ಆನಂದ್‍ಪುರ್ ಸಾಹಿಬ್
ಆನಂದ್‍ಪುರ್ ಸಾಹಿಬ್ (ಕೆಲವೊಮ್ಮೆ ಕೇವಲ ಆನಂದಪುರ್ ಎಂದು ಕರೆಯಲ್ಪಡುತ್ತದೆ) ಭಾರತದ ಪಂಜಾಬ್ ರಾಜ್ಯದ ರೂಪ್‍ನಗರ್ (ರೋಪರ್) ಜಿಲ್ಲೆಯಲ್ಲಿ, ಶಿವಾಲಿಕ ಗುಡ್ಡಗಳ ಅಂಚಿನಲ್ಲಿರುವ ಒಂದು ನಗರ. ಸತ್ಲಜ್ ನದಿಯ ಬಳಿ ಇರುವ ಈ ನಗರವು ಸಿಖ್ ಧರ್ಮದ ಅತ್ಯಂತ ಪವಿತ್ರ ಸ್ಥಳಗಳಲ್ಲಿ ಒಂದಾಗಿದೆ. ಕೊನೆಯ ಇಬ್ಬರು ಸಿಖ್ ಗುರುಗಳಾದ ಗುರು ತೇಗ್ ಬಹಾದೂರ್ ಜಿ ಮತ್ತು ಗುರು ಗೋಬಿಂದ್ ಸಿಂಗ್ ಜಿ ವಾಸಿಸುತ್ತಿದ್ದ ಸ್ಥಳವಿದು. ಗುರು ಗೋಬಿಂದ್ ಸಿಂಗ್ 1699 ರಲ್ಲಿ ಖಾಲ್ಸಾ ಪಂಥವನ್ನು ಸ್ಥಾಪಿಸಿದ ಸ್ಥಳ ಇದು.[೧] ಈ ನಗರವು ಸಿಖ್ ಧರ್ಮದ ಐದು ತಖ್ತ್‌‌ಗಳಲ್ಲಿ ಒಂದಾದ ಕೇಸ್ಗಢ್ ಸಾಹಿಬ್ ಗುರುದ್ವಾರಾಕ್ಕೆ ನೆಲೆಯಾಗಿದೆ.[೨]
ಈ ನಗರವು ಸಿಖ್ ಧರ್ಮದ ಯಾತ್ರಾ ಸ್ಥಳವಾಗಿದೆ.[೩]
ಹೆಗ್ಗುರುತುಗಳು
ಬದಲಾಯಿಸಿ
ಆನಂದ್‍ಪುರ್ ಸಾಹಿಬ್‍ನಲ್ಲಿನ ಗುರುದ್ವಾರಾಗಳು
ಗುರುದ್ವಾರಾಗಳು
ಬದಲಾಯಿಸಿ- ಗುರುದ್ವಾರಾ ತಖ್ತ್ ಶ್ರೀ ಕೇಸ್ಗಢ್ ಸಾಹಿಬ್ : ಇದು ಪಟ್ಟಣದಲ್ಲಿನ ಮುಖ್ಯ ಸಿಖ್ ದೇವಾಲಯವಾಗಿದೆ. ಇದು ಖಾಲ್ಸಾದ ಜನ್ಮಸ್ಥಳವನ್ನು ಗುರುತಿಸುತ್ತದೆ ಮತ್ತು ಇದು ಸಿಖ್ ಧರ್ಮದ ಐದು ಧಾರ್ಮಿಕ ಪ್ರಾಧಿಕಾರಗಳಲ್ಲಿ (ಐದು ತಖ್ತ್‌ಗಳು) ಒಂದಾಗಿದೆ.
- ಗುರುದ್ವಾರ ಸೀಸ್‍ಗಂಜ್ : ದೆಹಲಿಯಲ್ಲಿ ಗಲ್ಲಿಗೇರಿಸಲ್ಪಟ್ಟ ನಂತರ ಗುರು ತೇಗ್ ಬಹಾದೂರ್‌ರ ಕತ್ತರಿಸಲ್ಪಟ್ಟ ತಲೆಯನ್ನು ದಹಿಸಲಾದ ಸ್ಥಳವನ್ನು ಇದು ಗುರುತಿಸುತ್ತದೆ. ಇದನ್ನು ರಂಜೀತ್ ಸಿಂಗ್[೪] ನಿರ್ಮಿಸಿದರು.
- ಗುರುದ್ವಾರಾ ಭೋರಾ ಸಾಹಿಬ್ : ಗುರು ತೇಗ್ ಬಹಾದೂರ್‌ರ ನಿವಾಸವಾಗಿದ್ದ ಇದು ಮೂರು ಅಂತಸ್ತಿನ ಗುಮ್ಮಟವುಳ್ಳ ಗುರುದ್ವಾರಾವಾಗಿದೆ.
- ಗುರುದ್ವಾರ ತಾರಾ ಸಾಹಿಬ್ : ಇದು ದಮ್‍ದಾಮಾ ಸಾಹಿಬ್ನ ಮುಂಭಾಗದಲ್ಲಿರುವ ವೇದಿಕೆಯಾಗಿದೆ. ಇಲ್ಲಿ ಭಾಯಿ ಕೃಪಾ ರಾಮ್ ದತ್ ಮತ್ತು ಇತರ 16 ಕಾಶ್ಮೀರಿ ಪಂಡಿತರು 1675 ರಲ್ಲಿ ಅವರ ಸಹಾಯವನ್ನು ಕೋರಿದರು.
- ಗುರುದ್ವಾರಾ ಅಕಾಲ್ ಬಂಗಾ ಸಾಹಿಬ್ : ಈ ಗುರುದ್ವಾರಾ ಗುರುದ್ವಾರಾ ಸೀಸ್‍ಗಂಜ್ ಸಾಹಿಬ್ ಎದುರು ಇದೆ. ಇದನ್ನು 1889 ರಲ್ಲಿ ಮಾನ್ ಸಿಂಗ್ ಎಂಬ ಪೂಜಾರಿ ನಿರ್ಮಿಸಿದನು.
- ಗುರುದ್ವಾರಾ ದಮ್‍ದಮಾ ಸಾಹಿಬ್ : ಗುರುದ್ವಾರಾ ಸೀಸ್‍ಗಂಜ್ ಸಾಹಿಬ್ ಹತ್ತಿರವಿರುವ ಇದು ಆನಂದ್‍ಪುರ್ ಭೋರಾ ಸಾಹಿಬ್ ಮತ್ತು ತಾರಾ ಸಾಹಿಬ್‍ಗಳೊಂದಿಗೆ ಪೌಳಿಯನ್ನು ಹಂಚಿಕೊಳ್ಳುತ್ತದೆ.
- ಗುರುದ್ವಾರ ಮಾಂಜಿ ಸಾಹಿಬ್ / ಗುರುದ್ವಾರಾ ದುಮಾಲ್‍ಗಢ್ ಸಾಹಿಬ್ : ಈ ಗುರುದ್ವಾರಾ ತಖ್ತ್ ಶ್ರೀ ಕೇಸ್ಗಢ್ ಸಾಹಿಬ್ನ ಉತ್ತರ ಭಾಗದಲ್ಲಿದೆ. ಇಲ್ಲಿ, ಗುರು ಗೋಬಿಂದ್ ಸಿಂಗ್ ತಮ್ಮ ಪುತ್ರರಿಗೆ ತರಬೇತಿ ನೀಡುತ್ತಿದ್ದರು.
- ಗುರುದ್ವಾರಾ ಶಯೀದಿ ಬಾಗ್ : ಈ ಗುರುದ್ವಾರವು ತಖತ್ ಶ್ರೀ ಕೇಸ್ಗಢ್ ಸಾಹಿಬ್ ಮತ್ತು ಕಿಲಾ ಆನಂದ್‍ಗಢ್ ಸಾಹಿಬ್ ನಡುವಿನ ರಸ್ತೆಯಲ್ಲಿದೆ.
- ಗುರುದ್ವಾರ ಮಾತಾ ಜೀತ್ ಕೌರ್ : ಗುರು ಗೋಬಿಂದ್ ಸಿಂಗ್‍ರ ಪತ್ನಿ ಮಾತಾ ಜೀತ್ ಕೌರ್‌ರನ್ನು ಕಿಲ್ಲಾ ಹೋಲ್‍ಗಢ್ ಸಾಹಿಬ್ ಬಳಿ ಅಂತ್ಯಕ್ರಿಯೆ ಮಾಡಲಾಯಿತು. ಈ ಸ್ಥಳವನ್ನು ಈಗ ಗುರುದ್ವಾರಾ ಮಾತಾ ಜೀತ್ ಕೌರ್ ಎಂದು ಕರೆಯಲಾಗುತ್ತದೆ.
- ಗುರುದ್ವಾರಾ ಗುರು ಕಾ ಮಹಲ್ : ಇದು ಆನಂದ್‍ಪುರ್ ಸಾಹಿಬ್ನ ಚಕ್ ನಾನಕಿಯ ಮೊದಲ ಕಟ್ಟಡವಾಗಿತ್ತು. ಇಲ್ಲಿ ಅಡಿಪಾಯವನ್ನು ಹಾಕಲಾಯಿತು.
ಕೋಟೆಗಳು
ಬದಲಾಯಿಸಿ10 ನೇ ಸಿಖ್ ಗುರು ಗುರು ಗೋಬಿಂದ್ ಸಿಂಗ್ ನಗರದ ಗಡಿಯಲ್ಲಿ ಐದು ಕೋಟೆಗಳನ್ನು ನಿರ್ಮಿಸಿದರು.
- ಕಿಲಾ ಆನಂದ್‍ಗಢ್ ಸಾಹಿಬ್ : ಇದು ಮುಖ್ಯ ಕೋಟೆಯಾಗಿದ್ದು, ಇದರ ನಂತರ ನಗರಕ್ಕೆ ಆನಂದ್‍ಪುರ್ ಸಾಹಿಬ್ ಎಂದು ಹೆಸರಿಡಲಾಯಿತು.
- ಕಿಲಾ ಹೋಲ್‍ಗಢ್ ಸಾಹಿಬ್
- ಕಿಲಾ ಲೋಹ್‌ಗಢ್ ಸಾಹಿಬ್ : ಇಲ್ಲಿ ಸೈನ್ಯಕ್ಕೆ ಶಸ್ತ್ರಾಸ್ತ್ರಗಳನ್ನು ತಯಾರಿಸಲಾಗುತ್ತಿ[ ಉಲ್ಲೇಖದ ಅಗತ್ಯವಿದೆ ]ತ್ತು.
- ಕಿಲಾ ಫತೇಗಢ್ ಸಾಹಿಬ್
- ಕಿಲಾ ತಾರಾಗಢ್ ಸಾಹಿಬ್
ಆನಂದ್‍ಪುರ್ ಸಾಹಿಬ್ ಬಳಿಯ ಪವಿತ್ರ ತಾಣಗಳು
ಬದಲಾಯಿಸಿ- ಗುರು-ಕಾ-ಲಾಹೋರ್: 1686 ರ ಜನವರಿ 25 ರಂದು ಮಾತಾ ಅವರೊಂದಿಗೆ 10 ನೇ ಗುರುಗಳ ವಿವಾಹವನ್ನು ಇಲ್ಲಿ ಆಚರಿಸಲಾಯಿತು.
- ಭಾಯಿ ಕನ್ಹಯ್ಯಾ : ಭಾಯ್ ಕನ್ಹಯ್ಯ ಸ್ನೇಹಪರ ಮತ್ತು ಶತ್ರು ಪಡೆಗಳಿಗೆ ಇಬ್ಬರಿಗೂ ಪ್ರಥಮ ಚಿಕಿತ್ಸೆ ನೀಡುತ್ತಿದ್ದರು. ಈಗ ಬಹುತೇಕ ಒಣಗಿದ ಸಣ್ಣಹೊಳೆಯಾದ ಚರಣ್ ಗಂಗಾ ಮತ್ತು ತಾರಾಗಢ್ ಬೆಟ್ಟದ ಕೆಳಗೆ ವ್ಯಾಪಿಸಿದೆ.
ಉಲ್ಲೇಖಗಳು
ಬದಲಾಯಿಸಿ- ↑ Pashaura Singh; Louis E. Fenech (2014). The Oxford Handbook of Sikh Studies. Oxford University Press. pp. 237–238. ISBN 978-0-19-969930-8.
- ↑ W. H. McLeod (2009). The A to Z of Sikhism. Scarecrow. p. 16. ISBN 978-0-8108-6344-6.
- ↑ Gurmukh Singh (2009), Anandpur Sahib, Encyclopedia of Sikhism, Editor in Chief: Harbans Singh, Punjab University; Quote: "Being one of the supremely important pilgrimage centres of the Sikhs, it is reverently called Anandpur Sāhib. Takht Sri Kesgaṛh Sāhib, one of the five Takhts (lit. thrones) or seats of highest religious authority for Sikhs".
- ↑ Pashaura Singh; Louis E. Fenech (2014). The Oxford Handbook of Sikh Studies. Oxford University Press. pp. 446–447. ISBN 978-0-19-969930-8.
ಗ್ರಂಥಸೂಚಿ
ಬದಲಾಯಿಸಿ- Dilgeer, Dr Harjinder Singh (1998), Anandpur Sahib (Punjabi and Hindi), S.G.P.C.
- Dilgeer, Dr Harjinder Singh (2003), Anandpur Sahib (English and Punjabi), Sikh University Press.
- Dilgeer, Dr Harjinder Singh (2008), SIKH TWAREEKH (5 volumes), Sikh University Press.
ಹೊರಗಿನ ಕೊಂಡಿಗಳು
ಬದಲಾಯಿಸಿ- Anandpur Sahib Archived 2008-05-12 ವೇಬ್ಯಾಕ್ ಮೆಷಿನ್ ನಲ್ಲಿ.
- 1999 Baisakhi