್ಯಕ್ತಿ ಮತ್ತು ಸಂಭಾಷಣೆಯ ಪ್ರಬುದ್ಧ ಅಭಿನಯ ,ಸಂಗೀತ ಮತ್ತು ಛಾಯಾಗ್ರಹಣ" ಗಳನ್ನು ಹೊಗಳಿದರು,. ರೆಡಿಫ್‌ನ ಶ್ರೀಕಾಂತ್ ಶ್ರೀನಿವಾಸ ಅವರು ಚಲನಚಿತ್ರಕ್ಕೆ 2.5/5 ನೀಡಿದರು, " ತಂಗಾಳಿಯಂಥ ನಿರೂಪಣೆ ಮತ್ತು ಕೆಲವು ಆಶ್ಚರ್ಯಕರವಾಗಿ ಚೆನ್ನಾಗಿ ಚಿತ್ರೀಕರಿಸಿದ ದೃಶ್ಯಗಳು ಮತ್ತು ನುಣುಪಾದ ಸಂಕಲನಕ್ಕಾಗಿ ವೀಕ್ಷಿಸಲು ಗುರು ಚಿತ್ರವು ಯೋಗ್ಯವಾಗಿದೆ" ಎಂದು ಪ್ರತಿಕ್ರಿಯಿಸಿದ್ದಾರೆ. ಆದಾಗ್ಯೂ ನ್ಯೂಸ್‌ಟ್ರಾಕ್‌ಇಂಡಿಯಾ ಚಲನಚಿತ್ರವನ್ನು 2/5 ರೇಟ್ ಮಾಡಿದೆ ಮತ್ತು ಚಿತ್ರವು ನಿರೀಕ್ಷೆಗೆ ತಕ್ಕಂತೆ ಇಲ್ಲ, ಆದರೆ ಒಮ್ಮೆ ನೋಡಬಹುದಾಗಿದೆ ಎಂದು ಹೇಳಿತು.

ಬಾಹ್ಯ ಕೊಂಡಿಗಳು

• ಗುರು @ ಐ ಎಮ್ ಡಿ ಬಿ