Gopala Krishna A

• ಶ್ರೀ ಪೊನ್ನೀಮನೆ ಅಯ್ಯಪ್ಪ ಬೇಟೆಚಾಮುಂಡಿ ದೈವಸ್ಥಾನ...*

ಸುಮಾರು 800 ವರ್ಷಗಳ ಪುರಾತನ ಇತಿಹಾಸ ಹೊಂದಿರುವ ವಿರಾಜಪೇಟೆಯ ತಾಲೂಕು ಬಿಟ್ಟಂಗಾಲ ಗ್ರಾಮದ ಶ್ರೀ ಪೊನ್ನೀಮನೆ ಅಯ್ಯಪ್ಪ ಬೇಟೆಚಾಮುಂಡಿ ದೈವಸ್ಥಾನ... ಈ ಕ್ಷೇತ್ರಕ್ಕೆ ಸುಮಾರು ಎಂಟುನೂರು ವರ್ಷಗಳ ಇತಿಹಾಸವಿದೆ, (ಅಂದರೆ ಸುಮಾರು 21 ತಲೆಮಾರು) ಕ್ಷೇತ್ರದ ಹೆಸರಿನಲ್ಲೇ ಒಂದು ರೀತಿಯ ಭಯ ಭಕ್ತಿ. ಇದು ನಮ್ಮ ಶಕ್ತಿಶಾಲಿ ಪುಣ್ಯ ಕ್ಷೇತ್ರ ಮತ್ತು ಅತ್ಯಂತ ಕಾರ್ಣಿಕದ ದೈವಸ್ಥಾನ ಎಂಬುವುದರಲ್ಲಿ ಎರಡು ಮಾತಿಲ್ಲ.

ಕ್ಷೇತ್ರದಲ್ಲಿ ಪ್ರದಾನ ದೈವಗಳಾಗಿ ಪೊನ್ನಿಮನೆ ಅಯ್ಯಪ್ಪ ಹಾಗೂ ಬೇಟೆಚಾಮುಂಡಿ ನೆಲೆಯಾಗಿರುವ ಹಚ್ಚ ಹಸಿರು ದಟ್ಟ ಕಾಡಿನ ಮಧ್ಯ ಈ ಒಂದು ಕ್ಷೇತ್ರವಿದೆ. ಇಲ್ಲಿ ಪ್ರತಿ ವರ್ಷ ಏಪ್ರಿಲ್‍ 8 ಮತ್ತು 9ರಂದು ಎರಡು ದಿನ ದೈವದ ಕೋಲ ನಡೆಯುತ್ತದೆ. ದೈವದ ಕೋಲ ನಡೆಯುವ ಮೊದಲ ದಿನ ಅಂದು ರಾತ್ರಿ ದೇವ ತಕ್ಕರ ಮನೆಯಿಂದ ಭಂಡಾರ ಇಳಿಸುತ್ತಾರೆ (ದೈವಸ್ಥಾನಕ್ಕೆ ದೇವರ ಹುಂಡಿಯನ್ನು ತರುವುದು) ಉತ್ಸವದಲ್ಲಿ ಊರಿನ ಸಹಸ್ರಾರು ಭಕ್ತರು ಬಂದು ದೇವರ ಹರಕೆ ಸೇವೆ ಮತ್ತು ದರ್ಶನ ಪಡೆದು ಪುನೀತರಾಗುತ್ತಾರೆ.