ಸೋಸ್ಯೊ

ಸೋಸ್ಯೊ ಭಾರತದ ಒಂದು ಅನಿಲಗೂಡಿಸಿದ ಪಾನೀಯವಾಗಿದ್ದು (ಏರೇಟಡ್ ಡ್ರಿಂಕ್) ಮುಖ್ಯವಾಗಿ ಭಾರತದ ಪಶ್ಚಿಮ ಮತ್ತು ಉತ್ತರದ ರಾಜ್ಯಗಳಾದ ಗುಜರಾತ್, ಮಹಾರಾಷ್ಟ್ರ, ರಾಜಸ್ಥಾನ, ಉತ್ತರ ಪ್ರದೇಶ ಮತ್ತು ಮಧ್ಯ ಪ್ರದೇಶಗಳಲ್ಲಿ ಉತ್ಪಾದಿತವಾಗಿ ಮಾರಾಟವಾಗುತ್ತದೆ. ಇದು ಸೂರತ್‍ನಲ್ಲಿ ನೆಲೆಗೊಂಡಿದೆ.

ಸೋಸ್ಯೊ ಭಾರತದ ಸ್ವಾತಂತ್ರ್ಯ ಹೋರಾಟದ ಸ್ವದೇಶಿ ಚಳುವಳಿಯ ಉತ್ಪನ್ನವಾಗಿದೆ. ಮೋಹ್ಸೀನ್ ಹಜೂರಿ ಸೋಸ್ಯೊವನ್ನು ೧೯೨೭ರಲ್ಲಿ ಯುಕೆಯ ಪಾನೀಯವಾದ ವಿಮ್ಟೊಗೆ ಭಾರತೀಯ ಪರ್ಯಾಯವಾಗಿ ಪರಿಚಯಿಸಿದರು.

ಸೋಸ್ಯೊ ದ್ರಾಕ್ಷಿ ಮತ್ತು ಸೇಬಿನ ರಸ ಜೊತೆಗೆ ಜರ್ಮನಿ ಹಾಗೂ ಇಟಲಿಯಿಂದ ಆಮದು ಮಾಡಿಕೊಳ್ಳಲಾದ ಕೆಲವು ಘಟಕಾಂಶಗಳಿರುವ ಮಿಶ್ರಣವಾಗಿರುತ್ತದೆ.

ಪ್ರತಿ ವರ್ಷ ೫೦ ದಶಲಕ್ಷ ಸೋಸ್ಯೊ ಬಾಟಲಿಗಳನ್ನು ಸೇವಿಸಲಾಗುತ್ತದೆ, ಮುಖ್ಯವಾಗಿ ಸೂರತ್ ಮತ್ತು ಬಾಟ್ಲಿಂಗ್ ಕಾರ್ಖಾನೆಗಳಿರುವ ಗುಜರಾತ್ ಹಾಗೂ ಮಹಾರಾಷ್ಟ್ರದ ಭಾಗಗಳಲ್ಲಿ.

• 
  ಸೋಸ್ಯೊ ಬಾಟಲಿ