ಕಲ್ಸಂಕ ಅಥವಾ ಕಲ್ಲುಸಂಕ ಇದು ನೈಸರ್ಗಿಕವಾದ ಸೇತುವೆಯಂತಹ ರಚನೆಯಾಗಿದ್ದು ನಿಸರ್ಗದ ವಿಸ್ಮಯಗಳಲ್ಲೊಂದಾಗಿದೆ. ಶಿವಮೊಗ್ಗ ಜಿಲ್ಲೆಸಾಗರ ತಾಲೂಕಿನ ತಾಳಗುಪ್ಪದಿಂದ ಜೋಗ ರಸ್ತೆಯಲ್ಲಿ ಆರು ಕಿ.ಮೀ ದೂರದಲ್ಲಿದೆ.

ನೈಸರ್ಗಿಕವಾಗಿ ಕಲ್ಲಿನಿಂದ ರಚನೆಯಾಗಿರುವ ಕಿರುಸೇತುವೆ

ವೈಶಿಷ್ಟ್ಯತೆಸಂಪಾದಿಸಿ

ಕಲಗಾರು ಊರಿನಲ್ಲಿ ಹುಟ್ಟಿ ವರದಾ ನದಿಯನ್ನು ಸೇರುವ ಸಣ್ಣದೊಂದ ಹೊಳೆ ಈ ಸೇತುವೆಯ ಕೆಳಗೆ ಹರಿಯುತ್ತದೆ. ನೆಲಕ್ಕಿಂತ ಸುಮಾರು ಹತ್ತು ಅಡಿ ಎತ್ತರಕ್ಕಿರುವ ಈ ಸೇತುವೆ ನಲವತ್ತೈದು ಅಡಿಗಿಂತಲೂ ಉದ್ದವೂ, ಸುಮಾರು ನಾಲ್ಕರಿಂದ ಆರಡಿ ಅಡಿ ಅಗಲವೂ, ಎರಡು ಅಡಿಯಷ್ಟು ದಪ್ಪವೂ ಆದ ನೈಸರ್ಗಿಕ ರಚನೆ. ಸುತ್ತಲೂ ಇರುವ ಜಂಬಿಟ್ಟಿಗೆ ಕಲ್ಲಿನ ಮಧ್ಯ ಹರಿಯುವ ನೀರಿನಿಂದ ಕಾಲಾನಂತರದಲ್ಲಿ ಈ ಸೇತುವೆಯ ನಿರ್ಮಾಣವಾಗಿರಬಹುದೆಂದು ಅಂದಾಜಿಸಲಾಗುತ್ತದೆ. ಕಲ್ಲುಸಂಕ ಭೂವೈಜ್ಞಾನಿಕ ವಿಸ್ಮಯಗಳಲ್ಲಿ ಒಂದಾಗಿದ್ದು ವಿಶ್ವದಲ್ಲಿರುವ ಪ್ರಕೃತಿ ನಿರ್ಮಿತ ಸೇತುವೆಗಳಲ್ಲಿ ಇದು ಎರಡನೆಯದು ಎನ್ನಲಾಗಿದೆ. [೧]ಅಮೇರಿಕಾದ ಉಟಾ ಎಂಬಲ್ಲಿ ಹೊಳೆಯೊಂದಕ್ಕೆ ನಿರ್ಮಾಣಗೊಂಡ ಶಿಲಾಸೇತುವನ್ನು ರಾಷ್ಟ್ರೀಯ ಸ್ಮಾರಕ ಎಂದು ಸಂರಕ್ಷಿಸಲಾಗಿದೆ. ಭಾರತದಲ್ಲಿ ಇದನ್ನು ಬಿಟ್ಟರೆ ಇನ್ನೆಲ್ಲೂ ಈ ತರಹದ ಶಿಲಾ ಸೇತುವೆಗಳು ಪತ್ತೆಯಾಗಿಲ್ಲ. ತಿರುಪತಿ, ಬಾದಾಮಿಗಳಲ್ಲಿ ಶಿಲಾ ಕಮಾನುಗಳು ಕಂಡುಬಂದಿದ್ದರೂ ಅವು ಸೇತುವೆಯ ರೂಪದ್ದಲ್ಲ. ಮಲವಳ್ಳಿ ಮತ್ತು ಕಲಗಾರು ಗ್ರಾಮಗಳ ನಡುವಿನ ಈ ಸೇತುವೆಗೆ ಹೆಚ್ಚಿನ ರಕ್ಷಣೆ [೨] ಮತ್ತು ಇದರ ಬಗ್ಗೆ ಹೆಚ್ಚಿನ ಸಂಶೋಧನೆಗಳು ನಡೆಯಬೇಕಾದ ಅಗತ್ಯವಿದೆ [೩]

ತಲುಪುವ ಬಗೆಸಂಪಾದಿಸಿ

ತಾಳಗುಪ್ಪದಿಂದ ರಾಷ್ಷ್ರೀಯ ಹೆದ್ದಾರಿ ೨೦೬ರಲ್ಲಿ ಸೀದಾ ಬಂದರೆ ತಲವಾಟ ಎಂಬ ಊರನ್ನು ದಾಟಿ, ಮಲವಳ್ಳಿ ಕಿರುಸೇತುವೆಯನ್ನು ದಾಟುವ ಹೊತ್ತಿಗೆ ಎಡಭಾಗದಲ್ಲಿ ಪ್ರವಾಸೋದ್ಯಮ ಇಲಾಖೆಯ ಸಣ್ಣದಾದ ಬೋರ್ಡೊಂದು ಕಾಣುತ್ತದೆ. ಇದು ಹೊನ್ನಾವರದಿಂದ ೬೭ ಕಿ.ಮೀ, ಜೋಗ ಜಲಪಾತದಿಂದ ೮ ಕಿ.ಮೀ. ತಾಳಗುಪ್ಪದಿಂದ ೬ ಕಿ.ಮೀ ಮತ್ತು ಸಾಗರದಿಂದ ೨೧ ಕಿ.ಮೀ ದೂರ.

ಬಾಹ್ಯ ಕೊಂಡಿಗಳುಸಂಪಾದಿಸಿ

  1. ಅಮೇರಿಕಾದ ಉಟಾದಲ್ಲಿನ ರಾಷ್ಟ್ರೀಯ ಸ್ಮಾರಕದ ಜಾಲತಾಣ
  2. ಅಮೇರಿಕಾದ ಉಟಾದಲ್ಲಿನ ನೈಸರ್ಗಿಕ ಬೃಹತ್ ಸೇತುವೆ
  3. ಮರದ ಬೇರುಗಳಿಂದ ರಚನೆಯಾದ ಬೃಹತ್ ಸೇತುವೆಗಳು

ಉಲ್ಲೇಖಗಳುಸಂಪಾದಿಸಿ

"https://kn.wikipedia.org/w/index.php?title=ಕಲ್ಸಂಕ&oldid=751484" ಇಂದ ಪಡೆಯಲ್ಪಟ್ಟಿದೆ