ಸರ್ ಎಂ.ವಿಶ್ವೇಶ್ವರಯ್ಯ ತಾಂತ್ರಿಕ ಮಹವಿದ್ಯಾಲಯ

ಸರ್ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ ತಾಂತ್ರಿಕ ಮಹವಿದ್ಯಾಲಯ (ಸಾಮಾನ್ಯವಾಗಿ ಸರ್ ಎಂವಿಐಟಿ ಎಂದು ಉಲ್ಲೇಖಿಸಲಾಗುತ್ತದೆ) ಕರ್ನಾಟಕದ ಬೆಂಗಳೂರಿನಲ್ಲಿ ನೆಲೆಗೊಂಡಿರುವ ಭಾರತೀಯ ಶಿಕ್ಷಣ ಸಂಸ್ಥೆಯಾಗಿದೆ. ಈ ಸಂಸ್ಥೆಯು ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯಕ್ಕೆ ಸಂಯೋಜಿತವಾಗಿದೆ ಮತ್ತು ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ, ನವದೆಹಲಿಯಿಂದ ಅನುಮೋದಿಸಲಾಗಿದೆ. ಸರ್ ಎಂವಿಐಟಿ ಒಂದು ಐಎಸ್ಒ ೯೦೦೧:೨೦೦೮ ಪ್ರಮಾಣೀಕೃತ ಸಂಸ್ಥೆಯಾಗಿದೆ. ಇದು ತಾಂತ್ರಿಕ ಶಿಕ್ಷಣ ಕ್ಷೇತ್ರದಲ್ಲಿ ಕಾರ್ಯಕ್ರಮಗಳನ್ನು ನೀಡುತ್ತದೆ.

ಸರ್ ಎಂ. ವಿಶ್ವೇಶ್ವರಯ್ಯ ತಾಂತ್ರಿಕ ಮಹವಿದ್ಯಾಲಯ

ಇತರೆ ಹೆಸರು	ಸರ್ ಎಂ.ವಿ.ಐಟಿ
ಸ್ಥಾಪನೆ	೧೯೮೬
ಸಂಯೋಜನೆ	ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ
ಅಧ್ಯಕ್ಷರು	ಎ ಸಿ ಚಂದ್ರಶೇಖರ ರಾಜು
ಉಪ-ಅಧ್ಯಕ್ಷರು	ಕೆ.ವಿ. ಶೇಖರ್ ರಾಜು
ಪ್ರಿನ್ಸಿಪಾಲ್	ರಾಕೇಶ್ ಎಸ್ ಜಿ
ಶೈಕ್ಷಣಿಕ ಸಿಬ್ಬಂಧಿ	೨೬೦
ಪದವಿ ಶಿಕ್ಷಣ	೩೩೦೦
ವಿಳಾಸ	ಹುನುಸೆಮಾರನಹಳ್ಳಿ, ಬೆಂಗಳೂರು, ಕರ್ನಾಟಕ, ಭಾರತ
ಆವರಣ	೧೩೩ ಎಕರೆ
ಜಾಲತಾಣ	www.sirmvit.edu

ಇತಿಹಾಸ

ಈ ಸಂಸ್ಥೆಯನ್ನು ೧೯೮೬ ರಲ್ಲಿ "ಶ್ರೀ ಕೃಷ್ಣದೇವರಾಯ ಎಜುಕೇಷನಲ್ ಟ್ರಸ್ಟ್" ಸ್ಥಾಪಿಸಿತು. ಭಾರತೀಯ ವಿಜ್ಞಾನಿ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ ಅವರ ಹೆಸರನ್ನು ಇಡಲಾಗಿದೆ.

ಸ್ಥಳ

ಸರ್ ಎಂ ವಿಶ್ವೇಶ್ವರಯ್ಯ ವಿಶ್ವೇಶ್ವರಯ್ಯ ತಾಂತ್ರಿಕ ಮಹವಿದ್ಯಾಲಯ ೧೩೩ ಎಕರೆ ಬಂಜರು ಭೂಮಿಯಲ್ಲಿ ಎನ್ ಹೆಚ್ ೭ ರ ಉದ್ದಕ್ಕೂ, ಉತ್ತರ ಬೆಂಗಳೂರಿನ ಯಲಹಂಕದ ವಾಯುಪಡೆ ನಿಲ್ದಾಣದ ಬಳಿ, ಬೆಂಗಳೂರು ಸಿಟಿ ಜಂಕ್ಷನ್‌ನಿಂದ ಬೆಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹತ್ತಿರದಲ್ಲಿದೆ. ಇದು ನಗರ ಕೇಂದ್ರದಿಂದ ದೂರವಿದ್ದರೂ, ಸ್ಥಳೀಯ ಬಸ್ಸುಗಳ ಮೂಲಕ ಇಲ್ಲಿಗೆ ಹೋಗಬಹುದು.