ಅಶ್ವಾರೋಹಿ ಸೈನಿಕ

ಓರ್ವ ಅಶ್ವಾರೋಹಿ ಸೈನಿಕ ನು ಯುರೋಪ್‌‌‌‌ನಲ್ಲಿನ ಮಧ್ಯಯುಗಗಳ ಯೋಧ ವರ್ಗದ ಓರ್ವ ಸದಸ್ಯನಾಗಿದ್ದ ಮತ್ತು "ಅಶ್ವದಳ" (ಷಿವಲ್ರಿ) ಎಂದು ಕರೆಯಲ್ಪಡುತ್ತಿದ್ದ ಒಂದು ನ್ಯಾಯಸಂಹಿತೆಯನ್ನು ಅವನು ಅನುಸರಿಸುತ್ತಿದ್ದ. ಇತರ ಇಂಡೋ-ಐರೋಪ್ಯ ಭಾಷೆಗಳಲ್ಲಿ ಕ್ಯಾವಲಿಯರ್‌‌ (ರಾವುತ) ಅಥವಾ ರೈಡರ್‌‌ (ಸವಾರ) ಎಂಬ ಸಜಾತೀಯ ಪದಗಳು ಹೆಚ್ಚು ಚಾಲ್ತಿಯಲ್ಲಿದ್ದು (ಉದಾಹರಣೆಗೆ: ಫ್ರೆಂಚ್‌ ಷೆವಲಿಯರ್‌‌‌‌ (ಅಶ್ವಾರೋಹಿ) ಮತ್ತು ಜರ್ಮನ್‌‌ ರಿಟ್ಟರ್‌‌‌ ), ಅಶ್ವಾರೋಹಿ ಸೈನಿಕನ ಸಾರಿಗೆಯ ವಿಧಾನವನ್ನು ಅವು ಸೂಚಿಸುತ್ತವೆ. ಗ್ರೀಕರ ಹಿಪ್ಪಿಯಸ್‌‌ ಮತ್ತು ರೋಮನ್ನರ ಈಕ್ವೆಸ್‌‌ ರೀತಿಯಲ್ಲಿ, ಅಶ್ವಾರೋಹಿ ಯೋಧರು ಪ್ರಾಚೀನ ಕಾಲದಿಂದಲೂ ಗೌರವ ಮತ್ತು ಪ್ರತಿಷ್ಠೆಯ ಒಂದು ಸ್ಥಾನವನ್ನು ಪಡೆದುಕೊಂಡು ಬಂದಿದ್ದಾರೆ; ಮತ್ತು ಮಧ್ಯಯುಗಗಳಲ್ಲಿ, ಅಶ್ವಾರೋಹಿ ಸೈನಿಕ ಪದವಿಯು ಅಶ್ವಾರೋಹಣ ಕಲೆಯೊಂದಿಗೆ ಬಿಡಿಸಿಕೊಳ್ಳಲಾಗದ ಸಂಬಂಧವನ್ನು ಹೊಂದಿತ್ತು ಎಂಬುದು ಗಮನಾರ್ಹ ಅಂಶವಾಗಿದೆ.^[೧] ವೆಲ್ಷ್‌‌ ಪಾದ್ರಿಯಾದ ಮಾನ್‌ಮೌತ್‌‌ನ ಜೆಫ್ರಿ‌ ಎಂಬಾತ 1130ರ ದಶಕದಲ್ಲಿ ತಾನು ಬರೆದ ಹಿಸ್ಟೋರಿಯಾ ರೆಗಮ್‌ ಬ್ರಿಟಾನಿಯೇ ("ಬ್ರಿಟನ್ನಿನ ‌ರಾಜರ ಇತಿಹಾಸ") ಎಂಬ ಕೃತಿಯಲ್ಲಿ, ಬ್ರಿಟಿಷ್‌ ದಂತಕಥೆ ಎಂದೇ ಪ್ರಸಿದ್ಧನಾದ ರಾಜ ಅರ್ಥರ್‌‌‌‌‌ನನ್ನು ಯುರೋಪ್‌ನ ಉದ್ದಗಲಕ್ಕೂ ಮಧ್ಯಯುಗಗಳ ಅವಧಿಯಲ್ಲಿ ಜನಪ್ರಿಯಗೊಳಿಸಿದ. 1485ರಲ್ಲಿ ಬರೆಯಲ್ಪಟ್ಟ ಸರ್‌ ಥಾಮಸ್‌ ಮ್ಯಾಲರಿಯ ಲೆ ಮಾರ್ಟೆ ಡಿ'ಅರ್ಥರ್‌ ("ಅರ್ಥರ್‌ನ ಸಾವು") ಎಂಬ ಕೃತಿಯು ಅಶ್ವದಳದ ಆದರ್ಶವನ್ನು ವಿಶದೀಕರಿಸುವಲ್ಲಿನ ಒಂದು ಪ್ರಮುಖ ಕೃತಿಯಾಗಿತ್ತು; ನಂಬಿಕೆ, ಸ್ವಾಮಿನಿಷ್ಠೆ, ಧೈರ್ಯ, ಮತ್ತು ಗೌರವ ಇವೇ ಮೊದಲಾದ ಮೌಲ್ಯಗಳನ್ನು ಎತ್ತಿಹಿಡಿಯಲು ಪ್ರಮಾಣ ಮಾಡಿದ ಓರ್ವ ಉತ್ಕೃಷ್ಟ ಯೋಧನಾಗಿ ಅಶ್ವಾರೋಹಿ ಸೈನಿಕನನ್ನು ಕಲ್ಪಿಸಿಕೊಳ್ಳುವ ಆಧುನಿಕ ಪರಿಕಲ್ಪನೆಗೆ ಈ ಆದರ್ಶವು ಅವಶ್ಯಕವಾಗಿದೆ. ನವೋದಯದ ಸಂದರ್ಭದಲ್ಲಿ, ಅಶ್ವದಳದ ಸಾಹಿತ್ಯಕೃತಿಯು ಸಾಹಿತ್ಯ ವಲಯದಲ್ಲಿ ಜನಪ್ರಿಯವಾಯಿತು. ಹಿಂದಿಗಿಂತ ಹೆಚ್ಚು ಆದರ್ಶಾತ್ಮಕವಾಗಿ ಬೆಳೆಯುತ್ತಾ ಹೋದ ಈ ಪ್ರಕಾರವು ಅಂತಿಮವಾಗಿ, ಸಾಹಿತ್ಯದಲ್ಲಿ ಯಥಾರ್ಥತೆ ಎಂಬ ಒಂದು ಹೊಸಸ್ವರೂಪದ ಉದಯಕ್ಕೆ ಕಾರಣವಾಯಿತು; ಮಿಗುಯೆಲ್‌ ಡೆ ಸೆರ್ವೆಂಟೆಸ್‌‌‌‌‌ನ ಡಾನ್‌ ಕ್ವಿಕ್ಸೋಟ್‌ ಕೃತಿಯು ಸಾಹಿತ್ಯದಲ್ಲಿ ಯಥಾರ್ಥತೆಯನ್ನು ಜನಪ್ರಿಯಗೊಳಿಸಿತು ಎಂದು ಹೇಳಬಹುದು. ಅಶ್ವಾರೋಹಿ ಸೈನಿಕ ಪದವಿಯ ಆದರ್ಶಗಳ ಒಳಹೊಕ್ಕಿ ವಿಚಾರಮಾಡುವ ಈ ಕಾದಂಬರಿಯು, ಸೆರ್ವೆಂಟೆಸ್‌‌ನ ಪ್ರಪಂಚದ ವಾಸ್ತವತೆಯೊಂದಿಗಿನ ಅವರ ಅಸಾಂಗತ್ಯವನ್ನು ಬಿಡಿಸಿ ಹೇಳುತ್ತದೆ. ಮಧ್ಯಯುಗದ ಅವಧಿಯ ಅಂತ್ಯಭಾಗದಲ್ಲಿ, ಯುದ್ಧದ ಹೊಸ ವಿಧಾನಗಳು ರಕ್ಷಾಕವಚದಲ್ಲಿರುವ ಆದರ್ಶಪ್ರಾಯವಾದ ಅಶ್ವಾರೋಹಿ ಸೈನಿಕರನ್ನು ನೀಡಲು ಪ್ರಾರಂಭಿಸಿದವು; ಸರಿಸುಮಾರು 1560ರ ವೇಳೆಗೆ ಇವರು ಬಳಕೆಯಲ್ಲಿಲ್ಲದ ಸ್ಥಿತಿಗೆ ತಲುಪಿದರಾದರೂ, ಅವರಿಗೆ ಸಂಬಂಧಿಸಿದ ಪ್ರಶಸ್ತಿಸೂಚಕಗಳು ಅನೇಕ ರಾಷ್ಟ್ರಗಳಲ್ಲಿ ಉಳಿದುಕೊಂಡವು. ನೈಟ್ಸ್‌ ಟೆಂಪ್ಲರ್‌‌ (ನೈಟ್ಸ್‌ ಟೆಂಪ್ಲರ್‌‌) ಎಂಬಂಥ, ಅಶ್ವಾರೋಹಿ ಸೈನಿಕ ಪದವಿಯ (ನೈಟ್‌ಹುಡ್‌ನ) ಕೆಲವೊಂದು ದರ್ಜೆಗಳು ಸ್ವತಃ ದಂತಕಥೆಯ ವಸ್ತುಗಳಾಗಿದ್ದರೆ, ಇತರ ದರ್ಜೆಗಳು ಯಾರ ಕಣ್ಣಿಗೂ ಬೀಳದಂತೆ ಕಾಣೆಯಾಗಿವೆ. ಇಂದು, ನೈಟ್‌ಹುಡ್‌ ಪದವಿಗೆ ಸಂಬಂಧಿಸಿದ ಅನೇಕ ದರ್ಜೆಗಳು ಹಲವಾರು ದೇಶಗಳಲ್ಲಿ ಇನ್ನೂ ತಮ್ಮ ಅಸ್ತಿತ್ವವನ್ನು ಮುಂದುವರಿಸಿದ್ದು, ಇಂಗ್ಲಿಷರ ಆರ್ಡರ್‌ ಆಫ್‌ ದಿ ಗಾರ್ಟರ್‌, ಸ್ವೀಡಿಷ್‌ ಜನರ ರಾಯಲ್‌ ಆರ್ಡರ್‌ ಆಫ್‌ ದಿ ಸೆರಾಫಿಮ್‌, ಮತ್ತು ರಾಯಲ್‌ ನೇವೇಯನ್‌ ಆರ್ಡರ್‌ ಆಫ್‌ ಸೇಂಟ್‌ ಒಲಾವ್‌ ಅಂಥ ಕೆಲವು ಉದಾಹರಣೆಗಳಾಗಿವೆ. ಈ ದರ್ಜೆಗಳ ಪೈಕಿ ಪ್ರತಿಯೊಂದೂ ಸಹ ಅರ್ಹತೆಗೆ ಸಂಬಂಧಿಸಿದ ತನ್ನದೇ ಆದ ಮಾನದಂಡಗಳನ್ನು ಹೊಂದಿವೆಯಾದರೂ, 'ನೈಟ್‌ಹುಡ್‌' ಪದವಿಯು ಓರ್ವ ಸಂಸ್ಥಾನದ ಮುಖ್ಯಸ್ಥನಿಂದ ಸಾಮಾನ್ಯವಾಗಿ ನೀಡಲ್ಪಡುತ್ತದೆ; ಯಾವುದಾದರೊಂದು ಶ್ಲಾಘನೀಯ ಸಾಧನೆಯನ್ನು ಗುರುತಿಸಲು ಆಯ್ದ ವ್ಯಕ್ತಿಗಳಿಗೆ ಇದು ನೀಡಲ್ಪಡುತ್ತದೆ ಎಂದು ಗಮನಾರ್ಹ ಅಂಶ.

ವ್ಯುತ್ಪತ್ತಿ

ಹಳೆಯ ಇಂಗ್ಲಿಷ್‌‌‌‌‌ನ ನೈಹ್ಟ್‌‌ ("ಹುಡುಗ" ಅಥವಾ "ಸೇವಕ")^[೨] ಎಂಬುದರಿಂದ ಬಂದಿರುವ ನೈಟ್‌ (ಅಶ್ವಾರೋಹಿ ಸೈನಿಕ) ಎಂಬ ಪದವು, ನೆಕ್ಟ್‌‌ ("ಸೇವಕ, ಗುಲಾಮ") ಎಂಬ ಜರ್ಮನ್‌‌ ಪದದ ಒಂದು ಸಜಾತೀಯ ಪದವಾಗಿದೆ.^[೩] ಅಜ್ಞಾತ ಮೂಲದಿಂದ ಬಂದಿರುವ ಈ ಅರ್ಥವು ಪಶ್ಚಿಮ ಜರ್ಮನರ ಭಾಷೆಗಳಲ್ಲಿ ಸಾಮಾನ್ಯವಾಗಿದೆ (ಹೋಲಿಕೆ: ಹಳೆಯ ಫ್ರೀಸ್‌ಲಂಡಿನ ನಿಯುಕ್ಟ್‌ , ಡಚ್‌ ನೆಕ್ಟ್‌‌ , ಡ್ಯಾನಿಷ್‌ ನಾಯ್ಟ್‌ , ಮಧ್ಯಕಾಲೀನ ಜರ್ಮನ್‌‌ ನೆಹ್ಟ್‌‌ , ಈ ಎಲ್ಲವೂ "ಹುಡುಗ, ಯುವಕ, ತರುಣ" ಎಂಬ ಅರ್ಥಗಳನ್ನು ನೀಡಿದರೆ, ಜರ್ಮನ್‌‌ ಪದವಾದ ನೆಕ್ಟ್‌‌ "ಸೇವಕ, ಗುಲಾಮ, ಊಳಿಗದವನು" ಎಂಬ ಅರ್ಥಗಳನ್ನು ನೀಡುತ್ತದೆ).^[೨] ಯಾವುದೇ ಸೇವಕನನ್ನು ಉಲ್ಲೇಖಿಸುವಂತಿದ್ದ ಹಳೆಯ ಇಂಗ್ಲಿಷ್‌ ಭಾಷೆಯ ನೈಹ್ಟ್‌‌ ಎಂಬ ಪದವು, ಅಶ್ವಾರೋಹಣ ಕಲೆಯೊಂದಿಗೆ ಯಾವುದೇ ನಿರ್ದಿಷ್ಟ ಸಂಬಂಧವನ್ನು ಹೊಂದಿರಲಿಲ್ಲ. ರ್ಯಾಡ್‌ನೈಹ್ಟ್‌‌ (ಇದು "ಸವಾರಿಮಾಡುತ್ತಿರುವ-ಸೇವಕ" ಎಂಬ ಅರ್ಥವನ್ನು ನೀಡುತ್ತದೆ) ಎಂಬಾತ ಸಂದೇಶಗಳನ್ನು ವಿತರಿಸುತ್ತಿರುವ ಅಥವಾ ಕುದುರೆಯ ಬೆನ್ನೇರಿ ಕಡಲಂಚುಗಳಲ್ಲಿ ಗಸ್ತು ತಿರುಗುತ್ತಿರುವ ಓರ್ವ ಸೇವಕನಾಗಿದ್ದ. 1300ರ ವೇಳೆಗೆ, ಹಳೆಯ ಇಂಗ್ಲಿಷ್‌ ಭಾಷೆಯ ನೈಹ್ಟ್‌‌ಹ್ಯಾಡ್‌ ("ನೈಟ್‌ಹುಡ್‌") ಎಂಬ ಪದವು ಹರೆಯ (ಅಂದರೆ , ಬಾಲ್ಯ ಮತ್ತು ಪುರುಷಾವಸ್ಥೆಯ ನಡುವಿನ ಅವಧಿ) ಎಂಬ ಅರ್ಥವನ್ನು ಹೊಂದಿತ್ತು.^[೨]

"ಸೇವಕ" ಎಂಬ ಸಾರ್ವತ್ರಿಕ ಅರ್ಥವನ್ನು "ರಾಜ ಅಥವಾ ಇತರ ಮೇಲಧಿಕಾರಿಯ ಸೇನಾ ಅನುಯಾಯಿ" ಎಂಬ ರೀತಿಯಲ್ಲಿ ಕಿರಿದಾಗಿಸುವ ಪರಿಪಾಠವು 1100ರ ವೇಳೆಗೆ ಗೋಚರಿಸಿತು. ಭಾರೀ ಅಶ್ವಸೈನ್ಯದಲ್ಲಿ ಓರ್ವ ಕುದುರೆಯೇರಿದ ಯೋಧನಾಗಿರುವುದರ ಅಶ್ವಾರೋಹಿ ಸೈನಿಕ ನೊಬ್ಬನ ನಿರ್ದಿಷ್ಟ ಸೇನಾ ಅರ್ಥವು, ನೂರು ವರ್ಷಗಳ ಯುದ್ಧದಲ್ಲಿ ಮಾತ್ರವೇ ಹೊರಹೊಮ್ಮುತ್ತದೆ. "ನೈಟ್‌ ಆಗಿಸುವ" ಎಂಬ ಕ್ರಿಯಾಪದವು, ಅಂದರೆ ಯಾರಾದರೊಬ್ಬರನ್ನು ಅಶ್ವಾರೋಹಿ ಸೈನಿಕನನ್ನಾಗಿಸುವುದು ಎಂಬ ಪರಿಕಲ್ಪನೆಯು 1300ರ ಆಸುಪಾಸಿನಲ್ಲಿ ಕಾಣಿಸುತ್ತದೆ, ಮತ್ತು ಅದೇ ಕಾಲದಿಂದ "ಅಶ್ವಾರೋಹಿ ಸೈನಿಕ ಪದವಿ" (ನೈಟ್‌ಹುಡ್‌ ಪದವಿ) ಎಂಬ ಪದವು "ಹರೆಯ" ಎಂಬುದರಿಂದ "ಓರ್ವ ಅಶ್ವಾರೋಹಿ ಸೈನಿಕನ ದರ್ಜೆ ಅಥವಾ ಘನತೆ" ಎಂಬುದಕ್ಕೆ ಬದಲಾಯಿಸಲ್ಪಟ್ಟಿತು. ಈ ನಿಟ್ಟಿನಲ್ಲಿ ಇಂಗ್ಲಿಷ್‌ ಭಾಷೆಯು ಇತರ ಬಹುಪಾಲು ಐರೋಪ್ಯ ಭಾಷೆಗಳಿಗಿಂತ ಭಿನ್ನವಾಗಿ ನಿಲ್ಲುತ್ತದೆ; ಇಂಗ್ಲಿಷ್‌ ಭಾಷೆಯಲ್ಲಿನ ಸಮಾನಾರ್ಥಕ ಪದವು ಯುದ್ಧ ಕುದುರೆಯ ಮಾಲೀಕತ್ವದ ಸ್ಥಾನಮಾನ ಮತ್ತು ಅಭ್ಯುದಯಕ್ಕೆ ಒತ್ತುನೀಡುತ್ತದೆ. ಭಾಷಾಶಾಸ್ತ್ರದ ದೃಷ್ಟಿಯಿಂದ ಹೇಳುವುದಾದರೆ, ಸಾಮಾಜಿಕ ಸ್ಥಾನಮಾನದೊಂದಿಗಿನ ಕುದುರೆ ಮಾಲೀಕತ್ವದ ಸಂಬಂಧವು ಕನಿಷ್ಟಪಕ್ಷ ಪ್ರಾಚೀನ ಗ್ರೀಸ್‌ ಕಾಲದಷ್ಟು ಹಿಂದಕ್ಕೆ ಹೋಗುತ್ತದೆ; ಈ ಅವಧಿಯಲ್ಲಿ, ಹಿಪಾರ್ಕಸ್‌ ಮತ್ತು ಕ್ಸಾಂಥೈಪ್‌‌‌ನಂಥ, ಕುದುರೆ ಗೆ ಸಂಬಂಧಿಸಿದ ಗ್ರೀಕ್‌ ಪದವನ್ನು ಅನೇಕ ಕುಲೀನ ಅಥವಾ ದೊಡ್ಡಸ್ತಿಕೆಯ ಹೆಸರುಗಳು ಒಳಗೊಂಡಿದ್ದವು; ಅರಿಸ್ಟೋಫೇನ್ಸ್‌‌‌ನ ಕ್ಲೌಡ್ಸ್‌ ಕೃತಿಯಲ್ಲಿನ ಫೀಡಿಪ್ಪೈಡ್ಸ್‌ ಎಂಬ ಪಾತ್ರವು ತನ್ನ ತಾತನ ಹೆಸರನ್ನು ಹೊಂದಿದ್ದು, ಹೆಚ್ಚು ದೊಡ್ಡಸ್ತಿಕೆಯನ್ನು ಧ್ವನಿಸುವ ದೃಷ್ಟಿಯಿಂದ ಈ ಹೆಸರಿನಲ್ಲಿ ಹಿಪ್‌‌‌- ಎಂಬುದು ತೂರಿಸಲ್ಪಟ್ಟಿದೆ. ಅದೇ ರೀತಿಯಲ್ಲಿ, ಗ್ರೀಕರ ἱππεύς (ಹಿಪ್ಪಿಯಸ್‌‌ ) ಎಂಬ ಪದವನ್ನು "ನೈಟ್‌" ("ಅಶ್ವಾರೋಹಿ ಸೈನಿಕ") ಎಂಬುದಾಗಿ ಸಾಮಾನ್ಯವಾಗಿ ಅನುವಾದಿಸಲಾಗುತ್ತದೆ; ಸಂಸ್ಥಾನದ ಸೇವೆಯಲ್ಲಿ ಒಂದು ಯುದ್ಧಾಶ್ವವನ್ನು ನಿರ್ವಹಿಸುವಲ್ಲಿ ಸಮರ್ಥರಾಗಿದ್ದ, ಅಥೆನ್ಸಿನ ನಾಲ್ಕು ಸಾಮಾಜಿಕ ವರ್ಗಗಳ ಪೈಕಿ ಅತ್ಯುನ್ನತವಾದದ್ದು ಎಂಬ ಅರ್ಥದಲ್ಲಿ, ಕನಿಷ್ಟಪಕ್ಷ ಅದನ್ನು ಪರಿಗಣಿಸಲಾಗುತ್ತದೆ.^{[ಸೂಕ್ತ ಉಲ್ಲೇಖನ ಬೇಕು]} ಗ್ರೀಕ್‌ ಭಾಷೆಯ ಹಿಪ್ಪೋಸ್‌ ಮತ್ತು ಲ್ಯಾಟಿನ್‌ ಭಾಷೆಯ ಈಕ್ವಸ್‌ ಎಂಬ ಪದಗಳೆರಡೂ ಸಹ, "ಕುದುರೆ" ಎಂಬ ಅರ್ಥವನ್ನು ನೀಡುವ ಎಕ್ವೊ- ಎಂಬ ಪ್ರೋಟೋ-ಇಂಡೋ-ಐರೋಪ್ಯ ಪದಮೂಲದಿಂದ ಜನ್ಯವಾಗಿವೆ.^[೪] ಓರ್ವ ಅಶ್ವಾರೂಢ ವ್ಯಕ್ತಿಯು (ಈಕ್ವೆಸ್ಟ್ರಿಯನ್‌) (ಲ್ಯಾಟಿನ್‌ ಭಾಷೆಯ ಈಕ್ವೆಸ್‌‌ "ಕುದುರೆ ಸವಾರ", ಈಕ್ವಸ್‌ "ಕುದುರೆ" ಎಂಬ ಪದಗಳಿಂದ ಜನ್ಯವಾಗಿರುವಂಥದು)^[೫], ರೋಮನ್‌ ಗಣರಾಜ್ಯ ಮತ್ತು ಆರಂಭಿಕ ರೋಮನ್‌ ಸಾಮ್ರಾಜ್ಯದಲ್ಲಿದ್ದ ಎರಡನೇ ಅತಿದೊಡ್ಡ ಸಾಮಾಜಿಕ ವರ್ಗದ ಓರ್ವ ಸದಸ್ಯನಾಗಿದ್ದ. ಈ ವರ್ಗವನ್ನು ಅನೇಕವೇಳೆ "ನೈಟ್‌" ("ಅಶ್ವಾರೋಹಿ ಸೈನಿಕ") ಎಂಬುದಾಗಿ ಅನುವಾದಿಸಲಾಗುತ್ತದೆ; ಆದಾಗ್ಯೂ, ಮಧ್ಯಯುಗದ ಅಶ್ವಾರೋಹಿ ಸೈನಿಕನನ್ನು ಲ್ಯಾಟಿನ್‌ನಲ್ಲಿ ಮೈಲ್ಸ್‌‌ ಎಂಬುದಾಗಿ ಕರೆಯಲಾಗುತ್ತಿತ್ತು (ಆದರ್ಶಪ್ರಾಯವಾದ ಅಥವಾ ಅಭಿಜಾತ ಲ್ಯಾಟಿನ್‌ ಭಾಷೆಯಲ್ಲಿ ಇದು "ಸಿಪಾಯಿ" ಎಂಬ ಅರ್ಥವನ್ನು ಕೊಡುತ್ತಿತ್ತು, ಅದು ಸಾಮಾನ್ಯವಾಗಿ ಕಾಲಾಳುಪಡೆಯ ಸೈನಿಕನಿಗೆ ಸಂಬಂದಿಸಿದ ಹೆಸರಾಗಿತ್ತು).^{[ಸೂಕ್ತ ಉಲ್ಲೇಖನ ಬೇಕು]} ನಂತರ ಬಂದ ರೋಮನ್‌ ಸಾಮ್ರಾಜ್ಯದಲ್ಲಿ, ಕುದುರೆಗೆ ಸಂಬಂಧಿಸಿದ ಅಭಿಜಾತ ಲ್ಯಾಟಿನ್‌ ಪದವಾದ ಈಕ್ವಸ್‌ , ಆಡುಮಾತಿನ ಲ್ಯಾಟಿನ್‌‌‌‌ನ ಕ್ಯಾಬಲ್ಲಸ್‌‌ ಎಂಬ ಪದದಿಂದ ರೂಢಿಯ ಮಾತಿನಲ್ಲಿ ಬದಲಾಯಿಸಲ್ಪಟ್ಟಿತು; ಕ್ಯಾಬಲ್ಲಸ್‌‌ ಎಂಬ ಪದವು ಪ್ರಾಚೀನ ಗಾಲ್‌ ಭಾಷೆಯ ಕ್ಯಾಬಲ್ಲೊಸ್‌ ^{[ಸೂಕ್ತ ಉಲ್ಲೇಖನ ಬೇಕು]} ಎಂಬ ಪದದಿಂದ ಜನ್ಯವಾಗಿತ್ತು. ಕ್ಯಾಬಲ್ಲಸ್‌‌ ಎಂಬ ಪದದಿಂದ ಹಳೆಯ ಇಟಲಿ ಭಾಷೆಯ ಕ್ಯಾವಲಿಯರೆ , ಇಟಲಿ ಭಾಷೆಯ ಕ್ಯಾವಲ್ಲೊ , ಫ್ರೆಂಚ್‌ ಭಾಷೆಯ ಷೆವಲ್‌ , ಮತ್ತು (ಫ್ರೆಂಚ್‌ನಿಂದ ಎರವಲು ಪಡೆದ) ಇಂಗ್ಲಿಷ್‌ ಭಾಷೆಯ ಕ್ಯಾವಲಿಯರ್‌‌ ಪದಗಳು ಹುಟ್ಟಿಕೊಂಡವು.^[೬] ಅಶ್ವಾರೋಹಿ ಸೈನಿಕ ನಿಗೆ ಸಂಬಂಧಿಸಿದಂತೆ ರೊಮಾನ್ಸ್‌‌ ಭಾಷೆಗಳಲ್ಲಿ ಇರುವ ಪದಗಳಲ್ಲಿ ಈ ಮಾದರಿಯು ಮುಂದುವರಿಯುತ್ತದೆ: ಸ್ಪ್ಯಾನಿಷ್‌ ಭಾಷೆಯ ಕ್ಯಾಬಲ್ಲೆರೊ , ಫ್ರೆಂಚ್‌ ಭಾಷೆಯ ಷೆವಲಿಯರ್‌‌‌‌ , ಪೋರ್ಚುಗೀಸ್‌ ಭಾಷೆಯ ಕ್ಯಾವಲೀರೊ ಇತ್ಯಾದಿಗಳು ಅದಕ್ಕೆ ನಿದರ್ಶನಗಳಾಗಿವೆ. ಜರ್ಮನ್ ಭಾಷೆಯಲ್ಲಿ, ರಿಟ್ಟರ್‌‌‌ ಎಂಬ ಪದದ ಅರ್ಥ ರೈಡರ್‌‌ (ಸವಾರ) ಎಂದಿದೆ; ಮತ್ತು ಹಾಗೆಯೇ ಡಚ್‌ ಮತ್ತು ಸ್ಕ್ಯಾಂಡಿನೇವಿಯಾದ ಬಿರುದಾದ ರಿಡ್ಡರ್‌‌ ಎಂಬ ಪದಕ್ಕೂ ಇದು ಅನ್ವಯಿಸುತ್ತದೆ. ಈ ಪದಗಳು ಸಜಾತೀಯ ಪದಗಳಾಗಿದ್ದು, ಜರ್ಮನರ ರೈಡಾನ್‌ "ಸವಾರಿ ಮಾಡುವುದು" ಎಂಬುದರಿಂದ, ಪ್ರೋಟೋ-ಇಂಡೋ-ಐರೋಪ್ಯ ಮೂಲದ ರೆಯ್ಡ್‌- ಎಂಬುದರಿಂದ ಅವು ಜನ್ಯವಾಗಿವೆ.^[೭]

ಮಧ್ಯಯುಗದ ಅಶ್ವಾರೋಹಿ ಸೈನಿಕ ಪದವಿಯ ಉಗಮ

ಕ್ಯಾಟಫ್ರಾಕ್ಟ್‌‌ಗಳೆಂದು ಕರೆಯಲ್ಪಡುತ್ತಿದ್ದ ಭಾರೀ ಅಶ್ವಸೈನ್ಯದ ಸೈನಿಕರು, ಸಾಂಪ್ರದಾಯಿಕ ಪ್ರಾಚೀನ ಕಾಲದಿಂದಲೂ ಬಗೆಬಗೆಯ ಯುದ್ಧಗಳಲ್ಲಿ ಭಾಗಿಯಾಗಿದ್ದರು; ಅವರ ಶಸ್ತ್ರಾಸ್ತ್ರಗಳು ಮತ್ತು ಕದನದಲ್ಲಿ ಅವರು ವಹಿಸುತ್ತಿದ್ದ ಪಾತ್ರವು, ಮಧ್ಯಯುಗದ ಅಶ್ವಾರೋಹಿ ಸೈನಿಕರ ರೀತಿಯಲ್ಲಿಯೇ ಇದ್ದವು. ಆದಾಗ್ಯೂ, ತನ್ನ ಸೇನಾ ಕಾರ್ಯಚಟುವಟಿಕೆಯನ್ನು ಹೊರತುಪಡಿಸಿ ಓರ್ವ ಕ್ಯಾಟಫ್ರಾಕ್ಟ್‌‌ಗೆ ಯಾವುದೇ ನಿಶ್ಚಿತ ರಾಜಕೀಯ ಸ್ಥಾನವಾಗಲೀ, ಸಾಮಾಜಿಕ ಪಾತ್ರವಾಗಲೀ ಇರಲಿಲ್ಲ. ಯುರೋಪ್‌ನಲ್ಲಿ ಪರಿಚಿತವಾಗಿದ್ದಂತೆ ಅಶ್ವಾರೋಹಿ ಸೈನಿಕ ಪದವಿಯು ಎರಡು ಅಂಶಗಳ ಸಂಯೋಜನೆಯಿಂದ ನಿರೂಪಿಸಲ್ಪಟ್ಟಿತ್ತು; ಊಳಿಗಮಾನ್ಯತೆ ಮತ್ತು ಓರ್ವ ಅಶ್ವಾರೋಹಿ ಹೋರಾಟಗಾರನಾಗಿ ಸಲ್ಲಿಸುವ ಸೇವೆ ಇವೇ ಆ ಎರಡು ಅಂಶಗಳಾಗಿದ್ದವು. ಈ ಎರಡೂ ಸಹ ಫ್ರ್ಯಾಂಕರ ಚಕ್ರವರ್ತಿ ಚಾರ್ಲೆಮ್ಯಾಗ್ನೆಯ ಆಳ್ವಿಕೆ ಅಡಿಯಲ್ಲಿ ಪ್ರವರ್ಧಮಾನಕ್ಕೆ ಬಂದವು; ಇದರಿಂದ ಮಧ್ಯಯುಗಗಳ ಅಶ್ವಾರೋಹಿ ಸೈನಿಕ ಪದವಿಯು ತನ್ನ ಉಗಮವನ್ನು ಕಂಡುಕೊಂಡಿತು ಎಂದು ಹೇಳಬಹುದು. 3ನೇ ಶತಮಾನದ ADಯ ಅವಧಿಯಿಂದ ಯುರೋಪ್‌ನ್ನು ಆಕ್ರಮಿಸಿಕೊಂಡಿದ್ದ ಜರ್ಮನ್‌‌ ಜನರ ಸೇನೆಗಳ ಕೆಲವೊಂದು ಭಾಗಗಳು, ಯಾವಾಗಲೂ ಅಶ್ವಾರೋಹಿ ಸೈನಿಕರಿಂದ ಕೂಡಿದ್ದವು, ಮತ್ತು ಆಸ್ಟ್ರೋಗಾತ್‌ಗಳ ರೀತಿಯಲ್ಲಿರುವ ಕೆಲವೊಂದು ಸೇನೆಗಳು ಮುಖ್ಯವಾಗಿ ಅಶ್ವಸೈನ್ಯವನ್ನು ಒಳಗೊಂಡಿದ್ದವು. ಆದಾಗ್ಯೂ, ರೋಮ್‌‌ ಸಾಮ್ರಾಜ್ಯದ ಕುಸಿತದ ನಂತರ ಪಶ್ಚಿಮದ ಮತ್ತು ಮಧ್ಯದ ಯುರೋಪ್‌ ಮೇಲೆ ಫ್ರ್ಯಾಂಕರು ಪ್ರಾಬಲ್ಯತೆಯನ್ನು ಸಾಧಿಸಿದರು, ಮತ್ತು ಕಾಲಾಳುಪಡೆಯ ದೊಡ್ಡ ಗುಂಪುಗಳಿಂದ ರೂಪಿಸಲ್ಪಟ್ಟಿದ್ದ ಸೇನೆಗಳನ್ನು ಅವರು ಸಾಮಾನ್ಯವಾಗಿ ರಂಗಕ್ಕಿಳಿಸಿದರು; ಕೊಮಿಟೇಟಸ್‌ ಎಂದು ಕರೆಯಲ್ಪಡುತ್ತಿದ್ದ ಸದರಿ ಉತ್ಕೃಷ್ಟ ಕಾಲಾಳುಪಡೆಯು, ದಂಡಿನ ನಡಿಗೆಯ ಸ್ವರೂಪದಲ್ಲಿ ಹೆಜ್ಜೆಹಾಕುವುದಕ್ಕೆ ಬದಲಿಗೆ, ಕುದುರೆಯ ಬೆನ್ನೇರಿ ಅನೇಕವೇಳೆ ಯುದ್ಧಭೂಮಿಗೆ ಸಾಗುತ್ತಿತ್ತು. ಯುದ್ಧಭೂಮಿಗೆ ಈ ರೀತಿಯಲ್ಲಿ ಸವಾರಿಮಾಡಿಕೊಂಡು ಹೋಗುತ್ತಿದ್ದುದರಿಂದ ಎರಡು ಪ್ರಮುಖ ಪ್ರಯೋಜನಗಳು ಲಭಿಸುತ್ತಿತ್ತು: ಇದು ಆಯಾಸವನ್ನು ತಗ್ಗಿಸುತ್ತಿತ್ತು, ಅದರಲ್ಲೂ ನಿರ್ದಿಷ್ಟವಾಗಿ ಉತ್ಕೃಷ್ಟ ಸಿಪಾಯಿಗಳು ರಕ್ಷಾಕವಚವನ್ನು ಧರಿಸಿದ್ದ ಸಂದರ್ಭದಲ್ಲಿ ಇದು ನೆರವಾಗುತ್ತಿತ್ತು (ಪಶ್ಚಿಮದ ರೋಮನ್‌ ಸಾಮ್ರಾಜ್ಯದ ಕುಸಿತದ ನಂತರದ ಶತಮಾನಗಳಲ್ಲಿ ಈ ಸ್ಥಿತಿಯು ವರ್ಧಿಸುತ್ತಾ ಹೋಯಿತು); ಮತ್ತು ಶತ್ರುವಿನ ಕಡೆಯಿಂದ ಆಗುತ್ತಿದ್ದ ದಾಳಿಗಳಿಗೆ ಪ್ರತಿಕ್ರಿಯಿಸಲು ಇದು ಸಿಪಾಯಿಗಳಿಗೆ ಹೆಚ್ಚು ಚಲನಶೀಲತೆಯನ್ನು ನೀಡುತ್ತಿತ್ತು, ಅದರಲ್ಲೂ ನಿರ್ದಿಷ್ಟವಾಗಿ, 711ರಲ್ಲಿ ಯುರೋಪ್‌ನ್ನು ತಲುಪಿದ ಮುಸ್ಲಿಂ ಆಕ್ರಮಣಗಳ ಸಂದರ್ಭದಲ್ಲಿ ಇದು ಪ್ರಯೋಜನಕ್ಕೆ ಬಂದಿತು. 732ರಲ್ಲಿನ ಪರ್ಯಟನೆಗಳ ಕದನದಲ್ಲಿ ಉಮಯ್ಯಾಡ್‌‌ ಅರಬ್‌‌ ಆಕ್ರಮಣವನ್ನು ಸೋಲಿಸಿದ, ಫ್ರ್ಯಾಂಕರ ರಾಜ ಮತ್ತು ಸೇನಾನಾಯಕ ಚಾರ್ಲ್ಸ್‌‌ ಮಾರ್ಟೆಲ್‌‌‌ನ ಸೇನೆಗಳು ಇನ್ನೂ ಬಹುಮಟ್ಟಿಗೆ ಕಾಲಾಳುಪಡೆಯ ಸೇನೆಗಳಾಗಿದ್ದವು; ಅದರಲ್ಲಿನ ಉತ್ಕೃಷ್ಟ ಸೈನಿಕರು ಯುದ್ಧಭೂಮಿಗೆ ಸವಾರಿಮಾಡಿಕೊಂಡು ಹೋಗುತ್ತಿದ್ದರಾದರೂ, ಹೋರಾಟದ ಸಮಯದಲ್ಲಿ ಕುದುರೆಯಿಂದ ಕೆಳಗಿಳಿದು ಹೋರಾಡುತ್ತಿದ್ದರು ಮತ್ತು ತನ್ಮೂಲಕ ಪದಾತಿದಳವನ್ನೊಳಗೊಂಡ ಯುದ್ಧಪಡೆಗಳ ಸೇನಾಸಂಗ್ರಹಕ್ಕೆ ಒಂದು ನಿಷ್ಠುರ ನಿಷ್ಠೆಯುಳ್ಳ ಸೈನಿಕರು ಒದಗಿಸಲ್ಪಟ್ಟಂತಾಗಿತ್ತು. 8ನೇ ಶತಮಾನವು ಕ್ಯಾರಲಿಂಜಿಯನ್‌‌ ಯುಗಕ್ಕೆ ಮುಂದುವರಿದಂತೆ, ಫ್ರ್ಯಾಂಕರು ಸಾಮಾನ್ಯವಾಗಿ ದಾಳಿಯಲ್ಲಿ ತೊಡಗುತ್ತಿದ್ದರು, ಮತ್ತು ದೊಡ್ಡ ಸಂಖ್ಯೆಯ ಯೋಧರು ತಮ್ಮ ಕುದುರೆಗಳನ್ನು ಏರಿಕೊಂಡು, ಚಕ್ರವರ್ತಿಯ ವಿಜಯದ ವ್ಯಾಪಕ-ಶ್ರೇಣಿಯ ಪ್ರಚಾರಾಂದೋಲನಗಳಲ್ಲಿ ಅವನೊಂದಿಗೆ ಸವಾರಿಗೆ ತೆರಳುತ್ತಿದ್ದರು. ಹೆಚ್ಚೂಕಮ್ಮಿ ಇದೇ ಸಮಯದಲ್ಲಿ, ಹೋರಾಟ ನಡೆಸಲು ಕುದುರೆಯ ಬೆನ್ನಿನ ಮೇಲೆಯೇ ಉಳಿದುಕೊಂಡ ಫ್ರ್ಯಾಂಕರು, ಅಶ್ವಾರೋಹಿ ಕಾಲಾಳುಪಡೆ ಎಂಬುದಕ್ಕಿಂತ ಹೆಚ್ಚಾಗಿ ನಿಜವಾದ ಅಶ್ವಸೈನ್ಯದ ಸ್ವರೂಪವನ್ನೇ ತಳೆದರು, ಮತ್ತು ಅಲ್ಲಿಂದ ಮುಂದಿನ ಹಲವಾರು ಶತಮಾನಗಳವರೆಗೆ ಹಾಗೆಯೇ ಮುಂದುವರಿದರು. ಕೆಲವೊಂದು ರಾಷ್ಟ್ರಗಳಲ್ಲಿ ಅಶ್ವಾರೋಹಿ ಸೈನಿಕರು ಪದಾತಿದಳದ ಕದನಕ್ಕೆ 14ನೇ ಶತಮಾನದಲ್ಲಿ ಹಿಂದಿರುಗಿದರಾದರೂ, ಒಂದು ಭರ್ಜಿಯೊಂದಿಗಿನ, ಮತ್ತು ನಂತರದಲ್ಲಿ ಒಂದು ಈಟಿಯೊಂದಿಗಿನ ಅಶ್ವಾರೋಹಿ ಕದನದ ಜೊತೆಯಲ್ಲಿನ ಅಶ್ವಾರೋಹಿ ಸೈನಿಕರ ಸಂಬಂಧವು ಒಂದು ಪ್ರಬಲವಾದ ಸಂಬಂಧವಾಗಿ ಉಳಿದುಕೊಂಡಿತು. ಈ ಚಲನಶೀಲ ಅಶ್ವಾರೋಹಿ ಯೋಧರು, ಚಾರ್ಲೆಮ್ಯಾಗ್ನೆಯ ಬಹಳ-ವ್ಯಾಪಕವಾದ ವಿಜಯಗಳನ್ನು ಕಾರ್ಯಗತಗೊಳಿಸಿದರು, ಮತ್ತು ಅವರ ಸೇವೆಯನ್ನು ಪಡೆಯುವುದಕ್ಕೋಸ್ಕರ ಅವನು ಉಂಬಳಿಗಳು ಎಂದು ಕರೆಯಲ್ಪಡುವ ಜಮೀನಿನ ಮಂಜೂರಾತಿಗಳಿಂದ ಅವರನ್ನು ಪುರಸ್ಕರಿಸಿದ. ಯುದ್ಧದ ವಿಜಯಗಳಲ್ಲಿ ನಾಯಕರು ಮಾಡಿದ ಪ್ರಯತ್ನಗಳನ್ನು ಪುರಸ್ಕರಿಸುವ ಸಲುವಾಗಿ, ಈ ಉಂಬಳಿಗಳು ಚಕ್ರವರ್ತಿಯಿಂದ ಅವರಿಗೆ ನೇರವಾಗಿ ನೀಡಲ್ಪಡುತ್ತಿವು; ಇದಕ್ಕೆ ಪ್ರತಿಯಾಗಿ ಸದರಿ ನಾಯಕರು, ಮುಕ್ತ ಮತ್ತು ಮುಕ್ತರಲ್ಲದ ಜನರ ಒಂದು ಮಿಶ್ರಣವಾಗಿದ್ದ, ತಮ್ಮ ದತ್ತದಳಗಳ ಯೋಧರಿಗೆ ಕೊಡುಗೆಗಳನ್ನು ನೀಡುತ್ತಿದ್ದರು. ಚಾರ್ಲೆಮ್ಯಾಗ್ನೆಯ ಸಾವಿನ ನಂತರದ ಶತಮಾನದಲ್ಲಿ, ಹೊಸದಾಗಿ ಅಧಿಕಾರ ನೀಡಲ್ಪಟ್ಟ ಅವನ ಯೋಧವರ್ಗವು ಇನ್ನೂ ಬಲವಾಗಿ ಬೆಳೆಯಿತು, ಮತ್ತು ಅವರ ಉಂಬಳಿ ಜಮೀನುಗಳು ವಂಶಪಾರಂಪರ್ಯವೆಂದು ಪರಿಗಣಿಸಲ್ಪಡಲಿ ಎಂಬುದಾಗಿ 2ನೇ ಚಾರ್ಲ್ಸ್‌‌ ಘೋಷಿಸಿದ. ಕ್ಯಾರಲಿಂಜಿಯನ್‌‌ ಅವಧಿಯ ಕೇಂದ್ರೀಯ ಅಧಿಕಾರದ ಕುಸಿತ ಮತ್ತು ಪಶ್ಚಿಮದ ಹಾಗೂ ಪೂರ್ವದ ಪ್ರತ್ಯೇಕ ಫ್ರ್ಯಾಂಕರ ರಾಜ್ಯಗಳ (ನಂತರದಲ್ಲಿ ಇವು ಕ್ರಮವಾಗಿ ಫ್ರಾನ್ಸ್‌‌ ಮತ್ತು ಜರ್ಮನಿ ಎಂದು ಕರೆಸಿಕೊಂಡವು) ಉದಯದ ನಡುವಿನ, 9ನೇ ಮತ್ತು 10ನೇ ಶತಮಾನಗಳಲ್ಲಿನ ಅಸ್ತವ್ಯಸ್ತ ಸ್ಥಿತಿಯ ಅವಧಿಯು ಮಾತ್ರವೇ ಹೊಸದಾಗಿ-ಭೂಸ್ವಾಮ್ಯವುಳ್ಳ ಈ ಯೋಧವರ್ಗವನ್ನು ಅತಿಕ್ರಮಿಸಿತು. ಇದಕ್ಕೆ ಕಾರಣವೇನೆಂದರೆ, ಆಡಳಿತದ ಶಕ್ತಿ ಹಾಗೂ ವೈಕಿಂಗ್‌‌, ಮಗ್ಯಾರ್‌ ಮತ್ತು ಸ್ಯಾರಸನ್‌‌ ದಾಳಿಗಳ ವಿರುದ್ಧದ ರಕ್ಷಣೆಯು ಅವಶ್ಯವಾಗಿ ಒಂದು ಸ್ಥಳೀಯ ವ್ಯವಹಾರವಾಗಿ ಮಾರ್ಪಟ್ಟಿತು; ಇದು ಈ ಹೊಸ ಪರಂಪರಾಗತ ಸ್ಥಳೀಯ ಧಣಿಗಳು ಮತ್ತು ಅವರ ಸ್ವಾಧೀನದಲ್ಲಿರುವ ಸ್ಥಿರಾಸ್ತಿಗಳ ಸುತ್ತ ಸುತ್ತಿತು. ಇದರ ಪರಿಣಾಮವಾಗಿ ಹೊರಹೊಮ್ಮಿದ, ಅಶ್ವಾರೋಹಿ ಉತ್ಕೃಷ್ಟ ಯೋಧರ ಪರಂಪರಾಗತ, ಭೂಸ್ವಾಮ್ಯವುಳ್ಳ ವರ್ಗವಾದ ಅಶ್ವಾರೋಹಿ ಸೈನಿಕರು, ಯುರೋಪ್‌ನ ಏಕಮಾತ್ರ ನಿಜವಾದ ಸಿಪಾಯಿಗಳಾಗಿ ಕಾಣಿಸಿಕೊಂಡರು; ಆದ್ದರಿಂದ ಮೈಲ್ಸ್‌‌ ಎಂಬ ಶಬ್ದವನ್ನು ಅವರಿಗೆ ಏಕಮಾತ್ರವಾಗಿ ಬಳಸಲಾಗುತ್ತದೆ.^{[dubious – discuss]} ನೈಟ್ಸ್‌ ಹಾಸ್ಪಿಟಲರ್‌‌ (ಧಾರ್ಮಿಕ ಸಂಸ್ಥೆಯ ಸದಸ್ಯರಾದ ಅಶ್ವಾರೋಹಿ ಸೈನಿಕರು) ಎಂಬ ದರ್ಜೆಗಳು ಅಶ್ವಾರೋಹಿ ಸೈನಿಕ ಪದವಿಯ ಮೊದಲ ಸೇನಾದರ್ಜೆಗಳಾಗಿದ್ದವು; 1099ರ ಮೊದಲ ಧಾರ್ಮಿಕಯುದ್ಧದ ಅವಧಿಯಲ್ಲಿ ಇವು ಸಂಸ್ಥಾಪಿಸಲ್ಪಟ್ಟವು. ಈ ದರ್ಜೆಯನ್ನು ಅನುಸರಿಸಿಕೊಂಡು ನೈಟ್ಸ್‌ ಟೆಂಪ್ಲರ್‌‌ (ಧರ್ಮಸೈನಿಕರ ತಂಡದವ) (1119) ಎಂಬ ದರ್ಜೆಯು ಅಸ್ತಿತ್ವಕ್ಕೆ ಬಂದಿತು. ಅವುಗಳ ಸಂಸ್ಥಾಪನೆಯ ಸಮಯದಲ್ಲಿ, ಈ ದರ್ಜೆಗಳು ಕ್ರೈಸ್ತ ಸನ್ಯಾಸಿ ದರ್ಜೆಗಳ ರೀತಿಯಲ್ಲಿರಬೇಕೆಂದು ಮತ್ತು ಅವುಗಳ ಸದಸ್ಯರು ಯಾತ್ರಾರ್ಥಿಗಳನ್ನು ಸಂರಕ್ಷಿಸುತ್ತಿರುವ ಸರಳ ಸಿಪಾಯಿಗಳ ರೀತಿಯಲ್ಲಿ ವರ್ತಿಸಬೇಕು ಎಂಬುದಾಗಿ ಆಶಿಸಲಾಗಿತ್ತು. ಪುಣ್ಯಭೂಮಿಯ ಯಶಸ್ವೀ ವಿಜಯ ಮತ್ತು ಧಾರ್ಮಿಕಯೋಧರ ಸಂಸ್ಥಾನಗಳ ಉದಯವಾಗುವುದರೊಂದಿಗೆ, ನಂತರದ ಶತಮಾನದಲ್ಲಷ್ಟೇ ಈ ದರ್ಜೆಗಳು ಶಕ್ತಿಯುತ ಮತ್ತು ಪ್ರತಿಷ್ಠಿತ ಎನಿಸಿಕೊಂಡವು. ಕ್ರೈಸ್ತ ಯೋಧರ ವಿಶಿಷ್ಟ ಲಕ್ಷಣವಾಗಿ ಅಶ್ವದಳದ ಆದರ್ಶವು ಧಾರ್ಮಿಕಯುದ್ಧಗಳಿಂದ ಗಮನಾರ್ಹವಾಗಿ ಪ್ರಭಾವಿಸಲ್ಪಟ್ಟಿದೆ; ಅಷ್ಟೇ ಅಲ್ಲ, "ಸೇವಕ, ಸಿಪಾಯಿ" ಎಂಬ ಅರ್ಥಗಳಿಂದ ಅಶ್ವಾರೋಹಿ ಸೈನಿಕ ಎಂಬ ಶಬ್ದವನ್ನು ಪರಿವರ್ತನೆ ಮಾಡಿ ಹಾಗೂ "ಅಶ್ವಾರೋಹಿ ಸಿಪಾಯಿ" ಎಂಬ ಅರ್ಥದಿಂದ ಷೆವಲಿಯರ್‌‌‌‌ ಎಂಬ ಶಬ್ದವನ್ನು ಪರಿವರ್ತನೆ ಮಾಡಿ, ಈ ಆದರ್ಶವರ್ಗದ ಓರ್ವ ಸದಸ್ಯನನ್ನಾಗಿ ಉಲ್ಲೇಖಿಸುವುದರ ಮೇಲೂ ಧಾರ್ಮಿಕಯುದ್ಧಗಳು ಪ್ರಭಾವ ಬೀರಿದವು. ಒಂದೆಡೆ ಇವು, ಮಧ್ಯಯುಗಗಳ ದ್ವಿತೀಯಾರ್ಧದ ಆರಂಭದ ದೃಷ್ಟಿಕೋನದ ಹಿನ್ನೋಟದಿಂದ ನೋಡಲ್ಪಟ್ಟ ಕ್ರೈಸ್ತ ಸನ್ಯಾಸಿ ಯೋಧರ ಸೇನಾ ದರ್ಜೆಗಳಿಂದ ಪ್ರೇರೇಪಿಸಲ್ಪಟ್ಟರೆ, ಮತ್ತೊಂದೆಡೆ ಫುರುಸಿಯ್ಯಾ ದ ಇಸ್ಲಾಮಿನ (ಸ್ಯಾರಸನ್‌‌) ಆದರ್ಶಗಳಿಂದ ಪ್ರಭಾವಿಸಲ್ಪಟ್ಟವು.^[೮]

ಅಶ್ವದಳದ ನೀತಿಸಂಹಿತೆ

ಜಾನ್‌ ವಾನ್‌ ಐಕ್‌, "ನೈಟ್ಸ್‌ ಆಫ್‌ ಕ್ರಿಸ್ಟ್‌" (ಘೆಂಟ್‌ ಆಲ್ಟಾರ್‌ಪೀಸ್‌ನ ವಿವರ).

"ದುರ್ಬಲರು, ರಕ್ಷಣೆಯಿಲ್ಲದವರು, ಅಸಹಾಯಕರನ್ನು ಸಂರಕ್ಷಿಸುವಂತೆ, ಮತ್ತು ಎಲ್ಲರ ಸಾರ್ವತ್ರಿಕ ಕಲ್ಯಾಣಕ್ಕಾಗಿ ಹೋರಾಟ ಮಾಡುವಂತೆ" ಮಧ್ಯಯುಗದ ಕಾಲಕ್ಕೆ ಸೇರಿದ ಅಶ್ವಾರೋಹಿ ಸೈನಿಕರನ್ನು ಕೇಳಿಕೊಳ್ಳಲಾಗಿತ್ತು. ಈ ಕೆಲವೇ ಮಾರ್ಗದರ್ಶಿ ಸೂತ್ರಗಳು ಮಧ್ಯಯುಗದದ ಓರ್ವ ಅಶ್ವಾರೋಹಿ ಸೈನಿಕನ ಮುಖ್ಯ ಕರ್ತವ್ಯಗಳಾಗಿದ್ದವಾದರೂ, ಅವನ್ನು ಸಂಪೂರ್ಣವಾಗಿ ನೆರವೇರಿಸುವುದು ಅತ್ಯಂತ ಕಷ್ಟವಾಗಿತ್ತು. ಅಶ್ವಾರೋಹಿ ಸೈನಿಕರ ಪೈಕಿ ಅತ್ಯುತ್ತಮ ಎನಿಸಿಕೊಂಡವರು ಮಾತ್ರವೇ ಈ ಗುರಿಗಳನ್ನು ಅಪರೂಪಕ್ಕೆಂಬಂತೆ ಸಾಧಿಸಲು ಸಾಧ್ಯವಿತ್ತು. ಇತರ ವಿಷಯಗಳ ನಡುವೆ , ಅಶ್ವಾರೋಹಿ ಸೈನಿಕರು ಬೇಟೆಯಾಡುವಿಕೆ, ಹೋರಾಡುವಿಕೆ, ಮತ್ತು ಸವಾರಿಮಾಡುವಿಕೆಯಲ್ಲಿ ತರಬೇತಿಯನ್ನು ಪಡೆದರು. ಅತ್ಯಂತ ಪ್ರಮುಖವೆಂದು ಪರಿಗಣಿಸಲ್ಪಟ್ಟಿದ್ದ ವಿನಯಶೀಲ, ಗೌರವಾನ್ವಿತ ವರ್ತನೆಯನ್ನು ಅಭ್ಯಾಸ ಮಾಡುವಲ್ಲಿಯೂ ಅವರು ತರಬೇತಿ ಪಡೆದರು. ಷಿವಲ್ರಿ (ಅಶ್ವದಳ) ("ಕುದುರೆಯೊಂದನ್ನು ನಿರ್ವಹಿಸುವುದರ ಪರಿಣತಿಗಳು" ಎಂಬ ಅರ್ಥವನ್ನು ಸೂಚಿಸುವ ಷೆವಲಿಯರ್‌ ಎಂಬ ಫ್ರೆಂಚ್‌ ಪದದಿಂದ ಇದು ಜನ್ಯವಾಗಿದೆ) ಎಂಬುದು ಓರ್ವ ಅಶ್ವಾರೋಹಿ ಸೈನಿಕನ ಜೀವನಶೈಲಿಗೆ ಮಾರ್ಗದರ್ಶನ ನೀಡುವ ಮುಖ್ಯ ತತ್ತ್ವವಾಗಿತ್ತು. ಅಶ್ವದಳದ ನೀತಿಸಂಹಿತೆಯು ಮೂರು ಮುಖ್ಯ ವಲಯಗಳೆಡೆಗೆ ತನ್ನನ್ನು ತೊಡಗಿಸಿಕೊಂಡಿತ್ತು. ಅವುಗಳೆಂದರೆ: ಸೇನೆ, ಸಾಮಾಜಿಕ ಜೀವನ, ಮತ್ತು ಧರ್ಮ.^[೯] ಜೀವನದ ಸೇನಾಭಾಗವು ಅಶ್ವಾರೋಹಿ ಸೈನಿಕ ಪದವಿಗೆ ಅತ್ಯಂತ ಪ್ರಮುಖವಾಗಿತ್ತು. ಯುದ್ಧಕ್ಕೆ ಸಂಬಂಧಿಸಿದ ಹೋರಾಡುವಿಕೆಯ ಅಂಶಗಳ ಜೊತೆಯಲ್ಲಿ, ಅನುಕರಣೆಗೆ ಯೋಗ್ಯವಾಗಿದ್ದ ಅನೇಕ ಪದ್ಧತಿಗಳು ಮತ್ತು ನಿಯಮಗಳು ಕೂಡಾ ಅದರಲ್ಲಿದ್ದವು. ದುಬಾರಿಯಾಗಿರುವ, ಭಾರೀ ಶಸ್ತ್ರಸಮೂಹವನ್ನು ಹೊಂದುವುದು ಸೇನಾ ಅಶ್ವದಳವನ್ನು ಪ್ರದರ್ಶಿಸುವ ಒಂದು ವಿಧಾನವಾಗಿತ್ತು. ಓರ್ವ ಅಶ್ವಾರೋಹಿ ಸೈನಿಕನಿಗೆ ಶಸ್ತ್ರಾಸ್ತ್ರಗಳಷ್ಟೇ ಏಕೈಕ ನಿರ್ಣಾಯಕ ಸಾಧನಗಳಾಗಿರಲಿಲ್ಲ, ಕುದುರೆಗಳೂ ಸಹ ಅತ್ಯಂತ ಪ್ರಮುಖವಾಗಿದ್ದವು; ಮತ್ತು ಪ್ರತಿ ಅಶ್ವಾರೋಹಿ ಸೈನಿಕನೂ ಸಹ ವಿಶಿಷ್ಟ ಉದ್ದೇಶಗಳಿಗೆ ಸಂಬಂಧಿಸಿದಂತೆ ಅನೇಕವೇಳೆ ಹಲವಾರು ಕುದುರೆಗಳನ್ನು ಹೊಂದಿರುತ್ತಿದ್ದ. ಬಣ್ಣಬಣ್ಣದ ಪ್ರದರ್ಶನ ಪತಾಕೆಗಳನ್ನು ಹಾರಿಸುವುದು ಅಶ್ವದಳದ ಮಹೋನ್ನತ ಸಂಕೇತಗಳಲ್ಲಿ ಒಂದಾಗಿತ್ತು. ಶಕ್ತಿಯನ್ನು ಪ್ರದರ್ಶಿಸುವುದು ಮತ್ತು ಕದನದಲ್ಲಿರುವ ಹಾಗೂ ಸೇನಾ ಕವಾಯತು ಪ್ರದರ್ಶನಗಳಲ್ಲಿರುವ ಅಶ್ವಾರೋಹಿ ಸೈನಿಕರ ನಡುವಿನ ವೈಲಕ್ಷಣ್ಯವನ್ನು ಎತ್ತಿ ತೋರಿಸುವುದು ಪತಾಕೆಗಳ ಪ್ರದರ್ಶನದ ಹಿಂದಿನ ಉದ್ದೇಶವಾಗಿತ್ತು.^{[ಸೂಕ್ತ ಉಲ್ಲೇಖನ ಬೇಕು]} ಯೋಧರು ತಮ್ಮ ಸ್ವಾಮಿನಿಷ್ಠೆಯನ್ನು ಸಾಬೀತುಮಾಡಲು ಈ ಎಲ್ಲಾ ಸಾಮಾನು-ಸರಂಜಾಮುಗಳನ್ನು ಹೊಂದಿರುವುದು ಅಗತ್ಯವಾಗಿತ್ತಲ್ಲದೇ, ಅವರು ಸೇನಾಸೌಜನ್ಯದೊಂದಿಗೆ ನಡೆದುಕೊಳ್ಳಬೇಕು ಎಂಬುದನ್ನೂ ಸಹ ಅವರಿಂದ ನಿರೀಕ್ಷಿಸಲಾಗುತ್ತಿತ್ತು. ಕದನದಲ್ಲಿ ಉನ್ನತ ಪದವಿಯಲ್ಲಿರುವವರನ್ನು ಮತ್ತು ಅಶ್ವಾರೋಹಿ ಸೈನಿಕರನ್ನು ಸೆರೆಯಾಳುಗಳಾಗಿ ವಶಕ್ಕೆ ತೆಗೆದುಕೊಂಡಾಗ, ಅವರ ಜೀವಗಳನ್ನು ಉಳಿಸಲಾಗುತ್ತಿತ್ತು ಮತ್ತು ವಿಮೋಚನಾ ಶುಲ್ಕಕ್ಕಾಗಿ ಅವರನ್ನು ಅನೇಕವೇಳೆ ಅನುಕೂಲಕರವೆನ್ನಬಹುದಾದ ಪರಿಸರಗಳಲ್ಲಿ ಹಿಡಿದಿಡಲಾಗುತ್ತಿತ್ತು. ಇದೇ ನೀತಿಸಂಹಿತೆಯು ಅಶ್ವಾರೋಹಿ ಸೈನಿಕರಲ್ಲದವರಿಗೆ (ಬಿಲ್ಲುಗಾರರು, ರೈತರು, ಪದಾತಿದಳ-ಸಿಪಾಯಿಗಳು, ಇತ್ಯಾದಿ.) ಅನ್ವಯವಾಗುತ್ತಿರಲಿಲ್ಲ; ಇತರ ಅಶ್ವಾರೋಹಿ ಸೈನಿಕರೊಂದಿಗೆ ಹೋರಾಟದಲ್ಲಿ ತೊಡಗಲು ಒಂದು ಗುಂಪಿನ ಅಶ್ವಾರೋಹಿ ಸೈನಿಕರು ಮುನ್ನುಗ್ಗುವಾಗ, ಅವರಿಗೆ ಸುಮ್ಮನೇ ಅಡಚಣೆಗಳಾಗಿ ಪರಿಣಮಿಸುವಂತೆ ಕಂಡುಬರುವ ಇಂಥವರನ್ನು ಸೆರೆಹಿಡಿದ ನಂತರ ಅನೇಕವೇಳೆ ಹತ್ಯೆಮಾಡಲಾಗುತ್ತಿತ್ತು.^[೧೦] ಓರ್ವ ಅಶ್ವಾರೋಹಿ ಸೈನಿಕನಾಗುವುದು ಮಧ್ಯಯುಗದ ಕಾಲದಲ್ಲಿ ಒಂದು ವ್ಯಾಪಕವಾಗಿ ತಲುಪಬಹುದಾದ ಗುರಿಯಾಗಿರಲಿಲ್ಲ. ಅಶ್ವಾರೋಹಿ ಸೈನಿಕರ ಗಂಡುಮಕ್ಕಳು ಅಶ್ವಾರೋಹಿ ಸೈನಿಕ ಪದವಿಯ ದರ್ಜೆಗಳಿಗೆ ಸಂಬಂಧಿಸಿದಂತೆ ಅರ್ಹರಾಗಿದ್ದರು, ಆದರೆ ಇತರ ಯುವಜನರು ಅವಶ್ಯವಾಗಿ ಅಶ್ವಾರೋಹಿ ಸೈನಿಕರಾಗಬಹುದಾಗಿದ್ದರಿಂದ, ಕೆಲಸವು ಅಂದುಕೊಂಡಷ್ಟು ಸುಲಭವಾಗಿರಲಿಲ್ಲ; ಅದರಲ್ಲೂ ವಿಶೇಷವಾಗಿ ಅತ್ಯಂತ ಕೆಳಗಿನ ವರ್ಗಕ್ಕೆ ಸೇರಿದವರಿಗೆ ಇದು ಹೆಚ್ಚು ಅನ್ವಯಿಸುತ್ತಿತ್ತು. ^{[ಸೂಕ್ತ ಉಲ್ಲೇಖನ ಬೇಕು]} ಅಶ್ವಾರೋಹಿ ಸೈನಿಕರಾಗಬೇಕೆಂದು ಯಾರನ್ನೆಲ್ಲಾ ಉದ್ದೇಶಿಸಿ ಮೀಸಲಿಡಲಾಗಿತ್ತೋ, ಅವರನ್ನೆಲ್ಲಾ ಪ್ರತ್ಯೇಕಿಸಿ ತೆಗೆಯಲಾಯಿತು: ಹುಡುಗತನದಲ್ಲಿರುವ ಈ ಭವಿಷ್ಯದ ಯೋಧರನ್ನು ಕೋಟೆಯೊಂದಕ್ಕೆ ಬಾಲಸೇವಕರಾಗಿ ಕಳಿಸಲಾಯಿತು; ಇವರೇ ನಂತರದಲ್ಲಿ ಅಶ್ವಾರೋಹಿ ಸೈನಿಕನ ಅನುಚರರಾಗುತ್ತಿದ್ದರು. ಸಾಮಾನ್ಯವಾಗಿ, ಸುಮಾರು 20 ವರ್ಷ ವಯಸ್ಸಾಗಿರುವಾಗ, ಅಶ್ವಾರೋಹಿ ಸೈನಿಕರನ್ನು ಅವರ ದರ್ಜೆಗೆ ದಾಖಲು ಮಾಡಿಕೊಳ್ಳಲಾಗುತ್ತಿತ್ತು; ಇದಕ್ಕೆ ಸಂಬಂಧಿಸಿದ ಆಚರಣೆ ಅಥವಾ ಸಮಾರಂಭಕ್ಕೆ "ಗೌರವದ ಪ್ರದಾನ" (ಡಬ್ಬಿಂಗ್‌‌) (ಇದನ್ನು ಫ್ರೆಂಚ್‌ ಭಾಷೆಯ ಅಡೌಬ್‌ಮೆಂಟ್‌‌ ಎಂಬುದರಿಂದ ಪಡೆಯಲಾಗಿದೆ), ಅಥವಾ "ಪ್ರಶಸ್ತಿ ದಾನವಿಧಿ" ಎಂದು ಕರೆಯಲಾಗುತ್ತಿತ್ತು. ಈ ಬಲಾಢ್ಯ ಯುವ ಜನರು ತಮ್ಮ ಅರ್ಹತೆಯನ್ನು ಸಾಬೀತುಮಾಡಿದ್ದರೂ ಸಹ, ಅವರ ಸಾಮಾಜಿಕ ಸ್ಥಾನಮಾನವು ಕಾಯಮ್ಮಾಗಿ ನಿಯಂತ್ರಿಸಲ್ಪಡುತ್ತಿತ್ತು. ಎಲ್ಲ ಕಾಲಗಳಲ್ಲಿಯೂ ಅವರು ಅಶ್ವದಳದ ನೀತಿಸಂಹಿತೆಯನ್ನು ಪಾಲಿಸಬೇಕು ಎಂದು ನಿರೀಕ್ಷಿಸಲಾಗುತ್ತಿತ್ತು, ಮತ್ತು ಇದರಲ್ಲಿನ ಯಾವುದೇ ತೆರನಾದ ವೈಫಲ್ಯವನ್ನು ಸ್ವೀಕರಿಸಲಾಗುತ್ತಿರಲಿಲ್ಲ.^{[ಸೂಕ್ತ ಉಲ್ಲೇಖನ ಬೇಕು]} ಅಶ್ವದಳ ಮತ್ತು ಧರ್ಮ ಒಂದನ್ನೊಂದು ಪ್ರಭಾವಿಸಿದ್ದವು. ಅಶ್ವದಳವು ಧರ್ಮಕ್ಕೆ ಸಂಬಂಧಿಸಿದ ಪರಿಕಲ್ಪನೆಯಾಗಿದ್ದರಿಂದ, ಆರಂಭಿಕ ಧಾರ್ಮಿಕಯುದ್ಧಗಳು ಅಶ್ವದಳದ ನೀತಿಸಂಹಿತೆಯನ್ನು ಸ್ಪಷ್ಟೀಕರಿಸುವಲ್ಲಿ ನೆರವಾದವು. ಇದರ ಪರಿಣಾಮವಾಗಿ, ಕ್ರೈಸ್ತ ಸೇನೆಗಳು ಪವಿತ್ರ ಉದ್ದೇಶಗಳಿಗೆ ತಮ್ಮ ಪ್ರಯತ್ನಗಳನ್ನು ಸಮರ್ಪಿಸಿಕೊಳ್ಳಲು ಶುರುಮಾಡಿದವು. ಕಾಲವು ಸಾಗಿದಂತೆ, ಧಾರ್ಮಿಕ ದೀಕ್ಷಾಪ್ರತಿಜ್ಞೆಗಳನ್ನು ಪಾದ್ರಿಗಳು ಹುಟ್ಟುಹಾಕಿದರು. ಇದರ ಅನುಸಾರ ಅಶ್ವಾರೋಹಿ ಸೈನಿಕರು ತಮ್ಮ ಶಸ್ತ್ರಾಸ್ತ್ರಗಳನ್ನು, ದುರ್ಬಲರಾದವರ ಮತ್ತು ರಕ್ಷಣೆಯಿಲ್ಲದವರ ಅದರಲ್ಲೂ ವಿಶೇಷವಾಗಿ ಮಹಿಳೆಯರು ಮತ್ತು ಅನಾಥರ, ಹಾಗೂ ಚರ್ಚುಗಳ ಸಂರಕ್ಷಣೆಗಾಗಿ ಪ್ರಧಾನವಾಗಿ ಬಳಸುವುದು ಅಗತ್ಯವೆನಿಸಿತು.^{[ಸೂಕ್ತ ಉಲ್ಲೇಖನ ಬೇಕು]} ವಾಸ್ತವಿಕ ಅಶ್ವಾರೋಹಿ ಸೈನಿಕ ಪದವಿಯು ತನ್ನ ಅಸ್ತಿತ್ವದಿಂದ ಹಿಂತೆಗೆದ ಬಹಳ ಕಾಲದ ನಂತರವೂ, ಅಶ್ವದಳದ ನೀತಿಸಂಹಿತೆಯು ಸಾಮಾಜಿಕ ನಡವಳಿಕೆಯ ಮೇಲಿನ ತನ್ನ ಪ್ರಭಾವವನ್ನು ಮುಂದುವರಿಸಿತು; ಉದಾಹರಣೆಗೆ, ಓರ್ವ "ಸಂಭಾವಿತ"ನು ಹೇಗೆ ನಡೆದುಕೊಳ್ಳಬೇಕು ಎಂಬುದರ ಕುರಿತಾದ 19ನೇ ಶತಮಾನದ ವಿಕ್ಟೋರಿಯಾ ಕಾಲದ ಗ್ರಹಿಕೆಗಳಿಂದ ಮೊದಲ್ಗೊಂಡು ಇಂದಿನವರೆಗೂ ಅದರ ಪ್ರಭಾವ ಮುಂದುವರಿದುಕೊಂಡು ಬಂದಿದೆ.^{[ಸೂಕ್ತ ಉಲ್ಲೇಖನ ಬೇಕು]}

ಸಾಹಿತ್ಯದಲ್ಲಿ ಅಶ್ವಾರೋಹಿ ಸೈನಿಕರು

ಅಶ್ವಾರೋಹಿ ಸೈನಿಕರು ಮತ್ತು ಅಶ್ವಾರೋಹಿ ಸೈನಿಕ ಪದವಿಯ ಆದರ್ಶಗಳು ಮಧ್ಯಯುಗದ ಮತ್ತು ನವೋದಯ ಸಾಹಿತ್ಯದಲ್ಲಿ ಅಗಾಧ ಪ್ರಮಾಣದಲ್ಲಿ ಕಾಣಿಸಿಕೊಂಡಿವೆ, ಮತ್ತು ಸಾಹಿತ್ಯಿಕ ರೊಮಾನ್ಸ್‌‌ ಕೃತಿಗಳಲ್ಲಿ ಒಂದು ಕಾಯಂಸ್ಥಳವನ್ನು ಗಳಿಸಿಕೊಂಡಿವೆ. ಅಶ್ವದಳದ ಕುರಿತಾದ ರೊಮಾನ್ಸ್‌‌ ಭಾಷೆಯ ಕೃತಿಗಳು ಸಮೃದ್ಧಿಯಾಗಿರುವ ಸಂದರ್ಭದಲ್ಲೇ, ನಿರ್ದಿಷ್ಟವಾಗಿ ಅಶ್ವಾರೋಹಿ ಸೈನಿಕ ಪದವಿಯ ಗಮನಾರ್ಹ ಸಾಹಿತ್ಯಿಕ ಚಿತ್ರಣಗಳು ಈ ಮುಂದಿನ ಕೃತಿಗಳಲ್ಲಿ ಕಂಡುಬರುತ್ತವೆ: ಜೆಫ್ರಿ ಚೇಸರ್‌‌‌‌‌‌‌ನ ದಿ ನೈಟ್‌'ಸ್‌ ಟೇಲ್‌‌ , ಬಾಲ್ಡಾಸ್ಸಾರೆ ಕ್ಯಾಸ್ಟಿಂಗ್ಲಿಯೋನ್‌‌‌‌‌ನ ದಿ ಬುಕ್‌ ಆಫ್‌ ದಿ ಕೋರ್ಟಿಯರ್‌ , ಮತ್ತು ಮಿಗುಯೆಲ್‌ ಡೆ ಸೆರ್ವೆಂಟೆಸ್‌‌‌‌ನ ಡಾನ್‌ ಕ್ವಿಕ್ಸೋಟ್‌ . ಅಷ್ಟೇ ಅಲ್ಲ, ಸರ್‌ ಥಾಮಸ್‌ ಮ್ಯಾಲರಿಯ ಲೆ ಮಾರ್ಟೆ ಡಿ'ಅರ್ಥರ್‌ ಮತ್ತು ಅರ್ಥರ್‌‌ನ ಕಾಲದ ಇತರ ಕಥೆಗಳಲ್ಲಿಯೂ ಸಹ (ಮಾನ್‌ಮೌತ್‌ನ ಜೆಫ್ರಿಯ ಹಿಸ್ಟೋರಿಯಾ ರೆಗಮ್‌ ಬ್ರಿಟಾನಿಯೇ , ಪರ್ಲ್‌ ಪೊಯೆಟ್‌‌‌ನ ಸರ್‌ ಗವೈನ್‌ ಅಂಡ್‌ ಗ್ರೀನ್‌ ನೈಟ್‌ , ಇತ್ಯಾದಿ.) ಅಶ್ವಾರೋಹಿ ಸೈನಿಕ ಪದವಿಯ ಚಿತ್ರಣಗಳನ್ನು ಕಾಣಬಹುದು. ರಾಜನ ಆದರ್ಶಮಯಿ ಅನುಚರನಾದ, ಬಾಲ್ಡಾಸ್ಸಾರೆಯ ಅಶ್ವದಳದ ಅಶ್ವಾರೋಹಿ ಸೈನಿಕ ಕ್ಯಾಸ್ಟಿಂಗ್ಲಿಯೋನ್‌ನ ದಿ ಬುಕ್‌ ಆಫ್‌ ದಿ ಕೋರ್ಟಿಯರ್‌ ಎಂಬ ಕೃತಿಯು, ಕುಲೀನತೆಯ ಅಥವಾ ಗೌರವದ ಅಂತಸ್ತಿನ ಆದರ್ಶಗುಣಗಳ ಕುರಿತಾದ ಒಂದು ಮಾದರಿ ಎನಿಸಿಕೊಂಡಿತು.^[೧೧] ಕ್ಯಾಸ್ಟಿಂಗ್ಲಿಯೋನ್‌ನ ಕಥೆಯು ಉರ್ಬಿನೊದ ಡ್ಯೂಕ್‌ನ ಆಸ್ಥಾನದ ಶ್ರೀಮಂತ ವರ್ಗದವರ ನಡುವೆ ಒಂದು ಚರ್ಚೆಯ ಸ್ವರೂಪವನ್ನು ಪಡೆದುಕೊಂಡಿತು; ಈ ಕೃತಿಯಲ್ಲಿ ಪಾತ್ರಗಳು ನಿರ್ಣಯಿಸುವ ಪ್ರಕಾರ, ಆದರ್ಶ ಅಶ್ವಾರೋಹಿ ಸೈನಿಕನು ಕದನದಲ್ಲಿನ ತನ್ನ ಧೈರ್ಯ ಮತ್ತು ಪರಾಕ್ರಮಗಳಿಗೆ ಮಾತ್ರವೇ ಹೆಸರುವಾಸಿಯಾಗಬಾರದು, ಅವನು ಓರ್ವ ಪರಿಣಿತ ನರ್ತಕ, ಕ್ರೀಡಾಪಟು, ಗಾಯಕ ಮತ್ತು ಭಾಷಣಕಾರನಾಗಿಯೂ ಹೆಸರು ಪಡೆಯಬೇಕು; ಅಷ್ಟೇ ಅಲ್ಲ, ಮಾನವಿಕಗಳು ಮತ್ತು ಶಿಷ್ಟ ಗ್ರೀಕ್‌ ಹಾಗೂ ಲ್ಯಾಟಿನ್‌ ಸಾಹಿತ್ಯದಲ್ಲಿ ಅವನು ಪಾಂಡಿತ್ಯವನ್ನು ಪಡೆದಿರಬೇಕು.^[೧೨]

ವಂಶಲಾಂಛನಗಳು ಮತ್ತು ಇತರ ಲಾಂಛನಗಳು

ಅಶ್ವಾರೋಹಿ ಸೈನಿಕರು ಸಾಮಾನ್ಯವಾಗಿ ಲಾಂಛನಾರ್ಹ ರಾಗಿರುತ್ತಾರೆ (ರಾಜನ ವಂಶಲಾಂಛನವೊಂದನ್ನು ಧರಿಸಿರುವವರು). ಅಷ್ಟೇ ಅಲ್ಲ, ವಂಶಲಾಂಛನಗಳ ಅಭಿವೃದ್ಧಿಯಲ್ಲಿ ಅವರು ನಿಶ್ಚಯವಾಗಿ ಒಂದು ಮೂಲಭೂತ ಪಾತ್ರವನ್ನು ವಹಿಸಿದ್ದಾರೆ. ದೊಡ್ಡದಾಗಿರುವ ಗುರಾಣಿಗಳು ಮತ್ತು ಸುತ್ತುವರಿದ ಶಿರಸ್ತ್ರಾಣಗಳನ್ನು ಒಳಗೊಂಡಿರುವ ಭಾರವಾದ ರಕ್ಷಾಕವಚವು ಮಧ್ಯಯುಗಗಳ ಅವಧಿಯಲ್ಲಿ ಅಭಿವೃದ್ಧಿಯಾಗುತ್ತಿದ್ದಂತೆ, ಗುರುತಿನ ಚಿಹ್ನೆಗಳ ಅಗತ್ಯವು ಹುಟ್ಟಿಕೊಂಡಿತು; ಹಾಗೂ ಬಣ್ಣಬಣ್ಣದ ಗುರಾಣಿಗಳು ಮತ್ತು ಸಡಿಲ ಮೇಲಂಗಿಗಳೊಂದಿಗೆ ರಾಜನ ವಂಶಲಾಂಛನವು ಹುಟ್ಟಿಕೊಂಡಿತು. ಬಗೆಬಗೆಯ ವಲಯಗಳಿಗೆ ಸೇರಿದ ಅಥವಾ ಬಗೆಬಗೆಯ ಸೇನಾ ಕವಾಯತು ಪ್ರದರ್ಶನಗಳಲ್ಲಿ ಭಾಗವಹಿಸಿದ ಅಶ್ವಾರೋಹಿ ಸೈನಿಕರನ್ನು ದಾಖಲಿಸಲು ವಂಶಲಾಂಛನದ ಸುರುಳಿಗಳು ಸೃಷ್ಟಿಸಲ್ಪಟ್ಟವು. ಇದರ ಜೊತೆಗೆ, ನಿರ್ದಿಷ್ಟ ಸ್ವರೂಪಗಳ ಪಟ್ಟಾಭಿಷೇಕದ ರಾಜಲಾಂಛನಗಳನ್ನು^{[dubious – discuss]} ಅಶ್ವಾರೋಹಿ ಸೈನಿಕರು ಅಳವಡಿಸಿಕೊಂಡರು; ಈ ರಾಜಲಾಂಛನಗಳು ಅಶ್ವಾರೋಹಿ ಸೈನಿಕ ಪದವಿಯ ಸ್ಥಾನಮಾನದೊಂದಿಗೆ ನಿಕಟವಾಗಿ ಸಂಬಂಧಹೊಂದಿದವು. ಕ್ರೇಸಿಯ ಕದನದಲ್ಲಿ (1346), ಕದನದ ನೇತೃತ್ವವನ್ನು ವಹಿಸಿಕೊಳ್ಳಲೆಂದು ಇಂಗ್ಲಂಡ್‌‌ನ IIIನೇ ಎಡ್ವರ್ಡ್‌ ತನ್ನ ಮಗನಾದ ಕಪ್ಪು ರಾಜಕುಮಾರ ಎಂದು ಹೆಸರಾಗಿದ್ದ ಎಡ್ವರ್ಡ್‌‌ನನ್ನು ಕಳಿಸಿಕೊಟ್ಟ; ಸೇನೆಗೆ ಹೆಚ್ಚು ಜನರನ್ನು ಸೇರಿಸಿಕೊಳ್ಳುವಂತೆ ಒತ್ತಾಯಿಸಿದಾಗ, "ಅವನ ಪ್ರೇರಣೆಗಳನ್ನು ಗೆಲ್ಲುವ ದೃಷ್ಟಿಯಿಂದ ಅವನನ್ನು ಸಹಿಸಿಕೊಳ್ಳಬೇಕೆಂದು ಅವರಿಗೆ ತಿಳಿಸು" ಎಂಬುದಾಗಿ ರಾಜ ಉತ್ತರಿಸಿದ. ಇಷ್ಟು ಹೊತ್ತಿಗೆ, ಪ್ರೇರಣೆಗಳು ಅಶ್ವಾರೋಹಿ ಸೈನಿಕ ಪದವಿಯ ಸಾಂಕೇತಿಕ ಸ್ವರೂಪವನ್ನು ಸ್ಪಷ್ಟವಾಗಿ ತಳೆದಿದ್ದವು. ವಿಶಿಷ್ಟವಾದ ಸಮವಸ್ತ್ರದ ಕೊರಳಸರವೂ ಸಹ ಅಶ್ವಾರೋಹಿ ಸೈನಿಕ ಪದವಿಯೊಂದಿಗೆ ನಿರ್ದಿಷ್ಟವಾಗಿ ಸಂಬಂಧಹೊಂದಿದೆ.

ಅಶ್ವಾರೋಹಿ ಸೈನಿಕ ಪದವಿಯ ದರ್ಜೆಗಳು

ಸೇನಾ–ಕ್ರೈಸ್ತ ಸನ್ಯಾಸಿ ದರ್ಜೆಗಳು

ಧರ್ಮಸೈನಿಕ ತಂಡದವರ ಮೊಹರು.

ನೈಟ್ಸ್‌ ಹಾಸ್ಪಿಟಲರ್: 1099ರ ಮೊದಲ ಧಾರ್ಮಿಕಯುದ್ಧದ ಅವಧಿಯಲ್ಲಿ ಇದು ಸಂಸ್ಥಾಪಿಸಲ್ಪಟ್ಟಿತು.
ಸೇಂಟ್‌ ಲಜಾರುಸ್‌ನ ದರ್ಜೆ: ಸುಮಾರು 1100ರ ಅವಧಿಯಲ್ಲಿ ಇದು ಸ್ಥಾಪಿಸಲ್ಪಟ್ಟಿತು.
ನೈಟ್ಸ್‌ ಟೆಂಪ್ಲರ್‌‌: ಇದು 1118ರಲ್ಲಿ ಸಂಸ್ಥಾಪಿಸಲ್ಪಟ್ಟಿತು, ಮತ್ತು 1307ರಲ್ಲಿ ವಿಸರ್ಜಿಸಲ್ಪಟ್ಟಿತು.
ಟ್ಯೂಟನಿಕ್‌ ನೈಟ್ಸ್‌ (ಟ್ಯೂಟನ್ನರ ಪಂಗಡದ ಅಶ್ವಾರೋಹಿ ಸೈನಿಕರು): ಇದು 1190ರ ಸುಮಾರಿಗೆ ಸ್ಥಾಪಿಸಲ್ಪಟ್ಟಿತು, ಮತ್ತು ಪ್ರಷ್ಯಾದಲ್ಲಿನ ಟ್ಯೂಟನ್ನರ ಅಶ್ವಾರೋಹಿ ಸೈನಿಕರ ಕ್ರೈಸ್ತ ಸನ್ಯಾಸಿ ಸಂಸ್ಥಾನವನ್ನು 1525ರವರೆಗೂ ಆಳಿತು.

ಪುಣ್ಯಭೂಮಿಯಲ್ಲಿನ ದರ್ಜೆಗಳ ಪ್ರಭಾವದ ಮತ್ತು ರೀಕಾನ್‌ಕ್ವಿಸ್ಟಾದ ಧಾರ್ಮಿಕಯೋಧ ಆಂದೋಲನದ ಅಡಿಯಲ್ಲಿ, ಪುರಾತನ ಐಬೀರಿಯಾದ ಪರ್ಯಾಯದ್ವೀಪದಲ್ಲಿ ಇತರ ದರ್ಜೆಗಳು ಸ್ಥಾಪಿಸಲ್ಪಟ್ಟವು. ಅವುಗಳೆಂದರೆ:

ಏವಿಝ್‌‌ನ ದರ್ಜೆ: ಇದು 1143ರಲ್ಲಿ ಏವಿಸ್‌‌‌‌ನಲ್ಲಿ ಸ್ಥಾಪಿಸಲ್ಪಟ್ಟಿತು.
ಆಲ್ಕಾಂಟಾರಾದ ದರ್ಜೆ: ಇದು 1156ರಲ್ಲಿ ಆಲ್ಕಾಂಟಾರಾದಲ್ಲಿ ಸ್ಥಾಪಿಸಲ್ಪಟ್ಟಿತು.
ಕ್ಯಾಲಾಟ್ರಾವಾದ ದರ್ಜೆ: ಇದು 1158ರಲ್ಲಿ ಕ್ಯಾಲಾಟ್ರಾವಾದಲ್ಲಿ ಸ್ಥಾಪಿಸಲ್ಪಟ್ಟಿತು.
ಸ್ಯಾಂಟಿಯಾಗೊದ ದರ್ಜೆ: ಇದು 1164ರಲ್ಲಿ ಸ್ಯಾಂಟಿಯಾಗೊದಲ್ಲಿ ಸ್ಥಾಪಿಸಲ್ಪಟ್ಟಿತು.

ಅಶ್ವದಳದ ದರ್ಜೆಗಳು

ಧಾರ್ಮಿಕಯುದ್ಧಗಳ ನಂತರ, ಸೇನಾ ದರ್ಜೆಗಳು ಆದರ್ಶೀಕರಿಸಲ್ಪಟ್ಟವು ಮತ್ತು ರಂಜನೀಯವಾಗಿಸಲ್ಪಟ್ಟವು; ಆ ಕಾಲದ ಅರ್ಥರ್‌‌ನ ಸಾಹಿತ್ಯಕೃತಿಗಳಲ್ಲಿ ಪ್ರತಿಬಿಂಬಿತವಾದಂತೆ, ಇದು ಮಧ್ಯಯುಗದ ಅಂತ್ಯದ ಅಶ್ವದಳದ ಅಭಿಮತವನ್ನು ಹೊರಹೊಮ್ಮಿಸಿತು. ಅಶ್ವದಳದ ದರ್ಜೆಗಳ ಸೃಷ್ಟಿಯು 14ನೇ ಮತ್ತು 15ನೇ ಶತಮಾನಗಳಲ್ಲಿನ ಶ್ರೀಮಂತ ವರ್ಗದವರ ನಡುವೆ ಸಂಪ್ರದಾಯಾನುಸಾರಿಯಾಯಿತು, ಮತ್ತು ಸ್ವತಃ ದರ್ಜೆ ಎಂಬ ಶಬ್ದವನ್ನು ಒಳಗೊಂಡಂತೆ, ಇದು ಸಮಕಾಲೀನ ಗೌರವಗಳ ಪದ್ಧತಿಗಳಲ್ಲಿ ಈಗಲೂ ಪ್ರತಿಬಿಂಬಿತವಾಗಿದೆ. ಅಶ್ವದಳದ ಗಮನಾರ್ಹ ದರ್ಜೆಗಳ ಉದಾಹರಣೆಗಳೆಂದರೆ:

ಸೇಂಟ್‌ ಜಾರ್ಜ್‌ನ ದರ್ಜೆ: ಇದು 1325/6ರ ಅವಧಿಯಲ್ಲಿ ಹಂಗರಿಯ Iನೇ ಚಾರ್ಲ್ಸ್‌‌‌ನಿಂದ ಸಂಸ್ಥಾಪಿಸಲ್ಪಟ್ಟಿತು.
ಗಾರ್ಟರ್‌‌ನ ದರ್ಜೆ‌: ಇದು 1348ರ ಸುಮಾರಿಗೆ ಇಂಗ್ಲಂಡ್‌‌ನ IIIನೇ ಎಡ್ವರ್ಡ್‌‌‌‌ನಿಂದ ಸಂಸ್ಥಾಪಿಸಲ್ಪಟ್ಟಿತು.
ಡ್ರ್ಯಾಗನ್‌‌ನ ದರ್ಜೆ: ಇದು 1408ರಲ್ಲಿ ಲಕ್ಷೆಂಬರ್ಗ್‌ನ ಸಿಗಿಸ್ಮಂಡ್‌ ರಾಜನಿಂದ ಸಂಸ್ಥಾಪಿಸಲ್ಪಟ್ಟಿತು.
ಗೋಲ್ಡನ್‌ ಫ್ಲೀಸ್‌ನ ದರ್ಜೆ: ಇದು 1430ರಲ್ಲಿ ಬರ್ಗಂಡಿಯ ಡ್ಯೂಕ್‌ ಆದ IIIನೇ ಫಿಲಿಪ್‌‌‌ನಿಂದ ಸಂಸ್ಥಾಪಿಸಲ್ಪಟ್ಟಿತು.
ಸೇಂಟ್‌ ಮೈಕೇಲ್‌ನ ದರ್ಜೆ: ಇದು 1469ರಲ್ಲಿ ಫ್ರಾನ್ಸ್‌‌ನ XIನೇ ಲೂಯಿಸ್‌‌‌ನಿಂದ ಸಂಸ್ಥಾಪಿಸಲ್ಪಟ್ಟಿತು.
ತಿಸಲ್‌ನ ದರ್ಜೆ‌‌: ಇದು 1687ರಲ್ಲಿ ಸ್ಕಾಟ್ಲೆಂಡ್‌ನ VIIನೇ ಜೇಮ್ಸ್‌‌ ರಾಜನಿಂದ (ಈತ ಇಂಗ್ಲಂಡ್‌‌ನ IIನೇ ಜೇಮ್ಸ್‌‌‌ ಎಂದೂ ಚಿರಪರಿಚಿತನಾಗಿದ್ದ) ಸಂಸ್ಥಾಪಿಸಲ್ಪಟ್ಟಿತು.
ಎಲಿಫೆಂಟ್‌ನ ದರ್ಜೆ: ಇದು ಡೆನ್ಮಾರ್ಕ್‌ನ Iನೇ ಕ್ರಿಶ್ಚಿಯನ್‌‌ನಿಂದ ಮೊದಲು ಸಂಸ್ಥಾಪಿಸಲ್ಪಟ್ಟಿರಬಹುದಾದರೂ, ಇದರ ಈಗಿನ ಸ್ವರೂಪವು 1693ರಲ್ಲಿ Vನೇ ಕ್ರಿಶ್ಚಿಯನ್ ರಾಜನಿಂದ ಸಂಸ್ಥಾಪಿಸಲ್ಪಟ್ಟಿತು.
ಬಾತ್‌‌ನ ದರ್ಜೆ: ಇದು 1725ರಲ್ಲಿ Iನೇ ಜಾರ್ಜ್‌‌‌ನಿಂದ ಸಂಸ್ಥಾಪಿಸಲ್ಪಟ್ಟಿತು.

ಕರ್ಮಾಚರಣೆ

ಹೆಚ್ಚು ಕಿರಿದಾದ ಅರ್ಥದಲ್ಲಿರುವ ಸೇನಾಸೇವೆ ಮತ್ತು ಅಶ್ವದಳಕ್ಕೆ ಸಂಬಂಧಿಸದ ರೀತಿಯಲ್ಲಿ, ಪ್ರತಿಷ್ಠೆ ಮತ್ತು ವಿಶೇಷ ಗೌರವವನ್ನು ದಯಪಾಲಿಸುವ ಒಂದು ವಿಧಾನವಾಗಿ, ಸರಿಸುಮಾರು 1560ರಿಂದ ಅಪ್ಪಟವಾಗಿ ಗೌರವಸೂಚಕವಾಗಿರುವ ದರ್ಜೆಗಳು ಸ್ಥಾಪಿಸಲ್ಪಟ್ಟವು. ಇಂಥ ದರ್ಜೆಗಳು ನಿರ್ದಿಷ್ಟವಾಗಿ 17ನೇ ಮತ್ತು 18ನೇ ಶತಮಾನಗಳಲ್ಲಿ ಜನಪ್ರಿಯವಾಗಿದ್ದವು, ಮತ್ತು ಹಲವಾರು ದೇಶಗಳಲ್ಲಿ ಅಶ್ವಾರೋಹಿ ಸೈನಿಕ ಪದವಿಯನ್ನು ಪ್ರದಾನ ಮಾಡುವ ಪರಿಪಾಠಗಳು ಮುಂದುವರಿದಿವೆ:

ಯುನೈಟೆಡ್‌ ಕಿಂಗ್‌ಡಂ (ನೋಡಿ: ಬ್ರಿಟಿಷ್‌ ಗೌರವಗಳ ಪದ್ಧತಿ) ಮತ್ತು ಕೆಲವೊಂದು ಕಾಮನ್‌ವೆಲ್ತ್‌ ಒಕ್ಕೂಟದ ದೇಶಗಳು;
ನೆದರ್ಲೆಂಡ್ಸ್‌ ತರಹದ ಕೆಲವೊಂದು ಐರೋಪ್ಯ ದೇಶಗಳು (ಕೆಳಗೆ ನೋಡಿ).
ಪೋಪನ ಆಸ್ಥಾನ — ನೋಡಿ: ಪೋಪ್‌ ಪ್ರಭುತ್ವದ ಅಶ್ವದಳದ ದರ್ಜೆಗಳು.

ಈ ಪರಿಪಾಠವನ್ನು ಅನುಸರಿಸುವಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿರುವ ಇತರ ರಾಜಪ್ರಭುತ್ವಗಳು ಮತ್ತು ಗಣರಾಜ್ಯಗಳೂ ಸಹ ಅಸ್ತಿತ್ವದಲ್ಲಿವೆ. ವಿಶಿಷ್ಟವೆಂಬಂತೆ, ಸಮಾಜಕ್ಕೆ ನೀಡಲ್ಪಟ್ಟ ಸೇವೆಗಳಿಗೆ ಸಂಬಂಧಿಸಿದ ಮಾನ್ಯತೆಗಳಾಗಿ ಆಧುನಿಕ ನೈಟ್‌ಹುಡ್‌ ಪದವಿಗಳು ನೀಡಲ್ಪಟ್ಟಿವೆ: ಇಂಥ ಸೇವೆಗಳು ಅವಶ್ಯವಾಗಿ ಯುದ್ಧೋಚಿತ ಸ್ವರೂಪವನ್ನು ಹೊಂದಿರಬೇಕು ಎಂದೇನೂ ಇಲ್ಲ ಎಂಬುದು ಗಮನಾರ್ಹ ಅಂಶ. ಉದಾಹರಣೆಗೆ, ಬ್ರಿಟಿಷ್‌ ಸಂಗೀತಗಾರನಾದ ಎಲ್ಟನ್‌‌ ಜಾನ್‌, ಓರ್ವ ನೈಟ್‌ ಬ್ಯಾಚಲರ್‌‌ ಪದವಿ ಪುರಸ್ಕೃತನಾಗಿದ್ದು, ಸರ್‌‌ ಎಲ್ಟನ್‌‌ ಎಂಬುದಾಗಿ ಕರೆಯಲ್ಪಡುವ ಹಕ್ಕನ್ನು ಹೊಂದಿದ್ದಾನೆ. ಡೇಮ್‌‌ ಎಂಬುದು ಇದರ ಸ್ತ್ರೀ ಸಮಾನಾರ್ಥಕ ಪದವಾಗಿದೆ. ಬ್ರಿಟಿಷ್‌ ಗೌರವಗಳ ಪದ್ಧತಿಯಲ್ಲಿ, ಅಶ್ವಾರೋಹಿ ಸೈನಿಕ ಸದೃಶ ಶೈಲಿಯಾದ ಸರ್‌‌ ಎಂಬುದಕ್ಕೆ, ನೀಡಲ್ಪಟ್ಟ ಹೆಸರು ಜತೆಗೂಡುತ್ತದೆ, ಮತ್ತು ಉಪನಾಮವು ಐಚ್ಛಿಕವಾಗಿ ಜತೆಗೂಡುತ್ತದೆ. ಹೀಗಾಗಿ, ಎಲ್ಟನ್‌‌ ಜಾನ್‌ನ್ನು, ಸರ್‌‌ ಎಲ್ಟನ್‌‌ ಅಥವಾ ಸರ್‌‌ ಎಲ್ಟನ್‌‌ ಜಾನ್‌ ಎಂದು ಕರೆಯಬಹುದೇ ವಿನಃ, ಸರ್‌‌ ಜಾನ್‌ ಎಂಬುದಾಗಿ ಎಂದಿಗೂ ಕರೆಯುವಂತಿಲ್ಲ. ಅದೇ ರೀತಿಯಲ್ಲಿ, ನಟಿ ಜೂಡಿ ಡೆಂಚ್‌ DBEನ್ನು ಡೇಮ್‌‌ ಜೂಡಿ ಅಥವಾ ಡೇಮ್‌‌ ಜೂಡಿ ಡೆಂಚ್‌ ಎಂಬುದಾಗಿ ಸಂಬೋಧಿಸಬಹುದೇ ಹೊರತು, ಡೇಮ್‌‌ ಡೆಂಚ್‌ ಎಂಬುದಾಗಿ ಎಂದಿಗೂ ಸಂಬೋಧಿಸುವಂತಿಲ್ಲ. ಆದಾಗ್ಯೂ, ಅಶ್ವಾರೋಹಿ ಸೈನಿಕರ ಪತ್ನಿಯರನ್ನು, ಅವರ ಪತಿಯ ಉಪನಾಮಕ್ಕೆ ಮುಂಚಿತವಾಗಿ "ಲೇಡಿ" ಎಂಬ ಗೌರವಸೂಚಕವನ್ನು ಸೇರಿಸಿ ಸಂಬೋಧಿಸಲಾಗುತ್ತದೆ. ಹೀಗಾಗಿ, ಸರ್‌‌ ಪಾಲ್‌ ಮೆಕ್‌ಕಾರ್ಟ್‌ನೆಯ ಮಾಜಿ-ಹೆಂಡತಿಯ ಔಪಚಾರಿಕ ಶೈಲಿಯು ಲೇಡಿ ಮೆಕ್‌ಕಾರ್ಟ್‌ನೆ ಎಂದಿರುತ್ತದೆ (ಲೇಡಿ ಪಾಲ್‌ ಮೆಕ್‌ಕಾರ್ಟ್‌ನೆ ಅಥವಾ ಲೇಡಿ ಹೀದರ್‌ ಮೆಕ್‌ಕಾರ್ಟ್‌ನೆ ಎಂಬುದಾಗಿ ಅಲ್ಲ). ಡೇಮ್‌‌ ಹೀದರ್‌ ಮೆಕ್‌ಕಾರ್ಟ್‌ನೆ ಎಂಬ ಶೈಲಿಯನ್ನು ಅಶ್ವಾರೋಹಿ ಸೈನಿಕನೋರ್ವನ ಹೆಂಡತಿಗೆ ಸಂಬಂಧಿಸಿದಂತೆ ಬಳಸಬಹುದು; ಆದಾಗ್ಯೂ, ಈ ಶೈಲಿಯು ಬಹುಮಟ್ಟಿಗೆ ಪ್ರಾಚೀನವಾಗಿದೆ ಮತ್ತು ಅತ್ಯಂತ ಔಪಚಾರಿಕವಾದ ದಸ್ತಾವೇಜುಗಳಲ್ಲಿ ಮಾತ್ರವೇ ಇದನ್ನು ಬಳಸಲಾಗುತ್ತದೆ, ಅಥವಾ ಹೆಂಡತಿಯು ತನ್ನ ಸ್ವಂತದ ಹಕ್ಕಿನಿಂದ ಓರ್ವ ಡೇಮ್‌ ಆಗಿರುವ ಸಂದರ್ಭದಲ್ಲಿ (ಡೇಮ್‌‌ ನೋರ್ಮಾ ಮೇಜರ್‌‌ ರೀತಿಯಲ್ಲಿ; ಈಕೆಯು ತನ್ನ ಪತಿಯಾದ ಸರ್‌‌ ಜಾನ್‌ ಮೇಜರ್‌‌ ಎಂಬಾತ ನೈಟ್‌ ಪದವಿಯನ್ನು ಸ್ವೀಕರಿಸುವುದಕ್ಕೆ ಆರು ವರ್ಷಗಳಷ್ಟು ಮುಂಚಿತವಾಗಿ ತನ್ನ ಬಿರುದನ್ನು ಗಳಿಸಿಕೊಂಡಿದ್ದಳು) ಇದನ್ನು ಬಳಸಲಾಗುತ್ತದೆ. ಡೇಮ್‌ಗಳ ಗಂಡಂದಿರಿಗೆ ಯಾವುದೇ ಗೌರವಸೂಚಕವಿರುವುದಿಲ್ಲ; ಆದ್ದರಿಂದ ಡೇಮ್‌‌ ನೋರ್ಮಾಳ ಪತಿಯು ತನ್ನದೇ ಆದ ನೈಟ್‌ ಪದವಿಯನ್ನು ತಾನು ಸ್ವೀಕರಿಸುವವರೆಗೂ, ಜಾನ್‌ ಮೇಜರ್‌‌ ಆಗಿಯೇ ಉಳಿದುಕೊಂಡ. VIIನೇ ಎಡ್ವರ್ಡ್‌‌‌‌ನ ಆಳ್ವಿಕೆಯ ಕಾಲದಿಂದ, ಇಂಗ್ಲಂಡ್‌‌ನ ಚರ್ಚಿನಲ್ಲಿನ ಅಥವಾ ಮತ್ತೊಂದು ಆಂಗ್ಲಿಕನ್‌‌ ಚರ್ಚಿನಲ್ಲಿನ ಓರ್ವ ಉನ್ನತಾಧಿಕಾರಿ ವರ್ಗಗಳಲ್ಲಿನ ಗುಮಾಸ್ತನು, ಒಂದು ನೈಟ್‌ ಪದವಿಯ ಅಂತಸ್ತಿಗೆ ನೇಮಿಸಲ್ಪಟ್ಟಿರುವುದಕ್ಕೆ ಸಂಬಂಧಿಸಿದ ಪ್ರಶಸ್ತಿಯನ್ನು ಸಾಮಾನ್ಯವಾಗಿ ಯಾವತ್ತೂ ಸ್ವೀಕರಿಸಿಲ್ಲ. ತನ್ನ ಗೌರವಕ್ಕೆ ಸಂಬಂಧಿಸಿದ ವಿಶಿಷ್ಟ ಚಿಹ್ನೆಗಳನ್ನು ಅವನು ಸ್ವೀಕರಿಸುತ್ತಾನೆ ಮತ್ತು ತನ್ನ ಹೆಸರು ಅಥವಾ ಬಿರುದಿನ ನಂತರ ಸೂಕ್ತ ಅಕ್ಷರಗಳನ್ನು ಅವನು ಇರಿಸಿಕೊಳ್ಳಬಹುದು, ಆದರೆ ಅವನು ಸರ್‌‌ ಎಂಬುದಾಗಿ ಕರೆಯಲ್ಪಡದಿರಬಹುದು ಮತ್ತು ಅವನ ಹೆಂಡತಿಯು ಲೇಡಿ ಎಂಬುದಾಗಿ ಕರೆಯಲ್ಪಡದಿರಬಹುದು. ನಿವೃತ್ತ ರೆವರೆಂಡ್‌ ಆದ ಗೌರವಾನ್ವಿತ ಸರ್‌‌ ಪಾಲ್‌ ರೀವ್ಸ್‌‌, ಪ್ರಶಸ್ತಿಯನ್ನು ಸ್ವೀಕರಿಸಿದರು ಮತ್ತು ಅವರನ್ನು ಸರ್‌ ಎಂಬುದಾಗಿ ಸರಿಯಾಗಿ ಕರೆಯಲಾಗುತ್ತದೆ, ಆದರೆ ಈ ಸನ್ನಿವೇಶವು ಹೇಗೆ ಉದ್ಭವವಾಯಿತು ಎಂಬುದಿನ್ನೂ ಸ್ಪಷ್ಟವಾಗಿಲ್ಲ. ಇತರ ಕ್ರೈಸ್ತ ಚರ್ಚುಗಳ ಮೇಲಧಿಕಾರಿಗಳು ಪ್ರಶಸ್ತಿಯನ್ನು ಸ್ವೀಕರಿಸುವ ಅಧಿಕಾರವನ್ನು ಪಡೆದಿದ್ದಾರೆ. ಉದಾಹರಣೆಗೆ, ಘನತೆವೆತ್ತ ಸರ್‌‌ ನೋರ್ಮಾನ್‌‌ ಕಾರ್ಡಿನಲ್‌‌ ಗಿಲೋರಿ, 1969ರಲ್ಲಿ ಬ್ರಿಟಿಷ್‌ ಸಾಮ್ರಾಜ್ಯದ ಅತ್ಯುತ್ಕೃಷ್ಟ ದರ್ಜೆಯ ನೈಟ್‌ ಕಮಾಂಡರ್‌‌ ಆಗಿ ನೇಮಕಗೊಂಡಾಗ, ಪ್ರಶಸ್ತಿಯನ್ನು ಸ್ವೀಕರಿಸಿದರು. ತರುವಾಯದಲ್ಲಿ ಪಾದ್ರಿಯ ಸ್ಥಾನಕ್ಕೆ ವಿಧಿವತ್ತಾಗಿ ನೇಮಿಸಲ್ಪಟ್ಟ ಓರ್ವ ನೈಟ್‌ ಪದವಿ ಪುರಸ್ಕೃತ ವ್ಯಕ್ತಿಯು, ತನ್ನ ಬಿರುದನ್ನು ಕಳೆದುಕೊಳ್ಳುವುದಿಲ್ಲ. ರೆವರೆಂಡ್‌ ಸರ್‌‌ ಡೆರೆಕ್‌‌ ಪ್ಯಾಟಿನ್‌ಸನ್‌ ಎಂಬಾತ ಇಂಥ ಸನ್ನಿವೇಶಕ್ಕೆ ಸಂಬಂಧಿಸಿದ ಒಂದು ಪ್ರಸಿದ್ಧ ಉದಾಹರಣೆಯಾಗಿದ್ದಾನೆ. ಈತನು ನೈಟ್‌ ಬ್ಯಾಚಲರ್‌‌ ಆಗಿ ನೇಮಿಸಲ್ಪಟ್ಟ ಕೇವಲ ಒಂದು ವರ್ಷದ ನಂತರ ಪಾದ್ರಿಯ ಸ್ಥಾನಕ್ಕೆ ವಿಧಿವತ್ತಾಗಿ ನೇಮಿಸಲ್ಪಟ್ಟ; ಒಂದು ರೀತಿಯಲ್ಲಿ ಇದು ಬಕಿಂಗ್‌‌ಹ್ಯಾಂ ಅರಮನೆಯಲ್ಲಿನ ಅಧಿಕಾರಿಗಳಿಗೆ ಸ್ಪಷ್ಟವಾಗಿ ದಿಗಿಲು ಹುಟ್ಟಿಸುವಂತಿತ್ತು.^[೧೩] ಬೇರಾವುದೇ ಮಹಿಳೆಯು ನೇಮಿಸಲ್ಪಡುವುದನ್ನು ಕರಾರುವಾಕ್ಕಾಗಿ ಹೋಲುವ ರೀತಿಯಲ್ಲಿಯೇ, ಉನ್ನತಾಧಿಕಾರಿ ವರ್ಗಗಳಲ್ಲಿನ ಗುಮಾಸ್ತೆಯೊಬ್ಬಳು ಓರ್ವ ಡೇಮ್‌‌ ಆಗಿ ನೇಮಿಸಲ್ಪಡಬಹುದು; ಏಕೆಂದರೆ, ಸದರಿ ಗೌರವಕ್ಕೆ ಯಾವುದೇ ಸೇನಾ ಅಧಿಕಾರ್ಥತೆಗಳು ಲಗತ್ತಿಸಲ್ಪಟ್ಟಿರುವುದಿಲ್ಲ. ಓರ್ವ ಬ್ಯಾರನೆಟ್‌ ಆಗಿರುವ ಉನ್ನತಾಧಿಕಾರಿ ವರ್ಗಗಳಲ್ಲಿನ ಓರ್ವ ಗುಮಾಸ್ತನು, ಸರ್ ಎಂಬ ಬಿರುದನ್ನು ಬಳಸುವ ಅಧಿಕಾರವನ್ನು ಹೊಂದಿರುತ್ತಾನೆ. ಬ್ರಿಟಿಷ್‌ ಗೌರವಗಳ ಪದ್ಧತಿಯ ಆಚೆಗೆ, ನೈಟ್‌ ಪದವಿ ಪಡೆದ ಓರ್ವ ವ್ಯಕ್ತಿಯನ್ನು 'ಸರ್‌‌' ಅಥವಾ 'ಡೇಮ್‌‌' ಎಂದು ಸಂಬೋಧಿಸುವುದು ಸರಿಯಿಲ್ಲದ ಪರಿಪಾಠ ಎಂದು ಸಾಮಾನ್ಯವಾಗಿ ಪರಿಗಣಿಸಲ್ಪಟ್ಟಿದೆ. ಆದಾಗ್ಯೂ, ಅಶ್ವಾರೋಹಿ ಸೈನಿಕರಿಗೆ ಸಂಬಂಧಪಟ್ಟಂತೆ ಕೆಲವೊಂದು ದೇಶಗಳು ಐತಿಹಾಸಿಕವಾಗಿ ಸಮಾನಾರ್ಥಕ ಗೌರವಸೂಚಕಗಳನ್ನು ಹೊಂದಿದ್ದವು ; ಇಟಲಿಯಲ್ಲಿನ ಕ್ಯಾವಲಿಯರೆ (ಉದಾಹರಣೆಗೆ: ಕ್ಯಾವಲಿಯರೆ ಬೆನಿಟೊ ಮುಸ್ಸೊಲಿನಿ), ಮತ್ತು ಜರ್ಮನಿ ಹಾಗೂ ಆಸ್ಟ್ರೋ-ಹಂಗರಿಯ ಸಾಮ್ರಾಜ್ಯದಲ್ಲಿನ ರಿಟ್ಟರ್‌‌‌ (ಉದಾಹರಣೆಗೆ: ಜಾರ್ಜ್‌ ರಿಟ್ಟರ್‌‌‌ ವಾನ್‌ ಟ್ರಾಪ್‌ ) ಅಂಥ ಕೆಲವು ನಿದರ್ಶನಗಳಾಗಿವೆ. ನೆದರ್ಲೆಂಡ್ಸ್‌ನಲ್ಲಿನ ಸಂಸ್ಥಾನದ ನೈಟ್‌ ಪದವಿಗಳನ್ನು ಮೂರು ದರ್ಜೆಗಳಲ್ಲಿ ನೀಡಲಾಗುತ್ತದೆ. ಅವುಗಳೆಂದರೆ: ವಿಲಿಯಂನ ದರ್ಜೆ, ನೆದರ್ಲೆಂಡ್ಸ್‌ ಲಯನ್‌‌ನ ದರ್ಜೆ, ಮತ್ತು ಆರೇಂಜ್‌ ನಸ್ಸಾವುನ ದರ್ಜೆ. ಇದರ ಜೊತೆಗೆ, ನೆದರ್ಲೆಂಡ್ಸ್‌ನಲ್ಲಿ ಒಂದಷ್ಟು ಪರಂಪರಾಗತ ಅಶ್ವಾರೋಹಿ ಸೈನಿಕರು ಉಳಿದುಕೊಂಡಿದ್ದಾರೆ. ಫ್ರಾನ್ಸ್‌‌‌‌‌‌ನಲ್ಲಿರುವ ಇತರ ದರ್ಜೆಗಳ ಪೈಕಿ ಲೆಗಿಯನ್‌ ಡಿ'ಹೋನಿಯರ್‌, ಆರ್ಡ್ರೆ ನ್ಯಾಷನಲ್‌ ಡು ಮೆರಿಟೆ, ಆರ್ಡ್ರೆ ಡೆಸ್‌ ಪಾಮೆಸ್‌ ಅಕಾಡೆಮಿಕ್ಸ್‌ ಮತ್ತು ಆರ್ಡ್ರೆ ಡೆಸ್‌ ಆರ್ಟ್ಸ್‌ ಎಟ್‌ ಡೆಸ್‌ ಲೆಟ್ರೆಸ್‌ ಸೇರಿಕೊಂಡಿವೆ. ಷೆವಲಿಯರ್‌‌‌‌ ಎಂಬುದು ಈ ದರ್ಜೆಗಳಿಂದ ದಯಪಾಲಿಸಲ್ಪಡುವ ಶ್ರೇಣಿಗಳಲ್ಲಿ ಅತ್ಯಂತ ಕೆಳಗಿನದಾಗಿದ್ದು, ಅಶ್ವಾರೋಹಿ ಸೈನಿಕ ಎಂಬ ಅರ್ಥವನ್ನು ಅದು ನೀಡುತ್ತದೆ. ಪೋಲಿಷ್‌-ಲಿಥುವೇನಿಯಾದ ಕಾಮನ್‌ವೆಲ್ತ್‌ ಒಕ್ಕೂಟದಲ್ಲಿ ಅಶ್ವದಳದ ದರ್ಜೆಗಳನ್ನು ಸ್ಥಾಪಿಸಲು ಸಾರ್ವಭೌಮರು ಪ್ರಯತ್ನಿಸಿದರಾದರೂ, ಒಕ್ಕೂಟವನ್ನು ನಿಯಂತ್ರಿಸಿದ ಪರಂಪರಾಗತ ಧಣಿಗಳು ಇದಕ್ಕೆ ಸಮ್ಮತಿಸಲಿಲ್ಲ ಮತ್ತು ಇಂಥಾ ಜಮಾವಣೆಗಳನ್ನು ನಿಷೇಧಿಸುವಲ್ಲಿ ಅವರು ಯಶಸ್ವಿಯಾದರು. ರಾಜನು ತನ್ನ ನಿರಂಕುಶವಾದಿ ಗುರಿಗಳಿಗೆ ಸಂಬಂಧಿಸಿದಂತೆ ಬೆಂಬಲವನ್ನು ಗಳಿಸಲು ಮತ್ತು ಪಿಯರುಗಳ ವರ್ಗದ ನಡುವೆ ಔಪಚಾರಿಕವಾದ ವಿಶೇಷ ಗೌರವಗಳನ್ನು ಮಾಡಲು ಸದರಿ ದರ್ಜೆಗಳನ್ನು ಉಪಯೋಗಿಸಿಕೊಳ್ಳುತ್ತಾನೆ; ಇದು ಎರಡು ಪ್ರತ್ಯೇಕ ವರ್ಗಗಳಾಗಿ ತನ್ನ ನ್ಯಾಯಸಮ್ಮತ ವಿಘಟನೆಯಾಗುವುದಕ್ಕೆ ಕಾರಣವಾಗುತ್ತದೆ ಎಂಬುದು ಅವರ ಭಯವಾಗಿತ್ತು. ಅಷ್ಟೇ ಅಲ್ಲ, ನಂತರದ ಅವಧಿಯಲ್ಲಿ ರಾಜನು ಒಬ್ಬರ ಎದುರಿಗೆ ಮತ್ತೊಬ್ಬರನ್ನು ಮುಖಾಮುಖಿಯಾಗಿಸಿ, ಅಂತಿಮವಾಗಿ ಪರಂಪರಾಗತ ಕುಲೀನತೆಯ ನ್ಯಾಯಸಮ್ಮತ ಹಕ್ಕುಗಳನ್ನು ಸೀಮಿತಗೊಳಿಸುತ್ತಾನೆ ಎಂಬುದೂ ಅವರ ಭಯಕ್ಕೆ ಕಾರಣವಾಗಿತ್ತು. ಆದರೆ, 1705ರಲ್ಲಿ ಅಂತಿಮವಾಗಿ ವೈಟ್‌ ಈಗಲ್‌‌ನ ದರ್ಜೆಯನ್ನು ಸ್ಥಾಪಿಸುವಲ್ಲಿ IIನೇ ಆಗಸ್ಟ್‌ ರಾಜನು ಯಶಸ್ವಿಯಾದ; ಇದು ಪೋಲೆಂಡ್‌ನ ಆ ವರ್ಗದಲ್ಲಿನ ಅತ್ಯಂತ ಪ್ರತಿಷ್ಠಿತ ದರ್ಜೆಯಾಗಿ ಉಳಿದುಕೊಂಡಿದೆ. ಸಂಸ್ಥಾನದ ಮುಖ್ಯಸ್ಥನು (ಈಗ ಅಧ್ಯಕ್ಷನು ಕಾರ್ಯನಿರತ ಗ್ರಾಂಡ್‌ ಮಾಸ್ಟರ್‌‌ ಆಗಿ) ನೈಟ್‌ ದರ್ಜೆಯ ಪದವಿಗಳನ್ನು ವಿಖ್ಯಾತ ನಾಗರಿಕರು, ವಿದೇಶಿ ಸಾರ್ವಭೌಮರು ಮತ್ತು ಸಂಸ್ಥಾನದ ಇತರ ಮುಖ್ಯಸ್ಥರಿಗೆ ದಯಪಾಲಿಸುತ್ತಾನೆ. ಸದರಿ ದರ್ಜೆಯು ತನ್ನದೇ ಆದ ಶಾಸನವನ್ನು ಹೊಂದಿದೆ. ಐತಿಹಾಸಿಕವಾಗಿ ಇದರ ಎಲ್ಲಾ (ಅಥವಾ ಕನಿಷ್ಟಪಕ್ಷ ಬಹುಪಾಲು) ಸದಸ್ಯರು ರಾಜವಂಶದವರು ಅಥವಾ ಪರಂಪರಾಗತ ಧಣಿಗಳಾಗಿರುವುದರಿಂದ, ಓರ್ವ ನೈಟ್‌ ಪದವಿ ಪುರಸ್ಕೃತನ ಹೆಸರಿಗೆ ಜತೆಗೂಡುವ ಯಾವುದೇ ನಿರ್ದಿಷ್ಟ ಗೌರವಸೂಚಕಗಳು ಅಲ್ಲಿ ಕಂಡುಬರುವುದಿಲ್ಲ. ಹೀಗಾಗಿ ಇಂದು, ಓರ್ವ ನೈಟ್‌ ಪದವಿ ಪುರಸ್ಕೃತನನ್ನು, "ಹೆಸರು ಉಪನಾಮ, ವೈಟ್‌ ಈಗಲ್‌‌ ದರ್ಜೆಯ ನೈಟ್‌" ಎಂಬುದಾಗಿ ಸರಳವಾಗಿ ಉಲ್ಲೇಖಿಸಲಾಗುತ್ತದೆ.

ಗ್ರೇಟ್‌ ಬ್ರಿಟನ್‌ ಮತ್ತು ಐರ್ಲೆಂಡ್‌ನಲ್ಲಿನ ಪರಂಪರಾಗತ ನೈಟ್‌ ಪದವಿಗಳು

ಆದಾಗ್ಯೂ^{[ಸೂಕ್ತ ಉಲ್ಲೇಖನ ಬೇಕು]}, ಬ್ರಿಟಿಷ್‌ ಕಿರುದ್ವೀಪಗಳಲ್ಲಿ ಪರಂಪರಾಗತ ನೈಟ್‌ ಪದವಿಯ ಕುರಿತಾದ ನೆಪೋಲಿಯನ್ನನ ಯೋಜನೆಯ ಕುರುಹುಗಳು ಕಂಡುಬರುತ್ತವೆ. ಈ ಕೆಳಗೆ ನೀಡಿರುವ ಎಲ್ಲಾ ಮೂರು ಪದವಿಗಳೂ ಗಮನಾರ್ಹವಾಗಿ ವೆಲ್ಷ್‌‌-ನೋರ್ಮಾನ್‌‌ ಫಿಟ್ಜ್‌ಜೆರಾಲ್ಡ್‌‌ ರಾಜವಂಶಕ್ಕೆ ಸೇರುತ್ತವೆ; ಅರ್ಲ್‌ಗಳ ಪ್ಯಾಲಟೀನ್‌‌ ಆಗಿ ಕಾರ್ಯನಿರತರಾಗಿರುವ ಡೆಸ್ಮಂಡ್‌ನ ಅರ್ಲ್‌ಗಳಿಂದ ಇವು ಸೃಷ್ಟಿಸಲ್ಪಟ್ಟಿದ್ದು, ಅವರ ರಕ್ತಸಂಬಂಧಿಗಳಿಗಾಗಿ ಮೀಸಲಾಗಿವೆ.

ಕೆರ್ರಿಯ ನೈಟ್ ಅಥವಾ ಗ್ರೀನ್‌ ನೈಟ್‌ (ಕೆರ್ರಿಯ ಫಿಟ್ಜ್‌ಜೆರಾಲ್ಡ್‌‌): ಸರ್‌‌ ಏಡ್ರಿಯಾನ್‌ ಫಿಟ್ಜ್‌ಜೆರಾಲ್ಡ್‌‌ ಎಂಬಾದ ಸದ್ಯಕ್ಕೆ ಇದನ್ನು ಪಡೆದುಕೊಂಡಿದ್ದಾನೆ. ಈತ ವೇಲೆನ್ಸಿಯಾದ 6ನೇ ಬ್ಯಾರನೆಟ್‌, ಕೆರ್ರಿಯ 24ನೇ ನೈಟ್‌ ಎಂಬುದು ಗಮನಾರ್ಹ. ಈತ ಓರ್ವ ಮಾಲ್ಟಾದ ನೈಟ್‌ ಕೂಡಾ ಆಗಿದ್ದಾನೆ, ಮತ್ತು ಪ್ರಸಕ್ತವಾಗಿ ಮಾಲ್ಟಾದ ಸೋವಿಯೆಟ್‌ ಸೇನಾ ದರ್ಜೆಯ ಐರಿಷ್‌ ಸಂಘದ ಅಧ್ಯಕ್ಷನಾಗಿದ್ದಾನೆ.
ಗ್ಲಿನ್‌ನ ನೈಟ್‌ ಅಥವಾ ಬ್ಲ್ಯಾಕ್‌ ನೈಟ್‌ (ಲಿಮರಿಕ್‌ನ ಫಿಟ್ಜ್‌ಜೆರಾಲ್ಡ್‌‌): ಗ್ಲಿನ್‌ನ 29ನೇ ನೈಟ್‌ ಆಗಿರುವ‌ ಡೆಸ್ಮಂಡ್‌ ಫಿಟ್ಜ್‌ಜೆರಾಲ್ಡ್‌‌ ಎಂಬಾತ ಸದ್ಯಕ್ಕೆ ಇದನ್ನು ಪಡೆದುಕೊಂಡಿದ್ದಾನೆ.
ವೈಟ್ ನೈಟ್‌ (ನೋಡಿ: ಎಡ್ಮಂಡ್‌ ಫಿಟ್ಜ್‌ಗಿಬ್ಬಾನ್‌) — ಈಗ ಇದು ಕಾರ್ಯರೂಪದಲ್ಲಿಲ್ಲ.

ಒ'ಷೌಘನೆಸ್ಸೆಗಳದ್ದು ಮತ್ತೊಂದು ಐರಿಷ್‌ ಕುಟುಂಬವಾಗಿತ್ತು; ಶರಣಾಗುವಿಕೆ ಮತ್ತು ಮರುಮಂಜೂರಾತಿಯ ^[೧೪] (ಇದು ಇಂಗ್ಲಂಡ್‌‌ನ VIIIನೇ ಹೆನ್ರಿಯಿಂದ ಮೊದಲು ಸ್ಥಾಪಿಸಲ್ಪಟ್ಟಿತು) ಕಾರ್ಯನೀತಿಯ ಅಡಿಯಲ್ಲಿ 1553ರಲ್ಲಿ ಈ ಕುಟುಂಬದವರಿಗೆ ನೈಟ್‌ ಪದವಿಗಳನ್ನು ನೀಡಲಾಯಿತು. 1611ರಿಂದಲೂ, ಬ್ರಿಟಿಷ್‌ ಸಿಂಹಾಸನವು ಬ್ಯಾರನೆಟ್‌ ಪದವಿಯ ರೂಪದಲ್ಲಿ ಒಂದು ಪರಂಪರಾಗತ ಬಿರುದನ್ನು ನೀಡುತ್ತಾ ಬಂದಿದೆ. ನೈಟ್‌ಗಳ ರೀತಿಯಲ್ಲಿ, ಬ್ಯಾರನೆಟ್‌ಗಳಿಗೆ ಸರ್‌‌ ಎಂಬ ಬಿರುದನ್ನು ಪ್ರದಾನಮಾಡಲಾಗುತ್ತದೆ. ಬ್ಯಾರನೆಟ್‌ಗಳು ಈ ಕ್ಷೇತ್ರದ ಸಮಾನ ಸ್ಕಂಧರಲ್ಲ ಮತ್ತು ಶ್ರೀಮಂತ ಶಾಸನಸಭೆಯು ಒಂದು ಪರಂಪರಾಗತ ಶಾಸನಸಭೆಯಾಗಿದ್ದಾಗ ಅದರಲ್ಲಿ ಅವರು ಸ್ಥಾನಗಿಟ್ಟಿಸಲಿಲ್ಲ; ಆದ್ದರಿಂದ, ನೈಟ್‌ ಪದವಿ ಪಡೆದವರ ರೀತಿಯಲ್ಲಿಯೇ ಅವರೂ ಸಹ ಬ್ರಿಟಿಷ್‌ ಕುಲೀನತೆಯ ಪದ್ಧತಿಯ ದೃಷ್ಟಿಯಲ್ಲಿ ಶ್ರೀಸಾಮಾನ್ಯರ ಹಾಗೆ ಉಳಿದುಕೊಂಡರು. ಆದಾಗ್ಯೂ, ನೈಟ್‌ಗಿಂತ ಭಿನ್ನವಾಗಿ, ಈ ಬಿರುದು ಪರಂಪರಾಗತವಾಗಿದೆ ಮತ್ತು ಇದನ್ನು ಪಡೆದವರು ಒಂದು ಪ್ರಶಸ್ತಿಯನ್ನು ಸ್ವೀಕರಿಸುವುದಿಲ್ಲ. ಆದ್ದರಿಂದ ಈ ಸ್ಥಾನವನ್ನು, ಅಶ್ವದಳದ ಬ್ರಿಟಿಷ್‌ ದರ್ಜೆಗಳ ಅಡಿಯಲ್ಲಿನ ನೈಟ್‌ ಪದವಿಗಳೊಂದಿಗೆ ಹೋಲಿಸುವುದಕ್ಕಿಂತ ಹೆಚ್ಚಾಗಿ, ರಿಟ್ಟರ್‌‌‌ ನಂಥ ಭೂಖಂಡದ ಕುಲೀನತೆಯ ಐರೋಪ್ಯ ದರ್ಜೆಗಳಲ್ಲಿನ ಪರಂಪರಾಗತ ನೈಟ್‌ ಪದವಿಗಳೊಂದಿಗೆ ಹೆಚ್ಚು ಹೋಲಿಸಬಹುದು.

ಇವನ್ನೂ ನೋಡಿ

ಪ್ರಶಸ್ತಿ ದಾನವಿಧಿ
ಬ್ರಿಟಿಷ್ ಗೌರವಾರ್ಪಣೆಗಳ ಪದ್ಧತಿ
ಅಶ್ವದಳದ ದರ್ಜೆಗಳು
ಕದನ ಕುದುರೆ
ಭಾರೀ ಅಶ್ವಸೈನ್ಯ
ಅಶ್ವಾರೋಹಿ ಸೈನಿಕ ಸದೃಶ ಗುಣಗಳು
ಅಶ್ವಾರೋಹಿ ಸೈನಿಕ-ಸಂಚಾರಿ
ಕುಲೀನತೆ
ಅಶ್ವದಳದ ಪೋಪ್‌ ಪ್ರಭುತ್ವದ ದರ್ಜೆಗಳು

ಹೋಲಿಕೆಯ ಪರಿಕಲ್ಪನೆಗಳು:

ಬೊಗಾಟಿರ್‌‌, ಅಥವಾ ವಿಟಿಯಾಜ್‌ , ಕೀವನ್‌ ರುಸ್‌ನ ಅಶ್ವಾರೋಹಿ ಸೈನಿಕ-ಸಂಚಾರಿ
ಕ್ಯಾಟಫ್ರಾಕ್ಟ್‌‌: ಒಂದು ಪ್ರಾಚೀನ ಭಾರೀ ಅಶ್ವಸೈನ್ಯ
ಹ್ವಾರಂಗ್‌: ಕೊರಿಯಾದ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ಹಿಡಾಲ್ಗೊ: ಸ್ಪೇನಿನ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ಸಿಪಾಹಿ: ಟರ್ಕಿಷ್‌ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ಕ್ಷತ್ರಿಯ: ಭಾರತದ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ಮ್ಯಾಮ್ಲಕ್‌: ಮಧ್ಯಪ್ರಾಚ್ಯದ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ನೋಕರ್‌‌: ಮಂಗೋಲ್‌ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
‌‌ಸಮುರಾಯ್: ಜಪಾನೀ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ
ಯೌಕ್ಸಿಯಾ: ಚೀನೀ ಇತಿಹಾಸದಲ್ಲಿನ ಇದೇ ರೀತಿಯ ಒಂದು ವರ್ಗ

ಟಿಪ್ಪಣಿಗಳು

↑ ಎಡ್ಜ್‌ (1988), ಪುಟ 6.
↑ ^೨.೦ ^೨.೧ ^೨.೨ "Knight". Online Etymology Dictionary. Retrieved 2009-04-07.
↑ "Knecht". LEO German-English dictionary. Retrieved 2009-04-07.
↑ "ekwo-". The American Heritage Dictionary of the English Language, 4th ed. Houghton Mifflin Company. 2000. Archived from the original on 2009-01-25. Retrieved 2009-04-07. {{cite web}}: |section= ignored (help)
↑ "Equestrian". The American Heritage Dictionary of the English Language, 4th ed. Houghton Mifflin Company. 2000. Archived from the original on 2008-06-27. Retrieved 2009-04-07.
↑ "Cavalier". The American Heritage Dictionary of the English Language, 4th ed. Houghton Mifflin Company. 2000. Archived from the original on 2008-10-03. Retrieved 2009-04-07.
↑ ಅಮೆರಿಕನ್‌ ಹೆರಿಟೇಜ್‌ ಡಿಕ್ಷ್‌ನರಿಯ ಇಂಡೋ-ಯುರೋಪಿಯನ್‌ ಮೂಲಗಳ ಸೂಚಿಯಲ್ಲಿರುವ ರೆಯ್ಡ್‌- Archived 2009-04-22 ವೇಬ್ಯಾಕ್ ಮೆಷಿನ್ ನಲ್ಲಿ. ನ್ನು ನೋಡಿ.
↑ ರಿಚರ್ಡ್ ಫ್ರಾನ್ಸಿಸ್‌ ಬರ್ಟನ್‌‌ ಹೀಗೆ ಬರೆದ: "ಪ್ರೇಮದ ಹುಟ್ಟುವಿಕೆಗಳು ಮತ್ತು ಅರಬರ ಕಾವ್ಯದ ಪ್ರಭಾವಗಳಿಗೆ ಹಾಗೂ ಅಶ್ವದಳಕ್ಕೆ ಮಧ್ಯಯುಗದ ಕ್ರೈಸ್ತಧರ್ಮಕ್ಕಿಂತ ಐರೋಪ್ಯ ಪರಿಕಲ್ಪನೆಗಳೇ ಕಾರಣ ಎಂದು ನಾನು ಹೇಳಬಯಸುವೆ." Burton, Richard Francis (2007). Charles Anderson Read (ed.). The Cabinet of Irish Literature, Vol. IV. p. 94. ISBN 1406780014.
↑ ಷಿವಲ್ರಿ - ನ್ಯೂ ಅಡ್ವೆಂಟ್‌
↑ ನೋಡಿ: ಮಾರ್ಸಿಯಾ L. ಕೊಲಿಷ್‌, ದಿ ಮಿರರ್‌ ಆಫ್‌ ಲಾಂಗ್ವೇಜ್‌: ಎ ಸ್ಟಡಿ ಇನ್‌ ದಿ ಮೆಡಿಈವಲ್‌ ಥಿಯರಿ ಆಫ್‌ ನಾಲೆಜ್‌‌ ; ಯೂನಿವರ್ಸಿಟಿ ಆಫ್‌ ನೆಬ್ರಾಸ್ಕಾ ಪ್ರೆಸ್‌, 1983. ಪುಟ 105.
↑ ಹರೆ (1908), ಪುಟ 201.
↑ ಹರೆ (1908), ಪುಟಗಳು 211-218.
↑ "Michael De-La-Noy, obituary in ''The Independent''". London: News.independent.co.uk. 2006-10-17. Archived from the original on 2007-11-23. Retrieved 2009-11-19.
↑ ಜಾನ್‌ ಒ'ಡೊನೊವಾನ್‌, "ದಿ ಡಿಸೆಂಡೆಂಟ್ಸ್‌ ಆಫ್‌ ದಿ ಲಾಸ್ಟ್‌ ಅರ್ಲ್ಸ್‌ ಆಪ್‌ ಡೆಸ್ಮಂಡ್‌", ಅಲ್‌ಸ್ಟರ್‌ ಜರ್ನಲ್‌ ಆಫ್‌ ಆರ್ಕಿಯಾಲಜಿ, ಸಂಪುಟ 6 . 1858.

ಉಲ್ಲೇಖಗಳು

ಅರ್ನಾಲ್ಡ್‌‌, ಬೆಂಜಮಿನ್‌‌. ಜರ್ಮನ್‌ ನೈಟ್‌ಹುಡ್‌, 1050-1300 . ಆಕ್ಸ್‌‌ಫರ್ಡ್‌: ಕ್ಲಾರೆಂಡನ್ ಪ್ರೆಸ್, 1985. ISBN 0198219601 LCCN 85-235009
ಬ್ಲೋಕ್‌‌, ಮಾರ್ಕ್‌. ಫ್ಯೂಡಲ್‌ ಸೊಸೈಟಿ , 2ನೇ ಆವೃತ್ತಿ. ಅನುವಾದ: ಮೆನಿಯಾನ್‌‌. ಲಂಡನ್‌: ರೌಲೆಟ್ಜ್‌‌ & ಕೀಗನ್‌ ಪಾಲ್‌, 1965.
ಬ್ಲೂತ್‌‌, B. J. ಮಾರ್ಚಿಂಗ್‌ ವಿತ್‌ ಷಾರ್ಪೆ . ಲಂಡನ್‌: ಕಾಲಿನ್ಸ್‌‌, 2001. ISBN 0004145372
ಬೌಲ್ಟನ್‌‌, ಡಿ'ಆರ್ಸಿ ಜೋನಾಥನ್‌ ಡಾಕ್ರೆ. ದಿ ನೈಟ್ಸ್‌ ಆಫ್‌ ದಿ ಕ್ರೌನ್‌: ದಿ ಮೊನಾರ್ಕಿಯಲ್‌ ಆರ್ಡರ್ಸ್‌ ಆಫ್‌ ನೈಟ್‌ಹುಡ್‌ ಇನ್‌ ಲೇಟರ್‌ ಮೆಡಿಈವಲ್‌ ಯುರೋಪ್‌, 1325-1520 . 2ನೇ ಪರಿಷ್ಕೃತ ಆವೃತ್ತಿ. ವುಡ್‌ಬ್ರಿಡ್ಜ್‌‌, UK: ಬಾಯ್ಡೆಲ್‌ ಪ್ರೆಸ್‌, 2000. ISBN 0851154714
ಬುಲ್‌‌, ಸ್ಟೀಫನ್‌‌. ‌‌ಆನ್‌ ಹಿಸ್ಟಾರಿಕಲ್‌ ಗೈಡ್‌ ಟು ಆರ್ಮ್ಸ್‌ ಅಂಡ್‌ ಆರ್ಮರ್ . ಲಂಡನ್‌: ಸ್ಟುಡಿಯೋ ಎಡಿಷನ್ಸ್‌, 1991. ISBN 1851707239
ಕ್ಯಾರೆ, ಬ್ರಿಯಾನ್‌ ಟೋಡ್‌; ಆಲ್‌ಫ್ರೀ, ಜೋಷುವಾ B; ಕೇರ್ನ್ಸ್‌‌, ಜಾನ್‌. ‌ವಾರ್‌ಫೇರ್‌ ಇನ್‌ ದಿ ಮೆಡಿಈವಲ್‌ ವರ್ಲ್ಡ್ , UK: ಪೆನ್‌ & ಸ್ವೋರ್ಡ್‌ ಮಿಲಿಟರಿ, ಜೂನ್‌ 2006. ISBN 1844153398
ಎಡ್ಜ್‌, ಡೇವಿಡ್‌; ಜಾನ್‌ ಮೈಲ್ಸ್‌ ಪ್ಯಾಡಾಕ್‌ (1988) ಆರ್ಮ್ಸ್‌ & ಆರ್ಮರ್‌ ಆಫ್‌ ದಿ ಮೆಡಿಈವಲ್‌ ನೈಟ್‌ . ಗ್ರೀನ್‌ವಿಚ್‌‌, CT: ಬೈಸನ್‌ ಬುಕ್ಸ್‌ ಕಾರ್ಪೊರೇಷನ್‌ ISBN 0517103192
ಎಡ್ವರ್ಡ್ಸ್‌, J. C. "ವಾಟ್‌ ಅರ್ತ್ಲಿ ರೀಸನ್‌? ದಿ ರೀಪ್ಲೇಸ್‌ಮೆಂಟ್‌ ಆಫ್‌ ದಿ ಲಾಂಗ್‌ಬೌ ಬೈ ಹ್ಯಾಂಡ್‌ಗನ್ಸ್‌." ‌ಮೆಡಿಈವಲ್‌ ಹಿಸ್ಟರಿ ಮ್ಯಾಗಜೀನ್ , ಈಸ್‌. 7, ಮಾರ್ಚ್‌ 2004.
ಎಲ್ಲಲ್‌‌, ಮ್ಯಾಕ್ಸ್‌‌ J. ದಿ ಗ್ರೀನ್‌ ಎಯ್ಟ್‌ ಪಾಯಿಂಟೆಡ್‌ ಕ್ರಾಸ್‌ . ವಾಟರ್‌ಮೆಲನ್‌‌, 2004.
ಎಂಬಲ್‌ಟನ್‌, ಗೆರ್ರಿ. ‌ಮೆಡಿಈವಲ್‌ ಮಿಲಿಟರಿ ಕಾಸ್ಟ್ಯೂಮ್ . UK: ಕ್ರೋವುಡ್‌ ಪ್ರೆಸ್‌, 2001. ISBN 1861263716
ಫೋರೆ, ಅಲನ್‌ ಜಾನ್‌. ದಿ ಮಿಲಿಟರಿ ಆರ್ಡರ್ಸ್‌: ಫ್ರಂ ಟ್ವೆಲ್ವ್ತ್‌ ಟು ದಿ ಅರ್ಲಿ ಫೋರ್ಟೀಂತ್‌ ಸೆಂಚುರೀಸ್‌ . ಬೇಸಿಂಗ್‌ಸ್ಟೋಕ್‌, ಹ್ಯಾಂಪ್‌ಷೈರ್‌‌, UK: ಮ್ಯಾಕ್‌ಮಿಲನ್‌ ಎಜುಕೇಷನ್‌‌, 1992. ISBN 0333462343
ಹರೆ, ಕ್ರಿಸ್ಟೋಫರ್‌. ಕೋರ್ಟ್ಸ್‌ & ಕ್ಯಾಂಪ್ಸ್‌ ಆಫ್‌ ದಿ ಇಟಾಲಿಯನ್‌ ರೆನಸಾನ್ಸ್‌ . ನ್ಯೂಯಾರ್ಕ್‌: ಚಾರ್ಲ್ಸ್‌ ಸ್ಕ್ರಿಬ್ನರ್‌‌'ಸ್‌ ಸನ್ಸ್‌, 1970 LCCN 08-031670
ಲೈಂಗ್‌‌, ಲಾಯ್ಡ್‌ ಮತ್ತು ಜೆನ್ನಿಫರ್‌‌ ಲೈಂಗ್‌‌. ಮೆಡಿಈವಲ್‌ ಬ್ರಿಟನ್‌: ದಿ ಏಜ್‌ ಆಫ್‌ ಷಿವಾಲ್ರಿ . ನ್ಯೂಯಾರ್ಕ್‌: ಸೇಂಟ್ ಮಾರ್ಟಿನ್‌‌'ಸ್‌ ಪ್ರೆಸ್, 1996. ISBN 0312162782
‌ಓಕ್‌ಷಾಟ್, ಎವಾರ್ಟ್‌. ‌ಎ ನೈಟ್‌ ಅಂಡ್‌ ಹಿಸ್‌ ಹಾರ್ಸ್ , 2ನೇ ಆವೃತ್ತಿ. ಚೆಸ್ಟರ್‌ ಸ್ಪ್ರಿಂಗ್ಸ್‌, PA: ಡುಫೋರ್‌ ಎಡಿಷನ್ಸ್‌, 1998. ISBN 0802312977 LCCN 98-032049
ರೊಬಾರ್ಡ್ಸ್‌, ಬ್ರೂಕ್ಸ್‌‌. ‌ದಿ ಮೆಡಿಈವಲ್‌ ನೈಟ್‌ ಅಟ್‌ ವಾರ್ . ಲಂಡನ್‌: ಟೈಗರ್‌ ಬುಕ್ಸ್‌, 1997. ISBN 1855019191
ಷಾ, ವಿಲಿಯಂ A. ದಿ ನೈಟ್‌'ಸ್‌ ಆಫ್‌ ಇಂಗ್ಲಂಡ್‌: ಎ ಕಂಪ್ಲೀಟ್‌ ರೆಕಾರ್ಡ್‌ ಫ್ರಂ ದಿ ಅರ್ಲಿಯೆಸ್ಟ್‌ ಟೈಮ್‌ . ಲಂಡನ್‌: ಸೆಂಟ್ರಲ್‌ ಚಾನ್ಸೆರಿ, 1906. (ಮರುಪ್ರಕಟಿತ ಬಾಲ್ಟಿಮೋರ್‌‌: ಜೀನಿಯಾಲಾಜಿಕಲ್‌ ಪಬ್ಲಿಷಿಂಗ್‌ ಕಂ, 1970). ISBN 080630443X LCCN 74-129966
ವಿಲಿಯಮ್ಸ್‌‌, ಅಲನ್‌. ಕಂಪ್ಯಾನಿಯನ್‌ ಟು ಮೆಡಿಈವಲ್‌ ಆರ್ಮ್ಸ್‌ ಅಂಡ್‌ ಆರ್ಮರ್‌ ಇದರಲ್ಲಿರುವ, "ದಿ ಮೆಟಲರ್ಜಿ ಆಫ್‌ ಮೆಡಿಈವಲ್‌ ಆರ್ಮ್ಸ್‌ ಅಂಡ್‌ ಆರ್ಮರ್‌". ನಿಕೋಲ್‌‌, ಡೇವಿಡ್‌, ಸಂಪದಾತಿದಳಿತ ವುಡ್‌ಬ್ರಿಡ್ಜ್‌‌, UK: ಬಾಯ್ಡೆಲ್‌ ಪ್ರೆಸ್‌, 2002. ISBN 0851158722 LCCN 20-02003680

ಬಾಹ್ಯ ಕೊಂಡಿಗಳು

"History of Orders of Chivalry". Heraldica.
ಅಸೋಸಿಯೇಷನ್‌ ಆಫ್‌ ಪಾಪಲ್‌ ಆರ್ಡರ್ಸ್‌ ಇನ್‌ ಗ್ರೇಟ್‌ ಬ್ರಿಟನ್‌ Archived 2012-02-06 ವೇಬ್ಯಾಕ್ ಮೆಷಿನ್ ನಲ್ಲಿ.
ಮಾಡರ್ನ್‌ ಆನರ್ಸ್‌ ಆಫ್‌ ದಿ UK Archived 2009-03-13 ವೇಬ್ಯಾಕ್ ಮೆಷಿನ್ ನಲ್ಲಿ.
"Papal Orders of Chivalry".
ಇಂಟರ್‌ನ್ಯಾಷನಲ್‌ ಕಮಿಷನ್‌ ಫಾರ್‌ ಆರ್ಡರ್ಸ್‌ ಆಫ್‌ ಷಿವಾಲ್ರಿ
ದಿ ಸೋಲ್ಜರ್‌ ಇನ್‌ ಲೇಟರ್‌ ಮೆಡಿಈವಲ್‌ ಇಂಗ್ಲಂಡ್‌ 250,000ದಷ್ಟು ಮಧ್ಯಯುಗದ ಯೋಧರ ಸವಿವರವಾದ ಸೇವಾದಾಖಲೆಗಳು ಆನ್‌ಲೈನ್‌ನಲ್ಲಿ ಲಭ್ಯವಿವೆ.

[1] ಎಡ್ಜ್‌ (1988), ಪುಟ 6.

[Etymo-2] ೨.೦ ^೨.೧ ^೨.೨ "Knight". Online Etymology Dictionary. Retrieved 2009-04-07.

[3] "Knecht". LEO German-English dictionary. Retrieved 2009-04-07.

[4] "ekwo-". The American Heritage Dictionary of the English Language, 4th ed. Houghton Mifflin Company. 2000. Archived from the original on 2009-01-25. Retrieved 2009-04-07. {{cite web}}: |section= ignored (help)

[5] "Equestrian". The American Heritage Dictionary of the English Language, 4th ed. Houghton Mifflin Company. 2000. Archived from the original on 2008-06-27. Retrieved 2009-04-07.

[6] "Cavalier". The American Heritage Dictionary of the English Language, 4th ed. Houghton Mifflin Company. 2000. Archived from the original on 2008-10-03. Retrieved 2009-04-07.

[7] ಅಮೆರಿಕನ್‌ ಹೆರಿಟೇಜ್‌ ಡಿಕ್ಷ್‌ನರಿಯ ಇಂಡೋ-ಯುರೋಪಿಯನ್‌ ಮೂಲಗಳ ಸೂಚಿಯಲ್ಲಿರುವ ರೆಯ್ಡ್‌- Archived 2009-04-22 ವೇಬ್ಯಾಕ್ ಮೆಷಿನ್ ನಲ್ಲಿ. ನ್ನು ನೋಡಿ.

[8] ರಿಚರ್ಡ್ ಫ್ರಾನ್ಸಿಸ್‌ ಬರ್ಟನ್‌‌ ಹೀಗೆ ಬರೆದ: "ಪ್ರೇಮದ ಹುಟ್ಟುವಿಕೆಗಳು ಮತ್ತು ಅರಬರ ಕಾವ್ಯದ ಪ್ರಭಾವಗಳಿಗೆ ಹಾಗೂ ಅಶ್ವದಳಕ್ಕೆ ಮಧ್ಯಯುಗದ ಕ್ರೈಸ್ತಧರ್ಮಕ್ಕಿಂತ ಐರೋಪ್ಯ ಪರಿಕಲ್ಪನೆಗಳೇ ಕಾರಣ ಎಂದು ನಾನು ಹೇಳಬಯಸುವೆ." Burton, Richard Francis (2007). Charles Anderson Read (ed.). The Cabinet of Irish Literature, Vol. IV. p. 94. ISBN 1406780014.

[9] ಷಿವಲ್ರಿ - ನ್ಯೂ ಅಡ್ವೆಂಟ್‌

[10] ನೋಡಿ: ಮಾರ್ಸಿಯಾ L. ಕೊಲಿಷ್‌, ದಿ ಮಿರರ್‌ ಆಫ್‌ ಲಾಂಗ್ವೇಜ್‌: ಎ ಸ್ಟಡಿ ಇನ್‌ ದಿ ಮೆಡಿಈವಲ್‌ ಥಿಯರಿ ಆಫ್‌ ನಾಲೆಜ್‌‌ ; ಯೂನಿವರ್ಸಿಟಿ ಆಫ್‌ ನೆಬ್ರಾಸ್ಕಾ ಪ್ರೆಸ್‌, 1983. ಪುಟ 105.

[11] ಹರೆ (1908), ಪುಟ 201.

[12] ಹರೆ (1908), ಪುಟಗಳು 211-218.

[13] "Michael De-La-Noy, obituary in ''The Independent''". London: News.independent.co.uk. 2006-10-17. Archived from the original on 2007-11-23. Retrieved 2009-11-19.

[14] ಜಾನ್‌ ಒ'ಡೊನೊವಾನ್‌, "ದಿ ಡಿಸೆಂಡೆಂಟ್ಸ್‌ ಆಫ್‌ ದಿ ಲಾಸ್ಟ್‌ ಅರ್ಲ್ಸ್‌ ಆಪ್‌ ಡೆಸ್ಮಂಡ್‌", ಅಲ್‌ಸ್ಟರ್‌ ಜರ್ನಲ್‌ ಆಫ್‌ ಆರ್ಕಿಯಾಲಜಿ, ಸಂಪುಟ 6 . 1858.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]

[೧೪]