ಡೆಡ್ಲಿ-2 (ಚಲನಚಿತ್ರ)
ಡೆಡ್ಲಿ-2 2010 ರ ಕನ್ನಡ ಭಾಷೆಯ ಜೀವನಚರಿತ್ರೆಯ ಅಪರಾಧ ಚಿತ್ರವಾಗಿದ್ದು, ರವಿ ಶ್ರೀವತ್ಸ ನಿರ್ದೇಶಿಸಿದ್ದಾರೆ ಮತ್ತು ಬರೆದಿದ್ದಾರೆ. ಈ ಚಿತ್ರವು ಕುಖ್ಯಾತ ಭೂಗತ ಪಾತಕಿ ಸೋಮನ ನಿಜ ಜೀವನದ ಘಟನೆಗಳನ್ನು ಆಧರಿಸಿದೆ ಮತ್ತು ಅದೇ ತಂಡದ 2005 ರಲ್ಲಿ ಬಿಡುಗಡೆಯಾದ ಚಿತ್ರ <b>ಡೆಡ್ಲಿ ಸೋಮ</b>ದ ಮುಂದುವರಿದ ಭಾಗವಾಗಿದೆ. [೧] ಚಿತ್ರದಲ್ಲಿ ಆದಿತ್ಯ ಅವರು ನಾಯಕನಾಗಿ [೨] ಮತ್ತು ಮೇಘನಾ ಅವರ ಪ್ರಿಯತಮೆಯಾಗಿ ಮೊದಲಿನ ಚಿತ್ರದ ರಕ್ಷಿತಾ ಅವರ ಬದಲಿಗೆ ನಟಿಸಿದ್ದಾರೆ. ಸುಹಾಸಿನಿ ಮಣಿರತ್ನಂ, ದೇವರಾಜ್ ಸುರೇಂದ್ರ ಸುರೇಂದ್ರ ಶಿವಮೊಗ್ಗ ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. [೩]
| Deadly-2 | |
|---|---|
| ನಿರ್ದೇಶನ | ರವಿ ಶ್ರೀವತ್ಸ |
| ನಿರ್ಮಾಪಕ | ಎಂ. ಮಂಜುನಾಥ್ ಗೌಡ |
| ಲೇಖಕ | ರವಿ ಶ್ರೀವತ್ಸ |
| ಪಾತ್ರವರ್ಗ | ಆದಿತ್ಯ, ಮೇಘನಾ, ಸುಹಾಸಿನಿ ಮಣಿರತ್ನಂ, ದೇವರಾಜ್, ಮಧು ಗುರುಸ್ವಾಮಿ |
| ಸಂಗೀತ | ಎಲ್. ಎನ್. ಶಾಸ್ತ್ರಿ |
| ಛಾಯಾಗ್ರಹಣ | ಮಥ್ಯೂ ರಾಜನ್ |
| ಸಂಕಲನ | ಲಕ್ಷ್ಮಣ್ ರೆಡ್ಡಿ |
| ಸ್ಟುಡಿಯೋ | ಕೆ. ಕೆ. ಫಿಲಮ್ಸ್ |
| ಬಿಡುಗಡೆಯಾಗಿದ್ದು | 2010 ರ ಅಗಸ್ಟ್ 13 |
| ಅವಧಿ | 126 ನಿಮಿಷಗಳು |
| ದೇಶ | ಭಾರತ |
| ಭಾಷೆ | ಕನ್ನಡ |
ಈ ಚಲನಚಿತ್ರವು ಎಲ್‌ಎನ್ ಶಾಸ್ತ್ರಿ ಸಂಯೋಜಿಸಿದ ಸಂಗೀತವನ್ನು ಒಳಗೊಂಡಿತ್ತು. ಚಿತ್ರವು ಬಿಡುಗಡೆಯಾದ ನಂತರ, ವಿಮರ್ಶಕರು ಮತ್ತು ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆಯಿತು , ಚಿತ್ರದಾದ್ಯಂತ ಹಿಂಸೆಯನ್ನು ವೈಭವೀಕರಿಸುವ ಕಾರಣದಿಂದಾಗಿ ನಕಾರಾತ್ಮಕ ಪ್ರಚಾರವನ್ನು ಪಡೆಯಿತು. [೪]
ಪಾತ್ರವರ್ಗ
ಬದಲಾಯಿಸಿ- ಸೋಮಶೇಖರನಾಗಿ ಆದಿತ್ಯ
- ಹಾಸಿನಿಯಾಗಿ ಮೇಘನಾ
- ದೇವರಾಜ್ ವಿಶ್ವಜೀತ್ ದೇಶಮುಖ ಪಾತ್ರದಲ್ಲಿ
- ಸುಹಾಸಿನಿ ಮಣಿರತ್ನಂ
- ರವಿ ಕಾಳೆ
- ಸುರೇಂದ್ರ ಶಿವಮೊಗ್ಗ
- ಸಂಗೀತಾ
- ಆರ್ಯನ್ ಅಚ್ಚುಕಟ್ಲ (ಪೊಲೀಸ್ ಅಧಿಕಾರಿ)
- ಅತಿಥಿ ಪಾತ್ರದಲ್ಲಿ ಸೈಯದ್ ಕಿರ್ಮಾನಿ
- ಕೆಂಚನಾಗಿ ಮಧು ಗುರುಸ್ವಾಮಿ
- ಅನಿಲ್ ಪಾತ್ರದಲ್ಲಿ ಪ್ರತಾಪ್ ನಾರಾಯಣ್
- ಕಾರ್ತಿಕ್ ಜಯರಾಮ್
ಸೋಮ (ಆದಿತ್ಯ) ಒಬ್ಬಭೂಗತ ಪಾತಕಿಯಾಗಿ ಪರಿವರ್ತನೆಗೊಂಡ ಪ್ರತಿಭಾವಂತ ಕ್ರಿಕೆಟಿಗ . ರಾಜ್ಯ ಕ್ರಿಕೆಟ್ ತಂಡಕ್ಕೆ ಸೇರಿಸಿಕೊಳ್ಳಲು ಸೋಮನನ್ನು 10 ಲಕ್ಷ ಲಂಚ ಕೇಳಿದ ಘಟನೆ ಆತನ ಬದುಕನ್ನು ತಿರುವು ಮುರುವು ಮಾಡುತ್ತದೆ.
ಆಯ್ಕೆದಾರನು ಅಂತಿಮ ಪಟ್ಟಿಯಿಂದ ಸೋಮನ ಹೆಸರನ್ನು ಕೈಬಿಡುವುದಲ್ಲದೆ, ಹಣವನ್ನು ಹಿಂದಿರುಗಿಸಲು ನಿರಾಕರಿಸುತ್ತಾನೆ. ಅದಕ್ಕಿಂತ ಹೆಚ್ಚಾಗಿ, ಆಯ್ಕೆದಾರನು ಹೇಳಿದ ಬೈಗುಳಪದದಿಂದ ಕ್ರೋಧದ ಹಠಾತ್ ಕ್ರಿಯೆಯಲ್ಲಿ, ಸೋಮನು ಆಯ್ಕೆಗಾರನನ್ನು ಕೊಲ್ಲುತ್ತಾನೆ, ಹೀಗಾಗಿ ಬೆಂಗಳೂರು ಅಪರಾಧದಜಗತ್ತಿನೊಂದಿಗೆ ತನ್ನ ಸಂಪರ್ಕವನ್ನು ಪ್ರಾರಂಭಿಸುತ್ತಾನೆ.
ಮೋಸ್ಟ್ ವಾಂಟೆಡ್ ಕ್ರಿಮಿನಲ್‌ಗಳಲ್ಲಿ ಒಬ್ಬನಾಗಿ ಹೊರಹೊಮ್ಮಿರುವ ಸೋಮ, ಪೊಲೀಸ್ ಅಧಿಕಾರಿಗಳಾದ ಅಶೋಕ್, ಮಣಿ ಮತ್ತು ಉಗ್ರಪ್ಪನ ಹಿಟ್ ಲಿಸ್ಟ್‌ನಲ್ಲಿದ್ದಾನೆ. ಅವರ ಗುಂಡುಗಳಿಗೆ ಅವನು ಸಾಯುತ್ತಾನೆಯೇ? ಮತ್ತು ಅವನಿಗೂ ಡೆಡ್ಲಿ ಸೋಮದಲ್ಲಿನ ಸೋಮನಿಗೂ ಏನಾದರೂ ಸಂಬಂಧವಿದೆಯೇ?
ಸಂಗೀತ
ಬದಲಾಯಿಸಿಹಿನ್ನೆಲೆ ಸಂಗೀತವನ್ನು ಎಲ್ ಎನ್ ಶಾಸ್ತ್ರಿ ಸಂಯೋಜಿಸಿದ್ದಾರೆ. ಚಿತ್ರಕ್ಕಾಗಿ ಅವರು ಸಂಯೋಜಿಸಿದ ಒಂದೇ ಒಂದು ಸನ್ನಿವೇಶದ ಹಾಡು ಇದೆ.
ಇದನ್ನೂ ನೋಡಿ
ಬದಲಾಯಿಸಿ- ಡೆಡ್ಲಿ ಸೋಮ
ಉಲ್ಲೇಖಗಳು
ಬದಲಾಯಿಸಿ- ↑ "It's sequel time for Kannada film". The Hindu. 2009.
- ↑ "Adi back in Deadly-2". Indiaglitz. 28 December 2009. Archived from the original on 11 ಫೆಬ್ರವರಿ 2010. Retrieved 9 ಏಪ್ರಿಲ್ 2022.
- ↑ Deadly Soma review
- ↑ "Deadly 2 glorifies violence". Rediff. 2010.