ಜಾನ್‌ ಗ್ರಿಶಮ್‌

ಜಾನ್ ರೇ ಗ್ರಿಶಮ್ (ಜನನ 1955ರ ಫೆಬ್ರವರಿ 8ರಂದು) , ಒಬ್ಬ ಅಮೆರಿಕನ್ ಲೇಖಕ, ಇವರು ತಮ್ಮ ಕಾನೂನುಬದ್ಧ ರೋಮಾಂಚಕಾರೀ ಕಥೆಗಳಿಂದ ಜನಪ್ರಿಯರಾಗಿದ್ದಾರೆ. ಲೇಖಕರಾಗುವುದಕ್ಕಿಂತ ಮೊದಲು ಇವರು ಒಬ್ಬ ಯಶಸ್ವೀ ವಕೀಲರು ಹಾಗೂ ರಾಜಕಾರಣಿಯಾಗಿದ್ದರು. 2008ರ ಹೊತ್ತಿಗೆ, ಅವರ 250 ಮಿಲಿಯನ್ ಪ್ರತಿಗಳು ವಿಶ್ವದಾದ್ಯಂತ ಮಾರಾಟವಾಗಿವೆ.

ಜಾನ್‌ ಗ್ರಿಶಮ್‌
Grisham in 2008.
ಜನನ	John Ray Grisham (1955-02-08) ೮ ಫೆಬ್ರವರಿ ೧೯೫೫ Jonesboro, Arkansas, United States
ವೃತ್ತಿ	Novelist
ರಾಷ್ಟ್ರೀಯತೆ	American
ಅಭ್ಯಾಸ ಮಾಡಿದ ವಿದ್ಯಾ ಸಂಸ್ಥೆ	Mississippi State University University of Mississippi School of Law
ಕಾಲ	1989-present
ಪ್ರಕಾರ/ಶೈಲಿ	Legal thriller Crime fiction Football
ಪ್ರಭಾವಗಳು John Steinbeck John le Carré
www.jgrisham.com

ಜೀವನಚರಿತ್ರೆ ಮತ್ತು ವೃತ್ತಿ ಜೀವನ

ಜಾನ್ ಗ್ರಿಶಮ್ ಐದು ಜನ ಒಡಹುಟ್ಟಿದವರಲ್ಲಿ ಎರಡನೆಯವರು, ಇವರು ಅರ್ಕನ್ಸಾಸ್‌ನ ಜೋನ್ಸ್‌ಬೊರೊನಲ್ಲಿ ದಕ್ಷಿಣಭಾಗದ ಬಾಪ್ಟಿಸ್ಟ್ ಕುಟುಂಬದಲ್ಲಿ ಜನಿಸಿದರು. ಇವರ ತಂದೆಯು ಕಟ್ಟಡಗಳನ್ನು ಕಟ್ಟುವ ಕೆಲಸಗಾರ ಹಾಗೂ ಹತ್ತಿ ಬೆಳೆಗಾರರಾಗಿದ್ದರು, ಹಾಗೂ ಈತನ ತಾಯಿ ಗೃಹಿಣಿಯಾಗಿದ್ದರು. ಸ್ಥಳದಿಂದ ಸ್ಥಳಕ್ಕೆ ಬದಲಾಯಿಸುತ್ತ ಕೊನೆಗೆ 1967ರಲ್ಲಿ ಡಿಸೊಟೊ ಕೌಂಟಿ, ಮಿಸ್ಸಿಸ್ಸಿಪ್ಪಿಯ ಸೌಥಾವೆನ್‌ನಲ್ಲಿ ನೆಲೆಗೊಂಡರು, ಅಲ್ಲಿಯೇ ಗ್ರಿಶಮ್ ತಮ್ಮ ಪ್ರೌಢಶಾಲೆ ಶಿಕ್ಷಣವನ್ನು ಸೌಥಾವೆನ್ ಹೈ ಸ್ಕೂಲ್‌ನಲ್ಲಿ ಮುಗಿಸಿದರು. ಇವರು ತಮ್ಮ ಶಾಲೆಯ ಫುಟ್ಬಾಲ್ ತಂಡಕ್ಕಾಗಿ ಕ್ವಾರ್ಟರ್‌ಬ್ಯಾಕ್ ಆಗಿ ಆಡಿದರು. ತನ್ನ ತಾಯಿಯ ಪ್ರೋತ್ಸಾಹದಿಂದ ಬಾಲಕ ಗ್ರಿಶಮ್ ಹೆಚ್ಚಿನ ಓದುವ ಹವ್ಯಾಸ ಬೆಳೆಸಿಕೊಂಡರು, ಮತ್ತು ಜಾನ್ ಸ್ಟೇನ್‌ಬೆಕ್‌ರ ಕೆಲಸಗಳಿಂದ ಪ್ರೇರಿತರಾಗಿದ್ದರು. ಆತನ ಸಹೋದರ ವಾಘ್ನ್ ಅವರು ಯುನೈಟೆಡ್ ಸ್ಟೇಟ್ಸ್‌ನಲ್ಲಿನ ಸಮುದಾಯದ ಅಭಿವೃದ್ಧಿಗಾಗಿ ಶ್ರಮಿಸಿದ ಪ್ರಮುಖರಲ್ಲಿ ಒಬ್ಬರು, ಹಾಗೂ ಅವರು ಯೂನಿವರ್ಸಿಟಿ ಆಫ್ ಮಿಸ್ಸಿಸ್ಸಿಪ್ಪಿಯಲ್ಲಿ ಪಬ್ಲಿಕ್ ಅಡ್ಮಿನಿಸ್ಟ್ರೇಶನ್‌ನಲ್ಲಿ ಪ್ರೊಫೆಸರ್ ಆಗಿದ್ದರು.

ಶಿಕ್ಷಣ

1977ರ ಸಮಯದಲ್ಲಿ ಗ್ರಿಶಮ್ ಮಿಸ್ಸಿಸ್ಸಿಪ್ಪಿ ಸ್ಟೇಟ್ ಯೂನಿವರ್ಸಿಟಿಯಿಂದ ಅಕೌಂಟಿಂಗ್‌ನಲ್ಲಿ ಬ್ಯಾಚುಲರ್ ಆಫ್ ಸೈನ್ಸ್ ಪದವಿಯನ್ನು ಪಡೆದುಕೊಂಡರು ಡೆಲ್ಟಾ ಸ್ಟೇಟ್ ಯೂನಿವರ್ಸಿಟಿಯ ಬೇಸ್‌ಬಾಲ್ ತಂಡಕ್ಕೆ ಸೇರಲು ಗ್ರಿಶಮ್ ಪ್ರಯತ್ನಿಸಿದರು, ಆದರೆ ಆ ತಂಡದ ಕೋಚ್ ಆದ ಬಾಸ್ಟನ್ ರೆಡ್ ಸಾಕ್ಸ್‌ನ ಪಿಚರ್ ದೇವ್ "ಬೂ" ಫೆರಿಸ್ ಅವರಿಂದ ಹೊರಹಾಕಲ್ಪಟ್ಟನು. ಗ್ರಿಶಮ್ ಹಾಗೂ ಫೆರಿಸ್‌ರನ್ನು ಡೆಲ್ಟಾ ಸ್ಟೇಟ್ ಬೇಸ್‌ಬಾಲ್‌ಗಾಗಿ ಹಣಒಟ್ಟುಗೂಡಿಸಲು ನಿಯೋಜಿಸಲಾಯಿತು. ಆಗ ಒಬ್ಬರಿಗೊಬ್ಬರು ಮಾತನಾಡುತ್ತಾ ಫೆರಿಸ್ ಹೇಗೆ ಮತ್ತು ಏಕೆ ಗ್ರಿಶಮ್‌ನನ್ನು ತಂಡದಿಂದ ಹೊರಹಾಕಿದ ಎಂದು ಹೇಳುತ್ತಾ ಕಾಲೇಜು ಮಟ್ಟದ ಕರ್ವ್ ಬಾಲ್‌ನ ಎಲ್ಲಾ ಪಂದ್ಯಗಳಲ್ಲಿ ಗ್ರಿಶಮ್ ವಿಫಲನಾಗುತ್ತಿದ್ದುದರಿಂದ ಆತ "ಪುಸ್ತಕ ಓದುವುದಕ್ಕೆ ಹೆಚ್ಚು ಸೀಮಿತ"ವಾಗಲಿ ಎಂಬ ಕಾರಣವನ್ನು ತಿಳಿಸಿದರು. ಗ್ರಿಶಮ್ 1981ರಲ್ಲಿ ಯೂನಿವರ್ಸಿಟಿ ಆಫ್ ಮಿಸ್ಸಿಸ್ಸಿಪ್ಪಿ ಸ್ಕೂಲ್ ಆಫ್ ಲಾದಿಂದ ಜುರಿಸ್ ಡಾಕ್ಟರ್‌ ಪದವಿಯನ್ನು ಪಡೆದುಕೊಂಡರು. ಲಾ ಸ್ಕೂಲ್‌ನಲ್ಲಿ ಓದುವಾಗ ಗ್ರಿಶಮ್ ಟ್ಯಾಕ್ಸ್ ಲಾ ದಿಂದ ತನ್ನ ಆಸಕ್ತಿಯನ್ನು ಕ್ರಿಮಿನಲ್ ಹಾಗೂ ಜನರಲ್ ಸಿವಿಲ್ ಲಿಟಿಗೇಶನ್‌ನ ಕಡೆಗೆ ಬದಲಾಯಿಸಿದರು. ಪದವಿ ಮುಗಿಸಿದ ಮೇಲೆ ಅವರು ಸೌಥಾವೆನ್‌ನಲ್ಲಿ ಸುಮಾರು ಹತ್ತು ವರ್ಷಗಳ ಕಾಲ ಒಂದು ಸಣ್ಣ-ನಗರದ ಜನರಲ್ ಲಾ ಪ್ರಾಕ್ಟೀಸ್ ಮಾಡುತ್ತಿದ್ದರು, ಅಲ್ಲಿಯೇ ತಮ್ಮ ಕ್ಲೈಂಟ್‌ಗಳಿಗಾಗಿ ಅವರು ಕ್ರಿಮಿನಲ್ ಲಾ ಹಾಗೂ ಸಿವಿಲ್ ಲಾಗಳ ಕಡೆಗೆ ತಮ್ಮ ಗಮನ ಹರಿಸಿದರು. ಒಬ್ಬ ಯುವ ವಕೀಲರಾಗಿ ಅವರು ತಮ್ಮ ಹೆಚ್ಚಿನ ಸಮಯವನ್ನು ಕೋರ್ಟ್‌ನ ವ್ಯಾಜ್ಯಗಳಲ್ಲಿ ಕಳೆದರು.

ರಾಜಕೀಯ ಜೀವನ

1983ರ ಸಮಯದಲ್ಲಿ ಅವರು ಮಿಸ್ಸಿಸ್ಸಿಪ್ಪಿ ಹೌಸ್ ಆಫ್ ರೆಪ್ರೆಸೆಂಟೇಟಿವ್‌ನ ಡೆಮೊಕ್ರೇಟ್ ಆಗಿ ಆಯ್ಕೆಯಾದರು. ಅಲ್ಲಿ ಅವರು 1990ರವರೆಗೆ ತಮ್ಮ ಸೇವೆಯನ್ನು ಸಲ್ಲಿಸಿದರು. ಅವರು ಶಾಸನಸಭೆಯ ಸದಸ್ಯರಾಗಿದ್ದಾಗ, ಸೌಥಾವೆನ್‌ನಲ್ಲಿ ತಮ್ಮ ಖಾಸಗಿ ಲಾ ಪ್ರಾಕ್ಟೀಸ್‌ ಅನ್ನು ಮುಂದುವರೆಸಿದ್ದರು. ಅವರು $100,000ಗಳಷ್ಟು ಹಣವನ್ನು  ಡೆಮೊಕ್ರಟಿಕ್ ಪಾರ್ಟಿ ಅಭ್ಯರ್ಥಿಗಳಿಗಾಗಿ ನೀಡಿದರು.  2007ರ ಸೆಪ್ಟೆಂಬರ್‌ನಲ್ಲಿ, ಹಿಲರಿ ರೋಧಮ್ ಕ್ಲಿಂಟನ್‌ರ ಜೊತೆಯಲ್ಲಿ ಗ್ರಿಶಮ್ ಕಾಣಿಸಿಕೊಂಡರು, ಹಿಲರಿಯವರು 2008ರ U.S. ಅಧ್ಯಕ್ಷ ಸ್ಥಾನಕ್ಕೆ ಗ್ರಿಶಮ್‌ರ ಆಯ್ಕೆಯಾಗಿದ್ದರು,   ಮತ್ತು ಮಾಜಿ ವರ್ಜೀನಿಯಾ ಅಧ್ಯಕ್ಷ ಮಾರ್ಕ್ ವಾರ್ನರ್ , ಇವರನ್ನು ಗ್ರಿಶಮ್ ರಿಪಬ್ಲಿಕನ್ ಜಾನ್ ವಾರ್ನರ್‌ರಿಂದ ತೆರವುಗೊಂಡ ಯು.ಎಸ್.ಸೆನೇಟ್‌ನ ಸ್ಥಾನಕ್ಕೆ ಸೂಚಿಸಿದರು.  2006 ವರ್ಜೀನಿಯಾ ಸೆನಟೋರಿಯಲ್ ಚುನಾವಣೆಯಲ್ಲಿ ಮಾಜಿ 0}GOP U.S. ಸೆನೆಟರ್ ಜಾರ್ಜ್ ಅಲೆನ್, Jr. ಇವರೊಂದಿಗೆ ಪ್ರತಿಸ್ಪರ್ಧಿಯಾಗಿ  ಸ್ವತಃ ತಮ್ಮನ್ನೇ ಗ್ರಿಶಮ್ ಪರಿಗಣಿಸಿಕೊಂಡರು.

ಮೊದಲ ಕಾದಂಬರಿಗೆ ಸ್ಪೂರ್ತಿ

1984ರಲ್ಲಿ ಹರ್ನಾಂಡೊನ ಡೆಸೊಟೊ ಕೌಟಿ ಕೋರ್ಟ್‌ಹೌಸ್‌ನಲ್ಲಿ ಒಬ್ಬ 12-ವರ್ಷ-ವಯಸ್ಸಿನ ರೇಪ್‌ಗೆ ಒಳಗಾದ ಬಾಲಕಿಯು ಅದನ್ನು ವ್ಯಕ್ತಪಡಿಸುವಾಗ ಗ್ರಿಶಮ್ ಸಾಕ್ಷಿಯಾಗಿದ್ದರು. ಗ್ರಿಶಮ್‌ರ ಅಧಿಕೃತ ವೆಬ್‌ಸೈಟ್‌ನ ಪ್ರಕಾರ, ಗ್ರಿಶಮ್ ತಮ್ಮ ಉಳಿದ ಸಮಯವನ್ನು ಅವರ ಮೊದಲ ಕಾದಂಬರಿ ಬರೆಯುವುದಕ್ಕಾಗಿ ಉಪಯೋಗಿಸಿಕೊಳ್ಳುತ್ತಿದ್ದರು, ಅದರಲ್ಲಿ "ಆ ಬಾಲಕಿಯ ತಂದೆಯು ಆಕ್ರಮಣಕಾರಿಗಳನ್ನು ಕೊಲೆ ಮಾಡಿದ್ದರೆ ಏನಾಗುತ್ತಿತ್ತು ಎಂಬ ವಿಚಾರವನ್ನು ತೆರೆದಿಟ್ಟಿದ್ದಾರೆ". ಅವರು "ಎ ಟೈಮ್ ಟು ಕಿಲ್‌ ಕಾದಂಬರಿಯನ್ನು ಮೂರು ವರ್ಷಗಳ ಕಾಲಾವಧಿಯನ್ನು ತೆಗೆದುಕೊಂಡು 1987ರಲ್ಲಿ ಮುಗಿಸಿದರು. ಮೊದಲಿಗೆ ಬಹಳಷ್ಟು ಪ್ರಕಾಶಕರಿಂದ ಇದು ತಿರಸ್ಕರಿಸಲ್ಪಟ್ಟಿತು, ಅದರ ಹಸ್ತ ಲಿಖಿತವನ್ನು ಕೊನೆಗೆ ವಿನ್‌ವುಡ್ ಪ್ರೆಸ್‌ನ ಬಳಿ ತಂದಾಗ ಅವರು ವಿನಯವಾಗಿ 5,000 ಪ್ರತಿಗಳನ್ನು ಮುದ್ರಿಸಿದರು ಹಾಗೂ 1988ರ ಜೂನ್‌ನಲ್ಲಿ ಪ್ರಕಟಗೊಳಿಸಿದರು."

"ಎ ಟೈಮ್ ಟು ಕಿಲ್ ಕಾದಂಬರಿ ಮುಗಿಸಿದ ನಂತರ ಗ್ರಿಶಮ್ ಅವರು ಇನ್ನೊಂದು ಕಾದಂಬರಿಯನ್ನು ಬರೆಯಲು ಪ್ರಾರಂಬಿಸಿದರು, ಇದು ಒಬ್ಬ ಯುವ ವಕೀಲನು " ಸ್ಪಷ್ಟ ಪರಿಪೂರ್ಣ ಕಾನೂನು ಸಂಸ್ಥೆಯ ಆಮಿಷಕ್ಕೆ ಒಳಗಾಗಿದ್ದ ಕಥೆ ಆದರೆ ಅದರಲ್ಲಿರುವುದು ನಿಜವಾಗಲೂ ಇದ್ದದ್ದಾಗಿರಲಿಲ್ಲ." ಆ ಎರಡನೆಯ ಪುಸ್ತಕ, ದ ಫರ್ಮ್ , 1991ರ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾದ ಕಾದಂಬರಿಯಾಗಿತ್ತು. ನಂತರದಲ್ಲಿ ಗ್ರಿಶಮ್ ಅವರು ಪ್ರತಿವರ್ಷಕ್ಕೊಮ್ಮೆ ಒಂದು ಪುಸ್ತಕವನ್ನು ಬರೆದರು, ಅದರಲ್ಲಿ ಹೆಚ್ಚಿನವು ಜನಪ್ರಿಯ ಹಾಗೂ ಹೆಚ್ಚು ಮಾರಾಟವಾದವು. ಅವರು ಪುಸ್ತಕಗಳಲ್ಲಿ ಏಳು ಅತಿ ಹೆಚ್ಚು ಮಾರಾಟದಲ್ಲಿ ಮೊದಲ-ಸ್ಥಾನ ಪಡೆದ ವರ್ಷದ ಕಾದಂಬರಿಗಳಾಗಿದ್ದವು (1994, 1995, 1998, 1999, 2000, 2002, ಮತ್ತು 2005).

2001ರಲ್ಲಿ ಎ ಪೆಯಿಂಟೆಡ್ ಹೌಸ್  ಬರೆಯುವುದರೊಂದಿಗೆ ಪ್ರಾರಂಭಿಸಿದ ಇವರು ಕಾನೂನು ವಿಷಯದಿಂದ ಸಾಮಾನ್ಯ ದಕ್ಷಿಣದ ಹಳ್ಳಿಗಳ ವಿಷಯಗಳನ್ನು ಬರೆದರು ಜೊತೆಗೆ ಲೀಗಲ್ ಥ್ರಿಲ್ಲರ್‌ಗಳನ್ನು ಬರೆಯುವುದನ್ನು ಮುಂದುವರೆಸಿದರು.

ಪಬ್ಲಿಷರ್ಸ್ ವೀಕ್ಲಿ ಗ್ರಿಶಮ್‌ರನ್ನು "90ರ ದಶಕ ಅತಿ ಹೆಚ್ಚು ಪ್ರತಿಗಳ ಮಾರಾಟವಾದ ಕಾದಂಬರಿಗಾರ" ಎಂದು ಪ್ರಕಟಿಸಿತು, ಕಾದಂಬರಿಯ 60,742,289 ಪ್ರತಿಗಳು ಮಾರಾಟವಾಗಿದ್ದವು . ಮೊದಲ ಮುದ್ರಣದಲ್ಲಿ ಎರಡು ಮಿಲಿಯನ್ ಪ್ರತಿಗಳ ಮಾರಾಟವಾದ ಕೆಲವೇ ಲೇಖಕರಾದ ಟಾಮ್ ಕ್ಲಾನ್ಸಿ ಮತ್ತು ಜೆ. ಕೆ. ರೋಲಿಂಗ್‌ ಇವರುಗಳ ಜೊತೆಗೆ ಗ್ರಿಶಮ್ ಕೂಡಾ ಒಬ್ಬರಾದರು. ಯುನೈಟೆಡ್ ಸ್ಟೇಟ್ಸ್ ಒಂದರಲ್ಲೆ ಗ್ರಿಶಮ್‌ರ 1992ರ ಕಾದಂಬರಿ ದ ಪೆಲಿಕನ್ ಬ್ರೀಫ್‌ ನ 11,232,480 ಪ್ರತಿಗಳು ಮಾರಾಟವಾದವು.

ಕೋರ್ಟ್‌ರೂಮ್‌ಗೆ ಪುನಃ-ಹಾಜರಾಗಿದ್ದು

ಐದು ವರ್ಷಗಳ ಕಾಲ ಬಿಡುವು ತೆಗೆದುಕೊಂಡು ಪುನಃ 1996ರಲ್ಲಿ ಲಾ ಪ್ರಾಕ್ಟೀಸ್‌ಗೆ ಗ್ರಿಶಮ್ ಹಿಂದಿರುಗಿದರು. 

ಅವರ ಅಧಿಕೃತ ವೆಬ್‌ಸೈಟ್‌ನ ಪ್ರಕಾರ, ಅವರು ಕಾನೂನಿನಿಂದ ನಿವೃತ್ತಿ ಹೊಂದುವ ಮೊದಲೆ.... ರೈಲು ಮಾರ್ಗದಲ್ಲೆ ಕೆಲಸ ಮಾಡುತ್ತಿದ್ದ ಒಬ್ಬ ಬ್ರೇಕ್‌ಮ್ಯಾನ್ ಎರಡು ಕಾರುಗಳ ಮಧ್ಯೆ ಸಿಲುಕಿ ಕೊಲೆಯಾದವನ ಕುಟುಂಬದ ಕೇಸಿನಲ್ಲಿ ವಕಾಲತ್ತು ವಹಿಸಿದ್ದರು... ಗ್ರಿಶಮ್ ತಮ್ಮ ಕ್ಲೈಂಟ್‌ಗಳ ಪರವಾಗಿ ಯಶಸ್ವಿಯಾಗಿ ವಾದ ಮಾಡಿ ಅವರಿಗೆ ಜೂರಿ ಅವಾರ್ಡ್‌ ನೊಂದಿಗೆ $683,500ಮೊತ್ತದ ಹಣವನ್ನು ಕೊಡಿಸಿದರು". ಇನ್ನೊಂದು ಕಾನೂನಿನ ಸಹಭಾಗಿತ್ವದಲ್ಲಿ ಆದ ಒಂದು ಷರತ್ತು ಇನ್ನೋಸೆನ್ಸ್ ಪ್ರಾಜೆಕ್ಟ್‌ನ ಬೋರ್ಡ್ ಆಫ್ ಡೈರೆಕ್ಟರ್ಸ್‌ನಲ್ಲಿ ಸ್ಥಾನ ಪಡೆಯುವುದಕ್ಕಾಗಿ ಮುಂದುವರೆದು, ಸಂಸ್ಥೆಯ ತಪ್ಪಿತಸ್ಥರೆಂದು ಹೇಳಲಾದವರಿಗೆ DNA ಪರೀಕ್ಷೆಯ ಮೂಲಕ ಮುಗ್ಧ ಎಂದು ನಿರ್ದೋಷಿಎಂದು ಸಾಬೀತು ಪಡಿಸಿದರು

ಮಾನನಷ್ಟ ಮೊಕದ್ದಮೆ

ಸೆಪ್ಟೆಂಬರ್ 28, 2007ರಂದು,  US ಜಿಲ್ಲಾ ನ್ಯಾಯಾಲಯದಲ್ಲಿ ಮಾಜಿ ಪೊಂಟೊಟೊಕ್ ಕೌಂಟಿ, ಒಕ್ಲಹಾಮದ ಸರ್ಕಾರಿ ಜಿಲ್ಲಾ ವಕೀಲ ಬಿಲ್ ಪೀಟರ್ಸನ್ , ಮಾಜಿ ಒಕ್ಲಹಾಮ ಸ್ಟೇಟ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ ಏಜೆಂಟ್ ಗ್ಯಾರಿ ರೋಗರ್ಸ್, ಮತ್ತು ಕ್ರಿಮಿನಲಿಸ್ಟ್ ಮೆಲ್ವಿನ್ ಹೆಟ್ ಅವರುಗಳಿಗೆ ಗ್ರಿಶಮ್‌ರಿಂದ ಮಾನಹಾನಿಯಾಗಿದೆ ಎಂದು ಅರ್ಜಿ ಸಲ್ಲಿಸಿದ್ದರು. 

ಈ ಮೊಕದ್ದಮೆಯಲ್ಲಿ ಗ್ರಿಶಮ್‌ ಹಾಗೂ ಇನ್ನು ಇಬ್ಬರು ಲೇಖಕರನ್ನು ಅವರ ಪುಸ್ತಕದಲ್ಲಿ ಕೊಲೆಯ ಬಗ್ಗೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಜನರಿಗೆ ಗೊತ್ತಾಗುವಂತೆ ಬಹಿರಂಗ ಪಡಿಸಿದ್ದರಿಂದ ಭಾವನಾತ್ಮಕವಾಗಿ ಆ ವ್ಯಕ್ತಿಯನ್ನು ಕಷ್ಟಕ್ಕೀಡು ಮಾಡಿದ್ದಕಾಗಿ ಮಾನಹಾನಿ ಮೊಕದ್ದಮೆ ಹೂಡಿ ಕಾನೂನು ರೀತಿಯ ಕ್ರಮ ಜರುಗಿಸುವಂತೆ ಕೇಳಲಾಯಿತು. ಅದಾ, ಒಕ್ಲಹೊಮಾದಲ್ಲಿ ನಡೆದ ಕಾಕ್‌ಟೈಲ್ ಪರಿಚಾರಿಕೆಯ ಹತ್ಯೆಯ ತನಿಖೆ ನಡೆಸಿದ ನಂತರ ಗ್ರಿಶಮ್ ಅದನ್ನು ತಮ್ಮ ಪುಸ್ತಕ ದ ಇನ್ನೋಸೆಂಟ್‌ ನಲ್ಲಿ ವಿವರವಾಗಿ ಬರೆದಿದ್ದಾರೆ, ಮತ್ತು ಸುಮಾರು 12 ವರ್ಷಗಳ ನಂತರ ನಡೆಸಿದ DNA ಪರೀಕ್ಷೆಯಿಂದ ರೋನ್ ವಿಲ್ಲಿಮ್ಸನ್ ಮತ್ತು ಡೆನ್ನಿಸ್ ಫ್ರಿಟ್ಜ್ ಎಂಬುವವರನ್ನು ದೋಷ ವಿಮುಕ್ತರನ್ನಾಗಿ ಮಾಡಲಾಯಿತು.

ಸೆಪ್ಟೆಂಬರ್ 18, 2008ರಂದು ನ್ಯಾಯಾಲಯದಲ್ಲಿ ಮೊಕದ್ದಮೆಯನ್ನು ವಿಸರ್ಜಿಸಲಾಯಿತು, ನ್ಯಾಯದೀಶರು , ರೋನ್ ವಿಲ್ಲಿಮ್ಸನ್ ಮತ್ತು ಡೆನ್ನಿಸ್ ಫ್ರಿಟ್ಜ್ ಅವರುಗಳ ಮೇಲಿದ್ದ ತಪ್ಪು ನಂಬಿಕೆಯಿಂದ ಹೀಗಾಗಿದೆ ಇವರಿಬ್ಬರೂ ಮುಚ್ಚುಮರೆಯಿಲ್ಲದೆ ಮತ್ತು ಬಹು ವಿವರವಾಗಿ ಚರ್ಚಿಸಬೇಕಾಗಿತ್ತು" ಎಂದಿದ್ದಾರೆ.

ಜಾನ್ ಗ್ರಿಶಮ್ ರೂಮ್

ದ ಮಿಸ್ಸಿಸ್ಸಿಪ್ಪಿ ಸ್ಟೇಟ್ ಯೂನಿವರ್ಸಿಟಿ ಲೈಬ್ರರಿಯ ಹಸ್ತ ಲಿಖಿತ ವಿಭಾಗವು, ಜಾನ್ ಗ್ರಿಶಮ್ ರೂಮ್ Archived 2013-12-03 ವೇಬ್ಯಾಕ್ ಮೆಷಿನ್ ನಲ್ಲಿ. ಅನ್ನು ನಿರ್ವಹಣೆ ಮಾಡುತ್ತದೆ, ಲೇಖಕರು ಮಿಸ್ಸಿಸ್ಸಿಪ್ಪಿ ಸ್ಟೇಟ್‌ನ ಪ್ರತಿನಿಧಿಯಾಗಿ ಮಾಡಿದ ಕೆಲಸಗಳು ಬರೆದ ಪುಸ್ತಕಗಳ ಸಂಗ್ರಹ ಹಾಗೂ ಅದಕ್ಕೆ ಸಂಬಂಧಪಟ್ಟ ಅವರ ಲೇಖನಗಳು ಇಲ್ಲಿವೆ.

ಗ್ರಿಶಮ್ ಅವರು ಜೀವನದುದ್ದಕ್ಕೂ ಬೇಸ್‌ಬಾಲ್‌ನ ಮೇಲಿದ್ದ ಪ್ರೀತಿಗೆ ಅವರ ಕಾದಂಬರಿ ಎ ಪೆಯಿಂಟೆಡ್ ಹೌಸ್  ಸಾಕ್ಷಿಯಾಗಿದೆ. ಆಕ್ಸ್‌ಫರ್ಡ್, ಮಿಸ್ಸಿಸ್ಸಿಪ್ಪಿ, ಮತ್ತು ಚಾರ್ಲೊಟ್ಟೆಸ್ವಿಲ್ಲೆ, ವರ್ಜೀನಿಯಾ ಎರಡರಲ್ಲಿಯ ಲಿಟಲ್ ಲೀಗ್ ಚಟುವಟಿಕೆಗಳಿಗೆ ಪ್ರೇರಣೆ ನೀಡುತ್ತಿದ್ದರು. ಹ್ಯಾರಿ ಕಾನ್ನಿಕ್, Jr. ನಟಿಸಿದ ಬೇಸ್‌ಬಾಲ್ ಚಲನಚಿತ್ರ ಮಿಕ್ಕಿ ಯ  ಮೂಲ ಚಿತ್ರಕಥೆಯನ್ನು ಗ್ರಿಶಮ್ ಅವರೆ ಬರೆದು ಚಿತ್ರ ನಿರ್ಮಿಸಿದರು.   ಏಪ್ರಿಲ್ 2004ರಲ್ಲಿ ಚಲನಚಿತ್ರದ  DVDಯು ಬಿಡುಗಡೆಯಾಯಿತು.  ಮಿಸ್ಸಿಸ್ಸಿಪ್ಪಿ ಸ್ಟೇಟ್ ಯೂನಿವರ್ಸಿಟಿಯ ಬೇಸ್‌ಬಾಲ್ ತಂಡದ ಆರಾಧಕರಾಗಿಯೇ ಇದ್ದರು ಮತ್ತು ಯೂನಿವರ್ಸಿಟಿಯೊಂದಿಗಿನ ತಮ್ಮ ನಂಟನ್ನು ಕೂಡಾ ಬರೆದಿದ್ದಾರೆ ಹಾಗೂ ತಮ್ಮ ಪುಸ್ತಕ ಡ್ಯೂಡಿ ಫೀಲ್ಡ್: A Celebration of MSU Baseball ನ ಪೀಠಿಕೆ Archived 2016-04-22 ವೇಬ್ಯಾಕ್ ಮೆಷಿನ್ ನಲ್ಲಿ. ಯಲ್ಲಿ Left Field Lounge ನ ಬಗ್ಗೆ ಬರೆದಿದ್ದಾರೆ .

ಗ್ರಿಶಮ್ ಅವರ ತಾಯ್ನಾಡಿನ ದಕ್ಷಿಣದ ಸಾಹಿತ್ಯದ ಸಂಪ್ರದಾಯಗಳನ್ನು ಉಳಿಸಿ ಬೆಳೆಸಲು ಬಹಳಷ್ಟು ಪ್ರೇರಣೆ ಹಾಗೂ ಪ್ರಯತ್ನಗಳನ್ನು ಮಾಡಿದ್ದರು ಅದರಿಂದಾಗಿ ಅವರು ಸಾಹಿತ್ಯದ ಸಮುದಾಯದಲ್ಲಿ ಹೆಚ್ಚು ಚಿರಪರಿಚಿತರಾಗಿದ್ದರು.  ಅವರು ವಿದ್ಯಾರ್ಥಿವೇತನಗಳನ್ನು ನೀಡಿದರು ಮತ್ತು  ಮಿಸ್ಸಿಸ್ಸಿಪ್ಪಿ ಯೂನಿವರ್ಸಿಟಿಯ ಇಂಗ್ಲೀಷ್ ವಿಭಾಗದಲ್ಲಿ ವಾಸಿಸುತ್ತ ಹಾಗೂ ಗ್ಯಾಜುಯೇಟ್ ಕ್ರಿಯೇಟಿವ್ ರೈಟಿಂಗ್ ಪ್ರೋಗ್ರಾಮ್ ಮತ್ತು ಅವರು ಆಕ್ಸ್‌ಫರ್ಡ್ ಅಮೆರಿಕನ್ ಎಂಬ ಮ್ಯಾಗಜೀನ್‌ನ ಸ್ಥಾಪಕ ಪ್ರಕಾಶಕರಾಗಿ ಅದನ್ನು ಸಾಹಿತ್ಯ ಬರವಣಿಗೆಗಾಗಿ ಅರ್ಪಿಸಿದ್ದರು.   ಈ ಮ್ಯಾಗಜೀನ್ ವಾರ್ಷಿಕ ಸಂಗೀತದ ಪುರವಣಿಗೆ ಪ್ರಸಿದ್ಧಿಯಾಗಿದೆ, ಪ್ರತಿಗಳ ಜೊತೆಗೆ  ದಕ್ಷಿಣದ ಸಂಗೀತಗಾರರ ಜಾನಪದ, ದೇಶದ-ವೆಸ್ಟರ್ನ್ ಮತ್ತು ರಾಕ್ ಸಂಗೀತವನ್ನೊಳಗೊಂಡ ಒಂದು CD ಕೂಡಾ ಇರುತ್ತಿದ್ದುದು ವಿಶೇಷ.

2006 ಅಕ್ಟೋಬರ್‌ನಲ್ಲಿನ ಚಾರ್ಲಿ ರೋಸ್ ಶೋ ನಲ್ಲಿನ ಒಂದು ಸಂದರ್ಶನದಲ್ಲಿ, ಅಲ್ಲಿ ಗ್ರಿಶಮ್  ಅವರು  ಒಂದು ಪುಸ್ತಕ ಬರೆಯಲು ಸಾಮಾನ್ಯವಾಗಿ ಆರು ತಿಂಗಳ ಸಮಯ ತೆಗೆದುಕೊಳ್ಳುವುದಾಗಿ ಮತ್ತು ಅವರ ಬಲು ಮೆಚ್ಚಿನ ಲೇಖಕ ಜಾನ್ ಲಿ ಕೇರ್ರ್ ಎಂದು ಹೇಳಿದರು.

ಸಂಸಾರ ಜೀವನ

ಗ್ರಿಶಮ್ ತಮ್ಮನ್ನು ತಾವು ಒಬ್ಬ "ಮಧ್ಯಮ ಬಾಪ್ಟಿಸ್ಟ್" ಎಂದು ಹೇಳಿಕೊಳ್ಳುತ್ತಾರೆ, ಬ್ರೆಜಿಲ್‌ನಲ್ಲಿರುವ ತಮ್ಮ ಚರ್ಚಿನಲ್ಲಿ ಒಂದು ಮಿಶನ್ ಸರ್ವಿಸ್ ಪ್ರಾರಂಭಿಸಿದ್ದಾರೆ ; ಇಲ್ಲಿ ಗ್ರಿಶಮ್ ಅವರ ಎರಡು ಕಾದಂಬರಿಗಳನ್ನು ನೀಡಲಾಗುತ್ತದೆ ಅವೆಂದರೆ: ಗಟ್ಟಿಯಾದ ಧಾರ್ಮಿಕಶ್ರದ್ಧೆಯುಳ್ಳ ವಸ್ತುವುಳ್ಳ  ದ ಟೆಸ್ಟಮೆಂಟ್   ಮತ್ತು ದ ಪಾರ್ಟ್ನರ್    

ಅವರು ತಮ್ಮ ಹೆಂಡತಿ ರಿನೀ ಜೋನ್ಸ್ ಮತ್ತು ಅವರ ಎರಡು ಮಕ್ಕಳು ಟೈ ಮತ್ತು ಶೀ ಜೊತೆಯಲ್ಲಿ ವಾಸಿಸುತ್ತಾರೆ. ಗ್ರಿಶಮ್ ತಮ್ಮ ವೆಬ್‌ಸೈಟ್‌ನಲ್ಲಿ ಹೇಳಿರುವಂತೆ ಅವರ ಕುಟುಂಬವು ಅವರ ಆಕ್ಸ್‌ಫರ್ಡ್, ಮಿಸ್ಸಿಸ್ಸಿಪ್ಪಿಯ ಹೊರಭಾಗದಲ್ಲಿರುವ "ಫಾರ್ಮ್‌"ನಲ್ಲಿರುವ ವಿಕ್ಟೋರಿಯನ್ ಹೋಮ್ ಹಾಗೂ ಚಾರ್ಲೊಟ್ಟೆಸ್ವಿಲ್ಲೆ, ವರ್ಜೀನಿಯಾ ಸಮೀಪವಿರುವ ಮನೆ ಎರಡರಲ್ಲೂ ತಮ್ಮ ಸಮಯವನ್ನು ಕಳೆಯುತ್ತಾರೆ". 2008ರಲ್ಲಿ , ಚಾಪೆಲ್ ಹಿಲ್, ನಾರ್ಥ್ ಕರೋಲಿನಾದಲ್ಲಿ ಗ್ರಿಶಮ್ ಹಾಗೂ ರಿನೀ ಸೇರಿ ಒಂದು ಮನೆಯನ್ನು ಖರೀದಿಸಿದರು.

ಪುಸ್ತಕಗಳು

Legal fiction

• ಎ ಟೈಮ್ ಟು ಕಿಲ್ (1989)
• ದ ಫರ್ಮ್ (1991)
• ದ ಪೆಲಿಕನ್ ಬ್ರೀಫ್ (1992)
• ದ ಕ್ಲೈಂಟ್ (1993)
• ದ ಚೇಂಬರ್ (1994)
• ದ ರೈನ್ ಮೇಕರ್ (1995)
• ದ ರೈನ್‌ವೇ ಜೂರಿ (1996)
• ದ ಪಾರ್ಟ್‌ನರ್ (1997)
• ದ ಸ್ಟ್ರೀಟ್ ಲಾಯರ್ (1998)
• ದ ಟೆಸ್ಟಮೆಂಟ್ (1999)
• ದ ಬ್ರೆಥ್ರೆನ್ (2000)
• ದ ಸಮನ್ಸ್ (2002)
• ದ ಕಿಂಗ್ ಆಫ್ ಟಾರ್ಟ್ಸ್ (2003)
• ದ ಲಾಸ್ಟ್ ಜೂರರ್ (2004)
• ದ ಬ್ರೋಕರ್ (2005)
• ದ ಅಪೀಲ್ (2008)
• ದ ಅಸೋಸಿಯೇಟ್ (2009)

Non-legal fiction

• ಎ ಪೆಯಿಂಟೆಡ್ ಹೌಸ್ (2001)
• ಸ್ಕಿಪಿಂಗ್ ಕ್ರಿಸ್‌ಮಸ್ (2001)
• ಬ್ಲೀಚರ್ಸ್ (2003)
• ಪ್ಲೇಯಿಂಗ್ ಫಾರ್ ಪಿಝಾ (2007)
• ಫೋರ್ಡ್ ಕಂಟ್ರಿ (2009)

Non-fiction

• The Innocent Man: Murder and Injustice in a Small Town (2006)

ಆಧಾರಿತ ಚಲನಚಿತ್ರಗಳು

• ದ ಫರ್ಮ್ (1993)
• ದ ಪೆಲಿಕನ್ ಬ್ರೀಫ್ (1993)
• ದ ಕ್ಲಂಟ್ (1994)
• ಎ ಟೈಮ್ ಟು ಕಿಲ್ (1996)
• ದ ಚೇಂಬರ್ (1996)
• ದ ರೈನ್‌ಮೇಕರ್ (1997)
• ದ ಜಿಂಜರ್‌ಬ್ರೆಡ್ ಮ್ಯಾನ್ (1998) ಪ್ರಕಟವಾಗದೆ ಇರುವ ಒಂದು ಸಣ್ಣ ಕಥೆಯ ಆಧಾರಿತ
• ಎ ಪೆಯಿಂಟೆಡ್ ಹೌಸ್ (2003)
• ರನ್‌ಅವೇ ಜೂರಿ (2003)
• ಕ್ರಿಸ್‌ಮಸ್ ವಿಥ್ ಕ್ರ್ಯಾಂಕ್ಸ್ (2004) ಕಾದಂಬರಿ 'ಸ್ಕಿಪಿಂಗ್ ಕ್ರಿಸ್‌ಮಸ್’ ಆಧಾರಿತ '''
• ದ ಪಾರ್ಟ್ನರ್ (2010)
• ದ ಅಸೋಸಿಯೇಟ್ (2012)
• ದ ಟೆಸ್ಟಾಮೆಂಟ್ (2012)

ಉಲ್ಲೇಖಗಳು

• "ನನ್ನ ಯಶಸ್ಸು ಯೋಜಿತವಾದುದಲ್ಲ, ಆದರೂ ಇದು ಅಮೆರಿಕಾದಲ್ಲಿ ಸಂಭವಿಸಬಹುದಾಗಿದೆ. "
• "ನಾನು ಬರೆಯುವ ಕಾದಂಬರಿಗಳ ಸುತ್ತುವರೆದಿರುವ ಕಥಾವಸ್ತುಗಳಾದ ರಾಜಕೀಯದ ಬಗ್ಗೆ ಅಥವಾ ಸಾಮಾಜಿಕ ವಿಷಯಗಳಬಗ್ಗೆ ನಾನು ಯೋಚಿಸುತ್ತೇನೆ. "
• "ಯಾವ ದೇಶದಲ್ಲಿ ಯಾರೂ ಓದುವವರಿಲ್ಲವೋ ಅಲ್ಲಿ ನಾನೊಬ್ಬ ಪ್ರಸಿದ್ಧ ಲೇಖಕ. "
• " ನೀವುಗಳು ನನ್ನ ಅಚ್ಚುಮೆಚ್ಚಿನ ಕಥೆ ಮಾರ್ಕ್ ಡ್ರೀಯರ್ ಅನ್ನು ಮರೆತಿದ್ದೀರಿ, . ವಾರಗಳವರೆಗೆ ನಾನು ಡ್ರೀಯರ್ ಕಥೆಯನ್ನು ನೋಡಿಯೇ ಇಲ್ಲ. ಆದರೆ ಅದು ನಂಬಲಾಗದ್ದು. ಬೇರೊಬ್ಬರ ಹಾಗೆ ನಟಿಸುವುದು? ಕಾನ್ಫರೆನ್ಸ್ ರೂಮ್‌ನೊಳಗೆ ಕರೆದೊಯ್ಯುವುದು?

ಆತನ 120-ಅಡಿ ದೋಣಿಯ ಬಗ್ಗೆ ಓದುವಾಗ ಅಲ್ಲಿ ಏನೋ ತಪ್ಪಿದೆ ಎಂದು ನನಗೆ ತಿಳಿದಿದೆ.  ನಿಮ್ಮ ಬಳಿ ಅಷ್ಟುದೊಡ್ಡ ದೋಣಿಯನ್ನು ಹೊಂದಿದ್ದರೆ ನೀವೊಬ್ಬ ಬಿಲಿಯನೇರ್ ತರಹ ಇರಬೇಕಿತ್ತು.  ನ್ಯೂಯಾರ್ಕ್‌ನ ವಕೀಲರಾಗಿ ನೀವು ಹಾಗೆ ಮಾಡಲಾಗುವುದಿಲ್ಲ.   ನಿಮ್ಮ ಸಂಸ್ಥೆಯು ಎಷ್ಟು ದೊಡ್ಡದಿದೆ ಎಂಬುದನ್ನು ನಾನು ನಿರ್ಲಕ್ಷಿಸುತ್ತೇನೆ...    ಹಾಗೂ ನನಗೆ ಇನ್ನು ಒಳ್ಳೆಯದನ್ನು ಮಾಡಲಾಗುವುದಿಲ್ಲ.  ಅದನ್ನು ನನ್ನಿಂದ ಸುಧಾರಿಸಲೂ ಆಗುವುದಿಲ್ಲ.  ದ ಸುಶಿ ರೆಸ್ಟೋರೆಂಟ್ (ಡ್ರೀಯರ್) ಒಡೆತನವಿದೆಯೇ?  ಎಲಾ ಕಾರುಗಳು?  ಕಾರ್ಯದರ್ಶಿಗಳು ಒಂದು ವರ್ಷದಲ್ಲಿ $200,000 ಗಳಿಸುತ್ತಿದ್ದಾರೆಯೇ?  ಇದು ಅತಿಯಾಯ್ತು.  "ನಾನು ಇದರ ಮೂಲವಸ್ತುವನ್ನು ನೋಡುತ್ತಿದ್ದಂತೆಯೇ ನನ್ನ ಕಲ್ಪನಾಶಕ್ತಿಯ ವೇಗ ಹೆಚ್ಚಾಗಿ ಹೋಗುತ್ತಿದೆ "

• "ನೀವು ನಿಮ್ಮ ಇಂದಿನ ಜೀವನವನ್ನು ಅನುಭವಿಸಿ, ನಾಳೆಯಲ್ಲ, ಹಾಗೂ ನಿನ್ನೆಯಂತೂ ಅಲ್ಲವೇ ಅಲ್ಲ "

ಇವನ್ನೂ ಗಮನಿಸಿ

• ದ ಇನ್ನೋಸೆನ್ಸ್ ಪ್ರಾಜೆಕ್ಟ್
• ಯುನೈಟೆಡ್ ಸ್ಟೇಟ್ಸ್‌ನ ಅತಿ ಹೆಚ್ಚು ಮಾರಾಟವಾಗುವ ಕಾದಂಬರಿಗಳ ಪಟ್ಟಿ

ಹೊರಗಿನ ಕೊಂಡಿಗಳು

• ಅಧಿಕೃತ ಜಾಲತಾಣ
• Official UK website
• Fansite Archived 2019-11-03 ವೇಬ್ಯಾಕ್ ಮೆಷಿನ್ ನಲ್ಲಿ.
• ಅಂತರಜಾಲ ಸಿನೆಮಾ ದತ್ತಸಂಚಯದಲ್ಲಿ Grisham
• InnerVIEWS with Ernie Manouse: ಜಾನ್ ಗ್ರಿಶಮ್ (TV ಸಂದರ್ಶನ)
• John Grisham Biography Archived 2007-11-18 ವೇಬ್ಯಾಕ್ ಮೆಷಿನ್ ನಲ್ಲಿ.
• Works by or about ಜಾನ್‌ ಗ್ರಿಶಮ್‌ in libraries (WorldCat catalog)
• Donald E. Wilkes, Jr. Kafka (and Grisham) in Oklahoma." Archived 2012-01-19 ವೇಬ್ಯಾಕ್ ಮೆಷಿನ್ ನಲ್ಲಿ. Published in Flagpole Magazine, p. 9 (February 7, 2007).