ಗಾವಳಿ, ಉಡುಪಿ

 

ಗಾವಳಿಯು ಕರ್ನಾಟಕ ರಾಜ್ಯದ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನಲ್ಲಿರುವ ಒಂದು ಗ್ರಾಮವಾಗಿದ್ದು, ಇಲ್ಲಿ ಇತಿಹಾಸಪೂರ್ವ ಶಿಲಾ ಚಿತ್ರಗಳು ಕಂಡುಬರುತ್ತವೆ.

ಪುರಾತತ್ವ ಸಂಶೋಧನೆಗಳು

ಗಾವಳಿಯ ಗ್ರಾಮದೇವತೆ ಬ್ರಹ್ಮಸ್ಥಾನ ದೇವಾಲಯದ ಸಮೀಪ ಬಂಡೆಯ ಮೇಲೆ ಕಲ್ಲಿನ ರೇಖಾಚಿತ್ರಗಳು ಕೆತ್ತನೆಯ ರೂಪದಲ್ಲಿವೆ. ಭಾರತೀಯ ಮೂಲದ್ದೇ ಆಗಿರುವ ಅಮೆರಿಕಾದ 'ಬ್ರಹ್ಮನ್' ಹಸುವಿನ ಆಕೃತಿಯನ್ನು ಬಂಡೆಯ ಮೇಲೆ ಕೆತ್ತಲಾಗಿದೆ ಮತ್ತು ಈ ರೇಖಾ ರೇಖಾಚಿತ್ರವನ್ನು ರಂಗೋಲಿ ರೇಖಾಚಿತ್ರಗಳಿಗೆ ವಿಸ್ತರಿಸಲಾಗಿದೆ. ಬಂಡೆಗಳ ಮೇಲೆ ಇದೇ ರೀತಿಯ ಕೆತ್ತನೆಯ ರೇಖಾಚಿತ್ರಗಳು ಹಿರೇ ಬೆಣಕಲ್, ಬಳ್ಳಾರಿ ಜಿಲ್ಲೆಯ ರಾಂಪುರ, ಉತ್ತರ ಕನ್ನಡ ಜಿಲ್ಲೆಯ ಸೋಂದಾದಲ್ಲಿ ಕಂಡುಬರುತ್ತವೆ.

ಈ ಸ್ಥಳದಲ್ಲಿ ಹೊಸ ಶಿಲಾಯುಗಕ್ಕೆ ಸೇರಿದ ಒಂದು ಬದಿಯ ಆಯುಧದ ರೂಪದಂತೆ ಕಾಣಿಸುವ ಕಲ್ಲಿನ ಉಪಕರಣಗಳು ಮತ್ತು ಮರಳುಗಲ್ಲಿನ ಆಯುಧಗಳು ಕಂಡುಬಂದಿವೆ. ಇಂತಹ ಆಯುಧಗಳನ್ನು ಡೊಲೊರೈಟ್ ಕಲ್ಲಿನಿಂದ ತಯಾರಿಸಲಾಗುತ್ತದೆ ಮತ್ತು ಅವುಗಳು ಉತ್ತಮವಾದ ಮೇಲ್ಮೈಯನ್ನು ಹೊಂದಿರುತ್ತದೆ ಮತ್ತು ಈಟಿಯನ್ನು ಹೋಲುತ್ತದೆ.

ಕ್ರಿಸ್ತಪೂರ್ವ ೮೦೦-೬೦೦ ಇಸವಿಯದ್ದೆಂದು ಗುರುತಿಸಲಾದ, ಸಮುದ್ರಮಟ್ಟದಿಂದ 250 ಅಡಿ ಎತ್ತರದಲ್ಲಿ ಸ್ಥಿತಗೊಂಡಿರುವ ಈ ಸ್ಥಳವನ್ನು ಪ್ರಸಿದ್ಧ ಇತಿಹಾಸಕಾರ ಡಾ.ಎ.ಸುಂದರ ಅವರು ಗುರುತಿಸಿರುತ್ತಾರೆ. ಇಲ್ಲಿ ಕಂಡುಬಂದಿರುವ ಕಲ್ಲಿನ ಆಯುಧಗಳು ಕ್ರಿ.ಪೂ. 2000-1500 BCE ರಷ್ಟು ಹಳೆಯದ್ದೆಂದೂ ಗುರುತಿಸಲಾಗಿದೆ.

ಉಡುಪಿ ಜಿಲ್ಲೆಯಲ್ಲಿ ಕಂಡುಬರುವ ಮಧ್ಯಶಿಲಾಯುಗದ ತಾಣಗಳಾದ ಅವರ್ಸೆ, ಮಸಿಕೆರೆ, ಗುಡ್ಡೆಟ್ಟು, ಕೊಳನಕಲ್ಲು, ನಂಚಾರು, ಪೇತ್ರಿ ಸಮೀಪದ ಸಾಸ್ತಾವು ಇತ್ಯಾದಿಗಳ ಪಟ್ಟಿಯಲ್ಲಿ ಗಾವಳಿಯನ್ನೂ ಸೇರಿಸಲಾಗಿದೆ.

ಈ ಪುಟವನ್ನೂ ನೋಡಿ

• ಸೋಂದಾ, ಕರ್ನಾಟಕ

ಬಾಹ್ಯ ಕೊಂಡಿಗಳು

• ಗಾವಳಿಯಲ್ಲಿ ದೊರೆತ ಕಲ್ಲಿನ ಉಪಕರಣಗಳ ಚಿತ್ರ