ಸದಸ್ಯ:Virajadoor/ನನ್ನ ಪ್ರಯೋಗಪುಟ

ಕಾಸರಗೋಡು ಪೊರ್ಲುದ ಜಿಲ್ಲೆ. ದಿಂಜ ಪ್ರವಾಸಿ ತಾಣೊಗುಳು, ಐತಿಹಾಸಿಕ ಬೇಕಲಕೋಟೆ, ಮಾಯಿಲರಸು ಕಟ್ಟಾದಿನ ಮಾಯಿಲಂಕೋಟೆದಂಚಿನ ದಿಂಜ ಕೋಟೆಗಳು ಶಿಥಿಲ ಆವೊಂದುಂಡ್. ಅವೆನ್ ಜೀರ್ಣೋದ್ಧಾರ ಮಲ್ಪರೆ ಕೆಲಸ ನಡತೊಂದುಂಡು. ರಾಣಿಪುರ ಪರ್ವತ ಶ್ರೇಣಿ ಮುಲ್ಪದ ಐಸಿರಿನ್ ತೋಜಾವುನ ಪ್ರಮುಖ ಕ್ಷೇತ್ರ. ಕುಂಬಳೆ ಸೀಮೆದ ಮುಖ್ಯ ಕ್ಷೇತ್ರಗಳಾನ ಅಡೂರು, ಮಧೂರು, ಕಾವು ಕಣಿಪುರ ಪಂಣ್ಪಿ ಕ್ಷೇತ್ರೊಗುಳು ಇತಿಹಾಸೊಡ್ದು ಜನಕ್ಲೆನ್ ರಕ್ಷಣೆ ಮಲ್ತೊಂದುಂಡು. ಯಕ್ಷಗಾನದ ಬೊಂಬೆಯಾಟದ ಅಂತರಾಷ್ಟ್ರೀಯ ತಂಡ ಕಾಸರಗೋಡುಟು ಉಂಡು. ಕಾಸರಗೋಡುಟ್ ಮಸ್ತ್ ತುಳುವೆರ್, ಕನ್ನಡಿಗೆರ್ ಉಲ್ಲೆರ್. ಮಲಯಾಳ ರಾಜ್ಯೊಗ್ ಸೇರ್ಂಡಲಾ ಕಾಸರಗೋಡು ಜಿಲ್ಲೆಟ್ ತುಳುಲಾ ಕನ್ನಡಡ್ ಲಾ ಎಡ್ಡೆ ರೀತಿಟ್ ಬಳಕೆಟ್ ಉಂಡು. ತುಳು, ಕನ್ನಡ ಸಾಹಿತ್ಯ ಕ್ಷೇತ್ರೊಲಾ ಶಕ್ತಿಯುತವಾದೇ ಉಂಡು. ಜಾತ್ರೆ, ನೇಮೊಗುಳು, ದೈವ ಚಾಕರಿಗುಳು ಸಾಂದರ್ಭಿಕವಾದ್ ನಡತೋಂದುಂಡು. ಪಾರ್ತಿಸುಬ್ಬನ ಊರುಡ್ ಯಕ್ಷಗಾನದ ಸೆಳೆತ ಏಪಲಾ ಉಂಡು. ಕಾಸರಗೋಡು ಜಿಲ್ಲೆಟ್ ಆಟಿ ಪತೈಟ್ ಬರ್ಪುನ ಆಟಿ ಕೆಳೆಂಜೆ ಪದಿನೇಳೆಕ್ ಬರ್ಪಿ ಆದಿ ಬೇಡನ್ ಅಂಚನೇ ೧೯ಗ್ ಬರ್ಪುನ ಮರ್ದ ದೈವೊಗುಳು ತುಳುವೆರೆನ ಬದಕ್ಗ್ ಶಕ್ತಿ ಕೊರ್ಪೊ. ಸೋಣೊಡ್ ಬರ್ಪುನ ಜೋಗಿ ತುಳುವೆರೆನ ಬುಳೆಬಾಗ್ಯ, ಕಂಜಿಕೈಕಂಜಿಗುಳೆನ ರಕ್ಷಣೆ ಮಲ್ಪುಂಡು ಪನ್ಪಿ ನಂಬಿಕೆ ಉಂಡು. ತುಳು ಲಿಪಿನ್ ನಾಡ್ ಪತ್ತಿನ ದಿವಂಗತ ಪುಂಡೂರು ವೆಂಕಟರಾಜ್ ಪುಣಿಂಚಿತ್ತಾಯೆರ್ ನಮ್ಮ ಜಿಲ್ಲೆದ ಹೆಮ್ಮೆ. ಚಿತ್ರ ಕಲಾವಿದೆ ಪಿ ಎಸ್ ಪುಣಿಂಚಿತ್ತಾಯೆರ್, ಸಾಹಿತಿ ವಸಂತ ಕುಮಾರ್ ಪೆರ್ಲ, ಯಕ್ಷಭೀಷ್ಮ ಶೇಣಿ ಗೋಪಾಲಕೃಷ್ಣ ಭಟ್ ನಮ್ಮ ಕಾಸರಗೋಡುದ ಐತಿಹಾಸಿಕ ಶಕ್ತಿಗಳು.