ಒಂದು ಕಪ್ ಕಾಫಿ

ಕಾಫಿ ಅದೇ ಹೆಸರಿನ ಗಿಡದ ಬೀಜಗಳನ್ನು ಹುರಿದು ತಯಾರಿಸುವ ಒಂದು ಪೇಯ. ಇದನ್ನು ಸಾಮಾನ್ಯವಾಗಿ ಬಿಸಿಯಾಗಿ - ಅಪರೂಪವಾಗಿ ತಣ್ಣಗೆ ಸಹ - ಕುಡಿಯಲಾಗುತ್ತದೆ. ನೀರು ಮತ್ತು ಚಹಾ ದೊಂದಿಗೆ, ಇದು ಪ್ರಪಂಚದ ಅತ್ಯಂತ ಜನಪ್ರಿಯ ಪೇಯಗಳಲ್ಲೊಂದಾಗಿದೆ. 2003 ರಲ್ಲಿ, ಕಾಫಿ ಪ್ರಪಂಚದಲ್ಲಿ ಆರನೆ ಅತಿ ಹೆಚ್ಚು ರಫ್ತು ಮಾಡಲಾಗುವ ವಸ್ತುವಾಗಿತ್ತು (ಮೊದಲ ಐದು ಗೋಧಿ, ರಾಗಿ, ಸೋಯಾ, ತಾಳೆ ಎಣ್ಣೆ ಮತ್ತು ಸಕ್ಕರೆ).

ಚರಿತ್ರೆಸಂಪಾದಿಸಿ

ಕಾಫಿಯ ಚರಿತ್ರೆ 9 ನೇ ಶತಮಾನದಲ್ಲಿ ಆರಂಭವಾಗುತ್ತದೆ. ಇತಿಯೋಪಿಯದಲ್ಲಿ ಮೊದಲು ಬಳಕೆಗೆ ಬಂದ ಕಾಫಿ, ಈಜಿಪ್ಟ್ ಮತ್ತು ಯುರೋಪ್ ಗಳ ಮುಖಾಂತರ ಪ್ರಪಂಚದ ಬೇರೆ ಬೇರೆ ಭಾಗಗಳಿಗೆ ಹಬ್ಬಿತು. "ಕಾಫಿ" ಎಂಬ ಪದ ಇತಿಯೋಪಿಯದ "ಕಾಫ" ಎಂಬ ಪ್ರದೇಶದ ಹೆಸರಿನಿಂದ ಉತ್ಪನ್ನವಾದದ್ದು ಎಂದು ನಂಬಲಾಗಿದೆ. ಕಾಫಿ 15 ನೇ ಶತಮಾನದಲ್ಲಿ ಪರ್ಷಿಯಾ, ಈಜಿಪ್ಟ್, ಉತ್ತರ ಆಫ್ರಿಕ ಮತ್ತು ತಾರ್ಕಿ ಗಳನ್ನು ತಲುಪಿತು. 1475 ರಲ್ಲಿ ಈಸ್ತಾನ್ ಬುಲ್ ನಗರದಲ್ಲಿ ಮೊದಲ "ಕಾಫಿ ಹೋಟಲು" ಆರಂಭವಾಯಿತು.

ಕಾಫೀಯ ಉತ್ತೇಜನಕಾರಿ ಗುಣವನ್ನು ಗಮನಿಸಿ 1511 ರಲ್ಲಿ ಮೆಕ್ಕಾ ದಲ್ಲಿ ಇದರ ಉಪಯೋಗವನ್ನು ನಿಷೇಧಿಸಲಾಯಿತು. 1532 ರಲ್ಲಿ ಕೈರೋ ನಗರದಿಂದಲೂ ಕಾಫಿ ನಿಷೇಧಿತವಾಯಿತು. ಆದರೆ ಕಾಫಿಯ ಜನಪ್ರಿಯತೆಯ ಕಾರಣದಿಂದಾಗಿ ಕೆಲ ವರ್ಷಗಳ ನಂತರ ನಿಷೇಧವನ್ನು ಹಿಂತೆಗೆದುಕೊಳ್ಳಲಾಯಿತು.

17 ನೇ ಶತಮಾದ ವೇಳೆಗೆ ಯೂರೋಪಿನಲ್ಲಿ ಜನಪ್ರಿಯವಾದ ಕಾಫಿಯನ್ನು ಮೊದಲ ಬಾರಿಗೆ ಡಚ್ ವ್ಯಾಪಾರಿಗಳು ದೊಡ್ಡ ಪ್ರಮಾಣದಲ್ಲಿ ಆಮದು ಮಾಡಿಕೊಳ್ಳಲಾರಂಭಿಸಿದರು. ಇಂಗ್ಲೆಂಡಿನ ಕಾಫಿ ಮನೆಗಳು ಜನಪ್ರಿಯ ವ್ಯಾಪಾರ ಕೇಂದ್ರಗಳೂ ಆದವು.

ಕಾಫಿಯ ಪ್ರಭೇದಗಳುಸಂಪಾದಿಸಿ

 
ಕಾಫೀಯ ಅರಾಬಿಕ

ಕಾಫಿ ಗಿಡಗಳಲ್ಲಿ ಎರಡು ಮುಖ್ಯ ಪ್ರಭೇದಗಳಿವೆ: ಕಾಫೀಯ ಅರಾಬಿಕ ಮತ್ತು ಕಾಫೀಯ ರೋಬಸ್ಟ. ಅರಾಬಿಕ ತಳಿ ಇತಿಯೋಪಿಯದಲ್ಲಿ ಉಗಮಗೊಂಡಿದ್ದಾರೆ, ರೋಬಸ್ಟ ತಳಿ ಇಂದಿನ ಉಗಾಂಡ ದೇಶದಲ್ಲಿ ಉಗಮಗೊಂಡದ್ದು.

ರೋಬಸ್ಟ ತಳಿಯ ಕಾಫಿ ಬೀಜಗಳು ಹೆಚ್ಚು ಕೆಫೀನ್ ಅಂಶವನ್ನು ಹೊಂದಿದ್ದು ಇನ್ನೂ ಹೆಚ್ಚು ಕಹಿಯಾಗಿರುತ್ತವೆ. ಆದರೆ ಇವುಗಳನ್ನು ಹುರಿದಾಗ ಬರುವ ಸ್ವಲ್ಪ ಸುತ್ತ ವಾಸನೆಯಿಂದಾಗಿ ಅರಾಬಿಕ ತಳಿಯ ಕಾಫಿ ಹೆಚ್ಚು ಜನಪ್ರಿಯವಾಗಿದೆ.

ಸಂಸ್ಕರಣೆ ಮತ್ತು ಸಿದ್ಧತೆಸಂಪಾದಿಸಿ

ಕಾಫಿ ಗಿಡದ ಬೀಜಗಳಿಂದ ಕಾಫಿಯನ್ನು ತಯಾರಿಸುವ ಮೊದಲು ಬೀಜಗಳನ್ನು ಸಾಕಷ್ಟು ಸಂಸ್ಕರಿಸಬೇಕಾಗುತ್ತದೆ. ಕಾಫಿ ಹಣ್ಣುಗಳನ್ನು ಕೀಳುವುದು, ಬೀಜಗಳ ಬೇರ್ಪಡಿಸುವಿಕೆ, ಮತ್ತು ಒಣಗಿಸುವಿಕೆ ಈ ಸಂಸ್ಕರಣದ ಮೊದಲ ಹಂತಗಳು.

 
ಹುರಿದ ಕಾಫಿ ಬೀಜಗಳು

ಇದರ ನಂತರ ಕಾಫಿ ಬೀಜಗಳನ್ನು ಹುರಿಯಲಾಗುತ್ತದೆ. ಕಾಫಿ ಬೀಜಗಳನ್ನು ಹುರಿಯುವುದಕ್ಕೆ ವಿವಿಧ ವಿಧಾನಗಳಿದ್ದು, ಹುರಿಯುವ ವಿಧಾನ ನಂತರ ತಯಾರಿಸಲಾಗುವ ಕಾಫಿಯ ರುಚಿಯ ಮೇಲೆ ಪ್ರಮುಖ ಪರಿಣಾಮ ಬೀರುತ್ತದೆ. ಹುರಿಯುವಿಕೆಯಿಂದ ಬೀಜದಲ್ಲಿನ ಕೊಬ್ಬಿನ ಅಂಶ ಕರಗಿ, ಸುಗಂಧಿತ ಎಣ್ಣೆಗಳ ಉತ್ಪತ್ತಿ ನಡೆಯುತ್ತದೆ. ಹಾಗೆಯೇ ಕಾಫಿಗೆ ವಿಶಿಷ್ಟವಾದ ಕೆಲವು ಆಮ್ಲಗಳು ಹುಟ್ಟಿ, ಕಾಫೀಯ ವಿಶಿಷ್ಟ ರುಚಿ ಹಾಗೂ ವಾಸನೆ ಜನಿಸುತ್ತದೆ.

ಹುರಿದ ಕಾಫಿ ಬೀಜಗಳನ್ನು ಪುಡಿ ಮಾಡುವ ಮೂಲಕ "ಕಾಫೀಪುಡಿ"ಯನ್ನು ತಯಾರಿಸಲಾಗುತ್ತದೆ. ಪುಡಿ ಮಾಡುವ ವಿಧಾನ ನಂತರ ಕಾಫಿ ಪೇಯದ ತಯಾರಿಕೆಯ ಮೇಲೆ ಪರಿಣಾಮ ಬೀರುತ್ತದೆ. ಸ್ವಲ್ಪ ಒರಟಾಗಿ ಪುಡಿ ಮಾಡಿದ ಕಾಫಿ ಬೀಜಗಳು ಫಿಲ್ಟರ್ ಕಾಫಿ ಯ ತಯಾರಿಕೆಗೆ ಒಗ್ಗುತ್ತವೆ. "ಕ್ಷಣಸಿದ್ಧ" ಕಾಫಿ ಪುಡಿಗೆ ಇನ್ನೂ ಸೂಕ್ಷ್ಮವಾಗಿ ಪುಡಿ ಮಾಡಲಾಗುತ್ತದೆ.

ಆರೋಗ್ಯದ ಮೇಲೆ ಪರಿಣಾಮಗಳುಸಂಪಾದಿಸಿ

ಕಾಫಿ ಕುಡಿಯುವಿಕೆಯಿಂದ ಮಾನವರ ಆರೋಗ್ಯದ ಮೇಲೆ ಯಾವ ರೀತಿಯ ಪರಿಣಾಮಗಳು ಆಗುತ್ತವೆ ಎಂಬುದರ ಬಗ್ಗೆ ಅನೇಕ ಅಧ್ಯಯನಗಳು ನಡೆದಿವೆ. ಮುಖ್ಯವಾಗಿ, ಸಿಹಿಮೂತ್ರ ರೋಗ, ಹೃದಯದ ತೊಂದರೆಗಳು, ಕ್ಯಾನ್ಸರ್ ಮೊದಲಾದವುಗಳಿಗೆ ಕಾಫಿ ಪಾನದ ಜೊತೆಗೆ ಸಂಬಂಧಗಳಿವೆಯೇ ಎಂಬುದರ ಬಗ್ಗೆ ಅಧ್ಯಯನಗಳು ನಡೆದಿವೆ. ಆದರೆ ವಿವಿಧ ಅಧ್ಯಯನಗಳ ಫಲಿತಾಂಶಗಳು ತದ್ವಿರುದ್ಧವಾಗಿ ಬಂದು ಸ್ಪಷ್ಟ ವೈದ್ಯಕೀಯ ತೀರ್ಮಾನಗಳು ಇಲ್ಲಿಯವರೆಗೂ ಹೊರಹೊಮ್ಮಿಲ್ಲ.

ಸಾಮಾಜಿಕ ಸ್ಥಾನಸಂಪಾದಿಸಿ

ಅನೇಕ ಸಂಸ್ಕೃತಿಗಳಲ್ಲಿ ಕಾಫಿಗೆ ಪ್ರಮುಖವಾದ ಸಾಮಾಜಿಕ ಪ್ರಾಮುಖ್ಯತೆ ಉಂಟು. ದಕ್ಷಿಣ ಭಾರತದಲ್ಲಿ ಮನೆಗೆ ಬಂದವರಿಗೆ ಕಾಫಿ ಕೊಡುವುದು ಸರ್ವೇ ಸಾಮಾನ್ಯ. ಕಾಫಿಯ ಚರಿತ್ರೆಯ ಕೆಲ ಘಟ್ಟಗಳಲ್ಲಿ ಅದನ್ನು ಸಾಮಾಜಿಕವಾಗಿ ನಿಷೇಧಿಸಿದ್ದೂ ಉಂಟು. ೧೬ನೆ ಶತಮಾನದಲ್ಲಿ ಮೆಕ್ಕಾ ಮೊದಲಾದ ಕಡೆಗಳಲ್ಲಿ ಇದನ್ನು "ಉತ್ತೇಜನಕಾರಿ" ವಸ್ತು ಎಂದು ನಿಷೇಧಿಸಿದ್ದರೆ, ೧೭ ನೆ ಶತಮಾನದ ಇಂಗ್ಲೆಂಡಿನಲ್ಲಿ ಇದನ್ನು "ರಾಜಕೀಯವಾಗಿ ವಿದ್ರೋಹಕಾರಿ" ಜನರು ಉಪಯೋಗಿಸುವ ಪೇಯ ಎಂದು ನಿಷೇಧಿಸಲಾಗಿತ್ತು.

ಭಾರತದಲ್ಲಿ ಬೆಳೆಸಂಪಾದಿಸಿ

  • 07/18/2016 ವರದಿ:
  • 2015–16ರ ಸಾಲಿನಲ್ಲಿ (ಅಕ್ಟೋಬರ್‌–ಸೆಪ್ಟೆಂಬರ್‌) 3.48 ಲಕ್ಷ ಟನ್‌ ದಾಖಲೆ ಪ್ರಮಾಣದ ಕಾಫಿ ಉತ್ಪಾದನೆಯಾಗಿತ್ತು.2016–17ನೇ  ಮಾರುಕಟ್ಟೆ ವರ್ಷದಲ್ಲಿ (ಅಕ್ಟೋಬರ್‌ –ಸೆಪ್ಟೆಂಬರ್‌) 3.20 ಲಕ್ಷ ಟನ್‌ ಕಾಫಿ ಬೆಳೆಯುವ ನಿರೀಕ್ಷೆ ಇದೆ. ಪ್ರತಿಕೂಲ ಹವಾಮಾನದಿಂದಾಗಿ 2016–17ನೇ ಮಾರುಕಟ್ಟೆ ವರ್ಷದಲ್ಲಿ ದೇಶದ ಒಟ್ಟು ಕಾಫಿ ಇಳುವರಿ ಶೇ 8ರಷ್ಟು ಅಂದರೆ 0.28 ಲಕ್ಷ ಟನ್‌ ಕುಸಿಯುವ ಸಾಧ್ಯತೆ ಇದೆ.(ಕಾಫಿ ಮಂಡಳಿ ಹೇಳಿಕೆ).
  • ಕುಂಠಿತಕ್ಕೆ ಕಾರಣ: ಈ ಬಾರಿ ಅಧಿಕ ತಾಪಮಾನ ಮತ್ತು ಅಕಾಲಿಕ ಮಳೆಯಿಂದ ಕಾಫಿ ಹೂ ಅರಳುವುದು ವಿಳಂಬವಾಗಿದೆ. ಇದರಿಂದಾಗಿ ಅತಿ ಹೆಚ್ಚು ಕಾಫಿ ಬೆಳೆಯುವ ಕರ್ನಾಟಕ ಮತ್ತು ಕೇರಳದಲ್ಲಿ ಕಾಫಿ ಉತ್ಪಾದನೆ ಕುಂಠಿತವಾಗಲಿದೆ. ಇದರ ಒಟ್ಟಾರೆ ಪರಿಣಾಮ ದೇಶದ ಕಾಫಿ ಇಳುವರಿ ಮೇಲೆ ಆಗಲಿದೆ.
  • ಹೂ ವಿಳಂಬ: 2015–16 ಮಾರುಕಟ್ಟೆ ಸಾಲಿನಲ್ಲಿ 2,51,520 ಟನ್‌ ಕಾಫಿ ಉತ್ಪಾದಿಸಿದ್ದ ಕರ್ನಾಟಕ 2016–17ರಲ್ಲಿ ಗರಿಷ್ಠ 2,29,345 ಟನ್‌ ಉತ್ಪಾದಿಸುವ ಗುರಿ ಇದೆ. ಹೀಗಾದಲ್ಲಿ ಕಾಫಿ ಇಳುವರಿ 22,175 ಟನ್‌ ಕುಸಿತ ಕಾಣಲಿದೆ. ಕರ್ನಾಟಕದಲ್ಲಿ ಅತಿ ಹೆಚ್ಚು ಕಾಫಿ ಬೆಳೆಯುವ ಜಿಲ್ಲೆಗಳಾದ ಕೊಡಗು, ಚಿಕ್ಕಮಗಳೂರು, ಹಾಸನದಲ್ಲಿ ಮಳೆ ಕೊರತೆ, ಅಧಿಕ ತಾಪಮಾನದಿಂದ ಈ ಬಾರಿ ಉತ್ಪಾದನೆ ಕುಂಠಿತಗೊಂಡಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ. ಎಂದು ಹೇಳಿದೆ.
  • ಹೆಚ್ಚು ಕಾಫಿ ಬೆಳೆಯುವ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತ ಆರನೇ ಸ್ಥಾನದಲ್ಲಿದ್ದು ಜಾಗತಿಕ ಉತ್ಪಾದನೆಗೆ ಶೇ 4–5ರಷ್ಟು ಪಾಲು ನೀಡುತ್ತದೆ. ಭಾರತದ ಒಟ್ಟು ಉತ್ಪಾದನೆಯ ಶೇ 70–80ರಷ್ಟು ಕಾಫಿಯನ್ನು ಇಟಲಿ, ರಷ್ಯಾ ಮತ್ತು ಜರ್ಮನಿಗೆ ರಫ್ತು ಮಾಡಲಾಗುತ್ತಿದೆ.[೧]

ಉತ್ಪಾದನೆ ಮತ್ತು ನಿರ್ಯಾತಸಂಪಾದಿಸಿ

ರಾಜ್ಯಗಳ ಕಾಫಿ ಉತ್ಪಾದನೆ;ಜುಲೈ,2016
ಮತ್ತು ರಾಷ್ಟ್ರವಾರು ರಫ್ತು:
ಕರ್ನಾಟಕ
ವರ್ಷ ಉತ್ಪಾದನೆ-ಟನ್‍ಗಳಲ್ಲಿ
2015-16 2,51,520
2016-17 2,29,345
ಕೇರಳ
2015-16 69,230
2016-17 62,440
ತಮಿಳುನಾಡು
2015-16 17,295
2016-17 17,560
ಒಟ್ಟು - ಲಕ್ಷ ಟನ್‍ಗಲಲ್ಲಿ
2015-16 3.48
2016-17 3.20

2016: ರಾಷ್ಟ್ರವಾರು ರಫ್ತು ಮತ್ತು ಮೌಲ್ಯಸಂಪಾದಿಸಿ

ರಾಷ್ಟ್ರವಾರು ರಫ್ತು ಜುಲೈ,2016
ರಫ್ತಿನ ದೇಶ ಕಾಫಿ-ಟನ್‍ಗಳಲ್ಲಿ 2015-ಒಟ್ಟು ರಪ್ತು:ಟನ್‍ಗಳು 2016-ಒಟ್ಟು ರಪ್ತು:ಟನ್‍ಗಳು
ಇಟಲಿ 57,864.2 179809 214195
ಜರ್ಮನಿ 20,071.6 2015-ಒಟ್ಟು ರಪ್ತು:ಮೌಲ್ಯ 2016-ಒಟ್ಟು ರಪ್ತು:ಮೌಲ್ಯ
ರಷ್ಯಾ 15,564.0 3,088 ಕೋಟಿ ರೂ. 3,278 ಕೋಟಿ ರೂ.
ಬೆಲ್ಜಿಯಂ 14,336.1
ಟರ್ಕಿ 8,425.4
ಸ್ಲೊವೇನಿಯಾ 7,628.2
ಜೋರ್ಡನ್ 6505.9
ಸ್ಪೇನ್ 4,914.7
ಪೊಲೆಂಡ್ 4,828.3
ಗ್ರೀಸ್ 4,182.5

[೨]

ನೋಡಿಸಂಪಾದಿಸಿ

ಉಲ್ಲೇಖಸಂಪಾದಿಸಿ

  1. ಕಾಫಿ ಮಂಡಳಿ ಹೇಳಿಕೆ:ವರದಿಕಾಫಿ ಇಳುವರಿ ಶೇ 8ರಷ್ಟು ಕುಸಿತ ಸಾಧ್ಯತೆ:18/07/2016:prajavani.
  2. 18/07/2016ಕಾಫಿ-ಇಳುವರಿ-ಶೇ-8ರಷ್ಟು-ಕುಸಿತ-ಸಾಧ್ಯತೆ[[೧]]
"https://kn.wikipedia.org/w/index.php?title=ಕಾಫಿ&oldid=983540" ಇಂದ ಪಡೆಯಲ್ಪಟ್ಟಿದೆ