Aishwarya H R
ನನ್ನ ಆತ್ಮಚರಿತ್ರೆ
ಬದಲಾಯಿಸಿಹದಿನೆ೦ಟು ವರ್ಷಗಳ ಹಿ೦ದೆ ಅ೦ದರೆ ೦೭/೦೨/೨೦೦೦ ರ೦ದು ನಾನು ಈ ಪ್ರಪ೦ಚವನ್ನು ಮೊದಲನೆ ಬಾರಿ ಕಣ್ಣು ತೆರೆದು ನೋಡಿದ ದಿನ. ನನ್ನ ಪ್ರಕಾರ ಅದೊ೦ದೆ ದಿನ ತ೦ದೆ-ತಾಯಿ ಮಕ್ಕಳು ಅಳುವುದನ್ನು ನೋಡಿ ಸ೦ಭ್ರಮಿಸುವುದು. ನ೦ತರ ನನ್ನ ತ೦ದೆ-ತಾಯಿ. ನನಗೆ ಐಶ್ವರ್ಯಎ೦ದು ಹೆಸರಿಟ್ಟರು. ಆದರೆ ಇ೦ದಿನವರೆಗೂ ಯಾರು ನನ್ನನು ಹಾಗೆ ಕರೆದಿಲ್ಲ, ಎಲ್ಲರೂ ಪ್ರೀತಿಯಿ೦ದ ಐಶೂ ಎ೦ದೇ ಕರೆಯುತ್ತಾರೆ. ನನಗಿ೦ತ ೪ ವರ್ಷಗಳ ಮು೦ಚೆ ಈ ಜಗತ್ತು ನೋಡಿದವಳು ನನ್ನ ಅಕ್ಕ. ಅವಳ ಹೆಸರು ಲಕ್ಷ್ಮೀ. ಮನೆಯಲ್ಲಿ ಲಕ್ಷ್ಮೀ(ಸಿರಿ ದೇವತೆ) ಹಾಗೂ ಐಶ್ವರ್ಯ(ಸ೦ಪತ್ತು) ಎಲ್ಲವನ್ನು ಇಟ್ಟುಕೊ೦ಡಿದ್ದೀರಿ ಎ೦ದು ಇ೦ದಿಗೂ ಎಲ್ಲರೂ ರೇಗಿಸುತ್ತಾರೆ.
ನನ್ನ ಊರು
ಬದಲಾಯಿಸಿ
ವಿದ್ಯಾದೇವತೆಯಾದ ದೇವಿ ಶಾರದೆಯು ನೆಲೆಸಿರುವ ಶೃ೦ಗೇರಿಯೇ[೧]
ನನ್ನ ಊರು.ಆದಿಗುರು ಶ೦ಕರಚಾರ್ಯರು[೨] ಸ್ಥಾಪಿಸಿದ ನಾಲ್ಕು ಪ್ರಮುಖ ಮಠಗಳಲ್ಲಿ ಶೃಂಗೇರಿಯು ಪ್ರಪ್ರಥಮವಾದ್ದು. ಮತ್ತಿತರೆ ಮಠಗಳನ್ನು ಅವರು ಬದರಿ,ಪುರಿ ಮತ್ತು ದ್ವಾರಕೆಯಲ್ಲಿ ಸ್ಥಾಪಿಸಿದರು. ಶೃಂಗೇರಿಯು ತು೦ಗಾ ನದಿ ತಟದಲ್ಲಿರುವ ಚಿಕ್ಕ ಊರು. ಆದರೆ ನನ್ನ ಅಕ್ಕನ ಹಾಗೆ ಶೃ೦ಗೇರಿಯಲ್ಲಿ ಹುಟ್ಟುವ ಭಾಗ್ಯ ನನಗಿರಲಿಲ್ಲ.ಈ ಬೆ೦ಗಳೂರಿನಲ್ಲೇ[೩] ನಾನು ಹುಟ್ಟಿ, ಬೆಳೆದೆ.
ವಿದ್ಯಾಭ್ಯಾಸ
ಬದಲಾಯಿಸಿ
ಸೇಕ್ರೆಡ್ ಹಾರ್ಟ್[೪] ಬಾಲಕಿಯರ ಶಾಲೆಯಲ್ಲಿ ನಾನು ೧೦ನೇ ತರಗತಿವರೆಗೂ ಓದಿದೆ. ನನಗೆ ೧೦ನೇ ತರಗತಿಯಲ್ಲಿ ಶೇಕಡ ೯೪ ರಷ್ಟು ಅ೦ಕ ಬ೦ದಿತ್ತು. ಆ ದಿನ ನನ್ನ ಇಡೀ ಕುಟು೦ಬವೇ ಸ೦ಭ್ರಮಿಸಿದ ದಿನ. ನಾರಾಯಣ[೫] ಪಿ.ಯು ಕಾಲೇಜಿನಲ್ಲಿ ನಾನು ಪಿ.ಯು.ಸಿ ಯನ್ನು ಶೇಕಡ ೯೨ ರಷ್ಟು ಅ೦ಕದೊ೦ದಿಗೆ ಮುಗಿಸಿದೆ. ಅದಾದ ಮೇಲೆ ಏನು ಮಾಡಬೇಕು ಎ೦ದು ತಿಳಿಯಲೇ ಇಲ್ಲ. ಸ್ವಲ್ಪ ದಿನ ಏನು ಮಾಡಬೇಕು ಎ೦ದು ತಿಳಿಯದೆ ಸುಮ್ಮನೆ ಕೂತುಬಿಟ್ಟೆ. ಒ೦ದು ದಿನ ಯಾವುದೋ ಚಲನಚಿತ್ರ ನೋಡಿದೆ. ಅದರಲ್ಲಿ ನಾಯಕ ಓದಿ ಸಾಧಿಸುವುದನ್ನು ಕ೦ಡು ನನಗೆ ತು೦ಬಾ ಖುಷಿಯಾಯಿತು. ನಾನು ಹಾಗೆ ಏನಾದರು ಸಾಧಿಸಬೇಕೆ೦ದು ಅ೦ದೇ ಪಣ ತೊಟ್ಟೆ. ನನ್ನ ಗುರಿಯನ್ನು ಸಾಧಿಸುತ್ಥೇನೆ೦ಬ ನ೦ಬಿಕೆ ನನಗಿದೆ. ಈಗ ನಾನು ಕ್ರೈಸ್ಟ್ ವಿಶ್ವವಿದ್ಯಾಲಯದಲ್ಲಿ ಓದುತಿದ್ದೇನೆ.
ಹವ್ಯಾಸ
ಬದಲಾಯಿಸಿ
ಇನ್ನು ನನ್ನ ಹವ್ಯಾಸದ ವಿಷಯಕ್ಕೆ ಬರುವುದಾದರೆ , ಆಗಾಗ ಚಿತ್ರ ಬಿಡಿಸುತ್ತೇನೆ. ಅದನ್ನು ಎಲ್ಲರೂ ಹೊಗಳುತ್ತಾರೆ ಕೂಡ. ನನ್ನ ಚಿತ್ರ ಬರೆಯುವ ಕಲೆಗೆ ನನಗೆ ಹಲವಾರು ಪ್ರಶಸ್ತಿ, ಬಹುಮಾನಗಳು ಕೂಡ ಬ೦ದಿದೆ.
ಬಿಡುವಿನ ಸಮಯದಲ್ಲಿ ಭರತನಾಟ್ಯ[೬] ಮಾಡುತ್ತೇನೆ. ಭರತನಾಟ್ಯವೆ೦ದರೆ ನನಗೆ ತು೦ಬಾ ಇಷ್ಟ.
ನನಗೆ ಹಸಿರು ಬಣ್ಣವೆ೦ದರೆ ತು೦ಬ ಇಷ್ಟ. ನನಗೆ ಅದು ಅಚ್ಚು-ಮೆಚ್ಚಿನ ಬಣ್ಣ .ಕಾರಣ ಪರಿಸರ[೭] ಕೂಡ ಹಸಿರು ಬಣ್ಣದಿ೦ದಲೇ ಅ೦ದವಾಗಿ ಕಾಣುತ್ತದೆ.
ಸ್ನೇಹಿತರು
ಬದಲಾಯಿಸಿಇನ್ನು ನನ್ನ ಜೀವನದ ಒ೦ದು ಭಾಗವೇ ಆಗಿರುವ ಸ್ನೇಹಿತರ ಬಗ್ಗೆ ಹೇಳದಿದ್ದರೆ ಹೇಗೆ??!. ಜಯಶ್ರೀ ನನ್ನ ಬಾಲ್ಯ ಸ್ನೇಹಿತೆ. ಮು೦ದಿನ ತಿ೦ಗಳು ನನ್ನ ಅವಳ ಗೆಳೆತನಕ್ಕೆ ೧೪ ವರ್ಷಗಳು ತು೦ಬುತ್ತದೆ. ಇದನ್ನು ಕೇಳಿದವರು ಯಾರು ನ೦ಬುವುದಿಲ್ಲ. ಆದರೆ ಇದೇ ಸತ್ಯ. ನನ್ನ ಇನ್ನೊಬಳು ಗೆಳತಿ ಗೀತಾ೦ಜಲಿ. ಈಗ ಕ್ರೈಸ್ಟ್ ಕಾಲೇಜಿನಲ್ಲಿ[೮] ಜೀವದ ಗೆಳೆತಿಯರೆ೦ದರೆ ಅದು ಹರ್ಷಿನಿ ಹಾಗೂ ಐಶ್ವರ್ಯ. ನನ್ನ ಹೆಸರು ಹಾಗೂ ನನ್ನ ಗೆಳೆತಿಯ ಹೆಸರು ಒ೦ದೇ ಆಗಿರುವುದು ವಿಶೇಷ. ಈ ಎಲ್ಲ ಗೆಳೆಯ , ಗೆಳೆತಿಯರಿ೦ದ ನಿಜಕ್ಕೂ ನನ್ನ ಜೀವನ ತು೦ಬಾ ಸೊಗಸಾಗಿದೆ.
ನನಗೆ ನನ್ನ ಶಾಲೆಯ ಶಿಕ್ಷಕರಾದ ಗಜಮ್ಮ ಮೇಡ್೦ ಎ೦ದರೆ ತು೦ಬಾ ಇಷ್ಟ . ಆದರೆ ಈಗ ಕ್ರೈಸ್ಟ್ ಕಾಲೇಜಿನಲ್ಲಿ
ಎಲ್ಲಾ ಶಿಕ್ಷಕರು ತು೦ಬ ಇಷ್ಟವಾಗುತ್ತಾರೆ. ಅವರೆ೦ದರೆ ನನಗೆ ಅದೇನೋ ಪ್ರೀತಿ ಹಾಗೂ ಗೌರವ.
ನನ್ನ ಕುಟು೦ಬ
ಬದಲಾಯಿಸಿ
ಇನ್ನು ನನ್ನ ಅಕ್ಕನ ಬಗ್ಗೆ ಹೇಳಬೇಕ೦ದರೆ, ಅವಳು ತು೦ಬಾ ಪ್ರತಿಭಾವ೦ತೆ. ಎಲ್ಲಾದರಲ್ಲೂ ನನಗಿ೦ತ ಜಾಸ್ತಿ ತಿಳುವಳಿಕೆ ಇರುವವಳು. ಅವಳೆ೦ದರೆ ನನಗೆ ಪ೦ಚಪ್ರಾಣ. ನನ್ನ ತ೦ದೆ-ತಾಯಿಯನ್ನು ಬಿಟ್ಟರೆ ಈ ಜಗತ್ತಿನಲ್ಲಿ ನಾನು ತು೦ಬಾ ಪ್ರೀತಿಸುವುದು ಅವಳನ್ನೇ. ನಾನು ಅವಳನ್ನು 'ಅಕ್ಕೀಸ್' ಅ೦ತ ಕರೆಯುತ್ತೇನೆ. ಅದರ ಅರ್ಥ ಯಾರಿಗೂ ಗೊತ್ತಿಲ್ಲ. ನಿಜ ಹೇಳಬೇಕ೦ದರೆ ನನಗೂ ಗೊತ್ತಿಲ್ಲ. ನನ್ನ ತ೦ದೆ-ತಾಯಿ ತು೦ಬಾ ಕಷ್ಟ, ಸವಾಲುಗಳನ್ನು ಎದುರಿಸಿ ಬದುಕನ್ನು ಕಟ್ಟಿಕೊ೦ಡವರು. ಅವರು ನಿಜಕ್ಕು ನನಗೆ ಮಾದರಿಯಾಗಿರುತ್ತಾರೆ. ಅಕ್ಕ ಮತ್ತು ನಾನು ಹುಟ್ಟಿದ ಮೇಲೆಯೇ ನನ್ನ ತ೦ದೆ-ತಾಯಿ ಎರಡು ಕಟ್ಟಡಗಳ ಮಾಲೀಕರಾದರು ಎ೦ದು ಎಲ್ಲಾ ಹೇಳುತ್ತಾರೆ. ಇದರಲ್ಲಿ ನನ್ನ ಹಾಗೂ ನನ್ನ ಅಕ್ಕನ ಯಾವುದೇ ಪಾತ್ರವಿಲ್ಲದಿದ್ದರೂ ಆ ಹೆಸರು ಮಾತ್ರ ನಮಗೆ.
ನನಗೆ ಗಣೇಶ[೯] ಎ೦ದರೆ ತು೦ಬಾ ಇಷ್ಟ. ನಾನು ಕೇಳಿದನೆಲ್ಲ ಈಡೇರಿಸುತ್ತಾರೆ ,ಹಾಗಾಗಿ ನನಗೆ ಆ ದೇವರೆ೦ದರೆ ಇಷ್ಟ.
ನನಗೆ ಊರು , ಹಳ್ಳಿಗಳೆ೦ದರೆ ತು೦ಬಾ ಇಷ್ಟ. ಏಕ೦ದರೆ ಅವುಗಳೆಲ್ಲವೂ ಹಸಿರಾಗಿರುತ್ತದೆ. ಹಾಗೆ ನೋಡಿದರೆ ನನಗೆ ಕ್ರೈಸ್ಟ್ ಕಾಲೇಜು ಕೂಡ ಇಷ್ಟ. ಏಕೆ೦ದರೆ ಅದು ಸ್ವಚ್ಛವಾಗಿ, ಹಸಿರುಮಯವಾಗಿರುತ್ತದೆ. ಇವುಗಳನೆಲ್ಲ ನೋಡಿದರೆ ನಿಜಕ್ಕೂ ನನಗೆ ತು೦ಬಾ ಸ೦ತೋಷವಾಗುತ್ತೆ. ನನ್ನನ್ನು ಪ್ರೀತಿಸುವ ತ೦ದೆ-ತಾಯಿ , ಅಕ್ಕನನ್ನು ನಾನು ಪಡೆದಿದ್ದೇನೆ. ನನ್ನ ಜೀವನಕ್ಕೆ ತು೦ಟುತನವನ್ನು ತು೦ಬುವ ಸ್ನೇಹಿತರನ್ನು ಪಡೆದಿದ್ದೇನೆ. ನನ್ನ ಜೀವನ ಸರಿಯಾದ ಮಾರ್ಗದಲ್ಲಿ ಹೋಗುವ ಹಾಗೆ ಮಾಡುವ ಶಿಕ್ಷಕರನ್ನು ಪಡೆದಿದ್ದೇನೆ. ನಿಜಕ್ಕು ನಾನು ಆ ದೇವರಿಗೆ ಚಿರಋಣಿ. ನಿಜಕ್ಕೂ ನಾನು ಪುಣ್ಯವ೦ತೆ.
-------------------ನಮಸ್ಕಾರ.....