ಕ್ರೈಸ್ಟ್ ಯೂನಿವರ್ಸಿಟಿ: ಪರಿಷ್ಕರಣೆಗಳ ನಡುವಿನ ವ್ಯತ್ಯಾಸ

ಇದಷ್ಟೆ ಅಲ್ಲದೆ ೨೦೧೪ನೇ ಇಸವಿಯಲ್ಲಿ ಜನಪ್ರಿಯ ಆಂಗ್ಲ ವಾರಪತ್ರಿಕೆ ಇಂಡಿಯಾ ಟುಡೆ-ನೀಲ್ಸ್ ಸಂಸ್ಥೆ ದೇಶಾದ್ಯಂತ ವಿದ್ಯಾಸಂಸ್ಥೆಗಳ ಶೈಕ್ಷಣಿಕ ಗುಣಮಟ್ಟಕ್ಕೆ ಸಂಬಂಧ ಪಟ್ಟಂತೆ ನಡೆಸಿದ ಜಂಟಿ ಸಮೀಕ್ಷೆಯ ಪ್ರಕಾರ ಕ್ರೈಸ್ಟ್ ಯೂನಿವರ್ಸಿಟಿಯು ಬಿಬಿಎ (BBA) ಪದವಿ ಶಿಕ್ಷಣ ನೀಡುವ ಭಾರತದ ಎಲ್ಲಾ ಸಂಸ್ಥೆಗಳ ಪೈಕಿ ಅಗ್ರಗಣ್ಯ ಎಂದು ಘೋಷಿತವಾಯಿತು. ಹಾಗೆಯೆ ೨೦೧೫ರಲ್ಲಿ ಮಲಯಾಳ ಮನೊರಮ ಪ್ರಕಾಶನದಿಂದ ಪ್ರಕಟವಾಗುವ ಪ್ರಸಿದ್ಧ ಆಂಗ್ಲ ವಾರಪತ್ರಿಕೆ "ದ ವೀಕ್" ಮತ್ತು "ಹಂಸ" ಸಂಸ್ಥೆ ದೇಶಾದ್ಯಂತ ಜಂಟಿಯಾಗಿ ನಡೆಸಿದ ಸಮೀಕ್ಷೆಯ ವರದಿ ಪ್ರಕಾರ ಕ್ರೈಸ್ಟ್ ಯೂನಿವರ್ಸಿಟಿ ಕಲಾ ಕಾಲೇಜುಗಳ ಪೈಕಿ ೯ನೇ ಸ್ಥಾನದಲ್ಲಿ, ವಾಣಿಜ್ಯ ಕಾಲೇಜುಗಳ ಪೈಕಿ ೬ನೇ ಸ್ಥಾನದಲ್ಲಿ ಹಾಗು ವಿಜ್ನಾನ ಕಾಲೇಜುಗಳ ಪೈಕಿ ೮ನೇ ಸ್ಥಾನದಲ್ಲಿದೆ. ಇದಲ್ಲದೆ ದಕ್ಷಿಣ ವಲಯದಲ್ಲಿರುವ ಖಾಸಗಿ ಕಾನೂನು ಕಾಲೇಜುಗಳ ಪೈಕಿ ಕ್ರೈಸ್ಟ್ ಯೂನಿವರ್ಸಿಟಿಯ "ಸ್ಕೂಲ್ ಆಫ್ ಲಾ" ಅಗ್ರ ಸ್ಥಾನದಲ್ಲಿದ್ದು ಖಾಸಗಿ ಹೊಟೇಲ್ ಮ್ಯಾನೆಜ್ಮೆಂಟ್ ಕಾಲೇಜುಗಳ ಪೈಕಿ ೨ನೆ ಸ್ಥಾನದಲ್ಲಿದೆ. ಅಖಿಲ ಭಾರತೀಯ ಮಟ್ಟದಲ್ಲಿ ಖಾಸಗಿ ಹೊಟೇಲ್ ಮ್ಯಾನೆಜ್ಮೆಂಟ್ ಕಾಲೇಜುಗಳ ಪೈಕಿ ಕ್ರೈಸ್ಟ್ ಯೂನಿವರ್ಸಿಟಿಯು ೪ನೇ ಸ್ಥಾನದಲ್ಲಿದೆ.