ವೈಶಾಲಿ ದಿನಕರನ್

ವೈಶಾಲಿ ದಿನಕರನ್ (ಜನನ ೧೧ ಅಕ್ಟೋಬರ್ ೧೯೮೭) ಅವರು ಭಾರತೀಯ ಮೋಟಾರ್ ಕ್ರೀಡಾ ಪತ್ರಕರ್ತೆ ಮತ್ತು ಬರಹಗಾರ್ತಿ. ಇವರು ಭಾರತೀಯ ಆಟೋಮೋಟಿವ್ ಪ್ರಕಟಣೆಯಾದ ಓವರ್ಡ್ರೈವ್ನಲ್ಲಿ ಉಪ-ಸಂಪಾದಕರಾಗಿದ್ದರು. ನಂತರ ಮೋಟಾರ್ ಸ್ಪೋರ್ಟ್ಸ್ ಎಡಿಟರ್ ಆಗಿ ಪದವಿ ಪಡೆದರು. ಈಗ ಜರ್ಮನಿಯ ಬರ್ಲಿನ್ನಲ್ಲಿ ನೆಲೆಸಿರುವ ಇವರು ಮೋಟಾರು ಕ್ರೀಡೆಗಳ ಬಗ್ಗೆ ಬರೆಯುವುದನ್ನು ಮುಂದುವರೆಸಿದ್ದಾರೆ. ಇವರು ಪ್ರಸ್ತುತ ಡಚ್ ವೆಲ್ ಗಾಗಿ ವಿಡಿಯೋ ಸುದ್ದಿ ಮಾಡುತ್ತಿದ್ದಾರೆ. ಫಾರ್ಮುಲಾ ೧ ಕಾರನ್ನು ಓಡಿಸಿದ ಕೆಲವೇ ಮೋಟಾರ್ ಕ್ರೀಡಾ ಪತ್ರಕರ್ತರಲ್ಲಿ ಇವರೂ ಒಬ್ಬರು.

ಆರಂಭಿಕ ಜೀವನ

ವೈಶಾಲಿ ದಿನಕರನ್ ಅವರು ೧೯೮೭ರ ಅಕ್ಟೋಬರ್ ೧೧ ರಂದು ಬೆಂಗಳೂರಿನಲ್ಲಿ ದಿನಕರನ್ ಮತ್ತು ಪೂರ್ಣಿಮಾ ದಿನಕರನ್ ದಂಪತಿಗಳಿಗೆ ಜನಿಸಿದರು. ಇವರು ತನ್ನ ಬಾಲ್ಯವನ್ನು ತನ್ನ ಸಹೋದರಿ ಶೋರುಬಳೊಂದಿಗೆ ಬೆಂಗಳೂರಿನಲ್ಲಿ ಕಳೆದಿದ್ದರು. ಶಿಶು ಗೃಹದಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ, ಅವರು ಬೆಂಗಳೂರಿನ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಇಂಗ್ಲಿಷ್ ಸಂವಹನವನ್ನು ಅಧ್ಯಯನ ಮಾಡಿದರು. ಅವರು ೨೦೦೮ರಲ್ಲಿ ಮಾಧ್ಯಮ ಮತ್ತು ಸಮೂಹ ಸಂವಹನದಲ್ಲಿ ಬ್ಯಾಚುಲರ್ ಆಫ್ ಆರ್ಟ್ಸ್ ಅನ್ನು ಪೂರ್ಣಗೊಳಿಸಿದರು. ಅದಕ್ಕೂ ಮೊದಲು ೨೦೦೬ ರಲ್ಲಿ, ಆಕೆ ಓವರ್ಡ್ರೈವ್ ನಿಯತಕಾಲಿಕೆಯಲ್ಲಿ ಕೆಲವು ತಿಂಗಳ ಇಂಟರ್ನ್ಶಿಪ್ ಮಾಡಿದರು. ಅವರು ಜೂನ್ ೨೦೦೮ ರಲ್ಲಿ ಆಟೋಕಾರ್ ಇಂಡಿಯಾದಲ್ಲಿ ಕಾಪಿ ಎಡಿಟರ್ ಆಗಿ ಸೇರಿದರು.

ಮೋಟಾರ್‌ರ್ಸ್ಪೋರ್ಟ್ಸ್ ಪತ್ರಿಕೋದ್ಯಮ

ಮುಂಬೈ ಆಟೋಕಾರ್ನಲ್ಲಿ ಒಂದು ವರ್ಷ ಮತ್ತು ಐದು ತಿಂಗಳು ಕೆಲಸ ಮಾಡಿದ ನಂತರ, ದಿನಕರನ್ ಅವರು ಪ್ರಧಾನ ವರದಿಗಾರರಾಗಿ ಬಿಸಿನೆಸ್ ಸ್ಟ್ಯಾಂಡರ್ಡ್ ಮೋಟಾರಿಂಗ್ಗೆ ತೆರಳಿದರು. ೨೦೧೧ ರಲ್ಲಿ, ಫಾರ್ಮುಲಾ ೧ ಭಾರತಕ್ಕೆ ಬಂದಾಗ, ಫಾರ್ಮುಲಾ ಒನ್ ದಂತಕಥೆ ಮೈಕೆಲ್ ಷೂಮೇಕರ್ ಅವರೊಂದಿಗೆ ಒಬ್ಬರಿಗೊಬ್ಬರು ಸಂದರ್ಶನವನ್ನು ನಿರ್ವಹಿಸಿದ ಕೆಲವೇ ಭಾರತೀಯ ಪತ್ರಕರ್ತರಲ್ಲಿ ಒಬ್ಬರಾದರು. ಅವರು ಅನುಭವಿ ಮೋಟಾರ್ಸ್ಪೋರ್ಟ್ಸ್ ಛಾಯಾಗ್ರಾಹಕ ಮತ್ತು ಪತ್ರಕರ್ತ ಜಾರ್ಜ್ ಫ್ರಾನ್ಸಿಸ್ ಅವರೊಂದಿಗೆ ಅನೇಕ ರ್ಯಾಲಿಗಳನ್ನು ನಡೆಸಿದರು.

ಏಪ್ರಿಲ್ ೨೦೧೩ರಿಂದ ಜುಲೈ ೨೦೨೦ ರವರೆಗೆ, ಆಕೆ ಮೋಟಾರ್ಸ್ಪೋರ್ಟ್ಸ್ ಸಂಪಾದಕರಾಗಿ ಓವರ್ಡ್ರೈವ್ನಲ್ಲಿ ಮೋಟಾರ್ ಸ್ಪೋರ್ಟ್ಸ್ ಸುದ್ದಿಗಳನ್ನು ನೋಡಿಕೊಳ್ಳುತ್ತಿದ್ದರು. ಇವರು ೨೦೧೫ರಲ್ಲಿ ಜರ್ಮನಿಗೆ ತೆರಳಿದರೂ, ನೆಟ್ವರ್ಕ್ ೧೮ ಗ್ರೂಪ್ ನಡೆಸುತ್ತಿರುವ ಪ್ರತಿಷ್ಠಿತ ನಿಯತಕಾಲಿಕೆಯ ಮೋಟಾರು ಕ್ರೀಡಾ ವಿಭಾಗವನ್ನು ಸಂಪಾದಿಸುವುದನ್ನು ಮುಂದುವರೆಸಿದರು. ೨೦೨೦ ರಲ್ಲಿ, ಅವರು ಡಾಯ್ಚ ವೆಲ್ ಸೇರಿದರು ಮತ್ತು ವಿಡಿಯೋ ಸುದ್ದಿ ವೈಶಿಷ್ಟ್ಯಗಳ ಮೂಲಕ ಡಿಜಿಟಲ್ ಮಾಧ್ಯಮವನ್ನು ಅನ್ವೇಷಿಸುತ್ತಿದ್ದಾರೆ.

ಪ್ರಶಸ್ತಿಗಳು

ವೈಶಾಲಿ ದಿನಕರನ್ ಅವರು ೨೦೧೮ ಮತ್ತು ೨೦೧೯ ರಲ್ಲಿ ಅವರ ಮೋಟಾರ್ಸ್ಪೋರ್ಟ್ಸ ಬರವಣಿಗೆಗಾಗಿ ಪ್ರತಿಷ್ಠಿತ ದಿ ಗಿಲ್ಡ್ ಆಫ್ ಮೋಟಾರಿಂಗ್ ರೈಟರ್ಸ್ ಪ್ರಸ್ತುತಪಡಿಸಿದ 'ಪ್ರೋಡ್ರೈವ್ ಮೋಟಾರ್ಸ್ಪೋರ್ಟ್ಸ್ ಪ್ರಶಸ್ತಿ' ಯನ್ನು ಗೆದ್ದಿದ್ದಾರೆ. . ಪ್ರಶಸ್ತಿಗೆ ಉಲ್ಲೇಖಿಸಲಾದ ಲೇಖನಗಳಲ್ಲಿ ಒನ್ ಒಪೀನಿಯನ್ ಪೀಸ್, 'ಪ್ಯಾಸೆನೋಟ್ಸ್'ಕೂಡ ಒಂದು. ಇವರು ಆಗಸ್ಟ್ ೨೦೧೪ ರಿಂದ ಓವರ್ಡ್ರೈವ್ ಅಂಕಣ ಬರೆಯಲು ಪ್ರಾರಂಭಿಸಿದರು.