ರಜರಪ್ಪಾ

ರಜರಪ್ಪಾ ಭಾರತದ ಝಾರ್ಖಂಡ್ ರಾಜ್ಯದ ರಾಮ್‍ಗಢ್ ಜಿಲ್ಲೆಯಲ್ಲಿನ ಒಂದು ತೀರ್ಥಯಾತ್ರಾ ಕೇಂದ್ರವಾಗಿದೆ. ಇಲ್ಲಿ ಜಲಪಾತವೂ ಇದೆ.

ಜಲಪಾತ

ದಾಮೋದರ್ ನದಿ ಜೊತೆ ಸೇರುವ ಮೊದಲು ಭೇರಾ ನದಿಯ ನೋಟ

ಭೇರಾ ಅಥವಾ ಭೈರವಿ ನದಿಯು ದಾಮೋದರ್ ನದಿಯನ್ನು ಕೂಡುತ್ತದೆ. ಇದು ೯.೧ ಮೀಟರ್ (೩೦ ಅಡಿ) ಎತ್ತರದಿಂದ ಧುಮುಕುತ್ತದೆ. ಇದು ಒಂದು ರಮಣೀಯ ತಾಣವಾಗಿದ್ದು ಭೇಟಿನೀಡುವವರು ದೋಣಿ ವಿಹಾರ ಸೌಕರ್ಯಗಳನ್ನು ಬಳಸಬಹುದು ಮತ್ತು ನಯನಮನೋಹರ ಬಂಡೆ ರಚನೆಯನ್ನು ನೋಡಬಹುದು.

ಭೌಗೋಳಿಕ ಮಹತ್ವ

ರಜರಪ್ಪಾ ಜಲಪಾತವು ಬಹಳ ದೊಡ್ಡ ಭೌಗೋಳಿಕ ಮಹತ್ವವನ್ನು ಹೊಂದಿದೆ. ರಜರಪ್ಪಾದಲ್ಲಿನ ದಾಮೋದರ್ ಕಣಿವೆಯು ಬಹುಆವರ್ತಕ ಕಣಿವೆ ಅಥವಾ ಸ್ಥಳಾಕೃತಿ ಅಸಾಂಗತ್ಯದ ವಿಶಿಷ್ಟ ಉದಾಹರಣೆಯಾಗಿದೆ. ಎರಡು ಅಂತಸ್ತಿನ ಕಣಿವೆಯು ಇದರ ಲಕ್ಷಣವಾಗಿದೆ.

ತೀರ್ಥಯಾತ್ರಾ ಸ್ಥಳ

ರಜರಪ್ಪಾ ಒಂದು ಹಿಂದೂ ತೀರ್ಥಯಾತ್ರಾ ಸ್ಥಳವಾಗಿದ್ದು ದಿನಕ್ಕೆ ಅಂದಾಜು 2,500-3,000 ಜನರನ್ನು ಆಕರ್ಷಿಸುತ್ತದೆ. ಇಲ್ಲಿರುವ ಛಿನ್ನಮಸ್ತ (ಛಿನ್ನಮಸ್ತಿಕಾ ಎಂದೂ ಪರಿಚಿತವಾಗಿದೆ) ದೇವಸ್ಥಾನದಲ್ಲಿ ಕಮಲದ ತಳಪಾಯದಲ್ಲಿನ ಕಾಮದೇವ ಮತ್ತು ರತಿಯ ದೇಹಗಳ ಮೇಲೆ ನಿಂತಿರುವ ಛಿನ್ನಮಸ್ತ ದೇವಿಯ ಶಿರವಿಲ್ಲದ ಪ್ರತಿಮೆಯು ಮುಖ್ಯ ಆಕರ್ಷಣೆಯಾಗಿದೆ. ಛಿನ್ನಮಸ್ತ ದೇವಾಲಯವು ಅದರ ತಾಂತ್ರಿಕ ವಾಸ್ತುಕಲಾ ವಿನ್ಯಾಸದ ಶೈಲಿಗೆ ಬಹಳ ಜನಪ್ರಿಯವಾಗಿದೆ.