ಅಕ್ಷಯ ಪಾತ್ರ ಫೌಂಡೇಶನ್

ಅಕ್ಷಯ ಪಾತ್ರ ಫೌಂಡೇಶನ್ ಬೆಂಗಳೂರು, ಕರ್ನಾಟಕ, ಭಾರತದಲ್ಲಿ ಇರುವ ಅಂತಾರಾಷ್ಟ್ರೀಯ ಕೃಷ್ಣ ಸಂಸ್ಥೆ (ಐಎಸ್‌ಕೆಸಿಓಎನ್‌) ಯ ಲಾಭರಹಿತ ಸಂಸ್ಥೆ ಆಗಿದೆ. ಈ ಸಂಸ್ಥೆ ಭಾರತದಲ್ಲಿ ಮಧ್ಯಾಹ್ನ ಊಟದ ಯೋಜನೆಯನ್ನು (ಶಾಲಾ ಮಧ್ಯಾಹ್ನ ಆಹಾರ ಕಾರ್ಯಕ್ರಮ) ನಿರ್ವಹಿಸುತ್ತದೆ..

ಅಕ್ಷಯ ಪಾತ್ರ ಫೌಂಡೇಶನ್

Founded	೨೦೦೦
ಶೈಲಿ	ಲಾಭರಹಿತ ಸಂಸ್ಥೆ
ಸ್ಥಳ	ಬೆಂಗಳೂರು, ಕರ್ನಾಟಕ, ಭಾರತ ಅಡಿಗೆಮನೆಗಳು - ಆಂಧ್ರ ಪ್ರದೇಶ, ಅಸ್ಸಾಂ, ಛತ್ತೀಸ್‌ಗಢ, ಗುಜರಾತ್, ಕರ್ನಾಟಕ, ಒಡಿಶಾ, ರಾಜಸ್ಥಾನ, ತಮಿಳುನಾಡು, ತೆಲಂಗಾಣ, ಉತ್ತರ ಪ್ರದೇಶ
Products	ಮಧ್ಯಾಹ್ನದ ಊಟ
Revenue	ಸರ್ಕಾರಿ ಅನುದಾನ ದೇಣಿಗೆಗಳು
ಅಧಿಕೃತ ಜಾಲತಾಣ	http://www.akshayapatra.org/ https://www.akshayapatrausa.org

ಮಧ್ಯಾಹ್ನದ ಊಟದ ಕಾರ್ಯಕ್ರಮ

ಶಾಲೆಗಳಲ್ಲಿ ಮಧ್ಯಾಹ್ನ ಊಟದ ಯೋಜನೆ

ಅಕ್ಷಯ ಪಾತ್ರವು ಭಾರತದ ಕೇಂದ್ರ ಸರ್ಕಾರದ ಅತಿದೊಡ್ಡ ಪಾಲುದಾರವಾಗಿದೆ, ಇದು ಭಾರತದಲ್ಲಿ ಸರ್ಕಾರದಿಂದ ನಡೆಸುವ ಶಾಲೆಗಳಲ್ಲಿ ಮಧ್ಯಾಹ್ನದ ಊಟದ ಯೋಜನೆಯನ್ನು ಜಾರಿಗೆ ತರುತ್ತದೆ. ಈ ಯೋಜನೆಯು ಸಾರ್ವಜನಿಕ-ಖಾಸಗಿ ಪಾಲುದಾರಿಕೆಯ ಆಧಾರದ ಮೇಲೆ ನಿರ್ಮಿಸಲಾಗಿದೆ.

ಸಂಸ್ಥೆ

ಅಕ್ಷಯ ಪಾತ್ರ ಫೌಂಡೇಶನ್ (ಎಪಿಎಫ್) ಅನ್ನು ಇಂಟರ್ನ್ಯಾಷನಲ್ ಸೊಸೈಟಿ ಫಾರ್ ಕೃಷ್ಣ ಕಾಂಶಿಯಸ್‌ನೆಸ್ (ಐಎಸ್‌ಕೆಸಿಓಎನ್‌), ಬೆಂಗಳೂರು ನಡೆಸುತ್ತಿದೆ. ಈ ಸಂಸ್ಥೆಯನ್ನು ೨೦೦೦ರಲ್ಲಿ ಸ್ಥಾಪಿಸಲಾಯಿತು.

ಪ್ರತಿಷ್ಠಾನದ ಕಾರ್ಯಗಳಲ್ಲಿ ಬದಲಾವಣೆ

೨೦೨೦ ರಲ್ಲಿ, ಎಪಿಎಫ್ (ಅಕ್ಷಯ ಪಾತ್ರ ಫೌಂಡೇಶನ್)‌ನ ಸ್ವತಂತ್ರ ನಿಭಾಯಕರ ಪೈಕಿ ನಾಲ್ವರು ಫೌಂಡೇಶನ್ ನ ನಿಧಿ ದುರುಪಯೋಗ ಮತ್ತು ಎಪಿಎಫ್‌ನಲ್ಲಿನ ಆಡಳಿತ ಸಮಸ್ಯೆಗಳ ಆರೋಪಗಳನ್ನು ಮಾಡಿ ರಾಜೀನಾಮೆ ನೀಡಿದರು.

1. ಮಾಜಿ ಇನ್ಫೋಸಿಸ್ ನಾಯಕ ಟಿ.ವಿ.ಮೋಹನ್ ದಾಸ್ ಪೈ;
2. ಮಣಿಪಾಲ್ ಶಿಕ್ಷಣ ಮತ್ತು ವೈದ್ಯಕೀಯ ಗುಂಪಿನ ಸಲಹೆಗಾರ ಅಭಯ್ ಜೈನ್;
3. ಮಾಜಿ ಇನ್ಫೋಸಿಸ್ ಸಿಎಫ್‌ಓ ವಿ ಬಾಲಕೃಷ್ಣನ್ ಮತ್ತು
4. ಕ್ರೈಸ್ ಕ್ಯಾಪಿಟಲ್ ರಾಜ್ ಪಿ. ಕೊಂಡೂರಿನ ಸಹ ಸಂಸ್ಥಾಪಕ

ಏತನ್ಮಧ್ಯೆ, ಕಾರ್ಯಕರ್ತರು ಮತ್ತು ಸಂಬಂಧಪಟ್ಟ ನಾಗರಿಕರು ಕಳೆದ ೨೦ ವರ್ಷಗಳಲ್ಲಿ ೩.೩ ಶತಕೋಟಿ ಊಟವನ್ನು ಬಡಿಸಿದ ಮಧ್ಯಾಹ್ನದ ಊಟದ ಕಾರ್ಯಕ್ರಮದ ಭವಿಷ್ಯದ ಬಗ್ಗೆ ಆತಂಕವನ್ನು ವ್ಯಕ್ತಪಡಿಸುತ್ತಿದ್ದಾರೆ. ದೇಶದಾದ್ಯಂತ ೧೯,೦೦೦ ಕ್ಕೂ ಹೆಚ್ಚು ಶಾಲೆಗಳ ವಿದ್ಯಾರ್ಥಿಗಳು ಎಪಿಎಫ್ (ಅಕ್ಷಯ ಪಾತ್ರ ಫೌಂಡೇಶನ್)‌ ನಿಂದ ಆಹಾರವನ್ನು ಸ್ವೀಕರಿಸುತ್ತಾರೆ, ಇದು ಆರೋಗ್ಯಕರ ಗುಣಮಟ್ಟವೆಂದು ಪರಿಗಣಿಸಲ್ಪಟ್ಟಿದೆ ಮತ್ತು ಈ ಕಾರ್ಯಕ್ರಮವು ವಿಶ್ವದಲ್ಲೇ ಅತಿ ದೊಡ್ಡದಾಗಿದೆ. ಕಾರ್ಯಕ್ರಮವು ವಿವಾದಾಸ್ಪದವಾಗಿದೆ, ಏಕೆಂದರೆ ಇದು ಸಸ್ಯಾಹಾರಿ ಸಾತ್ವಿಕ್ ಆಹಾರವನ್ನು (ಈರುಳ್ಳಿ ಮತ್ತು ಬೆಳ್ಳುಳ್ಳಿ ಇಲ್ಲದೆ) ನೀಡುತ್ತದೆ ಮತ್ತು ಅದರ ಪೌಷ್ಟಿಕಾಂಶದ ಮೌಲ್ಯ ಮತ್ತು ನಿರ್ದಿಷ್ಟ ಆಹಾರವನ್ನು ತಳ್ಳುವ ಪ್ರಯತ್ನಕ್ಕಾಗಿ ಅನೇಕರಿಂದ ಪ್ರಶ್ನಿಸಲ್ಪಟ್ಟಿದೆ.

ಇತರೆ ಉಪಕ್ರಮಗಳು

ಅಕ್ಷಯ ಪತ್ರ ಅಡಿಗೆಮನೆ

ಅಕ್ಷಯ ಪಾತ್ರದ ಅಡಿಗೆಗಳು ಪ್ರತಿ ದಿನ ಸುಮಾರು ೩೫೦ ಕಿಲೋಗ್ರಾಂಗಳಷ್ಟು ಸಾವಯವ ತ್ಯಾಜ್ಯವನ್ನು ಉತ್ಪಾದಿಸುತ್ತವೆ. ಲ್ಯಾಂಡ್‌ಫಿಲ್‌ಗೆ ಹೋಗುವ ತ್ಯಾಜ್ಯದ ಪ್ರಮಾಣವನ್ನು ಕಡಿಮೆ ಮಾಡಲು, ಪ್ರತಿಷ್ಠಾನವು ತನ್ನ ಕೆಲವು ಅಡಿಗೆಮನೆಗಳಲ್ಲಿ ಬಯೋಗ್ಯಾಸ್ ಪ್ಲಾಂಟ್‌ಗಳನ್ನು ಸ್ಥಾಪಿಸಿದೆ. ಈ ಪ್ರಯತ್ನವು ೨೦೧೬ ನೇ ಏಪ್ರಿಲ್ ೨೨ ರಂದು ಭೂಮಿಯ ದಿನದಂದು (Earth Day) ಬಳ್ಳಾರಿ ಮತ್ತು ವಸಂತಪುರ (ಬೆಂಗಳೂರು) ನಲ್ಲಿ ಕೇಂದ್ರೀಕೃತ ಭೋಜನಶಾಲೆಗಳೊಂದಿಗೆ ಪ್ರಾರಂಭವಾಯಿತು. ಮತ್ತು ಈಗ ದೇಶದಾದ್ಯಂತ ಆರು ಅಡುಗೆಮನೆಗಳಿಗೆ ವಿಸ್ತರಿಸಿದೆ. ದಿನಕ್ಕೆ ೧ ಟನ್ ಸಾವಯವ ತ್ಯಾಜ್ಯವನ್ನು (ಟಿಪಿಡಿ) ಸಂಸ್ಕರಿಸುವ ಸಾಮರ್ಥ್ಯವಿರುವ ಜೈವಿಕ ಅನಿಲ ಸ್ಥಾವರಗಳು ೩೦ ಕಿಲೋಗ್ರಾಂಗಳಷ್ಟು ಎಲ್‌ಪಿ‌ಜಿ ಯ ಸಮಾನವಾದ ೧೨೦ ರಿಂದ ೧೫೦ ಎಮ್‌³ ಜೈವಿಕ ಅನಿಲವನ್ನು ಉತ್ಪಾದಿಸುತ್ತವೆ. ಈ ಅನಿಲವನ್ನು ಅಡುಗೆಮನೆಯ ಅಡುಗೆ ಕಾರ್ಯಾಚರಣೆಗಳಲ್ಲಿ ಬಳಸಲಾಗುತ್ತದೆ ಮತ್ತು ತಿಂಗಳಿಗೆ ಎಪಿ‌ಎಫ್ INR ೩೮,೫೦೦ ಉಳಿಸುತ್ತದೆ. ಇದು ಅಡುಗೆಗೆ ಅಗತ್ಯವಿರುವ ಒಟ್ಟು ಶಕ್ತಿಯ ಬಳಕೆಯಲ್ಲಿ ಸುಮಾರು ೧೦% ರಷ್ಟು ಉಳಿತಾಯಕ್ಕೆ ಅನುವಾದಿಸುತ್ತದೆ.

ಎಪಿಎಫ್ ತನ್ನ ಕೆಲವು ಅಡಿಗೆಮನೆಗಳಲ್ಲಿ ಸೌರ ದ್ಯುತಿವಿದ್ಯುತ್‌ಜನಕ್ ವ್ಯವಸ್ಥೆಗಳನ್ನು ಸ್ಥಾಪಿಸಿದೆ. ಹವಾಮಾನದ ಆಧಾರದ ಮೇಲೆ ಈ ವ್ಯವಸ್ಥೆಗಳು ದಿನಕ್ಕೆ ೮೦-೧೦೦ ಯೂನಿಟ್ ವಿದ್ಯುತ್ ಉತ್ಪಾದಿಸುತ್ತವೆ ಮತ್ತು ಈ ಶಕ್ತಿಯನ್ನು ದಿನದಲ್ಲಿನ ಶಕ್ತಿ ಆವಶ್ಯಕತೆಗೆ ಪೂರೈಸುತ್ತದೆ. ಉದಾಹರಣೆಗೆ ಬೆಂಗಳೂರು ವಾಸ್ತವಿಕವಾಗಿ ೧೦ ಕೆಡ್ಬ್ಲೂವಿದ್ಯುತ್ ಶಕ್ತಿಯನ್ನು ಉತ್ಪನ್ನಿಸುವುದು ಮತ್ತು ಇದು ಪೂರ್ಣವಾಗಿ ಬಳಸಲಾಗುತ್ತದೆ ಮತ್ತು ಇದು ಸುಮಾರು ಸಂಪೂರ್ಣ ಸೇವೆಗೆ ಬಳಸಲ್ಪಡುತ್ತದೆ ಆದರೆ ಸೂರತ್ ಸ್ಥಾವರವು ೧೨ ಕೆಡ್ಬ್ಲೂ ಶಕ್ತಿಯನ್ನು ಉತ್ಪಾದಿಸುತ್ತದೆ

ಕೋವಿಡ್-೧೯ ಲಾಕ್‌ಡೌನ್ ಘೋಷಿಸಿದ ನಂತರ, ವಲಸೆ ಕಾರ್ಮಿಕರಿಗೆ ಆಹಾರ ನೀಡಲು ಅಕ್ಷಯಪಾತ್ರ ಆಹಾರ ಕಾರ್ಯಕ್ರಮವನ್ನು ಪ್ರಾರಂಭಿಸಿತು. ಅವರು ಊಟವನ್ನು ಹಾಗೂ ಒಣ ದಿನಸಿ ಕಿಟ್‌ಗಳನ್ನು ಒದಗಿಸಿದರು.

ಪ್ರಶಸ್ತಿಗಳು

• ೨೦೧೯ ರಲ್ಲಿ, ಎಪಿಎಫ್ ಬಿಬಿಸಿಯ ಗ್ಲೋಬಲ್ ಫುಡ್ ಚಾಂಪಿಯನ್ ಪ್ರಶಸ್ತಿಯನ್ನು ಸ್ವೀಕರಿಸಿದೆ.

ಸಹ ನೋಡಿ

• ಭಾರತದಲ್ಲಿ ಅಪೌಷ್ಟಿಕತೆ

ಬಾಹ್ಯ ಕೊಂಡಿಗಳು

• ಅಕ್ಷಯ ಪಾತ್ರ ಫೌಂಡೇಶನ್ - ಅಧಿಕೃತ ವೆಬ್‌ಸೈಟ್
• "ಆಕ್ಷಯಪಾತ್ರ: ಶಾಲಾ ಹಸಿವನ್ನು ಹೋರಾಡುವಲ್ಲಿ ನಾಯಕತ್ವ - ಆಕ್ಷಯಪಾತ್ರ ಕುರಿತ ಅಧ್ಯಯನ"