ವಿಕಿಪೀಡಿಯ:ವಿಕಿಮೀಡಿಯ ಭಾರತ ವಾರ್ತಾಪತ್ರ

ಈ ಪುಟದಲ್ಲಿ ವಿಕಿಮೀಡಿಯ ಯೋಜನೆಗಳಾದ ವಿಕಿಪೀಡಿಯ, ವಿಕ್ಷನರಿ, ವಿಕಿ ಕೋಟ್, ವಿಕಿ ಸೋರ್ಸ್ ಮತ್ತು ವಿಕಿ ಬುಕ್ಸ್ ಯೋಜನೆಗಳ ಬಗ್ಗೆ ವಿಷಯಗಳನ್ನು ಸೇರಿಸಬಹುದು.

ಚಟುವಟಿಕೆಗಳು

ಡಿಸೆಂಬರ್ ೨೦೧೦ರಲ್ಲಿ ಕನ್ನಡ ವಿಕಿಪೀಡಿಯ ಸಭೆ ನಡೆಸಲಾಯಿತು. ಇದರಲ್ಲಿ ಸುಮಾರು ೩೦ ಜನರು ಭಾಗವಹಿಸಿದ್ದರು.
ಜನವರಿ ೯, ೨೦೧೧ರಂದು ಬೆಂಗಳೂರು ವಿಕಿಪೀಡಿಯವನ್ನು ಇಷ್ಟಪಡುತ್ತದೆ (Bangalore loves Wikipedia) ಹೆಸರಿನಲ್ಲಿ ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಿಂದ ಸ್ವಾತಂತ್ರ್ಯ ಉದ್ಯಾನದವರೆಗಿನ ವಿವಿಧ ಸ್ಥಳಗಳ ಚಿತ್ರಗಳನ್ನು ಸೆರೆಹಿಡಿದು ವಿಕಿಮೀಡಿಯ ಕಣಜವಾದ ಕಾಮನ್ಸ್‌ಗೆ ಸೇರಿಸುವ ಕೆಲಸವನ್ನು ಮಾಡಲಾಯಿತು.
ಜನವರಿ ೧೫, ೨೦೧೧ರಂದು ಬೆಂಗಳೂರಿನಲ್ಲಿ ವಿಕಿಪೀಡಿಯದ ದಶವಾರ್ಷಿಕೋತ್ಸವವನ್ನು ಹಮ್ಮಿಕೊಳ್ಳಲಾಗಿತ್ತು. ಇದರಲ್ಲಿ ಕನ್ನಡ ಭಾಷೆಯಲ್ಲಿರುವ ವಿಕಿಮೀಡಿಯ ಯೋಜನೆಗಳ ಕುರಿತು ಕೂಡ ಚರ್ಚೆ ನಡೆಯಿತು.
ಜನವರಿ ೧೬, ೨೦೧೧ರಂದು ಮೈಸೂರಿನಲ್ಲಿ ವಿಕಿಪೀಡಿಯದ ದಶವಾರ್ಷಿಕೋತ್ಸವವನ್ನು ಹಮ್ಮಿಕೊಳ್ಳಲಾಗಿತ್ತು.
ಫೆಬ್ರುವರಿ ೫, ೨೦೧೧ರಂದು ಬೆಂಗಳೂರು ವಿಕಿಪೀಡಿಯವನ್ನು ಇಷ್ಟಪಡುತ್ತದೆ (Bangalore loves Wikipedia) ಹೆಸರಿನಲ್ಲಿ ಬೆಂಗಳೂರಿನ ಬಸವನಗುಡಿಯ ವಿವಿಧ ಸ್ಥಳಗಳ ಚಿತ್ರಗಳನ್ನು ಸೆರೆಹಿಡಿದು ವಿಕಿಮೀಡಿಯ ಕಣಜವಾದ ಕಾಮನ್ಸ್‌ಗೆ ಸೇರಿಸುವ ಕೆಲಸವನ್ನು ಮಾಡಲಾಯಿತು.

ವಿಕಿಪೀಡಿಯ

ಡಿಸೆಂಬರ್ ೨೦೧೦ರಲ್ಲಿ ಕನ್ನಡದಲ್ಲಿ ನೇರವಾಗಿ ಬರೆಯುವ ಸೌಲಭ್ಯವನ್ನು ಉತ್ತಮಪಡಿಸಲಾಯಿತು.
ಕನ್ನಡ ವಿಕಿಪೀಡಿಯವನ್ನು ಸಂಪೂರ್ಣ ಕನ್ನಡ ಲಿಪಿಯಲ್ಲಿ ಕಾಣುವಂತೆ ಮಾಡಲು, ಸಂಖ್ಯಾ ಪಟ್ಟಿಗಳಲ್ಲಿ (ordered list) ಕನ್ನಡ ಬರುವಂತೆ CSS ಬದಲಾಯಿಸಲಾಯಿತು (ಸದ್ಯಕ್ಕೆ ಇದು ಮೊಜಿಲ್ಲಾ ಫೈರ್‌ಫಾಕ್ಸ್‌ನಲ್ಲಿ ಮಾತ್ರ ಲಭ್ಯವಿದೆ). ಹೀಗೆ ಬದಲಾವಣೆ ಹೊಂದಿರುವ ಪ್ರಥಮ ಭಾರತೀಯ ಭಾಷೆ ಕನ್ನಡ.
ಕನ್ನಡ ವಿಕಿಪೀಡಿಯವು ಜನವರಿ ೧೫ ರಂದು ೧೦,೦೦೦ ಲೇಖನಗಳ ಗಡಿ ದಾಟಿತು.

ವಿಕ್ಷನರಿ

ಕನ್ನಡ ವಿಕ್ಷನರಿಯು ಜುಲೈ ೧೯, ೨೦೧೧ರಂದು ಒಂದು ಲಕ್ಷ ಪದಗಳ ಗಡಿಯನ್ನು ದಾಟಿತು. ಒಂದು ಲಕ್ಷಕ್ಕೂ ಹೆಚ್ಚಿನ ಪದಗಳನ್ನು ಹೊಂದಿರುವ ವಿಕ್ಷನರಿಗಳಲ್ಲಿ ಕನ್ನಡವು ಜಗತ್ತಿನ ೨೨ನೆಯ ಮತ್ತು ಭಾರತೀಯ ಭಾಷೆಗಳಲ್ಲಿ ತಮಿಳಿನ ನಂತರದ ಸ್ಥಾನದಲ್ಲಿದೆ.

ವಿಕಿಕೋಟ್

ವಿಕಿಕೋಟ್‌ನಲ್ಲಿ ನೇರವಾಗಿ ಕನ್ನಡದಲ್ಲಿ ಬರೆಯುವ ಸೌಲಭ್ಯ ಒದಗಿಸಲಾಗಿದೆ.
ವಿಕಿಕೋಟ್‌ನಲ್ಲಿ ಹೆಚ್ಚಿನ ಚಟುವಟಿಕೆಗಳು ನಡೆದಿಲ್ಲವಾದರೂ ಹಲವು ಉತ್ತರ ಕನ್ನಡ ಗಾದೆಗಳು ಮತ್ತು ಕೆಲವು ಪ್ರಸಿದ್ಧ ಕವಿಗಳ, ಚಲನಚಿತ್ರಗಳ ಉಕ್ತಿಗಳನ್ನು ಸೇರಿಸಲಾಗಿದೆ.

ವಿಕಿಸೋರ್ಸ್

ವಿಕಿಸೋರ್ಸ್‌ನಲ್ಲಿ ಹೆಚ್ಚಿನ ಚಟುವಟಿಕೆಗಳು ನಡೆದಿಲ್ಲವಾದರೂ ಭಗವದ್ಗೀತೆಯ ಹಲವು ಅಧ್ಯಾಯಗಳನ್ನು ವಿಕಿಪೀಡಿಯದಿಂದ ವಿಕಿಸೋರ್ಸ್‌ಗೆ ಸ್ಥಳಾಂತರಿಸಲಾಗಿದೆ.

ವಿಕಿ ಬುಕ್ಸ್

ವಿಕಿಬುಕ್ಸ್‌ನಲ್ಲಿ ಯಾವುದೇ ಚಟುವಟಿಕೆ ನಡೆದಿಲ್ಲ. ಕನ್ನಡದಲ್ಲಿರುವ ಅನೇಕ ಪುಸ್ತಕಗಳನ್ನು ಇಲ್ಲಿಗೆ ಸೇರಿಸುವ ಕೆಲಸ ನಡೆಯಬೇಕಿದೆ.

ಇತರೆ ಚಟುವಟಿಕೆಗಳು

ವಿಕಿಮೀಡಿಯ ಮೊಬೈಲ್ ಇಂಟರ್‌ಫೇಸ್ ಮತ್ತು ವಿಕಿರೀಡರ್ಗೆ ಬೇಕಾದ ಕನ್ನಡ ಅನುವಾದಗಳು ಸಂಪೂರ್ಣಗೊಂಡಿವೆ.

ಹಿಂದಿನ ಸಂಪುಟಗಳು

೨೦೧೧-೦೫-೨೬