ಅದುಮಿದ ಗಾಳಿ: ಪರಿಷ್ಕರಣೆಗಳ ನಡುವಿನ ವ್ಯತ್ಯಾಸ

ಒತ್ತಡ ಹೆಚ್ಚಾಗಿಲ್ಲದ ಕಡೆ ಆವರ್ತಕ (ರೋಟರಿ) ಸಂಕೋಚಕಗಳನ್ನು ವಿಶೇಷವಾಗಿ ಉಪಯೋಗಿಸುತ್ತಾರೆ.<ref>https://aircompressorworks.com/compressed-air-basics-part-8-rotary-vane/</ref> ಇವು ಜಾರುವ ದಿಕ್ಸೂಚಿಗಳ (ಸ್ಲೈಡಿಂಗ್ ವೇನ್ಸ್) ನಮೂನೆಯಲ್ಲಿರುತ್ತವೆ. ಆಡುಬೆಣೆಗಳಾಗಲೀ ಕ್ರ್ಯಾಂಕ್ ಕಾಂಡವಾಗಲೀ (ಷ್ಯಾಫ್ಟ್) ಇರುವುದಿಲ್ಲ.

ಸಿಮೆಂಟ್, ಸುಣ್ಣದ ತಿಳಿ, ಬಣ್ಣಗಳು, ಕರಗಿಸಿದ ಲೋಹಗಳು-ಇವನ್ನು ತುಂತುರು ತುಂತುರಾಗಿ ಚಿಮುಕಿಸಲು ಅದುಮಿದ ಗಾಳಿಯನ್ನು ಉಪಯೋಗಿಸುತ್ತಾರೆ. ಯಂತ್ರದ ಭಾಗಗಳು ಸವೆದು ಹೋದಾಗ ತಂತಿಯ ಹಾಗೆ ಎಳೆಯಬಹುದಾದ ಯಾವ ಲೋಹವನ್ನು ಬೇಕಾದರೂ ಚಿಮುಕಿಸಿ ಹೊಸ ಭಾಗವನ್ನು ಜೋಡಿಸದೆ ರಿಪೇರಿ ಮಾಡಬಹುದು.<ref>http://www.cagi.org/working-with-compressed-air/applications.aspx</ref>

ಭೂಗರ್ಭದಲ್ಲಿ ಬಹಳ ಆಳದವರೆಗೂ ಕೊರೆಯುವ ಕೊಳವಿಗಂಡಿಗಳಿಂದ ನೀರನ್ನೋ ಎಣ್ಣೆಯನ್ನೋ ಹೊರತೆಗೆಯಲು ಅದುಮಿದ ಗಾಳಿಯನ್ನು ಬಳಸುತ್ತಾರೆ. ಆವರ್ತಕ ದಿಕ್ಸೂಚಿಗಳಿರುವ 1-10 ಅಶ್ವಸಾಮಥ್ರ್ಯವುಳ್ಳ ಅದುಮಿದ ಗಾಳಿಯ ಮೋಟಾರುಗಳನ್ನುಪಯೋಗಿಸಿ ನೀರನ್ನು ಹೊರತೆಗೆಯುತ್ತಾರೆ. ಪಾಶ್ಚಾತ್ಯ ದೇಶಗಳಲ್ಲಿ ಭೂಮಿಯ ಕೆಳಭಾಗದಲ್ಲಿ ನೂರಾರು ಅಡಿ ಆಳದಲ್ಲಿ ನೀರು ತುಂಬಿಕೊಂಡಿರುವ ಬಂಡೆಯ ಪದರಗಳನ್ನು ಮುಟ್ಟುವವರೆಗೂ ಕೊಳವಿಗಂಡಿಗಳಿಂದ ಕೊರೆದು ಮೇಲಕ್ಕೆ ನೀರನ್ನು ಹೊರತೆಗೆದು ದೊಡ್ಡ ಕಾರ್ಖಾನೆಗಳಿಗೂ ಮಂಡಿಗಳಿಗೂ ಸರಬರಾಜು ಮಾಡುತ್ತಾರೆ. ಭಾರತದ ಹಲವೆಡೆ ಇತ್ತೀಚೆಗೆ ವಿದ್ಯುತ್ತನ್ನು ಉಪಯೋಗಿಸಿ ಕೊಳವಿಗಂಡಿಗಳಿಂದ ನೀರನ್ನು ಹೊರತೆಗೆದು ಬೇಸಾಯ ನಡೆಸುತ್ತಿದ್ದಾರೆ. ಆದರೆ ಅದುಮಿದ ಗಾಳಿಯನ್ನು ಈ ಕೆಲಸಕ್ಕಾಗಿ ಬಳಸುವಾಗ ಬಾವಿಯ ತಳಭಾಗದಲ್ಲಿ ಚಲಿಸುವ ಯಾವುದೇ ಭಾಗವನ್ನೂ ಇಡಬೇಕಾಗಿಲ್ಲ. ವಾಯುಸಂಕೋಚಕ ಬಾವಿಗೆ ಸ್ವಲ್ಪದೂರದಲ್ಲಿ ಇದ್ದರೆ ಅದರ ಮೇಲ್ವಿಚಾರಣೆ ಸುಲಭವಾಗುತ್ತದೆ. ಭೂಮಿಯ ಒಳಭಾಗದಿಂದ ಮೇಲಕ್ಕೆ ಜಿನುಗಿರುವ ನೀರು ಶೋಧಿಸಿದ ನೀರಿನಷ್ಟೇ ಶುದ್ಧವಾಗುತ್ತದೆ. ಇದನ್ನು ಮೇಲಕ್ಕೆ ಎತ್ತುವ ಖರ್ಚೂ ಹೆಚ್ಚಾಗಿರುವುದಿಲ್ಲ.<ref>https://koldwater.com/Free/basics-air-compressor-tutorial.html</ref>