ಸಾಂಡ್ರಾ ಸಿಸ್ನೊರೊಸ್

ಸಾಂಡ್ರಾ ಸಿಸ್ನೊರೊಸ್ (ಜನನ ಡಿಸೆಂಬರ್ 20, 1954) ಒಬ್ಬ ಮೆಕ್ಸಿಕನ್ ಅಮೇರಿಕನ್ ಕಾದಂಬರಿಗಾರ್ತಿ. ಮೆಕ್ಸಿಕನ್ ಅಮೇರಿಕನ್ ಮೂಲದವರಾಗಿಯೂ, ಜನಮನ್ನಣೆ ಪಡೆದುದು ಇವರ ಹೆಗ್ಗಳಿಕೆ. ಆಕೆಯ ಮೊದಲ ಕಾದಂಬರಿ ದ ಹೌಸ್ ಆನ್ ಮ್ಯಾಂಗೋ ಸ್ಟ್ರೀಟ್ (೧೯೮೪) ಮತ್ತು ನಂತರದ ಸಣ್ಣ ಕಥಾ ಸಂಗ್ರಹ ವುಮನ್ ಹಾಲ್ಲಿಂಗ್ ಕ್ರೀಕ್ ಅಂಡ್ ಅದರ್ ಸ್ಟೋರೀಸ್ (೧೯೯೧)ವಿಭಿನ್ನತೆಗಾಗಿ ಹೆಸರುವಾಸಿಯಾಗಿದೆ. ಸಾಹಿತ್ಯ ಸ್ವರೂಪಗಳೊಂದಿಗೆ, ಅವರ ಬರಹದಲ್ಲಿನ ಪ್ರಯೋಗಗಳು ಮತ್ತು ಉದಯೋನ್ಮುಖ ಸ್ತ್ರೀ ಸಮಾನತೆಯ ಲಕ್ಷಣಗಳು ಸಾಂಡ್ರಾರಿಗೆ ಕೀರ್ತಿ ತಂದಿವೆ. ಸಿಸ್ನೆರೋಸ್ ಕಾದಂಬರಿಗಳು, ತನ್ನ ಸಾಂಸ್ಕೃತಿಕ ವೈಶಿಷ್ಟತೆ ಮತ್ತು ಆರ್ಥಿಕ ಅಸಮಾನತೆಯ ಸಂದರ್ಭದಲ್ಲಿ ಹೆಣ್ಣುಮಕ್ಕಳು ಬೆಳೆಯುವ ಗುಣಲಕ್ಷಣಗಳನ್ನು ಹೊಂದಿದೆ. ತಮ್ಮ ಬದುಕಿನಲ್ಲಿನ ಅವೇ ಗುಣಲಕ್ಷಣಗಳ ಕಾರಣದಿಂದ, ಸಾಂಡ್ರಾರಿಗೆ ಅನನ್ಯವಾದ ಕಥೆಗಳನ್ನು ಹೇಳಲು ಸಾಧ್ಯವಾಗಿವೆ. ನೀಡುತ್ತದೆ. ಆರ್ಟ್ಸ್ ಫೆಲೋಷಿಪ್‍ಗಾಗಿ,ಅಮೆರಿಕಾ ಸಂಯುಕ್ತ ಸಂಸ್ಥಾನದ ರಾಷ್ಟ್ರೀಯ ಎಂಡೋಮೆಂಟ್ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಅವರು ಪಡೆದಿದ್ದಾರೆ. ೨೦೧೭ ರಲ್ಲಿ ನೀಡಲ್ಪಟ್ಟ ೨೫ ಫೋರ್ಡ್ ಫೌಂಡೇಷನ್ ಆರ್ಟ್ ಆಫ್ ಚೇಂಜ್ ಫೆಲೋಷಿಪ್‍ಗಳಲ್ಲಿ, ಸಾಂಡ್ರಾ ಸಿಸ್ನೊರೊಸ್‍ರಿಗೆ ಸಹ ಒಂದು ಫೆಲೋಶಿಫ್ ನೀಡಲಾಯಿತು. ಅಪರೂಪದ ಚಿಕಾನಾ ಸಾಹಿತ್ಯ ವರ್ಗದಲ್ಲಿ ಇದು ಪ್ರಮುಖ ಘಟ್ಟ ಎಂದು ಪರಿಗಣಿಸಲಾಗಿದೆ.

ಸಾಂಡ್ರಾ ಸಿಸ್ನೊರೊಸ್
[[File: |frameless|center=yes|alt=]] ಸಾಂಡ್ರಾ ಸಿಸ್ನೊರೊಸ್ ೨೦೦೯ರಲ್ಲಿ
ಜನನ	(೧೯೫೪-೧೨-೨೦)೨೦ ಡಿಸೆಂಬರ್ ೧೯೫೪ ಶಿಕಾಗೋ, ಅಮೆರಿಕಾ ಸಂಯುಕ್ತ ಸಂಸ್ಥಾನ
ವೃತ್ತಿ	ಕವಿಯಿತ್ರಿ, ಸಣ್ಣ ಕಥೆಗಾರ್ತಿ, ಕಾದಂಬರಿಗಾರ್ತಿ
ರಾಷ್ಟ್ರೀಯತೆ	ಮೆಕ್ಸಿಕನ್-ಅಮೇರಿಕನ್
ಕಾಲ	c. ೧೯೮೦-ಪ್ರಸಕ್ತ
ಪ್ರಮುಖ ಕೆಲಸ(ಗಳು)	ಹೌಸ್ ಆನ್ ಮಾಂಗೋ ಸ್ಟ್ರೀಟ್
ಪ್ರಮುಖ ಪ್ರಶಸ್ತಿ(ಗಳು)	ಅಮೇರಿಕನ್ ಬುಕ್ ಪ್ರಶಸ್ತಿ, ಮೆಕ್‍ಅರ್ಥರ್ ಫೆಲೋ ಅವಾರ್ಡ್
www.sandracisneros.com

ಬಾಲ್ಯ

ಸಿಸ್ನೊರೊಸ್‍ರ ಆರಂಭಿಕ ಜೀವನವು ಅನೇಕ ಅನುಭವಗಳನ್ನು ನೀಡಿತು. ಮೆಕ್ಸಿಕೋ ಮೂಲದ ವಲಸಿಗ ಕುಟುಂಬದಲ್ಲಿ ಸಾಂಡ್ರಾ ಜನಿಸಿದರು. ಆಕೆ ಆರು ಸಹೋದರರ ಕುಟುಂಬದಲ್ಲಿ ಏಕೈಕ ಪುತ್ರಿಯಾಗಿ ಬೆಳೆದರು. ತುಂಬು ಕುಟುಂಬದಲ್ಲಿನ ಬಾಲ್ಯ ಮತ್ತು ಸೋದರರ ನಡುವಿನ ಗುದ್ದಾಟ, ಆಗಾಗ್ಗೆ ಸಾಂಡ್ರಾರಿಗೆ ಮನದಲ್ಲಿ ಏಕಾಂಗಿತನದ ಭಾವನೆಯನ್ನು ತುಂಬಿತು.ಮೆಕ್ಸಿಕೋ ಮತ್ತು ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ನಡುವೆ ಆಕೆಯ ಕುಟುಂಬದ ನಿರಂತರ ವಲಸೆಯು, ಸಾಂಡ್ರಾರಲ್ಲಿ ಅಭದ್ರತೆಯನ್ನು ತುಂಬಿತ್ತು "ಯಾವಾಗಲೂ ಎರಡು ದೇಶಗಳ ಮಧ್ಯೆ ಓಡಾಡುವ, ಆದರೆ ಯಾವುದೇ ಸಂಸ್ಕೃತಿಗೆ ಸೇರಿದವಳಲ್ಲ" ಎಂಬ ಭಾವ, ವಲಸಿಗ ಕುಟುಂಬದಲ್ಲಿ ಬೆಳೆಯುವುದನ್ನು ಸಾಂಡ್ರಾ ಕಂಡುಕೊಂಡರು.

ಬರಹಗಳು

ಚಿಕಾಗೋದಲ್ಲಿನ ಮೆಕ್ಸಿಕೋ ಮೂಲದ ವಲಸಿಗರ ಬದುಕಿನ ಬಡತನ, ಮೂಲವನ್ನು ತ್ಯಜಿಸಲಾಗದೆಯೇ, ಅಮೇರಿಕೆಯಲ್ಲಿ ವಿಲೀನಗೊಳ್ಳಲಾಗದೆಯೇ ದುಸ್ತರ ಬದುಕು ನಡೆಸುವ ಚಿಕಾನಾ ವ್ಯಕ್ತಿತ್ವದ ಅನಾವರಣ ಸಾಂಡ್ರಾರನ್ನು ತಲ್ಲಣಗೊಳಿಸಿತ್ತು. ಸಿಸ್ನೊರೊಸ್‍ರ ಬರಹ ಚಿಕಾನಾ ಗುರುತಿನ ರಚನೆಯೊಂದಿಗೆ ವ್ಯವಹರಿಸುತ್ತದೆ. ಮೆಕ್ಸಿಕನ್ ಮತ್ತು ಆಂಗ್ಲೋ-ಅಮೇರಿಕನ್ ಸಂಸ್ಕೃತಿಗಳ ನಡುವೆ ಸಿಕ್ಕಿಬಿದ್ದ ಸವಾಲುಗಳನ್ನು ಅನ್ವೇಷಿಸುವ ಮೂಲಕ, ಈ ಸಂಸ್ಕೃತಿಗಳಲ್ಲಿ ಕಂಡುಬರುವ ಸ್ತ್ರೀಸಮಾನತಾವಾದಿ ವರ್ತನೆಗಳು ಮತ್ತು ಬಡತನವನ್ನು ಬಣ್ಣಿಸುತ್ತವೆ. ತನ್ನ ಒಳನೋಟವುಳ್ಳ ಸಾಮಾಜಿಕ ವಿಮರ್ಶೆ ಮತ್ತು ಶಕ್ತಿಯುತ ಗದ್ಯ ಶೈಲಿಯಲ್ಲಿ, ಸಿಸ್ನೊರೊಸ್ ಚಿಕಾನೋ ಮತ್ತು ಲ್ಯಾಟಿನೋ ಸಮುದಾಯಗಳಿಗೆ ಮೀರಿದ ಮಾನ್ಯತೆಯನ್ನು ಅವರು ಮುಂದಿನ ದಿನಗಲಲ್ಲಿ ಪಡೆಯಲು ಅವರ ಬಾಲ್ಯ ನೆರವು ನೀಡಿತು.ಹೌಸ್ ಆನ್ ಮಾಂಗೋ ಸ್ಟ್ರೀಟ್ ಎಂಬ ಪುಸ್ತಕ ವಿಶ್ವಾದ್ಯಂತ ಭಾಷಾಂತರಗೊಂಡಿತು ಮತ್ತು ಅಮೇರಿಕದಲ್ಲಿ ಪಠ್ಯವಾಗಿ ಕಲಿಸಲಾಗುತ್ತದೆ.

ಸಾಮಾಜಿಕ ಸೇವೆ

ಸಿಸ್ನೆರೋಸ್ ವಿವಿಧ ರೀತಿಯ ವೃತ್ತಿಪರ ಸ್ಥಾನಗಳನ್ನು ಹೊಂದಿದ್ದಾರೆ, ಶಿಕ್ಷಕರಾಗಿ, ಸಲಹೆಗಾರರಾಗಿ, ಕಾಲೇಜು ನೇಮಕಾತಿ, ಕವಿ-ಇನ್-ಶಾಲೆಗಳು, ಮತ್ತು ಕಲಾ ನಿರ್ವಾಹಕರು, ಮತ್ತು ಸಮುದಾಯ ಮತ್ತು ಸಾಹಿತ್ಯಿಕ ಕಾರಣಗಳಿಗೆ ಬಲವಾದ ಬದ್ಧತೆಯನ್ನು ಉಳಿಸಿಕೊಂಡಿದ್ದಾರೆ. ೧೯೯೮ ರಲ್ಲಿ ಅವರು ಮ್ಯಾಕೊಂಡೋ ಬರಹಗಾರರ ಕಾರ್ಯಾಗಾರವನ್ನು ಸ್ಥಾಪಿಸಿದರು. ಇದು ಬರಹಗಾರರಿಗೆ ಸಾಮಾಜಿಕವಾಗಿ ಪ್ರಜ್ಞಾಪೂರ್ವಕ ಕಾರ್ಯಾಗಾರಗಳನ್ನು ಒದಗಿಸುತ್ತದೆ. ೨೦೦೦ ರಲ್ಲಿ ಅವರು ಆಲ್ಫ್ರೆಡೋ ಸಿಸ್ನೆರೋಸ್ ಡೆಲ್ ಮಾರಲ್ ಫೌಂಡೇಷನ್ ಅನ್ನು ಸ್ಥಾಪಿಸಿದರು. ಇದು ಟೆಕ್ಸಾಸ್ ರಾಜ್ಯದ ಪ್ರತಿಭಾನ್ವಿತ ಬರಹಗಾರರಿಗೆ ಪ್ರಶಸ್ತಿ ನೀಡಿ ಸನ್ಮಾನಿಸುವ ಕೆಲಸ ಮಾಡುತ್ತದೆ.ಸಿಸ್ನೆರೋಸ್ ಪ್ರಸ್ತುತ ಸ್ಯಾನ್ ಆಂಟೋನಿಯೋ , ಟೆಕ್ಸಾಸ್ನಲ್ಲಿ ವಾಸಿಸುತ್ತಿದ್ದಾರೆ.

ಸನ್ಮಾನಗಳು

ಸೆಪ್ಟೆಂಬರ್ ೨೦೧೬ ರಲ್ಲಿ ನಡೆದ ಸಮಾರಂಭದಲ್ಲಿ ೨೦೧೫ ರ ನ್ಯಾಷನಲ್ ಮೆಡಲ್ ಆಫ್ ಆರ್ಟ್ಸ್ ಪ್ರಶಸ್ತಿಯನ್ನು ನೀಡಲಾಯಿತು.

೧೯೮೧ ಮತ್ತು ೨೯೮೮ ರಲ್ಲಿ ನ್ಯಾಷನಲ್ ಎಂಡೋಮೆಂಟ್ ಫಾರ್ ದಿ ಆರ್ಟ್ಸ್ ಸಂಸ್ಥೆ ವತಿಯಿಂದ ಸಾಂಡ್ರಾ ಸಿಸ್ನೆರೋಸ್ ಫೆಲೋಷಿಪ್‍ಗಳನ್ನು ಪಡೆದರು. ೧೯೮೫ ರಲ್ಲಿ ಹೌಸ್ ಆನ್ ಮಾಂಗೋ ಸ್ಟ್ರೀಟ್ ಕೃತಿಗಾಗಿ, ಕೊಲಂಬಸ್ ಫೌಂಡೇಶನ್ ಫಸ್ಟ್ ಅಮೆರಿಕನ್ ಬುಕ್ ಅವಾರ್ಡ್ ನೀಡಲಾಯಿತು. ತರುವಾಯ, ಅವರು ಫ್ರಾಂಕ್ ಡೋಬಿ ಆರ್ಟಿಸ್ಟ್ಸ್ ಫೆಲೋಶಿಪ್ ಅನ್ನು ಪಡೆದರು, [85] ಮತ್ತು ಅರಿಜೋನಾ ವಿಶ್ವವಿದ್ಯಾನಿಲಯವು ಪ್ರಾಯೋಜಿಸಿದ ಸೆಗುಂಡೊ ಕನ್ಕಾರುಸೋ ನ್ಯಾಶನಲ್ ಡೆಲ್ ಕ್ಯುಂಟೊ ಚಿಕಾನೊದಲ್ಲಿ ಮೊದಲ ಮತ್ತು ಎರಡನೆಯ ಸ್ಥಾನ ಪಡೆದರು.

ಅವರು ಉತ್ತಮ ಪೇಪರ್ಬ್ಯಾಕ್ ಬುಕ್ ಕ್ಲಬ್ ನ್ಯೂ ವಾಯ್ಸಸ್ ಪ್ರಶಸ್ತಿ, ಆನ್ಸ್ಫೀಲ್ಡ್-ವೋಲ್ಫ್ ಬುಕ್ ಪ್ರಶಸ್ತಿ, ಪಿಎನ್ ಸೆಂಟರ್ ವೆಸ್ಟ್ ಅತ್ಯುತ್ತಮ ಕಾಲ್ಪನಿಕ ಪ್ರಶಸ್ತಿ ಮತ್ತು ವುಮನ್ ಹಾಲಿರಿಂಗ್ ಕ್ರೀಕ್ ಕೃತಿಗೆ ಲಿನ್ನನ್ ಫೌಂಡೇಶನ್ ಸಾಹಿತ್ಯ ಪ್ರಶಸ್ತಿಗೆ ಪಾತ್ರರಾದರು. ಈ ಪುಸ್ತಕವನ್ನು ದಿ ನ್ಯೂಯಾರ್ಕ್ ಟೈಮ್ಸ್ ಮತ್ತು ದಿ ಅಮೆರಿಕನ್ ಲೈಬ್ರರಿ ಜರ್ನಲ್ ಎರಡರಿಂದಲೂ ಗಮನಾರ್ಹವಾದ ಪುಸ್ತಕವೆಂದು ಆಯ್ಕೆ ಮಾಡಲಾಯಿತು. ಕಾಮಪ್ರಚೋದಕ ಕಾವ್ಯವಾದ ಲೂಸ್ ವುಮನ್ ಎಂಬ ಒಂದು ಸಂಕಲನವು ಮೌಂಟೇನ್ ಅಂಡ್ ಪ್ಲೈನ್ಸ್ ಬುಕ್ಸೆಲ್ಲರ್ಸ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.

ಸಿಸ್ನೊರೊಸ್ ೧೯೯೩ ರಲ್ಲಿ ನ್ಯೂಯಾರ್ಕ್‍ನ ಸ್ಟೇಟ್ ಯೂನಿವರ್ಸಿಟಿಯಿಂದ ಗೌರವ ಡಾಕ್ಟರೇಟ್ ಪದವಿಯನ್ನು ಪಡೆದರು ಮತ್ತು ೧೯೯೫ ರಲ್ಲಿ ಮ್ಯಾಕ್ಆರ್ಥರ್ ಫೆಲೋಶಿಪ್ ಅನ್ನು ಪಡೆದರು.೨೦೦೩ ರಲ್ಲಿ ಬರೆದ ಕ್ಯಾಮೆಮೆಲೊ ಕೃತಿ ಹಲವಾರು ನಿಯತಕಾಲಿಕೆಗಳಲ್ಲಿ ಪ್ರಕಟವಾಗಿ ಹೆಚ್ಚು ಜನಪ್ರಿಯವಾಗಿತ್ತು. ದಿ ನ್ಯೂಯಾರ್ಕ್ ಟೈಮ್ಸ್ , ದಿ ಲಾಸ್ ಏಂಜಲೀಸ್ ಟೈಮ್ಸ್ , ಸ್ಯಾನ್ ಫ್ರಾನ್ಸಿಸ್ಕೋ ಕ್ರಾನಿಕಲ್ , ದಿ ಚಿಕಾಗೋ ಟ್ರಿಬ್ಯೂನ್ ಮತ್ತು ದಿ ಸೀಯಾಟಲ್ ಟೈಮ್ಸ್ ೨೦೦೫ರಲ್ಲಿ ಕ್ಯಾಮೆಮೆಲೊ ವನ್ನು ಪ್ರಕಟಿಸಿತು. ಇದರ ಫಲವಾಗಿ, ಈ ಕೃತಿಯನ್ನು ಪ್ರಿಮಿಯೊ ನಪೋಲಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಯಿತು. ಈ ಕಾದಂಬರಿಯನ್ನು ಡಬ್ಲಿನ್ ಇಂಟರ್ನ್ಯಾಷನಲ್ ಇಮ್ಪಿಎಸಿ ಪ್ರಶಸ್ತಿಗೆ ಆಯ್ಕೆ ಮಾಡಿತು. ನಂತರ, ಈ ಕೃತಿಯು ಇಂಗ್ಲೆಂಡ್‍ನ ಆರೆಂಜ್ ಪ್ರಶಸ್ತಿಗೆ ನಾಮಕರಣವಾಯಿತು. ೨೦೦೩ ರಲ್ಲಿ, ಹೊಸದಾಗಿ ರೂಪುಗೊಂಡ ಟೆಕ್ಸಾಸ್ ಕಲ್ಚರಲ್ ಟ್ರಸ್ಟ್ ಮತ್ತು ಟೆಕ್ಸಾಸ್ ಮೆಡಲ್ ಆಫ್ ಆರ್ಟ್ಸ್ನ ಎರಡನೆಯ ಗುಂಪಿನ ಭಾಗವಾಗಿ ಸಿಸ್ನೆರೊಸ್ ಭಾಗವಾಯಿತು.೨೦೧೬ರಲ್ಲಿ, ಚಾಪೆಲ್ ಹಿಲ್‍ನಲ್ಲಿ ಉತ್ತರ ಕೆರೊಲಿನಾ ವಿಶ್ವವಿದ್ಯಾನಿಲಯವು ಸಿಸ್ನೆರೊಸ್‍ರಿಗೆ ಗೌರವಾನ್ವಿತ ಡಾಕ್ಟರ್ ಆಫ್ ಲೆಟರ್ಸ್ ಪ್ರಶಸ್ತಿಯನ್ನು ನೀಡಿ ಗೌರವಿಸಿತು.

ಅಮ್ಹೆರ್ಸ್ಟ್ ಕಾಲೇಜಿನಲ್ಲಿ, ಸಾಂಡ್ರಾ ಸಿಸ್ನೆರೊಸ್‍ರ ಕೃತಿಗಳನ್ನು ಗೌರವ್ಪೂರ್ವಕವಾಗಿ ಕಾಯ್ದಿರಿಸಲಾಗಿದೆ.