ವಿಕಿಪೀಡಿಯ

ರಾಯಲ್ ಸೊಸೈಟಿ

other uses ಗಾಗಿ, ರಾಯಲ್ ಸೊಸೈಟಿ (disambiguation) ನೋಡಿ.

ಸಹಜ ಜ್ಞಾನ ಸುಧಾರಣೆಗೆ ಇರುವ ರಾಯಲ್ ಸೊಸೈಟಿ ಆಫ್ ಲಂಡನ್ ಸರಳವಾಗಿ ರಾಯಲ್ ಸೊಸೈಟಿ ಎಂದು ಹೆಸರಾಗಿದೆ. ಇದು ವಿಜ್ಞಾನಕ್ಕಾಗಿ ವಿದ್ವಾಂಸರ ಸಂಘವಾಗಿದ್ದು, ಅಸ್ತಿತ್ವದಲ್ಲಿರುವ ಇಂತಹ ಅತೀ ಹಳೆಯ ಸೊಸೈಟಿಯಾಗಿದೆ.[೧] ೧೬೬೦ರಲ್ಲಿ ಸ್ಥಾಪಿತವಾದ ಇದಕ್ಕೆ ಕಿಂಗ್ ಚಾರ್ಲ್ಸ್ II "ರಾಯಲ್ ಸೊಸೈಟಿ ಆಫ್ ಲಂಡನ್" ಎಂಬ ರಾಜ ಸನ್ನದು ನೀಡಿದರು. ಆರಂಭದಲ್ಲಿ ಸೊಸೈಟಿಯು "ಇನ್ವಿಸಿಬಲ್ ಕಾಲೇಜ್‌"ನ ವಿಸ್ತರಣೆಯಾಗಿದ್ದು, ಸಂಸ್ಥಾಪಕರು ಸಂಶೋಧನೆ ಮತ್ತು ಚರ್ಚೆಯ ಸ್ಥಳವಾಗಲು ಬಯಸಿದ್ದರು. ಸೊಸೈಟಿಯು ಇಂದು ಬ್ರಿಟಿಷ್ ಸರ್ಕಾರಕ್ಕೆ ವೈಜ್ಞಾನಿಕ ಸಲಹೆಗಾರನಾಗಿ ಕಾರ್ಯ ನಿರ್ವಹಿಸುತ್ತಿದ್ದು, ಸಂಸದೀಯ ಸಹಾಯಧನವನ್ನು ಸ್ವೀಕರಿಸುತ್ತದೆ. ಸೊಸೈಟಿಯು UK ಯ ಅಕಾಡೆಮಿ ಆಫ್ ಸೈನ್ಸಸ್ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಸಂಶೋಧನೆ ಫೆಲೋಶಿಪ್‌ಗಳಿಗೆ ಮತ್ತು ವೈಜ್ಞಾನಿಕ ಪ್ರಾರಂಭದ ಕಂಪೆನಿಗಳಿಗೆ ಆರ್ಥಿಕ ನೆರವು ನೀಡುತ್ತದೆ.

Royal Society
ಧ್ಯೇಯವಾಕ್ಯNullius in verba
ಸ್ಥಾಪನೆ28 November 1660
ಪ್ರಧಾನ ಕಚೇರಿಲಂಡನ್, United Kingdom
Membership
5 Royal Fellows
1350 Fellows
140 Foreign Members
President
Sir Paul Nurse
ಅಧಿಕೃತ ಜಾಲತಾಣwww.royalsociety.org
ರಾಯಲ್ ಸೊಸೈಟಿಯ ಪ್ರಸಕ್ತ ಕಟ್ಟಡಗಳು 6–9 ಕಾರ್ಲ್‌ಟನ್ ಹೌಸ್ ಟೆರೇಸ್, ಲಂಡನ್ (ಪ್ರಥಮ ನಾಲ್ಕು ಆಸ್ತಿಗಳು ಮಾತ್ರ)

ಸೊಸೈಟಿಯ ಆಡಳಿತವನ್ನು ಅದರ ಕೌನ್ಸಿಲ್ ನಿರ್ವಹಿಸುತ್ತದೆ. ಕಟ್ಟಳೆಗಳು ಮತ್ತು ಸ್ಥಾಯಿ ಆದೇಶಗಳ ಪ್ರಕಾರ ಇದಕ್ಕೆ ಸೊಸೈಟಿಯ ಅಧ್ಯಕ್ಷರು ಅಧ್ಯಕ್ಷತೆ ವಹಿಸುತ್ತಾರೆ. ಕೌನ್ಸಿಲ್ ಸದಸ್ಯರನ್ನು ಮತ್ತು ಅಧ್ಯಕ್ಷರನ್ನು ಅದರ ಫೆಲೋಗಳು ಆಯ್ಕೆ ಮಾಡುತ್ತಾರೆ. ಫೆಲೋಗಳು ಸೊಸೈಟಿಯ ಮೂಲ ಸದಸ್ಯರಾಗಿದ್ದು, ಅವರನ್ನು ಸ್ವತಃ ಅಸ್ತಿತ್ವದಲ್ಲಿರುವ ಫೆಲೋಗಳು ಆಯ್ಕೆ ಮಾಡುತ್ತಾರೆ. ಅಲ್ಲಿ ಪ್ರಸಕ್ತ ೧೩೧೪ ಫೆಲೋಗಳಿದ್ದು, ಹೆಸರಿನ ನಂತರದ ಬಿರುದನ್ನು(ಫೆಲೋ ಆಫ್ ದಿ ರಾಯಲ್ ಸೊಸೈಟಿ) ಬಳಸಲು ಅವಕಾಶ ನೀಡಲಾಯಿತು ಮತ್ತು ೪೪ ಹೊಸ ಫೆಲೋಗಳನ್ನು ಪ್ರತಿ ವರ್ಷ ನೇಮಕ ಮಾಡಲಾಯಿತು. ಅವರಲ್ಲಿ ರಾಯಲ್ ಫೆಲೋಗಳು, ಗೌರವ ಫೆಲೋಗಳು ಮತ್ತು ವಿದೇಶಿ ಫೆಲೋಗಳಿದ್ದರು. ಕೊನೆಯವರಿಗೆ ಅವರ ಹೆಸರಿನ ನಂತರದ ಬಿರುದು ForMemRS (ಫಾರೀನ್ ಮೆಂಬರ್ ಆಫ್ ದಿ ರಾಯಲ್ ಸೊಸೈಟಿ)ಯನ್ನು ಬಳಸಲು ಅವಕಾಶ ನೀಡ ಲಾಯಿತು. ಪ್ರಸಕ್ತ ರಾಯಲ್ ಸೊಸೈಟಿ ಅಧ್ಯಕ್ಷ ಸರ್ ಪಾಲ್ ನರ್ಸ್ ಆಗಿದ್ದು, ಅವರು ೨೦೧೦ರ ನವೆಂಬರ್ ೩೦ರಂದು ಈ ಸ್ಥಾನವನ್ನು ಸ್ವೀಕರಿಸಿದರು.

೧೯೬೭ರಿಂದೀಚೆಗೆ, ಸೊಸೈಟಿಯು 6–9 ಕಾರ್ಲ್‌ಟನ್ ಹೌಸ್ ಟೆರೇಸ್‌ನಲ್ಲಿ ನೆಲೆಹೊಂದಿದ್ದು, ಇದು ಕೇಂದ್ರ ಲಂಡನ್‌ನಲ್ಲಿ ಗ್ರೇಡ್ ೧ ಪಟ್ಟಿಮಾಡಿದ ಕಟ್ಟಡವಾಗಿದೆ.

ಇತಿಹಾಸ

ಬದಲಾಯಿಸಿ

ಸ್ಥಾಪನೆ ಮತ್ತು ಮುಂಚಿನ ವರ್ಷಗಳು

ಬದಲಾಯಿಸಿ
 
ಜಾನ್ ಎವ್ಲಿನ್, ರಾಯಲ್ ಸೊಸೈಟಿ ಸ್ಥಾಪನೆಗೆ ಸಹಾಯ ಮಾಡಿದರು.

ರಾಯಲ್ ಸೊಸೈಟಿಯು ಅಂದಾಜು ೧೨ ವಿಜ್ಞಾನಿಗಳ ತಂಡವಾಗಿ ಆರಂಭವಾಯಿತು. ಇದು 'ಇನ್ವಿಸಿಬಲ್ ಕಾಲೇಜ್' ಎಂದು ಪರಿಚಿತವಾಗಿದೆ. ಇದು ಅವರ ಸದಸ್ಯರ ಮನೆಗಳಲ್ಲಿ ಮತ್ತು ಗ್ರೇಷಮ್ ಕಾಲೇಜ್ ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ಭೇಟಿಯಾಗುತ್ತದೆ. ನಿರ್ದಿಷ್ಟ ಅವಧಿಗಳಲ್ಲಿ ಸದಸ್ಯರಾಗಿದ್ದವರು ಜಾನ್ ವಿಲ್ಕಿನ್ಸ್, ಜೊನಾಥನ್ ಗೊಡಾರ್ಡ್, ರಾಬರ್ಟ್ ಹುಕ್, ಕ್ರಿಸ್ಟೋಫರ್ ವೆನ್, ವಿಲಿಯಂ ಪೆಟ್ಟಿ ಮತ್ತು ರಾಬರ್ಟ್ ಬಾಯ್ಲ್. ಫ್ರಾನ್ಸಿಸ್ ಬೆಕೊನ್ ಅವರ ನ್ಯೂ ಅಟ್ಲಾಂಟಿಸ್ ‌ನಲ್ಲಿ ಅಂದಾಜು ೧೬೪೫ರ ನಂತರ ಉತ್ತೇಜನ ನೀಡಿದ "ನ್ಯೂ ಸೈನ್ಸ್" ಕುರಿತು ಗುಂಪು ಚರ್ಚೆ ನಡೆಸಿತು.[೨] ಇದಕ್ಕೆ ಆರಂಭದಲ್ಲಿ ಯಾವುದೇ ನಿಯಮಗಳು ಮತ್ತು ವಿಧಾನಗಳು ಇರಲಿಲ್ಲ ಮತ್ತು ಮುಖ್ಯ ಗುರಿಗಳು ಪ್ರಯೋಗಳನ್ನು ಸಂಘಟಿಸುವುದು ಮತ್ತು ವೀಕ್ಷಿಸುವುದಾಗಿತ್ತು ಮತ್ತು ಅವರ ಆವಿಷ್ಕಾರಗಳ ಬಗ್ಗೆ ಪರಸ್ಪರ ಮಾಹಿತಿ ನೀಡುವುದಾಗಿತ್ತು.[೩] ಗುಂಪು ಕಾಲಾವಧಿಯಲ್ಲಿ ವ್ಯತ್ಯಾಸ ಹೊಂದಿ, ತರುವಾಯ ಪ್ರಯಾಣದ ದೂರಗಳಿಂದ ೧೬೩೮ರಲ್ಲಿ ಎರಡು ವಿಶಿಷ್ಠ ಬಣಗಳಾಗಿ ವಿಭಜನೆಯಾದವು; ಇವು ಲಂಡನ್ ಸೊಸೈಟಿ ಮತ್ತು ಆಕ್ಸ್‌ಫರ್ಡ್ ಸೊಸೈಟಿ. ಆಕ್ಸ್‌ಫರ್ಡ್ ಸೊಸೈಟಿಯು ಅತ್ಯಂತ ಸಕ್ರಿಯವಾಗಿತ್ತು. ಏಕೆಂದರೆ ಕಾಲೇಜಿನ ಅನೇಕ ಸದಸ್ಯರು ಅಲ್ಲಿ ವಾಸಿಸುತ್ತಿದ್ದರು ಮತ್ತು ದಿ ಫಿಲಾಸಫಿಕಲ್ ಸೊಸೈಟಿ ಆಫ್ ಆಕ್ಸ್‌ಫರ್ಡ್ ಎಂದು ಸ್ಥಾಪನೆಯಾಗಿತ್ತು. ಬೊಡೇಲಿಯನ್ ಲೈಬ್ರರಿ ಇನ್ನೂ ಉಳಿಸಿಕೊಂಡಿದ್ದ ನಿಯಮಗಳ ವರ್ಗದ ಅನ್ವಯ ಅದು ಕಾರ್ಯನಿರ್ವಹಿಸುತ್ತದೆ.[೪]

ಲಂಡನ್ ಗ್ರೂಪ್ ಮುಖ್ಯವಾಗಿ ಕ್ರಿಸ್ಟೋಫರ್ ವ್ರೆನ್ ಆಯೋಜಿಸಿದ ಉಪನ್ಯಾಸಗಳ ನಂತರ ಗ್ರೇಷಮ್ ಕಾಲೇಜ್‌ನಲ್ಲಿ ಭೇಟಿಯನ್ನು ಮುಂದುವರಿಸಿದವು. ಸದಸ್ಯತ್ವ ಈ ಕಾಲದಲ್ಲಿ ವಿಸ್ತರಣೆ ಮತ್ತು ಬೆಳವಣಿಗೆಯಾಗಿ ಲಾರ್ಡ್ ಬ್ರೌಂಕರ್ ಮತ್ತು ತಿಮೋತಿ ಕ್ಲಾರ್ಕ್ ಸೇರಿಕೊಂಡರು.[೫] ಇದು ಇಂಗ್ಲೀಷ್ ಪ್ರೊಟೆಕ್ಟೊರೇಟ್ ಕಾಲದಲ್ಲಿ ೧೬೫೮ರಲ್ಲಿ ಸೈನಿಕರು ಅವರ ಕೋಣೆಗಳಲ್ಲಿ ಆಕ್ರಮಣ ಮಾಡಿದ ಹಿನ್ನೆಲೆಯಲ್ಲಿ ವಿಸರ್ಜನೆಯಾಯಿತು; ಇಂಗ್ಲೀಷ್ ರಿಸ್ಟೋರೇಷನ್(ಇಂಗ್ಲೀಷ್ ಮರುಸ್ಥಾಪನೆ)ನಂತರ, ಗ್ರೇಷಮ್ ಕಾಲೇಜಿನಲ್ಲಿ ಭೇಟಿ ಮಾಡಲು ಅವರು ಹಿಂತಿರುಗಿದರು.[೬] ಈ ಗುಂಪುಗಳು ರಾಯಲ್ ಸೊಸೈಟಿಯ ಸ್ಥಾಪನೆಗೆ ಸ್ಫೂರ್ತಿಯಾಗಿವೆ ಎಂದು ವ್ಯಾಪಕವಾಗಿ ಅಭಿಪ್ರಾಯಪಡಲಾಗಿದೆ.[೪]

ಆ ಕಾಲದಲ್ಲಿದ್ದ ಸ್ಥಾಪನೆಯ ಪರ್ಯಾಯ ದೃಷ್ಟಿಕೋನವೆಂದರೆ, ೧೬೫೭ರಲ್ಲಿ ಫ್ರೆಂಚ್ ವಿಜ್ಞಾನಿಗಳು ಮತ್ತು ಮಾಂಟ್‌ಮರ್ ಅಕಾಡೆಮಿಯ ಪ್ರಭಾವದ ಕಾರಣದಿಂದ ಸ್ಥಾಪನೆಯಾಯಿತು ಎನ್ನುವುದಾಗಿತ್ತು. ಅವುಗಳ ವರದಿಗಳನ್ನು ಅಲ್ಲಿ ಹಾಜರಿದ್ದ ಇಂಗ್ಲೀಷ್ ವಿಜ್ಞಾನಿಗಳು ಇಂಗ್ಲೆಂಡ್‌ಗೆ ಪುನಃ ವಾಪಸು ಕಳಿಸಿದ್ದರು. ಈ ದೃಷ್ಟಿಕೋನವನ್ನು ಆ ಕಾಲದಲ್ಲಿ ಜೀನ್-ಬ್ಯಾಪ್ಟಿಸ್ಟೆ ಡು ಹ್ಯಾಮಲ್, ಜಿಯೊವಾನ್ನಿ ಡೊಮೆನಿಕೊ ಕ್ಯಾಸಿನಿ, ಬರ್ನಾರ್ಡ್ ಲೆ ಬೋವಿಯರ್ ಡೆ ಫಾಂಟೆನೆಲ್ಲೆ ಮತ್ತು ಮೆಲ್ಚಿಸೆಡೆಕ್ ದೆವೆನಾಟ್ ಹೊಂದಿದ್ದರು. ಸೊಸೈಟಿಯ ಪ್ರಥಮ ಕಾರ್ಯದರ್ಶಿ ಹೆನ್ರಿ ಓಲ್ಡನ್‌ಬರ್ಗ್ ಮಾಂಟ್‌ಮರ್ ಅಕ್ಯಾಡೆಮಿ ಸಭೆಗೆ ಹಾಜರಾಗಿದ್ದರೆಂಬುದಕ್ಕೆ ತಳಹದಿಯಿದೆ.[೭] ರಾಬರ್ಟ್ ಹುಕ್, ಆದಾಗ್ಯೂ, ಈ ಬಗ್ಗೆ ವಿರೋಧಿಸಿದ್ದು, ಈ ರೀತಿ ಬರೆದಿದ್ದಾರೆ:

[ಕ್ಯಾಸಿನಿ] ಸೃಷ್ಟಿಸಿದರು, ಓಲ್ಡನ್‌ಬರ್ಗ್ ಕಾರಣರಾಗಿದ್ದರು. ಅವರು ದಾರ್ಶನಿಕ ಕ್ಲಬ್‌ಗಳನ್ನು ಅಥವಾ ಸಭೆಗಳನ್ನು ನಡೆಸುವುದಕ್ಕೆ ಪ್ರೆಂಚರನ್ನು ಅನುಕರಿಸುವಂತೆ ಇಂಗ್ಲೀಷರಲ್ಲಿ ಬಯಕೆಯ ಸ್ಫೂರ್ತಿ ತುಂಬಿದರು; ಇದು ರಾಯಲ್ ಸೊಸೈಟಿಯ ಸ್ಥಾಪನೆಯ ಸಂದರ್ಭ ಮತ್ತು ಫ್ರೆಂಚರನ್ನು ಮೊದಲನೆಯವರನ್ನಾಗಿಸಿತು. ಓಲ್ಡನ್‌ಬರ್ಗ್ ಇಂಗ್ಲೀಷ್‌ರನ್ನು ಅನುಸರಿಸುವಂತೆ ಫ್ರೆಂಚರಿಗೆ ಸ್ಫೂರ್ತಿ ನೀಡಿದರೆಂದು ಅಥವಾ ಕನಿಷ್ಠ ಅವರಿಗೆ ನೆರವು ನೀಡಿದರು ಮತ್ತು ನಮಗೆ ಅಡ್ಡಿ ಮಾಡಿದರೆಂದು ನಾನು ಹೇಳುವುದಿಲ್ಲ. ಆದರೆ ಈ ನಗರದಲ್ಲಿ ಮತ್ತು ಆಕ್ಸ್‌ಫರ್ಡ್‌ನಲ್ಲಿ ಓಲ್ಡನ್‌ ಬರ್ಗ್ ಇಂಗ್ಲೆಂಡ್‌ಗೆ ಆಗಮಿಸುವುದಕ್ಕೆ ಬಹು ಮುಂಚಿತವಾಗಿ, ಆ ಯೋಜನೆಯನ್ನು ಆರಂಭಿಸಿದ ಮತ್ತು ಉತ್ತೇಜಿಸಿದ ಮುಖ್ಯ ವ್ಯಕ್ತಿಗಳು ಯಾರು ಎನ್ನುವುದು ಚೆನ್ನಾಗಿ ಪರಿಚಿತವಾಗಿದೆ. ಈ ದಾರ್ಶನಿಕ ಸಭೆಗಳು ಓಲ್ಡನ್‌ಬರ್ಗ್ ಪ್ಯಾರಿಸ್‌ನಿಂದ ಆಗಮಿಸುವುದಕ್ಕೆ ಮುಂಚಿತವಾಗಿ ಮಾತ್ರವಲ್ಲದೇ, ಅವರು ಇತ್ತ ಕಡೆ ಬರುವುದಕ್ಕೆ ಮುಂಚಿತವಾಗಿ ಸೊಸೈಟಿ ಸ್ವತಃ ಆರಂಭವಾಯಿತು. ಆಗ ಓಲ್ಡನ್‌ಬರ್ಗ್ ಬಗ್ಗೆ ಅರಿತಿದ್ದವರು ಅವರು ದಾರ್ಶನಿಕ ವಿಷಯಗಳ ಬಗ್ಗೆ ಎಷ್ಟು ಕಡಿಮೆ ಅರಿತಿದ್ದರೆಂಬುದನ್ನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದರು.[೮]

೧೬೬೦ರ ನವೆಂಬರ್ ೨೮ರಂದು, ಇನ್ವಿಸಬಲ್ ಕಾಲೇಜಿನಿಂದ ಪ್ರಭಾವಿತರಾದ ವಿಜ್ಞಾನಿಗಳ ಗುಂಪು"ಭೌತಶಾಸ್ತ್ರಕ್ಕೆ ಸಂಬಂಧಿಸಿದ-ಗಣಿತೀಯ ಪ್ರಾಯೋಗಿಕ ಕಲಿಕೆಯ ಉತ್ತೇಜನಕ್ಕೆ ಕಾಲೇಜೊಂದರ" ರಚನೆಯನ್ನು ಪ್ರಕಟಿಸಿದರು. ವಿಜ್ಞಾನವನ್ನು ಚರ್ಚಿಸಲು ಮತ್ತು ಪ್ರಯೋಗಗಳನ್ನು ನಿರ್ವಹಿಸಲು ಅದು ಪ್ರತಿ ವಾರ ಭೇಟಿ ಮಾಡುತ್ತದೆಂದು ಹೇಳಿದರು. ಎರಡನೇ ಸಭೆಯಲ್ಲಿ, ಈ ಕೂಟಗಳ ಬಗ್ಗೆ ರಾಜ ಅನುಮೋದನೆ ನೀಡಿದ್ದಾರೆಂದು ಸರ್ ರಾಬರ್ಟ್ ಮೋರೆ ಪ್ರಕಟಿಸಿದರು ಮತ್ತು ೧೬೬೨ರ ಜುಲೈ ೧೫ರಂದು ರಾಯಲ್ ಸನ್ನದಿ‌ಗೆ ಸಹಿ ಹಾಕಲಾಯಿತು. ಇದು ರಾಯಲ್ ಸೊಸೈಟಿ ಆಫ್ ಲಂಡನ್ ಸೃಷ್ಟಿಸಿತು ಮತ್ತು ಲಾರ್ಡ್ ಬ್ರೌಂಕರ್ ಪ್ರಥಮ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದರು. ೧೬೬೩ರ ಏಪ್ರಿಲ್ ೨೩ರಂದು ಎರಡನೇ ರಾಯಲ್ ಸನ್ನದಿಗೆ ಸಹಿ ಹಾಕಲಾಯಿತು ಮತ್ತು ಸಹಜ ಜ್ಞಾನದ ಸುಧಾರಣೆಗೆ ರಾಯಲ್ ಸೊಸೈಟಿ ಆಫ್ ಲಂಡನ್ ಎಂಬ ಹೆಸರಿನೊಂದಿಗೆ ರಾಜ ಅದರ ಸಂಸ್ಥಾಪಕರಾಗಿ ಗಮನಸೆಳೆದರು. ರಾಬರ್ಟ್ ಹುಕ್ ನವೆಂಬರ್‌ನಲ್ಲಿ ಪ್ರಯೋಗಗಳ ಮೇಲ್ವಿಚಾರಕರಾಗಿ ನೇಮಕವಾದರು. ಈ ಆರಂಭಿಕ ರಾಜಮನೆತನದ ಅನುಕೂಲ ಮುಂದುವರಿಯಿತು ಮತ್ತು ಆಗಿನಿಂದ ಪ್ರತಿಯೊಬ್ಬ ರಾಜ ಸೊಸೈಟಿಯ ಪೋಷಕನಾದ.[೯]

ಸೊಸೈಟಿಯ ಮುಂಚಿನ ಸಭೆಗಳು ಬಹುಮಟ್ಟಿಗೆ ಸಂಪೂರ್ಣ ಪ್ರಯೋಗಗಳಿಂದ ಕೂಡಿತ್ತು. ಅದನ್ನು ಮೊದಲಿಗೆ ಹುಕ್, ನಂತರ ೧೬೮೪ರಲ್ಲಿ ನೇಮಕವಾದ ಡೆನಿಸ್ ಪಾಪಿನ್ ಪ್ರದರ್ಶಿಸಿದರು. ಸೊಸೈಟಿಯು ಎಸ್ಸೇಸ್ ಆಫ್ ನ್ಯಾಚುರಲ್ ಎಕ್ಸ್‌ಪೆರಿಮೆಂಟ್ಸ್‌ ಮೇಡ್ ಇನ್ ದಿ ಅಕ್ಯಾಡೆಮಿಯ ಡೆಲ್ ಸಿಮೆಂಟೊ ಅಂಡರ್ ದಿ ಪ್ರೊಟೆಕ್ಷನ್ ಆಫ್ ದಿ ಮೋಸ್ಟ್ ಸೆರೀನ್ ಪ್ರಿನ್ಸ್ ಲೆಪಲ್ಡ್ ಆಫ್ ಟಸ್ಕಾನಿ ಯ ಇಂಗ್ಲೀಷ್ ಅನುವಾದವನ್ನು ೧೮೮೪ರಲ್ಲಿ ಪ್ರಕಟಿಸಿತು. ಅಕಾಡೆಮಿಯ ಡೆಲ್ ಸಿಮೆಂಟೊದಲ್ಲಿ ಪ್ರಯೋಗಗಳನ್ನು ದಾಖಲಿಸಿದ ಇಟಲಿ ಪುಸ್ತಕ ಇದಾಗಿದೆ.[೧೦] ಮುಂಚಿನ ಪ್ರಯೋಗಗಳು ಅವುಗಳ ವಿಷಯದ ಕ್ಷೇತ್ರದಲ್ಲಿ ವ್ಯತ್ಯಾಸದಿಂದ ಕೂಡಿದ್ದು, ಕೆಲವು ಪ್ರಕರಣಗಳಲ್ಲಿ ಮುಖ್ಯವಾಗಿದೆ ಮತ್ತು ಇನ್ನೂ ಕೆಲವು ಪ್ರಕರಣಗಳಲ್ಲಿ ಕ್ಷುಲ್ಲಕವಾಗಿದೆ.[೧೧] ಗ್ರೇಷಮ್ ಕಾಲೇಜ್‌ನಲ್ಲಿ ಸಭೆ ನಡೆದರೂ, ಸೊಸೈಟಿಯು ಗ್ರೇಟ್ ಫೈರ್ ಆಫ್ ಲಂಡನ್ ನಂತರ ತಾತ್ಕಾಲಿಕವಾಗಿ ೧೬೬೬ರಲ್ಲಿ ಅರುಂಡೇಲ್ ಹೌಸ್‌ಗೆ ಮರುಸ್ಥಳಾಂತರ ಗೊಂಡಿತು. ಇದು ಗ್ರೇಷಮ್‌ಗೆ ಹಾನಿ ಮಾಡಲಿಲ್ಲ ಮತ್ತು ಲಾರ್ಡ್ ಮೇಯರ್ ಅವರಿಂದ ಅದರ ಸ್ವಾಧೀನಕ್ಕೆ ದಾರಿ ಕಲ್ಪಿಸಿತು. The ಸೊಸೈಟಿಯು ೧೬೭೩ರಲ್ಲಿ ಗ್ರೇಷಮ್‌ಗೆ ಹಿಂದಿರುಗಿತು.[೧೨]

ಸೊಸೈಟಿಗೆ ಕಾಯಂ ಕಾಲೇಜು ಸ್ಥಾಪನೆಗೆ ೧೬೬೭ರಲ್ಲಿ ಪ್ರಯತ್ನ ನಡೆಯಿತು. ಬ್ಯಾಕನ್ ಅವರ ನ್ಯೂ ಅಟ್ಲಾಂಟಿಸ್‌ ನಲ್ಲಿ ಸೋಲೊಮನ್ ಹೌಸ್ ಮತ್ತು ಕಡಿಮೆ ಪ್ರಮಾಣದಲ್ಲಿ ಜೆ.ವಿ. ಆಂಡ್ರಿಯರ ಕ್ಲಿಸ್ಟಿಯಾನೊಪೊಲಿಸ್ ‌‌ನಿಂದ ಪ್ರಭಾವಿತವಾಗಿದೆ ಎಂದು ಮೈಕೆಲ್ ಹಂಟರ್ ವಾದಿಸಿದ್ದಾರೆ. ಇವು ಆಕ್ಸ್‌ಫರ್ಡ್ ಮತ್ತು ಕೇಂಬ್ರಿಜ್ ಕಾಲೇಜುಗಳಿಗಿಂತ ಮುಡುಪಾಗಿಟ್ಟ ಸಂಶೋಧನೆ ಸಂಸ್ಥೆಗಳಾಗಿವೆ. ಏಕೆಂದರೆ ಸಂಸ್ಥಾಪಕರು ಸಂಶೋಧನೆ ಮತ್ತು ಚರ್ಚೆಯ ಸ್ಥಳವಾಗಿ ಸೊಸೈಟಿ ಕಾರ್ಯನಿರ್ವಹಿಸಲು ಇಚ್ಛಿಸಿದ್ದರು. ಪ್ರಥಮ ಪ್ರಸ್ತಾವನೆಯನ್ನು ಜಾನ್ ಎವೆಲಿನ್ ೧೬೫೯ರ ಸೆಪ್ಟೆಂಬರ್ ೩ರಂದು ರಾಬರ್ಟ್ ಬೊಯ್ಲೆಗೆ ಪತ್ರದಲ್ಲಿ ತಿಳಿಸಿದ್ದರು. ಅವರು ಸದಸ್ಯರಿಗೆ ನಿವಾಸಗಳು ಮತ್ತು ಕೇಂದ್ರ ಸಂಶೋಧನೆ ಸಂಸ್ಥೆ ಸ್ಥಾಪನೆಯ ಇನ್ನೂ ಭವ್ಯವಾದ ಯೋಜನೆಯನ್ನು ಸಲಹೆ ಮಾಡಿದ್ದರು. ಇದೇ ರೀತಿಯ ಯೋಜನೆಗಳನ್ನು ಬೆಂಗ್ಟ್ ಸ್ಕೈಟ್ ಮತ್ತು ನಂತರ ಅಬ್ರಾಹಂ ಕೌಲಿ ಪ್ರತಿಪಾದಿಸಿದ್ದರು. ಅವರು ೧೬೬೧ರಲ್ಲಿ ಪ್ರೊಪೋಸಿಷನ್ ಫಾರ್ ದಿ ಅಡ್ವಾನ್ಸ್‌ಮೆಂಟ್ ಆಫ್ ಎಕ್ಸ್‌ಪೇರಿಮೆಂಟಲ್ ಫಿಲೋಸಫಿ ಯಲ್ಲಿ ಮನೆಗಳು, ಒಂದು ಗ್ರಂಥಾಲಯ ಮತ್ತು ಚಾಪೆಲ್‌ನಿಂದ ಕೂಡಿದ "ಫಿಲೋಸಾಫಿಕಲ್ ಕಾಲೇಜ್" ಬಗ್ಗೆ ತಿಳಿಸಿದ್ದರು. ಸೊಸೈಟಿ ಕಲ್ಪನೆಗಳಲ್ಲಿ ಇದಾವುದೂ ಜಟಿಲತೆ ಇರಲಿಲ್ಲ. ಕೈಬೆರಳೆಣಿಕೆಯ ಸಿಬ್ಬಂದಿಗೆ ನಿವಾಸಗಳು ಮಾತ್ರ ಒಳಗೊಂಡಿತ್ತು. ಆದರೆ ಬಹುಶಃ ಕೌಲಿ ಮತ್ತು ಸ್ಕೈಟ್ ಕಲ್ಪನೆಗಳಿಂದ ಅವರು ಸ್ಫೂರ್ತಿ ಪಡೆದಿದ್ದರೆಂದು ಹಂಟರ್ ಪ್ರತಿಪಾದಿಸಿದ್ದಾರೆ.[೧೩] ಹೆನ್ರಿ ಓಲ್ಡನ್‌ಬರ್ಗ್ ಮತ್ತು ಥಾಮಸ್ ಸ್ಪ್ರಾಟ್ ೧೬೬೭ರಲ್ಲಿ ತಮ್ಮ ಕಲ್ಪನೆಗಳನ್ನು ಮಂಡಿಸಿದರು. ಓಲ್ಡನ್‌ಬರ್ಗ್ ಸಹ-ಕಾರ್ಯದರ್ಶಿ ಜಾನ್ ವಿಲ್ಕಿನ್ಸ್ ೧೬೬೭ರ ಸೆಪ್ಟೆಂಬರ್ ೩೦ರಂದು ಕೌನ್ಸಿಲ್ ಸಭೆಯನ್ನು ಕರೆದಿದ್ದರು. ಕಾಲೇಜು ನಿರ್ಮಾಣಕ್ಕಾಗಿ ಸೊಸೈಟಿಯ ಸದಸ್ಯರ ನಡುವೆ ಕೊಡುಗೆಗಳನ್ನು ಎತ್ತುವುದಕ್ಕಾಗಿ ಸಮಿತಿಯೊಂದನ್ನು ನೇಮಿಸುವುದು ಇದರ ಉದ್ದೇಶವಾಗಿತ್ತು.[೧೪] ೧೬೬೭ರಲ್ಲಿ ಈ ಯೋಜನೆಗಳು ಪ್ರಗತಿ ಹೊಂದಿದ್ದು, ಸದಸ್ಯರ ಕೊಡುಗೆಗಳ ಕೊರತೆಯಿಂದ ಮತ್ತು ಸೊಸೈಟಿಯ ಈಡೇರಿಕೆಯಾಗದ ಮತ್ತು ಅವಾಸ್ತವಿಕ ಆಕಾಂಕ್ಷೆಗಳ ಕಾರಣದಿಂದ ಅದು ಫಲಪ್ರದವಾಗಲಿಲ್ಲ.[೧೫]

18ನೇ ಶತಮಾನ

ಬದಲಾಯಿಸಿ
 
ಲಾರ್ಡ್ ಹಾರ್ಡ್‌ವಿಕ್, "ಹಾರ್ಡ್‌ವಿಕ್ ಸರ್ಕಲ್" ನಾಯಕ. 1750ರ ದಶಕ ಮತ್ತು 60ರ ದಶಕದಲ್ಲಿ ಸೊಸೈಟಿ ರಾಜಕೀಯದಲ್ಲಿ ಪ್ರಾಬಲ್ಯ ಮೆರೆಯಿತು.

೧೮ನೇ ಶತಮಾನದಲ್ಲಿ ಸೊಸೈಟಿಯ ಮುಂಚಿನ ವರ್ಷಗಳ ಲಕ್ಷಣವಾಗಿದ್ದ ಉಮೇದು ಕುಂದಿತು. ಇತರ ಅವಧಿಗಳಿಗೆ ಹೋಲಿಸಿದರೆ ಸಣ್ಣ ಸಂಖ್ಯೆಯ ವೈಜ್ಞಾನಿಕ ಶ್ರೇಷ್ಠರೊಂದಿಗೆ, ಕೆಲವೇ ಟಿಪ್ಪಣಿಗಳನ್ನು ತಯಾರಿಸಲಾಯಿತು. ಎರಡನೇ ಉತ್ತರಾರ್ಧದಲ್ಲಿ ಯುನೈಟೆಡ್ ಕಿಂಗ್ಡಮ್ ಸರ್ಕಾರ‌ಕ್ಕೆ ಅತ್ಯಂತ ಮುಖ್ಯ ವೈಜ್ಞಾನಿಕ ಪ್ರಶ್ನೆಗಳನ್ನು ಸಲಹೆಗಾಗಿ ಸೊಸೈಟಿಯ ಕೌನ್ಸಿಲ್ ಮುಂದಿಡುವುದು ವಾಡಿಕೆಯಾಯಿತು. ಸೊಸೈಟಿಯ ನಿಷ್ಪಕ್ಷಪಾತ ಸ್ವಭಾವದ ನಡುವೆಯೂ, ೧೭೭೭ರಲ್ಲಿ ಲೈಟ್ನಿಂಗ್ ಕಂಡಕ್ಟರ್ ವಿಷಯವಾಗಿ ರಾಜಕೀಯ ಹುಟ್ಟಿ ಕೊಂಡಿತು. ಮೊನೆ ಹೊಂದಿರುವ ಲೈಟ್ನಿಂಗ್ ಕಂಡಕ್ಟರ್‌ನ್ನು ೧೭೪೯ರಲ್ಲಿ ಬೆಂಜಮಿನ್ ಫ್ರಾಂಕ್ಲಿನ್ ಆವಿಷ್ಕರಿಸಿದರು. ಆದರೆ ಬೆಂಜಮಿನ್ ವಿಲ್ಸನ್ ಮೊಂಡಾದ ಲೈಟ್ನಿಂಗ್ ಕಂಡಕ್ಟರ್ ಆವಿಷ್ಕರಿಸಿದ್ದರು. ಯಾವುದನ್ನು ಬಳಸಬೇಕೆಂದು ನಿರ್ಧರಿಸುವ ವಾದದಲ್ಲಿ, ಫ್ರಾಂಕ್ಲಿನ್ ಆವಿಷ್ಕಾರದ ವಿರೋಧಿಗಳು ಬ್ರಿಟಿಷ್ ಬದಲಿಗೆ ಅಮೆರಿಕನ್ ಮಿತ್ರರ ಬೆಂಬಲಿಗರೆಂದು ಆರೋಪಿಸಿದರು ಮತ್ತು ಈ ಚರ್ಚೆಯು ತರುವಾಯ ಸೊಸೈಟಿಯ ಅಧ್ಯಕ್ಷ ಸರ್ ಜಾನ್ ಪ್ರಿಂಗಲ್ ರಾಜೀನಾಮೆಗೆ ದಾರಿ ಕಲ್ಪಿಸಿತು. ಇದೇ ಅವಧಿಯಲ್ಲಿ, ವಿಜ್ಞಾನಕ್ಕೆ ಸಂಬಂಧಿಸಿದ ಸರ್ಕಾರಿ ಸಮಿತಿಗಳಲ್ಲಿ ಸೇವೆ ಸಲ್ಲಿಸಲು ಸೊಸೈಟಿ ಫೆಲೋಗಳನ್ನು ನೇಮಿಸುವುದು ವಾಡಿಕೆಯಾಗಿದ್ದು, ಅದು ಇನ್ನೂ ಮುಂದುವರೆದಿದೆ.[೧೬]

೧೮ನೇ ಶತಮಾನವು ಸೊಸೈಟಿಯ ಮುಂಚಿನ ಅನೇಕ ಸಮಸ್ಯೆಗಳಿಗೆ ಪರಿಹಾರಗಳನ್ನು ಕಂಡುಕೊಂಡಿದೆ. ಫೆಲೋಗಳ ಸಂಖ್ಯೆಯು ೧೭೩೯ರಷ್ಟರಲ್ಲಿ ೧೧೦ರಿಂದ ೩೦೦ಕ್ಕೆ ವೃದ್ಧಿಯಾಯಿತು. ಸರ್ ಐಸಾಕ್ ನ್ಯೂಟನ್ ಅಧ್ಯಕ್ಷಗಿರಿಯಲ್ಲಿ ಸೊಸೈಟಿಯ ಖ್ಯಾತಿಯು ೧೭೦೩ರಿಂದ ೧೭೨೭ರಲ್ಲಿ ಅವರು ಸಾವಪ್ಪುವ ತನಕ ವೃದ್ಧಿಸಿತು.[೧೭] ರಾಯಲ್ ಸೊಸೈಟಿಯ ಫಿಲಾಸಫಿಕಲ್ ಟ್ರಾನ್ಸಾಕ್ಷನ್ಸ್ ‌ನ ಆವೃತ್ತಿಗಳು ನಿಯಮಿತವಾಗಿ ಕಾಣಿಸಿಕೊಂಡವು.[೧೮] ಅಧ್ಯಕ್ಷಗಿರಿಯ ಅವರ ಅವಧಿಯಲ್ಲಿ, ನ್ಯೂಟನ್ ಅವರ ಅಧಿಕಾರವನ್ನು ದುರುಪಯೋಗ ಮಾಡಿದರೆಂದು ವಾದಿಸಲಾಯಿತು. ಇನ್ಫೈನೈಟ್‌ಸಿಮಲ್ ಕ್ಯಾಲ್ಕುಲಸ್ ಆವಿಷ್ಕಾರ ಕುರಿತು ಅವರು ಮತ್ತು ಗೋಟ್‌ಫ್ರೈಡ್ ಲೈಬ್‌ನಿಜ್ ನಡುವೆ ನಡೆದ ವಿವಾದದಲ್ಲಿ ಅದನ್ನು ನಿರ್ಧರಿಸಲು ನಿಷ್ಪಕ್ಷಪಾತ ಸಮಿತಿಯನ್ನು ನೇಮಿಸುವುದಕ್ಕೆ ಅವರ ಸ್ಥಾನವನ್ನು ಬಳಸಿಕೊಂಡರು. ತರುವಾಯ ಸಮಿತಿಯ ಹೆಸರಿನಲ್ಲಿ ಸ್ವತಃ ಅವರೇ ಬರೆದ ವರದಿಯನ್ನು ಪ್ರಕಟಿಸಿದರು.[೧೭] ೧೭೦೫ರಲ್ಲಿ ಸೊಸೈಟಿಗೆ ಗ್ರೇಷಮ್ ಕಾಲೇಜ್ ಬಾಡಿಗೆ ನೀಡುವುದಿಲ್ಲ ಎಂದು ತಿಳಿಸಲಾಗಿದ್ದರಿಂದ ಹೊಸ ಸ್ಥಳಕ್ಕಾಗಿ ಶೋಧ ಆರಂಭವಾಯಿತು. ಹೊಸ ಸ್ಥಳಗಳಿಗಾಗಿ ಕ್ವೀನ್ ಆನ್ನೆಗೆ ಅರ್ಜಿ ಸಲ್ಲಿಸಿ ವಿಫಲವಾದ ನಂತರ, ಕಾಟನ್ ಹೌಸ್‌ನಲ್ಲಿ ಭೇಟಿಯಾಗಬಹುದೇ ಎಂದು ಟ್ರಸ್ಟಿಗಳಿಗೆ ಕೇಳಿ, ಕೌನ್ಸಿಲ್ ೧೭೧೦ ಅಕ್ಟೋಬರ್ ೨೬ರಂದು ಫ್ಲೀಟ್ ಸ್ಟ್ರೀಟ್‌ನ ಕ್ರೇನ್ ಕೋರ್ಟ್‌ನಲ್ಲಿ ಎರಡು ಮನೆಗಳನ್ನು ಖರೀದಿಸಿತು.[೧೯] ಇದು ಕಚೇರಿಗಳನ್ನು, ವಾಸ್ತವ್ಯವನ್ನು ಮತ್ತು ಕುತೂಹಲಕರ ಸಂಗ್ರಹಗಳನ್ನು ಒಳಗೊಂಡಿದೆ. ಒಟ್ಟಾರೆ ಫೆಲೋಶಿಪ್ ಕೆಲವು ಹೆಸರಾಂತ ವಿಜ್ಞಾನಿಗಳನ್ನು ಒಳಗೊಂಡಿದ್ದರೂ, ಬಹುತೇಕ ಕೌನ್ಸಿಲ್ ಅತ್ಯಂತ ಗೌರವಾನ್ವಿತವಾಗಿತ್ತು ಮತ್ತು ವಿವಿಧ ಕಾಲಗಳಲ್ಲಿ ಜಾನ್ ಹ್ಯಾಡ್ಲಿ, ವಿಲಿಯಂ ಜೋನ್ಸ್ ಮತ್ತು ಹ್ಯಾನ್ಸ್ ಸ್ಲೋನ್ ಅವರನ್ನು ಒಳಗೊಂಡಿತ್ತು.[೨೦] ಫೆಲೋಗಳು ಚಂದಾಗಳನ್ನು ಪಾವತಿ ಮಾಡುವಲ್ಲಿನ ಅಲಕ್ಷ್ಯದಿಂದ, ಸೊಸೈಟಿಯು ಈ ಕಾಲದಲ್ಲಿ ಆರ್ಥಿಕ ಸಂಕಷ್ಟಗಳಿಗೆ ಗುರಿಯಾಯಿತು. ೧೭೪೦ರಲ್ಲಿ ಸೊಸೈಟಿಯು ೨೪೦ ಪೌಂಡ್ ಕೊರತೆಯನ್ನು ಹೊಂದಿತ್ತು. ಇದು ೧೭೪೧ರಲ್ಲಿ ಮುಂದುವರಿಯಿತು. ಆ ಹಂತದಲ್ಲಿ ಕೋಶಾಧಿಕಾರಿ ಹಣ ಪಾವತಿ ಮಾಡದ ಫೆಲೋಗಳ ವಿರುದ್ಧ ಕಠಿಣವಾಗಿ ವರ್ತಿಸಲು ಆರಂಭಿಸಿದರು.[೨೧] ಸೊಸೈಟಿಯ ವ್ಯವಹಾರವು ಈ ಸಂದರ್ಭದಲ್ಲಿ ಪ್ರಯೋಗಗಳ ಪ್ರದರ್ಶನ ಮತ್ತು ಔಪಚಾರಿಕ ಮತ್ತು ಪ್ರಮುಖ ಕಾಗದಪತ್ರಗಳ ಪಠಣದ ಜತೆಗೆ ಹೊಸ ವೈಜ್ಞಾನಿಕ ಉಪಕರಣಗಳ ಪ್ರದರ್ಶನ ಮತ್ತು ಬ್ರಿಟನ್ ಮತ್ತು ಯುರೋಪ್ ವೈಜ್ಞಾನಿಕ ವಿಷಯಗಳನ್ನು ಕುರಿತ ಪ್ರಶ್ನೆಗಳಿಂದ ಕೂಡಿತ್ತು.[೨೨]

೧೮ನೇ ಶತಮಾನದಲ್ಲಿ ಸೊಸೈಟಿಯ ಅವನತಿಯ ಬಗ್ಗೆ ಹೇಳಿಕೆಗಳು ಸುಳ್ಳು ಎಂದು ಕೆಲವು ಆಧುನಿಕ ಸಂಶೋಧನೆ ಪ್ರತಿಪಾದಿಸಿತು. ಅವಮಾನಕರವಾಗಿ ನಡೆದಿದ್ದಕ್ಕೆ ದೂರವಾಗಿ ಸೊಸೈಟಿಯು ಗಮನಾರ್ಹವಾಗಿ ೧೮ನೇ ಶತಮಾನದುದ್ದಕ್ಕೂ ಉತ್ಪಾದನೆ ಮತ್ತು ಬೆಳವಣಿಗೆಯನ್ನು ಅನುಭವಿಸಿತು ಎಂದು ರಿಚರ್ಡ್ ಸೊರೆನ್‌ಸನ್ ಬರೆದಿದ್ದಾರೆ. ಅನೇಕ ಮೂಲಗಳ ವಿಶ್ಲೇಷಣೆಯು ಕಾರ್ಯಸೂಚಿಯನ್ನು ಆಧರಿಸಿತ್ತು ಅಥವಾ ಕಾರ್ಯಸೂಚಿಯನ್ನು ಹೊಂದಿರುವವರಿಂದ ಬರೆಯಲಾಗಿತ್ತು ಎಂದು ಸೂಚಿಸಿದ್ದಾರೆ.[೨೩] ಬ್ರಿಟನ್‌ನಲ್ಲಿ ಸೈದ್ಧಾಂತಿಕ ಗಣಿತದ ಅಭ್ಯಾಸ ದುರ್ಬಲವಾಗಿತ್ತು ಎಂದು ಚಾರ್ಲ್ಸ್ ಬ್ಯಾಬೇಜ್ ಬರೆಯುತ್ತಾ, ಸೊಸೈಟಿಯ ವಿರುದ್ಧ ದೂರಿದ್ದಾರೆ. ಮಿಶ್ರಿತ ಗಣಿತದ ಅಭ್ಯಾಸ ಪ್ರಬಲವಾಗಿದ್ದು, ಸೊಸೈಟಿಯಲ್ಲಿ ಅನೇಕ ಪೂರ್ಣ ಸಮರ್ಥ ಸದಸ್ಯರಿಲ್ಲದಿದ್ದರೂ, ಕೆಲವರು ವ್ಯಾಪಕ ಪ್ರಮಾಣಗಳನ್ನು ಕೊಡುಗೆಯಾಗಿ ನೀಡಿದ್ದಾರೆ-ಉದಾಹರಣೆಗೆ ಜೇಮ್ಸ್ ಬ್ರಾಡ್ಲಿ, ಭೂಮಿಯ ಅಕ್ಷದ ಭೂವಲನವನ್ನು ೨೦ ವರ್ಷಗಳ ವಿವರವಾದ, ಕರಾರುವಕ್ಕಾದ ಖಗೋಳವಿಜ್ಞಾನದೊಂದಿಗೆ ಸ್ಥಿರೀಕರಿಸಿದ್ದಾರೆ.[೨೪]

ಸೊಸೈಟಿಯಲ್ಲಿ ರಾಜಕೀಯವಾಗಿ, ೧೮ನೇ ಶತಮಾನದ ಮಧ್ಯಾವಧಿಯು ವಿಗ್(ಪಕ್ಷ) ಪ್ರಾಬಲ್ಯದ ಲಕ್ಷಣದಿಂದ ಕೂಡಿತ್ತು. "ಹಾರ್ಡ್‌ವಿಕ್ ಸರ್ಕಲ್" ಎಂದು ಕರೆಯಲಾಗುತ್ತಿದ್ದ ವಿಗ್ ಒಲವಿನ ವಿಜ್ಞಾನಿಗಳು ಸೊಸೈಟಿಯ ಮುಖ್ಯ ಕಚೇರಿಗಳನ್ನು ಹೊಂದಿದ್ದರು. ಲಾರ್ಡ್ ಹಾರ್ಡ್‌ವಿಕ್ ಹೆಸರಿನಲ್ಲಿರುವ ಈ ಗುಂಪುಗಳ ಸದಸ್ಯರು ಡೇನಿಯಲ್ ವ್ರೇ ಮತ್ತು ಥಾಮಸ್ ಬಿರ್ಚ್ ಅವರನ್ನು ಒಳಗೊಂಡಿತ್ತು ಮತ್ತು ೧೭೫೦ ಮತ್ತು ೬೦ನೇ ಶತಮಾನಗಳಲ್ಲಿ ಅತ್ಯಂತ ಪ್ರಮುಖರಾಗಿದ್ದರು. ವೃತ್ತ(ಸರ್ಕಲ್)ವು ಬಿರ್ಚ್ ಆಯ್ಕೆ ಮಾಡಿದ ಕಾರ್ಯದರ್ಶಿಯನ್ನು ಹೊಂದಿತ್ತು. ಮಾರ್ಟಿನ್ ಫೋಲ್ಕ್ಸ್ ರಾಜೀನಾಮೆ ನಂತರ, ವೃತ್ತವು ಅರ್ಲ್ ಮೆಕ್ಲೆಸ್‌ಫೀಲ್ಡ್ ಅಧ್ಯಕ್ಷಗಿರಿಯ ಸುಗಮ ಪರಿವರ್ತನೆಯ ಮೇಲ್ವಿಚಾರಣೆಗೆ ನೆರವಾಯಿತು.[೨೫] ಮ್ಯಾಕ್ಲಸ್‌ಫೀಲ್ಡ್ ನೇತೃತ್ವದಲ್ಲಿ, ವೃತ್ತವು ಏಳಿಗೆಯನ್ನು ಹೊಂದಿತು. ಲಾರ್ಡ್ ವಿಲ್ಲಗ್‌ಬೈ ಮತ್ತು ಬಿರ್ಚ್ ಮುಂತಾದ ಸದಸ್ಯರು ಕ್ರಮವಾಗಿ ಉಪಾಧ್ಯಕ್ಷರು ಮತ್ತು ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದರು. ವೃತ್ತವು ಇತರ ವಿದ್ವಾಂಸ ಸೊಸೈಟಿಗಳ ನಿರ್ವಹಣೆಗೆ ಕೂಡ ಪ್ರಭಾವ ಬೀರಿತು. ಉದಾಹರಣೆಗೆ ಲಂಡನ್ ಪುರಾವಸ್ತು ಶೋಧಕಗಳ ಸೊಸೈಟಿ. ಮೆಕೆಲ್ಸ್‌ಫೀಲ್ಡ್ ನಿವೃತ್ತಿಯ ನಂತರ, ವೃತ್ತವು ೧೭೬೪ರಲ್ಲಿ ಲಾರ್ಡ್ ಮಾರ್ಟನ್‌ರನ್ನು ಆಯ್ಕೆ ಮಾಡಿತು ಮತ್ತು ೧೭೭೨ರಲ್ಲಿ ಸರ್ ಜಾನ್ ಪ್ರಿಂಗಲ್ ಅವರನ್ನು ಆಯ್ಕೆ ಮಾಡಿತು.[೨೬] ಈ ಹಂತದಲ್ಲಿ ಮುಂಚಿನ ವಿಗ್ ಬಹುಮತ "ಬಣ"ವೊಂದಾಗಿ ಕುಸಿದಿತ್ತು. ಬಿರ್ಚ್ ಮತ್ತು ವಿಲ್ಲೋಗ್‌ಬೈ ಅದರಲ್ಲಿ ಒಳಗೊಳ್ಳದೇ, ಜಾರ್ಜ್ IIIನೇತೃತ್ವದಲ್ಲಿ ರಾಜಕೀಯ ಪಕ್ಷ ಅವನತಿ ಹೊಂದಿದ ಕಾಲಾವಧಿಯಲ್ಲೇ ವೃತ್ತವು ಕುಸಿದು 1780ರಲ್ಲಿ ಪ್ರತ್ಯೇಕವಾಯಿತು.[೨೭]

1780ರಲ್ಲಿ, ಸೊಸೈಟಿಯು ಈ ಬಾರಿ ಸೋಮರ್‌ಸೆಟ್ ಹೌಸ್‌ಗೆ ಪುನಃ ಸ್ಥಳಾಂತರವಾಯಿತು. ಬ್ರಿಟನ್ ಸರ್ಕಾರದಿಂದ ಈ ಆಸ್ತಿಯನ್ನು ಸೊಸೈಟಿಗೆ ನೀಡುವ ಬಗ್ಗೆ ಪ್ರಸ್ತಾಪಿಸಲಾಯಿತು. 1778ರ ನವೆಂಬರ್‌ನಲ್ಲಿ ಸರ್ ಜೋಸೆಫ್ ಬ್ಯಾಂಕ್ಸ್ ಅಧ್ಯಕ್ಷರಾದ ನಂತರ, ಅವರು ಈ ಕ್ರಮಕ್ಕೆ ಯೋಜನೆ ಆರಂಭಿಸಿದರು. ಸಾಮರ್‌ಸೆಟ್ ಹೌಸ್, ಕ್ರೇನ್ ಕೋರ್ಟ್‌ಗಿಂತ ದೊಡ್ಡದಾಗಿದ್ದರೂ ಫೆಲೋಗಳಿಗೆ ತೃಪ್ತಿಕರವಾಗಿರಲಿಲ್ಲ. ಗ್ರಂಥಾಲಯವನ್ನು ಸಂಗ್ರಹಿಸುವ ಕೋಣೆ ತೀರಾ ಚಿಕ್ಕದಾಗಿದ್ದು, ವಸತಿಯು ಸಾಕಷ್ಟಿರಲಿಲ್ಲ. ಮ್ಯೂಸಿಯಂ ಸಂಗ್ರಹಕ್ಕೆ ಸಾಕಷ್ಟು ಸ್ಥಳಾವಕಾಶವಿರಲಿಲ್ಲ. ಇದರ ಫಲವಾಗಿ, ಮ್ಯೂಸಿಯಂನ್ನು 1781ರಲ್ಲಿ ಬ್ರಿಟಿಷ್ ಮ್ಯೂಸಿಯಂಗೆ ಹಸ್ತಾಂತರಿಸಲಾಯಿತು ಮತ್ತು ಗ್ರಂಥಾಲಯವನ್ನು ಎರಡು ಕೋಣೆಗಳಿಗೆ ವಿಸ್ತರಿಸಲಾಯಿತು. ಅವುಗಳಲ್ಲಿ ಒಂದನ್ನು ಕೌನ್ಸಿಲ್ ಸಭೆಗಳಿಗೆ ಬಳಸಲಾಯಿತು.[೨೮]

19ನೇ ಶತಮಾನದಿಂದ ಇಂದಿನವರೆಗೆ

ಬದಲಾಯಿಸಿ
 
ಬರ್ಲಿಂಗ್‌ಟೌನ್ ಹೌಸ್, 1873 ಮತ್ತು ೧೯೬೭ರಲ್ಲಿ ಸೊಸೈಟಿಯು ನೆಲೆ ಹೊಂದಿದೆ.

ಪೂರ್ವದ 19ನೇ ಶತಮಾನ ಸೊಸೈಟಿಯ ಕುಸಿತದ ಕಾಲದಂತೆ ಕಂಡುಬಂತು. 1830ರಲ್ಲಿ 662 ಫೆಲೋಗಳಿಂದ ಕೇವಲ 104 ಫೆಲೋಗಳು ಫಿಲೋಸಾಫಿಕಲ್ ಟ್ರಾನ್ಸಾಕ್ಷನ್ಸ್‌ ಗಳಿಗೆ ಕೊಡುಗೆ ನೀಡಿದ್ದರು. ಅದೇ ವರ್ಷ ಚಾರ್ಲ್ಸ್ ಬಾಬ್ಬೇಜ್ ರಿಫ್ಲೆಕ್ಶನ್ಸ್ ಆನ್ ದಿ ಡಿಕ್ಲೈನ್ ಆಫ್ ಸೈನ್ಸ್ ಇನ್ ಇಂಗ್ಲೆಂಡ್ ಎಂಡ್ ಆನ್ ಸಮ್ ಆಫ್ ಇಟ್ಸ್ ಕಾಸಸ್ ಪ್ರಕಟಿಸಿದರು. ಇದು ಸೊಸೈಟಿಯನ್ನು ಆಳವಾಗಿ ಟೀಕಿಸಿತು. ಇದರಿಂದ ಸೊಸೈಟಿಯ ವೈಜ್ಞಾನಿಕ ಫೆಲೋಗಳು ಕ್ರಮ ಕೈಗೊಳ್ಳಲು ಪ್ರೇರಣೆಯಾಯಿತು ಮತ್ತು ತರುವಾಯ ಜೇಮ್ಸ್ ಸೌತ್ ರಾಜಪ್ರಭುತ್ವದಿಂದ ಪೂರಕ ಸನ್ನದು ಪಡೆಯುವ ದೃಷ್ಟಿಯಿಂದ ಚಾರ್ಟರ್ಸ್ ಸಮಿತಿಯನ್ನು ಸ್ಥಾಪಿಸಿದರು. ಸದಸ್ಯತ್ವನ್ನು ನಿರ್ಬಂಧಿಸಲು ದಾರಿಗಳನ್ನು ಹುಡುಕುವ ಬಗ್ಗೆ ಮುಖ್ಯ ಗುರಿಯನ್ನು ಇದು ಹೊಂದಿತ್ತು. ಫೆಲೋಗಳ ಚುನಾವಣೆಯು ಪ್ರತಿ ವರ್ಷ ಒಂದು ದಿನ ನಡೆಯುತ್ತದೆ ಎಂದು ಸಮಿತಿಯು ಶಿಫಾರಸು ಮಾಡಿತು. ಫೆಲೋಗಳನ್ನು ಅವರ ವೈಜ್ಞಾನಿಕ ಸಾಧನೆಗಳನ್ನು ಪರಿಗಣಿಸಿ ಆಯ್ಕೆ ಮಾಡಬೇಕೆಂದು ಮತ್ತು ವರ್ಷಕ್ಕೆ ಆಯ್ಕೆ ಮಾಡುವ ಫೆಲೋಗಳನ್ನು 15ಕ್ಕೆ ಸೀಮಿತಗೊಳಿಸಬೇಕೆಂದು ಅದು ಶಿಫಾರಸು ಮಾಡಿತು. ಈ ಮಿತಿಯು 1930ರಲ್ಲಿ 17ಕ್ಕೆ ಮತ್ತು 1937ರಲ್ಲಿ 20ಕ್ಕೆ ಹೆಚ್ಚಿಸಲಾಯಿತು.[೧೬] ಇದು ಪ್ರಸಕ್ತ 44ಕ್ಕೇರಿದೆ.[೨೯] ಇದು ಸೊಸೈಟಿಯ ಮೇಲೆ ಅನೇಕ ಪರಿಣಾಮಗಳನ್ನು ಬೀರಿತು. ಮೊದಲಿಗೆ ಸೊಸೈಟಿಯ ಸದಸ್ಯತ್ವವು ಕೆಲವು ರಾಜಕೀಯ ಫೆಲೋಗಳು ಅಥವಾ ಪೋಷಕರೊಂದಿಗೆ ಬಹುಮಟ್ಟಿಗೆ ಸಂಪೂರ್ಣವಾಗಿ ವೈಜ್ಞಾನಿಕವಾಯಿತು. ಎರಡನೆಯದಾಗಿ, ಫೆಲೋಗಳ ಸಂಖ್ಯೆ ಗಮನಾರ್ಹವಾಗಿ ಕುಸಿಯಿತು- ೧೭೦೦ರಿಂದ ೧೮೫೦ರ ನಡುವೆ ಫೆಲೋಗಳ ಸಂಖ್ಯೆ ಅಂದಾಜು ೧೦೦ರಿಂದ ಅಂದಾಜು ೭೫೦ಕ್ಕೆ ಏರಿಕೆಯಾಯಿತು. ಆಗಿನಿಂದ ೧೯೪೧ರವರೆಗೆ, ಫೆಲೋಗಳ ಒಟ್ಟು ಸಂಖ್ಯೆ ೪೦೦ರಿಂದ ೫೦೦ರ ನಡುವೆ ಸದಾ ಇತ್ತು.[೩೦]

ಈ ಅವಧಿಯು ೧೮೨೩ ಮತ್ತು ೧೮೩೧ರಲ್ಲಿದ್ದಂತೆ ಆಂತರಿಕ ಸೊಸೈಟಿ ಶಾಸನಗಳ ಸುಧಾರಣೆಗೆ ದಾರಿ ಕಲ್ಪಿಸಿತು. ಅಲ್ಲಿ ಅತೀ ಮುಖ್ಯ ಬದಲಾವಣೆಯು ಕೋಶಾಧಿಕಾರಿ ವಾರ್ಷಿಕ ವರದಿಯನ್ನು ಸೊಸೈಟಿಯ ಒಟ್ಟು ಆದಾಯ ಮತ್ತು ವೆಚ್ಚದ ಪ್ರತಿಯೊಂದಿಗೆ ಸಲ್ಲಿಸುವ ಅಗತ್ಯವಿತ್ತು. ಇದನ್ನು ಸಾಮಾನ್ಯ ಸಭೆಗೆ ಕನಿಷ್ಠ ೧೪ ದಿನಗಳಿಗೆ ಮುಂಚಿತವಾಗಿ ಕಳಿಸಬೇಕಿತ್ತು. ಪ್ರಸಕ್ತ ಅಧಿಕಾರಿಗಳು ಏನು ಮಾಡುತ್ತಿದ್ದಾರೆಂದು ಕೂಡಲೇ ಸ್ಪಷ್ಟವಾಗಲು ಸಮರ್ಥ ಅಧಿಕಾರಿಗಳ ಚುನಾವಣೆಯನ್ನು ಖಾತರಿ ಮಾಡುವ ಉದ್ದೇಶವನ್ನು ಹೊಂದಿತ್ತು. ಇದು ಕೌನ್ಸಿಲ್ ಸ್ಥಾನಗಳಿಗೆ ನಿಂತ ಫೆಲೋಗಳ ಪೂರ್ಣ ಪಟ್ಟಿಯಿಂದ ಕೂಡಿತ್ತು. ಅದಕ್ಕೆ ಮುಂಚೆ ಕೆಲವು ದಿನಗಳ ಮುನ್ನ ಹೆಸರುಗಳನ್ನು ಪ್ರಕಟಿಸಲಾಗಿತ್ತು. ಇತರ ಸುಧಾರಣೆಗಳ ರೀತಿಯಲ್ಲಿ, ಇದು ಫೆಲೋಗಳಿಗೆ ಕೂಲಂಕಷವಾಗಿ ಪರಿಶೀಲಿಸಿ ಸೂಕ್ತವಾಗಿ ಅಭ್ಯರ್ಥಿಗಳನ್ನು ಪರಿಗಣಿಸಲು ಅವಕಾಶ ಸಿಕ್ಕಿತು.[೩೧] ಸರ್ಕಾರದಿಂದ ವರ್ಷಕ್ಕೆ £1,000ಸಹಾಯಧನ ಅಂಗೀಕೃತವಾದಾಗ ೧೮೫೦ರಲ್ಲಿ ಸೊಸೈಟಿಯ ಆರ್ಥಿಕ ತೊಂದರೆಗಳಿಗೆ ಅಂತಿಮವಾಗಿ ಪರಿಹಾರ ಸಿಕ್ಕಿತು. ೧೮೭೬ರಲ್ಲಿ ಇದು £4,000 ಗೆ ಏರಿಕೆಯಾಯಿತು. ಈ ನಿಧಿಗಳಿಗೆ ಕೇವಲ ಟ್ರಸ್ಟಿಯಾಗಿ ಸೊಸೈಟಿ ಅಧಿಕೃತವಾಗಿ ಕಾರ್ಯನಿರ್ವಹಿಸಿತು ಮತ್ತು ಅವುಗಳನ್ನು ಪ್ರತಿ ವಿಜ್ಞಾನಿಗಳಿಗೆ ಕೊಟ್ಟರು.[೩೨]

೧೮೫೨ರಲ್ಲಿ ಫೆಲೋಗಳ ಸಂಖ್ಯೆ ಹೆಚ್ಚಳದಿಂದ ಸಾಮರ್‌ಸೆಟ್ ಹೌಸ್ ದಟ್ಟಣೆಯು ವೃದ್ಧಿಯಾಯಿತು. ಆದ್ದರಿಂದ ಗ್ರಂಥಾಲಯದ ಸಮಿತಿಯು ಹೊಸ ಸೌಲಭ್ಯಗಳನ್ನು ಹುಡುಕುವಂತೆ ಬ್ರಿಟನ್ ಸರ್ಕಾರಕ್ಕೆ ಅರ್ಜಿ ಸಲ್ಲಿಸುವಂತೆ ಕೌನ್ಸಿಲ್‌ಗೆ ಸೂಚಿಸಿತು ಮತ್ತು ಎಲ್ಲ ವೈಜ್ಞಾನಿಕ ಸೊಸೈಟಿಗಳನ್ನು ಉದಾಹರಣೆಗೆ ಲೈನ್ನಿಯನ್ ಮತ್ತು ಜಿಯೊಲಾಜಿಕಲ್ ಸೊಸೈಟಿಗಳನ್ನು ಒಂದೇ ಸೂರಿನಡಿ ತರುವಂತೆ ಸಲಹೆ ಮಾಡಿತು. ೧೮೬೬ರ ಆಗಸ್ಟ್‌ನಲ್ಲಿ, ಸರ್ಕಾರವು ಬರ್ಲಿಂಗ್ಟನ್ ಹೌಸ್ ನವೀಕರಿಸಿ, ಅಲ್ಲಿಗೆ ರಾಯಲ್ ಅಕಾಡೆಮಿ ಮತ್ತು ಇತರೆ ಸೊಸೈಟಿಗಳ ಸ್ಥಳಾಂತರದ ಉದ್ದೇಶವನ್ನು ಪ್ರಕಟಿಸಿತು. ಅಕಾಡೆಮಿಯು ೧೮೬೭ರಲ್ಲಿ ಸ್ಥಳಾಂತರಗೊಂಡಿತು ಮತ್ತು ಇತರ ಸೊಸೈಟಿಗಳು ಅವುಗಳ ಸೌಲಭ್ಯಗಳು ನಿರ್ಮಾಣವಾದ ನಂತರ ಅಲ್ಲಿಗೆ ಸ್ಥಳಾಂತರಗೊಂಡವು. ರಾಯಲ್ ಸೊಸೈಟಿಯು ಅಲ್ಲಿಗೆ ೧೮೭೩ರಲ್ಲಿ ಸ್ಥಳಾಂತರಗೊಂಡಿತು ಮತ್ತು ಈಸ್ಟ್ ವಿಂಗ್‌ನಲ್ಲಿ ನೆಲೆಯನ್ನು ಸ್ಥಾಪಿಸಿತು.[೩೩] ಮೇಲಿನ ಮಹಡಿಯನ್ನು ಸಹಾಯಕ ಕಾರ್ಯದರ್ಶಿಗೆ ವಾಸ್ತವ್ಯಕ್ಕಾಗಿ ಬಳಸಲಾಯಿತು ಮತ್ತು ಗ್ರಂಥಾಲಯವು ಪ್ರತಿಯೊಂದು ಕೋಣೆಯಲ್ಲಿ ಹರಡಿಕೊಂಡಿತ್ತು ಹಾಗು ಮೇಲ್ವಿಚಾರಕರ ನಿವಾಸವನ್ನು ಕಚೇರಿಗಳಾಗಿ ಪರಿವರ್ತಿಸಲಾಯಿತು. ಒಂದು ದೋಷವೆಂದರೆ ಅಲ್ಲಿ ಅಂದಾಜು ೮೦ರಷ್ಟಿದ್ದ ಕಚೇರಿ ಸಿಬ್ಬಂದಿಗೆ ಸಾಕಷ್ಟು ಜಾಗವಿರಲಿಲ್ಲ. ಉದಾಹರಣೆಗೆ, ಸೊಸೈಟಿಯು ೧೯೫೪ರಲ್ಲಿ ಇಂಟರ್‌ನ್ಯಾಷನಲ್ ಜಿಯೊಫಿಸಿಕಲ್ ಇಯರ್ಗೆ ಬ್ರಿಟಿಷ್ ಕೊಡುಗೆಯನ್ನು ಆಯೋಜಿಸಿತು. ಬರ್ಲಿಂಗ್‌ಟೌನ್ ಹೌಸ್ ಹೊರಗೆ ಸಿಬ್ಬಂದಿಗೆ ಹೆಚ್ಚುವರಿ ಸೌಲಭ್ಯಗಳನ್ನು ಹುಡುಕಬೇಕಿತ್ತು.[೩೪]

೧೯೪೫ರ ಮಾರ್ಚ್ ೨೨ರಂದು, ರಾಯಲ್ ಸೊಸೈಟಿಗೆ ಪ್ರಥಮ ಮಹಿಳಾ ಫೆಲೋಗಳನ್ನು ಆಯ್ಕೆ ಮಾಡಲಾಯಿತು. ಇದು ೧೯೪೪ರಲ್ಲಿ ಶಾಸನಬದ್ಧ ತಿದ್ದುಪಡಿಯನ್ನು ಅನುಸರಿಸಿತು. "ಮಹಿಳೆಯರನ್ನು ಅಭ್ಯರ್ಥಿಗಳಾಗಿ ಅನರ್ಹಗೊಳಿಸಲು ಇದರಲ್ಲಿ ಯಾವುದನ್ನೂ ಹೊಂದಿಲ್ಲ. ಇದು ಅಧ್ಯಾಯ ೧ ಮತ್ತು ಶಾಸನ ೧ ರಲ್ಲಿ ಒಳಗೊಂಡಿತ್ತು. ಎರಡನೇ ವಿಶ್ವ ಸಮರದ ಸಂದರ್ಭದಲ್ಲಿ ಎಲ್ಲ ಫೆಲೋಗಳನ್ನು ಸಂಘಟಿಸಲು ಇರುವ ಕಷ್ಟದಿಂದ, ಬದಲಾವಣೆ ಮಾಡುವುದನ್ನು ಕುರಿತ ಮತಪತ್ರವನ್ನು ಅಂಚೆಪತ್ರದ ಮೂಲಕ ಕಳಿಸಲಾಯಿತು. ೩೩೬ ಫೆಲೋಗಳು ಬದಲಾವಣೆಗೆ ಬೆಂಬಲಿಸಿದರು ಮತ್ತು ೩೭ ಜನರು ವಿರೋಧಿಸಿದರು.[೩೫] ಕೌನ್ಸಿಲ್ ಅನುಮೋದನೆ ನಂತರ, ಮಾರ್ಜೊರಿ ಸ್ಟೀಫನ್‌ಸನ್ ಮತ್ತು ಕ್ಯಾಥಲೀನ್ ಲಾನ್ಸ್‌ಡೇಲ್ ಅವರನ್ನು ಫೆಲೋಗಳಾಗಿ ಆಯ್ಕೆಮಾಡಲಾಯಿತು.[೩೫]

ಲಾಂಛನಗಳು

ಬದಲಾಯಿಸಿ

ರಾಯಲ್ ಸೊಸೈಟಿಯ ಲಾಂಛನಗಳು ರಜತವರ್ಣದ ಫಲಕದ ಬಲಮೂಲೆಯಲ್ಲಿ ಇಂಗ್ಲೆಂಡ್‌ನ ಮೂರು ಸಿಂಹಗಳು ಮತ್ತು ತುದಿಯಲ್ಲಿ ಶಿರಸ್ತ್ರಾಣದಲ್ಲಿ ಪುಷ್ಪಗಳಿಂದ ಅಲಂಕೃತವಾದ ಕಿರೀಟ. ಎತ್ತರದಲ್ಲಿ ಸೂಕ್ತ ಬಣ್ಣದ ಹದ್ದು ಒಂದು ಪಾದದಲ್ಲಿ ಸಿಂಹಗಳು ಆಕ್ರಮಣ ಮಾಡುವ ಫಲಕ ಹಿಡಿದಿರುವುದು ಮತ್ತು ಕಿರೀಟಗಳೊಂದಿಗೆ ಮಿತಿಮೀರಿ ತಿಂದ ಎರಡು ಬಿಳಿಯ ಬೇಟೆ ನಾಯಿಗಳ ಬೆಂಬಲ, "ನಲ್ಲಿಯಸ್ ಇನ್ ವರ್ಬಾ" ಧ್ಯೇಯ ವಾಕ್ಯದೊಂದಿಗೆ. ಜಾನ್ ಎವ್ಲಿನ್ ಸೊಸೈಟಿಯ ಮುಂಚಿನ ರಚನೆಯಲ್ಲಿ ಆಸಕ್ತಿ ಹೊಂದಿದ್ದರು ಮತ್ತು ಕನಿಷ್ಠ ೬ ಸಂಭವನೀಯ ವಿನ್ಯಾಸಗಳನ್ನು ರಚಿಸಿದ್ದರು. ಆದರೆ ೧೬೬೨ರ ಆಗಸ್ಟ್‌ನಲ್ಲಿ ಚಾರ್ಲ್ಸ್ IIಸೊಸೈಟಿಗೆ, ಅದರ ಲಾಂಛನದ ಭಾಗವಾಗಿ ಇಂಗ್ಲೆಂಡ್‌ನ ಕೆಲವು ಅಧಿಕೃತ ಚಿಹ್ನೆಗಳನ್ನು ಬಳಸಲು ಅವಕಾಶ ನೀಡುವುದಾಗಿ ಹೇಳಿದರು. ಸೊಸೈಟಿಯ ಅಧಿಕೃತ ಚಿಹ್ನೆಗಳು ಲಘು ರಜತವರ್ಣದೊಂದಿಗೆ, ಇಂಗ್ಲೆಂಡ್‌ನ ಜಿಲ್ಲೆಗಳ ಅಧಿಕೃತ ಚಿಹ್ನೆಗಳು, ಎರಡು ಟ್ಯಾಲ್ಬಾಟ್ಸ್ ಆರ್ಜೆಂಟ್ ಬೆಂಬಲಿಗರು, ಕ್ರೆಸ್ಟ್, ಒಂದು ಹದ್ದು ಮತ್ತು ಇಂಗ್ಲೆಂಡ್‌ನ ಒಂದೇ ರೀತಿಯ ಅಧಿಕೃತ ಚಿಹ್ನೆಗಳೊಂದಿಗೆ ಫಲಕವನ್ನು ಹಿಡಿದಿರುವುದು ಉದಾ.೩ ಸಿಂಹಗಳು. ಪದಗಳು ನಲ್ಲಿಯಸ್ ಇನ್ ವರ್ಬಾ". ಇದನ್ನು ಚಾರ್ಲ್ಸ್ ಅನುಮೋದಿಸಿದರು. ಅದಕ್ಕೆ ಶಾಸನಪತ್ರ ಸೃಷ್ಟಿಸುವಂತೆ ಗಾರ್ಟರ್ ಕಿಂಗ್ ಆಫ್ ಆರ್ಮ್ಸ್‌ಗೆ ಕೇಳಿದರು. ೧೬೬೩ರ ಏಪ್ರಿಲ್ ೨೨ರಂದು ಎರಡನೇ ಚಾರ್ಟರ್‌‍ಗೆ ಸಹಿ ಹಾಕಿದ ನಂತರ, ಚಿಹ್ನೆಗಳನ್ನು ಅಧ್ಯಕ್ಷ, ಕೌನ್ಸಿಲ್ ಮತ್ತು ಸೊಸೈಟಿಯ ಫೆಲೋಗಳಿಗೆ ಅವರ ಉತ್ತರಾಧಿಕಾರಿಗಳ ಜತೆ ನೀಡಲಾಯಿತು.[೩೬]

ಚಿಹ್ನೆಗಳ ಶಿರಸ್ತ್ರಾಣದ ಬಗ್ಗೆ ಸನ್ನದಿನಲ್ಲಿ ನಮೂದಿಸಿರಲಿಲ್ಲ. ಆದರೆ ಅಂತಿಮ ವಿನ್ಯಾಸದಲ್ಲಿ ಕೆತ್ತನೆಗಾರ ವರಿಷ್ಠ ವರ್ಗದವನ ಶಿರಸ್ತ್ರಾಣವನ್ನು ರೂಪಿಸಿದ ಮತ್ತು ಅದನ್ನು ಬಳಸಲಾಯಿತು. ಇದು ಲಾಂಛನಗಳ ನಿಯಮಗಳಿಗೆ ವಿರುದ್ಧವಾಗಿತ್ತು. ಸೊಸೈಟಿ ಅಥವಾ ಕಾರ್ಪೊರೇಷನ್ ಸಾಮಾನ್ಯವಾಗಿ ಎಸ್ಕ್ವೈರ್ ಶಿರಸ್ತ್ರಾಣವನ್ನು ಹೊಂದಿತ್ತು. ಕೆತ್ತನೆಗಾರನಿಗೆ ಈ ನಿಯಮದ ಬಗ್ಗೆ ತಿಳಿವಳಿಕೆ ಇಲ್ಲವೆಂದು ಅಥವಾ ಸರಿಸುಮಾರು ೧೬೧೫ರವರೆಗೆ ಅದಕ್ಕೆ ಕಟ್ಟುನಿಟ್ಟಾಗಿ ಬದ್ಧವಾಗಿರಲಿಲ್ಲ ಎಂದು ಭಾವಿಸಲಾಯಿತು. ಅವನು ವರಿಷ್ಠವರ್ಗದವನ ಶಿರಸ್ತ್ರಾಣವನ್ನು ವಿಕೌಂಟ್ ಬ್ರೌಂಕರ್‌ಗೆ ಅಭಿನಂದನೆಯಾಗಿ ಬಳಸಿದ್ದನು. ಬ್ರೌಂಕರ್ ವರಿಷ್ಠ ಮತ್ತು ರಾಯಲ್ ಸೊಸೈಟಿಯ ಅಧ್ಯಕ್ಷರಾಗಿದ್ದರು.[೩೭]

ಘೋಷಣಾ ವಾಕ್ಯ

ಬದಲಾಯಿಸಿ

ಘೋಷಣಾ ವಾಕ್ಯ "ನಲ್ಲಿಯಸ್ ಇನ್ ವರ್ಬಾ"ವು, "ಇದಕ್ಕೆ ಯಾರದೇ ಪದ ತೆಗೆದುಕೊಳ್ಳಬೇಡ"ಎನ್ನುವುದರ ಲ್ಯಾಟಿನ್ ವಾಕ್ಯವಾಗಿದ್ದು, ಪ್ರಯೋಗಗಳ ಮೂಲಕ ಸತ್ಯಾಂಶಗಳನ್ನು ಸ್ಥಿರಪಡಿಸಬೇಕೆಂಬ ಫೆಲೋಗಳ ದೃಢಸಂಕಲ್ಪವನ್ನು ಸೂಚಿಸುತ್ತದೆ. ಇದು ಹೊರೇಸ್ ಎಪಿಸ್ಟಲ್ಸ್ ‌ನಿಂದ ಬಂದಿದ್ದು, ಅದರಲ್ಲಿ ಅವನು ಸ್ವತಃ ಗ್ಲೇಡಿಯೇಟರ್‌ಗೆ ಹೋಲಿಸಿಕೊಂಡಿದ್ದಾನೆ. ನಿವೃತ್ತನಾದ ಅವನು ನಿಯಂತ್ರಣದಿಂದ ಮುಕ್ತನಾಗಿದ್ದ.[೩೮]

ಕ್ರಿಯೆಗಳು ಮತ್ತು ಚಟುವಟಿಕೆಗಳು

ಬದಲಾಯಿಸಿ

ಸೊಸೈಟಿಯು ವಿವಿಧ ಕ್ರಿಯೆಗಳು ಮತ್ತು ಚಟುವಟಿಕೆಗಳನ್ನು ಹೊಂದಿದೆ. ಇದು ಆಧುನಿಕ ವಿಜ್ಞಾನಕ್ಕೆ ಬೆಂಬಲಿಸುತ್ತದೆ. ಅಂದಾಜು ಮುಂಚಿನ ಮತ್ತು ನಂತರ ವೃತ್ತಿಜೀವನದ ವಿಜ್ಞಾನಿಗಳ ೭೦೦ ಸಂಶೋಧನೆ ಫೆಲೋಶಿಪ್‌ಗಳಿಗೆ ಆರ್ಥಿಕ ನೆರವು ನೀಡುತ್ತದೆ[೩೯] ಜತೆಗೆ ಆವಿಷ್ಕಾರ, ಚಲನಶೀಲತೆ ಮತ್ತು ಸಂಶೋಧನೆ ಸಾಮರ್ಥ್ಯದ ಅನುದಾನಗಳಿಗೆ ಆರ್ಥಿಕ ನೆರವು ನೀಡುತ್ತದೆ.[೪೦] ಇದರ ಪ್ರಶಸ್ತಿಗಳು, ಬಹುಮಾನ ಉಪನ್ಯಾಸಗಳು ಮತ್ತು ಪದಕಗಳು ಎಲ್ಲವೂ ಬಹುಮಾನದ ಹಣದಿಂದ ಬಂದಿದ್ದು, ಸಂಶೋಧನೆಗೆ ಆರ್ಥಿಕ ನೆರವು ನೀಡುವ ಉದ್ದೇಶ ಹೊಂದಿರುತ್ತದೆ.[೪೧] ಇದು ಸಂಶೋಧನೆ ವಿಜ್ಞಾನಿಗಳಿಗೆ ಸಬ್ಸಿಡಿ ದರದಲ್ಲಿ ಸಂಪರ್ಕ ಮತ್ತು ಮಾಧ್ಯಮ ಕೌಶಲ್ಯಗಳ ಕೋರ್ಸ್‌ಗಳನ್ನು ಒದಗಿಸುತ್ತದೆ.[೪೨] ೨೦೦೮ರಲ್ಲಿ ಸೊಸೈಟಿಯು ರಾಯಲ್ ಸೊಸೈಟಿ ಎಂಟರ್‌ಪ್ರೈಸ್ ಫಂಡ್(ಉದ್ಯಮಶೀಲತೆ ನಿಧಿ) ತೆರೆಯಿತು. ಅದನ್ನು ಹೊಸ ವೈಜ್ಞಾನಿಕ ಕಂಪೆನಿಗಳಲ್ಲಿ ಬಂಡವಾಳ ಹೂಡುವುದಕ್ಕೆ ಮತ್ತು ಸ್ವಾವಲಂಬಿಯಾಗಿರುವ ಅದರ ಬಂಡವಾಳಗಳಿಂದ ಬಂದ ಲಾಭ ಗಳಿಂದ ಅದಕ್ಕೆ ನಿಧಿ ಒದಗಿಸುವ ಉದ್ದೇಶವನ್ನು ಹೊಂದಿತ್ತು(ಸೊಸೈಟಿಯ ೩೫೦ನೇ ವಾರ್ಷಿಕದಂದು ಆರಂಭಿಕ ದೇಣಿಗೆಗಳ ನಂತರ).[೪೩]

ಸೈನ್ಸ್ ಪಾಲಿಸಿ ಸೆಂಟರ್ ಮೂಲಕ, ಸೊಸೈಟಿಯು ವಿಜ್ಞಾನದ ವಿಷಯಗಳನ್ನು ಕುರಿತು ಯುರೋಪಿಯನ್ ಕಮೀಷನ್ ಮತ್ತು ವಿಶ್ವ ಸಂಸ್ಥೆಗೆ ಸಲಹೆಗಾರನಾಗಿ ಕಾರ್ಯನಿರ್ವಹಿಸುತ್ತದೆ. ಇದು ವರ್ಷಕ್ಕೆ ಹಲವಾರು ವರದಿಗಳನ್ನು ಪ್ರಕಟಿಸುತ್ತದೆ ಮತ್ತು ಯುನೈಟೆಡ್ ಕಿಂಗ್ಡಮ್ ಅಕ್ಯಾಡೆಮಿ ಆಫ್ ಸೈನ್ಸಸ್ ರೀತಿಯಲ್ಲಿ ಸೇವೆ ಸಲ್ಲಿಸುತ್ತದೆ.[೪೪] ೧೮ನೇ ಶತಮಾನದ ಮಧ್ಯಾವಧಿಯಿಂದ ವಿಜ್ಞಾನವನ್ನು ಒಳಗೊಂಡ ಸರ್ಕಾರದ ಸಮಸ್ಯೆಗಳನ್ನು ಸೊಸೈಟಿಗೆ ಅನಿಯಮಿತವಾಗಿ ಉಲ್ಲೇಖಿಸಲಾಗುತ್ತಿತ್ತು. ೧೮೦೦ರಲ್ಲಿ ಅದನ್ನು ನಿಯಮಿತವಾಗಿ ನಿರ್ವಹಿಸಲಾಯಿತು. ಸೊಸೈಟಿಯು ಔಪಚಾರಿಕವಾಗಿ ಬ್ರಿಟನ್ ಸರ್ಕಾರದ ಮುಖ್ಯ ವೈಜ್ಞಾನಿಕ ಸಲಹೆಗಾರನಾಗಿ ಈಗ ಕಾರ್ಯನಿರ್ವಹಿಸುತ್ತದೆ[೪೫] ಮತ್ತು ಅದು ಯುನೈಟೆಡ್ ಕಿಂಗ್ಡಮ್ ಅಕಾಡೆಮಿ ಆಫ್ ಸೈನ್ಸಸ್ ಆಗಿದೆ.[೪೬]

ಪ್ರಕಟಣೆ

ಬದಲಾಯಿಸಿ

ರಾಯಲ್ ಸೊಸೈಟಿ ಪ್ರಕಟಣೆಗಳ ಮೂಲಕ,ಸೊಸೈಟಿ ಕೆಳಕಂಡ ಪತ್ರಿಕೆಗಳನ್ನು ಪ್ರಕಟಿಸುತ್ತದೆ:[೪೭]

  • ಫಿಲೋಸಾಫಿಕಲ್ ಟ್ರಾನ್ಸಾಕ್ಷನ್ಸ್ ಆಫ್ ದಿ ರಾಯಲ್ ಸೊಸೈಟಿ A
  • ಫಿಲೋಸಾಫಿಕಲ್ ಟ್ರಾನ್ಸಾಕ್ಷನ್ಸ್ ಆಫ್ ದಿ ರಾಯಲ್ ಸೊಸೈಟಿ B
  • ಪ್ರೊಸೀಡಿಂಗ್ಸ್ ಆಫ್ ದಿ ರಾಯಲ್ ಸೊಸೈಟಿ A
  • ಪ್ರೊಸೀಡಿಂಗ್ಸ್ ಆಫ್ ದಿ ರಾಯಲ್ ಸೊಸೈಟಿ B
  • ಬಯಾಲಜಿ ಲೆಟರ್ಸ್
  • ಜರ್ನಲ್‌ ಆ‌ಫ್‌ ದಿ ರಾಯಲ್‌ ಸೊಸೈಟಿ ಇಂಟರ್‌ಫೇಸ್
  • ನೋಟ್ಸ್ ಎಂಡ್ ರೆಕಾರ್ಡ್ಸ್ ಆಫ್ ದಿ ರಾಯಲ್ ಸೊಸೈಟಿ
  • ಬಯೋಗ್ರಾಫಿಕಲ್ ಮೆಮಾಯಿರ್ಸ್ ಆಫ್ ಫೆಲೋಸ್ ಆಫ್ ದಿ ರಾಯಲ್ ಸೊಸೈಟಿ

ಫಿಲೋಸೋಫಿಕಲ್ ಟ್ರಾನ್ಸಾಕ್ಷನ್ಸ್ ವಿಶ್ವದಲ್ಲಿ ಅತೀ ಹಳೆಯ ಮತ್ತು ಸುಧೀರ್ಘವಾಗಿ ನಡೆಯುತ್ತಿರುವ ವೈಜ್ಞಾನಿಕ ಪತ್ರಿಕೆಯಾಗಿದ್ದು, ಸೊಸೈಟಿಯ ಪ್ರಥಮ ಕಾರ್ಯದರ್ಶಿ ಹೆನ್ರಿ ಓಲ್ಡನ್‌ಬರ್ಗ್ ೧೬೬೫ ಮಾರ್ಚ್‌ನಲ್ಲಿ ಮೊದಲಿಗೆ ಪ್ರಕಟಿಸಿದರು. ಇದು ಈಗ ನಿರ್ದಿಷ್ಟ ವಿಷಯಗಳ ಬಗ್ಗೆ ಸಂಚಿಕೆಗಳನ್ನು ಪ್ರಕಟಿಸುತ್ತದೆ ಮತ್ತು ಪ್ರಸಕ್ತ ಎರಡು ಭಾಗಗಳಾಗಿ ವಿಭಾಗವಾಗಿದೆ.[೪೮] A ಗಣಿತ ಮತ್ತು ಬೌತಿಕ ವಿಜ್ಞಾನಗಳಿಗೆ ಸಂಬಂಧಿಸಿದೆ ಮತ್ತು B ಜೈವಿಕ ವಿಜ್ಞಾನಗಳಿಗೆ ಸಂಬಂಧಿಸಿದೆ.[೪೯] ರಾಯಲ್ ಸೊಸೈಟಿಯ ನಡೆವಳಿಗಳ ವರದಿ ಯು ಮುಕ್ತವಾಗಿ ಸಲ್ಲಿಸಲಾದ ಸಂಶೋಧನೆ ಲೇಖನಗಳಾಗಿದ್ದು, ಅದನ್ನು ಎರಡು ಭಾಗಗಳಾಗಿ ವಿಭಾಗಿಸಲಾಗಿದೆ.[೫೦] ಜೀವವಿಜ್ಞಾನ ಪತ್ರಗಳು ಜೀವವಿಜ್ಞಾನದ ಎಲ್ಲ ಕ್ಷೇತ್ರಗಳಲ್ಲಿ ಸಣ್ಣ ಸಂಶೋಧನೆ ಲೇಖನಗಳನ್ನು ಮತ್ತು ಅಭಿಪ್ರಾಯಗಳನ್ನು ಪ್ರಕಟಿಸುತ್ತದೆ ಮತ್ತು ೨೦೦೫ರಲ್ಲಿ ಆರಂಭಿಸಲಾಯಿತು.[೫೧] ಇಂಟರ್‌ಫೇಸ್ ಬೌತಿಕ ಮತ್ತು ಜೀವವಿಜ್ಞಾನದ ಗಡಿಯಲ್ಲಿ ಅಂತರ ವಿಷಯಗಳ ಸಂಶೋಧನೆಯನ್ನು ಪ್ರಕಟಿಸುತ್ತದೆ[೫೨] ಮತ್ತು ನೋಟ್ಸ್ ಎಂಡ್ ರೆಕಾರ್ಡ್ಸ್ ವಿಜ್ಞಾನದ ಇತಿಹಾಸಕ್ಕೆ ಸಂಬಂಧಿಸಿದ ಸೊಸೈಟಿಯ ಪತ್ರಿಕೆ.[೫೩] ಬಯೋಗ್ರಾಫಿಕಲ್ ಮೆಮೊಯಿರ್ಸ್ ವಾರ್ಷಿಕವಾಗಿ ಪ್ರಕಟವಾಗುತ್ತದೆ ಮತ್ತು ಮೃತ ಫೆಲೋಗಳ ವಿಸ್ತರಿತ ನಿಧನವಾರ್ತೆಗಳನ್ನು ಹೊಂದಿರುತ್ತದೆ.[೫೪]

ರಚನೆ ಮತ್ತು ಆಡಳಿತ

ಬದಲಾಯಿಸಿ

ಸೊಸೈಟಿಯು ಅದರ ಕೌನ್ಸಿಲ್‌ಳಿಂದ ಆಡಳಿತ ನಿರ್ವಹಿಸುತ್ತದೆ ಮತ್ತು ಅದಕ್ಕೆ ಶಾಸನಗಳು ಮತ್ತು ಸ್ಥಾಯಿ ಆದೇಶಗಳ ಪ್ರಕಾರ ಸೊಸೈಟಿಯ ಅಧ್ಯಕ್ಷರು ಅಧ್ಯಕ್ಷಗಿರಿ ವಹಿಸುತ್ತಾರೆ. ಕೌನ್ಸಿಲ್ ಸದಸ್ಯರು, ಅಧ್ಯಕ್ಷ ಮತ್ತು ಇತರೆ ಅಧಿಕಾರಿಗಳು ಫೆಲೋಶಿಪ್‌ನಿಂದ ಆಯ್ಕೆಯಾಗುತ್ತಾರೆ.

ಫೆಲೋಗಳು

ಬದಲಾಯಿಸಿ
Main article: List of Fellows of the Royal Society

ಸೊಸೈಟಿಯ ಮುಖ್ಯ ಸದಸ್ಯರು ಫೆಲೋಗಳು : ಯುನೈಟೆಡ್ ಕಿಂಗ್ಡಮ್‌ ಮತ್ತು ಕಾಮನ್‌ವೆಲ್ತ್‌ನಿಂದ ಆಯ್ಕೆಯಾದ ವಿಜ್ಞಾನಿಗಳು ಮತ್ತು ಎಂಜಿನಿಯರುಗಳು. ಗಣಿತ, ಎಂಜಿನಿಯರಿಂಗ್ ವಿಜ್ಞಾನ ಮತ್ತು ವೈದ್ಯಕೀಯ ವಿಜ್ಞಾನ ಸೇರಿದಂತೆ ಸಹಜ ಜ್ಞಾನದ ಸುಧಾರಣೆಗೆ ಗಣನೀಯ ಕೊಡುಗೆ ಸಲ್ಲಿಸಿರುವುದನ್ನು ಆಧರಿಸಿದೆ.[೫೫] ಫೆಲೋಗಳನ್ನು ಜೀವಾವಧಿಗೆ ಆಯ್ಕೆ ಮಾಡಲಾಗುತ್ತದೆ ಮತ್ತು ಫೆಲೋ ಆಫ್ ದಿ ರಾಯಲ್ ಸೊಸೈಟಿ(FRS)ಬಿರುದನ್ನು ಹೆಸರಿನ ನಂತರ ಬಳಸಬಹುದು. ಫೆಲೋಗಳ ಹಕ್ಕುಗಳು ಮತ್ತು ಜವಾಬ್ದಾರಿಗಳು ಸೊಸೈಟಿಗೆ ಆರ್ಥಿಕವಾಗಿ ನೆರವು ನೀಡುವ ಕರ್ತವ್ಯ ಸಹ ಸೇರಿದೆ ಮತ್ತು ಕೌನ್ಸಿಲ್ ಹುದ್ದೆಗಳಿಗೆ ನಿಲ್ಲುವ ಹಕ್ಕು ಮತ್ತು ಹೊಸ ಫೆಲೋಗಳನ್ನು ಆಯ್ಕೆ ಮಾಡುವ ಹಕ್ಕು ಸಹ ಸೇರಿದೆ.[೫೬] ಪ್ರತಿ ವರ್ಷ ೪೪ ಫೆಲೋಗಳನ್ನು ಆಯ್ಕೆ ಮಾಡಲಾಗುತ್ತದೆ ಮತ್ತು ಪ್ರಸಕ್ತ ಒಟ್ಟು ೧೩೧೪ಫೆಲೋಗಳಿದ್ದಾರೆ.[೨೯] ಫೆಲೋಷಿಪ್‌ಗೆ ಚುನಾವಣೆಯನ್ನು ೧೦ ವರ್ಗೀಯ ಸಮಿತಿಗಳಿಂದ ನಿರ್ಧರಿಸಲಾಗುತ್ತದೆ(ಪ್ರತಿಯೊಂದನ್ನು ವಿಷಯ ಕ್ಷೇತ್ರವನ್ನು ಅಥವಾ ವಿಷಯ ಕ್ಷೇತ್ರಗಳ ಗುಂಪನ್ನು ಒಳಗೊಂಡಿರುತ್ತದೆ) ಮತ್ತು ಅವು ಪ್ರಸಕ್ತ ಫೆಲೋಗಳನ್ನು ಹೊಂದಿರುತ್ತದೆ.

ಸೊಸೈಟಿಯು ರಾಯಲ್ ಫೆಲೋಗಳನ್ನು, ಗೌರವ ಫೆಲೋಗಳನ್ನು ವಿದೇಶಿ ಸದಸ್ಯರನ್ನು ಆಯ್ಕೆ ಮಾಡುತ್ತದೆ. ರಾಯಲ್ ಫೆಲೋಗಳು ಯುನೈಟೆಡ್ ಕಿಂಗ್ಡಮ್ ರಾಜಪ್ರಭುತ್ವದ ಸದಸ್ಯರಾಗಿರುತ್ತಾರೆ. ಅವರನ್ನು ಸೊಸೈಟಿಯ ಕೌನ್ಸಿಲ್ ಶಿಫಾರಸು ಮಾಡುತ್ತದೆ ಹಾಗು ಅಂಚೆ ಮತದ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಪ್ರಸಕ್ತ ನಾಲ್ವರು ರಾಯಲ್ ಫೆಲೋಗಳಿದ್ದಾರೆ: ಪ್ರಿನ್ಸ್ ಫಿಲಿಪ್, ಪ್ರಿನ್ಸ್ ಎಡ್ವರ್ಡ್, ಪ್ರಿನ್ಸಸ್ ರಾಯಲ್ ಮತ್ತು ಪ್ರಿನ್ಸ್ ವಿಲಿಯಂ ಆಫ್ ವೇಲ್ಸ್.[೫೭] ಗೌರವ ಫೆಲೋಗಳು ಫೆಲೋಗಳಾಗಿ ಆಯ್ಕೆಯಾಗಲು ಅನರ್ಹತೆ ಪಡೆದಿರುವ ಜನರು. ಆದರೂ ವಿಜ್ಞಾನದ ಉದ್ದೇಶಕ್ಕೆ ಮಹತ್ತರ ಸೇವೆ ಸಲ್ಲಿಸಿರುತ್ತಾರೆ ಮತ್ತು ಅವರ ಆಯ್ಕೆಯು ಜೀವನದ ಇತರೆ ಕ್ಷೇತ್ರಗಳಲ್ಲಿ ಅವರ ಮಹತ್ತರ ಅನುಭವದಿಂದ ಸೊಸೈಟಿಗೆ ಗಮನಾರ್ಹ ಅನುಕೂಲವನ್ನು ಸೃಷ್ಟಿಸುತ್ತದೆ. ಇಂದಿನವರೆಗೆ ೬ ಗೌರವ ಫೆಲೋಗಳನ್ನು ಆಯ್ಕೆ ಮಾಡಲಾಗಿದೆ. ಅವರಲ್ಲಿ ಬಾರೊನೆಲ್ ಓ'ನೈಲ್ ಆಫ್ ಬೆಂಗಾರ್ವೆಕೂಡ ಸೇರಿದ್ದಾರೆ.[೫೮] ವಿದೇಶಿ ಸದಸ್ಯರು ಕಾಮನ್‌ವೆಲ್ತ್ ಅಲ್ಲದ ರಾಷ್ಟ್ರಗಳಿಗೆ ಸೇರಿದ ವಿಜ್ಞಾನಿಗಳಾಗಿದ್ದಾರೆ. "ವೈಜ್ಞಾನಿಕ ಶೋಧಗಳು ಮತ್ತು ಸಾಧನೆಗಳಿಗೆ ಅವರು ಹಿರಿಮೆ ಗಳಿಸಿದ್ದಾರೆ". ಸೊಸೈಟಿಯು ಪ್ರತಿ ವರ್ಷ ೮ ಜನರನ್ನು ಆಯ್ಕೆ ಮಾಡುತ್ತದೆ ಮತ್ತು ಜೀವಾವಧಿಗೆ ಅವರ ಸದಸ್ಯತ್ವವನ್ನು ಹೊಂದಿರುತ್ತದೆ. ವಿದೇಶಿ ಸದಸ್ಯರು ಹೆಸರಿನ ನಂತರದ ForMemRS(ರಾಯಲ್ ಸೊಸೈಟಿಯ ವಿದೇಶಿ ಸದಸ್ಯ)ಬಿರುದನ್ನು ಬಳಸಲು ಅನುಮತಿ ನೀಡಲಾಗಿದೆ. ಪ್ರಸಕ್ತ ೧೩೭ ಸಂಖ್ಯೆಯಲ್ಲಿದ್ದಾರೆ.[೨೯]

ಫೆಲೋಗಳ ನೇಮಕಕ್ಕೆ ೧೬೬೩ರ ಏಪ್ರಿಲ್ ೨೨ರಂದು ಜಾರಿ ಮಾಡಿದ ಎರಡನೇ ಸನ್ನದಿನಲ್ಲಿ ಮೊದಲಿಗೆ ಅಧಿಕಾರ ನೀಡಲಾಗಿದೆ. ಇದು ಅಧ್ಯಕ್ಷ ಮತ್ತು ಕೌನ್ಸಿಲ್‌ಗೆ ಸಹಿ ಹಾಕಿದ ಎರಡು ತಿಂಗಳಲ್ಲಿ ಅವರು ಸೂಕ್ತವೆಂದು ಕಂಡ ಯಾರೇ ವ್ಯಕ್ತಿಯನ್ನು ಫೆಲೋಗಳಾಗಿ ನೇಮಕ ಮಾಡ ಬಹುದಾಗಿದೆ. ಇದು ಮೇ ೨೦ರಂದು ಮತ್ತು ಜೂನ್ ೨೨ರಂದು ೯೪ ಫೆಲೋಗಳ ನೇಮಕಕ್ಕೆ ದಾರಿ ಕಲ್ಪಿಸಿದೆ. ಈ ೯೮ ಜನರು "ಮೂಲ ಫೆಲೋಗಳು" ಎಂದು ಹೆಸರಾಗಿದ್ದಾರೆ. ಎರಡು ತಿಂಗಳ ಅವಧಿ ಮುಗಿನ ನಂತರ, ಯಾವುದೇ ನೇಮಕಗಳನ್ನು ಅಧ್ಯಕ್ಷ, ಕೌನ್ಸಿಲ್ ಮತ್ತು ಅಸ್ತಿತ್ವ ದಲ್ಲಿರುವ ಫೆಲೋಗಳಿಂದ ಮಾಡಲಾಗುತ್ತದೆ.[೫೯] ಅನೇಕ ಮುಂಚಿನ ಫೆಲೋಗಳು ವಿಜ್ಞಾನಿಗಳು ಅಥವಾ ವಿಶೇಷವಾಗಿ ಶ್ರೇಷ್ಠ ಬುದ್ಧಿಜೀವಿಗಳಲ್ಲ. ಮುಂಚಿನ ಸೊಸೈಟಿಯು ರಾಜನ ಆರ್ಥಿಕ ನೆರವನ್ನು ಅವಲಂಬಿಸಲು ಸಾಧ್ಯವಿರಲಿಲ್ಲ ಮತ್ತು ವೈಜ್ಞಾನಿಕವಾಗಿ ತರಬೇತಾದ ಫೆಲೋಗಳು ಕೆಲವೇ ಮಂದಿಯಿದ್ದರು ಎನ್ನುವುದು ಸ್ಪಷ್ಟವಾಗಿತ್ತು. ಆದ್ದರಿಂದ ಸೊಸೈಟಿಯ ಉಳಿವಿಗಾಗಿ ಶ್ರೀಮಂತ ಅಥವಾ ಮುಖ್ಯ ವ್ಯಕ್ತಿಗಳಿಂದ ಅನುಕೂಲ ಪಡೆಯುವುದು ಅಗತ್ಯವಾಗಿತ್ತು.[೬೦] £೪ ಪ್ರವೇಶ ಶುಲ್ಕ ಮತ್ತು ವಾರಕ್ಕೆ ಒಂದು ಶಿಲ್ಲಿಂಗ್ ವಂತಿಗೆ ದರದಿಂದ ಸೊಸೈಟಿಗೆ ವರ್ಷಕ್ಕೆ £600 ಗಳಿಕೆಯಾಗುತ್ತಿತ್ತು. ಆದರೆ ಅನೇಕ ಫೆಲೋಗಳು ನಿಯಮಿತವಾಗಿ ಅಥವಾ ಸಕಾಲಕ್ಕೆ ಪಾವತಿ ಮಾಡುತ್ತಿರಲಿಲ್ಲ.[೬೧] ೧೬೬೩ರಲ್ಲಿ ಮೂರನೇ ಎರಡರಷ್ಟು ಫೆಲೋಗಳು ವಿಜ್ಞಾನಿಗಳಾಗಿರಲಿಲ್ಲ. ಇದು ೧೮೦೦ರಲ್ಲಿ 71.6%ಗೆ ಏರಿಕೆಯಾಯಿತು ಮತ್ತು ೧೮೬೦ರಲ್ಲಿ 47.4%ಗೆ ಕುಸಿಯಿತು. ಏಕೆಂದರೆ ಸೊಸೈಟಿಯ ಆರ್ಥಿಕ ಭದ್ರತೆಯು ಹೆಚ್ಚು ಖಾತ್ರಿಯಾಯಿತು.[೬೨] ೧೮೪೫ರ ಮೇನಲ್ಲಿ, ಸಮಿತಿಯೊಂದು ಸದಸ್ಯರ ವಾರ್ಷಿಕ ನೇಮಕವನ್ನು ೧೫ಕ್ಕೆ ಸೀಮಿತಗೊಳಿಸಲು ಶಿಫಾರಸು ಮಾಡಿತು ಮತ್ತು ವೈಜ್ಞಾನಿಕ ಉನ್ನತಿಗಾಗಿ ಒತ್ತಾಯಿಸಿತು. ಇದನ್ನು ಜಾರಿಗೆ ತಂದಿದ್ದರ ಫಲವಾಗಿ ಸೊಸೈಟಿ ಈಗ ವಿಶೇಷವಾಗಿ ವೈಜ್ಞಾನಿಕ ಫೆಲೋಗಳನ್ನು ಹೊಂದಿದೆ.[೬೩]

ಕೌನ್ಸಿಲ್

ಬದಲಾಯಿಸಿ

ಕೌನ್ಸಿಲ್ ೨೧ ಫೆಲೋಗಳ ಅಂಗವಾಗಿದ್ದು, ಅಧಿಕಾರಿಗಳು ಒಳಗೊಂಡಿದ್ದಾರೆ.(ಅಧ್ಯಕ್ಷ, ಕೋಶಾಧಿಕಾರಿ, ಇಬ್ಬರು ಕಾರ್ಯದರ್ಶಿಗಳು-ಒಬ್ಬರು ಭೌತ ವಿಜ್ಞಾನದಿಂದ, ಒಬ್ಬರು ಜೀವ ವಿಜ್ಞಾನದಿಂದ-ಮತ್ತು ವಿದೇಶಾಂಗ ಕಾರ್ಯದರ್ಶಿ),ಒಬ್ಬರು ಫೆಲೋ ಪ್ರತಿಯೊಂದು ವರ್ಗೀಯ ಸಮಿತಿಯನ್ನು ಪ್ರತಿನಿಧಿಸುತ್ತಾರೆ ಮತ್ತು ಏಳು ಇತರ ಫೆಲೋಗಳು.[೬೪] ಕೌನ್ಸಿಲ್‌ಗೆ ಸೊಸೈಟಿಯ ಒಟ್ಟಾರೆ ನೀತಿಯನ್ನು ನಿರ್ದೇಶಿಸುವ, ಸೊಸೈಟಿಗೆ ಸಂಬಂಧಿಸಿದ ಎಲ್ಲ ವ್ಯವಹಾರ ನಿರ್ವಹಿಸುವ, ತಿದ್ದುಪಡಿ ಮಾಡುವ, ಸೊಸೈಟಿಯ ಸ್ಥಾಯಿ ಆದೇಶಗಳನ್ನು ನಿರ್ಮಿಸುವ, ರದ್ದುಮಾಡುವ ಮತ್ತು ಸೊಸೈಟಿಯ ಅನುಭೋಗಗಳನ್ನು ಮತ್ತು ಎಸ್ಟೇಟ್‌ಗಳಿಗೆ ಟ್ರಸ್ಟಿಯಾಗಿ ಪಾತ್ರವಹಿಸುವ ಕಾರ್ಯವಿರುತ್ತದೆ. ಅಂಚೆ ಪತ್ರದ ಮೂಲಕ ಸದಸ್ಯರನ್ನು ವಾರ್ಷಿಕವಾಗಿ ಆಯ್ಕೆಮಾಡಲಾಗುತ್ತದೆ. ಪ್ರಸಕ್ತ ಸ್ಥಾಯಿ ಆದೇಶಗಳ ಅರ್ಥವೇನೆಂದರೆ ಕನಿಷ್ಠ ೧೦ ಸ್ಥಾನಗಳು ಪ್ರತಿ ವರ್ಷ ಕೈಬದಲಾಯಿಸಬೇಕು.[೬೫] ಕೌನ್ಸಿಲ್ ವಿವಿಧ ಸಮಿತಿಗಳನ್ನು ಸ್ಥಾಪಿಸಬಹುದು(ಸಹಾಯಪಡೆಯಬಹುದು).[೬೫] ಇದರಲ್ಲಿ ಫೆಲೋಗಳು ಮಾತ್ರವಲ್ಲದೇ ಹೊರಗಿನ ವಿಜ್ಞಾನಿಗಳು ಒಳಗೊಂಡಿರಬಹುದು.[೬೪] ಚಾರ್ಟರ್ ಅನ್ವಯ, ಅಧ್ಯಕ್ಷ, ಇಬ್ಬರು ಕಾರ್ಯದರ್ಶಿಗಳು ಮತ್ತು ಕೋಶಾಧಿಕಾರಿ ಒಟ್ಟಾಗಿ ಸೊಸೈಟಿಯ ಅಧಿಕಾರಿಗಳಾಗಿರುತ್ತಾರೆ.[೬೬] ಪ್ರಸಕ್ತ ಅಧಿಕಾರಿಗಳು:

  • ಅಧ್ಯಕ್ಷ: ಸರ್ ಪಾಲ್ ನರ್ಸ್[೬೭]
  • ಕೋಶಾಧಿಕಾರಿ ಮತ್ತು ಉಪಾಧ್ಯಕ್ಷ: ಸರ್ ಪೀಟರ್ ವಿಲಿಯಮ್ಸ್[೬೭]
  • ಜೀವವಿಜ್ಞಾನದ ಕಾರ್ಯದರ್ಶಿ: ಡೇಮ್ ಜೀನ್ ಥಾಮಸ್[೬೭]
  • ಭೌತಶಾಸ್ತ್ರೀಯ ಕಾರ್ಯದರ್ಶಿ: ಪ್ರಾಧ್ಯಾಪಕ ಜಾನ್ ಪೆಥಿಕಾ[೬೭]
  • ವಿದೇಶಾಂಗ ಕಾರ್ಯದರ್ಶಿ ಮತ್ತು ಉಪಕಾರ್ಯದರ್ಶಿ: ಲಾರ್ನಾ ಕೆಸಲ್ಟನ್[೬೭]

ಅಧ್ಯಕ್ಷ

ಬದಲಾಯಿಸಿ
Main article: List of Presidents of the Royal Society

ರಾಯಲ್ ಸೊಸೈಟಿ ಅಧ್ಯಕ್ಷರು ಸೊಸೈಟಿ ಮತ್ತು ಕೌನ್ಸಿಲ್ ಎರಡಕ್ಕೂ ಮುಖ್ಯಸ್ಥರು. ಅಧ್ಯಕ್ಷಗಿರಿಯ ವಿವರಗಳನ್ನು ಎರಡನೇ ಚಾರ್ಟರ್‌ನಲ್ಲಿ ನೀಡಲಾಗಿದೆ. ಆರಂಭಿಕವಾಗಿ ಅಧ್ಯಕ್ಷರು ಎಷ್ಟು ಕಾಲದವರೆಗೆ ಸೇವೆ ಸಲ್ಲಿಸಬಹುದು ಎನ್ನುವುದಕ್ಕೆ ಮಿತಿ ವಿಧಿಸಿಲ್ಲ. ಪ್ರಸಕ್ತ ಸೊಸೈಟಿ ಶಾಸನದ ಅನ್ವಯ, ಅವರು ೫ ವರ್ಷಗಳಿಗಿಂತ ಹೆಚ್ಚು ಕಾಲ ಸೇವೆ ಸಲ್ಲಿಸುವಂತಿಲ್ಲ.[೬೮] ಪ್ರಸಕ್ತ ಅಧ್ಯಕ್ಷರು ಪಾಲ್ ನರ್ಸ್.[೬೯] ಐತಿಹಾಸಿಕವಾಗಿ, ಅಧ್ಯಕ್ಷರ ಕರ್ತವ್ಯಗಳು ಔಪಚಾರಿಕ ಮತ್ತು ಸಾಮಾಜಿಕ ಎರಡೂ ಆಗಿವೆ. ಪ್ರಾಣಿಗಳ ಮೇಲೆ ಕ್ರೌರ್ಯ ತಡೆ ಕಾಯ್ದೆ ೧೮೭೬ ರಿಂದ ಅಧ್ಯಕ್ಷರು ಪ್ರಾಣಿಯೊಂದರ ಮೇಲೆ ನಿರ್ದಿಷ್ಟ ಪ್ರಯೋಗ ಸಮರ್ಥನೀಯವೇ ಎಂದು ಪ್ರಮಾಣೀಕರಿಸುವ ಸಾಮರ್ಥ್ಯಹೊಂದಿದ ಏಕೈಕ ವ್ಯಕ್ತಿಯಾಗಿದ್ದಾರೆ. ಇದರ ಜತೆಗೆ ವೈಜ್ಞಾನಿಕ ವಿಷಯಗಳಲ್ಲಿ ಸರ್ಕಾರ ಮುಖ್ಯ ಸಲಹೆಗಾರರಾಗಿ ಅವರು ಕಾರ್ಯನಿರ್ವಹಿಸಿದ್ದಾರೆ(ಆದರೂ ಅನೌಪಚಾರಿಕವಾಗಿ). ಇದೇ ಸಮಯದಲ್ಲಿ ಅಧ್ಯಕ್ಷರು ಗಣ್ಯ ವಿದೇಶಿ ಅತಿಥಿಗಳು ಮತ್ತು ವಿಜ್ಞಾನಿಗಳನ್ನು ಮನೋರಂಜಿಸುವ ಕೆಲಸವನ್ನು ನಿರ್ವಹಿಸುತ್ತಾರೆ.[೭೦]

ಕಾಯಂ ಸಿಬ್ಬಂದಿ

ಬದಲಾಯಿಸಿ

ಸೊಸೈಟಿಯು ಅನೇಕ ಸಂಖ್ಯೆಯ ಪೂರ್ಣಾವಧಿಯ, ಸಂಬಳ ಪಡೆಯುವ ಸಿಬ್ಬಂದಿಯ ನೆರವನ್ನು ಪಡೆಯುತ್ತದೆ. ಮೂಲ ಚಾರ್ಟರ್ ಪ್ರಯೋಗಗಳ ಎರಡು ಅಥವಾ ಹೆಚ್ಚು ನಿರ್ವಾಹಕರನ್ನು ಮತ್ತು ಎರಡು ಅಥವಾ ಹೆಚ್ಚು ಗುಮಾಸ್ತರನ್ನು ಒದಗಿಸುತ್ತದೆ. ಸೊಸೈಟಿಯ ಸಂಗ್ರಹದಲ್ಲಿ ಪುಸ್ತಕಗಳ ಸಂಖ್ಯೆ ಬೆಳೆಯುತ್ತಿದ್ದಂತೆ ಮೇಲ್ವಿಚಾರಕನನ್ನು ನೇಮಕ ಮಾಡುವ ಅವಶ್ಯಕತೆ ಕಂಡುಬಂತು. ಸೊಸೈಟಿಯ ಆರ್ಥಿಕ ಸ್ಥಿತಿ ಸುಧಾರಿಸುತ್ತಿದ್ದಂತೆ ಸಿಬ್ಬಂದಿ ಸಂಖ್ಯೆ ಹೆಚ್ಚಳವಾಯಿತು. ಅವರು ಮುಖ್ಯವಾಗಿ ಹೊರಗಿನವರನ್ನು ವಿಜ್ಞಾನಿಗಳ ಸಣ್ಣ ಸಂಖ್ಯೆಯೊಂದಿಗೆ ಹೊಂದಿದ್ದರು. ಉದ್ಯೋಗಕ್ಕೆ ನೇಮಕವಾದ ಕೂಡಲೇ ಅವರು ಫೆಲೋಶಿಪ್‌ಗೆ ರಾಜೀನಾಮೆ ನೀಡುವ ಅಗತ್ಯವಿತ್ತು.[೭೧] ಪ್ರಸಕ್ತ ಸಿಬ್ಬಂದಿಯ ಹಿರಿಯ ಸದಸ್ಯರು:[೭೨]

  • ಕಾರ್ಯನಿರ್ವಾಹಕ ಕಾರ್ಯದರ್ಶಿ: ಸ್ಟೀಫನ್ ಕಾಕ್ಸ್
  • ಸಾರ್ವಜನಿಕ ವ್ಯವಹಾರಗಳ ನಿರ್ದೇಶಕ: ಪೀಟರ್ ಕಾಟ್‌ಗ್ರೀವ್
  • ಸೈನ್ಸ್ ಪಾಲಿಸಿ ಸೆಂಟರ್ ನಿರ್ದೇಶಕ: ಜೇಮ್ಸ್ ವಿಲ್ಸ್‌ಡನ್
  • ರಾಯಲ್ ಸೊಸೈಟಿ ವಿಜ್ಞಾನ ಇತಿಹಾಸ ಕೇಂದ್ರದ ನಿರ್ದೇಶಕ: ಪೀಟರ್ ಕಾಲಿನ್ಸ್
  • ಆರ್ಥಿಕ ಮತ್ತು ಕಾರ್ಯಾಚರಣೆಗಳ ನಿರ್ದೇಶಕ: ಐಯಾನ್ ಕೂಪರ್
  • ಅಭಿವೃದ್ಧಿ ನಿರ್ದೇಶಕ: ಆಲಿಸನ್ ಪೆಂಬರ್‌ಟನ್

ಕಾರ್ಲ್‌ಟನ್ ಹೌಸ್ ಟೆರೇಸ್

ಬದಲಾಯಿಸಿ

6–9 ಕಾರ್ಲ್‌ಟನ್ ಹೌಸ್ ಟೆರೇಸ್‌ನಲ್ಲಿರುವ ಕಟ್ಟಡ ಗ್ರೇಡ್ ೧ ಪಟ್ಟಿ ಮಾಡಿದ ಕಟ್ಟಡವಾಗಿದ್ದು, ರಾಯಲ್ ಸೊಸೈಟಿಯ ಪ್ರಸ್ತುತ ಮುಖ್ಯಕಚೇರಿಯಾಗಿದೆ. ಅದು ೧೯೬೭ರಲ್ಲಿ ಬರ್ಲಿಂಗ್‌ಟನ್ ಹೌಸ್‌ನಿಂದ ಅಲ್ಲಿಗೆ ಸ್ಥಳಾಂತರವಾಗಿದೆ.[೭೩] ಕೆಳ ಮಹಡಿ ಮತ್ತು ನೆಲಮಾಳಿಗೆ ಧಾರ್ಮಿಕ ಕ್ರಿಯೆ ಗಳಿಗೆ, ಸಾಮಾಜಿಕ ಮತ್ತು ಸಾರ್ವಜನಿಕ ಸಮಾರಂಭಗಳಿಗೆ, ಮೊದಲನೇ ಮಹಡಿ ಸೊಸೈಟಿಯ ಫೆಲೋಗಳು ಮತ್ತು ಅಧಿಕಾರಿಗಳಿಗೆ ಸೌಲಭ್ಯಗಳನ್ನು ಆಯೋಜಿಸುತ್ತದೆ. ಎರಡನೇ ಮತ್ತು ಮೂರನೇ ಮಹಡಿಗಳು ಅಧ್ಯಕ್ಷರಿಗೆ, ನಿರ್ವಾಹಕ ಕಾರ್ಯದರ್ಶಿಗೆ ಮತ್ತು ಫೆಲೋಗಳಿಗೆ ಕಚೇರಿಗಳು ಮತ್ತು ವಾಸ್ತವ್ಯಕ್ಕೆ ವಿಭಜನೆಯಾಗಿದೆ.[೭೪] ಪ್ರಥಮ ಕಾರ್ಲ್‌ಟನ್ ಹೌಸ್‌ಗೆ ಬಾರನ್ ಕಾರ್ಲ್‌ಟನ್ ಹೆಸರನ್ನು ಇಡಲಾಗಿದೆ ಮತ್ತು ೧೭೩೨ರಲ್ಲಿ ಲಾರ್ಡ್ ಚೆಸ್ಟರ್‌ಫೀಲ್ಡ್‌ಗೆ ಮಾರಾಟ ಮಾಡಲಾಯಿತು. ಅವರು ಅದನ್ನು ಪ್ರಿನ್ಸ್ ಆಫ್ ವೇಲ್ಸ್‌‌ನ ಫ್ರೆಡೆರಿಕ್‌ಗೆ ಟ್ರಸ್ಟ್ ಮೂಲಕ ವಹಿಸಿದ್ದರು. ಫ್ರೆಡೆರಿಕ್ ೧೭೫೧ರಲ್ಲಿ ಸಾವಪ್ಪುವ ತನಕ ಅಲ್ಲಿ ತಮ್ಮ ದರ್ಬಾರನ್ನು ನಡೆಸಿದ್ದರು. ನಂತರ ಅವರ ವಿಧವೆ ಪತ್ನಿ ೧೭೭೨ರಲ್ಲಿ ಸಾವಪ್ಪುವ ತನಕ ವಹಿಸಿಕೊಂಡಿದ್ದರು. ೧೭೮೩ರಲ್ಲಿ ಆಗಿನ ಪ್ರಿನ್ಸ್ ಆಫ್ ವೇಲ್ಸ್ ಜಾರ್ಜ್ ಮನೆಯನ್ನು ಖರೀದಿಸಿದರು ಮತ್ತು ಅವರ ವಾಸ್ತುಶಿಲ್ಪಿ ಹೆನ್ರಿ ಹ್ಯಾಲೆಂಡ್ ಅವರಿಗೆ ಸಂಪೂರ್ಣವಾಗಿ ಮರುನವೀಕರಣ ಮಾಡಲು ಸೂಚಿಸಿದರು. ಜಾರ್ಜ್ ರಾಜನಾದ ನಂತರ, ಕಾರ್ಲ್‌ಟನ್ ಹೌಸ್ ನೆಲಸಮಕ್ಕೆ ಅವನು ಅನುಮತಿ ನೀಡಿದರು. ಅದಕ್ಕೆ ಬದಲಿಯಾಗಿ ವಸತಿ ಪ್ರದೇಶ ನಿರ್ಮಾಣಕ್ಕೆ ಮನವಿ ಮಾಡಿಕೊಳ್ಳಲಾಗಿತ್ತು. ಜಾನ್ ನ್ಯಾಷ್ತರುವಾಯ ವಿನ್ಯಾಸವೊಂದನ್ನು ಪೂರ್ಣಗೊಳಿಸಿದರು. ಕಾರ್ಲ್‌ಟನ್ ಹೌಸ್ ಎರಡು ಬ್ಲಾಕ್‌ಗಳ ಮನೆಗಳಾಗಿ ಪರಿವರ್ತನೆಯಾಯಿತು ಮತ್ತು ಅವುಗಳ ಮಧ್ಯೆ ಅಂತರವನ್ನು ಬಿಡಲಾಯಿತು.[೭೫] ಕಟ್ಟಡಕ್ಕೆ ಇನ್ನೂ ಕ್ರೌನ್ ಎಸ್ಟೇಟ್ಸ್ ಮಾಲೀಕತ್ವ ವಹಿಸಿದ್ದು, ಸೊಸೈಟಿಯು ಗುತ್ತಿಗೆ ನೀಡುತ್ತದೆ. ಇದು ೨೦೦೧ರಿಂದ ೨೦೦೪ರವರೆಗೆ £9.8 ದಶಲಕ್ಷ ವೆಚ್ಚದಲ್ಲಿ ಪ್ರಮುಖ ನವೀಕರಣಕ್ಕೆ ಒಳಗಾಯಿತು ಮತ್ತು ೨೦೦೪ರ ಜುಲೈ ೭ರಂದು ಪ್ರಿನ್ಸ್ ಆಫ್ ವೇಲ್ಸ್ ಮರುಆರಂಭ ಮಾಡಿದರು.[೯]

ಕಾರ್ಲ್‌ಟನ್ ಹೌಸ್ ಟೆರೇಸ್ ೧೯೯೯ ಮತ್ತು ೨೦೦೩ ನವೆಂಬರ್‌ನಲ್ಲಿ ಆಸ್ತಿಯನ್ನು ಸುಧಾರಿಸಲು ಮತ್ತು ಪ್ರಮಾಣಕವಾಗಿಸಲು ನವೀಕರಣಗಳ ಸರಣಿಗೆ ಒಳಪಟ್ಟಿತು. ಹೊಸ ಕಾಯುವ, ಪ್ರದರ್ಶನ ಮತ್ತು ಸ್ವಾಗತ ಕೋಣೆಗಳನ್ನು ನಂ.೭ರಲ್ಲಿನ ಮನೆಯಲ್ಲಿ ಸೃಷ್ಟಿಸಲಾಯಿತು ನಂ.೮ರಲ್ಲಿ ಕಂಡು ಬರುವ ಮ್ಯಾಗ್ನಾ ಬೋಸ್ಚಿ ಅಮೃತಶಿಲೆ ಮತ್ತು ಹಸಿರು, ಬೂದಿ ಸ್ಟಾಟುಯಾರಿಯೊ ವೆನಾಟೊ ಅಮೃತಶಿಲೆಯನ್ನು ವಿನ್ಯಾಸವನ್ನು ಪ್ರಮಾಣೀಕರಿಸಲು ಇತರ ಪ್ರದೇಶಗಳಲ್ಲಿ ಬಳಸಲಾಯಿತು.[೭೪] ಕಟ್ಟಡಗಳ ವಿನ್ಯಾಸವನ್ನು ರೂಪಿಸಲು ಎಲ್ಲ ಪ್ರಯತ್ನ ವನ್ನು ಮಾಡಲಾಗಿದ್ದು, ಒಂದೇ ಮಹಡಿಯಲ್ಲಿ ಎಲ್ಲ ಕಚೇರಿಗಳನ್ನು ಕ್ರೋಢೀಕರಿಸಿ, ಫೆಲೋ ಕೋಣೆಗಳನ್ನು ಇನ್ನೊಂದರಲ್ಲಿ ಮತ್ತು ಎಲ್ಲ ವಾಸ್ತವ್ಯಗಳನ್ನು ಮೂರನೇ ಮಹಡಿಯಲ್ಲಿ ಕ್ರೋಢೀಕರಿಸಲಾಯಿತು.[೭೬]

ಕಾವ್ಲಿ ರಾಯಲ್ ಸೊಸೈಟಿ ಅಂತಾರಾಷ್ಟ್ರೀಯ ಕೇಂದ್ರ

ಬದಲಾಯಿಸಿ

೨೦೦೯ರಲ್ಲಿ ಚಿಚೇಲೆ ಹಾಲ್, ಗ್ರೇಡ್ I ಪಟ್ಟಿಯ ಕಟ್ಟಡ ಮಿಲ್ಟನ್ ಕೀನ್ಸ್‌ನಲ್ಲಿ ನೆಲೆಹೊಂದಿದ ಇದನ್ನು ರಾಯಲ್ ಸೊಸೈಟಿ £6.5 ದಶಲಕ್ಷಕ್ಕೆ ಖರೀದಿಸಿತು, ಇದಕ್ಕೆ ಫ್ರೆಡ್ ಕಾವ್ಲಿ ಆಂಶಿಕವಾಗಿ ಆರ್ಥಿಕ ನೆರವು ನೀಡಿದ್ದಾರೆ.[೭೭] ರಾಯಲ್ ಸೊಸೈಟಿ ನವೀಕರಣಗಳ ಬಗ್ಗೆ ಅನೇಕ ದಶಲಕ್ಷ ಹಣವನ್ನು ಖರ್ಚು ಮಾಡಿತು ಮತ್ತು "ಕಾವ್ಲಿ ರಾಯಲ್ ಸೊಸೈಟಿ ಅಂತಾರಾಷ್ಟ್ರೀಯ ಕೇಂದ್ರ"ವಾಗಿ ಪರಿವರ್ತಿಸಿತು. ವಿಜ್ಞಾನ ವಿಚಾರಸಂಕಿರಣಗಳು ಮತ್ತು ಸಮ್ಮೇಳನಗಳ ಸ್ಥಳವಾದ ಇದು ಸರ್ ಪೀಟರ್ ನೈಟ್ FRS ರನ್ನು ಪ್ರಾಂಶುಪಾಲರಾಗಿ ನೇಮಿಸಿತು. ಕೇಂದ್ರವು ತನ್ನ ಪ್ರಥಮ ವೈಜ್ಞಾನಿಕ ಸಭೆಯನ್ನು ೨೦೧೦ರ ಜೂನ್ ೧ರಂದು ನಡೆಸಿತು ಮತ್ತು ಅದು ಔಪಚಾರಿಕವಾಗಿ ೨೦೧೦ರ ಜೂನ್ ೨೧ರಂದು ಪ್ರಾರಂಭವಾಯಿತು.

ಗೌರವಗಳು

ಬದಲಾಯಿಸಿ
Main article: Awards, lectures and medals of the Royal Society

ರಾಯಲ್ ಸೊಸೈಟಿ ಅಸಂಖ್ಯಾತ ಪ್ರಶಸ್ತಿಗಳು, ಉಪನ್ಯಾಸಗಳು ಮತ್ತು ಪದಕಗಳನ್ನು ವೈಜ್ಞಾನಿಕ ಸಾಧನೆ ಗುರುತಿಸಲು ನೀಡಲಾಗುತ್ತದೆ.[೭೮] ಅತೀ ಹಳೆಯದು ಕ್ರೂನಿ ಲೆಕ್ಚರ್ ಆಗಿದ್ದು, ೧೭೦೧ರಲ್ಲಿ ವಿಲಿಯಂ ಕ್ರೂನಿ ವಿಧವೆ ಪತಿಯ ಮನವಿಯ ಮೇಲೆ ಸೃಷ್ಟಿಸಲಾಯಿತು. ಕ್ರೂನಿ ರಾಯಲ್ ಸೊಸೈಟಿಯ ಸಂಸ್ಥಾಪಕ ಸದಸ್ಯರಲ್ಲೊಬ್ಬರು. ವಾರ್ಷಿಕ ಆಧಾರದ ಮೇಲೆ ಕ್ರೂನಿಯನ್ ಲೆಕ್ಚರ್‌ ಪ್ರಶಸ್ತಿಯನ್ನು ನೀಡಲಾಗುತ್ತದೆ ಮತ್ತು ಜೀವವಿಜ್ಞಾನಕ್ಕಾಗಿ ಅತೀ ಮುಖ್ಯ ರಾಯಲ್ ಸೊಸೈಟಿ ಬಹುಮಾನವಾಗಿದೆ.[೭೯] ಕ್ರೂನಿಯನ್ ಲೆಕ್ಚರ್ ೧೭೦೧ರಲ್ಲಿ ಸೃಷ್ಟಿಸಲಾಯಿತಾದರೂ, ಅದನ್ನು ಮೊದಲಿಗೆ ೧೭೩೮ರಲ್ಲಿ ಕಾಪ್ಲಿ ಪದಕದ ಏಳು ವರ್ಷಗಳ ನಂತರ ನೀಡಲಾಯಿತು. ಇದು ಇನ್ನೂ ಬಳಕೆಯಲ್ಲಿರುವ ಅತೀ ಹಳೆಯ ರಾಯಲ್ ಸೊಸೈಟಿ ಪದಕವಾಗಿದ್ದು, ವಿಜ್ಞಾನದ ಯಾವುದೇ ಶಾಖೆಯಲ್ಲಿ ಸಂಶೋಧನೆಯ ಮಹೋನ್ನತ ಸಾಧನೆಗಳಿಗೆ ನೀಡಲಾಗುತ್ತದೆ.[೮೦]

ಇವನ್ನೂ ಗಮನಿಸಿ‌

ಬದಲಾಯಿಸಿ
  • ವೈದ್ಯಕೀಯ ವಿಜ್ಞಾನಗಳ ಅಕಾಡೆಮಿ
  • ಬ್ರಿಟಿಷ್ ಅಕಾಡೆಮಿ
  • ವಿಜ್ಞಾನದ ಮುನ್ನಡೆಗೆ ಬ್ರಿಟಿಷ್ ಅಸೋಸಿಯೇಷನ್
  • ರಾಯಲ್‌ ಸೊಸೈಟಿಯ ಫೆಲೋಗಳು
  • ವಿಜ್ಞಾನದ ಇತಿಹಾಸ
  • ರಾಯಲ್ ಸೊಸೈಟಿಯನ್ನು ಅಣಕಿಸಲು ಗಲಿವರ್'ಸ್ ಟ್ರಾವಲ್ಸ್ ‌ನಲ್ಲಿ ಜೊನಾಥನ್ ಸ್ವಿಫ್ಟ್ ಮಂಡಿಸಿದ ಅಸಂಬದ್ಧ ಆವಿಷ್ಕಾರಗಳಿಂದ ಪೂರ್ಣವಾಗಿ ತುಂಬಿದ ಕಾಲ್ಪನಿಕ ದ್ವೀಪ ಲಾಪುಟಾ.
  • ವಿದ್ವಾಂಸರ ಸೊಸೈಟಿಗಳು
  • ಬ್ರಿಟಿಷ್ ವೃತ್ತಿಪರ ಸಂಸ್ಥೆಗಳ ಪಟ್ಟಿ
  • ರಾಯಲ್ ಸೊಸೈಟಿಯ ಫೆಲೋಗಳ ಪಟ್ಟಿ
  • ರಾಯಲ್ ಸೊಸೈಟಿಯ ಅಧ್ಯಕ್ಷರ ಪಟ್ಟಿ
  • ರಾಯಲ್ ಸೊಸೈಟಿಗಳ ಪಟ್ಟಿ
  • ರಾಯಲ್ ಇನ್‌ಸ್ಟಿಟ್ಯೂಷನ್
  • ರಾಯಲ್ ಸೊಸೈಟಿ ಆಫ್ ಆರ್ಟ್ಸ್
  • ಸೊಸೈಟಿ ದ್ವೀಪಗಳು
  • ದ ಬರೋಕ ಸೈಕಲ್, ನೀಲ್ ಸ್ಪೀಫನ್‌ಸನ್ಅವರ ಐತಿಹಾಸಿಕ ಕಾದಂಬರಿಗಳ ಸರಣಿಗಳು, ಅದರಲ್ಲಿ ರಾಯಲ್ ಸೊಸೈಟಿಯ ಅನೇಕ ಸಂಸ್ಥಾಪಕರು ಕಾಣಿಸಿದ್ದಾರೆ.
  • The ರಾಯಲ್ ಸೊಸೈಟಿ ರೇಂಜ್, ಅಂಟಾರ್ಟಿಕಾದಲ್ಲಿ ಸೊಸೈಟಿಯ ಹೆಸರಿನಲ್ಲಿರುವ ಪರ್ವತ ಶ್ರೇಣಿ.

ಉಲ್ಲೇಖಗಳು‌

ಬದಲಾಯಿಸಿ
  1. ↑ ಜರ್ಮನ್ ಅಕಾಡೆಮಿ ಆಫ್ ಸೈನ್ಸಸ್ ಲಿಯೊಪಾಲ್ಡಿನಾ Deutsche Akademie der Naturforscher Leopoldina )ಸತತವಾಗಿ ಅಸ್ತಿತ್ವದಲ್ಲಿರುವ ಅತೀ ಹಳೆಯ ವಿದ್ವಾಂಸರ ಸೊಸೈಟಿಯಾಗಿದ್ದು, ಸಮಕಾಲೀನ ಸಂಸ್ಥೆಯು ಅಕಾಡೆಮಿಯ ನ್ಯಾಚುರೆ ಕ್ಯುರಿಯೊಸೋರಂ ಎಂದು ಕರೆಯುವ ೧೬೫೨ರ ಸೃಷ್ಟಿಗೆ ತನ್ನ ಹಿಂದಿನ ಮೂಲವನ್ನು ಗುರುತಿಸಿದೆ. ಆದಾಗ್ಯೂ, ೧೬೬೦ರಲ್ಲಿ ರಾಜಪ್ರಭುತ್ವವು ರಾಯಲ್ ಸೊಸೈಟಿ ಸನ್ನದನ್ನು ತೆಗೆದುಕೊಂಡಿತು ಮತ್ತು ಲಿಯೊಪಾಲ್ಡಿನಾವನ್ನು ೧೬೮೭ರವರೆಗೆ ಅಧಿಕೃತವಾಗಿ ಸನ್ನದು ಪಡೆದಿರಲಿಲ್ಲ.
  2. ↑ ಸಿಫ್ರೆಟ್ (1948) p.75
  3. ↑ ಸ್ಪ್ರಾಟ್ (1722) p.56
  4. ↑ ೪.೦ ೪.೧ ಸಿಫ್ರೆಟ್ (1948) p.78
  5. ↑ ಸ್ಪ್ರಾಟ್ (1722) p.57
  6. ↑ "London Royal Society". University of St Andrews. Retrieved 8 ಡಿಸೆಂಬರ್ 2009.
  7. ↑ ಸಿಫ್ರೆಟ್ (1948) p.79
  8. ↑ ಸಿಫ್ರೆಟ್ (1948) p.80
  9. ↑ ೯.೦ ೯.೧ [http: //royalsociety.org/News.aspx?id=973&terms=prince+of+wales "Prince of Wales opens Royal Society's refurbished building"]. The Royal Society. 7 ಜುಲೈ 2004. Retrieved 7 ಡಿಸೆಂಬರ್ 2009. {{cite web}}: Check |url= value (help)
  10. ↑ ಹೆಂಡರ್‌ಸನ್ (1941) p.28
  11. ↑ ಹೆಂಡರ್‌ಸನ್ (1941) p.29
  12. ↑ ಮಾರ್ಟಿನ್[68] ^ (2005), p. 15.
  13. ↑ ಹಂಟರ್ (1984) p.160
  14. ↑ ಹಂಟರ್ (1984) p.161
  15. ↑ ಹಂಟರ್ (1984) p.179
  16. ↑ ೧೬.೦ ೧೬.೧ ಹೆಂಡರ್‌ಸನ್ (1941) p.30
  17. ↑ ೧೭.೦ ೧೭.೧ "Newton biography". University of St Andrews. Retrieved 28 ಡಿಸೆಂಬರ್ 2009.
  18. ↑ ಲಯಾನ್ಸ್ (ಏಪ್ರಿಲ್ 1939) p.34
  19. ↑ ಮಾರ್ಟಿನ್[68] ^ (2005), p. 14.
  20. ↑ ಲಯಾನ್ಸ್(ಏಪ್ರಿಲ್ 1939) p.35
  21. ↑ ಲಯಾನ್ಸ್(ಏಪ್ರಿಲ್1939) p.38
  22. ↑ ಲಯಾನ್ಸ್(ಏಪ್ರಿಲ್ 1939) p.40
  23. ↑ ಸೊರೆನ್‌ಸನ್ (1996) p.29
  24. ↑ ಸೊರೆನ್‌ಸನ್ (1996) p.31
  25. ↑ ಮಿಲ್ಲರ್ (1998) p. 78
  26. ↑ ಮಿಲ್ಲರ್ (1998) p.79
  27. ↑ ಮಿಲ್ಲರ್ (1998), p. 85
  28. ↑ ಮಾರ್ಟಿನ್ (1967) p. 16
  29. ↑ ೨೯.೦ ೨೯.೧ ೨೯.೨ "Fellows – Fellowship – The Royal Society". The Royal Society. Retrieved 5 ಡಿಸೆಂಬರ್ 2009.
  30. ↑ ಹೆಂಡರ್‌ಸನ್ (1941) p.31
  31. ↑ ಲಯಾನ್ಸ್ (ನವೆಂಬರ್ 1939) p.92
  32. ↑ ಹಾಲ್ (1981) p.628
  33. ↑ ಮಾರ್ಟಿನ್ (1967), p. 17.
  34. ↑ ಮಾರ್ಟಿನ್ (1967), p. 18.
  35. ↑ ೩೫.೦ ೩೫.೧ "Admission of Women into the Fellowship of the Royal Society". Notes and Records of the Royal Society of London. 4 (1). The Royal Society: 39. 1946. doi:10.1098/rsnr.1946.0006.
  36. ↑ J.D.G.D. (1938) p.37
  37. ↑ J.D.G.D. (1938) p.38
  38. ↑ "'Nullius in verba'". The Royal Society. Retrieved 31 ಮೇ 2010.
  39. ↑ "Research Fellows". The Royal Society. Retrieved 7 ಡಿಸೆಂಬರ್ 2009.
  40. ↑ "Funding". The Royal Society. Retrieved 7 ಡಿಸೆಂಬರ್ 2009.
  41. ↑ "Awards, medals and prize lectures". The Royal Society. Retrieved 7 ಡಿಸೆಂಬರ್ 2009.
  42. ↑ "Communication skills and Media training courses". The Royal Society. Retrieved 7 ಡಿಸೆಂಬರ್ 2009.
  43. ↑ "The Royal Society Enterprise Fund". The Royal Society Enterprise Fund. Archived from the original on 19 ಜೂನ್ 2010. Retrieved 7 ಡಿಸೆಂಬರ್ 2009.
  44. ↑ Science Policy Centre – 2010 and beyond. The Royal Society. 2009. p. 3.
  45. ↑ ಹಾಲ್ (1981) p.629
  46. ↑ [http: //royalsociety. org /Royal-Society-announces-prestigious-University-Research-Fellowships-for-2009/ "Royal Society announces prestigious University Research Fellowships for 2009"]. The Royal Society. 12 ನವೆಂಬರ್ 2009. Retrieved 18 ಡಿಸೆಂಬರ್ 2009. {{cite web}}: Check |url= value (help)
  47. ↑ "Royal Society Publishing". Royal Society Publishing. Retrieved 27 ಡಿಸೆಂಬರ್ 2009.
  48. ↑ "Philosophical Transactions A – About the journal". The Royal Society. Archived from the original on 3 ಜುಲೈ 2013. Retrieved 11 ಡಿಸೆಂಬರ್ 2009.
  49. ↑ "Philosophical Transactions of the Royal Society B". The Royal Society. Retrieved 11 ಡಿಸೆಂಬರ್ 2009.
  50. ↑ "Proceedings A – about the journal". The Royal Society. Retrieved 11 ಡಿಸೆಂಬರ್ 2009.
  51. ↑ "Biology Letters – about this journal". The Royal Society. Archived from the original on 3 ಮೇ 2013. Retrieved 11 ಡಿಸೆಂಬರ್ 2009.
  52. ↑ "Journal of the Royal Society Interface – About". The Royal Society. Archived from the original on 22 ಮೇ 2013. Retrieved 11 ಡಿಸೆಂಬರ್ 2009.
  53. ↑ "About Notes and Records". The Royal Society. Archived from the original on 19 ಜುಲೈ 2012. Retrieved 11 ಡಿಸೆಂಬರ್ 2009.
  54. ↑ "Biographical Memoirs of Fellows of the Royal Society". The Royal Society. Retrieved 11 ಡಿಸೆಂಬರ್ 2009.
  55. ↑ "Criteria for candidates – Criteria for candidates – The Royal Society". The Royal Society. Retrieved 5 ಡಿಸೆಂಬರ್ 2009.
  56. ↑ "The rights and responsibilities of Fellows of the Royal Society". The Royal Society. Retrieved 5 ಡಿಸೆಂಬರ್ 2009.
  57. ↑ "Royal Fellows". The Royal Society. Retrieved 5 ಡಿಸೆಂಬರ್ 2009.
  58. ↑ "Honorary Fellows". The Royal Society. Retrieved 5 ಡಿಸೆಂಬರ್ 2009.
  59. ↑ ಡಿ ಬೀರ್ (1950) p.172
  60. ↑ ಲಯಾನ್ಸ್ (1939) p.109
  61. ↑ ಲಯಾನ್ಸ್ (1939) p.110
  62. ↑ ಲಯಾನ್ಸ್ (1939) p.112
  63. ↑ ಲಯಾನ್ಸ್ (1938) p.45
  64. ↑ ೬೪.೦ ೬೪.೧ "How is the Society governed?". The Royal Society. Archived from the original on 9 ಜೂನ್ 2008. Retrieved 6 ಡಿಸೆಂಬರ್ 2009.
  65. ↑ ೬೫.೦ ೬೫.೧ archive. org/web/ 20080609051042/http://royalsociety.org/page.asp?id=2233 "The Council". The Royal Society. Archived from [http: / / www2.royalsociety.org/page.asp?id=2233 the original] on 9 ಜೂನ್ 2008. Retrieved 6 ಡಿಸೆಂಬರ್ 2009. {{cite web}}: Check |archiveurl= value (help); Check |url= value (help)
  66. ↑ ಲಯಾನ್ಸ್ (1940) p.115
  67. ↑ ೬೭.೦ ೬೭.೧ ೬೭.೨ ೬೭.೩ ೬೭.೪ "Officers – How is the Society governed?". Royal Society. Retrieved 27 ಜನವರಿ 2010.
  68. ↑ "The role of President of the Royal Society". The Royal Society. Retrieved 6 ಡಿಸೆಂಬರ್ 2009. {{cite web}}: |archive-url= requires |archive-date= (help); Unknown parameter |archive date= ignored (|archive-date= suggested) (help)
  69. ↑ "Sir Paul Nurse nominated as next President of the Royal Society". The Royal Society. Retrieved 18 ಡಿಸೆಂಬರ್ 2010.
  70. ↑ "The Presidency of the Royal Society of London". Science. 6 (146). American Association for the Advancement of Science: 442. 1885. doi:10.1126/science.ns-6.146.442. PMID 17749567.
  71. ↑ ರಾಬಿನ್‌ಸನ್ (1946) p.193
  72. ↑ archive.org/ web/20080609053851 /http:// royalsociety.org/page.asp?tip=1&id=1035 "Senior staff". The Royal Society. Archived from [http: //www2.royalsociety. org/ page.asp?tip=1&id=1035 the original] on 9 ಜೂನ್ 2008. Retrieved 6 ಡಿಸೆಂಬರ್ 2009. {{cite web}}: Check |archiveurl= value (help); Check |url= value (help)
  73. ↑ "General". The Royal Society. Retrieved 7 ಡಿಸೆಂಬರ್ 2009.
  74. ↑ ೭೪.೦ ೭೪.೧ ಫಿಶರ್ (2005) p.66
  75. ↑ ಸಮ್ಮರ್‌ಸನ್ (1967) p.20
  76. ↑ ಫಿಷರ್ (2005) p.67
  77. ↑ timesonline. co. uk/tol/news/uk/science/article5993113.ece "ರಾಯಲ್ ಸೊಸೈಟಿ ಸ್ನಾಪ್ಸ್ ಅಪ್ ಎ ಸ್ಟೇಟ್ಲಿ ಹಾಟ್‌ಹೌಸ್", ಟೈಮ್ಸ್ ಆನ್‌ಲೈನ್, 29 ಮಾರ್ಚ್ 2009
  78. ↑ "Awards, medals and prize lectures". The Royal Society. Retrieved 9 ಫೆಬ್ರವರಿ 2009.
  79. ↑ org/page.asp?id=1785 "The Croonian Lecture (1738)". The Royal Society. Retrieved 7 ಫೆಬ್ರವರಿ 2009. {{cite web}}: Check |url= value (help)
  80. ↑ [http:// royalsociety.org/page.asp?id=1736 "The Copley Medal (1731)"]. The Royal Society. Retrieved 4 ಫೆಬ್ರವರಿ 2009. {{cite web}}: Check |url= value (help)


ಗ್ರಂಥ ವಿವರಣೆ

ಬದಲಾಯಿಸಿ
  • Bluhm, R.K. (1958). "Remarks on the Royal Society's Finances, 1660–1768". Notes and Records of the Royal Society of London. 13 (2). The Royal Society: 82. doi:10.1098/rsnr.1958.0012.
  • de Beer, E.S. (1950). "The Earliest Fellows of the Royal Society". Notes and Records of the Royal Society of London. 7 (2). The Royal Society: 172. doi:10.1098/rsnr.1950.0014.
  • J.D.G.D. (1938). "The Arms of the Society". Notes and Records of the Royal Society of London. 1 (1). The Royal Society: 37. doi:10.1098/rsnr.1938.0007.
  • Fischer, Stephanie (2005). "Report: The Royal Society Redevelopment". Notes and Records of the Royal Society of London. 59 (1). The Royal Society: 65. doi:10.1098/rsnr.2004.0077.
  • Hall, Marie Boas (1981). "Public Science in Britain: The Role of the Royal Society". Isis. 72 (4). University of Chicago Press: 627–629. doi:10.1086/352847.
  • Henderson, L.J. (1941). "The Royal Society". Science. 93 (2402). American Association for the Advancement of Science: 27. doi:10.1126/science.93.2402.27. PMID 17772875.
  • Hunter, Michael (1984). "A 'College' for the Royal Society: The Abortive Plan of 1667–1668". Notes and Records of the Royal Society of London. 38 (2). The Royal Society: 159. doi:10.1098/rsnr.1984.0011.
  • Lyons, H.G. (1938). "The Growth of the Fellowship". Notes and Records of the Royal Society of London. 1 (1). The Royal Society: 40. doi:10.1098/rsnr.1938.0008.
  • Lyons, H.G. (ಏಪ್ರಿಲ್ 1939). "Two Hundred Years Ago. 1739". Notes and Records of the Royal Society of London. 2 (1). The Royal Society: 34. doi:10.1098/rsnr.1939.0007.
  • Lyons, H.G. (ನವೆಂಬರ್ 1939). "One Hundred Years Ago. 1839". Notes and Records of the Royal Society of London. 2 (2). The Royal Society: 92. doi:10.1098/rsnr.1939.0016.
  • Lyons, H.G. (1939). "The Composition of the Fellowship and the Council of the Society". Notes and Records of the Royal Society of London. 2 (2). The Royal Society: 108. doi:10.1098/rsnr.1939.0017.
  • Lyons, H.G. (1940). "The Officers of the Society (1662–1860)". Notes and Records of the Royal Society of London. 3 (1). The Royal Society: 116. doi:10.1098/rsnr.1940.0017.
  • Martin, D.C. (1967). "Former Homes of the Royal Society". Notes and Records of the Royal Society of London. 22 (1/2). The Royal Society: 12. doi:10.1098/rsnr.1967.0002.
  • Miller, David Philip (1998). "The 'Hardwicke Circle': The Whig Supremacy and Its Demise in the 18th-Century Royal Society". Notes and Records of the Royal Society. 52 (1). The Royal Society: 73. doi:10.1098/rsnr.1998.0036.
  • A.C.S. (1938). "Notes on the Foundation and History of the Royal Society". Notes and Records of the Royal Society of London. 1 (1). The Royal Society: 32. doi:10.1098/rsnr.1938.0006.
  • Sorrenson, Richard (1996). "Towards a History of the Royal Society in the Eighteenth Century". Notes and Records of the Royal Society of London. 50 (1). The Royal Society: 29. doi:10.1098/rsnr.1996.0003. {{cite journal}}: |format= requires |url= (help)
  • Sprat, Thomas (1722). The history of the Royal Society of London: for the improving of natural knowledge. By Tho. Sprat. Samuel Chapman. OCLC 475095951.
  • Summerson, John (1967). "Carlton House Terrace". Notes and Records of the Royal Society of London. 22 (1). The Royal Society: 20. doi:10.1098/rsnr.1967.0003.
  • Syfret, R.H. (1948). "The Origins of the Royal Society". Notes and Records of the Royal Society of London. 5 (2). The Royal Society: 75. doi:10.1098/rsnr.1948.0017.
  • Robinson, H.W. (1946). "The Administrative Staff of the Royal Society, 1663–1861". Notes and Records of the Royal Society of London. 4 (2). The Royal Society: 193. doi:10.1098/rsnr.1946.0029.

ಬಾಹ್ಯ ಕೊಂಡಿಗಳು‌

ಬದಲಾಯಿಸಿ






"https://kn.wikipedia.org/w/index.php?title=ರಾಯಲ್_ಸೊಸೈಟಿ&oldid=1164418" ಇಂದ ಪಡೆಯಲ್ಪಟ್ಟಿದೆ