ಖೇರಿಗರ್ (ಗೋವಿನ ತಳಿ)

ಖೇರಿಗರ್ ಮಧ್ಯಮಗಾತ್ರ ಅಥವಾ ಪುಟ್ಟಗಾತ್ರ ಗೋವು. ಆಕಳಿನ ಮೂಲ ಉತ್ತರಪ್ರದೇಶದ ಲಕೀಂಪುರ ಜಿಲ್ಲೆಯ ಖೇರಿ. ಖೇರಿ ಮೂಲ ಎಂದಿದ್ದರೂ, ಭಾರತ-ಟಿಬೇಟ್ ಗಡಿಯಗುಂಟ ಇರುವ ಬೆಟ್ಟಪ್ರದೇಶಗಳವರೆಗೂ ಇವುಗಳನ್ನು ಕಾಣಬಹುದು. ಕಡಿಮೆ ಆಹಾರ ಸೇವನೆ ಹಾಗೂ ಹೆಚ್ಚಿನ ಕೆಲಸದ ಸಾಮರ್ಥ್ಯ ಹೊಂದಿವೆ. ಅದಕ್ಕಾಗಿಯೇ ಉತ್ತರ ಪ್ರದೇಶದ ಬುಡಕಟ್ಟು ಪ್ರದೇಶಗಳು ಸೇರಿದಂತೆ ಸಾರಿಗೆ ವ್ಯವಸ್ಥೆಗಳಿಲ್ಲದಿದ್ದಲ್ಲಿ ಮುಖ್ಯ ಸಾರಿಗೆ ಖೇರಿಗರ್. ಖೇರಿಗರ್ ಗಳದ್ದು ಶುದ್ಧ ಬಿಳಿಯ ಬಣ್ಣ, ಮುಖ, ಬಾಲದ ಕುಚ್ಚು ಮಾತ್ರ ಕಡುಗಪ್ಪು;. ಸ್ವಲ್ಪ ಮಾಳ್ವಿ ತಳಿಯನ್ನು ಹೋಲುತ್ತವಾದರೂ ಒಂದೆರಡು ಬಾರಿ ನೋಡಿದರೆ ಗುರುತಿಸಬಹುದಾದಷ್ಟು ವ್ಯತ್ಯಾಸಗಳಿವೆ. ಕರಾವು ಸ್ವಲ್ಪ ಕಡಿಮೆ; ದಿನಕ್ಕೆ ೩-೪ ಲೀಟರುಗಳು. ಖೇರಿಗರ್ ತಳಿಯ ಹೋರಿಗಳು ೪ ವರ್ಷಕ್ಕೇ ದುಡಿಯಲು ಸಮರ್ಥವಾಗಿ ಬಿಡುತ್ತವೆ. ಒಂದು ಜೊತೆ ಎತ್ತುಗಳು ಸಲೀಸಾಗಿ ಒಂದುವರೆ ಟನ್‌ಗಳಷ್ಟು ಭಾರವನ್ನು ೩೦-೩೫ ಮೈಲಿಗಳಷ್ಟು ದೂರವನ್ನು ಘಂಟೆಗೆ ೪ ಮೈಲಿಯಂತೆ ಎಳೆಯಬಲ್ಲವು.

ಖೇರಿಗರ್
ತಳಿಯ ಹೆಸರು	ಖೇರಿಗರ್
ಮೂಲ	ಉತ್ತರ ಪ್ರದೇಶ ರಾಜ್ಯದ ಲಕೀಂಪುರ ಜಿಲ್ಲೆಯ ಖೇರಿ
ವಿಭಾಗ	ಕೆಲಸಗಾರ ತಳಿ
ಬಣ್ಣ	ಬಿಳಿ
ಮುಖ	ನೀಳ ಮುಖ, ಕಪ್ಪು ಕಣ್ಣು, ಕಪ್ಪು ಮೂತಿ
ಕೊಂಬು	ಸಣ್ಣ,
ಕಾಲುಗಳು	ಶಕ್ತಿಯುತ
ಕಿವಿ	ಕೆಳಬಾಗಿದ ಕಿವಿ

ಚಿತ್ರಗಳು

• 
  ಗಂಡು
• 
  ಹೆಣ್ಣು

ಆಧಾರ/ಆಕರ

• 'ಗೋ ವಿಶ್ವಲೋಕ' ಜಾಲತಾಣದ 'ಗೋ ವಿಶ್ವ' ಇ-ಪತ್ರಿಕೆ Archived 2018-11-24 ವೇಬ್ಯಾಕ್ ಮೆಷಿನ್ ನಲ್ಲಿ.