ಭೂಮಿಗೆ ಬಂದ ಭಗವಂತ (ಕನ್ನಡ ಧಾರಾವಾಹಿ)

ಚಲನಚಿತ್ರ ಗಾಗಿ, ಭೂಮಿಗೆ ಬಂದ ಭಗವಂತ ನೋಡಿ.

ಭೂಮಿಗೆ ಬಂದ ಭಗವಂತ ಪ್ರಸ್ತುತ ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾರತೀಯ ಕನ್ನಡ ಭಾಷೆಯ ದೈನಂದಿನ ಧಾರಾವಾಹಿಯಾಗಿದೆ . ಈ ಧಾರಾವಾಹಿಯು 2023ರ ಮಾರ್ಚ್ 20 ರಂದು ಝೀ ಕನ್ನಡದಲ್ಲಿ ಪ್ರಥಮ ಪ್ರದರ್ಶನ ಗೊಂಡಿತು. ಈ ಧಾರಾವಾಹಿಯು ಹಿಂದಿ ಭಾಷೆಯ ನೀಲಿ ಛತ್ರಿ ವಾಲೆ ಯ ಅಧಿಕೃತ ರೀಮೆಕ್ ಆಗಿದೆ. ನವೀನ್ ಕೃಷ್ಣ, ಕಾರ್ತಿಕ್ ಸಾಮಗ್ ಮತ್ತು ಕೃತಿಕಾ ರವೀಂದ್ರ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.

ಭೂಮಿಗೆ ಬಂದ ಭಗವಂತ (ಕನ್ನಡ ಧಾರಾವಾಹಿ)
ಶೈಲಿ	ದೈನಂದಿನ ಧಾರಾವಾಹಿ
ನಿರ್ದೇಶಕರು	ಆರೂರು ಜಗದೀಶ್
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ನಿರ್ಮಾಣ
ನಿರ್ಮಾಪಕ(ರು)	ತಾಂಡವ್ ರಾಮ್
ಕ್ಯಾಮೆರಾ ಏರ್ಪಾಡು	ಮಲ್ಟೀ ಕ್ಯಾಮೆರಾ
ಸಮಯ	20 - 22 ನಿಮಿಷಗಳು
ನಿರ್ಮಾಣ ಸಂಸ್ಥೆ(ಗಳು)	ತಾಂಡವ್ ಪ್ರೊಡಕ್ಷನ್ಸ್
ಪ್ರಸಾರಣೆ
ಮೂಲ ವಾಹಿನಿ	ಝೀ ಕನ್ನಡ
ಮೂಲ ಪ್ರಸಾರಣಾ ಸಮಯ	20 ಮಾರ್ಚ್ 2023 (2023-03-20) – ಪ್ರಸ್ತುತ

ಕಥಾವಸ್ತು

ವೈಯಕ್ತಿಕ ಮತ್ತು ವೃತ್ತಿಯ ಜೀವನದಿಂದ ಒತ್ತಡಕ್ಕೊಳಗಾದ ಮಧ್ಯಮ ವರ್ಗದ ವ್ಯಕ್ತಿ ಶಿವ ಪ್ರಸಾದ್ ಭಗವಂತ ಶಿವನನ್ನು ಮಾನವ ರೂಪದಲ್ಲಿ ಭೇಟಿಯಾಗುತ್ತಾನೆ. ಭಗವಂತ ಶಿವ ಇವನಿಗೆ ಆತನ ಜೀವನದ ಸಂದಿಗ್ಧತೆಗಳ ಮೂಲಕ ಮಾರ್ಗದರ್ಶನ ನೀಡುತ್ತಾನೆ.

ಸಮಾಜಕ್ಕೆ ಸಂದೇಶ

ಧಾರಾವಾಹಿಯು ಮಧ್ಯಮವರ್ಗದ ಜೀವನದಲ್ಲಿ ಎದುರಾಗುವ ಗೊಂದಲಗಳು, ಸಮಸ್ಯೆಗಳ ಬಗ್ಗೆ ಗಮನಹರಿಸುತ್ತದೆ. ಸಾಮಾಜಿಕ ಪಿಡುಗು ಎಂದು ಭಾವಿಸುವ ವಿಚಾರಗಳನ್ನು ಎತ್ತಿತೋರಿಸುವ ಕೆಲಸವನ್ನು ಮಾಡುತ್ತಿದೆ.

ಪ್ರಸಾರ

ಧಾರಾವಾಹಿಯು ಮೊದಲಿಗೆ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 9:30 ರಿಂದ 10ರ ವರೆಗೆ ಪ್ರಸಾರವಾಗಿತ್ತು. ಆದರೆ ಸೀತಾ-ರಾಮ ಧಾರಾವಾಹಿಯ ಪ್ರಸಾರದ ಕಾರಣದಿಂದ ಜುಲೈ 17 ರಿಂದ ರಾತ್ರಿ 10:00 ರಿಂದ 10:30ರ ವರೆಗೆ ತನ್ನ ಸಮಯದಲ್ಲಿ ಬದಲಾವಣೆ ಮಾಡಿತು.

ಪಾತ್ರವರ್ಗ

ಮುಖ್ಯ ಭೂಮಿಕೆಯಲ್ಲಿ

• ನವೀನ್ ಕೃಷ್ಣ:- ಶಿವ ಪ್ರಸಾದ್ ಪಾತ್ರದಲ್ಲಿ, ಗಿರಿಜಾ ಗಂಡನಾಗಿ.
• ಕಾರ್ತಿಕ್ ಸಾಮಗ :- ಭಗವಂತ ಶಿವನ ಪಾತ್ರದಲ್ಲಿ.
• ಕೃತಿಕಾ ರವೀಂದ್ರ:- ಗಿರಿಜಾ ಪಾತ್ರದಲ್ಲಿ. ಶಿವ ಪ್ರಸಾದ್ ಹೆಂಡತಿಯಾಗಿ.

ಇತರೆ

• ಉಮೇಶ್:- ವಿಶ್ವನಾಥ್ ಪಾತ್ರದಲ್ಲಿ, ಶಿವ ಪ್ರಸಾದ್ ತಂದೆಯಾಗಿ.
• ಅಂಕಿತಾ ಜಯರಾಮ್:- ಪ್ರಣೀತಾ ಪಾತ್ರದಲ್ಲಿ, ಶಿವ ಪ್ರಸಾದ್ ಮತ್ತು ಗಿರಿಜಾ ಮಗಳಾಗಿ.
• ಅನುರಾಗ್:- ಸ್ಕಂದಾ ಪಾತ್ರದಲ್ಲಿ, ಶಿವ ಪ್ರಸಾದ್ ಮತ್ತು ಗಿರಿಜಾ ಮಗನಾಗಿ.
• ಬೆಂಗಳೂರು ನಾಗೇಶ್:- ಅನಂತ ದೇಶಪಾಂಡೆ
• ಶಶಿ ದೇಶಪಾಂಡೆ:- ವೀವೆಕ್ ದೇಶಪಾಂಡೆ
• ಡಿ.ಲಿಂಗರಾಜ್:- ಮೊಗ್ಗು ಸುರೇಶ್
• ಗೌತಮಿ:- ಮಾರ್ಗರೆಟ್
• ಮುರಳಿ:- ಬಾಸ್ಕರ್
• ಬಾಲು:- ಬಾಬು
• ರವೀಂದ್ರನಾಥ:- ನಾಗರಾಜ್
• ಪವನ್ ಕುಮಾರ್: ರಾಮಯ್ಯ

ರೂಪಾಂತರಗಳು

ಭಾಷೆ	ಶಿರ್ಷಿಕೆ	ಮೂಲ ಬಿಡುಗಡೆ	ವಾಹಿನಿ(ಗಳು)	ಕೊನೆಯ ಪ್ರಸಾರ	ಟಿಪ್ಪಣಿಗಳು
ಹಿಂದಿ	Neeli Chatri Waale नीली छतरी वाले	20 ಆಗಸ್ಟ್ 2014	ಝೀ ಟಿವಿ	14 ಆಗಸ್ಟ್ 2016	ಮೂಲ
ಕನ್ನಡ	Bhoomige Banda Bhagavantha ಭೂಮಿಗೆ ಬಂದ ಭಗವಂತ	20 ಮಾರ್ಚ್ 2023	ಝೀ ಕನ್ನಡ	ಪ್ರಸಾರವಗುತ್ತಿದೆ	ರೀಮೆಕ್

ಬಾಹ್ಯಕೊಂಡಿಗಳು

• ಭೂಮಿಗೆ ಬಂದ ಭಗವಂತ ಝೀ5