ಸದಸ್ಯ:Deeksha Sudhindra/WEP

ಪರಿಹಾರ ಪತ್ರಿಕೋದ್ಯಮ

ದಿನಪತ್ರಿಕೆಗಳು ನಮ್ಮ ಜೀವನದಲ್ಲಿ ಪ್ರಮುಖವಾದ ಅಂಗ

ಪೀಠಿಕೆ

ಪತ್ರಿಕೋದ್ಯಮದಲ್ಲಿ ಹಲವಾರು ವಿಧಗಳಿವೆ. ಪರಿಹಾರ ಪತ್ರಿಕೋದ್ಯಮ ಪತ್ರಿಕೋದ್ಯಮದ ಕ್ಷೇತ್ರದಲ್ಲಿ ಒಂದು ಹೊಸ ಆವಿಷ್ಕಾರವಾಗಿ ಕಂಡುಬರುತ್ತದೆ. ಈ ತರಹದ ವರದಿ ಬರವಣಿಗೆ ಸಮಸ್ಯೆಗಳನ್ನು ಬಿಟ್ಟು ಅದರ ಪರಿಹಾರಗಳ ಮೇಲೆ ಗಮನ ಹರಿಸಲು ಯತ್ನಿಸುತ್ತದೆ. ಸಾಧಾರಣವಾಗಿ ಕಂಡುಬರುವ ಸಾಮಾಜಿಕ ಸಮಸ್ಯೆಗಳನ್ನು ಪುನಃ ಓದುಗರರಿಗೆ ತಿಳಿಸುವ ಬದಲು, ಅದನ್ನು ಸರಿ ಮಾಡಲು ಜನರು ಮಾಡುತ್ತಿರುವ ಪ್ರಯತ್ನಗಳ ಬಗ್ಗೆ ಹಾಗೂ ಈ ಸಮಸ್ಯೆಗಳ ಪರಿಹಾರಗಳ ಮೌಲ್ಯಾಪನೆಯನ್ನು ಮಾಡಿ ಪ್ರಕಟಿಸುವ ಕಥೆಗಳನ್ನು ಪರಿಹಾರ ಪತ್ರೊಕೋದ್ಯಮ ಕಥೆಗಳೆಂದು ಕರೆಯುವರು. ಪರಿಹಾರ ಪತ್ರಿಕೋದ್ಯಮದ ವರದಿಗಳು ಸುಮಾರು ೧೯೯೮ರ ಕಾಲದಲ್ಲಿ ಮೊದಲಿಗೆ ಬರೆಯಲ್ಪಟ್ಟವು.

ಇಂತಹ ಅಪರೂಪದ ದ್ರಿಷ್ಟಿಕೋನದಿಂದ ವರದಿಗಳನ್ನು ಬರೆಯುವುದರಿಂದ ಓದುವರಿಗೆ ವಿಷಯಗಳ ಬಗ್ಗೆ ಸಮಗ್ರ ಮಾಹಿತಿ ನೀಡಿ, ನಿಜ ಚಿತ್ರಣ ನೀಡಬಹುದು. ಈ ರೀತಿ ಬರೆಯುವದರಿಂದ ನಾಗರಿಕರಲ್ಲಿ ಪರಿಣಾಮಕಾರಿ ಪೌರತ್ವವನ್ನೂ ಬೆಳೆಸಬಹುದು. ದಿನನಿತ್ಯದ ಸಾಮಾಜಿಕ, ನೈತಿಕ, ರಾಜಕೀಯ, ಆರ್ಥಿಕ ಕಷ್ಟಗಳಿಗೆ ಹಲವಾರು ಜನರು ಹಾಗೂ ಸಂಸ್ಥೆಗಳಿಂದ ಮೂಡಿ ಬರುವ ಪ್ರತಿಕ್ರಿಯೆಗಳನ್ನು ವಿಶ್ಲೇಷಿಸಿ ಜನರಿಗೆ ತಾವು ಆ ಸಮಸ್ಯೆಯ ಬಗ್ಗೆ ಎಚ್ಚೆತ್ತುಕೊಂಡು ಕ್ರಿಯಾಶೀಲರಾಗುವುದಕ್ಕೆ ಹುರುಪು ನೀಡುತ್ತದೆ. ಮಾಹಿತಿ ಹರಡುವಿಕೆಗೆ ಪರಿಹಾರ ಪತ್ರಿಕೋದ್ಯಮ ಬಹಳ ಉಪಕಾರಿ. ಈ ಕಥೆಗಳನ್ನು ಓದಿ ಜನರು ತಮ್ಮ ಸಮುದಾಯದವರ ಜೊತೆ ಸೇರಿ ರಾಜಕರಣಿಗಳ ಜೊತೆ ಅಥವ ಸಮಾಜ ಸುಧಾಕರರೊಡನೆ ಕೈ ಜೋಡಿಸಿ ದೇಶೋದ್ಧಾರಕ ಕಾರ್ಯಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳಬಹುದು. ಕೇವಲ ಸಮಾಜದ ಕೊರತೆಗಳನ್ನು ಕುರಿತು ವರದಿಗಳನ್ನು ಬರೆಯುವದರಿಂದ ಸುಮಾರು ಜನ ಅಸಹಾಯಕತೆ ವ್ಯಕ್ತಪಡಿಸಿ ಅಸಡ್ಡೆ ತೋರುವ ಸಾಧ್ಯತೆ ಬಹಳ. ದಿನಪತ್ರಿಕೆಗಳನ್ನು ಓದುವ ಅಭ್ಯಾಸವನ್ನೇ ಬಿಡುವ ಸಂದರ್ಭವವೂ ಬರಬಹುದು. ಪರಿಹಾರ ಪತ್ರಿಕೋದ್ಯಮದಿಂದ ಪ್ರಜಾಪ್ರಭುತ್ವದಲ್ಲಿ ಜನರ ಭಾಗವಹಿಸುವಿಕೆ ಹೆಚ್ಚುವುದು. ಪರಿಹಾರ ಪತ್ರಿಕೋದ್ಯಮ ವರದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹಬ್ಬುವ ಸಾಧ್ಯತೆ ಮಹತ್ತರವಾದದ್ದು. ಮುಖ್ಯ ವಿಷಯಗಳ ಬಗ್ಗೆ ಜನರಲ್ಲಿ ಕುತೂಹಲ ಹುಟ್ಟಿಸುವುದರಲ್ಲಿ ಪರಿಹಾರ ಪತ್ರಿಕೋದ್ಯಮ ಬಹಳ ಉಪಕಾರಿಯಾಗುತ್ತದೆ. ಒಂದು ದೇಶದ ಸಮಾನ್ಯ ಜನರನ್ನು ಪ್ರಮುಖ ಚಳುವಳಿಗಳಲ್ಲಿ ಸೇರಿಸಿಕೊಳ್ಳಲು ಒಳ್ಳೆಯ ಮಾರ್ಗ

ಇತಿಹಾಸ

೨೦೧೦ರಲ್ಲಿ ರಾಬೆರ್ಟ್ ಕೊಸ್ಟನ್ಜ಼ ಹಾಗೂ ಡೇವಿಡ್ ಓರ್ 'ಸೊಲ್ಯುಶನ್ಸ್' ಎಂಬ ಪ್ರಕಟಣೆಯನ್ನು ಪ್ರಾರಂಭಿಸಿದರು. ಈ ಪತ್ರಿಕೆಯಲ್ಲಿ ಎಲ್ಲ ವರದಿಗಳಲ್ಲಿ ಶೇಕಡ ೭೦ ಪ್ರತಿಶತ್ತು ಪರಿಹಾರಗಳ ಕುರಿತಾಗಿ ಇದ್ದು, ಬರಿ ಶೇಕಡ ೩೦ ಪ್ರತಿಶತ್ತು ಸಮಸ್ಯೆಯ ಬಗ್ಗೆ ಕುರಿತಾಗಿ ಇರಬೇಕೆಂಬ ನಿಯಮವನ್ನು ಜಾರಿಗೆ ತಂದು, ಪರಿಹಾರ ಪತ್ರಿಕೋದ್ಯಮವನ್ನು ಉಪಯೋಗಿಸಿದರು. ಡೇವಿಡ್ ಬಾರ್ನ್ಸ್ಟೆನ್ ಹಾಗೂ ಟೀನ ರೋಸೆನ್ಬರ್ಗ್ ನ್ಯು ಯಾರ್ಕ್ ಟೈಮ್ಸ್ ಪತ್ರಿಕೆಯಲ್ಲಿ 'ಫಿಕ್ಸಸ್' ಎಂಬ ಭಾಗ ತುರ್ತು ಪರಿಸ್ಥಿತಿಯಲ್ಲಿರುವ ಸಾಮಾಜಿಕ ಸಮಸ್ಯೆಗಳಿಗೆ ಹುಟ್ಟಿ ಬಂದಿರುವ ಪರಿಹಾರಗಳನ್ನು ಪರಿಶೀಲಿಸಲು ಮೀಸಲಿತ್ತರು. ಹೀಗೆ ಜಗತ್ತಿನಾದ್ಯಂತ ಪತ್ರಕರ್ತರು ಪರಿಹಾರ ಪತ್ರಿಕೋದ್ಯಮದ ಕಡೆಗೆ ಸಾಗುತ್ತಿದ್ದಾರೆ. ದಿನನಿತ್ಯದ ಪ್ರಕಟಣೆಗಳಲ್ಲಿ ಪರಿಹಾರ ಪತ್ರಿಕೋದ್ಯಮ ವರದಿಗಳನ್ನು ಸೇರಿಸಲು ಬಹಳಷ್ಟು ಪ್ರಯತ್ನಗಳು ನೆಡೆಯುತ್ತಿವೆ.

ವಿಮರ್ಷೆ

ಹಲವಾರು ಜನ ಪರಿಹಾರ ಪತ್ರಿಕೋದ್ಯಮದ ಬಗ್ಗೆ ವಿಮರ್ಶೆ ನೀಡಿದ್ದಾರೆ. ಕೆಲವರು ಪರಿಹಾರ ಪತ್ರಿಕೋದ್ಯಮ ಸುಳ್ಳು ಕಥೆಗಳನ್ನು ಕಟ್ಟಿ, ಸತ್ಯವನ್ನು ಜನರಿಂದ ಮುಚ್ಚಿಟ್ಟು ಧನಾತ್ಮಾಕ ಭಾವನೆ ಸ್ರಿಷ್ಟಿಸಲು ಯತ್ನಿಸುತ್ತದೆ ಎಂದು ಇದನ್ನು ವಿರೋಧಿಸಿದ್ದಾರೆ. ಸಮಾಜ ಸೇವೆ ಹಾಗೂ ಪತ್ರಿಕೋದ್ಯಮದ ಮಧ್ಯೆ ಇರುವ ವ್ಯತ್ಯಾಸವನ್ನು ಮನದಲ್ಲಿಟ್ಟುಕೊಳ್ಳಬೇಕು ಎಂದು ಪತ್ರಿಕೋದ್ಯಮ ವ್ರತ್ತಿಯ ದಿಗ್ಗಜರು ಹೇಳಿದ್ದಾರೆ. ನಾಗರಿಕ ಪತ್ರೈಕೋದ್ಯಮ ಹಾಗೂ ಪರಿಹಾರ ಪತ್ರಿಕೋದ್ಯಮದ ನಡುವೆ ಇರುವ ವ್ಯತ್ಯಾಸವನ್ನೂ ಗಮನಿಸಬೆಕು ಎಂದು ಹೇಳಲಾಗಿದೆ.

[https://www.solutionsjournalism.org/]

[https://en.wikipedia.org/wiki/Solutions_journalism]

[https://niemanreports.org/articles/is-solutions-journalism-the-solution/]