ಕುಡಿಯರ ಕುಣಿತ

ದಕ್ಷಿಣ ಕನ್ನಡ, ಕೊಡಗು, ಚಿಕ್ಕಮಗಳೂರು ಜಿಲ್ಲೆಗಳ ಪರ್ವತ ಶ್ರೇಣಿಯಲ್ಲಿ ವಾಸವಾಗಿರುವ ಮಲೆಯನ್, ಕುಡಿಯನ್, ಈಡಿಗ, ಮಲೆಕುಡಿಯ ಮುಂತಾದವುಗಳಿಂದ ಕರೆಯಲ್ಪಡುವ ಜನಾಂಗದವರು ಮಾಡುವ ಕುಣಿತವನ್ನು ಕುಡಿಯರ ಕುಣಿತ ಎಂದು ಗುರಿತಿಸಲಾಗಿದೆ. ಈ ಕುಣಿತವನ್ನು ಮಾಡುವ ಜನಾಂಗದವರು ಕರ್ಣಾಟಕದ ಆಗುಂಬೆಯಿಂದ ಬ್ರಹ್ಮಗಿರಿಯವರೆಗಿರುವ ಪರ್ವತ ಶ್ರೇಣಿಯಲ್ಲಿ ವಾಸಿಸುತ್ತರೆ ಹಾಗು ಅವರು ಆಯಾಯ ಪ್ರದೇಶದ ಭಾಷೆಗಳನ್ನು ತಮ್ಮದೆ ರೀತಿಯಲ್ಲಿ ಮಾತನಾಡುತ್ತಾರೆ.

ವಿಧಗಳು

ಕುಡಿಯರನ್ನು ನಾಲ್ಮ‌ಲೆ ಕುಡಿಯರು ಹಾಗೂ ಮೂರುಮಲೆ ಕುಡಿಯರೆಂದು ಗುರಿತಿಸಲಾಗಿದೆ. ದಕ್ಷಿಣ ಕನ್ನಡದ ಕುಡಿಯರು ನಾಲ್ಕು ಮಲೆಯವರಾದರೆ, ಕೊಡಗಿನವರು ಮೂರುಮಲೆಯವರು. ಘಟ್ಟದ ಮೇಲಿನವರನ್ನು ಕುಡಿಯರೆಂದೂ ಹಾಗೂ ಕೆಳಗಿನವರನ್ನು ಮಲೆಕುಡಿಯರೆಂದೂ ಕರೆಯಲಾಗುತ್ತದೆ.

ಪ್ರದರ್ಶ‌ನ

ಈ ಕಲೆಯನ್ನು ಪ್ರದರ್ಶಿಸುವವರು ಗಂಡಸರು ಮತ್ತು ಹೆಂಗಸರು ಮತ್ತು ಕೆಲವೊಮ್ಮೆ ಪ್ರತೇಕವಾಗಿ ಗಂಡಸರು ಪ್ರತ್ಯೇಕವಾಗಿ ಪ್ರದರ್ಶಿಸುವುದುಂಟು. ಈ ಪ್ರದರ್ಶನವನ್ನು ಗಂಡಸರು ಕೊಡವ ರೀತಿಯಲ್ಲಿ ನಿಲುವಂಗಿ, ಪಾಯಿಜಾಮ, ನಡುವಿಗೆ ವಸ್ತ್ರ, ತಲೆಗೆ ಪೇಟ ತೊಟ್ಟು ಸಿಧ್ಧರಾದರೆ, ಹೆಂಗಸರು ಉಡುವ ಉಡುಪುಗಳು ಕೊಡವ ಮಹಿಳೆಯು ಉಡುವ ದೈನಂದಿಕ ಉಡುಪುಗಳಂತೆ ಕಾಣತೋರುತ್ತವೆ. ಇನ್ನು ಈ ಪ್ರದರ್ಶನವನ್ನು ಮಾಡುವ ಇವರು ಎರಡೂ ತೋಳುಗಳನ್ನು ಎತ್ತಿ, ಕೈಯನ್ನು ಬಾಗಿಸುತ್ತಾ ಬಗ್ಗಿ, ಎದ್ದು, ಹಿಂದೆ-ಮುಂದೆ ತಿರುಗುತ್ತಾ ಆಕರ್ಶಕವಾಗಿ ನರ್ತಿಸುತ್ತರೆ ಹಾಗೂ ಹಿಮ್ಮೇಳವಾಗಿ ಒಂದು ಸದಸ್ಯ ಡೋಲನ್ನು ನುಡಿಸುತ್ತಾನೆ. ಈ ಕುಣಿತವು ಕೊಡವರ ಕೋಬಾಟ್, ಪಿಲಿಯಾಟ್‌ಗಳಂತೆ ಕಂಡುಬರುವುದಾದರೂ ಬಿರುಸಾದ ನರ್ತನ ಇಲ್ಲಿ ವಿಶೇಷ.

ಉಲ್ಲೇಖ

೧.ದಸರಾ ಮೆರವನಿಗೆಯಲ್ಲಿ ಕುಡಿಯರ ಕುಣಿತ ಪ್ರದರ್ಶನ[https://www.deccanherald.com/state/srirangapatna-dasara-throwback-698368.html