ಸದಸ್ಯ:Pavanbana123/ನನ್ನ ಪ್ರಯೋಗಪುಟ

ಭೋಗಾಯನ ಕೆರೆ

ಭೋಗಾಯನಕೆರೆಯು ಸುಬ್ರಹ್ಮಣ್ಯ-ಮಂಜೇಶ್ವರ ರಾಜ್ಯ ಹೆದ್ದಾರಿ ಮಾರ್ಗ ಮಧ್ಯೆ ಸುಬ್ರಹ್ಮಣ್ಯದಿಂದ ೧೨ ಕಿಲೋಮೀಟರ್ ದೂರದಲ್ಲಿ ಬರುವ ಬಳ್ಪ ಎಂಬಲ್ಲಿ ಕಾಣಸಿಗುತ್ತದೆ.ಇದು ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಇರುವಂತಹ ಹಲವಾರು ಕೆರೆಗಳಲ್ಲಿ ಇದೂ ಒಂದಾಗಿದೆ.ಅಂದಾಜು ೧.೪೦ ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ.

ಇತಿಹಾಸ

ತುಳುನಾಡಿನ ರಾಜ ಮನೆತನಗಳ ಗತವೈಭವದಲ್ಲಿ ಮೆರೆದ ಅಳುಪ, ಆಳರಸರು 1,200 ವರ್ಷಕ್ಕೂ ಹೆಚ್ಚು ಕಾಲ ಆಳಿದ ಬಳ್ಪ ಗ್ರಾಮದಲ್ಲಿದೆ ಈ ಕೆರೆ. ಪಾಂಡವರ ಕಾಲದಲ್ಲಿ ಈ ಕೆರೆ ಇತ್ತಂತೆ. ವಿಜಯನಗರ ರಾಜರಸುಗಳ ಪೈಕಿ ಭೋಜರಾಜ ಎನ್ನುವವರು ಈ ಕೆರೆ ಕಟ್ಟಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ವ್ಯಾಪ್ತಿ

ತನ್ನ ಸುತ್ತಮುತ್ತಲಿನ ಕೃಷಿ ಚಟುವಟಿಕೆಗಳಿಗೆ ನೀರನ್ನು ಒದಗಿಸುವ ಈ ಕೆರೆಯು ಸುಮಾರು ೧.೪೦ಎಕರೆ ಪ್ರದೇಶದಲ್ಲಿ ಹರಡಿಕೊಂಡು ಅಂದಾಜು ೨೫ ಅಡಿ ಅಳವನ್ನು ಒಳಗೊಂಡು ಇoದಿಗೂ ಸುತ್ತಮುತ್ತಲಿನ ಹಲವಾರು ಕುಟುಂಬಗಳಿಗೆ ನೀರನ್ನು ಒದಗಿಸುತ್ತದೆ.

ಪ್ರವಾಸಿತಾಣ

ಈ ಕೆರೆಯು ರಾಜ್ಯಹೆದ್ದಾರಿಯ ಬದಿಯಲ್ಲೇ ಕಾಣಸಿಗುವುದರಿಂದ ಪ್ರವಾಸಿಗರು ಪರಿಗಣಿಸಬಹುದಾಗಿದೆ. ಕೆರೆಯು ಹಲವಾರು ಜಲಚರಗಳಿಗೆ ವಾಸಸ್ಥಾನವಾಗಿದ್ದು ಹಾಗೂ ನಯನಮನೋಹರವಾದ ತಾವರೆಗಳು ಕಂಗೊಳಿಸುತ್ತವೆ ಮತ್ತು ಇದರ ಪಕ್ಕದಲ್ಲಿಯೇ ಶ್ರೀ ವಿಷ್ಣುಮೂರ್ತಿ ದೈವದ ಸ್ಥಾನವು ಇರುವುದು ಪ್ರವಾಸಿಗರನ್ನು ತನ್ನತ್ತ ಕೈಬೀಸಿ ಕರೆಯುತ್ತದೆ.